28-4-2019
剃兩腋腋毛, 今天去遊行.
(兩者關咩事呢? 冇架, 只係天氣熱, 今天遊行幾焗, 同埋, 好似好有決心咁, 滴血, 怕痛, 削髮, 我又冇乜可以再削...).
當然, 若人影不多, 也就改去誠品, 我都現實和牆頭草的.
點解會去?
其一, 同64 差吾多, 感覺像欠了入獄的人, 咁去一次囉.
其二, 成單野真的會把這地方變得更差.
法咩庭把咩關, 你俾佢咁過, 下一步就搞法庭, 這是常識.
你又保證到下一個吾會比689 更冚家鏟?
我吾覺得遊行有用, 咁多年, 咪天真.
看到這地方沉淪, 個個都想做比其他人高的特權者.
這地方係死梗.
會支持修訂的人, 不過是自以為是有特權, 以及極度自私自我, 只顧眼前利益的人.
想這地方正式死亡時, 不要被標籤得那麼懦弱.
幾十年後, 可為後來者給予一點兒傳說中的勇氣.
以前還會讀點正經書, 歷史書時, 有時都會諗.
點解當時其他人死左去邊, 冇人阻止條友發癲, 亂Q 咁嚟, 又土法煉鋼, 又衛星田...個個又跟住條友癲?
遊行係冇用, at least I try to make some noise.
只係香港那些白痴政棍, 濫用啫, 係又行, 吾係又行.
(ii)
28-4-2019
下午三時四十五分來到銅鑼灣.
水
大概到五點, 才開始有起步的跡象.
五點半才來到希慎廣場.
快到七時才到灣仔, 如昔日, 都是灣仔電腦中心有募捐站造成堵塞之故.
只是, 今次是為坐監的人籌款, 也不好說甚麼.
看到陳小姐蒼白的臉容在呼籲 , 仍不好好休養準備手術, 不由得嘆息.
腰很酸.
自覺有點欠了坐監那班人, 今天, 當是還了極少的利息.
畢竟, 我關不關心現在的香港, 都不影響自己的生活, 我又沒有子女,
我在意的女子, 早晚亦會移民.
人, 現在, 最重要的是要有錢和健康.
利疊利, 是還不清的.
有點討厭這種感覺, 像64欠下的債.
----------
看到那些鼓吹獨立的人, 頭一趟比較近看見他們.
都是年青的人, 大部分都戴口罩防被點相, 感覺佢地其實是很無助的人, 全身上下充斥著無力感, 喊喊口號, 卻找不到出路.
自己依然維持從前的看法, 搞獨立要放低條命做賭注架, 不見血, 不會有0.000000001% 成功的可能.
佢地又吾肯又想搞, 一旦搞出事, 只會連累其他有正義感的人.
已很厭倦.
我選擇不同情.
------------
今天的遊行和從前數年前的有沒有分別?
沒有怎改變, 依然有白痴的人起哄群眾去喊白痴的口號, 白痴的人當自己是國師製造嘈音.
難道遊行中播Mozart 咩?
嗯, 也是的, 所以我依然不愛遊行.
(iii)
28-4-2019
有一句諺語, 你的時間花在那裡, 你的成就也在那裡.
鄭小姐的字句感悟固然令人細味, 但轉頭想, 佢老公的道歉令佢老婆落到台的表演水平, 相比之下卻是差距甚遠.
二人相識微時, 文化水平應相去不遠, 但現在二人思想, 表達能力水平的差異,
不由得想起這句諺語.
結婚, 溝女, 真係好難, 彼此進步的方向不同, 便已有這樣的結果, 若一個吾該, 感情轉淡是尋常事.
btw, 終於有人問起周慧敏怎看這單野, 佢老公都有前科.
"我不是浪漫的人, 我清楚自己要甚麼, 我需要佢的時候, 佢就係到, 而佢做得到"
婚姻, 是需要智慧的, 也需要知道自己想從關係中得到甚麼, 包容甚麼.
吾係51歲仲唱美少女戰士便保證幸福美滿.
(iv)
29-4-2019
有朋友盜錄了在內地看偶像演唱會的片段.
當中有一首是"後來".
是自己從前常聽的歌.
聲音是好的, 朋友圈中甚至有人說唱得比原唱好.
我對此有保留.
自己是偏好王菲的performance style.
唱歌是真的唱歌, 很專注地唱好那首歌, 帶出那首歌的味道和感情.
而不是當是唱K, 情緒表情都不屬於那首歌的意境, 誤以為在聽生日派對歌曲.
更別提唱到中段純音樂時, 在講其他無謂野.
有咩事, 吾可以在歌與歌之間間場講?
自己是很討厭那樣子, 覺得很不專業.
自己在意performance 的完整性, 我不是來聽唱K.
只要唱歌, 自己的歌, 別人的歌, 都應如此.
想來, 為甚麼那麼挑剔呢?
偶像喜歡那樣子.
是代表已過去了盲目的時代吧.
有自己對表演的看法, 有自己看表演的喜好.
總覺得那是浪費了佢把聲.
(v)
29-4-2019
看了復仇者未?
放心, 沒劇透, 因為我一集都沒看過.
也不準備去看.
但為了緊貼時事, 也看了劇透的故事內容.
哦...係咁啫.
使吾使咁樣買飛法?
這是至今我仍不明白的地方.
上映期又吾會咁快落畫.
若想有型一點.
不妨現在去看趙小姐導的電影.
等佢拍得完Marvel 套新戲 Eternals 上畫時.
可以扮曬野同人講, 佢之前套咩我都有睇過...
吾錯吾錯, 好似電影迷咁.
先見之明....
btw, 若屆時套戲收得, 佢應變番中國人...lol.
我點解無啦啦查呢啲野?
好奇囉, 好多角色死撚曬, Marvel 個CEO 未來幾年食蕉吖.
(vi)
1-5-2019
我張演唱會飛好貴. (又講!!!)
我又對那張多了出來的演唱會飛講: 我真係原價賣俾你, 我三年會費都冇向你收番...
我真係好撚孤寒和小家...
(vii)
1-5-2019
五月了, 又開始了看舞台劇的日子.
不免地, 會想起某個人.
希望她近來好好的, 好好休息, 閒時中中六合彩.
