3-2-2020
假如讓我說下去...
無非逼我一句, "我冇稅交的."
難怪, 條女即時叫我收線.
我祝佢買口罩喇喎, 好有誠意傾.
-------------
恒生今天打來, 說差佬撿到我的銀包.
還沒空去認領, 不過, 現金, 乜卡物卡, 全都沒有丟掉...
咩事, 香港幾時變得路不拾遺.
問我做乜吾報案, 吾覺得有人撿到囉, 吾通可以再直接啲, 吾覺得你地會做野咩.
去差館, 唉...
(ii)
7-2-2020
星期二去了認領回銀包.
過程感覺很差勁, 又懶又hea, 又慢.
成個差館都冇人, 但卻足足搞了成個鐘, 填張form都搞咁耐, 你諗下佢地有幾懶和hea.
報案室啲黑警, 係到上網, 玩手機, 無所事事.
那些"表揚卡" 令我以為活在平衡時空.
很奇怪的, 銀包內的廿蚊紙十蚊紙全部都吾見曬.
正常人點都會一兩張, 吾會下下百蚊, 五百蚊紙吧.
我都會去舊式茶記食野既.
我懷疑, 佢地懶用萬紙夾去攝咁多銀紙, 扔九曬啲散紙.
好痴線的, 我在電話認領失物時,順手問有沒有撿到一個小盒子.
是搵到了, 但俾佢地用萬字夾嵌爛個"較" 位, 拿回都吾知做乜用.
點解要咁嵌呢? 冇膠紙咩?
讓我想起, 許多年前, 有天姑丈跟我說, 佢撿到一個coolpad 手提電話, 我叫佢拎去警署.
數月後, 警署送左俾佢.
不過是爆芒的!!!
又係俾你都冇用.
黑警是是腦殘的.
講完.
-------
幾間銀行寄了成個星期, 都未寄到一張卡來.
開始覺得難挨.
(iii)
7-2-2020
近期巿場最爆的是自是 TSLA 挾爆淡倉.
我自問細膽, 又沒餘力全程夜晚看美股, 當然只會食花生, 不會買衍生工具或正股參與.
IV 曾挾到最高160, 純炒基本玩法, 揀方向, long call, put 都會仆街收場.
根本係賭, 吾望住, 係會好不安.
昨早, 有朋友短訊, 跟我說, 我以前話short straddle 好似好吸引, 佢提我一旦波幅大過預期, 會被挾爆, CI 99.9% 外的0.01%.
佢提我, 但佢今次卻中伏.
佢犯有很多人都會有問題, 贏開順開就掉以輕心, 結果出事.
近來自己都有這問題, 要克服處理. 當然, 冇佢咁甘, 小巫見大巫.
嗯, 佢星期一晚訓覺前做了這個strategy.
星期二被挾爆.
輸了七位數, 連累其他持股被追孖展斬倉.
我就算聽, 都覺得好傷.
更甚是, 果日係佢生日.
連連有今日, 是最惡毒的祝福.
還好, 佢本身都叫有米.
還好, 佢老婆都能接受.
我心裡替他高興, 也羨慕的.
不是佢有米方面啦, 而是佢找到一個好伴侶.
可以共患難.
這件事, 除了提自己吾好咁離譜, 訓覺前落盤, 兼落吾到stop 外.
也提自己, 有view, 等 chance, 等signal, 再等timing 的炒股次序.
啱view, 啱方向, 都會死人的.
像今次.
不過都難的, TSLA 挾淡倉的莊家實力是超班和超級冚家鏟的人渣, 應是巿場最惡最兇狠, 得勢不饒人, 蝗過吋草不生的兇人.
那班人, 每個倉冇過百億USD , 都吾好意思話自己有份策略呢場大茶飯.
若看圖表, 你會知道前排BYND 和今個星期的TSLA 走勢節奏極相似.
只是後者是更大製作, 更兇狠.
還有是, TSLA 的spike top cross bar , 是收巿前十分鐘鬆啲, 由高位插百蚊形成的.
你挨吾到最後十分鐘, 都吾敢話會不會再挾多一日才見頂.
我那天朝早四五點, 因為又失眠, 早醒, 全程見住那十分鐘一棍插落嚟的狠辣, 即時醒曬!!!
惡頂如此, 佢地底牌, 隱藏訊號見頂到咁既地步.
朋友如果能挨到收巿又吾俾人斬倉, 應該有得贏.
MAX 2萬蚊港紙.
vs 現在輸七位數.
loss/reward ratio 88 times.
很無語, 對不對?
話時話, 汽車股係咪好鍾意咁俾人挾淡倉的?
https://www.reuters.com/article/us-volkswagen/short-sellers-make-vw-the-worlds-priciest-firm-idUSTRE49R3I920081028
看情況, BYND 好像教TSLA 咁插完後, 會怎走.
呢幾日追PUT, 隨時會再被挾過.
美股 short on 2nd weekly lower wave high, 雖然吾贏吾夠多, 吾夠型, 但襟挨啲.
---------
近來幫工作室的秘書買股票.
首戰失利, 當然大藍籌, 注碼又細, 吾會死人死得去邊.
依家CUT 吾CUT , 是個問題, 還在想想, 信佢再插到應一應, 就剪完再買回, 吾信佢跌太多, 就忍佢老母, 這是信念問題.
嗯, 現在還是不慣幫人買股票的, 還未適應.
好煩, 買一次股票, 要落四個盤四個戶口. (我, 家姐, 工作室主人, 秘書)
換了是自己炒自己, 會CUT 得快好多, 也沒有甚麼感覺, 現在卻怕吾好意思, 搞到人地輸錢.
(都係差幾年就退休, 所以我點都吾會幫佢地買冇乜成交的垃圾股, 這是自己的鐵律底線)
現在大家一齊艇, 都吾知點, 攬炒.
想又想, 這是上天給自己一門功課, 督促自己增加技能和改變打法.
剛整理好炒衍生工具的問題, 現在則要再做這個.
周末花時間整理好.
好正能量.
---------
近來通街都吾夠口罩.
自己也發覺當初預算錯了, 低估了現實惡劣的程度.
自己開始省住用, 兩日一個, 閉口禪, 用紙吸水氣, 周五六日一個, 頂到兩個月既, 應該.
不是不想買/訂, 而是, 我呢兩星期, 連提款卡, 信用卡都冇張, 搶條毛咩, 最多幫家姐搶屈臣氏一盒俾佢用.
嗯, 自己的自省重點其實不是口罩.
是忽然想到, 自己慣了獨自一個人, 是沒意識去主動關心及提點他人.
譬如, 當日自己去買口罩時, 怎麼不去提其他人也去買呢, 明知維尼熊吹雞, 單野好大獲.
希望將來的自己會做得好一點.
所以, 當跟兩個朋友提起口罩, 我說自己在省住用, 佢地會說分幾個給我, 內心是有點慚愧的.
當然, 暫時不好意思要住啦.
在這時勢, 不到山窮水盡, 都不好意思問人拿.
心意收下就好.
------------
給自己講中了, 台灣封了香港.
不是先見之明, 大把人更早已講過.
還好未訂機票之類.
四月頭先去喎...
你覺得本地廢成咁, 四月真係乜事都冇?
也要開始搞成堆 Art fest 退票.
好煩.
康怡那間茶樓, 今天起停業一星期.
巿道差成咁. 不如不開門, 省回食材水電都好.
(iv)
9-2-2020
曾想過, 今月怎去對自己好一次, 畢竟有生日藉口, 吾對自己好一點, 難道會指望其他人.
早幾個月前, 想過快閃去日本旅行.
幸好, 沒有, 吾係依家就煩到爆廠.
就算外地不抗拒, 想想也覺得煩, 在當地遇到強國人 (雖然我以前很少撞到), 當地人知你來自香港, 也有戒心, 大家都苦, 何必有錢就大撚曬呢.
嗯, 在面書見到有兩個朋友現在去了日本.
換了是我, 會最消旅程吧, 蝕了機票啫, 酒店都會揀可以臨時取消的類別架啦.
想過去吃海鮮一人鍋, 即幾百蚊交易, 有海鮮的, 追加牛肉, 竹簾分隔坐席的自閉火鍋, 目標也選定銅鑼灣的了.
但現在高危到吃火鍋都會變冚家鏟, 想又想, 還是免了.
嗯, 外賣pizza express 靜靜地一個人吃.
吃甚麼原來已不緊要.
------------
疫情膠著陷於無解之中, 生活始終要繼續, 譬如結婚.
現在, 交換戒指儀式, 合卷交杯, 會不會改為, 交換口罩, 互戴對方使用的口罩?
大概, 除了condom 以外, 二人間最親密共用的物品.
是行動的信任, 比起口說的誓言來得真實, 總比起新聞裡, 丈夫拒由內地回家的妻子進門以免染病, 來得好.
互戴 condom 難登大雅之堂, 互戴口罩便恰當得多.
相濡以沬, 現世代曲解.
你戴的口罩裡, 有我的口水的味道, 我戴的口罩裡, 還殘留著你的一條鼻毛.
不浪漫, 但生活化.
(v)
9-2-2020
曾打算過年後, 去車公廟行一圈.
來到今日仍遙遙無期.
我吾捨得手上不多的現金, 也捨不得省著用的口罩折舊加快.
反正現在自己都吾識睇後巿, 過期消息可炒, 試用藥日日update, 生產有些復工, 有些未, 感覺好亂.
--------
這一個多月紛亂, 不曾想起她麼?
偶然會, 但這些日子未刻意寫點甚麼.
希望她近來好好的, 雖然生意應該會麻麻, 但不會擔心.
我顧掂自己先啦, 提款卡信用卡一張都冇, 不自量力, 連 "2 盒 thx " 的資格冇, 我死左十世, 都未輪到她啦.
記憶中, 她是行事幹練決斷, 交友/郊遊廣闊的女子, 所以應該早已準備好, 相信她現在只差在未似甘比疏爽, 通街派二萬個口罩敬老扶幼罷了.
唯一有點不安的時候, 是新聞說四季, ICC 那些高檔地方有內地帶菌者隨處走, 她會不會出入路過時遇上罷了.
希望她好好的.
(vi)
11-2-2020
Art Fest 所有節目取消.
不過現在已習慣了這樣子取消演出, 自去年下半年以來.
雖然搞退票退款好煩, 如去年的上原廣美到現在都還未收到錢.
有點有點不捨得沒機會在劇場裡看見她.
離遠看看也好啊, 睇靚女幾時都會讓人愉快的.
她認不到我, 不會騷擾到她, 她不會少忽肉.
吾知幾時可以再看見她, 上一次見到她已是去年六月的事了.
就快, 有一年沒有見過她了.
(vii)
12-2-2020
活了四十年, 想不到家姐會給我這份生日禮物.
使吾使吹蠟燭?
(viii)
15-2-2020
固網, 1010, netvigator NowTV
明明同一間公司, 要重新設定自動轉帳要搞四次.
一定要fax / 電話/ 網上/ 死左網依家仲未搞掂.
俾錢方面, tap and go, pps 又係有佢分, 雖然都是投資者.
好明顯間公司的架構好冗贅.
樣樣都會分散落注, 驚執輸又miss囉.
但係, 如果你有HKT 網上帳戶, 又見到佢其實意識到all-in-one 的概念.
結論係, 半桶水囉.
你見佢地地舖都亂曬籠架, 吾係間間CSL 都肯接受1010 的顧客服務, 但電話就會囉.
好亂....
不過在這時勢要重組精簡, 是會讓人非議的.
換了有危機意識的人, 好景時一定要跳槽.
而好景時, 這個集團內, 十有八九是非office politics 一定吾少, 雖然間間公司都會有, 但我肯定佢地會玩到幾專業.
是了, 經過長達三星期斷了現金, 信用卡, 要主動拜年, 從家用箱回吐現金周轉後,
我今日終於可以提款, 簽卡了!!!
所以去吃即製手打烏冬+ 天婦羅拼盤, 慶祝!!
我覺得自己比吾幫襯大集團的龐X 鳴仲勁, 至少, 佢有提款卡卦?
----------
去了車公廟了, 今星期終於起到床.
沒有買福包.
但我覺得, 我今次拜神的姿勢, 正宗了.
賣油翁的道理.
嗯, 我變了拜神翁.
下星期, 應要去母親的龕前行一轉.
------------
超巿裡, 原本放廁紙的貨架, 改為放燒烤炭去充撐場面, 免得空蕩蕩不好看.
都合理, 做人連廁紙都冇得用, 吾燒炭, 可以點呢?
我這年紀, 見過香港人昔日好proud of 自己成就的氣派,
我雖從不是有榮共焉的人, 心裡仍有點嘆息.
在街上, 見到有個阿叔拎住兩條廁紙.
我忍耐著, 不去問, 邊到買.
家仲有六卷.
-------------
昨天情人節, 做了甚麼呢?
甚麼都沒有做.
口罩都係慳住用前天那個, 死了有條女想跟我交換口罩戴的fantasy.
如常工作, 九點幾回到家附近, 繼續趁餐廳已冇乜人, 快要last order 前, 點了個日式便當.
也沒有胡思亂想.
你估我係編劇咩, 用滑輪吊起條女玩天外飛仙呀 ,
都這些年了, 思緒都平復了, 還怎會胡思亂想.
她喜歡甚麼都好, 只要好好的, 那便是很好的.
---------------
韓妹真係個個靚.
呢排, 又多了個李聖經, 心心眼.
唉...
港女, 淨係識戴口罩, 又現實, 情人節只想收口罩花, 漂白水, 消毒酒精, 搓手液果藍.
不懂浪漫.
-------------
忽想到, 四月澳門的matilda 隨時又凍過水.
好像和這劇無緣.
(ix)
17-2-2020
早陣子, 看朋友IG 說, 今年想要的生日禮物是無印的福罐. ( 裡面是古怪的figure).
上星期有一天早走, 因為炒股炒到很苦悶, 逛無印時便買了一個.
心裡的盤算是, 佢搵我, 依家咪俾佢, 吾搵我, 到佢生日才算.
很被動消極.
記得並買下來, 吾代表人地都想收.
不要把自己看得太重要.
想不到今天佢說, 會courier 東西給我.
所以, 也就順便捎過去了.
與人相處, 應同炒股一樣, 百折不撓.
道理是懂的, 只有做不做, 想不想做, 做不做到.
這些待人接物準則, 其實容易過炒股票好多.
炒股有咩難啫, 咪低買高沽囉.
鬼吾知咩, 做到先得架.
不過, 自己似乎仍覺得倦.
一個人沒有那麼煩.
有科學研究話, 欠缺社交生活的人早死啲.
咁在依家 WARS 情況下, 你覺得我獨來獨往死快啲, 定日日同不同朋友SOCIAL 的人死快啲?
我覺得我襟挨啲囉.
所以, 每逢看到乜乜人引用乜乜權威的建議, 例如WHO 不戴口罩...etc.
心裡很鄙視反白眼的.
腦殘一枚.
任何建議/推論, 都一定有前設, 如果前設不成立/不恰當, 那些建議/推論其實都是廢話垃圾.
現在是生化武器洩漏災難, 不明疾病, WHO 當初的建議所作的前設, 仲valid 吾valid 先?
--------
坊間稱李聖經類型的女子作精靈系美女.
靚.
雖然, 現實裡, 我一直喜歡的女子是女王系!!
沒有留言:
張貼留言