Voyage 61

(i)

15-11-2018


諸事不順, 敏感的情緒, 去到一個地步, 不想寫字.

寫字會亂講野, 對空氣亂講也不想.

看看靚女就好.

(ii)

17-11-2018

今下午看了她推介的舞台劇.

我挺想告訴她, 她的推介很好, 值得入場, 今次劇本, 演員, 比上次好好多, 劇本結構, 重點, 語言的運用都大幅度提升改進,  這才是給觀眾看的水平, 值得重演的水平.

不過想到, 她都忘記了自己, 怎好去說呢.

若無視, 那還倒習慣了, 最怕她反應過敏, 以為我仍在想糾纏她.

我當然仍覺得她很漂亮, 很迷人, 她是世上最漂亮的女人, 會想看到她, 跟她做朋友.

但也很清楚跟她沒有任何可能.




話說回來, 一年前, 要強調是一年前, 現在我可不敢再亂講.

當時, 我以為她和編劇拍拖, 後者在她眼中, 年青, 有潛力有才華.


她漂亮, 又凍齡. 是港版金成鈴, 就算3年是一個generation gap, 但她若有6個gap的姐弟戀好出奇嗎?

http://www.marieclaire.com.hk/articles/7446/2018han-guo-xiao-jie-jia-li-bu-ji-51sui-si-yi-jin-cheng-ling-qiang-jing-mei-mo-nu-bao

現在, 打死我都不敢再這樣講.她就算不知, 都不敢講惹她不快的事.



不知道她去了那裡旅行呢?

我雖不知道, 但希望她好好的, 好好休息放鬆.

挺想看她的旅行照片.

想想罷了, 都沒有可能.


(iii)

18-11-2018

近來生活不順, 甚麼差一點, 吾生吾死咁既款.

今天, 跟了大姐和工作室的老闆, 去了黃大仙求簽祈福.

枝事業簽, 七號, 吾係衰到冇朋友, 雖然字面解係衰收尾, (但我幾時好過開頭呢? 咁又點再衰收尾呢, 請問?)  後來大姐說解簽師傅話, 做金融的都OK既.

OK 囉...但又吾會好好.

要守...

守...

邊個真係想守?

守到幾時...

不過有些事, 心知又真的急不來, 越急越見鬼的道理, 我都知.

苦悶的感覺, 終究是有的.


原來, 拜神有求簽都有很多步驟.

吾係心誠則靈就得喎.

要上九枝香.

求了簽之後, 還要擲對子, 擲到一陰一陽三次才算是靈簽.

我以前真的亂咁嚟.



拜過黃大仙, 另一樣野令我察覺到是關於EGO.

吾係話從只信自己, 人定勝天,  到完全盲信黃大仙咁極端....


只是忽然覺得, 放鬆一些, EGO 適量就夠.



要再諗下點樣休息好一點, 放鬆一點, 調整一下平時工作的重點次序.

你估...真係拜完神, 乜都吾使做, 就有改變咩?


(iv)

18-11-2018

If you love something, let it go. If it comes back to you, its yours forever. If it doesn’t, then it was never meant to be.

 這句quote , 十多年前便知道, 當時是食檸檬咁呀之類, 懶係自我安慰咁...

今天, 忽然想起.

有新對象?

兼食檸檬?

啋....

我守身如玉?! 已四年,  並梳起 (乜仲有頭髮咩) 吾追女, 差在未引刀自宮以明志 (切了同求偶其實冇必然關係噃...).


其實想說的是"捨得".

很多事, 情感,  若太執著, 著緊,  有時會反效果.

呢個係人都知.

只是要做到平衡, 不是自我感覺已平衡, 卻是一直要不懈怠.

仍需要不斷進步.


 --------------

周五看劇時, 看到兩個青年男演員都留鬍子...

令我都諗, 我留左會不會好看...冇得向上, 就要向下發展.


令我未決定的原因, 是我吾知啲鬍鬚生得夠吾夠密.

若生到稀稀疏疏, 那就很柒了.



(v)

19-11-2018

工作室的老闆昨天飲茶時埋單, 當時說今年生意好, 有錢, 所以要埋.

聽在耳裡, 不免無奈.

因為剛拜完神, 枝籤中吉嘛.

今天, 佢進一步講,  其實枝籤, 解籤人話OK 的, 吾係勁好, 又不是太差,  只是不要那麼心急

我進入善信mode : 好中!!! 俾佢講中!!!

跟著說起, 當年佢做生意時,  曾經資金周轉問題, 連汽車入油錢100蚊, 都要問大姐代付.

並不是如現在般從容.


跳線的我, 不禁想到, 怪不得二人成密友, 患難見真情.

當然, 呢句, 除非我想死,  我都吾敢在佢地面前講.



-------------

話說回來,  今天, 都OK 啦, 靜過鬼, 得CHOK.

拜過黃大仙, 真的有點幫助.


---------------------------

有時會回看自己寫得東西.

嗯, 我好像寫到她很小器, 記仇咁, 所以我才不敢告訴她, 我聽了她的推介看戲咁.


不是的, 她的氣量就像她的心口一樣咁廣大,

她也不會記住這種無聊事, 就像現在她連我是誰也忘了.

(我想死嗎? 咁樣形容, 去評論她的身材)

(她身材其實吾係重點, 她就是由內而外, 都很漂亮迷人, 她是一個99.9% 完美的女人, 你見過真人就明白了)

如果有問題,  一定只會是我吾好, 我有問題啫.

希望有一天, 我會知道自己做錯了甚麼.

 嗯, 只是想成為好一點的人.



又如果, 夾硬要她記得關於我,  我會希望她會記得, 由此至今, 對她都是抱有善意, 想她好好的.


----------

面書有朋友看了毛記舞台劇,

看到那些台位....

真的似看大屏幕多過看舞台劇, NT live.

好不好看? 不知啊..我都沒有買票.

不知, 她有沒有去看呢?



不過, 應該有人會投稿去割櫈吧....

因為眼紅...."咁辛苦搞台戲, 賣極都大把吉位, 人地求其寫個劇本, 搵啲未學過做戲的人演就爆左場, 觀眾人數是佢搞幾年戲的總和..."


-----------------------

大學裡,  讀商科的,  早我一個generation 的學生,  都會study 睇articles, 說Jack Welch 有幾勁, 管理幾掂.

到了我那一代, 則開始有人提及Carlos Ghosn.

想不到佢現在仍未退休, 還要涉衰盜公款.

佢份工已咁高人工, 仲要搞呢啲?

唉....

-----------

鍾吾鍾意食芝麻糊?

睇人, 睇下有沒有心機整,  我OK, 若即磨的, 有種芝麻香...

不過最好食完吾會有黑芝麻的pigments,

因為翌日,  去廁所放低幾兩,

是比平時黑很多的...深色很多的...

咁, 我就知道我的腸胃消化進度只需一日, 吃貨.

------------------

愛錯一個賤男, 會纏繞餘生.

離婚了, 只想單身過自己的生活,  都關佢事...咩事.

https://hk.lifestyle.appledaily.com/nextplus/magazine/article/20181112/2_637096_0/-%E6%B6%89%E5%A4%A7%E5%9E%8B%E9%87%91%E8%9E%8D%E8%A9%90%E9%A8%99%E6%A1%88-%E6%80%A1%E5%9C%92%E9%85%92%E8%8E%8A%E4%B8%BB%E5%B8%AD%E5%9F%B7%E8%BA%AB%E5%BD%A9-%E9%A3%9B%E7%94%A9%E8%8F%AF%E7%88%BE%E8%A1%97%E9%87%91%E8%9E%8D%E5%A4%A7%E9%B1%B7

---------------

看到這個po.


自己第一時間的反應是, 不如幫她買埋, 若她有需要.


歌迷會啲位置, 一般都至少中等OK, 正常那隻,

點似得自己偶像的那間唱片公司, 啲位吾衰到冇朋友的, 都吾會分俾你,

即係最貴價錢的, 就會俾最貴價錢最側最貼近角落位, 衰過某些480 蚊飛的...吾熟吾恰...

只是因為偶像, 這些年才不出聲嘈...某年東莞那次, 我係對住條電纜睇.

邊有人咁對旗下歌手的fans架,  有宣傳時舉牌就有份...頂佢.


到時候, 要記得問她要多少張, 她和朋友睇, 自己到時扮吾識, 不要騷擾她們, 令她有一個愉快的時光.

不是搏好感, 純粹覺得不用令她四處頻撲找飛, 打爆電話, F5不停.

她已好忙的.


嗯,  講到她仲會記得我, 仲會答應咁.

快半夜, 要訓嘛...

所以要發夢, 夢中做些對她好的事情, 便有個好夢.

嗯, 發夢, 若夢見她, 也只會想這些東西, 可以看見她, 好好的.



如果, 明年演唱會, 會唱live "總有一個人" 那就是奇跡了.

我挺想聽的.

如何可解釋總有個人 無緣無故地覺得吸引

緊張到深呼吸 開心得很難過 都不要緊

然後這感情你可否去猜  誰首先放棄

btw, 我兩年的會費終於回到本...

計落平過買黃牛!!!

yeah!!!!

宮心計, 珠心算, 都吾夠我嚟, 我的機心重到兩年前已目標這樣.

(vi)

24-11-2018

成長, 大概是往昔思緒起伏, 會衝動說話的時候, 現在卻變得沉默, 選擇收在心裡, 不再把事情發酵.

默默地喝酒就好.

沮喪, 但莫忘初心.

(vii)

26-11-2018

想了又想,  如果要說, 應該會很長氣.

很煩, 也很難看.

我都覺得自己這樣子很煩, 沒半點 elegance.

所以, 到最後, 還是甚麼也不說, 不寫,  收在心裡, 知道了, 明白了就好.



她是一個誠懇的人.




祝福她好好的,  近來一切事情都會好起來.

也要多些休息, 別太勞累, 辛苦了, 已做得足夠的好.


希望她好好的, 這是不會變改的初衷.

無論怎樣.


-----------


花了數天調整,  暫時未見成績, 不過人卻放鬆了.

若好似之前咁搞, 長期成績不會穩定的, 所以寧願現在吃虧, 也不要繼續下去.

感覺改變的方向是對的,  應該可以的.

保持耐性.


(viii)

26-11-2018

開始打點周五大清早的出門細軟.

數個月也不會打開一次的手提電腦固然要更新程式.

和台北辣妹美美, 最親蜜, 最私密的接觸也要準備----

原來, 我都有幾條穿了窿的底褲.

不知台北的辣妹在打掃房間時, 見到啲扔左的穿窿底褲, 會不會睹物思人, 想起我?

(慳啲啦... 同埋, 酒店房間打掃都係阿嬸囉..)




忽然, 我覺得我有比蠟筆小新厲害的一樣野...

那個細路至少要掀起啲漂亮姐姐的裙子才看到底底 ( 純印象, 我其實未睇過蠟筆小新)

我嘛...

連人地咩樣, 都吾使 睇, 便已知道.

凡是剛去完旅行的女人, 佢身上所穿的底褲, 一定吾係又爛又霉又舊.

經常去旅行, 或者出差的女人,  條底底有可能仲係新買添 !!!!



死吾死呀, 我把口真係吾收的.

把坊間的旅行執行李的心得, 演繹到咁變態的地步.


(ix)

27-11-2018

我有沒有炒今天三點半那個faked old news, 5 分鐘內挾了IG 期貨, 道指期貨, CNH 以及港股200點那一段?

有. 跟車太貼陰9me.

走吾切囉...咩事啫, 穿左咪cut囉.

雖然港股超短線仍看多 (強國口吻) .

好平常的事, 下次若是如此, 都是炒左先.

炒股以外, 我都係咁, 應該變了一個極冷漠的人.



話時話,  是鞍鋼合併faked news 外, 近期第二單.

吾係有人專收錢做呢啲, 搵鬼信.

所以做記者都有機會上位發達,  姓陳那位議員咪係囉.

係喎... 做記者, 最旺姓陳的女人....

小則可做垃圾局議員,  大則變成超級富婆.

我真係大迷信....

----------------

老懵董咁鍾意填海, 又保證吾會用曬儲備.

佢有咁長命, 等到起好果日先算啦...頂佢.

到時冇曬錢, 全香港人真係落曬地府搵佢找數咩.

若真係咁堅有信心,  我支持佢write 個insurance 俾香港人, 包底超支款額.

佢賣東方海外咁好搵, 收左幾百億  (依家搵鬼賣到呢個價啦...溢價貴到hihi , 俾我就撻訂, 放棄收購要約, 所以吾係吾係國家任務叫買, 真係好難相信...)

佢為超支包底幾百億, 換來工程期間每年收息3.57% (領展價, 佢咁有信心, 點好意思收咁貴息...吾俾fed rate 佢已叫厚道) ,佢制吾制先?



上述是有偏激的...

但看到那些學者, 顧問狗嗡, 真係好惡頂. 成班友淨係識social, 有幾耐真係落手落腳做野?

啲記者不如問下, 那班友上一次落手做research 是幾時, 和現在評估的知識技能有幾relevant?

當人ON 9 架咩, 掛個"學者" 銜頭, 就以為自己咩都識....吾好搵個醫性病的學者出來撐填海.


(x)

30-11-2018

我是一個低調的人.

而佢, 亦都結左婚架啦,

但硬係要咁高調公開我同佢的關係,  我係佢男朋友...

咁冇辦法啦.

(掩臉中, FF 妄想到快要入精神病院)

好多電視要睇.

真係好需要休息, 心身俱疲, 身體亦響了幾日警號.

暗黑料理系列

25-11-2018

早陣子買的蜆肉味噌湯包, 今天終於挨完喝光.

為甚麼要挨?

因為不看使用說明的人, 把湯料和醬料分開使用!!!!!

我是喝光了湯料包, 才發現這個被埋葬的真相!!!!

即只用那十包蜆肉湯料時, 會嫌湯底太清, 沒有味,

之後醬料煮湯, 又會嫌甚麼都沒有, 成湯都係水, 只有味噌味.



今天, 終於成功研發出燒賣味噌湯....

至少碗湯起碼叫做有湯渣咬下...


明年去日本, 一定要去百貨公司, 買一個外帶漬物食盒 (應該有呢啲野, 我估) , 一個盒可以放多款漬物.

還好嗎？ 今天的妳

23-11-2018

7:38pm

下完一盤西洋棋，抬頭，便看見她原來排在我身後五六個人。

剛看見她，她便躲回一對男女後面，身影完全被遮蓋了。

很想叫她上前，把座位讓給她坐。

但卻不知道怎開口。

也許，她和朋友同來，不應打擾。

進場後，正前方的區域已給內部人士坐了，只好坐在右邊中間高排。

後來，她進場了，她本坐在右方角落，我看不清楚的位置。

忽然，她走出劇場。約數分鐘後，她又回來了，只見她拿起雜物袋，走向對面另一邊，考慮一會後，鑽入高排的最角落位。

燈光挺暗，看不清容顏，隱約地看出，她紮了一個馬尾，劉海好像修剪了，換了髮型。她穿了一件靛藍/灰藍色的西裝外套，内裡是碧綠色毛衣，下面黑色西裝褲，手袋看不清，只知是和外套近色，應該又換了一個新的。

她身邊沒有人，左邊一直是空位置。若平常人，那會顯得孤單，不過她卻給我一種氣勢，很自信很有能量。後來，我坐的位置不停給燈光電筒狂照射，瀨曬野，這時候，她選的位子便顯得充滿智慧和遠見，是導演位，縱觀全場。

她依舊會托頭，有時手㬹托在旁邊的椅背，手指放在鼻樑旁，有時會雙手環抱。她看上去氣息很好，不見她用紙巾抹鼻水，所以身體應該健康。不過她有點累吧，謝幕時，她累得打呵欠。

散場時，我快步閃出劇場離開，和早前在澳門一樣，心裡明知捨不得不可再看，所以寧願早一點走，也不給自己機會去打擾她。

在離開時，跟她整晚最近的距離，心裡朝著她說「好好休息，保重。妳真的很迷人漂亮。」

今天是感恩節翌日，我也覺得要感恩。

看見她，就像提早收到聖誕禮物。

會不會有一天能跟她像普通朋友般打招呼?

順其自然，她不想，便不能強求。

我只想她，好好的。

Sent from my iPhone

A view from the bitch 18

(i)

10-11-2018

看劇需知.

我買的位置, 似乎買得太前, 應會衰看茱莉小姐時衰過的野. 看投射錄像看得辛苦.



btw, 要記得, 要記得報台證, 看健吾台北食乜推介.

計劃去看本來不打算看的重演.

只是還沒想好那天去看.

純粹因為推介嗎?

是啊.


所以才想安靜地, 默默地.


(ii)

12-11-2018

現在才留意到莊小姐的IG 有這篇文章.

佢其他的文章則在這裡, 旅行的意義...那篇也討好.


 https://www.elle.com.hk/tag/%E8%8E%8A%E6%A2%85%E5%B2%A9

btw

蕭芳芳的訪問也好看.

「人生有一大部分時間都在克服，餘下的時間，則在磨練自己怎樣去克服。」

我不是淨係識 在IG like  朴敏英, 讚佢靚架.

OK, 我會like 埋 孫藝真囉...

https://www.hkcnews.com/article/16293/%E8%95%AD%E8%8A%B3%E8%8A%B3-%E7%BE%85%E6%B0%B8%E8%81%B0-%E8%AD%B7%E8%8B%97%E5%9F%BA%E9%87%91-16300/%E8%95%AD%E8%8A%B3%E8%8A%B3%E5%8B%89%E5%8B%B5%E6%B8%AF%E4%BA%BA%EF%BC%9A%E4%B8%80%E8%B5%B7%E6%83%B3%E8%BE%A6%E6%B3%95%EF%BC%8C%E5%81%9A%E5%92%96%E5%95%A1%E8%B1%86?fbclid=IwAR0NYJcPN7LAKTB1d2f81Yo52LNdzl6NQb092icqfDkOlrOc6Cb-0W3K3Cc


(iii)

12-11-2018

三間酒店都好吸引啊...

文華東方, 寒舍艾美 (若冇記錯, 艾麗低一檔的), W  酒店.


香港幾時會有這樣的優惠?

如果有,  我會想住文華東方.

Four Seasons 則興趣不大.


是呢, 早兩個星期在澳門看劇, 啲人咪係咁叫觀眾填問卷既...

我若填 " 如果都有憑票尾可抽獎,  送澳門一晚最新的五星級酒店" 你話既好呢..

要金沙, 銀娛那些喎.


好過劇團之前搞的送票宣傳活動...

先生, 你有冇再大貪啲?




如果, 我中左, 我會想辦法轉讓給她.

不是她希罕這些免費酒店住宿.

而是她入住了, 就自動變成女王, 皇后...

到時, 我吾使穿越, 都可做公公服待娘娘喇.

她訓套房, 我就訓套房出面的走廊 (太監半夜當值都係訓走廊架咋) , 我都制.



我真夠無聊.

同埋, 我都吾係睇星期四場次.

(iv)

17-11-2018

昨看了舞台劇.

或者說, 看了一場訪問表演.

是劇團的嘗試吧, 多媒體, 互動.

是很花工夫籌備的演出.

感覺OK, 交到功課, 但未至於好看精采.

不過, 都應比明年Art Fest 那個金錢遊戲的show好, 我估.



也許太累, 受訪者不算有趣,  那些訪問內容不能觸動自己, 只會發現, 很多香港人的想法和自己不一樣, 也更相信, 藍黃絲標籤化是對理解他人是有害無益, 只是媒體誇大了.



潘生做司儀幾個的moment, 唸台詞的語氣口吻, 活脫脫是親愛的胡雪巖裡的樣子, 我聽上去覺得怪怪的.

是呢, 佢做獨腳戲一幕, 做乜在我身前, 身後, 左穿右插, 繞圈表演呢?

因為我冇朋友!!! 所以不會跟別人坐得很近, 四周地上都不會有人坐得近我.

我是漆黑中的人型孤島啊...




原來有九成觀眾和我一樣, 都想離開香港.

有觀眾是回流人士, "睇你我好, 我睇你好".

我沒意見, 但至少這一刻, 自己有切實需要感受, 人地有多差, 才能夠再想起香港的好.

去旅行是不會體驗得到.




不過, 所看的訪問節錄, 很多人都對香港未來感樂觀, 會變得更好.

快樂指數有7.


我? 仍覺得香港未來只會變成一個普通的中國城巿, 而地位比直轄巿要低.

怎對現在權貴有寄望? 一直在向惡質低頭, 摧毀良好的價值.

況且, 正如一位受訪者所言, 世界呈結構性改變, 香港仍沿地踏步, 所以, 你話呢?

近日, 美國國會智庫質疑香港獨立關稅地位, 那些權貴的嘴臉和反應, 好像以為在打嘴炮.

香港的民智水平, 是不是倒退得那麼厲害?

也是的, 到真的落實時, 不在其位, 也搵夠了, 做埋美國人咪冇問題囉.


我快樂指數, 自評得3.

係咪灰過頭呢?



但我又相信自己的生活越來越好喎.

和很多人一樣.

不能對大環境抱希望, 但至少在力有所及的地方做好.

普通人大概是如此吧, 至少走了這一步先啦.

若這都不相信, 快樂指數會是零.


曾聽說過,  真正的貧窮, 是沒有改變現狀的希望和能力.


  ------------

 ------------

近距離看毛小姐,  快有雙下巴了....

真係吾係咁襟老...

想當年在電子城巿, 佢OK 架.


溫小姐都KEEP 得好過佢.

彭秀慧都未見雙下巴.



我知, age gracefully 嘛.

不過, 那是真的age 了的男人女人, 又keep 得幾好, 才會這樣子說的呀.
 
若17歲的少女 / 45歲 250磅肥婆同你講,

佢依家age gracefully , 你都會打柒佢啦.

毛小姐仲算後生喎.


(v)

17-11-2018

今天下午看了一場舞台劇re run.

等我擔張櫈企高, 水平30度仰望, 等其他人崇拜我身上的光環.

去年, 幾乎全世界的觀眾都話劇本寫得好,只有當時我係到勁彈, 嚴厲批評編劇掛住玩野搞爛gag爆金句, 變成維穩劇.

對看劇有要求的人, 我要走的路好孤獨啊(?!),不被世人理解, 誤會我偏激刻薄玩針對.

唉...




現在, 新版大刀斧鑿, 都是朝著我覺得應該改善的地方去改進, 似番一個佳構劇模樣, 雖然吾係最勁果隻, 和近來澳門看那個David Mamet 都係差幾個級數啫, 寫得比較直白, 語言的能量和張力可以再好.


但在香港已夠贏好多新舊編劇啦, 仲想點呢, 咪以為識字就可寫劇本先得架.



我的看劇品味係good taste, 其他人係會最終走上呢條路, 而去年已話好好睇, 劇本寫得好好的人呀...實在太膚淺了, 要檢討, 好的劇本至少要有這樣子.


編劇肯聽從我的批評, 改過自身, 從善如流, 孺子可教, 我深感欣慰, 第四稿可以再好, 俾心機.

(編劇:  阿叔, 你邊位呀? 我識你係老鼠呀...我都冇睇過你寫的批評喎...你係邊到寫過呀? )

(我: 自戀下都吾得咩...)


今年, rerun版, 編劇終於鏟走曬那些政治人物金句, "always agree with boss, 官到無求膽自大", "植入式廣告宣傳好人不義"  "打場友誼波", 梗耳又影響情節流暢, 人物性格勾勒, 呢啲讓人很無奈想界櫈的地方,

把重點集中回歸人性和原則的矛盾衝突, 教育理念, 權力 ...etc, 視野寛度和見解深度和層次都提升許多,  沒有咁表面的感覺, 見到佢的觀察和思考.

語言運用的力量加強有力許多, 語句順了, 人物角色立體了, 譬如那個訓導主任有番啲層次, 似番個人, 有頭有尾, 學生和教師, 吾係再成個白痴咁, 副校長的心理世界也合理得多.

情節和戲份比重均勻好多, 下半場情節刪減修改補漏的幅度很大, 我吾再得閒詳細驗屍咁寫啦,  聽證會一幕做到高潮的效果, 成個戲的風格和訊息統一清楚好多, 即不會明明是嚴肅的, 忽然又無啦啦無厘頭有爛gag想引人笑 (其實是騷擾),

角色正反對立平衡好多, 不會一面倒是校長是對的, 對學生多一分同情, 吾再似維穩劇.

即使講爛gag, 也見到貼番個故事, 譬如男女學生坐在地上哭, 訓導行過, 見佢地咁辛苦, 不如分手...許多觀眾會笑之餘, 這個gag 也是學校產出過許多學生夫婦的傳統有關...咁咪爛得來, 又幾貼切囉.


成個劇本改進得好到看到3/4時，我是以為有槍手代寫下半場戲份. 畢竟, 依家寫嗰條友的視野深度、書寫態度和上一手, 根本兩個層次.

我覺得今次劇本是真的值得有主劇場劇本提名，當然攞吾攞到睇彩數。

編劇未來咁肯咁寫咪好囉，實有拿最佳編劇獎的一天.

若好似前咁, 掛住玩野, 貪一時過癮有乜為呢, 嚇窒我吾想再入場浪費時間, 劇場從此少了一個買平飛入場的觀眾.

Voyage 60

(i)

5-11-2018

一早七點四十分, 便回到工作室, 忽然感覺有點灰.

像出面的天色一樣.

不是因為工作.

只是當你連續三日見到這世界上最漂亮的女子, 很迷人, 很耀眼,

今天卻沒得再見,  心情怎都會失落吧.

就像超級興奮後退潮時的情緒低谷期.

如果日日都可以看見她就好了.



還好嗎?  今天的妳.


(ii)

5-11-2018

昨在劇場裡, 聽了容祖兒的心淡改編歌詞.

我識的...因為我的MOOV 本身就有這首歌的下載.

不過最近聽的是長大.

"還好嗎? 今天的妳"

是這裡常寫的句子和標題.

近來也寫得比較多.

反而, 一直甚少問自己, 我好嗎?

嗯...有甚麼好問呢?

我的生活規律和重複, 喜好也沒改變, 失眠, 睡不好之類的事, 早放棄去呻.

若有特別, 就是上周沒時間看日劇.






"還好嗎? 今天的妳"

都是與一個人有關.

沒說出來的一句, 是一首歌"世紀末煙花" 裡的一句歌詞.


3:15"


所以, 這裡寫的東西, 真的不能讓她知道.

我想像不到她會有甚麼反應.

大概是反感, 覺得煩厭吧.



她的容貌倒變了, 外表變得年輕.

小孩子還是會喚她做姐姐, 而我則早已被叫叔叔.

嗯, 我為甚麼把 benchmark 降到那麼低, 居然同我比.

罪過, 罪過.



她真的很漂亮迷人.


(iii)

6-11-2018

上周六下午, 男人背著錦囊, 右手拿著外賣便當,  左手扶著拿著柺杖的女人,

結伴一步一步, 慢慢地走上樓梯, 前往二樓的劇場.

男人的神態只見關切和細意, 提防女人摔倒, 並沒有絲亳的不耐煩.

看在眼裡, 這就是愛吧.


所以樓梯既然可分左右兩邊行上,

我自然地走了另一邊樓梯,

不想破壞了男人扶女人上樓梯的畫面美感.


這畫面比男人所導的戲的戲劇美感, 不徨多讓.

男人原來一身是戲?

導與演皆是不俗.



口痕時間:

男人在面書玩金庸小說裡的人物,  結果是楊過.

怪不得佢那麼受女士歡迎,

除了有才華,

也有一隻 "巨鵰".




女人都愛 "巨鵰".

巨鵰 --- 那個女人不愛?


下次和這男人碰巧同場看戲,

中場休息若佢去解手, 我都要跟住去.

"裝"下佢係咪真係有"巨鵰"先.

夠!!!!!!!


嗯...我若在面書咁講, 會俾人鬧的... 把口咁賤.




(iv)

6-11-2018

今天早了離開工作室.

一來不太順, 想做運動放鬆減壓.

二來, 也要洗衣服.


莫名其妙的, 今日洗衣服有一種贖罪的感覺.

去劇場看戲, 吾好懶, 仲著未洗的衫.


(v)

9-11-2018

政策巿...

依家咪知邊家銀行在內地做business loan 影響最少 (平時做得最差, 現在卻會還神).

一條友, 點會識.

真的幾令人沮喪, 冇邏輯的, 上面啲人.

(vi)

10-11-2018

時興環保,  想來, 自己其實是現代簡約環保版楊過.

長情, 我有.

白頭髮, 我都有.

中年, 我都係.

我運動能力差, 手足不協調, 猶如斷了一臂.

 她穿越過, 入宮做皇后, 我因此做了太監, 冇鵰用, 所以才說是簡約版, 可以無障搭巴士地鐵.

楊過因為太靚仔, 有感半生惹情債怠誤其他女人, 所以自此戴面具.

我...

連面具都慳番.



 唉... 做乜晨早流流咁吋自己呢?


(vii)

10-11-2018

新垣結衣明年的月曆開賣訂購.

如果, 以前喜歡的人也會出月曆, 你說有多好呢?

我一定會偷偷地訂幾個, 一個放在工作室, 一個放在家,一個用來收藏.

可惜我只能發夢.


(viii)

11-11-2018

明天又回到那個不容易的世界.

周五六日, 沒有出門看劇, 看電影,  沒去Sogo血拼/網購.

只是做了兩日 gym, 看電視劇. 今周才去看兩場劇, 假如臨時去看的還有飛.

舉重時, 俾多少少掙扎出嚟, 順便吐出烏氣.

(不是瀨鑊金,  只是俾政策巿搞到好吾gur, 內房, 教育, 醫藥, 手遊, 內銀...仲有咩係吾會爆? )

人真的需要放假回氣的時間.


 也花時間檢討.

重點是整理自己的心態.

要提醒自己不要忘起初衷, 天天都有麻煩事,  要相信自己.




面書開始多了人去看紅葉, 工作室裡的阿姐也剛去完韓國.

京都八瀨琉璃光院的景色, 專業照片影到好美, 想找個機會去看一次.

不知她去看過沒有? 還是今年會去呢.

(講到她吾使做, 日日都去旅行咁...都是工作效率高啫)

(看報道, 才知鈴木保奈美都拉過皮, 整過容,  周迅都因為keep吾到變老而哭, 所以她真的是上天的寵兒, 是凍齡美女)



明天都要努力和進步.

她都要好好的, 身體健康, 神采飛揚.

就這樣, 我沒再看見像她那麼迷人吸引, 靚到識得發光的女子一星期了.

不知幾時才會再見.



幸運的話, 大概會在明年 Art Festival才有機會看見吧

不容易的, 要真的很幸運( 從我的角度), 畢竟那麼多場次, 那麼多人的地方.

我想, 到時我還是可以把她認出來.

那時候, 她仍是會那麼耀眼.



越是渴望想見到的, 卻偏偏不會輕易見到.

這門課, 真的不容易學懂.


(ix)

12-11-2018

我會不會被視為渣男呢?

我整天 "女啊...女啊...中女啊...Sailor S 啊..." 的咆嘯.



不會吧...

我其實只是在這裡對空氣叫...



她都不知,  知也不會理. (你當她好得閒嗎?)

況且, 手段既野, 呃得人一時半載啫,

日久見人心, 若四年時間還是如此 (我在這兒寫了四年了) , 那就不可能是演技偽裝, 而是真的深信不疑.


況且, 她精明幹練, 心細如絲, 洞悉人心, 曾經滄海難為水, 除卻巫山不是雲,

邊個係人, 邊個係鬼,

她一雙明眸, 看一看就看得穿,

怎會被這些小把戲呃倒.

(所以她一早就識穿我...)


更重要的是,

她真的很漂亮吸引, 優雅迷人, 很耀眼, 我是發自內心的感嘆, 沒半句虛言.

(x)

12-11-2018

原來昨天我開口中, 股票又吾見我中.

她似乎去了旅行, 去看紅葉嗎?

嗯, 願她一切平安, 旅途上保持身體健康, 好好休息, 有一個愉快享受的假期.

她要好好的.

看電視

10-11-2018


episode 3

嘩, 新垣結衣為了報復男友出軌, 提出和男主角上床...

我...會吾會抵得住誘惑呢?!!! (代入mode)

我要堅持...我要守住...

我要守住...不斷向後退的底線....直到條底線吾見左.

我吾係渣男...

我只是接受了佢的邀請, 紳士風度.

我係犧牲自己...慷慨就義呀, 我心裡還是有一個人.




不過男主角好削囉...

開始後, 衫都未除, 就喝醉左不醒人事.

抵佢俾其他女人恥笑.



其實男女那些事, 除了接吻的前戲.

啲人係咪好鍾意玩花灑浴架?

一路沖涼一路啪啪啪... (天涼了, 要開熱水玩呀...)

套套戲關於把成熟女人從通過肉體到心靈的征服過程都係咁.


啲中女港女都應該鍾意咁玩, 個個都試過.

唉...可憐我...

(先生...你睇緊既係AV...)



btw 特別是女人.

如果和前度分手, 都應該保持聯絡.


萬一有生理需要, 都至少衛生安全啲嘛.

但萬一條仔的功夫削, 好似獅子咁短, 並是分手的理由呢?


咁上淘寶買"玩具"好,  定叫鴨好?

記住呀...

one night stand 吾知遇到咩人...

第朝返工開會見到個客...咁就大劑.

所以點都冇叫鴨, 俾錢兩清, 咁乾淨利落...


點解睇睇下電視, 最後變左支持中女港女去叫鴨?


btw 2 新垣結衣這集穿的披肩式大衣,

她若穿...應該更加漂亮.


--------------

episode 4

這一集比較沉重...

都巿人的壓抑, 強撐...

新垣結衣哼著兒歌  " 如果感到幸福就拍拍手", 畫面卻全都是無理的工作要求和海量的工作量...

聲音和和畫面/行動的反差...

常用的效果呢.

A view from the bitch 17

(i)

17-10-2018

上星期係咁買戲票後...

來到今周...又變得孤寒不疏爽.

算啦...出年五月...又隨時吾撞咩期.


到時先算...反正怎都會有位...最多咪吾睇.

雖然呢個play 出名.

(ii)

18-10-2018

現在我更加想去倫敦。

彭小姐的IG好睇/易睇過面書，大概面書的算法太pk 吧。

看別人在外地看劇，是件開心事，諗下將來若有錢輪到我時...

可惜, 網上這樣的看劇 KOL 不多,

大多是友情推介...多多少少有水份.



睇呢啲, 至少一連三晚..

那時候看sleep no more , 只看兩晚, 吾夠喉....

好懷念.

(iii)

19-10-2018

看了中性.

是至今看過演員裸體最徹底的演出, 連演員的陰戶都讓人看到.

我為甚麼看, 還要有心留意呢?

不是獵奇, 網上大把四仔有得看, 仲要近距離大特寫另加無限量任添的忌廉汁.

演出是有關雙性人題材, 演員半自傳半來自其他資料混合而成演出, 令我好奇, 演員本身是不是雙性人.

重要嗎?

其實不重要,  若甚麼都要真的,  那就不是演了, 演員不就是演出佢未曾經歷的人生, 代入角色的人生嗎?

不過, 若是真的, 這位演員每次演出, 都在翻挖身為雙性人身分而曾遇到的困擾, 不快的經歷, 這怎都不算是愉快的事,  但從另一個角度, 演員這樣做, 也是一種自我的治療, 自我肯定和接受, 坦然面對, 是一種勇氣直面世界.


演員是真雙性人和純演出,  令演出的性質是不同的.

結論呢?

不知道.

演員的乳房很畸型的...應該沒有男性生殖器, 只能想像如佢在演出裡暗示做手術切了, 或者如維基所講, 是隱性顯露, 雖sex gene 是 xy 但卻有xx 外觀.


演出主要是帶出但不深入, 從雙性人的角度去看社會觀點主流對兩性的標籤分化, 對性小眾 (雙性, 同性戀, 變性...etc)  的困擾,  譬如詞典介紹雙性人, 最終指向" Monster" 一詞 // 提及從小被父母當成女人養大, 到青春期才知DNA 是男人, 甚至開始有男性特徵的青春期困擾,影響社交, 以至嘗試從新學做人, 學做男人//  也提及離家出走後, 雙性人身分淪為維生工具的社會現況和排斥 (呢個不少出現在變性人身上, 例如泰國人妖表演) // 被捕回家後, 佢父親問佢, "如果, 你做番自己, 會不會更加容易呢?"  "我一直做自己"

演出的手法是播歌和形體動作為主, 配以簡單的對白, 是以演員表現, 解放自我感受為主的, 雖最貼近演員, 但卻並不是自己杯茶的表演模式.

我都吾rock and roll,  especially 我基本上未聽過那些歌, 遺失了很多hidden 的訊息和感受. 不過見到佢的調度和動作設計, 是挺精確也有一定心思, 不是求其的.

算是擴闊自己的視野, 也由此了解一下雙性人.

這樣的黑盒劇場其實都OK 的, 當然成日叫我睇, 我又頂吾順.

不似香港的黑盒劇場, 不少都只是黑 (觀眾) ...賣佢地宣稱的誠意但停滯不前的演出.

 劇評:

https://www.theguardian.com/culture/2017/mar/14/mdlsx-review-why-do-we-feel-we-need-to-know-the-sex-of-this-performer

 雙性人介紹.
https://zh.m.wikipedia.org/zh-hk/%E9%9B%99%E6%80%A7%E4%BA%BA

 美國的雙性人協會.

http://www.isna.org/


一句到尾, 無論咩性別, 性取向,  sex gene expresssion , sex organs development 如何, 都要把人視為人.



(iv)

30-10-2018

嘩...套套都想睇!!!!


https://www.cinema.com.hk/tc/movie/special/6

拿講明先, B 9 那個人吾係我.

我冇咁缺德, 我亦睇吾到呢場, 撞正短暫的婚姻.

看NT Live , 吾係講笑, 真係在 IFC 睇最好.

The One 成日有人遲到, 在前面行過阻住曬.

(v)

30-10-2018

第一次見到呢個導演, 卻猶豫買吾買飛.

以前看過編劇兩個舊作, 啲劇情爛到hihi 架喎...

https://www.art-mate.net/doc/51794?name=%E5%8A%87%E5%A0%B4%E5%B7%A5%E4%BD%9C%E5%AE%A4%E3%80%8A%E4%BB%AE%E9%9D%A2%E6%83%85%E4%BE%B63%E3%80%8B+85%E6%8A%98%E8%A8%82%E7%A5%A8%E5%84%AA%E6%83%A0

亂9 咁嚟.

你看完佢地寫的節目簡介, 你知吾知個劇講乜9?

完全提吾起興趣看, 男主角演技又浮誇喎...

佢演親愛的胡雪巖時, 是autorun 冇理過成個劇是男人壯志未酬惟氣魄不能輸的質感,

演到很陰柔死下死下咁...

我好吾鍾意.

你看過首演高翰文怎演, 就知男人和太監的分別.

(vi)

2-11-2018

演員個個都OK.

以前看過張生的導演作品, 都OK, 佢吾係超勁令人驚艶那種,但卻是穩陣成熟, 吾會亂9 咁嚟.

最怕自封去挑戰劇場乜乜乜乜...

所以也亳不猶豫, 買了飛.

至於舞台設計, 那些, 隨緣啦.

budget 既野...

揀舞台劇, 有時真係見到咩人, 就有沒有意慾去看.

有時雖對導演有信心, 但演員和編劇太伏...則令人吾知點咁.

(vii)

4-11-2018

我似乎跟凱撒大帝有仇.

避過不要撞短暫的婚姻的時間, 方才看舞台劇入場前消磨時間,  把昨天在IFC/The One 買的戲票入了iphone 日曆,  才發現撞了色相.

又要去請求改時間.

星期五訂票, 星期日就話要改, 很不好意思.


(viii)

6-11-2018

搭飛機的登機證吾好亂影放上網, 呢個係人都知啦.

(btw, 你吾使影個登機閘口號碼和目的地, po上fb check-in,  你都可以上到機架...其實)

(講啫...我以前都咁影過登機閘...鍾意咪影囉, 無傷大雅, 去旅行就要自由隨意嘛)

art mate 的購票平台的購票號碼 XXXXXX, 都吾好亂放上網喎.

那是用來改飛用架...是改飛link 最後的address line,   /XXXXXX

當然, 吾係痴線的, 都吾會咁搞人啦...亂搞人地張飛, 要俾15蚊架.

 仲以為佢地會人手幫我搞, 吾收錢添.




我知邊個係黃小姐...表面上係做幕後, 做劇場監督, 內裡其實也是一個演員, 演藝演戲畢業架.

我睇過佢做戲架...都OK架, 識做戲架...只是遇不到好機會.



若我知佢覆我, 我一定認親認戚...

我細細個(?!)已睇你做舞台劇, 你做得好好睇, 好真, 好有戲味, 好有張力和說服力...

你可吾可以今次吾好收我改票charge吖?


(ix)

6-11-2018

原來岡頂劇院好近舊法院的.

在舊法院條街轉個彎往上走, 後面條街再往左轉....一直行到盡頭便見到.

以後有劇目在那裡演, 都會知點去.

----------------

那天看完劇後, 獨自在街上探險.

咁都叫探險?


因為我的電話在澳門上吾到網...用吾到google map, 斷六親, 與世隔絕.

咁樣通街走...隨時找死.

呢條街好多菲律賓人住, 所以很多菲國特色的店舖.

珍珠奶茶都攻入澳門了, 很多街道都見到.

澳門啲樓都幾貴下.

如果呢間野仲開, 我真係隨時貪得意過夜, 若看劇太晚了.

你吾明架啦...

窮苦人家的虛榮感...

酒店住半島喎...

有沒有賭錢?

冇.

平時炒吾夠咩.

我去澳門咁多次咁多年, 只賭過一次100蚊老虎機.

仲係當時朋友玩完, 佢望住我...

佢輸完, 我吾玩,  咁好咩咁, 先至賭.

探險完, 把搭的士儲落的散紙, 用來搭巴士走.

下下搭的士咩, 吾知有冇記錯,  碼頭去劇場, 41蚊架.

搭巴士3 號, 便可由港澳碼頭經過成條大馬路, 去到劇院才 6蚊, 不過班次吾係咁密咁解.


有冇搭巴士港珠澳橋?

你當我 ON 9 架?


(x)

9-11-2018


還未退出的whatsapp 群組.

方才, 想不到意外地收到whatsapp stickers 的彩蛋.

雖然不值錢, 對自己也沒有甚麼用途, 至少不會有機會用... (我都冇朋友... 淚...)

不過還是覺得有點驚喜的.

他們真的很有心.

Voyage 59

(i)

28-10-2018

很多年前, 咪有首他約我去迪士尼?

因為那個女子作了這首歌, 後來也給迪士尼拿來做過一陣子宣傳.

只是後來好像消聲匿跡.


在面書裡, 看到一個小朋友看小說時有感而發, 作了一首歌給小說作者聽.

小說作者也給了迴響.

聽那首歌,很amazing...若不說, 會以為是小說被拿去拍電影, 找了人創作這首OST.

若說迪士尼是很平民化, 這首便顯得中產.

一來是英文歌, 二來是因為英文小說而創作,  崇洋媚外的我會覺得高檔有品味得多.

實際上呢, 錄音呀, 混音呀, 旋律呀...都比迪士尼那首專業得多, 可見到科技的進步和創作水平更高.


觀微細處可以看到, 這家人除了至少係中產, 也懂家教及教女, 家庭關係至少父母和子女之間融洽.

個女除了英文見得人, 也不是讀死書, 死做補充練習, 會培育及支持子女有文青嗜好, 成長環境也鼓勵佢嘗試, 做人要有courage.








家庭背景複雜, 家人之間不和諧, 以至家境不好,  不是不能創作這種歌, 不能做這些事, 不過會困難得多.

畢竟, 客觀事實是輸在起跑線,  較大的機會是出來工作, 自己開始掙錢後才能做.



即是類似這位被多次報道的蛋糕設計師.

佢整的蛋糕好吾好食, 值吾值, 我沒法答到你, 但佢條路真的不容易.

https://hk.lifestyle.appledaily.com/etw/magazine/article/20181019/3_58808985/%E7%88%B6%E8%87%AA%E6%AE%BA%E5%85%92%E7%AB%A5%E4%B9%8B%E5%AE%B6%E9%95%B7%E5%A4%A7-27%E6%AD%B2%E5%AD%A4%E5%A5%B3%E5%89%B5%E6%A5%AD-%E6%A3%84%E5%B9%B4%E8%96%AA170%E8%90%AC%E6%95%B4%E9%A4%85-%E6%9C%89%E7%B6%93%E6%AD%B7%E5%85%88%E6%9C%89%E8%80%8C%E5%AE%B6%E5%98%85%E6%88%91

我不是暗示, 那位小朋友成功靠 X 幹之類的晦氣話.

出身是上天注定, 若有機會, 就不要浪費, 像現在這樣子, 那便好.




忽然好奇, 那位小朋友是不是薛凱琪的fans.

成件事, 很像奇洛李維斯回信的現實版.


https://www.youtube.com/watch?v=_UukxkyOP64


如果你認同人是有需要造夢

人人都怕難怕倦 怕撲空 全球得我未死心 沒有放鬆

繼續被動來做普通的大眾 實在沒有用 情願不怕面紅

頑強地進攻 爭取那認同 如朝朝代代每個不朽烈士奮勇



明知 我們 隔著 個太空 仍然將 愛慕 天天 入進信封

抬頭望星空發夢 仍然自信 等到遠處 你為我寫 那一封



聽完小朋友唱歌後, 我不期然想起薛小姐這首歌和歌詞.

但係, 中產會聽呢啲?



btw, 經常接觸這種分享, 人是會開心正面啲.


(ii)

29-10-2018

星期一當然想中六合彩.

我吾會想星期五, 星期一跳到星期五, 每個星期少左三個交易日, 我食西北風呀.



 不過呢, 見到呢啲, 總會嘩一聲.

我買中呢啲就好囉.

發夢啫...我的 trading rules 根本撈吾到呢啲機會.



那111 手若全部都係我的...

都吾夠在香港買樓囉...



我都係早啲訓啦...

發夢見到新垣結衣, 朴敏英, 孫藝真, Sailor S 好過.

(iii)

29-10-2018

You are the sunshine of my life.

---------

看網友介紹, 才知那裡是曼谷的Lady Nara Cafe.

朴敏英都去, 若你去泰國卻未過去, 咁好難自稱去過泰國喎...

邊鬼個去曼谷只淨係做正經事架, 被嚴重剝削, 做黑巿勞工咩, 好浪費囉.

朴敏英都去過.

朴敏英都去過.

朴敏英都去過.

重要的事情要講三次.

將來我去曼谷, 我都要去試一次.

在那裡,

我幻想,

我會拎住一紮劍蘭, 向朴敏英表白示愛.






我實在...太浪漫了.

只要係女人, 都會被我感動.

旁觀者如你冇可能會吾感動.


在這樣的環境, 做這件浪漫的事.

冇女人會拒絕到收到一束劍蘭的喜悅!!!!

喻意深遠悠長喔...餘韻良久不散.

我想你和我一起走進戀愛的墳墓, BB.


 

我當年仲會對女人心動時, 識呢招, 就行少好多歪路.

 唉...



Lady Nara , 原來在台北都有, 仲好方便添...忠孝路...

可惜, 訂位要二人起.

我吾會去.   


(iv)

30-10-2018

金庸過身了.

面書裡很多人都在懷念, 也列出那副對聯.

自己在小學時便開始看佢的小說, 加上看當時明報的社論, 中文便是這樣學來.

佢的書有幾個版本, 自己看的當然是小時候的版本, 即修訂版,

和現在最新版有不同, 而最新版從沒看過.

怎說好呢, 修訂版一冊成吋幾兩吋厚, 圖書館發黃的紙質, 半夜透過公屋走廊的燈借光閱讀.

是一種回憶來的, 所以不想看最新版而被破壞掉.





如果她會叫我一聲  "過兒..."

我便會和應  "姑姑..."



我的中女情意結, 對年紀比自己大很多的女人有好感, 是不是咁樣得來的呢?


或者啦...

不過, 若她穿越成為小龍女,  我都有心理壓力.

因為, 承諾.

 她若是小龍女, 我若要守護, 便要自斷一臂.



對比起上一次, 她穿越入宮爭做皇后, 我便要自宮相隨.

斷手好, 定斷X 好,  真係難以抉擇.



所以, 我不要再愛上任何人.

我邊有咁多肢可斷呀, 依家已冇手冇X 喇喎.



謝謝查先生給予的少年時美好的閱讀時光.


(v)

30-10-2018

下月的補選又要投票.

看完馮生的"great again"  自我介紹.

真的覺得佢的宣傳好難頂, 不知所謂.

great again 呢兩個字, 這數年用得最多的是Donald Trump.

所以佢想點呢?

佢真係冇sense 架.

吾好話政治人物,  做普通人也嫌佢吾得.


兩個不知名人士...可吾可以吾好手寫呢?

你住美孚新村同管理公司有過節, 八十歲老母都受過氣...關我咩事呢?

李生是正常, 但佢的議政水平來來去去都係咁.

睇宣傳marketing, 我真係只會諗到投那個見利忘義的女人.


看到有人翻舊帳說查先生的雙查方案賣港.

我沒意見, 因為要跟番當時的環境才能評論. 現在睇番梗係吾好啦.

不過講真, 有普選又點啫...

你見部分人的公民質素, 議政質素...

咪盞 tyranny of the majority.

譬如, 今時今日仲有人問點解吾回購領匯.

買完就會啲野平番咩...根本浪費時間.


(vi)

31-10-2018

灰了五個月後,  今個月終於吾使再輸.


當然, 距離達標, 仍然遙遠, 進度大概有10% 吧.

知道自己水平仍很反覆, 有很多可以做得更好的地方.

要預備將來打法再改變.

要在穩定後, 做多些美股的事.

不過都是好開始吧.

未試過losing streak 長成五個月.




雖知自己進步了, 卻更覺得今個月比起早幾個月巿況冇咁仆街才得以如此,  是幸運.

要感恩.

明天繼續努力,  專心投入.



暫時感受一下今天的喜悅, 我又不會, 也不能吃東西獎勵自己.

以前吾會咁.

人, 真係要仆街過, 才會珍惜.



明天, 還是戰戰兢兢, margin of error close to zero 的生活.

一旦做錯決定, 便要忍耐, 冷靜, 控制自己情緒和躁動, 下次做好一點, 但現在要 let go.

辛苦嗎?

是很辛苦的.



若曾經見過光明, 若還繼續庸碌一生, 等死, 嗟來之食, 真的會後悔.

時間已經不多了.



 雖然距離富士山那麼遙遠, 我亦只能仰望, 不可攀登.

不過若能走近一些, 看看那裡的世界和景色大概是怎樣, 總是好的.

我曾經很喜歡, 很喜歡.


還好嗎? 今天的妳.


(vii)

2-11-2018

一到月頭, 過了一日好日, 今天便是挾到仆街的一日.

頂佢個肺呀, 我之前係到估蘋果有問題(衰過AMZN後, 就開始花時間度) (個電話咁貴, 呢幾個月個樓巿股巿政治環境咁咁咁, 又吾係個個都需要用到咁pro 玩whatsapp/fb 之嘛..點都影響消費卦) , 點鬼知兩個肥佬講個電話就咁挾法...

呢單野, 我仍覺得最多見面前, Trump吾會再公開掌摑維尼熊令後者無面啫, 一埋枱講數, 仍是條款很辣, 維尼熊吾會咁順攤...

個巿升好多喎...

買到先得架....朝早我put 過添, 但一見期指向下插跟住到倒挾穿枝陰燭, 就即刻平倉 (呢個型態, 若看得公仔圖多, 便知是可以挾到凶狠時狠到無仔生的手法), 跟住係到chok 吓chok 吓, 計吾到值搏率就吾理.

下午12:50 分己知陣間開巿會挾爆機, 至少挾100點以上...

也有搏老命去掃幾隻牛證準備同佢死過...

但吾夠人快呢...個個都電腦飛同交易所server co-location.

一抽就抽幾百, 炒了咁耐, 真係一年都未必有幾次...怎會咁狼死去搶咁高.

吾夠人快, 等到莊家出來, 都開巿了1分鐘20秒, 那時掃股票輪, 吾想搶雞糊, 諗住由佢retrace, 突然一大棍打番落嚟, 咪又真係變雞糊...那刻我真的有媽媽聲.

臨收巿, 我又堅決吾信可以一條龍星期一可以再 gap up挾過...

今日已做了世界兩次,咩一鼓作氣, 次而衰...乜乜嘛...

今日吾係day trading 的好日. 你睇下期指成交分佈就知, 上下午兩大截既.



我好似好晦氣...但其實又吾係.

心態其實挺平靜, 沒有沮喪, 至少沒有心慌亂trade, 那是一種進步, mental 比以前強好多.

炒股是長途競技.

今次吾得, 咪檢討下下次點再做好啲.


現在第朝淩晨, 黑期跌緊640 點, 我都吾知幾心涼...挾九我叫嗱...挾到咁過癮呀拿.


呢個世界真係有好多好勁的人, 自己技術今日未追到人, 但也是好事, 有進步空間. 譬如收巿後, generate idea 怎trade 這種開巿後, 陰住挾的巿, transaction cost economics 教落, 睇野要睇下你用咩lens 去睇.

昨下午二三點時, 我見中港股巿, 成交多左好多, 又chok, CNH 又郁, 係知昨晚會大龍鳳, 但估吾到方向啫, 一向鍾意front run的A 股都冇放水俾hints ...若估都係估AAPL 累街坊的方向啫 (咁仲衰過吾估囉...)

做下review, 諗下點樣做,  譬如掃冷門少少的2689正股 , 山大斬埋有柴, 吾使炒最熱門, 一望贏到最多的那幾隻,  其實都OK.

CNH 咁樣抽, 真的好痴線, 炒外匯孖展, 痴線架...1% 升幅, 用孖展放大..


(viii)

4-11-2018

明天又開巿了.

很慶幸連續三日都看了很不錯的舞台劇, 而今天則看了一個很開懷和治癒的作品.

人真的放鬆了不少.



明天都要進步.


雖然好難炒, CHOK多, 點會真係即刻跌番一千點呀...



點睇都吾似巿場會在國會選舉前大動作, 雖然共和黨爆冷輸PK 的機會不大.

沒看民調, 純粹覺得, Trump 雖然乞人憎, 但確實交到數, 做佢承諾過的野.

況且, Trump 還Trump, 共和黨很多人著數拿了, 卻保持距離, 燒埋佢地的機會不大.


估還估, 都係有咩咪炒咩囉...我不過是大海裡的水滴罷了.


(ix)

4-11-2018

藍姓女藝員過世了.

網上忽然懷念.

有重提那些娛樂八卦媒體偽善, 當年佢地怎樣消費藍小姐的一生.


這令我想起今年有一次跟舊公司上司下午茶, 席間有一個男人講起所謂娛圈秘聞.

提及藍小姐當年被強暴的經過, 誰是加害人.

言下之間, blame the victim, 成班男人的地方, 傻更更走入去...被人溶左是很容易發生的事.

當年未出事前, 表面雖然純, 但喝起酒來也是一枝枝隊...



不管真假,  至今聽到仍覺得很不舒服.

想又想, 是對那種"因為施暴者的地位, 被害者不懂自愛?!, 所以.... " 去合理化暴行, 視他人的身體自由如草芥的心態而感到反感.




做女人, 真的不容易.

做一個性格硬淨的女人, 更加不容易吧, 因為過程中, 必定遇到很多歧視欺負, 並被視之理所當然.  女人要強硬到衝得開這些障礙, 才得到承認擁有本應得的權力和自由.


我為甚麼跳線扯到這方向呢?

不知道.


(x)

4-11-2018

她慢慢站起身來，柔情無限的瞧著胡斐，從藥囊中取出兩種藥粉，替他敷在手背，又取出一粒黃色藥丸，塞在他口中，低低地道：「我師父說中了這三種劇毒，無藥可治，因為他只道世上沒有一個醫生，肯不要自己的性命來救活病人。大哥，他不知我……我會待你這樣……」 ​​​​

近來天氣轉了, 失眠的毛病又出現.

右眼眼眉跳, 連續跳了三日.

很要命的...本來已睡得不多, 不夠訓又容易做錯決定.

怎少時間都好, 都想寫字.



近來查先生過世, 周四晚巿場波動, 直到凌晨一點幾也睡不了.

忽然想起程靈素, 特別是這情節.

是小說系列裡, 一往情深但最後死掉的女主角.

情痴, 大概如此.



斟酌不了怎形容, 一般人理解中不能稱之為幸福結局.

但程靈素所愛的胡斐, 只能給予不是所想要的那種關心愛護.

一直下去, 程靈素真的幸福嗎?


年歲大了, 知道這種事, 這樣子喜歡一個人會很苦.

回頭是岸, 斷捨離, 世情到盡轉無情...

總之let go.




都不知自己其實想說甚麼.

感情的事, 冷暖自知, 不是別人說那樣好, 便真的是好.

最後都是自己才知該怎選擇, 也應當如此.



自己在這方面不正常, 所以別人歧視, 嗯, 行遠些, 少些往來就算, 不想吵.

不過卻很肯定和清楚一件事.

若不是真的很喜歡, 很愛很愛, 那就不要, 否則下場會很慘.




近來有宗新聞是消防員騙財騙色, 同一時間不計正印女友, 都有七個女伴.

這刻, 不是想講垃圾, "我都想咁喎".

不是處於那種mood.

只會想到, 能那樣子控制自己的情感, 做人會容易一點吧.



把這些情感當作一個 trade, 會不會好些呢?

follow the plan, scale in scale out, step by step,let the profit run, profit taking , cut loss, continuous adaptation to the market conditions.




我不知道.

都是, 將來若有對象才算.

雖然, 我不信會有.


(xi)

4-11-2018

周四晚和周五巿場大波動.

其中一個沒甚麼香港人留意的 (內地人則應見慣不怪) , 通常內地報道內地的財經新聞都很快, 比香港媒體快好多.


記得星期四晚, CNBC app 彈出打電話新聞, 當時約晚上十點半...直到十一點多, 內地才有零星的財經app 報道, 並寫得很籠統.

原因是涉及維尼熊三個字,  大概是官方最高層批准怎寫, 才能登吧.


你想, 生活在這種環境嗎?


香港, 慢慢逐步變成那樣子.

好灰的看法.

還好嗎? 今天的妳

今天又見到她了。


Sent from my iPhone

-------------

4-11-2018

今天下午又去了看舞台劇.

因為不設劃位, 所以比平時早了一點便到場.

前台拿了門票後, 一轉身看到人龍前列, 一個女子零零舍舍戴了水藍色的 reebok cap 帽.

看不清樣子, 也不便在對方眼前從頭打量, 那是很沒禮貌的行為.



進場後, 在看四周還剩下那些較好位置, 一抬頭, 便看見她, 原來戴cap帽的女子便是她.

她坐在正前方最左上角.

抬頭低抄看女子, 都有它的特殊有用的時候.




不想坐太前, 因為小劇場若有互動環節, 我的反應那麼呆和木納...所以可免則免.

於是跟她一樣, 坐在右排左上角.



她的右邊, 坐著個塊臉很大很大, 有洗臉盆那麼大的女人, 所以並不會容易看得見她.

她今天戴了水藍色的reekbok cap帽.

記得以前看過她在這時節天氣, 會戴上這種帽子進場看劇. 大概, 不用煩惱梳髮的事吧.

把長頭髮束成馬尾便好.


她今天穿的風褸是黑色, 比昨天穿那一件薄身, 裡面則是一件黑色New Balance logo tee, 今年她去澳門看特洛伊的女人時穿過.

她還是穿牛仔褲, 今天則穿了短襪子. 波鞋和tee 都是new balance.

她真的有很多雙波鞋, 不會重複.

她出門前, 手機沒有叉電, 只見她拿著充電池.


我呢...

不好提了, 懶洗衣服的我穿回星期五那件, 所以怎都好, 我其實都不想坐她那麼近.

不是怕有汗味, 我都有底線, 會噴一點香水的.

是精神及心理上, 若穿著骯髒的衣服走近, 便像對她是一種褻瀆.


開場後, 場內一片黑, 演出也吸引, 我又不是有複眼, 所以是看不到也兼顧不了去看她.

只是有時候, 還是看到她看到開口大笑, 笑到彎身, 拍掌, 倚著欄杆咬手指甲, 偶然也會手指托鼻樑, 大概是她專注時的小習慣吧.

很治癒, 她笑的時候的樣子.



散場後, 看到她一個箭步走向記念品攤檔, 不知她買甚麼呢? 大概買tee 吧.

在她購物時, 我靜靜地走過她的身後, 行上樓梯離開.



今年, 比往年多了在劇場看到她, 有時候, 甚至她坐在自己旁邊.

這三天, 更是連續遇見她三次.


不會說緣份之類的花痴說話.

雖然, 我是有點花痴.



於我而然, 是感恩可以看見她, 但對她卻不是.

況且, 她又認不出自己, 彼此也沒說話眼神交流, 像陌生人一樣.



不會時常有機會可以看見她的.

要珍惜每一次的遇見. 這是幸運.

所以每一次看見她, 我總會在這裡對空氣bilibala 形容記下她有多漂亮, 迷人和吸引.

成個劇場裡那麼多人, 我又面盲底, 但仍然很多時候會看得見她.

她真的很耀眼出眾.



今天, 又是一個從心感恩的一日.



還好嗎? 今天的妳.

她要好好的.

不需詐病, 也可以好好休息放鬆.

祝好.

還好嗎? 今天的妳

3-11-2018

今天又見到她。




搭12點45分的船。

上船去澳門前，見到她的朋友在閘口等候，當時心想，不會那麼巧合吧?

結果下船後，我在的士站便看到她。



看到她時，我第一個想法是，我是不是色盲?

怎麼她的髮色變了暗紅色?

昨晚明明看到是淺啡色。

沒有理由她早上去染髮， 那個髮型師會早上九點幫人染髮嗎?



她當然看不到我，也認不到我。

反而後來，導演還認得我。

嗯，都習慣了。



她今天穿的是便服，navy blue 的有帽擋風外套，內裡穿著一件黑色matlida牌子, 看不清心口寫了甚麼字句的tee。

大概大風，她今天不穿短裙了， 改穿牛仔褲和波鞋。

翠綠色的襪子是和綠色波鞋襯色的。

她今天也改用紫紅色和淡灰色為主的背囊。背囊挺脹的，大概今晚會留宿澳門吧。

今晚才是設有導演演後談的場次。

看到她帶備雨傘，不由得去想，明明我難得地肯去看天氣報告，澳門今天不下雨，不會吧...



看著她等到的士， 坐在前座，和朋友們愉快地離去。

當然不會跟我say bye。

是有點失落的...

我還未看夠她...

況且我想省的士錢啊...反正還有一個空位.



來到舊法院, 往門口裝下, 還沒有人, 也看不到她.

那時離開場還有40多分鐘, 於是四處遊盪.

結果在後面一條街往左走, 走到盡頭見到岡頂劇院.

那裡挺適合做獨腳戲, 條件比麥高利劇場好.

離開時, 見到有五個當選乜乜選舉, 穿著低胸露背晚裝的年輕澳門女子前來拍照.

真係靚架喎...又後生....身材又幾豐滿, 有事業心.



在面書寫看後感時, 說是今天在劇場看到的第二至第五靚的女子...

今天劇場裡, 最漂亮的女子當然不是演出的女演員.

只有, 也只會是她.






回去劇院, 開始多人.

只見到她的朋友, 卻看不見她.

原來, 她去了洗手間.

之後, 看著她站在隊頭位置等候.

我猜錯了她會看的場次呢.

站在門口處, 離遠看著她, 愉快自在聊天.



要進場了, 看到她率先行上樓梯, 看到她的背影, 很想停住時間.



入場時, 場務說可揀左或右邊, 自己選了左邊.

她原來也選了左邊.

反正她又不認得我,  沒必要刻意隔開老遠避開幾行.

像平時一樣揀位, 選了後她一排對她身後的位置便好.

若演出不好看, 也可以在漆黑中看她的神態.

可以聽見她的聲音.



我沒有理由是色盲的....

這問題令我在開場前, 藉著坐在她身後的機會, 更用心觀察她的髮色.

真的是暗紅色, 有做 layer 喎...

點解昨天會看到淺啡色呢?

移了移目光, 改變光源....

哦...原來是光線折射角度的問題, 她染髮的顏色分佈也不是平均的.

右邊有多幾束暗紅色的, 左邊比較少,  大概昨在壽臣的燈光折射下, 顯得有點啡...

應該是這樣子吧...是她的Hair Designer的設計吧.

我整輩子都沒有染過髮, 現在...更...不用提...




 看著她的側臉, 眼角沒有皺紋, 肌膚看上去很嫩滑, 一點也不似快50歲...

一點不繃緊, 不像做過醫學拉皮收緊美容.

可惜不能摸, 否則, 我想知道她的肌膚是不是如那些凍齡廣告般,  "肌膚...可以彈番嚟"

她若不是吃了很多骨膠原, 才會keep 得這樣好, 那麼, 她真的是天生這樣子, 保持肌膚彈力, 令人羨慕.


雖聽不清楚她說甚麼, 但感覺到她很開懷自在講笑, 很放鬆的.





演出開始了, 專心看戲.

只會留意到,場內有點熱時, 她脫下了外套.

看得投入時, 會側頭, 把手指放在鼻樑上.

看久了, 有點累, 便會鬆動左右手腕.



嗯, 好似好變態, 入場看劇這樣子看前一排觀眾.

我不是刻意捕捉她的神態, 只是剛巧看到.

我真的只是來看戲的.





散場了,  旁邊的觀眾率先離開, 我也跟著走.

因為, 我知我會不捨得.

不知何時, 可以再看到她.


還好嗎? 今天的妳.

還好嗎? 今天的妳

19:50

Sent from my iPhone

----------------

因為人多，我很早便企在樓梯口。

她一出升降機，我便看到她，當然她看不見我。



和她一起看戲的同伴依然是胎story那一位青年男士，一早站在附近等候她。

當然，不再多口胡亂猜測甚麼。





她依然很漂亮，身上散發一種光彩。

她穿了一套黑色套裝西裝裙，內裡是黑色白碎花點裇衫，只是裙子有點過短，快要變迷你裙，配上鞋頭有金色扣子約一吋高的高跟鞋，令雙腿顯得更修長健美。她真的很索啊。

她的BV navy blue 手袋是新買的嗎?  該和工作沒關係吧。

生意好要買手袋，生意不好更要買。



近來換了新髮型嗎? 燙得微曲的長髮髮色染啡了，也做了層次。




遠遠看著她精神氣足的談天說話，沒怎化濃妝也不見倦容，應該氣管炎痊癒了。

她要好好的，保持健康。

天氣轉涼了，要帶披肩絲巾和暖水壼出門去。


她要好好的。

2/11/2018