暗黑料理系列

25-11-2018

早陣子買的蜆肉味噌湯包, 今天終於挨完喝光.

為甚麼要挨?

因為不看使用說明的人, 把湯料和醬料分開使用!!!!!

我是喝光了湯料包, 才發現這個被埋葬的真相!!!!

即只用那十包蜆肉湯料時, 會嫌湯底太清, 沒有味,

之後醬料煮湯, 又會嫌甚麼都沒有, 成湯都係水, 只有味噌味.



今天, 終於成功研發出燒賣味噌湯....

至少碗湯起碼叫做有湯渣咬下...


明年去日本, 一定要去百貨公司, 買一個外帶漬物食盒 (應該有呢啲野, 我估) , 一個盒可以放多款漬物.

串燒的癮

好難得去了馬頭圍。

炭樂竟然今天休息！

灰。

去了笑左右衛門，普通。

成堆串燒上，串燒溫度沒保障，已心知不會有驚喜。

所以也沒有吃第二輪。

還有一點不飽肚的感覺。

去了後面的串串店，吃了一串牛舌立食。

似煲過湯的牛舌。

重點是，它其實不是牛舌而是牛脷。

即男人的X頭和玉莖的分別，幫過人口交就會明。

所以，女人常吃牛舌，有助增加魅力和異性吸引力！

(隨口亂嗡，呢啲係缺德說話）

幾時才去過炭樂呢？

本想擇日重看猿人，但今晚看完後，卻心知平日放工後沒有足夠的精神體力去觀看演出。

只能作罷。

希望下次來牛棚時仲未執笠吧。

開煲大典 (我是港女我怕誰?) + 雞胸/雞柳肉餐單的開始 30-5-2017

各位港女姊妹, 大家好, 我係媽咪姐Antonia.

今日係端午節喎...端午節快樂...

ai...我地都係吾好理點解有條友屈原投江自盡, 我地要幫佢Ce-LE-Br-atE , 仲要快樂呀吓...

o係我地開始講解點樣開一個新煲之前

我地都要嚟一次倒數架喎...

慶祝我地, 跟住字幕一齊嗌: 

"港女開出一片天,  用煲呃like 冇難度" 

3......2.....1....

Yeah!!!!!

嚟...我地自拍一張呀吓...

呢位中女...你企後少少....側一側面, 咁selfie 嗰時, 塊面就冇咁大架吓..

ai...再影過一張...呢位中女又吾使企到太後, 咁淨係得我一個塊面大...

我地係好姊妹嚟架嘛...

好喇, 各位請坐番低，我地要正式開始架喇。

要成為一個出色的港女，家中有煲是必需的。

出面有好多狗公，尤其姓楊嗰位，講埋啲港女買煲扮賢淑拋煲 (not 胸this time)呃LIKE冧死仔，好侮辱，我地班姊妹一定要好齊心杯葛佢，等佢一世都做隻單身狗公。

嗱，講番開心野，大家手上都有一張官方的開煲指引: 

各位姊妹大致上跟住指引做就可以成功開煲架喇，但我媽咪姐都有竅門話俾大家知架喎.

就係開拆箱開煲後, 千祈千祈, 一定要搣走煲裡和煲底及煲身的牌子貼紙呀吓, 吾係真係會燒燶煲架.

大家依家手上係吾係都有一隻新煲啦? 

現在可以試吓開煲.

(十分鐘後...)

(媽咪姐,  我吾要啊...我個煲燶左呀...)

呢位好姊妹吾使驚, 媽咪姐係到, 實撐你...

你開火得太猛, 燒燶左個煲. 

不過吾使驚, 即上呢個連結試下裡面的方法做. 

應該冇問題既...我媽咪姐個紅色新煲仲急救緊...

我係吾會扔低你一個人架...

http://oniyomeryori.blogspot.hk/2014/02/blog-post_24.html

(十分鐘後...)

各位同學, 開左新煲係咪好想即刻煮番個餸po上facebook 呃like 呢...

媽咪姐明既...所以都一早預備左三色炒雞柳既材料.

做法好簡單, 雞和蔬菜煮熟的時間係吾同架喎.

所以, 秘訣係把菇和椒一齊煮, 雞就另外煮, 最後才炒埋一碟.

至於落幾多鹽, 之類, 隨心就得...

張相係facebook最緊要係靚, 多like , 吾係好食.

況且煮左出嚟, 又冇人逼你食.

就算係食, 都係你條仔食,  亦輪吾到佢話吾好食,

佢只可以俾"心心" , 和留言 "覺得很幸福".

你幾時見過facebook 兩公婆的煮飯相, 老公會留言 " X! 好X 難食" ?

(媽咪姐, 點解你用個藍色鑊去煮三色炒雞柳?)


傻豬妹嚟架,  生鐵煲保養麻煩, 梗係上菜果吓先用架啦,

平時用番啲粗野煮, 整污糟都吾會痛心, 用完又吾使煩保養塗油的問題.

如果打算煮完吾po 上facebook , 就直接用個煲當碟啦...

隻碟吾駛洗咩...


最後, 媽咪姐都俾一個獨門心得各位好姊妹.

煮餸時, 一定吾好忘記要擺個靚pose喎.

要微微抬頭, 傾前側身, 約60 度,  胸口最前, 咁樣身材先夠立體感3D.

下巴對住前方. 頭要垂直偏側, 3 7面.

如果你煮餸果時係著住低胸吊帶裙,  炒菜時千祈吾好俾吊帶跌落嚟呀...

係要就跌, 但死都未跌...

呢個有啲難度, 需要多多練習呀吓...

各位好姊妹, 今晚媽咪姐既分享到此為止.

多謝各位出席...

我要向你地致敬...

港女是最好的!!!

Yeah!!!!

---------

煮了今年第一餐雞柳 (買不到雞胸) .

要吃得清一些, 健康一些.

雖然, 天天煮是沒可能, 但希望一星期煮到一次.

我的IG相

近來吃和喝酒太多。

17/3/2017

18/3/2017

德記，西環。潮州菜。好趕上菜和埋單，地方不好坐，味道不差，但寧願去朋友家開的那一家。遲來、其實我很忙看話劇、現在才吃的慶生飯。謝謝。

同晚，甜品貴族。

19/3/2017

Spasso，尖東，free flow rose

有點後悔不吃多些海鮮如田螺。成個brunch內容兒童不宜。

Harrods Plantation Room, Tokyo 16-10-2015

在面書, 見到朋友在倫敦 Harrods food court 吃了二千多元.

心想, 好好玩呀, food court 都食到2000蚊, 不知東京有沒有Harrod 呢?

(我想點呢? 學人地又食2000蚊嗎? 我會捨得嗎? 吾會, 咁又有乜好學呢?)

結果, 在銀座找到這一間Harrod 茶室.


這天乘夜機來,  在車站買未來數日行程車票, 到酒店扔下行李, 已是早上十時許.

搞完以上,  便出發到銀座等吃午餐,

胡亂在銀座閒逛一會, 在壽司之神門口打卡朝聖, 尚有時間, 想起這家茶室, 便走過來看一看.

很容易找的, 在地鐵站內問導遊員.

甫來到Harrod's 門口, 便已被它的裝潢吸引了.  感覺到它散發出一種優雅的氣息.

據網站介紹, 它平時下午好難排隊, 所以那時候並沒有甚麼顧客, 不用排, 機會難逢, 可一, 不可再, 實在忍不住進內, 吃一個pancake 和咖啡作早餐. (咪理我陣間12點便要吃午餐)

蜜糖, 草莓乳酪, 牛油, pancake 的味道不濃烈,  mix 在一起, 仍吃到各自的味道氣味, 沒有蓋過其他. 味道以外, 它們的質感也很幼滑.

它並不是勁好吃, 不是必食不可, 但你會感受到, 店家對食物配搭的態度和要求.

The cafe has its own style.

相比之下, IFC 果間 Agnes b 裝修雖然優雅, 但卻完全欠奉優雅氣氛, (香港好多high tea 地方都如是, 因為感覺擠逼), 食物方面,  Agnes b 勁難食的 tea set 是同行去business briefing 都知, 但價錢不便宜,  tea set 難食程度, 係會明知浪費, 都吾會把那個點心架糕點全部吃掉.

若沒有記錯, 結帳應是百多元的一個早餐, 不便宜, 但坐在那裡, 自我感覺卻是多麼良好.

Conclusion是, 我幾鍾意到這裡吃下午茶, 享受這裡的優雅氣氛.

旅行,  首要自我感覺良好.

I am obsessed with elegant stuff.   :-)