(i)
10-7-2022
早幾日, 訂了泰國kit kat , 是bp 版.
食落肚咪又係kit kat, 我好鍾意食咩? 我好少食零食, 雖然我吾食, 都已肥到要食代餐.
貪個kit kat 罐有 jisoo 卡通嘛? 係咪?
係.
我認.
順豐 + 國際郵寄 , 已貴過成包kit kat.
近來有點苦悶, 是亂消費的結果.
訂的時候, 想起數年前, 想對她好的時候, 在網上見到日本有snoopy kit kat 網購, 那時也訂了兩包回來.
不過訂得來, 已沒有機會捎給她了.
以前已覺得自己不擅長買這些零食/小禮物給別人, 所以會羨慕別人去旅行, 總會帶回一些漂亮/ 特別/ 精緻的手信的能力, 我都想做到這樣子, 能讓收到手信的人會"wow!" , 覺得被重視.
又係到懷緬追昔, 煩吾煩呢?
不是啊, 只是今次在訂的時候, 意識到是為自己, 不是想去討好他人.
原來已揭過去.
她早已有她的生活, 新一頁.
雖然, 今年我仍會記得捐錢去奧比斯拿收據.
(朴恩斌和她是同一天生日! 生得靚既女人, 都會同月同日生?!)
--------
有朋友說, 他已開始搬家, 準備和太太分居.
詳細還沒機會出來喝酒得知, 暫時只知關於移民步伐的分歧.
不是不想移, 只是不想現在就舉家移英.
旁人如我, 覺得有點可惜. 佢兩公婆性格其實有互補, 一好有計劃一滋油.
身為ISTJ-T 的我, 被人格分析講中, 好準. (btw, Jisoo INFJ-A)
The Gift of Loyalty
Logisticians usually end up with a smaller circle, but they consider that circle to represent a promise to be there for the people they care about, and Logisticians’ promises are not easily broken.
朋友不多下, 移民離婚都不少, 咁這個社會真的很多人移民和離婚.
年輕時, 自己也屬於被social norms 支配的類別, 要結婚, 生仔 etc, 若說沒曾因為lag behind 焦急, 那是說謊的.
現在, 也和很多lag behind 到車尾燈都早見不到的那類人一樣, 心態反而放鬆自在了, 某程度上, 也不想沾這些渾水.
吾講死never say never 的原因只因為, 你俾個李珠妍, 庭沼珉我, 我又會say no 咩.
---------
怎麼成日都覺得很容易累呢?
做多些運動有用嗎?
明天要繼續努力, 大家都在鬥快儲夠錢走難.
-------
雖近數月不會出沒在劇場, 但也偶爾出門看電影.
看了嬰兒轉運站.
名過其實的電影, 剪接麻麻, 特別是尾段洗衣店老板見女兒一幕.
IU 的形象太好, 所以總是投入不了其角色之中.
很典型的日式導演風格, 放在現在, 真的有點過時守舊的感覺.
除了這齣, 便沒有看其他了.
主要是, 周末日早上起不了床, 也不會去看Marvel.
電視劇則看了很多.
安娜fast fwd , 非常律師, 還魂 fast fwd , 美男堂 (其實只想看吳漣序, fast fwd X2 ) , 吳秀才 ( 咪俾我估中, 那個女孩的母親是吳秀才咁狗血), Link 盡情吃 fast fwd X4, 夏娃則完全沒意慾去看.
(ii)
25-7-2022
看youtube 時看到.
咁熟口面既, 個舞台set?
原來, 三年多前, 我曾看過藝術節的原裝版本.
好像當時看後印象模糊, 已不太記得情節了, 只是記得舞台的set.
如果我依家仲會入劇場, 我當然會揀金生的版本來看...我很膚淺的, 有明星抵好多.
https://www.youtube.com/watch?v=4xEj-xpNojw
對於金生被前女友害慘的不幸遭遇, 還是感到很惋惜.
--------
近來在youtube 看煮家男人Bob, 看人煮餸, 英國的生活.
頻道感覺應該是一個富三代的人開設.
沒貶意的, 我所指感覺是富三代, 是品味和養氣, 知道甚麼是靚野好野, 但亦不會因為物件的名氣而避重就輕, 一面倒吹噓, 是去到拎個LV 去街巿買餸也不肉赤那種.
陶傑那些是拍不出住 MEWS house 是甚麼一回事 (如有, 也應只會是很扮野的賣弄那些我不會, 亦未能fact check 的"知識").
雖然沒看劇, 但也留意到別人的觀後感.
沒看 "一個不能接受..." 似乎不是損失, 也就是今次直覺是對的, 伏開的組合(導演+ 演員) 就會繼續伏下去.
只是比較可惜未能看最後禮物.
唉...有飛先得架.
(iii)
28-7-2022
今晚歌迷會為偶像慶生團聚, 自己卻沒有參加.
一來累, 撞正美國議息.
二來, 群組內發起活動是 @ 人名, 但冇 @ 我 , 去不去.
怕尷尬, 面皮薄過乜的我, 當然不想出聲, 怕自己落吾到台.
畢竟, 以前都吾係未試過, 在一個現已疏遠的朋友圈裡, 近乎像被趕乞兒咁的對待, 很難堪.
類似的事, 被侮辱一次已夠, 再有類似情況若再重演, 只能怪自己了.
寫到這裡, 整理下來, 我也知道這樣的處理, 其實很不健康, 是錯方向.
疏遠的朋友圈子, 根源是他們不尊重自己, 解決方向應是不繼續待在那裡, 跟現在今晚的情況本質不相同, 不能兩者混為一談, 把以前不愉快的經歷套用在這裡.
下次, 下次不會怕面皮薄了.
-----------
這晚, 面書被LED 屏幕突然墜下壓傷舞蹈員洗板.
看了恐怖的事故視頻, 11 點幾都嚇到醒一醒.
CLS 的, 嗰班 SM team 是不是新嚟架?
冇可能人手威也拉動呢啲屏幕, 即一定機動操作拉動屏幕.
斷估機器故障, 都冇可能咁吾好彩就係偏偏呢一次卦?
就係真係吾好彩, 千萬分之一的機會.
下面有人走動, 掛住吾會輕盈的LED屏幕, 呢啲滑輪鋼索居然冇安全煞掣扣?!!!
所以, 今次的出事機會率, 係千萬分之一再乘以千萬分之一囉.
百分百人禍, to conclude.
凡外牆高空工作, 吊船又好, 甚至平時爬山, 都有呢啲煞停扣囉...
所以吾係新科技或會成本貴到仆街囉.
咁...我現在傾向相信, 做舞台工程班友仆街到吾整, 或HEA 到仆街囉.
"呢兩年行內手停口停, 轉行多, 青黃不接...." Sorry, 人命嚟架, 這狡辯不能接受.
(iv)
30-7-2022
看面書報道說, 那位舞蹈員手術後, 情況不是太樂觀.
性格屬悲觀負面的我心想, 如果要做結局判斷, 最差的情況是 "活下來, 但全身癱了", 那是生不如死, 置身處地, 我會選擇不如安樂死.
因為要面對將來, 要作很多" 應該是為身邊的人好, 但其實並非必然" 的選擇, 身邊的人也要作出抉擇.
比如, 他的女友. 在對方如果癱了後, 離去/不離去, 待事情過了幾年離去, 都是很現實的問題, 而女方事業正在上升, 也是公眾人物, 令抉擇再加一分艱難, 是只能默默做出, 但很困難向人坦白的選擇. (btw,旁人如我, 不能, 亦不應給予建議, 只能尊重)
只是隨便思考一會, 已覺得, 未來真的很艱難, 獲賠幾多錢也不會容易.
所以如果受了這樣的傷, 活下去是很大的勇氣, 也要對這世界很熱愛.
------------
遇到這種事故, 找"罪犯" 是常見的.
有人找花姐, 有人找魯生, 也有人張貼各製作公司名字, 只要是看似負責舞台有關的, 都貼出來, 即使沒法知道具體承包合約內容.
find someone to blame , 去渲洩情緒.
我有冇這情況呢? 都有些, 譬如, 日前都自以為內行的, 指責製作單位沒安裝安全扣草菅人命---那只是常理猜測, 應避免, 只是沒有如"指責花姐" , 連基本上常理都欠奉的程度罷了.
-----------
原來監製是佢, 是資深的, 早在偶像最後一次香港演唱會監製就係佢.
吾係新嚟, 是業內資深的.
但知道又點呢? 監製識工程架咩? 咁鬧法同鬧臨時頂上去的花姐有乜分別?
越是追貼報道, 也慢慢偏向相信缺乏處理男團演唱會經驗, 當作一般單人演唱會 (最簡單是評論都所說的升降台, 若只有一個歌手, 同時間只需管好1-2 個升降台, 12 條友, 未計dancers, 都最少都分成4台, 仲要4台同步, 是複雜好撚多的, 這是客觀必需承認), 工程人手卻跟不上, 忙中甩漏的結果.
話說回來, 香港的演唱會舞台設計其實一向好複雜的, 相比起外國巡迴演唱會, 睇下youtube 都知.
群體合作, 人人都需要 delegate responsibility, 若delegate 左又叉隻腳埋去仔細管, 是會出問題的.
只是, 若對方只以過往經驗去做, 但偏偏今次不適用, 最後交不到貨, 就會仆直.
做了幾十年人, 忽然間想到, 這些咪又係國王的新衣的問題,人人都知…但冇人會…而第一個撕破揭穿都冇好下場…,最後人人都心存僥倖…企業以至社會運作, 戰爭屠殺, 從來都係咁…
現在這樣搓波法, 大概, 最終是定性為" 不幸", 無人要刑事, 最多罰款, 停止參與製作了事.
(v)
31-7-2022
BP 終於出了comeback 先行曲, 有冇瘋狂咁loop YouTube?
有啊. 第一日, 我應loop 了50 , 60 次吧.
個MV OK 啦, 動畫技術幾好, 應該話比其他搵錢搵笨的kpop X game collab 有底線得多, 但場景動作設計冇乜新意, 睇幾次會開始悶, 是不會令粉絲在有得揀 (iTunes, Spotify 有得聽) , 會loop 這個vedio.
(出了MV 後, 我終於可以停玩PUBG, 一個好沉悶的遊戲, 我一跳降落傘就等被打靶死!!! 好無聊...啲玩家亦好暴戾)
第一次聽到中段時, 心諗, 咩事, Jisoo 唱的部分少到咁離奇, sooyaas 實會嘈到拆天啊.
幸好, 臨尾都有彩蛋式, " I ready for love ~~~" 和收尾壓軸式的bridge 部分, 唱的部份雖少但都搶眼.
BP 的MV 真係吾知點解會看上癮的.
也特別多十九youtubers 整條片想話俾人知佢的reaction. (我吾明點解有人會睇囉, 你會吾會想知我有幾鍾意BP 的MV ? "冇!!興!!趣!!" , 我都代你答埋啦...但痴線地, 呢啲片都會有幾萬views...@@!! )
睇得多, 我是連這些都察覺到. Love sick girls, 韓版和日版, 有幾幕係吾同的.
https://www.youtube.com/watch?v=dyRsYk0LyA8&list=OLAK5uy_k1kEJCk_CbtFpLGyIptQnnozpsTMyhiTA&index=5
https://www.youtube.com/watch?v=ds0fyCwym6o
出完單曲也就開始world 巡演, that means, Jisoo solo 無期.
唉...
以香港依家咁, 俾我都吾會安排有香港/澳門站啦, 訂了的機票, 器材, 場租, 酒店, 工作人員薪水, 睇班廢物撚樣去睇上面心情... 吾會啱數囉.
唉...
早幾日好似想復辦欖球賽, 咪痴線啦...得本地人睇既話, 蝕仆街機會大, 俾我吾會主辦囉.
BP 做明年做 world tour, 送佢地出韓國, 最開心應該係YG 的女團練習生吧. 雪櫃公司終於有時間安排佢地出道.
唉...想想BP 當初都被拖多幾年, 等2NE1下滑, 其實好慘 (好彩佢地4 個屋企本身都是中產above , 可以讓女兒"輸得起") , 也真的希望佢地能明年出道.
