4-1-2019
今天是大學時第一次單戀對象的生日.
沒有甚麼目的和動機, 只是記得.
以前想追過的那些女子們的生日, 我全都記得.
八卦的我, 一時好奇對方現在過得怎麼樣, 在面書找到近照.
嗯, 若時間可以重來, 我們現在應該登對!!
因為, 我們都有雙下巴!!!
(以呢個不知所謂的邏輯, 呢個世界上, 好難搵到同我吾登對的中女港女架喎, 年紀大過我的中女港女, 好難冇雙下巴喎, 三下巴都好正常架喎...)
講啫, 佢應該結左婚, 並已有至少一個小朋友了.
生日快樂.
(ii)
6-1-2019
近來好讀.
Juno
https://www.facebook.com/theofficialjunomak/photos/a.645793558896203/1368900849918800/?type=3&theater
蔦屋書店
https://www.facebook.com/standnewsliving/posts/950569231809785
近來好聽.
梁文道.
https://www.youtube.com/watch?v=oZWcDu940eI&index=6&list=PL8UJXiZ3Wv33VRGrNdYcQ4DICXbBQaTxt&t=6717s
聽完, 你會諗得明, 點解元旦日, 那班垃圾的倉庫俾人搞得來又咁輕手.
真係整死左, 邊到搵稻草人, 邊到收維穩費, 邊到燒埋真正想整垮的對手.
也越來越不同情那班垃圾, 不是政見, 而是愚蠢.
(iii)
6-1-2019
一周看戲講垃圾時間.
a)
韓流文化評論家鍾樂偉講過, 呢套劇特別之處是倒轉傳統男女角色stereotype, 即變了公主和灰男子的故事.
除了古巴那段戲是向Roman Holiday 的致敬, 這幕女子踏著堅定的步伐, 而男子則奔跑迎向女子的scene 也是呈現這個戲的特色.
一般劇集, 都係女人滿心激動地奔向男人多嘛.
我: (重演劇集台詞) "若大海是波浪的事, 那麼思念妳是我的事"
妳: 咁你不如跳海啦, 我份人好怕麻煩, 好怕拖拉糾纏不清, 你跳左亦使咁煩諗起我.
b)
"讀熟唐詩三百首, 不會作詩也會吟."
看到這一幕時, 我覺得劇務表現很差, 拍得不夠仔細認真, 忽略了 "Time" 這個因素.
一場戲,最少都80幾分鐘吧.
但依家同條女睇戲, 散場時, 爆谷飲品一啖都冇食過飲過, 邊有情侶會咁架...
咁人地睇戲吾係真係睇, 而係情調吖嘛...拍拖的情調...
情調呀...情調呀...係拍拖的情調呀, 我識條鐵咩...(我又自己插自己一箭)
依家仲要係初戀呀...係初戀呀...我夢寐以求既初戀呀!!! (對!!!! 我的初戀應該係咁!!!!)
初戀時, 睇戲緊要, 定陪你睇的人緊要?
醉翁之意不在戲呀...
呢啲野, 初戀時先會發生, 一齊耐左, 就冇呢啲野架喇,
到時真係成為生活夥伴, 大家都只會專心睇戲.
所以要好好珍惜...
講到我好感慨, 歷盡滄桑難為水咁
唉...
朴生從韓國再去古巴的戲份, 好明顯吾連戲, 飛到去古巴, 皮膚即時變黑, 臉頰也瘦了兩個碼.
都係宋慧喬保養得好...
c)
這是一個表面上的愛情故事，實際卻是勵志故事。
不是平凡男子愛上白雪公主，以至心地好，便遇到好女人啦，那太短視膚淺和一廂情願了!
你有沒有統計過，宋慧喬在太陽的後裔裡跟男主角錫錫多，定係在呢套劇多?
但最後宋慧喬卻嫁左俾宋仲基喎!
所以話呢，要真正追到好女人，一生一世
並吾係計你曾經同佢有幾親蜜，
而係講恒心，承擔，我吾使眼紅一時架!?
中女港女們, 洋腸泰腸韓腸 (日本據聞太短, 不建議, 不要迷信四仔片那些呎吋啦, statistics 裡的selection bias呀...), 你地食還食, 但要等我呀...
想來，並不是調侃宋生。
想起我「老婆」孫藝真在經常請吃飯的姐姐裡，被丁生近乎溶左的親密戲份，
我只會對宋生講句
「bro, i know you feel !」
d)
阿宮ep 9
好夾硬嚟，問條女信吾信佢，跟住就咀埋去。佢吾止精神病，殺人犯，仲係衰公眾場所猥瑣風化！
真係架...我如果在地鐵問一個中女港女, (梗係搵個靚架啦, 反正都衰梗) , 問佢, 你吾信我? 點證明, 然後一啖咀埋佢, 你睇下我有咩下場呀...
拍攝手法真係麻麻... flash back 用得太濫, 係到呃時間片長,
男主角回憶助手的生前那段, 我亦終於忍不住飛skip左佢...
(iv)
6-1-2019
懶人如我, 近來吃得最多是759 韓國的 叮叮飯 + 各種罐頭一罐, 便是一個午餐/ 晚餐.
價錢便宜, 也只需洗匙羮便有得食喎, 份量不會太多, 剛剛好, 不會吃太飽.
朋友早前給的手信有這一包微波爐叮熱的肉片包(圖居中有"燒" 字樣), 幾好食, 叮完有肉汁, 撈飯幾好食, 肉片真係一塊塊, 不是肉絲嚟架...
吾知香港有冇得買呢? 找天去Sogo 看看.
成日食魚罐頭, 是有點悶的, 吞拿魚 (肉/ 腩) , 鰹魚, 鳳尾魚, 沙甸魚...
鬼叫我懶又孤寒.
(v)
6-1-2019
在日本東京, 9000元港紙樓下住900呎屋....
嘩...
雖然團地 (公屋) 啫...
但我覺得正喎, 木村當年在 Love Generation 都係住呢啲.
東京喎... 900 呎喎...間隔極之實用見駛...
邊似得香港果啲可以訓上去的露台 (露台吾係曬, 係用嚟訓架)
又吾使移動木板左移右拉...
好似玩變型金剛先會出現的睡床, 梳化, 食飯枱三合一.
依家吾係加埋屎塔的四合一已偷笑啦...
我太吾知足了....
但我信香港將來的樓則可以變成咁囉.
吾使落牀便可以疴屎...
https://viu.tv/encore/where-you-live
(vi)
7-1-2019
阿宮 ep 10 首10分鐘.
kiss完冇下文, 冇禽獸情節, 咁證明到啲咩呀?
兩個人的唾液分秘正常呀?
實踐是檢驗真理的唯一標準, 所以要做.
要不然, 如何證明這就是愛.
男人溝女拍拖, 吾係係為左做禽獸, 拍嚟做乜呀? 好得閒呀?
(講啫, 到我都有那麼一天, 雖然其實和宗教裡末日審判會來臨咁虛幻,
我會同條女講, 我呢世人最嚮往既係, 柏拉圖式的精神戀愛!? 兩個人一起只要有愛, 就會滿足)
好吾公平啫...韓劇男人沖涼, 露胸肌腹肌就梗架喇, 差在未露埋JJ,
但韓劇女人沖涼只影到手臂...
咩事呢...佢地淨係沖隔肋底架咋?
咁...鍾意睇韓劇的中女港女, 沖涼咪又會淨係只洗隔肋底?
中女港女的腋下傳來陣陣的仙氣啊!?
朝聞到, 夕死可矣...
呢隻在萬寧有得賣喎..
美股開巿了, 留番星期日睇埋佢.
(vii)
8-1-2019
今天是幾晦氣的一天.
一來巿場悶到抽筋...
二來, 舊上司whatsapp , 說搞緊speed date , 想找我做躉腳.
不想再有往來, 當然推卻.
累的, 同佢講野, 個腦要不停run, 好似劇本分析咁諗佢每講的一句野的subtext.
之後, 佢便說最多請女方食飯, 不會太貴.
我都係拒絕.
之後, 便再說佢請埋.
我再三拒絕.
好煩...
但其實, 咁樣約人的態度, 啲女先會覺得有誠意?!
我做乜怎都不肯去呢?
浪費時間, 訓覺吾好過.
最重要一點是, 我做乜要去呢啲場合俾人玩呢?
不要以為我吾知那些年, 我被人叫去埋呢的場合, 其實係方便佢溝女, 同佢老婆解釋.
成功?!偷食例子是, 佢跟當時另一個搞speed date的女人, 一齊搞搞下speed date 搞上床,
食完著番條褲就閃...
那女人後來 msn messenger (果時智能手機未發達) 到 問我和另一個舊同事,
佢的近況...忙吾忙...
你都吾知我果時感到的壓力, 床又吾係我上, 大話圓謊卻關我事.
成件事唯一得著係, 啲中女港女open 吾open, 係冇樣睇, 著咩衫也睇吾出佢的真實性格.
外表和思想幾成熟都好, 都可以以為同男人上過床, 就可以發展下去, 令佢離開老婆坐正.
男人都是仆街的, 有錢冇錢都會身痕.
咁我其實都想吾想咁?
傻啦...呢啲野同睇四仔一樣, 食花生睇人地爆煲PK 就very good , 自己就咪搞...
(做男優/汁男, 好辛苦架, 你睇下朝偉在"色戒" 到, 做到起曬青筋就知啦...)
唉...吾知幾時先遇到我的孫藝真呢?
會請我吃飯的漂亮中女姐姐.
(viii)
11-1-2019
生日快樂!!!
我"老婆" 今日生日呀...
雖然,
比悲傷更悲傷是,
今日我和"老婆"的距離, 比Long D 更Long D...
報紙話佢去左美國旅行呀... Long D 由香港到韓國, 變左香港到美國!!!
佢吾係真係和玄彬戀愛吧...
玄彬演戲好普通咋喎....在阿宮只係識CHOK....
----------
咩事呢, 連續兩個星期五都要夜晚9 點可以先離開工作室.
上星期就話做錯excel spreadsheet, 執到我死死吓啫...
今星期就肚瀉...
(ix)
12-1-2019
新一年, 看第一齣舞台劇, 七時半, 一入劇場, 便看到她站在電話亭.
曾答應過, 承諾過, 自己不要再亂講野, 亂猜測, 所以也沒有甚麼想寫.
慢慢會習慣.
https://www.youtube.com/watch?v=1od2NrJ0iaY
張學友唱得也很好聽.
有些感覺, 不用每次都重複地表達出來, 自己明白就好.
嗯, 她仍然很漂亮迷人, 令我輕易地把她認出來.
今年不想像去年那麼hea, 想寫回看後感.
暫時覺得, 舞台劇版本的質感和電視版很不同, 前者貼地現實得多; 作者應該寫的時候, 諗住在壽臣演.
買最貴飛, 一開閘便買, 都只能坐側到一個點的位置...讓人很無語的內部認購.
(x)
13-1-2019
壞了desktop 電腦, 只能用laptop 上網和工作.
很不習慣, 我又不是那些 Banker or Accountant, working everywhere.
我需要的運算力也要很高啦, 只是不及網遊吧了.
買過一部新的, 不是不能, 反正幾千...冇乜感覺...
搵日手痕, 輸左都有啦.
只是煩, 抄錄data backup.
去年看戲record 的excel 都還沒來得及備份.
怎都好, 拆了個hard disk 出來才算吧.
下星期六日都看劇, 也沒時間去買部新電腦.
或者, 其實我吾需要買一部電腦, 在家工作不了, 硬性逼自己的生活balance 一點?
就像現在做運動, 因為視為工作的一部分, 也才勤勉不少?
諗諗先.
-------------------
揀來看, 看了盤菜那集公屋 final.
是羨慕日本的公屋平靚正...香港人...申請日本公屋啦...吾好只係望住香港那個碗.
當然講就咁講啫...這個節目沒有提到, 背後付出的社會代價也不少.
譬如政黨政策傾斜老人...因為踏入老人社會...所以要搞呢啲...仲未計養老金...etc.
所以日本年輕人生活和交稅其實不易.
都係你睇我好, 我睇你好啫...
只不過, 香港政府最仆街咁解....
---------
和大姐吃飯, 提起佢仲要等多十幾年才夠六十歲拿長俸.
就算現在辭職都要等到六十歲.
怎都好啦, 我都係冇得分...雖然, 我都問佢, 佢若早左過身, 會不會俾埋家屬...
我每月收兩三萬, 好OK 架啦....吾使做喎...
不過, 點會筍...
----------------
看電視講垃圾時間.
咪俾我估中，條友將酒店的股份送俾前妻。
係愛呀，秀賢！
可惜，我冇菲林筒，但呢招幾work喎,sweet 得來又surprised!
我都拗定兩個萬字夾做戒指先！
這比pandora 更pure 更true，啲中女一定冧！
捉住條女隻手, 塞入我件大褸袋, 讓佢摸到戒指...
掂!!
情侶戒都可以拍一集，導演編劇係勁！
呢兩集, 我其實有冇憧憬床戲?
冇...
我好純情架...況且...我覺得..
" 有啲野, 吾使係一個晚上就做曬架...我跟妳一起走下去, 讓愛情細水長流"
宋慧喬真的演得很好, 很生動迷人.
當初真係吾好彩, 接了王家衛的葉問...變左茄厘菲...
阿宮...第13 集....啲flash back 真係好難頂....今集好明顯係到話俾觀眾聽...
佢地拍片的長度吾夠, 所以點都要back下....
這樣講故事, 真係吾吸引.
咪俾我睇死, 佢細佬被人追殺的情節會loop多幾次...
-------------
因航人為出錯, 又一折賣頭等艙機票.
網民又讚乜乜找數真漢子.
其實呢, 我依家炒股票, 幾年前都炒過iPhone , 是冇道德高地去話人地...
只是, 君子不乘人之危, 好像變得過時, 總是有點不適應.
如果, 現在仲有得炒iPhone , 我會不會呢?
應該不會了.
呢啲貪小便宜的黑歷史, 是沒法抺走, 但也不應該繼續下去吧.
很認真的, 現在於我, 朋友, 愛情, 就沒有架喇,
事業還有點希望, 近來又再諗通了一樣野, practice/ testing.
我想成為好一點的人.
每一次看見 "光" 的時候, 我都會這樣想.
她真的耀眼.
沒有留言:
張貼留言