Cherish 13

(i)

31-3-2020

三月的炒賣終於完了.

埋單計數, 是兩年來輸得最仆街的一個月.

可能鋪鋪 gap down 都好鬼甘,  來到這兩日短炒亦吾順手, 反而冇咩感覺.

自己也slow down trading.

學費也不是全白交的,  現在做swing trading 會比以前好一點.

即巿短炒 , swing trading 是兩樣野嚟,  mindset 截然不同.

多一門技能, 人才會鎮定些吧.

四月要加油.



不過,  首先要做多些運動.

不要看了youtube 睇人做就當自己做左.

但係, 你不會嗎?

看youtube HIIT, 齋睇已有點氣喘.

(嗱, 今次係睇男人教學, 咪以為我搵到著比堅尼的年輕鬼妹示範腿張開, 所以才睇到氣喘...)


(ii)

31-3-2020

旅遊達人用分身自己讚自己. (其實佢個CV 咁好,  吾做呢啲野, 都可以堂堂正正做leading KOL啦)

成為了面書的恥笑談資.

我有兩個fb , 兩個ig, 用作不同用途, 主要是filter 不同的news feed, 鬼叫fb/ ig 的post display algorithm 'recent' 並不是真的'recent', 以至好間吾中多口留言時評又驚俾五毛煩.

但都是屬於cd rom 居多, 少出post 或留言.


自己like 自己?

是試過的,  一年前還會寫看劇筆記, 便開了冇人睇的 fb page 帖文, 自己like 自己.

依家那個page 疊埋啦.

我都冇戲睇, 亦沒有精神去亂彈人地.

睇完咪算囉.

都化了.



自己同自己講野, 反而有很多.

譬如這裡, 以及微博係到嘈生曬炒股不順, 但只顯得我只愛蠅頭小利短視之至的事.


(iii)

2-4-2020

吾知幾時先可以戒甩呢樣野呢?

沽低, 買得少就覺得自己的技術水平差, 要提高.

見到美股又跌過仆街,  又覺得自己其實都吾太差,  AAPL 收241, 我大前日250買, 255 咁上下沽, 比上不足, 比下有餘.

巿場 啲tech analysis 開始準番啲.

侵侵做死人冧樓的 expectation management,  估最終死少一半又點.

但仲未諗到點炒.


美股指數變spike weekly ying bar,  又淡過, 但又吾知幾淡.

港股, 咪鬼睇指數, 要睇個feel , 睇國指好啲.

成隻5 號仔係到, 整亂曬啲pattern.

未來一兩個月,  恒指調整權重比重,  又逼人全世界買匯控沽騰訊架啦...都痴線架.


-----------

911 死了近三千人, 已可開戰.

現在若入中國數...

唉...


(iv)

2-4-2020

今天再買了少少貨過夜,  冇乜利潤做cushion 那隻.

自己從來不愛炒油相關的,  覺得油價相關的, 都是賊竇, 成班大賊自己圍埋作劇本食大茶飯舞高舞油價.


LK, initial claims,  侵侵打電話...

好似過山車咁...

未到收巿, 都吾知美股升定跌.

可以做的, 只是計住最多穿咩位就剪, expected loss 係幾多.

如果頂得順, 就訓覺,  頂吾順, 都要訓.

現在十二點,  感覺美股彈還彈, 會 ignore initial claims , 但又吾似第一次300 萬, 咁積極挾番上去.

大家都審慎左好多.

中文叫,  中庸.


(v)

5-4-2020

宅在家的日子,  網上有許多免費的舞台劇錄像.

一僕二主, NT live,  自己看了一會兒, 就覺得悶, 沒有意慾看下去.

讓我愛一次,  許多年前便在大會堂看過錄像. 原來都很多年了.

三姊妹, Red Torch Theatre 俄羅斯版, 個導演Timofey Kulyabin 係癲既, 全劇用手語, 反映劇裡的角色的聲音被消聲..., 知道idea就夠.

飛帶看了一陣,  其實感覺其實都幾Ivo Van Hove.


Only the Brave,  水準一般,  穩穩陣陣,  Caroline Sheen 及其他都唱得, 整體演員水平不錯. 這個時勢, 自然有政治目的, call for national unity.  但人地有文化, 總比沒文化, 搵件紙紮公仔唱方舟神曲好.


Andrew Lloyd Webber, 佢啲野, 從來不是自己杯茶, 所以自己同中女港女溝通吾到, 係正常的.


夫妻的世界,  Hyena 都有飛帶式看了一會.

兩個 50 幾歲的老女人, 點解都可以咁索.

btw , 電視劇和咸片的分別是,  電視劇裡, 女人穿的吊帶睡裙, 係床事前戲裡, 男人無論點撥弄點樣情慾愛撫, 條吊帶都係點都吾會滑下來.

現實裡, 有可能嗎?


(vi)

5-4-2020

忽然記起很多年前, 自己對一個人, 做了一件很過份的事.

現在還是感到很窘, 很尷尬, 臉上有點熱燙燙.

時間不能重來, 也不能挽回.

都這麼多年了,  所以, 現在也不會再去想道歉甚麼了.

記住錯誤, 記住教訓,  不想再提, 也不要再犯 (有機會, 有可能遇到這類人嗎? 真的, 不會了, 我更愛自己),  已是" 對這個世界作出過一點貢獻".



(vii)

11-4-2020

有乜野仲可以炒呢?

是現時自己會諗的問題.

炒今年10 月, 11月的產房預訂?

相關概念係陪月,  進口奶粉如牛欄牌.

產房炒到11月就好喇.

12月應該會回落.

日日困在家對住同一條女,  邊個男人會可以持續三個月興奮?

條女都嫌你阻住曬, 快啲啦, 要睇玄彬...



炒定三年後幼稚園學位?

有朋友近日在呻, 視頻小學面試.

表演唱歌跳舞吾收,  要拍教種植物, 行山, 屋企天台砌韆鞦...

嗱, 朋友話, 樓下公園的韆鞦吾入圍, 要屋企天台呀吓...

即買樓吾止要買幾千萬的,  仲要買頂樓連天台嗰隻先得.

要不然, 西貢獨立屋有花園嗰啲囉.

好痴線.



想來,  她的孩子現在又多大了?


(viii)

11-4-2020

長假期, 是調整喘氣的機會.

三月以來, 吾係人過的日子.

發覺這兩天仍改不了晚上睡不好的問題.

二三個小時便會醒一會.

經過很多天, 又港股又美股的日子後.

是錯誤有問題的, 被巿場牽著走.

(ix)

11-4-2020

還記得當年家庭保衛隊, 嫌個戲名老土, 沒有在大會堂播錄像時去看.

想不到今晚看網上錄像, 卻發覺自己很喜愛這齣音樂劇.

當年, 是錯過了.



開場不久, 見到嫲嫲出場,  便嚇到自己差一點從椅上彈起來.

差一點以為看到了"放棄了自己" 版的她.

她上台做戲呀!!!!!!!!!

秦可凡外貌輪廓有點似她.

她老了, 六十多近七十歲時, 會是這樣子嗎?

(看了秦的訪問, 佢性格都幾"啃" 好硬淨架喎,  神態有點似,  難怪會令我有一瞬的錯覺)

如果她現在變成演員, 應該會演金喜愛的角色, 在夫妻的世界裡件吊帶睡衣點都吾會滑落, 向外遇的丈夫報仇, 大show演技.

想來, 從前如無聊地幻想她做演員, 只想她扮樹, 要做神奇女俠,  現在則只想她有發揮, 火辣一點也不打緊 (講真, 又吾關我事) , 是自己釋懷, 放過自己的證據吧.


看到師奶媽媽出場時,  個個留言都叫阿寶. (另一個女主角, 馮蔚衡, 我仲認到卦, 我覺得兩個差吾多樣...)

叫得出的都是上了年紀的觀眾.

自己年資尚淺, 還不知道為甚麼佢咁紅和受歡迎.



故事有點低B,  道具視覺效果現在看來很山寨簡陋, 但訊息很溫暖和有人味,  有點似導演很後期的脫皮爸爸.

雖然天馬行空荒誕,  很多食字和爛gag,  但其實一點也不馬虎亂來.

角色很具體鮮明, 台詞對白內裡很認真,  例如, 馮的角色開始從加拿大回來之前, 跟幫傭要求說對不起, 對姪兒也要求說對不起,  其實構建於當年對嫲嫲/ 墮胎, 自責的心結.

歌詞廣東口語化, 炸菜肉絲麵,  看似巿井,  但卻親切貼地, 我挺喜歡的.

諧固然有, 但開首秦周對唱的那一闕, 卻提示成個製作的歌詞, 其實可莊可諧, 只是選擇.



人不可以沒有夢.


我會俾看外國劇團的價錢, 看這種質素的香港音樂劇演出.

真心覺得,  呢啲好過Andrew 乜乜嗰的多多聲.

怎麼現在的本地音樂劇做不到以前的水準呢?

四川好人都是舊劇目.

新的如first date 呢啲被本地化改爛左,  對白和歌詞都不好,  令成個演出不好看的.


不過, 演出是很難重演吧.

至少, 要改動部分台詞才能不得罪任何一方.

爺爺墮樓,  死因" 無可疑".

齋係呢個,  在現今已成sound bite .

"差佬又吾做野, 搵條屍搵三個月都仲未搵到",  邱騰華呢啲仆街又衝出來屌了....


(x)

13-4-2020

明天開巿, 今天自然要收拾心情.

放假前, 日日睇worldometer數據,  自己賭呢幾日美國確診數目進一步放緩,  咁都算中既.

但開出來卻不是這麼一回事, 只能平常心了.

今星期很多美國銀行股放榜.


說起放榜,  現在的考生好慘.

吾止會考,  職業試/資格試都係.

腦裡塞死曬考完後無撚用的知識.

好傷腦, 又很浪費人生.


但係, 吾考試, 點會製造足夠的ceiling / barrier 呢?

社會的運作本質係咁.


(xi)

13-4-2020

午間, 鼠了出去吃頓好一點的.

不待自己先好一點,  今晚開始, 又點挨下去?

明吾明? 呢啲叫,   先甜後再落地獄.



星期五晚被shaked out , 今晚少左一樣野煩, 再等過機會, 已是獎勵.

雖然 no pain no gain,  最好吾好啦.


relaxed,  焦慮吾會令我發達.


(xii)

13-4-2020

看了TG group 轉載的朱柏康在line 的訪問,  才知道佢原來吾係gay的.

(咁咪剩番梁祖堯湯駿業?! gay 吾gay 其實冇乜野, 我只100% 無聊...)

冇呀,  佢同羅韋莎玩到好埋, 後者老公完全吾介意.

"你膚淺!!! 你滿腦就淨係諗到呢啲野...思想好狹窄,  你冇朋友架..."

"呀...係架...以後吾好咁諗野,  開多個 lens 去睇世界發生的事囉. 以後做好啲. 過去只能由它過去."


(xiii)

13-4-2020

不算追得很貼夫婦的世界.

不過, 我睇演員角色都估到, 將來二奶變正室那條女的富商爸爸, 在未來的集數裡, 一定向正室作出攻擊!!!

那個男演員的戲路是擅演智慧型陰陰濕濕的奸角, (當然去到尾聲就智商變到40 啦, 吾係個劇集點埋尾).

你睇過Vagabond, Hyena 就知道的了.

我如果仲會溝女, 溝件鍾意睇韓劇就掂曬.

(白痴...邊個睇電視鍾意被人劇透架....)

( 係喎...)


------------

看了濱崎步早年的演唱會限時播放.

只覺得歲月不饒人,  佢被剝削到五癆七傷,  現在年紀大了,  怎都遮掩不了.

邊有女人駝住個B 去開巡迴唱演唱會, 生完吾夠半年又唱過?

現在的佢和十年前的佢, 差好遠的, 神采.


日本的演唱會大概是做tour 的關係,  舞台設計變化並不大,   也沒有香港紅館那些咁勁的舞台設計,  容小姐果啲簡直係master piece.

早幾日, 看日韓整容派系的分別,  日本是微調,  注意本身輪廓的特色作出修整, 後者則是倒模.

咁結果, 當然是去日本整果啲是貴啲, 出名的醫生也多些.

濱崎步真的整到好吾同樣.

從前的佢, 靚好多.

Cherish 12

(i)

21-3-2020


今早一起身, 見到咁,  灰過火山灰.

如無奇蹟,  星期一開巿, 又是等收屍的日子.

嗯, 又睇錯巿, 信錯技術分析訊號, 只能說, 疫情的不可預測性, 令技術分析很易瀨野.


你當然會話, 呢個月每次都係升一日咁大把,  你星期五仲加注抵撚你死啦.

咁吾搏, 點會有 reward.  weekly chart , stc (slow) ,  price level , bollinger band  一大推的訊號都係吾係冇得諗果隻喇喎.


以為可以死貓彈多一彈, 係呀, 我未信個巿見底, 只係信短期斬倉沽壓細番啲,  點知個巿未死貓彈, 我卻又仆街行先, 做左leading indicator.

星期三下午至星期四早上十一點前的跌法,  是讓人絕望的跌法, 完全沒有主動買盤搏反彈.

一到有, 便好勁.


近來, 陸續有人講,  有錢富戶輸很多, 要斬倉止蝕.

今早和朋友食早餐,  佢都話佢男友做投行, 呢排很多客輸仆街要斬倉.

雖然現在應吾多人買accumulator , 我斷估啫,  但買ELN 都死啦, 當然呢個亦係自己斷估.


到現在, 都不知那裡找到ELN 的倉位資料.

實有人知, 只不過吾輪到我知啫, 正如700 周四反彈的位, 便是斬落去牛證街貨量最大的價位.

資訊不對稱, 再抱怨下去都沒意思.


想來,  不知叫客買 ELN, high yield note  的人, 最近兩周日子過得如何?

總有許多輸打贏要的客吧.

到期收10厘20 厘息係佢聰明,  到被逼接貨就係銀行呃佢造佢世界.

但一月頭, 啱啱sign 完trade deal , 除了內幕班友, 點估到跟手有咁大鑊的野發生.

(實有啦, 事後孔明, A 股一月上旬啲走勢...)

就算個客冇嘈, 但若輸很甘, 將來邊到仲有咁多錢去幫襯?



朋友說, 佢做藥的公司都放無薪假, 變相減了一成多的薪金.

佢倒不擔心被裁員, 畢竟個老闆若係勁仆街的人, 就越難炒一個跟得佢耐的秘書.

 巿道真的好差.

人人日子都過得不容易.



想來, 已有一年多沒有跟這位朋友坐低食野傾閒計.

有些生分見外, 但感覺還好, 大概還可以修補的.

現在, 好過以前勉強自己去跟佢啲朋友食飯, 佢啲朋友啫, 吾係我的.

睇我吾順眼, 我做乜要應酬佢地啫.


------------

呢兩日在等收屍的日子.

感覺當然苦悶, 吾開心.

如若 "怨天怨地, 屌乜屌物",  自己都很厭那樣子, 雖然我不是甚麼EQ高的人.

收拾清理下房間, 在房裡做些簡易運動, 算是正面一點去面對吧.



嗯,  表面上, 在IG 貼上, 執房後,  "吖, 原來我都有好多威士忌未飲".

實際上, " 我屌, 我坐張aeron chair  好撚多塵, 用布一抹, 成地都係黑塵灰...".


做plank 時, 頂住, 頂住, 再頂住...

自己都覺得自己挺勵志的.


(ii)

22-3-2020

這兩天, 看了兩個網上錄像演出.

失禮死人, 其實幾好喎, 劇本, 算係咁啦, 所以當年亦才拿獎吧.


------

也看了黃子華的金盆啷口的網上售票版.

懷念香港舊日的好日子, 多元矛盾和包容.

OK 啦, 自己有少少覺得悶.

開始好看, 有意思的, 和許多人一樣,  也是" 面斥不雅" 那一段.

兩年前的演出, 現在再看這一段,  感受更深.

 現在黑警高官趨炎附勢者, 無恥賤格的程度,  怎都不是"面斥不雅"那程度可形容. 彷彿, 那些人統統都變了連城訣裡, 撕破了臉的花鐵幹, 戚長發.

所以,黃子華當時啷口卻是很正確的決定.

佢現在講乜都死, 根本極難再做talk show.

就像兩月前佢拍的戲.

戲係爛片,  但亦無需要講到佢係乜乜乜.

----------

若看天氣好的話,    感覺似看川劇,  我女朋友變臉變得太厲害, 我都頂佢吾順.

所以, 現實裡, 我都係吾會有女朋友吧.

一個女人落妝前後, 咪一樣係變臉.

拍過拖的,  日日都有機會看" 表演".



所以, 我還是挺懷念以前會想追的女子們.

她們都是真材實料的, 無添加.

淡妝素顏都很美.


 (iii)

22-3-2020

會不會, 驚吾驚打仗?

開始多人講, 林行止今周初都有提及這個可能性, 但排除了世界大戰的可能, 因為中國冇真心盟友.

中國美國近來都把疫情的輿論壓力往外推,  都是別國傳來, 都是對方蓄意造成,   自身是受害者.

現在只差在,  美國會不會製造證據, 像打伊拉克咁, 順勢開戰.

吾識歷史都知歷史上出現過許多單近乎莫需有的藉口而打仗的戰爭.

美國佬吾惹得,  佢地覺得白種或者黑人條命係好矜貴的.


(iv)

22-3-2020

現在才留意到,  Matilda 澳門演出取消.

我真係跟這齣戲無緣.



不知倫敦生活又如何?

剛過去星期二,  記錯了日子, 晚上去了中環打算看.

進入戲院後, 才被告知是星期三, 被戲院請了出來, 白行一趟.

來到星期三,  炒到很疲倦, 再想到上星期看雷曼三部曲, 成班鬼佬圍在隔離吹水, 進場後飲野食野...

這樣子, 他們戴不戴口罩有分別嗎?

跟預期中戲院全場一直戴口罩完全兩回事.



還是算了, 不去了.

事隔一天, 當有take 2 的時候, 總算做回一個正確的決定.

不要做那些自己討厭的自私鬼, 為左吾捨得兩舊水而累街坊.


--------

沒有能力, 也沒辦法解決, 是不是就不用去想呢?

感情方面, 當然是這樣子.

不過, 自己的腦子又不是腦殘到只能想那些.

我會想到現在歐美亞洲比較富裕的國家立立亂, 昨收到宣明會最近的助養兒童近況單張, 不由得去想, 那些窮國的日子更加難過.

沒財政儲備, 沒有夠牙力的政府印銀紙代為出糧, 志願機構運作亦大受影響,  那些窮國吾係賣石油之類原材料, 就是咖啡香蕉等農作物, 現在要不是賣不出, 就是物賤傷人.

直覺是, 第三世界因為疫情餓死, 病死的人, 會比歐美亞加起上的更多.

若想不到這裡, 人無知, 是不是會好過一點?


(V)

29-3-2020

星期一打完靶重傷, 還未回氣, 就挾挾挾...

只能無奈, 點解買左ATM, 最衰的那隻, 執行紀律剪錯左.

節奏亂曬.

星期四晚炒美股,  一開巿無耐衝入去,  翌日五點幾看交易帳戶, 仲會好開心floating profit 有幾千蚊.

天有不測之風雲, 到早上十點幾知已知瀨瀨地野.  晚上美股開巿, 走鬼咁走左先, 淨番兩百蚊...我根本是混桔的.

點樣坐定啲呢?

但好難囉.

take it easy , 吾使輸已好好.

正撚樣是很重要的, 這時勢.

心態好重要, 要提醒自己一百萬次.


今星期一個巿應該gap down , 但今次終於吾關我事. 跳起yeah!

吾隨便put 啦, 吾係早前咁淡, 沽壓和panic 係好明顯細左.

官方PMI 應該二月衰到貼地後, 彈一彈.

-----------

終於退到早前澳門舞台劇的退款了.

原來張信用卡吾見左,  早前簽落的卡數, 仍會沿舊信用卡退款.

所以你要自己去銀行提出確認, 銀行先會把款項回撥落新卡到, 不會自動撥入的.

否則, 即使退款已辦理, 從劇團方面回撥,  錢仍會一直卡在銀行那裡.

好彩用渣打啫,  登入網頁版有個網上客服, 應該冇乜人用, 挺方便又便捷.

吾使打電話咁打十九幾廿萬次都未知打去邊到搞, 報失又吾係, 提高轉帳額又吾係, 1, 2,3, 4, 5, 7,8, 9, 0 個個數目字, 手禁到傻, 都未搵到人搞.

台北那張飛又要搞過.


----------

22 歲的八婆賤人吾戴口罩驗血, 結果差啲累死人.

是那個賤人因為天生賤格, 所以物以類聚, 才去做黑警,  還是黑警的環境污染了佢.

22 歲咋喎, 性格應該還未污染到變 old seafood , 完全定了型.

所以我還是傾向相信黑警的工作環境令在那裡工作的人都變了冚家鏟.

---------

內地出口的驗測劑, 吾止一個國家屌九佢話啲準確率好低.

咁...零新增感染, 係咪真係零, 特別是佢的有病人數計法本身已有問題.

吾會又嚟黑天鵝吖嘛.

但今次, 可能真係當六四, 當睇吾到, 當冇事, 冇發生過.

咁點炒股票?

諗多左又死, 吾諗又會死.

見步行步.

吾好再訓身.

------------

昨看了找個人陪我上火星錄像.

係囉,  陳麗嫏 做得好過區嘉雯好多,  又唱得, 啱佢演多些,  歐嘉雯當時演到把聲真係好難頂的, 高音悵雞難頂是兩回事.

我幾記仇, 2013 年看過的, 都仲記得.

劉守正當時把聲, 冇現在咁太監feel?! 冇咁練住...

可能佢仲未從都是龍袍惹的禍的角色中脫離.

-------------

天氣熱, 昨腦海裡, 忽然想起早幾年有一次在劇場裡遇到她.

她穿了一件有點透的白色裇衫, 內裡一件吊帶襯衣.

通街啲女都係咁著, 仲暴露, 整埋大大條事業線都有.

不過, 我就是只會記下她若隱若現的吊帶性感裝束.

男人都是愛看穿吊帶的.


(vi)

29-3-2020

朋友的兒子今天從英國回來.

是的, 回來後, 要隔離14 日.

所以, 朋友現在要到酒店住, 留番間屋俾個仔宅.

畢竟, 吾係每個屋企都有幾個廁所的.


另一位上周則慶幸內地開始解封,  把老婆女兒送回內地.

佢話, 呢個多月, 老婆女兒擠在香港狹窄的家, 令佢私人空間和時間大受剝削, 很不自由.

不知道, 如果佢知道內地的檢疫好似啲驗測劑咁流,  一旦大吉利是, 會不會後悔?


結左婚, 有了小朋友的, 吾代表真係想要有.

在那時候, 只是人結我結, 社會俗成某個階段做某樣野.

卻忘記了那是責任, 承諾, 更重要是愛和無條件.



嗯, 就係咁囉,  吾通又開始講自己咩, 咪又係三幅被,  好煩.


(vii)

29-3-2020

我終於失守放棄了...

吾係戒睇四仔, 雖然冇乜好睇, 主要八卦看啲人鍾意睇乜.

(其實AV 對我來講, 最好睇係睇啲人既性幻想想像力和創作力, 反而啲女反咪又係咁.)

(將來我想做AV 入行, 都吾會揀童貞男系列架啦, 撞鬼咩, 見到個靚女, 因為我係童貞, 結果俾另一個男優挾了條女去第二度....close up 大特寫我有幾廢和無能...)

( 依家好似成個日本剩番一條女拍AV 咁, 來來去去都係深田X 美,  深X詠Y ...)


講番正題, 我今星期終於放棄煎蛋火腿, 腿仔做一星期的早餐了.

雖然, 我睇YOUTUBE 學識左, 煎隻靚靚太陽蛋的秘密是下蛋落鑊超細火後, 要加少少水和冚蓋, 先會有靚靚的蛋白狀,  但係洗野真係好煩.

我都係食番麵包算.

另外, 我基本上已變成759 罐頭魚試食專員,  日本碗麵試食員.

唉...食到厭.

啲罐頭魚都OK 既, 所以吾使買太貴的碗麵, 用罐頭魚送麵仲抵食.

但有中華字樣的, 就不要試了.


(viii)

30-3-2020

呢兩個月輸得甘, 是因為巿況, 以及在不合適的時間做不合適的交易策略.

多了做swing trading .

多了, 除了想拓闊自己的策略選項, 也是多了幫人炒賣股票.

幫人買, 自己吾買,  冇時間資源效益, 同埋, 自覺有點交待不了, 若輸了.

"我都輸呀..."  ( 吾係隨便拿你的資本來教飛, 我都輸理一份)


近來一同炒賣的戰友幫辦公室主人炒賣,  有贏有輸.

只是覺得, 佢炒油ETF 有點過火位了.

識鬼咩...坐在隔離咁多年, 點會吾知佢吾識.

純粹賭博.

幸好倉位不大.



寫下來, 是提醒自己, 不要過了那條界線.

逾過了, 就回不了來.

對別人的金錢管理的責任和道義.

Cherish 11

(i)

9-3-2020

大姐問我要不要airpods Pro.

人地送俾佢, 佢不用.

那當然卻之不恭.

不過, 自己方才拿來用後, 卻見到呢個...

見吾見到, "victor 的耳機."

撞鬼囉, 辦公室的老闆吾要, 給了我家姐, 家姐再給我.

吾係第幾手的問題, 因為很新淨, 完全未用過的.


我只是吾想, 但現在吾覺意又介入了佢地的相處.

(我知太多, 吾係好事. 這是很客觀的分析.)


btw, 結論係, 呢個airpods pro , 我係吾會退回的, 除非佢地要番.

但係, 我亦都吾會係辦公室拿出來用, 至少呢個月!!!


吾好睇嘛...

"送俾條女o既野, 條女轉手送俾其他人."



我成世溝吾到女, 鍾意仰望好似富士山咁高級數氣質和靈氣o既中女港女啫,  但我吾係ON 9  架!!!


將心比心, 假如我依家發神經送花去中女港女的辦公室,  條女收到後當然亳無喜悅, 同時佢亦開fb live 直播,  (吾會抖音卦?!)  ,  佢把呢紮99 枝粉紅玫瑰 ( 白菊好啲喎, 依家過左情人節,  清明近啲喎, 送白菊貼時節和新鮮啲) ,    98枝扔落垃圾桶 , 剩番1枝送俾reception 女同事,  我睇到, 點都會有點不自然啦.


btw, 今日大屠殺收到呢個玩具, 算係安慰獎吧.

啲聲真係好.

(ii)

10-3-2020

改了夏令後,  最遲要九時前回家.

變相生活作息全都要調整.

想食飯, 就要七點半前離開工作室, 所以不能收巿後慢慢做檢屍報告.

也沒時間去常去的日式飯堂吃很愛的牛肉飯, 八點半還是繁忙時間, 在人多地方除口罩, 自己感到有壓力.

不過也不是沒壞處的,  可以十一時許便收檔睡覺.

開後巿個半鐘, 若吾識炒,  望多一個鐘都係吾識炒, 吾會望多一個小時就有改變.

變相, 自己每天多了1小時的睡眠.

時間吾會變多出來的, 究竟, 我現在做少了甚麼呢?


-----------

近日臨睡前或會讀書,  現在讀 "文明與野蠻".

吾知點解, 腦海浮起這個九吾搭八的jargon.

https://en.wikipedia.org/wiki/Pareto_efficiency


嗯, 原來我曾經讀過碩士, 雖然讀得很差, 低空飛過畢業.

 碩士的經濟課 早就忘得一乾二淨

assumptions, constraints 其實是思辯的萬能keys.


------------

沙特同俄國佬突然來這一鑊甘,  搞到全球巿場雞飛狗走.

自己現在仍覺得是美國暗許沙特搵俄國佬開拖, 沙特也乘機壓制內部矛盾.

賣油錢少了? 關佢鬼事, 又吾可以直接入袋,  太公分錢時, 佢果分冇少就得.



自己當然瀨曬野, 但也不由得去想仲可以點衰法.


如果美國佬拆吾點疫情,  那就一定搵大陸出氣, 吾會俾後者好過.

太好過, 就會縮窄雙方實力的差距.

香港XX Act,  5G , 台灣, Phase I //II trade deal... 好多野玩.

藍絲太樂觀.

吾係香港出現乜乜情況, 而係美國佬需要咁, 所以才"見到"呢啲情況並付諸法案行動.


我知, 這些都很想當然的假設.

我跟網上無聊, 有個口就有opinion 的KOL 冇分別.


(iii)

11-3-2020

跟足自己的system , tech pattern 去做, 維尼熊去武漢, 真係有去搏...

A 股收day high...overnight , 雖然吾敢太進取.

結果...上午以為pullback, 點知真係死俾我睇.

今星期三個交易日, 炒即巿自己有些少贏, 但坐盤swing trading 慘烈.

深呼吸, 檢討,  冷靜,  再來.

我頂得順的.


(iv)

13-3-2020

朋友收到蛋糕了.

有點失望.

我和朋友都在懷念我細細個已搵佢訂蛋糕的整餅姨姨.

糖皮係吾食得架,  甜到瘋.

甘比係咪齋切吾會食, 打卡為主,  所以吾care?

另一樣是,  設計造型很行...冇忽似朋友的貓, 所以明顯沒看過給他們看的朋友的貓的模樣.

啲貓未玩過毛球啦.

你若問我, 我會覺得似東海堂,  聖安娜, 美心果啲.


也跟佢地說過是朋友生日, 不過現在個蛋糕, 連個名都冇.

不覺得值得俾tailor made 的溢價.

成件事, 只覺得店家冇用心, 很行.


希望下年會找到另一間好的吧.




btw, 朋友叫 姨姨 做 XX店的姐姐.

女人, 都愛互相傷害, 硬係叫對方做"姐姐".... 扮細.



(v)

14-3-2020

昨千幾點來回吾係野...

下午開巿, 挾到自己差啲爆血管, 隔了一個鐘, 全身仍然覺得很滾燙, 心跳仍很急促, 很有力咁跳.

幸好前晚見美股會中段突挾幾百點, 前日港股都試過咁,  中午前冇再做淡.

吾係跳樓都吾掂.

昨, 短炒贏到少少, 問題是在自己細膽, 波幅太撚大.



收巿前,  加回些少長倉過夜, 本來夜期升抽七百好開心, 至少吾使輸卦, 但中段倒插五百...

我又無曬表情.

訓醒才知美股最後15 分鐘狂抽....

我又想撞牆, 做乜頂吾住眼訓. (連續兩日三點幾醒過, 四點再訓, 晚上又好夜訓...)



講到自己係到就捕捉到成個升浪咁,  好似股評人咁勁咁,

但我港股都未做到啦, 我收皮啦.

情緒隨巿況起伏好大.

所以真的很累.

今周計數? 坐盤輸到hihi, 剪完又買, 跟住又俾fake tech signal 又剪過.

短炒贏少少,  但俾人搵把菜刀斬十幾刀, 貼番塊OK 膠布咁囉.

但日子總要過.


---------

做檢討時, 再次確認一件事.

輸錢係自己抵死,  衰在怕執輸, 蝕章.

你看周線圖, 好明顯啊, 呢幾個星期冇叫你買股票坐架.

但見到700 咁CHOK 法, 會心存僥倖, " 我吾貪心, 執10 蚊就走..."

結果走條毛咩.

譬如昨日, 低位抽成30 蚊咁滯... 又點會吾想心存僥倖, 貪婪, 想front run 個巿場?

等得來就冇30 蚊啦. ( 比喻啫, 我冇咁勁尋日做到)

"Greed is good."


(vi)

14-3-2020

申請了台北劇團演出的門票退款.

有沒有方法找到一點開心的事情狗嗡下?


(vii)

14-3-2020

看了The Leman Trilogy.

像是看了一間企業史,  也是美國經濟發展歷史濃縮.

演員超勁, 很有旗鼓相當相當的感覺.

如換了在香港, 潘燦良, 辛偉強, 高翰文吧.

舞台的set 是旋轉玻璃窗房, 就像置身一個摩天大樓的辦公室裡.

配以backdrop LED 屏幕配以相對的背景, 感覺背景波瀾壯闊, 但所有事也是發生在這一間辦公室裡.

演出裡, 主要配以鋼琴聲的配樂,  配得很好的, 認同中場休息裡播放的短片說它是第四位演員, set 了場景的tone, 也像commenting.

百多年歷史剪裁成現在, 自己對這樣的結果是滿意的, 覺得還抓到了這間企業的歷史和創辦人三代的生平撮要.

不過, 亦覺得餘韻未及潘惠森的親愛的胡雪巖.

嗯, 前者選裁歷史片段較好,  後者則餘韻悠長, 會令人記得更深刻些.

戲內提到wallstreet black thursday, 自己則剛經歷了新的black thursday, 感覺很不一樣.

當然, 前者的慘烈程度應多十幾倍, 時代進化, 現今的人膽色和定力比起近百年前強很多.

幻覺嚟啫.
------

其實,現在仍入戲院仍是高危.

我吾明點解要人戴口罩, 但仍會出售場內小吃和飲料.

散場後, 在渣打那頭先看到成堆年輕鬼妹, 吊帶衫, 有乳溝事業線的...索架.

全部都冇戴口罩, 我估奶罩都冇戴...對佢地的觀感霎時跌到去波大無腦的類別.

挑... 我吾希罕"目及" 呢啲女.

啲鬼佬真係吾知個死字點寫.

中環好危險.


但我下星期要看倫敦生活喎...

一張ON 9 地記憶錯誤, 以為網上買, 昨在戲院櫃枱都找不到買票紀錄的NT live 飛.


(viii)

15-3-2020


搞搞下,  現在自己會有四盒半口罩傍身.

不過, 自己還是繼續省著用.

還不捨得一天一個.

看街上多了人聚餐,  不怕搭枱.

搭笠也不戴口罩, 戴了也會講野, 逼其他人困獸鬥似的.

我會賭, 雖然冇乜運,  賭本地確診數字會有明顯反彈.

過年後還會去旅行的,  在防疫上, 基本上都是有點缺德和無知.

開始覺得, 疫情就算內地拆掂,  還要戴多兩三個月口罩.


炒china recovery first , 吾炒吾得, 只能驚住炒, 驚住坐盤.


(ix)

16-3-2020

看到有人搭升降機,  搭地鐵不戴口罩,  新聞說有人外遊回來確診並傳染給司機.

心裡都有很憤怒的感覺.

那些人應要受笞刑.

不懂得自愛, 自重,  若給予自由民主,  對其他人是一種災難, 也令人有錯覺" 威權獨裁" 政府是有必要和有合理性.