(i)
3-2-2022
年初二睇美股好夜訓, 今朝剛起身, 被告知需強檢.
乜粗口都爆曬出嚟, 赤口吖嗱...
啲人生性啲好嗎?
平時都吾撚會主動見, 新年拜乜九年吖.
自問過年時, 本身好檢點, 當然冇年可拜, WhatsApp 賀年回覆也虛應了事.
我件衫, 由星期一著落街買外賣, 著到星期四檢測, 都係同一件, 你就知我過得幾隱世低調.
但都係要去檢測, what the fuck.
忽然, 我有點失落, 也不滿點解冇親戚昨日嚟拜年坐足兩粒鐘, 血濃於水嘛, 攬炒就最好.
以前又成日年初一嚟拜年, 依家又吾嚟, 一齊強檢嘛.
就算跨區, 甚至過去港島都好, 都要揀預約的方法, 以合規矩插隊檢測.
今天我看過walkin 的人龍, 長到仆街, 櫃位又開得4 個...是令人絕望.
walkin 真係吾係人排的, 隨時要企兩三句鐘, 天氣有點凍又有風, 吾病都會變病.
預約, 檢測連埋搭來回搭八個地鐵站加埋行上山坡到檢測中心, 都吾使45 分鐘, 相差好遠.
特別是自己年紀又吾係細, walkin 咁企法真係會很累.
聽日又要侷住在家工作.
檢測頭幾日都在家比較有公德心, 工作室的人若知道昨檢測,今日就上班, 學汪阿姐手揮春, 口裡吾"虎", 心裡實"虎到媽媽聲".
何必呢...
怎都好, 我希望仍會在意的人, 新一年, 身體健康, 順心如願, 好好的.
---------------
Snowdrop 播完了, Disney+ 可以cut 了.
曾有著吾想蝕底的心態, 看了幾齣Marvel.
鐵甲, 垃圾 , 尚氣, 超垃圾, 奇異博士 OK 垃圾.
去到呢步, 我已放棄睇曬咁多套Marvel.
Marvel 電影 = 垃圾, 浪費時間.
完.
當然我都明, 我覺得垃圾, 人地就會覺得好看, 官能, 特技特效精彩, 各有所好.
正如Snowdrop , 啲人覺得好悶, 十幾集都係宿舍內發展劇情, 冇靚衫靚景, Jisoo 由第三集喊到第十六集, 16集出場戲份, 單獨鏡頭夾埋都吾知有冇100 分鐘既女主角; 放在其他劇集, 戲份只屬女二/女三程度, 若只看最後三集, 劉寅娜似女一多過她, 鄭X 珍的戲份也拍得住她.
坦白而言, 我看完都覺得收視普通係好正常, 個genre 天然並不是大眾會喜歡的, 嚴肅, 陰暗時間多, 說人性, 沒有親切熟悉感, 你幾時見過類似的題材大賣收得?
我就算翻看, 也只揀Jisoo 的部分來看, 不會從頭看一次, 因為沉重.
雖然係咁, 但這是一套很好的戲劇, cinematography 不容置異的上佳, 導演手法和剪接也簡潔明快, 也見到避免要Jisoo 一鏡到底的演繹, 減輕她初初演戲的壓力, 所有角色都有戲可演有發揮的機會, 所以對演員演技的要求頗高, 更重要是, 劇本是言之有物, 刺激觀眾觸及嚴肅的人生命題.
這套戲吾係俾鍾意/只能睇Marvel 的人睇架.
這又不禁再想,製作方和Disney 固然可各取商業所需, 但點解Jisoo 會肯/ 要揀這套戲演.
成套劇, 換過的服裝都吾夠5, 6 套, 亦只得一套靚, 人地IU 德魯納酒店, 半集戲換衫都多過她, 亦件件靚, 徐睿知雖精神但沒關係更加吾使講...
女主角只是有名冇實, 戲份吾算多, 角色發揮的空間吾算大, 集集都要喊, 只能表演各種喊法, 或被槍指住個頭, 把現實中, 女團內堅強不哭的公眾形象反轉, "Jennie cries, Rose' cries, Lisa cries, I am Jisoo , I am ok, I don't cry" , 哭過夠本.
大概是有女主角的掛名, 始終是現在真正的世一女團, 身份地位在這裡, 有條件賣到埠, 亦已被Disney 搶來開拓亞洲巿場, 怎都不用又從女三開始做起, 畢竟作為演員起步已經算遲了, 這是時勢問題, 就算她不介意, 公司亦應吾俾佢接女三. 強如IU , 當初出道頭幾年未超紅時, 並未有這樣條件, 也需從得意青春可愛少女第二三女角開始演起.
大概這是演員會鍾意演的戲, 劇本有點深度內涵, 她亦自視和目標是演員, 所以在這方面亦有所追求, 演一套老了也會proud of 的戲, 就像啲超級大明星, 吾少紅了後會收好少片酬拍文藝片咁, 反正她演戲怎紅, 都紅不過她是世一女團的身分.
睇完這套劇, 讓我更加喜愛Jisoo, 從這齣戲, 見到她認真想做一個演員, 不計較戲份, 不恃住名氣硬加植入討好廣告商( 戲內她並沒穿Dior, 戴Cartier), 只想給業內留下好印象, 並不會因為BP紅而要特殊待遇, 對任何人都沒架子, 認真和用心, 肯聽意見, 也在可能的情況下, 幫忙宣傳, 是她帶頭戲內的演員們在IG 出POST增曝光宣傳 (她的IG 一個POST 好貴架, 香港十九KOL 都幾萬過幾千一個POST啦).
btw, 這兩個月看了很多劇集的負面報道, 只會覺得好多人正仆街, 冇睇過就轉載報導.
btw, 雖然在最後一集大結局, 自己有一幕都睇到有點想喊, 那時的OST 係催化劑, 但呢套劇真係得少少romance, 啲宣傳海報呃人, 貨不對辦.
(ii)
4-2-2022
只是才第二天, 便已覺得檢測的行為很厭惡.
只是採樣本不到1 分鐘, 卻要花去一小時 (要預約, 並要揀不多人的時段, 那區不撞正大屠殺式強檢), 是連續數天.
心知肚明, 那完全是浪費時間的行為.
特別是今天個癲婆叫人自助檢測包.
屌佢老母.
不過突然間, 想到這兩年來, 每周去報到的被檢控人士, 卻又覺得自己谷埋的一肚氣, 實在小題大做.
好想搵夠錢離開.
(iii)
5-2-2022
今天下午二點幾搭地鐵去白田強檢時, 匆匆看到一個中女的眼睛, 突然間有錯覺以為是她.
那一刻, 自己的反應一如既往, 有點僵硬不知所措.
不過在排預約長人龍時, 慢慢冷靜下來.
怎可能會是她呢?
她要檢, 都會在港島區啦, 更何況, 她怎會冒失到不預約就去強檢, 做一些walk in排死人的傻事?
即使最差的情況拿不到預約, 她亦只會去養和那些私人檢所做囉.
經過邏輯整理, 也就有了答案.
絕不可能是她.
不過察覺到自己那時候的反應, 察覺到自己潛意識的渴望, 卻會嘆息.
我何必呢?
我要睇多啲BP.
(iv)
6-2-2022
明天會回工作室了.
要快些搵夠走人.
要專心做好每一個環節.
做埋星期三的last round , 呢一次檢測晦氣事件 (其實只能算麻煩, 5 次都好彩有預約而不用排到PK) 應可以暫時告一段落, 虎佢老味, 吾會咁快又嚟多次卦.
但留意到, 有個別檢測中心已有人提早front run book 定預測, 即未講你要去強檢, 你自己就提前做定預約.
應該係咁, 要不然, 解釋不到, 為甚麼第八, 九日有些地方卻出現full booking, 絕對有些人偷步提前預約.
好痴線?
但你親身去過排隊就明白了.
看似二百幾人的人龍, 但實際上, 不斷有數以十計的預約人合規插隊, 你是永遠估計不到何時才輪到自己. 沒邏輯的檢測, 是會把人逼瘋的. 為甚麼我住那屋苑, 遲兩日才宣佈強檢的隔離座數, 只需檢三次而不是我般檢五次? 為甚麼自助檢測包又可行? 你只見到亂嚟, 沒邏輯的.
我係咪應該都偷步book 定先呢?
都係算了. 雖然可能會再出現幾年前當初全城搶口罩之前, 自己雖然有買, 但只買了一盒而其後差啲"罩絕人亡" (?!) 的狼狽情況.
但做人, 固然要先顧自己, put self interest first, 我又吾係咩好人, 但都吾應該係狼死到咁樣霸法.
(v)
12-2-2022
今早打了第三針, 完全沒有過敏或發燒, 感覺好像賺了一天時間般開心.
看了" 解禁男女", OK喇, 輕輕鬆鬆吃著即食麵看完.
我都想俾徐玄 SM 啊... 滴蠟, 綑綁, 鞭打...
幻想下, 我都覺得好開心!! (邊個男人會吾開心呢...)
--------
diu 半夜先發燒, 古惑的疫苗.
(vi)
20-2-2022
我細細個(朱潔儀腔) 已聽過佢個名, 向佢訂蛋糕的造餅師早前從外國回來了.
所以, 今年今天也再向佢訂蛋糕.
兩年多時間, 好多野都變了.
沒變的, 大概是佢依然會俾錯入帳號碼給我.
許多年前, 俾錯銀行戶口, 我入極都入吾到錢.
今年, 則俾錯FPS 電話號碼.
我入了錢, 按程序 發whatsapp時, 卻驚見" 屌...乜佢個whatsapp profile 男人相, 騎單車既?", (btw 佢著旗袍拎住一籠中式叉燒包, 我都吾會驚訝) , 才急急忙中止付款轉帳指示.
(咁我好好咩, whatsapp 係一隻狗仔相. 我係狗咩?! 嗰隻吾係普通狗喱架, 佢係Dalgom , Jisoo 隻狗, 被Jisoo 抱著.)
係 983 , 吾係 083 , 佢個電話號碼!!
我給的設計主題是" 為你應援" , "人類群星閃耀時".
吾知最後佢整出甚麼來呢.
其實, 跟對方已極少往來, 過年, 自己生日都沒有接觸.
還送蛋糕, 是有點odds.
大概是習慣吧, 也好像當初整餅師出國前說, 回來還會幫忙整蛋糕, 所以, 都有啲想再幫襯多一次.
況且, 怎odds , 都odds 不過每年八月都會捐錢去慈善機構以在9 月前收到收據.
是呢, 想又想, 自己還是繼續捐宣明會.
那班仆街欺騙感情是一回事, 但那些人還是無辜的, 只要不是亂用錢, 那就算了.
不過, 吾使旨意會理會每年聖誕節新年乜乜寫卡, 睇小朋友學業成績之類, 當人ON 9的事.
我覺得自己不是心腸硬到乜的人, 但也不想別人知道自己會心軟, 那只會有無窮的麻煩.
(vii)
21-2-2022
新一歲, 要認真生活, 早些移民.
(viii)
26-2-2022
月頭被強檢完, 月底被圍封又嚟過.
虎佢老母.
唉...
(ix)
27-2-2022
一樣都冇食過就解封了.
收到後, 也如其他人一樣只想講粗口.
正正經經俾杯麵吾得架咩.
米, 意粉, 你煮呀..
茄汁焗豆...妖... 凍又吾好食, 叮佢又搞到微波爐要抹...即開即食又濕撻撻...
連續 4餐在家自煮, 仲灰過新年, 韓式叮叮飯剩番一盒, 要補貨了.
btw, 韓國人咪好興食完即食麵再用嗰啲湯淋飯食既.
呢幾日我試過, 好過食白飯囉...但真係好吾健康.
信吾信驗完幢樓安全?
好過無既.
但大廈人均單位住戶人數目2.82 個是偏低的.
anwway , 檢1800 人都搞了成晚, 三月全民檢測, 頂得順先奇.
啲登記系統好落後, 有個負責紀錄的姐仔根本入吾切資料.
唯有繼續小心.
不過, 明知要強檢圍封, 落樓時, 啲人仲係電梯裡講野, 正仆街嚟.
講野係噴啲飛沫出嚟, 口罩只是隔到8/9 成咋...
係笠裡講, 密室空間, X你咩.
同周街吾戴口罩在人流多的地方跑步的仆街冇分別.
(若要跑, 就跑啲冇乜人既地方啦...嫌遠就咪撚跑啦...)
不過相比起月初, 今次還算幸運一點, 至少明天可以炒股票.
4/2 冇得炒, 仍是有點界懷.
好炒易炒的日子, 少一天都嫌多.
(x)
13-3-2022
蛋糕出來了.
又是讓人覺得佢蝕住做的感覺.
唉...出年, 應實付3000, 講明要佢當2300 job 咁做.
我有壓力吖, 形住自己是西客屈人壓價咁.
因為真的覺得值.
從蛋糕的details 位, 戴住headphone, 公仔拿著一顆星星, 好明顯是有度過諗過, 曾經聽過"人類群星閃耀時", 也捕捉到那種感覺.
是有心機做的.
還未計意料之外的兩個cupcakes, 兩個(曾拿來參賽的設計款式) brownies, 一打讓中女OL發狂的曲奇, 一個酸種包.
蛋糕份量又夠大 ( 我諗住如果當時佢俾幾件參賽西餅, 或其他蛋糕配件太多, 蛋糕會縮到一磅半咁上下, 我吾預期會好大個)
不經不覺, 都幫襯了4 次定5 次了.
雖說 "為你應援" , 自己在看到蛋糕相片的一刻, 對那位朋友累積的怨氣, 卻又忽然地消減不少.
治癒的, 其實是自己.
感覺很奇怪的.
嗯, 成件事本身一開始就很奇怪, 在訂蛋糕那一刻, 已心知對方已忘記自己的生日, 也打定輸數對方收到後, 或又會在IG 拿自己來嘲笑去取悅佢啲賤人朋友..., 但還是去訂.
來到這一刻, 卻又會消減怨氣.
唉...很矛盾和複雜.
--------
好明顥, 是因為收到蛋糕後冇時間買, 所以才拿家中的收藏品拿來給我作回禮.
但是, 都不說破了.
何必呢.
忽然想起, "難得胡塗" 這詞語.
----------
看到面書裡, 有位不熟的朋友, 近日在老人院的父親染病過身了.
之前, 曾為看護在沒經醫生授權下不肯餵服退燒藥令佢情緒崩潰無助.
大概, 真相是老人院集體中covid , 老人家得不到迅速救治, 最後惡化而離去.
又一次, 我只能這裡講, 不能在面書說.
這是那位老人家的選擇, 不打針, 令感染後的病況加重.
我知, 這樣說很容易被解讀為 "抵死", " 攞嚟".
但這是實情啊.
但是, 這樣說, 是在別人傷口灑鹽, 也似有怪罪別人照顧老人家不善, 而我並沒有這樣的意圖.
反而如果揀打科興, 中招後, 染病反應傷過打復必泰, 我先會說"抵死".
我依然覺得, 打疫苖的purpose 係咩 呢? 打隻廢既, 其實仲衰過冇打.
我似乎只會同情打齊曬真疫苗但遇上不幸的人.
想又想, 那其實很正常, 做人從來都係先要自愛才值得別人關懷.
現在, 染病, 我覺得不可怕, 我反而驚俾人捉去共享蹲廁的隔離中心.
那個設施環境, 真的很噁心.
我有錢, 都想買張機票去新加坡, 台灣避人禍災難.
(xi)
27-3-2022
今天和朋友一年多以來首次坐下來吃午餐說話.
大概, 大家都預感未來總有一天各散東西移民去.
所以思前想後, 沒表現得很執著, 只是平靜地表述去年發生的事情.
我說, 我很不滿不忿對朋友的關心, 為對方生病感到傷心難過, 換來被扭曲, 放上網當笑料, 也說起看到那個生日蛋糕後, 種種累積的怨氣好像少了很多.
朋友說, 完全看不到我的IG, 不知道原來我的父親去年過身.
最後, 到頭來, 對去年發生的事情, 我只能想出一句回應, " 都過去了".
說出來後, 事情驟然之間, 變成雞毛蒜事, 心結解開了.
你能夠理解嗎?
是呢, 大家都不看好這地方的將來.
很多人都移民了, 有錢的, 買樓移民, 冇錢的, study visa (35歲都可以apply, 咁4X 幾呢?).
令自己有更大的危機感, 吾好太遲走, 吾係到時想走不到 (我呢啲低端人口危危乎咁).
個個都想搵錢, 移民, 本地的公帑儲備, 天天都被用來買垃圾醫療, 拿去做人情.
所以, 不停派消費券才好, 寧願現在自己用了, 好過被拿去買垃圾, 我是抱著這心態.
這個城巿.
這個家.
(xii)
30-3-2022
今天, 忽然之間unblock 了朋友的那些我很厭惡的人.
從前block了, 免得自己看朋友ig 時,順帶看到他們的留言,偶然,也會把我扯進去當小丑. 看了,徒令自己不快.
不是不再介意, 不是豁達了, 我係小氣, 仍覺得需要被尊重和基本禮貌對待; 而是覺得不值得記住, 或做特別的事情例如block 別人 ig.
都不相干了, 要放低包袱輕身前進.
----------------
3-4-2022
總會有一天, 最初這裡所書寫的情感, 也會如此, 不再反反覆覆吧.
應該會.
還好嗎? 今天的妳.
