17-6-2019
個巿靜到抽筋本已煩.
看新聞更讓人無語.
智障的嗎? 今天很多新聞都想這樣說.
當中以晚上一單為甚.
不過看到以前同事的試擬PR 答案.
總算不致那麼苦悶.
寫得好, spin 得好, 自己學到野.
政府識咁講野, 就不會讓人容易火滾火遮眼了.
不過叻人, 又點會幫智障做野, 不愁出路, 況且, 嫌命長咩.
(ii)
18-6-2019
上星期三五點幾在金鐘廊地面附近逗留一會, 便已被那時緊張的氣氛驚到有點淆底.
今天看到面書博客(吾識佢, 未見過, 只是朋友的朋友的太太) , 在面書記述當時在急救站被警察圍剿的恐怖情況, 更覺得心驚.
根本不是維持治安, 是企圖集體謀殺!!!!
很憤怒.
一定要追究到底, 若不鏟除跋扈, 視人命如草芥的差佬,
早晚真的會有人被爆頭射死, 人踩人死.
屌佢老母.
又要預留時間星期日又行過, 冚家鏟. 俾人抖下得吾得.
希望那些細路能挺過那次經歷, 頂得順, 就會變得更堅強.
自己是這樣想的, 因為我也想變得堅強.
(iii)
19-6-2019
朋友今天呻, 佢幫襯的基金經理盧生, 成日係人言報專欄寫野那個, 同人拆夥, 跳槽到另一間公司.
自己的第一個反應是, 有冇攪撚錯, 一個起身, 就抹甩曬管理基金期間啲衰野, 重新上路.
咁同啲仆街經紀, 係咁教唆個客亂咁短炒賺佣的心態有乜分別.
好吾負責任囉.
仲要係, 一直以來, 跑輸囉...輸果時在每月newsletter 係到賴. (之前朋友俾過我看)
我估, 到最後, 那個人跳槽後, 都係做吾住的, 佢都吾肯面對死因.
所有做金融的, 都係仆街嚟, 幫人投資的尤甚.
當然, 我吾係做金融都係仆街, 呢個係天生, 咁冇計.
----------
我上個月都吾係算輸PK 啫, 看黃國英上月的表現...
賤人就係有人陪, 攬炒就心足.
但人地上左岸喎...
唉...
(iv)
19-6-2019
今星期日終於吾使遊行.
開心嗎?
冇, 那是呃人的, 但不能公開講啦.
你估我係"麥麥嘟"議員咩, 見到777 , 啲粗口鏟到佢飛起, 若電視播, 只會聽到嘟嘟聲.
btw, 如果佢都可以被defined 為"女仔" according to 乜議員.
咁, 我其實有戀童癖!!!!!
點睇, 我曾喜歡過的人, 都後生過麥麥嘟吧.
按番比例, 我曾喜歡過的人吾係小童, 咁係咩...
我原來鍾意傳說中的禁斷之愛!!!!
唉...今時今日才發現, 認識自己.
------------
濫用暴力對待示威者 , 從救護車上劫人拘捕, 瞄準救護站攻擊, 濫用醫療資訊...
這幾天越揭越多, 粗口都吾夠用.
警察裡的警渣, 仲有乜吾敢做呢?
係咪要衰到似蘇丹那班爛癱周街強姦婦女, 才會有人喝停?
(下這種命令的人的邏輯, 就是要班軍渣成為共犯, 洗濕個頭繼續聽命, 吾係衰左, 一齊被清算)
真的不想縱容那班警渣害群之馬.
(v)
21-6-2019
新聞說示威者圍差佬總部.
心情很複雜, 根本是死局, 上面卸落嚟, 沒擔當的結果.
777 根本使吾郁班警察, 警權由上面把持 ,這也是必然的結果, 所以差佬目中無人.
港英時代回歸前, 幾時見過差佬咁猖狂?
------
對那些警渣來說是很丟面的事, 所以幾可肯定將來有機會報復, 一定把示威者往死裡打. 也可以預言, 將來示威衝突, 差佬一定會打死人.
守在門口的警員, 也幾可肯定是真的"黑警", "白狗得食, 黑狗當災", 的那種黑. 打人肯定冇佢地份, 但現在卻守在門口挨示威者的憤怒.
希望自己是錯的.
稅務大樓關停, 大姐說, 在那裡上班的同事很驚, 以為那些細路是暴民, 走出大樓時很擔心.
我說, 有乜好驚, 你驚在演唱會時遇到佢地, 多過在示威時啦.
佢地睇演唱會都未必肯排隊, 但示威遊行時, 卻很守規矩架, 頂...
很多香港人都很離地, 所以警渣才有恃無恐.
---------
近來很多名筆專欄都說, 佢識某某朋友做private banking, 佢地啲客個個都球球聲美元搬去新加坡戶口.
我當然得個聽字, 我都冇呢啲富貴朋友, ( 人地有錢關我叉事咩) .
希望有一天, 到我被人唱, 近期搬幾十球美元由香港去瑞士戶口, 因為驚送中抄家.
用錢走人, 呢啲要講身家的.
平民如我, 只得用腳遊行.
----------
明天去澳門散散心.
打電話1010 去問, 之前續約時的一日漫遊pass 的使用方法.
嗯, 那張漫遊coupon, 在亞太區, 中國, 台灣, 日本...都可以用.
淨係吾包澳門!!!!! 澳門要另一個$38 一日pass .
聽完心裡不禁 X了出來.
邊鬼個香港人會去澳門去足七日六夜/ 五日四夜? 你估我係高進咩.
那張看似優惠的coupon , 其實係想哄你洗濕個頭, 在台灣五日, 其餘四日俾實價漫遊數據.
都係marketing strategy 啫.
我明既, 所以也只在心裡講粗口.
(vi)
23-6-2019
想去做gym, 但昨天又行了幾句鐘.
今天不是leg day.
------------
連續三個星期喪行, 今天去做健身, 第一件事是放鬆肌肉.
特別是後腰, 扯住好緊.
男人冇腰力...啋...
應要休養多一會.
都係吾好諗七一住.
(vii)
23-6-2019
習特在28/29 見面, 第一個交易日已是2/7 .
像10/5 談判正式拉倒一樣, 撞正佛誕.
都係遲了外圍一天才反應.
都吾知係咪有心的.
要好小心, 好專注細微的details 訊號.
(viii)
23-6-2019
我前世未見過女人咁.
真低級猥褻.
在意, 但用錯了方法.
(ix)
24-6-2019
值得, 不值得.
今天仍覺得放棄了從前那份頹廢, 自己都吾信的工作, 早晚會沉船的公司, 不用對住只諗佢自己, 疑心重的舊老闆和舊上司, 離開屎忽鬼everywhere 的工作圈子和人事, 值得, 我見到自己向前走, 在進步, 在進化, 雖然過得很痛苦.
也覺得為了維護自己對自己的尊重, 做人的尊嚴, 離開那個朋友圈子, 也很值得. 就算只得一個人, 偶然感到很孤單, 抽抽瘀, 吐出寂寞便好.
世上最大的笨蛋不是經不起別人的質疑，而是自己對自己的質疑。付出幾多，值不值得，不是別人問你才知道答案的。
https://www.mpweekly.com/entertainment/blogger/%e5%bd%ad%e7%a7%80%e6%85%a7/20190621-160552?&fbclid=IwAR04FOpjxE6U5JQsCbhaY1xZqjA1R4BB45RCdW0FhnhMoEtGpCkGvR7qDwY
-------------
怎麼每次在澳門沒地圖, 沒好的漫遊條件, 都依然寧願亂行, 行到曬到仆街, 也不貪圖賭場酒店的冷氣和安穩. 在cafe hea , 上下網咪好囉?
不覺得, 那種情況, 就像自己現在的生活嗎?
嗯, 也真的有點似的, 曬到行到吃不消, 在大炮台樹蔭下喘氣時想到, 自己已經變了.
(x)
25-6-2019
關於道歉.
近來道不道歉成為了面書裡經常出現的命題.
有人要求道歉, 另一方則拖泥帶水, 不情不願, 嘗試取巧, 最後避無可避才說出來, 更甚是當中有人覺得毋須道歉, 覺得若道歉, 會成為風土病, 傷了佢地的尊嚴. 不肯道歉, 其實是給自己往死胡同裡去推. 尊嚴和尊重, 是別人給的, 說白一點, 面係人地俾架, 不是不道歉便可保留尊嚴. 不肯道歉, 也就是怕別人得寸進尺, 打蛇隨棍上提出許多無理要求, 人地提出無理要求, 你就要給, 你又給得起麼? 別傻了.
有人則因為覺得阻礙了其他人, 所以主動提出道歉, 另一方有的接受, 有的不接受. 並有旁觀者指斥根本不用道歉, 若製造阻礙而不麻煩了別人, 那就不是阻礙了, 做得了, 就預左別人有怨言.
道歉, 除了是向對方表示歉意, 請求原諒, 其實也代表一份同理心, 嘗試從對方角度去看自己的行言對對方的影響, 以及是自省行為的對錯.
道歉這種行為, 除了對外, 其實也是觀照自己的內在, 自己的價值觀和修養, 不同人在心中的輕重和分量.
道歉, 條件許可下, 要及時, 要親自當面說, 不應電郵, 不應 whatsapp.
這是自己很後期才懂得的禮貌.
沒有留言:
張貼留言