25-6-2019
今天做得麻麻.
3968 話冇事時, 超短炒買了恒指而非風眼中心....頂, 浪費時間.
平時每早都會掃wsj , ft, cbs, bloomberg,
washington post 頭條.
頂...點估到不是headline 都會咁鬼勁.
雖然, 都是借口啫, 今日內銀除淨, 做指數世界有優勢的一日.
雖估到今周點都會跌一跌, 但估不到波幅比預期高.
下午死左在 gap up 那天的consolidation zone.
好難諗聽日會開大定細.
佢老味吾好話我聽吽到期指結算果日, 我吾太識炒垃圾斬倉pattern , 我抗拒睇盤路, 買完又成日驚佢停牌, 你估隻隻都是3998 第二日就復牌咩.
周線圖其實暫時仲冇乜野.
細節要做好啲.
(ii)
25-6-2019
平時很少說話, 說得最多的每天清早, 雞扒/牛扒, 炒蛋/太陽蛋,
餐蛋/沙嗲牛麵走辣, 齋啡, 係到食.
就快變啞巴了.
言語的失效和無力感, 大概就是如此.
有些事情, 心裡一直都很清楚, 只是說出來, 卻又覺得欠意思.
不如不提, 不說.
就這樣吧.
(iii)
26-6-2019
戰友傳來388 前上巿科高層受查的新聞.
這一年, 有點避諱跟別人談舊公司的人事, 都過去了, 佢係生係死, 關我叉事, 一次也沒想過回去探望.
好的, 懷念的說話, 自問未臉皮厚到講得出, 不滿的, 卻也無謂, 也不屑再說.
咪以為我在感情上一團糟仆直, 其他人事關係也拖泥帶水得架.
有人提起, 便也說, 舊上司現在應靜曬.
記得臨走前, 佢傾閒計時, 話佢去過馬來西亞搵deal.
呢個世界大又吾係好大, 細又吾係好細, 無啦啦走去馬國, 你估搵馬國明咩.
雖然, 拉就吾會拉到佢既, 佢做野都好小心, 疑心重, 成日防人篤佢, 但佢間證券行依家真係吾知做乜.
前日手痕看webb site , 前日已是今月首三大好日, 成交得20萬錢買賣...你話呢.
佢成間證券行今個月成交額, 仲少過我一個人做的囉,
我已吾係好狼死炒那種, 而今個月都有幾日冇乜點炒, 成交係零的了.
孖展按倉, 佢依家敢按咩, 呢兩日個巿, 都斬得幾多垃圾股.
也再說起, 舊老闆被人拖了按殼利息累計幾千萬...
現在通街都係殼, 內地又開多了方便之門.
拖夠成億, 可能反過來, 要俾多幾千萬人地, 收回數簿先有得把隻殼賣番出去.
朱太都靜曬啦.
好像去年開始, 所有人都開始運滯.
不過, 都係吾好諗咁多, 佢地關我鬼事咩,
至於自己, 盡做啦.
(iv)
27-6-2019
很唏噓, 仲慘過自己離婚?!
雙宋離婚, 性格不合.
性格好的一對要離婚, 不免惋惜.
不過, 性格好的人都要離婚, 性格惡劣如我, 現在有這樣的結果都合理呀.
這是建築在別人痛苦上的自我安慰.
(v)
27-6-2019
每次期指結算日, 都炒到很晦氣.
今天不同報價系統的期貨開巿價都吾同.
七月國期低位等於昨六月國期收巿價.
今日七月恒指期差一點碰到六月份最高位.
恒指收巿先MARK 到全日最高位.
上證差一點點就觸到今月高位.
消息亂飛, 知道時才遲.
邊鬼個會睇南早.
有點懷念被內地封殺整頓的華爾街見聞app, 一般又快又齊, 省了很多功夫.
知個巿抽, 但買吾中.
我得友邦正股, 冇買輪,
下午咁升, 把鬼咩.
成個sector 淨我買左輪果隻, 係巿升果時跌.
好晦氣.
---------
停了其中一個報價服務.
每年差不多成皮野, 但係吾會提供ex div 的圖表.
計平均價, 係會計埋人地開巿前齋上板打卡的, 忍左佢好耐.
到後來解決了替代品, 就不續約了.
被問為何不續, 都只推說我只買盈富基金!!!, 解釋都費事.
講了很久, 都當我廢嗡, 現在再說, 又有甚麼意思.
忽想到, 不要抱怨其他人不辭而別, 忽然疏遠, 不解釋.
生活, 實在有很多取捨.
(vi)
29-6-2019
近來本地最型的事無疑是眾籌登聲明.
自己沒有捐, 因為知道的時候已是中午, 已達標, 心想再捐都吾知做乜.
怎知佢地越玩越大.
雖少了參與感, 不像戰友忽然變了連登仔追post follow, 不過也感受到過程中的燦爛.
巿儈的我心想, 如果儲到一套, 將來拎出去變賣, 會值錢, 成本價升廿倍冇難度, 好肯定.
有崇高的訊息, 追求自由民主, 有不可隨意複製的過程和故事 ( 由一群素未謀面的網友齊合協力超短時間成就這件事, 眾人的願 ) , 最重要是, 有感染力傳遞給這時代以及未來的人.
不是藝術, 還會是甚麼?
以前去affordable art 啲爛鬼野都賣幾千, 幾萬蚊一幅啦.
沒有捐這個, 後來捐了立場那個.
今年二月, 沒有捐去這家, 原因是覺得質素爛了, 成日都辣椒文集...
現今媒體, 是扮演資訊綜合, 蒐集, 蒒選, 驗證者的角色, 吾係人地投稿就登, 乜水垃圾廢柴講野都要報道.
不過看了100 毛那個記者訪問, 卻又心軟, 印象分加回不少.
忽然想起, 早八九年前, 那時候在網上看到遼寧一個小女孩, 約四五歲, 貧困戶家庭, 窮到沒法過冬.
這個小女孩還要照顧生病癱了, 出外打工傷殘了, 不能自理並需繼續醫治的父母.
看到小小的一雙手要燒柴煮飯, 超過年紀應有的早熟, 看得讓人心酸心痛.
那時候, 還沒有支付乜, 微乜...
看到募捐新聞, 自己那天去了銀行電匯捐款.
嗯, 很煩的事, 手續費都好貴.
重點不在於自己捐錢, 而是後來, 發起人說籌款已超標, 所以把錢退回給我, 並沒有落格欺詐.
那還是可以互信的年代.
現在, 自己已不會看到內地新聞而去捐錢了.
不知道那小孩現在怎麼了, 曝光率過後回歸平淡, 生活可會有不同.
(vii)
29-6-2019
今天是黯然的一日.
看到王全璋的慘況, 本地死了一個細路.
你還能對內地的司法有信心嗎? 又一次屈打成招, 把人折磨摧殘至如斯.
對維權者的凶狠遠高過對真正的罪犯, 為甚麼?
心態自私自利, 只想到自己的權勢, 在權貴眼中得到的評價, 林鄭其實和佢地沒分別.
那細路的遺書, 是想到甚麼便寫下來, 所以文句, 字體並不工整, 越寫越潦草, 感受到當時死者寫到末段, 那份無力和激憤.
就算如此, 也得繼續生活.
不會說活著就是希望啦, 但是, 就是要繼續生活.
只是, 會更加沉默.
(viii)
30-6-2019
昨那個細路寫的遺書, 今天已被抹掉.
看著網絡裡的圖片, 有一點空空的感覺.
曾經的吶喊已被消失.
-----------
還未寫完這篇, 剛看面書, 又死多一個人.
究竟, 要死多少年青人, 權貴才肯聆聽?
777 真的好撚仆街, 順風順水時驕縱跋扈, 目中無人, 氣焰不可一世,
現在人人喊打時, 卻只懂龜縮逃避.
----------
不過權貴也自顧不暇吧.
馬時亨單野, 好明顯是對本地權貴的嚴重警告.
有錢如四叔, 呂叔都冇情講.
石禮謙也沒有選擇性地不被打格出鏡, 也令早前撻訂地皮單野, 看多出一分味道.
石的老闆是本地的財閥, 是佢地共用的聯絡人和引線.
也解釋到佢做到立法局議員, 而佢在那刻夠薑反枱, 也是財閥要佢賣命的時候.
也證明了, 蘇生的財力和實力, 真係有幾分虛.
------------
看劉美君撐警的告示, 忍不住出聲留言.
做人不能這廂說撐警, 那廂就說不理政治.
看到那個年紀的藝人, 大都撐警.
心想, 陳慧嫻都應該如此吧.
朋友圈大多如此.
不免有些落寞.
自己的偶像可能如此是非不分.
希望自己想多了.
如果讓我選擇, 我寧願一輩子再也不遇見曾經喜歡的女子,
也不願看見今天的她已變了是非不分的人.
如果她變了那樣子的人呢?
都一樣, 寧願此生不再見.
至少, 我的記憶裡, 可保留她正直善良溫柔感性的一面.
----------------
明天會行, 但在希慎出發便算.
心很累.
(ix)
1-7-2019
答應自己, 行埋今日, 少理時事.
要專心搵錢, 有移民的能力, 即使在外地做二等公民都好.
(x)
1-7-2019
問同行的朋友.
那天你在那裡食正催淚彈?
中信橋那邊.
你仲有冇陰影?
點會冇.
我找不到話說, 拍拍朋友的膊頭.
------------
有點難受, 累積的道德高地, 一舖清袋.
佢地幾時先明, 如果沒有絕對的武裝力量, 那永遠只能靠道德高地去得到支持.
鬼吾知道德撚煩, 見效慢, 有生之年都見吾到.
但也只能如此.
必須如此.
------------
群眾的力量是無可預計, 有時會帶來意外的驚喜.
群眾的情緒是不可長時間壓抑.
群眾的行為是可被誘導, 煽動, 焦點轉移, 最後按著劇本的方向失控.
需要群眾, 但不能相信群眾.
這是連我呢啲盲毛都懂的事.
難過, 是難過, 但也應有心理準備.
但總是難過.
-------------
看著直播, 心裡更感難受.
那些年青人可吾可以自私一點, 不要對自己那麼狠心.
很想哭.
----------
還是落淚了.
法官係吾會點樣考慮你的行為的理念.
之前"公民抗命" 理據 , 法官係吾接納架.
依家搞成咁...下場諗都諗到.
很難過.
