19-2-2020
最近三年的二月尾到三月中旬, 在網上訂購生日蛋糕替朋友慶生,都會找同一間網店.
今天打算再問整餅姨姨有沒有空造蛋糕, 姨姨卻說今年不接單了, 佢下星期要出國學廚呀.
聽到都覺得很勵志, 滿滿正能量.
姨姨年紀都有咁上下 ( 我覺得佢年紀大過我啦, 我想扮細, 畢竟我細細個已搵佢造蛋糕俾朋友)
佢依家仍好學提升技藝, 體現學海無涯, 自強不息, 精益求益, 對自身餅藝廚藝有著無停止的熱忱, 整餅吾止謀生活咁簡單, 佢係鍾意整餅的人, 做著自己鍾意做的事.
姨姨真係好鍾意整餅和烹飪架.
就好似grand maison tokyo 裡的鈴木京香咁, 雖已是大媽, 雖一把年紀, 但都有大志要做出最美味的料理咁.
咁, 我出年再幫襯佢時, 我係咪變左木村拓哉?!!!!
嘩....
(慳啲啦我...)
況且, 吾俾佢在國外學廚, 邂逅愛穿豹紋底底的奇落維尼斯, 從此happy forever 不會回來咩.
講下呢啲, 個人係會開心過理會時事.
(ii)
19-2-2020
看無聊報道有關富二代一天可花多少錢.
那位富二代是五星酒店集團的太子女.
午餐會去旗下酒店的總統套房, 望著270 度維港海景食樓下米星星級料理.
食完飯再到頂樓搭直升機繞圈散步30 分鐘.
下午茶去酒店廚房試魚子醬.
咁就十幾廿萬了.
屋企住四千呎花園的獨立大屋.
每星期有晚搞派對, 出席都是同等階層的上流人士.
八卦獵奇是幾好的.
但又未至於會想試和羨慕.
在我這等普通人眼中, 當然覺得好奢華.
但若你有咁既身家, 吾咁使, 咪盞多落去.
有錢人的哲學, 是用左先係錢.
所以, 今日亦有新聞, 李嘉誠搭私人飛機買防衛衣俾香港醫護.
佢買埋咁多防衛衣的銀碼, 都吾夠俾佢來回的私人飛機錢.
這就是有錢, 懂使錢, // 有錢, 亂使錢 // 冇錢, 望住人使錢 (我) 的三種分別.
(iii)
21-2-2020
面書今天係到洗板唱16號愛人, 而我,
1 變4, 4變41, 來到這晚就更加自閉.
今年的生日, 很安靜地度過.
繼續有炒股票, 贏下就算, 搵不到錢.
(鬼咩, 自己這數月以來目標係改變一個長期炒股壞習慣, 尋日last call 逼自己改 , 新一歲, 新改變, 但撞正呢啲仆街巿況, 結果改係改左, 但rhythm , judgement 變得亂, 輸到趴響到. 今日正日, 吾想似朋友生日 "豪花"過百萬, 輸tsla short straddle 輸到咁難忘, 所以拿意頭就算, 況且今日個巿好淡互搏, A強外圍弱, 港股挾在中間好難做, 美元鬼死咁強)
收巿後, 去了銅鑼灣逛, 好靜, 崇光居然有路俾人行, 商店十有八九有店員, 但沒顧客, 感覺像去了日本的地下街, 幾好行, 當然人流情況更差.
揀了間黃店吃串燒, 幾難食, 炸雞好明顯不是即炸的, 羊架牛舌似翻熱, 吾似燒, 吾夠熱, 衰過肯德雞!! 埋單五百, 仲同我講打了六折...
很無言, 三百我都嫌不值, 我食吾飽, 之後去渣哥篤魚旦.
以事論事, 這間以前做得住, 是奇蹟.
現在執笠, 是合理.
嗯, 食過就算, 反正都是一餐, 不會有下次.
吾知, 街道面貌會不會浴火重生, 啲街舖大執位後.
是不是所有人三四十歲後, 過生日都是如此平淡.
沒有期待, 沒有狂想心儀的女子穿上一對 jimmy choo 然後踩上我的心口, "我係女王!!", 而我甘之如飴, 很滿足被她踐踏在腳下, " Oh, My goddess" . ( 現實中, 我只有斷肋骨的份兒吧, force, area , pressure, 140磅用高跟鞋咁踩法...)
只想安靜地過.
曾經很渴望, 很想念的人和事, 早已不會再來, 現在若仍去盼望, 又是何苦.
想又想, 挺沒趣.
所以, 一個人安靜地過便好, 也不錯, 雖然餐飯揀錯餐廳好難食.
出年再食再揀過囉.
(iv)
22-2-2020
跟朋友說, 現在抗疫封關最絕的國家是, 俄羅斯, 北韓, 越南, 台灣, 香港普通巿民, 最差是南韓和日本.
有甚麼共同點?
曾受共產主義思想管治的國家/ 被逼害的人民, 是最會對事件提高警覺, 因為了解, 知道對家是甚麼貨式德性, 大家都是同一套路處理人民/ 或曾被整治過.
往錢看, 以"常理" , 正常程序, 指引處理, 則瀨曬野.
(v)
22-2-2020
今天訂了今年的蛋糕.
我好吾BUY 那些要用槌扑爛個殼的蛋糕, 裡面是銀紙, 糖果的.
我買一箱kinder 咪仲有得扑, 扑到佢手軟都得.
我又吾想買太硬膠, 食落好硬又怪味, 好多人造色素, 但睇落OK 的3D 造型蛋糕.
https://www.elle.com.hk/life/cake-co-interview
嗯, 都是報道裡的甘比光環.
可以對住一個很要求的男人, 十幾年下來修成正果, 這女人吾係流的.
佢仲訂了幾次, 所以蛋糕應該睇得, 又入得口的.
如果佢出身好一點, 有成堆學歷學位函頭, 以佢性格, 社交能力去做財富管理, 應該HSBC 跳舞跳左成億錢那級別的.
我當然冇錢訂甘比那些咁大個啦, 依家應漲價到成皮野一個蛋糕.
但入門版至少都見得人吧.
當然, 又吾會期望會靚得好交關, 畢竟, 同一價錢, 你係咩人, 就有咩extra bonus , 咁我幾廿歲都看化了, 都明的.
只相信店家的質素底線不會太低罷了.
(vi)
1/3/2020
經歷了如2008 金融海嘯的一周, 這刻感覺還是很累.
輸, 梗係輸, 但主要是輸星期四下午三點那轉, 第二朝返嚟冚包散...
好無言.
星期五晚美股時段似回穩喎, 夜期挾番幾百點上去喎, 咁咪止蝕剪錯貨?
更無言, 被摑多巴.
邊個叫我咁短線, 吾坐貨?
咁我個game plan 係咁架嘛.
最多星期六日, 坐低檢討修正, 但吾跟plan , 後果只會更大鑊.
吾開心, 有啲壓力, 但總要面對, 對不對?
身邊冇個朋友今星期吾輸PK.
我算輸得好少.
但這樣的比較無意思, 無聊.
看某網上炒股KOL, 想屌九人.
屌你...你話期指星期四 27800 無力企穩, 係收巿競價巿段完結後發力才插落去, 你話你立即對沖, 咁仲講得通, 若說即刻沽貨, 果時現貨收左巿, 沽你老味呀...
吹水係無成本.
同埋, 真心覺得經X通的即時新聞有問題.
強烈懷疑那班人收枱底錢放流料.
reservation ratio 新聞 timing 係好有問題.
---------
近來啲人在爭論布袋口罩.
自己無意亦吾想理會.
只覺得成班人, 沒有問中, 設定好題目.
如果你嘗試把口罩, substituted 為金融產品, 債券又好, 衍生工具又好, 道士股好, 滙控又好.
其實要拗的野, 係無分別架喎.
咪又係understand your client, 即 suitability 問題.
舊野就係到, 邊個用, 邊個啱用, 點樣用...
你搵個懶鬼, 操心大意的, 就算布罩係work, 條友都會仆街架...
如果搵個護士, 醫生用, 布罩係吾會有問題架...
咁所以拗嚟 , 有乜意思呢?
-----------
口罩如衣服, 要著衫返工.
那個癲婆, 不予置評, 吾想打咁多粗口.
只是, 我發覺我都有啲天份去做AV 策劃人.
口罩家政婦!!! 口罩未亡人系列!!!
即係呢, 果啲片裡, 家政婦吾會全裸只穿圍裙做家務, 而係全裸, 只戴住個口罩做家務!!! 屋主男主人亦全裸, 用盲搶購左返嚟, 幾十條用吾曬既廁紙包起變木乃伊, 家政婦就幫佢拆廁紙清潔!!跟住啲廁紙隨著劇情開始變潮....
未亡人都差吾多, 只不過場景變左做靈堂, 由條男人訓係棺材開始roll 機...
工X 聯, 民X 聯那些薄到透光的口罩就最啱用, 一篤就穿...
諗起, 我都覺得自己很貼地, 好有創作觸覺!!! 我用嚟寫舞台劇, 一定有最佳劇本提名.
咁啲人搶米, 60KG , 又可以點作?
練鐵砂掌情節, 雙手插入熱鐵砂, 但依家變左板男根, 可以夠食十年的米變為鐵砂, 有條女行過見到條功夫男係到練習插米.......由生米變成熟米, 三幕劇情...
咪咁大男人, 咁從女性自主的視覺呢?
咁梗係搵個A&F 男模演啦, 今次底褲都冇得佢著呀, 下面只掛住一個口罩... sexy 過在沙灘只穿mankini 男堅尼曬太陽既型佬, 男堅尼起碼遮到後面, 口罩喇喎, 好似色戒的朝偉咁, 睇到蛋蛋架...啲中女港女一定尖叫.
夠!!!!!!!
-----------
發了電郵去兩廳院問退票事宜.
退到固然好, 退不到, 也想把門票給當地的年青人去看.
那樣子, 就不會浪費了門票, 也是對演出者的尊重.
冇個表演者想對住成堆空櫈演出吧?
使吾使咁早問呀?
成個月喎.
問定先者, 官僚的野, 俾多點時間佢地係穩當啲.
當然, 最好三月中旬解禁, 那就可以按原定計劃去了.
我真係好需要旅行減壓.
雖然, 依家去旅行被人當中國人打的機會增加.
但台灣吾怕卦.
-------------
苦悶, 這兩天都想吃好一點.
但夏天了, 看看自己的肚腩....
唉...
-------------
昨去了拜祭亡母, 那裡的錦鯉池的錦鯉, 好像吃不飽的樣子.
買了衣包燒, 三個阿姐輪住幫忙, 超好服務, 也是超得閒無聊.
經濟很差啊.
在龕堂裡, 沒有想甚麼, 如過去那些年一樣, 只是知道, 從前的自己幾仆街下, 不懂珍惜.
雖然, 現在仍好不了那裡去.
------------
有沒有看朴敏英的新劇?
快速推前看了一集.
天氣好的話, 我會訓晏覺.
劇本真係好悶, 只啱文青.
浪漫醫生李聖經果啲, 先啱我, 我很膚淺只想娛樂放空, 有靚女, 長腿, 可愛, 有KISS , 咁就得架啦.
愛的逼降, 結局好兒戲, 所以昨天才煲回最後四集, 最後四集係搵戲嚟做.
變了牛郎織女.
看少些電視, 要讀多一點書, 若不想變腦殘.
忽然想回歸讀書人行列.
--------------
有個馬主富婆瀨左野, 期間周圍去啲高檔地方.
無意去講那個富婆乜, 雖然佢係藍絲.
只是, 不由得再想起, 不知道她近況如何? 見客出門還安好嗎?
她要好好的.
就是這樣, 難道我會好奇她公司出了業績, 部門數字上有點起色, 她去年的花紅有冇幾百個月咩.
若能知道她人好好的, 便足夠.
(vii)
2-3-2020
台灣的CS 真係回覆得快, 怎似香港, 去年十二月上原廣美退款, 退到依家, 毛都冇條.
開演前一天可退票...
不過做人吾好咁絕吧.
(viii)
6-3-2020
又一個鬱悶的交易周.
即巿短炒不過不失, 但做swing trading 方面, 很想吐糟 " 我都有阿媽生架...".
唯一慶幸, 上兩星期前仆過街後, 今次再做swing trading 時倉位縮剩三分一, 入巿價都做得好一點, 仆起街來, 也易啃一點.
睡一睡, 周末日休息, 星期一重新再來.
