27-2-2018
有時候要看業績報告。
「透過數位化增強我們的開放式設計平台，實現股票衍生工具及固定收入的實時價格發現，並將投資建議準備時間減半」
看到這樣的描述，最直接是覺得管理層有領導能力，成本減輕，客戶喜歡，長遠利好。
不過想深一層，「準備時間減半」卻是說得容易。
點減?
那一半，天跌落嚟架?
咪即係做死人, chur 死人啫...
工作應該變得更辛苦, 壓力更加大.
我做乜咁有同情心?
"你寫份簡單的business plan, 慢慢, 吾使急"
翻譯:
吾使急: 但要快.
簡單 :但要見得人, 要有頁數, 即係有齊基本元素.
其實, 我之前, 成世人都未寫過business plan.
灰...
------------
應該得卦...
我寫到我自己都信有無限商機!?
實情係...佢邊會捨得每個月使幾百萬請人run back office.
(ii)
28-2-2018
自己是捨不得買這枝酒，買了也不會捨得喝。
朋友今晚拿了小半瓶給我分享，並說一枝巿價要1萬元。
但真的好喝，入口很醇。
很滿足，謝謝。
(iii)
I must be cruel, only to be kind~ hamlet.
What's done can't be undone.
Only love spung from my only hate.
除了扮曬野時, 我其實對莎劇的感覺一般.
對莎劇演出的評價, 是好看的, 不會令自己睡著, 不好看的, 就真的會訓著.
朋友捎來這些句子分享, 自己的反應是, 乜佢咁寫過咩?
莎劇的原裝英文, 其實不容易讀 , 佢寫的都不是用現代英語.
(iv)
二月過去.
一個 brutal 的trading month.
(v)
1-3-2018
今晚上了一位朋友家吃飯.
佢屋企隻貓變得很黏人, 上一次來, 想抱牠, 摸牠, 牠都行開避開.
朋友說, 牠比以前變得親近人, 想被人抱和撫摸.
想來, 也是的, 朋友有小朋友後, 時間和心神都放在小朋友身上, 我也看了佢陪個仔玩了一小時, 用英文!! this is ambulance, right? what is this car? ( lamborghini) , 相對之下, 貓是被冷落了.
我拍拍大腿, 牠就跳上來, 俾我摸下巴, 掃背 , 摸得舒服了, 更會舔我的手掌.
btw 朋友教仔都有一手, 兩歲的人兒也懂讀林寶堅尼的英文. 朋友平時吾會thanks 前thanks後,教仔時卻會thanks, please...
不過, 佢要小朋友叫我時, 會叫"叔叔".
都係佢老公好啲, 要佢個仔叫我做"哥哥..."
去人地屋企, 冇利是收, 話過了吾知初幾吾派喎...
頂呀...過左先叫我去佢屋企...
但派了50 次希望俾我.
可以食五十次大家樂.
但屋企樓下那間, 好難食, 成日煮爛飯.
惠康買夠300 先平20...
去優品360 買金牌雀巢咖啡每樽都吾止慳20 蚊啦.
我, 都係鍾意現金多啲!!! 雖然都係捐番出去.
(vi)
4-3-2018
過完年, 總覺得好像有一件事還未做.
是呢, 還未去拜祭亡母.
放假前忙到癲, 回來後也很忙和累.
直到昨天, 才為意母親的生忌亦已過去2天.
若出去同人講, 自己應列為不孝.
人不在, 就會慢慢從記憶中消失, 是很自然的事.
怎都好, 下周六去掃墓.
(vii)
4-3-2018
剛過去的周五開了一小時會.
有咩出奇?
入到去開會, 聽了10分鐘卅年前薄扶林花園的樓價及座向, 然後望住摩天輪發呆, 等人拜年15分鐘, 聽了15分鐘有關開會的內容, 然後找了另一人入來, 重複一次講開會內容.
還是不習慣, 覺得厭惡, 浪費時間.
開會時間比預計長, 想whatsapp 叫同事幫自己儲存定格的實時數據.
怎知, 我還不慣偷偷摸摸扮開會但在做自己事, 一心二用, 結果 send 錯去有老細的群組!!!!!
"呢鑊仆街囉..." 我即時心諗.
當時老細還在滔滔不絕, 我卻在滴汗在whatsapp 嘗試那個取消已發訊息功能.
結果, 當然取消得到.
但老細看不看到呢?
我估, 佢睇到訊息push notification 預覽囉.
佢吾出聲, 當冇事, 咁我亦樂得不解釋.
上班時間炒股票, 這是他一早知和默許, 只要用公司戶口, 平時吩咐的事有做, 炒還炒吾好搞佢講過/會買的股票, 佢就吾會理.
大家當冇事咪好囉, 過了五分鐘亦放我走.
" 明人不作虧心事, 半夜敲門也不驚" , 平時真係吾好亂咁在whatsapp 媽叉老細, 免成習慣.
譬如開會中途想同同事呻, " diu!!! 講左成個鐘都講廢話...好巴閉咩...咪又係diversification, 著數想自己攞曬, 人地食蕉, 又有幾innovative 呀..."
咁, 佢好難扮睇吾到.
(viii)
打工生涯自救求生技能.
做 power point 時, 除了要寫曬老細講過的重點外.
還要在power point 標題用上老細在會上講過幾次眉飛色舞的字眼.
要不然, 即使內文提及過N 次, 佢都覺得我未寫.
星期五下午六點幾仲係到改powerpoint 時, 我停下來.
" diu, 咪寫撚左囉, 你盲架咩, 寫左又吾睇又話我冇寫..."
我當然想咁講, 但吾可以呀嘛...
跟住, 我便開始諗, 其實佢想要啲乜.
power point 內容其實吾重要 (所以佢冇睇便話我冇寫), 最重要是要搶眼地大大隻字 (所以要在標題寫), 寫左佢以為是原創的idea 那幾隻字, 滿足佢既虛榮心.
條橋係咪好得先? 得, 就要擺在當眼的地方....
so, 我諗通左之後, 用了幾分鐘再改標題.
之後, 就俾我放工喇.
放工是重要的.
(ix)
4-3-2018
剛過去的周六是忙碌的一天.
中午去太古把手信給大家姐.
佢提起, 檳城都係一個潛在的退休生活地點.
嗯, 都可以諗諗.
人在異國, 豈不是二等人? 沒有公民投票權, 只有居住權, 也不會關心當地社會,只想安穩地渡餘生.
寧願主動去放棄, 總好過被剝奪.
感覺像好一點.
只是怎都好, 移民係會驚排華.
你知有些香港人, 中國人移民後的德性是如何的了.
太古的AEON 超巿裝修後, modern 了不少, 產品升了lv, 也變得像citysuper, marketplace.
在灣仔剪過髮後, 步行去 IFC商場.
在金鐘海富遇到禮義廉在政總搞的補選集會.
旅巴都慳, 正hihi .
不准諗, 要即答.
IFC 的 Le Labo 和 Diptyque 係邊?
我當然不會知.
平時IFC 熟悉只係 starbucks , citysuper, 利苑, 國金軒, 電影院.
那間Le Labo 真係行過都會自動忽略存在.
但係, 產品可以在購買後, 在盒上及香水瓶上的label 寫上字句, 真係冧女的武器.
但亦未至於係殺手鐧...
咪咁睇少我至得架...我有好多手段招式架.
"may spray perfume for you forever / may smell your scent everyday"
我英文差, 當然不夠冧, 但類似咁寫, 應該好冧.
張無忌幫趙敏畫眉, 我就幫條女噴香水.
super.
將來我溝女, 我總有一次幫襯呢間野, 只為可以有即場打印label.
冧女招數, 真係要儲番嚟.
但係, 千祈吾可以生日先嚟用.
平日, 用作surprise gift 反而更好.
因為生日時, 到時條女會提高expectation 嘛, 反而難搞expectation.
我份人吾鍾意大時大節才有表示, 我鍾意跟你細水長流...
LOL.
你睇我幾有策略, 只係吾會有中女咁解.
btw, 真係要食樹皮, 兩枝香水咁就二千六.
吾係溝女都會咁使錢, 因為真的識了很多年, 雖然這幾年, 成日反面.
嗯, 所以也不會再回到那個圈子.
shopping 真係累過做 gym.
愛購物的女人係會瘦就係咁解.
(x)
周六晚, 揀了成晚, 終於揀了四月在台北住的酒店.
不想重複上次住過的, 不能太貴不想花太多錢, 但又不想住裝修太舊, 房間細, 離地鐵站遠的.
今次還再仔細一點看地圖比例...
不易揀...但總好過到時hihi.
聽說文華東方好正...尤其是早餐抵食.
不過, 真的不便宜, 不捨得.
不捨得時間不充裕下在那裡住兩天.
若要住, 我會揀可以兩日在酒店裡煲韓劇的機會才住, 像在東京最後兩天一樣.
感覺上抵住啲嘛.
我係cheap 架.
兩日大部時間都應不會在酒店, 有點浪費.
所以要努力搵錢.
