8-8-2019
昨看了容小姐的演唱會. 視覺, 氣氛都一級的,
雖然唱live 冇鄭小姐第二場咁好, 也不及MV , 或者唱得太密, 少了保養, 又或者在MV 裡啲聲執得太勁.
可惜, 沒有唱想的長大, 悲觀生物學.
是跟三個朋友去, 都是女.
若不計遲到那些討厭事, 自己覺得還好的.
自己是時間緊張大師, 也是工作養成的習慣, 雖然我不戴手表好耐.
基本上每15 分鐘, 港股都會是新一局的短線方向.
例如即巿下跌 a while , say for more than 30 mins , 但turn out spike bottom yang bar in 15 mins chart, 下一枝燭是升, 並升穿spike bar的高位, 進一步反彈率有得搏好多.
三個人只有兩個識, 另一個是陌生的.
昨天是七夕喎, 係咪好開心呢? 有三條女陪你聽容小姐.
咪玩啦, 我連天氣報告都吾睇, 點會理七夕.
也是其中一個朋友提起才知, 自己也只是哦了一聲, 很冷淡.
還算後生時, 會想會有那一天, 自己會跟喜歡的人一起聽演唱會, 最好是陳慧嫻.
這是很普通平凡的想法, 許多人都會有, 又不是想SM 吊高條女玩滴蠟.
來到現在, 當然不會諗呢啲, 自己亦已不會凡是陳慧嫻的演唱會都去聽了.
求之不得, 若太久, 便會慢慢平靜下來, 不再強求, 大概如此吧.
吾識那個中女, 朋友也只是簡單介紹, 印像中樣貌OK.
嗯, 我今天已完全想不起佢係咩野樣.
我又不是狗公.
佢地三個不停講野, 我有我的自閉其樂, 只是間吾中搭咀一兩句擦存在感.
挺好的, 沒有以前那個朋友圈子, 每逢有新的女人join 飯聚, 自己會成為焦點, 好似花痴咁.
安安靜靜咪幾好.
我可以專心地看演唱會.
(ii)
8-8-2019
我買到謝安琪演唱會呀...
這一兩年, 集齊fiona sit, sammi cheng, joey yung, kay tse.
完成聽歌大滿貫.
聽著這些歌, 也像進行一場洗滌, 像回望過去幾年的情緒跌盪.
自己感覺很有儀式感.
(iii)
8-8-2019
聽說, 周日會有遊行到家附近的運動場.
感覺是終於打到嚟.
我係咪痴線? 好似好期待咁.
也不是, 只是覺得, 若屋企附近沒有差佬亂放過催淚彈, 那就不算是民居罷了.
有朋友住黃大仙, 對正龍翔道, 那天, 一日食左四餐催淚彈.
(iv)
11-8-2019
時間好像過得太快.
方才看到兩篇投稿, 才想起, 自己原來上月投稿係到屌乜屌物.
那刻覺得自己需要檢討自省.
咁撚得閒就訓覺, 下次咪鬼睇, 嘈乜啫, 屌完個編劇下次咪又繼續寫啲垃圾出來.
未開場前, 聽啲配樂係播七十後的兒歌, 你都皺眉, 估到係到食老本, 玩情懷懷舊架啦.
今年真係睇少左好多舞台劇, 如果不計nt live, 更加少.
去到盡, 都係睇羅生門.
有冇投稿去屌如夢?
咁又冇, 死症嚟架, 真係做到, 香港應有幾十個劇場人冇飯開.
個個搞戲的都湧曬去演, 搞得仲長時間, 仲邊會開咁多戲....
你吾覺得呢兩個月舞台劇上演係少左啲架咩?
(v)
11-8-2019
下午六時, 血糖開始低, 集中不到精神, 終於的起心肝落街吃飯,
樓下的小商場仍營業的一半半.
樓下沒有甚麼街坊, 也沒有禮義廉的周日街坊活動.
看到幾個戴口罩黑衣的青年.
他們的眼神帶著警剔, 即使明顯是除了肥便沒有甚麼特別的中年阿叔如我.
吃飯時開如回魂, 心想, 若回頭見到佢地, 應問佢地要買乜, 幫下佢地.
(sorry, 好肚餓時, 真係諗吾到野)
不過, 當出了快餐店時, 卻已看不見他們.
下次, 自己要主動一些.
有時候, 心想若要打破這困局, 是不是要再死人.
死的, 要美國人/內地權貴的子女, 那才有效.
把情況推向最好, 或最壞的極端.
香港人啲命不會有漣漪.
(vi)
12-8-2019
一覺醒來, 睡不好, 也有點眼水腫.
昨晚怎會不流淚.
-----------
昨晚嬲到痴線時, 看到有檢舉人渣page 活動, 躁動無處發洩, 也舉報那些pages.
click 入去時, 看到面書的某個人原來like 撐班人渣.
順手unfriend and block埋.
六月前, 會跟另一位舊同事 skype 分享異動股.
近來, 藍絲的佢靜了.
我覺得很諷刺, 勤力, 我又勤力過佢, 專心, 我又專心過佢, 係冇人提佢有股票異動, 定我損失機會呢?
這兩個月, 令自己與人相處的潔癖, 進一步加深.
是啊, 真的沒必要浪費時間跟班人渣往來.
----------
今次, 總算趕上了.
是給自己一點減壓, 自己起碼叫做有一點反應, 不致無力感太過沉重.
會癲的, 長期下去.
------
情敵, 情敵, 星期日下午場改期...改期...改期...
我在心中吶喊.
撞正可能舉行的遊行.
吾去行, 過吾到自己那關,
行左, 幾傷喎, 幾百蚊張飛...
五點幾行...應該都OK 吧?
到時在終點塞到仆街喎...就好似"200萬" 果次, 塞到我坦坦腰.
唔...係辛苦, 但以儀式感來說, OK 的.
總覺要做多一點.
一個年輕女仔, 盲眼毀容..., 自問不是堅強的我, 將心比心, 實熬不住.
想當然的, 希望做這些微小的事, 捐錢登報聲討, 遊行, 讓那女仔在需要給予支持時, 能找到一點, 雖然怎也補償不了.
(vii)
13-8-2019
揼心口...
個癲婆整咁多market noise 出來...
(講到自己睇到就敢賭咁...)
咪理...我好晦氣...
----------------
這晚機場搞成咁.
很多朋友都覺得過了火, 包括自己.
佢地冇權搜人地私人物品架.
看到一名廣告界KOL徐生 fb發帖.
不禁想起2016年 謝盈萱在fb 發帖引用過的話.
「如果沒有憎恨，我無法做出我該完成的事，我必須對怪物存在這種憎恨，才能戰勝牠....」
「而你自己卻也因此變成一頭怪物」
~ Agota Kristof
我為甚麼當時觸了電, 會記在心裡呢?
大概是恨意, 恨啊恨, 揮之不去吧, 曾被那時的那堆朋友網絡公審.
不過, 那些事, 現在感覺已很遙遠.
都沒再出來吃飯了.
(viii)
18-8-2019
昨看了尋常心, 看得挺有感觸的, 因為故事裡的角色就像在近數月的社運抗爭中的縮影.
想又想, 還是不投稿給劇團了, 寫在面書作紀錄和 my very short love at first sight 有緣就看到就算.
自己寫的, 又不是有甚麼特別, 都係那三幅被, 唯一賣點是長氣累贅.
呢排成日網上屌人, 自己有點累, 雖然今次寫的沒有屌人, 但就是有點累.
散場後, 緊握長柄實心的遮, 裝了裝劇院門口, 仍有大量小巴停泊,
情況還安定, 不禁鬆了一口氣.
不是不驚班差佬又發癲的.
----------------
月頭的捐款, 昨天收到實體收據了.
比起往年早了幾天.
開場前看著舞台前方發呆, 腦海浮起了她的容顏.
沒有怎變, 還是很美麗.
還好嗎? 妳今天.
--------------
訂了風車草的米線預售票.
手痕八卦sick leave 的公開售票票房.
情況吾生吾死... 不少場次樓上座8 /9 成都是吉位, 樓下也只是八成滿.
希望晚些宣傳後會改善.
本地經濟真的見得到的在轉壞.
(ix)
18-8-2019
最後, 還是忍不到口投稿屌今天看的戲, 反正在英皇中心等朋友遊行時, 冇野做.
個戲真係寫到好悶呀...
(x)
19-8-2019
電視劇裡, 喜歡年紀大的女人, 去到極致, 就是愛上張滿月.
大上千年.
所以是純愛愛情劇, 不會有床戲.
若懷孕了, 個戲可以無限落去, 完吾到.
難怪, 我以前會喜歡年紀比我大很多的女人.
我內心其實很純情.
不過, 這樣子不是辦法.
IU 唱I like it , I'm twenty five.
自己曾經很喜歡的人卻要唱 fifty five.
不過, 我都會喜歡吧, 反正外表凍齡.
-------------
如果要happy ending.
那應該是男女主角在未來輪迴時, 再次相遇, 換了角色身分, 再續前緣.
當中涉及那壞男人的犧牲.
富家子, 窮家女, 是延宇孽緣改良版.
千祈吾好整埋啲來自星星的你, 得閒無事搭的士咁回來探女主角度假.
髮朁, 出現過兩次, 應成為故事的又一轉捩點.
