(i)
19-1-2019
近來家裡的電腦壞了, 還要是拖延症下沒有備份資料的狀態.
最後的決定是拆了硬盤出來, 不買一部新的.
以後在家只用手提電腦便算, 令房間空間大些, 也順便逼自己改變生活模式和習慣.
怎料買了外置硬盤盒回來, 卻讀取不了硬碟裡的資料.
原來是硬盤的資料權限問題.
在網上問過電腦維修公司, 檢查費$288, 再多一個硬盤就加100元.
那一刻, 我覺得很彆扭, 被打劫, 很窩囊, 有點傷自尊心.
收得咁平, 即係呢個其實是好簡單的事, 咁即係按幾個掣收我400蚊, 吾好去搶!!!
最後, 做IT 的朋友給了網上教學的link , 自己DIY 拿到資料了.
是很好彩的, 手提電腦的Win 10 和教學裡的win 7 介面不同, 一路按著字面理解去調整步驟和選項.
完成了, 我才發現, 自己一直拿薄身一點的主硬盤 (SSD 快速硬盤, 自己放最多資料那一個) 來試, 而不是讀速慢一點, 沒有甚麼資料的那一個來做實驗.
無知而未出事, 算係咁啦...我點知啫...
我想, 還未老得太快吧, 心境上.
換了六七十歲的老人, 面對不熟悉的事, 大多乾脆給400 元了事, 怕煩, 也怕take risk.
要keep 住心境年輕敢於嘗試, 要不, 就不要那麼長命.
以後要加倍注意生活的細節, 不要等出事才去補救.
如果平日有把資料backup 的習慣, 成件事根本不會發生, 也是自己搵自己來玩.
有時候, 幸運, 好彩...只是一個人平日生活舉止細微做得好的累積而生.
就像心地好, 開朗, 會變一塊磁石, 吸引好事發生.
(ii)
19-1-2019
忽然想起"緣盡" 的話題.
就是發生了任何事情, 彼此都提不起興趣關注, 表現關懷.
挺灰的話題, 都是不要思索下去.
收在心中, 讓時間沉澱淡忘便好.
(iii)
19-1-2019
說過今年想寫回劇後感.
拖延症下, 現一個字都未動筆.
平日, 真的太累太忙 (周一至四, 未試過九點前離開工作室, 很頭痕的trading review), 今周電腦又壞了.
不過, 字雖然未寫, 但開了一個FB page.
貼了一篇舊劇後感.
實在太好了, 有我和我FB的分身 造訪的紀錄.
(iv)
19-1-2019
今晚才看了男朋友最新兩集.
拍拖要顧慮對方的父母親戚.
我冇...都知...所以有些人找男/女朋友, 會找些父母早死那種.
但真的有對方父母不鍾意, 反對而分手的情侶嗎?
我估都有....
不過真的會很痛很痛吧.
這劇的父母反對, 相對比"經常請吃飯的漂亮姐姐"那種反對, 沒有那麼戲劇化和離地.
所以, 更讓人無奈.
初戀, 大概都是無疾而終吧.
(v)
19-1-2019
今天, 忽然萌生想找一個中女約會的念頭.
不是想拍拖, 自己先搞掂自己先啦.
況且,我話溝就溝到咩, 黑社會呀?
也不是因為下月2月14日.
今天看Julius Caesar 看到Wendy Kweh 的眼睛 (雖然雙眼皮), 皮膚又偏黑, 令我有熟悉親切感覺.
嗯, 七年了, 我喜歡的中女港女類型還是沒有變.
九吾搭八, 其實不似的都可以說一餐, 大概是想念她吧.
(嗯, 咁寫好似明明100.00% 無可能, 但我未死心, 仲想死纏爛打, 想吃天仙肉咁..., 真的不是啦, 雖然她依然漂亮迷人, 但也僅只想她很好很好)
1999 年大學畢業, 年紀大過我喎, 可惜佢結左婚, 我英文又水, 溝通吾到.
佢其實更似葉德嫻多過我喜歡的那種女子類型.
(vi)
19-1-2019
和家人食飯, 政治話題悶, 工作不順無謂提, 談起旅遊KOL 項生.
平時不多話的大姐突然興緻勃勃, 說項生內地出來, 發奮圖強, 很早搵夠數上岸, 旅遊節目並不是食玩買, 嘩嘩嘩, 圍毛巾浸溫泉, 不hard sell, 而是在古巴, 會排隊食福利雪糕...多了文化品味知識云云...
我想, 自我形象中產或以上, 有品味的中女港女都會buy 吧.
中女港女冇咩怕, 最怕有人叫佢做大媽啫. (俾人叫阿朱媽 都吾好得去邊...)
等我都有幾千萬身家時, 我都去做旅遊節目先.
(呢啲很妒忌眼紅的說法呀吓, 係!! 我有google 查過佢係吾係基佬 (基佬多talented) , 但可惜佢吾係!!!...旅行品味吾係有錢就買得回來)
咁你冇錢時, 咪只會去搶人地的福袋/ 摷人地的福袋揀啱自己的野來買...
(vii)
20-1-2019
男朋友大結局應是" sad ending" 兩人不能在一起吧.
因為這是...初戀.
最新兩集都點明這一點.
正所謂, 初戀乜乜乜...青澀純粹.
從初戀的經驗吸收...再出發...
是大多數人的經歷.
秀賢發現前夫所做的一切.
理解但也表明不能復合, 因為過程把佢傷得太深.
感情世界, 我以為這樣子是對妳最好, 但實際卻並非對方需要, 反過來更把對方傷得更深.
這是無解的難題吧.
大概, rule of thumb 就是, 每個人都需要為自己的感情負責, 其他的只能盡量be kind吧.
對於怎處理這些事, 自己其實已沒有信心, 所以最好的答案, 就是不沾身.
不矛盾和反覆嗎? 昨天還在說想約會.
都是"人有, 我想都有", 那霎時衝動念頭吧.
要放鬆一點.
------------
就快挨完阿宮...支撐到現在, 只是不甘心看了咁多集, 點可以吾睇到尾.
拍得真的很爛, 有邊集吾係勁flash back?!, 題材雖然有趣.
(viii)
20-1-2019
她今天有心事和煩惱嗎?
遠遠看到她一眼, 一臉眉頭深鎖鬱難舒的模樣.
願她珍重.
--------
"若可以分擔她的煩惱, 那便好." , 曾有一刻有這想法, 其實自己是不自量力.
本身有大堆問題要煩, 但離遠在劇場看見她一眼, 只是皺眉, 卻會去想她近來是不是有心事和煩惱.
若她有需要, 全世界的人由北極排隊到新加坡, 從八十歲到三歲, 都會幫她的.
所以, 只能在這兒寫寫, 不能讓別人知道.
怎麼今天不寫她的衣著打扮, 雖然只是看了一眼.
嗯, 忽然覺得, 這樣子寫下去, 若某一天有人白撞入來, 便會影響到她.
那絕對不是我想看見的事.
(ix)
26-1-2019
輸入了大半天去年看過的舞台劇資料, 就快完成, 可以把場刊封箱保存.
休息時, 隨機找到這個版本.
幾好聽, 很清澈, 雖然少了鄭小姐live version 當中的感情, 各有各好啦, 太多感情會累.
https://www.youtube.com/watch?v=fnKzSyUKKjk
(x)
26-1-2019
今早去了大坑和朋友食早餐.
收到了早來的生日禮物.
點解, 我會覺得現在的余巿10 年, 縮左水, 細枝左既?
好耐冇買酒, 現在也不捨得花錢買日本威啦...
如果給我四枝, 會很有心思.
我四張野嘛...
發夢啦.
記得以往寫生日卡給你 常會祝福你快D 找到良緣 後來也沒怎寫了 因被你強烈讉責後
從沒懷疑過你是一個善良的人, 然而有人好人還是得不到認同卻是你所懷疑的. 也許就是彼此的觀點出發點不同吧. 但請繼續保持著良善的心, 對世界寛容, 釋出你的善意. 這樣做, 不是給別人看, 只是因為出於自己的心意.
今早的早餐氣氛像回到十年前 簡單的美好純粹 想說甚麼也能說出來 我覺得很舒服 希望將來也能如此
那時候 還未知道你的其他朋友們 沒那麼多人事心思複雜 被人瞧不起 , 歧視, 誤會 合不來 這環境令自己轉mood 成計算過敏 只為保護自己 自己辛苦 也覺得自己很難看
-----------
朋友說, 十年前的我.
十年後的我.
....................無語中.
看著朋友的白髮漸多了.
風風雨雨的十年.
我沒興趣再見佢啲朋友.
會少見了, 但總算可以像今天般舒服自然地吃早餐吧.
---------------
我是怕面懵尷尬的人 我怕被人覺得死纏爛打.
與人相處, 是很被動的人.
所以 以前曾喜歡的女子們 見到自己面黑 黑過死海的黑泥 眼神流露的煩厭 當作透明無視
自己會不知所措 不敢打招呼以至點頭微笑
所以 朋友這些年吵吵鬧鬧後 仍會主動聯絡
覺得感恩.
(xi)
26-1-2019
Private Banker 服務收得貴, 吾係冇原因的, 有啲仆街野, 都要照做. 搵食啫.
譬如幫客人訂立遺囑, 講明老婆在佢死後, 每年只能收吾夠100萬生活費, 冇通脹喎. 若到時改嫁, 更一個仙都冇得拿. 6, 7 皮幾野一個月, 在香港生活雖可富足, 但佢有10億喎, 使吾使咁手緊呀.
(我若識佢老婆, 一定教唆佢立即離婚, 四十幾年婚姻, 分佢一半身家, 我收番一千萬作情報費)
個女一生只能創業三次, 每次只能拿幾百萬作資金.
大佬呀, 在IFC 開乜乜春茶奶茶, 都要400萬啦...
買樓不能買多過幾千呎的樓....
大佬呀...買幾百呎都過千萬呀... 真係幾千呎, Opus呀, 歌乜乜山果啲, 隨時等於你副身家呀...仲未夠俾呀...管理費吾使俾呀...
做定期, 提早終止, R 到可以拿回存入期間的利息喎...吾俾人罰佢息...
咁個Private Banker 食西北風呀?
呢啲西客好惡做.
有咁既身家的人, 會咁鬼小氣, 計較, 係咪得10-20億身家的人都係咁.
舊公司老闆都係咁的人.
早前和舊同事tea, 聽佢俾大陸公司昆左押殼借錢, 一借冇回頭, 得啲冇流通的股票, 監管問發生咩事, 仲要死撐話好有信心收回本利和...
我不會心涼, DLGH 既, 但也絕不會同情就是.
反正吾見左一億, 仲有十幾億.
人地買倫敦金閒閒地都吾見6億...跌爛個花樽都有啦...佢輸一億仲好意思出嚟同人講...
咁點同人講佢自己好有錢呀...
聽舊同事說, 舊老闆寧願搵吾關事但肯定吾會走的人, 卡死曬啲RO 位, 都吾肯俾其他人掛牌, 積善緣. 過左搶RO 潮, 人工就不是現在的價了.
咩人介紹咩介公司俾佢押股借錢, 也合邏輯了.
物以類聚.
現在仲講殼價咩...咁多板, 個個都啤殼, 咁多"厲害了, 我的..." 水魚, 但都搵到佢頭上借...你話呢咩質素...
大概過年後, 舊公司的盤房, 應只得兩個我識得的人了.
咁既氣氛, 人手和經驗, 卸膊, hea 做, 你話未來兩年內,
吾會發生做錯盤輸幾百萬銀碼的事, 我吾信囉...
但人地情願咁輸幾百萬, 都吾肯留人叫人俾心機做野呀...
結論, 有錢 , 以億計, 但不是超級好有錢的人, 是最麻煩的人.
(xii)
27-1-2019
今星期三, 要去前上司證券公司開張酒會, 又要去中環.
吾想去, 但小器的人講耶穌咁煩的問...想人地見到佢風光的一天, 吐氣揚眉.
想到那場合會見到以前金融圈的人, 特別是前老闆, 便覺得煩.
好久沒有戴面具演戲了...但對住班影帝仆街, 卻又不得不如此.
"炒成點呀..." , " 會不會搵工呀..." 呢個問題實被人問.
關你撚事呀... 好想講.
對住成班沒句真的人, 人前人後兩個樣的人, 很累.
搵食啫.
-----------
今年的利是入不敷支, 冇乜人會派俾我.
昨天派了利是給朋友的兒子, 已注定負數.
我係A0 都派 ?
( A0 是潮語, Single, Available, Married but Available, 三類中的Available, 並是初始版---即係從來未發跡...)
都心意罷了, 若真的計較, 何必呢.
當然,我不是係人地有小朋友都派, 發左咩, 重點是, 好熟咩.
想到新年團拜, 都覺得煩, 暫時已推了一個.
平時不見, 新年有乜好見?
--------------
看完了男朋友.
等一個人, 若會等到...
只能是對方也喜歡你, 你也生得似朴寶劍, 你懂得哄對方笑.
三樣都不中, 也只能放手吧.
長情, 真心, 不值錢的.
愛情裡, 能令對方笑得燦爛是最重要的事.
我諗, 我的真愛會出現在迪士尼.
佢叫米妮.
估錯了ending, 不是sad ending, 也估錯了秀賢對於前夫想送股份的處理.
看完這齣劇, 就像經歷了一場很pure很true , 可一不可再的初戀.
此生再無憾?!
冇電視睇了...有乜好推薦呢.
(xiii)
27-1-2019
你若有兒女現在十五歲, 除了英文好, 其他中文, 數學科科低空飛過.
不過課外活動卻很出眾, 是辯論隊隊長, Prefect, 參加大學搞的少年領袖計劃, 也帶父母去做義工, 嗜好廣泛, 近來想買DLSR 影相...睇得朴寶劍多.
有這樣的子女是不是好呢?
會考就凍過水的了, 但成長階段學懂做人, 社交能力高...
卻是真的終身受用, EQ, AQ 呀之類都會高.
只是肉赤要送去外國讀書吧.
識做人好過好識做野.
畢業後, 邊撚個會記得Tangent , Sine, Cosine , 中山狼傳, 隋煬帝貪好漁色, 荒淫無道呢啲野呀...
若可以重頭做人, 我寧願讀書不叻, 但卻在social skills 好.
至少, 溝女吾會成為終身障礙先啦.
(xiv)
27-1-2019
看完男朋友後, 我曾想過, 下次在劇場, 該不該見到全場最靚的單身美女, 就強行除左佢隻鞋呢?
這樣子, 美女就會似宋慧喬咁向我奔過來...
到時, 我會再替佢穿上鞋子...
掂...
朴寶劍都係還左對鞋俾宋慧喬先可以破冰嘛...
