24-2-2018
回來後, 放鬆了的神經和壓力, 突然扯緊...
變得下午三時已想釣魚, 放工後很容易累, 好想訓覺.
一回家便撻落床.
22日晚, 9 時回到家, 訓了兩小時, 才起來沖涼, 打點明天的工作.
23日晚, 6時半回家, 訓, 今早四時起床沖涼.
22日, 放工後和朋友去了Dim Sum Library. (係...終於食到了)
點心選擇其實不多, 但味道不錯就是了.
我說, 兩個人吃了900 多元, 現在出街食飯真的不便宜.
朋友說, 想吃好少少, 出街食, 價錢都是這樣子.
我也說起, 現在人生下半場, 自己的目標是搵錢.
將來, 不會在香港住. 有錢, 可以四圍住.
早上炒股, 下午收巿後在當地四處散步, 這種生活如地點在東京, 感覺不錯.
(當然, 老了也不會揀東京, 年紀大, 吾通日日行幾百米, 以至 1/ 2 公里地鐵站咩, 又上又落又行樓梯...老了在東京住, 真係要好有錢, 搭的士, 駕車, 其實搭地鐵也不便宜, 求其一程都要170 yen啊...)
朋友則說, 會揀鄉郊, 空氣好. 現在網購方便, 退休的地點也多了.
朋友說, 佢的朋友也在計劃退休後生活, 有位朋友亦已在泰國買左樓, 到時拿著政府長俸在當地生活, 啲錢好好使.
是呢, 我所知, 我識的人, 幾乎冇人會諗過在香港退休.
生活指數真的太高, 但卻只換來極普通, 甚至差的生活水平.
住屋如是, 飲食如是.
不值得.
自己也多了一個原因, 因為懂中文, 知本地時事, 越看越厭, 若乾脆不懂語言, 樂得舒心.
不是嗎?
代議士不是代議, 而是千方百計拉埋你落水, 消耗你的時間, 精力, 金錢 ; 不少心智, 見識, 常識,也不見得成熟.
新聞, 如X場新聞, 曾寫信投訴過, 依然出不少看了標題都知是垃X圾的文章或讀者評論, 譬如"不認XX人, 就不配逗利是", make stupid people famous, 看了就厭. 會覺得佢地連新聞都未識做.
年紀大, 真的對光陰敏感, 真的不想再浪費時間.
只能活一次.
今年若去short weekend trip , 真係要去泰國一趟.
吾係去變性. (呢幾日面書幾多人玩變性後的樣子...我...無謂玩啦...萬聖節咩...)
睇樓, 睇下生活環境.
(ii)
24-2-2018
朋友說, 如果我有女友, 若跟我一齊去旅行, 條女會嬲到爆炸, 嗌分手.
不是嗎?
去旅行冇wifi, 仲要吾係平
(鴨記吾係平過本地電訊商/ wifi 蛋, 我不是貪平, 只是不想還機/ 想幫襯下小商戶) ,
揀酒店, 又揀了輕井澤那間, 出入要行老遠, 仲要天寒地凍吹大風的日子, 張床又細, 只夠中童訓.
(我下次會看埋地圖的比例, 酒店揀新少少)
又吾check 下博物館美術館幾時開...
(點知中到應, 幾乎全線關門...)
淨係識食...雖然大部分都幾好食, 又有特色.
唔, 都係架...所以我咪冇女囉...
但遇上難題, 不是一種經驗嗎? 以後會知訂, 我好正能量架.
出機場前, 一定要上到wifi. (出巿區才買 wifi卡, 貴幾成, 至少在東京係咁)
(可見我那天抵埗, 沒wifi 的心理陰影面積有幾大; 也慶幸早年在箱根飲大左, 手機又hang 埋, 在車站發呆, 吾知自己今晚係邊到訓的教訓, 去旅行一定有行程酒店的printout作backup)
所以呢, 同我去旅行, 只會越去越好...
(但都係冇女朋友...)
"你會吾會沉船架?"
我呆了一呆, " 痴線架咩...玩完就算..."
沉船, 都未搭過船, 沉條命呀...
但只能繼續裝下去, 反正沒甚麼大不了.
近來朋友在儲haagan dazs 雪糕蓋, 所以這3天, 我一共吃了五杯.
佢多年都冇變.
(iii)
24-2-2018
平時呢, 公司啲人偶然跟我講, 你現在上位啦, 老闆成日搵你入房開會, 變左近臣.
我心裡講 , " 屌, 咁你去開會囉...有佢講, 冇我講, 我負責將佢講既野, 寫番出嚟, 寫完又改十萬九千次..."
好喇, 到了去完旅行回來.
若是 "真. 近臣" , 啲人係咪會巴結 :
我人不在, 利是都在先?
結果, it proves that I am just an eunuch only.
廢事你查字典, eunuch 普通話拼音係 tiajian.
太監, 雖然都係官的一種, 但係宦.
有 L 人走入雪櫃房擺低利是俾我呀...
你睇?
比去年少了2/3 呀....
(從個裇衫袖, 就真係知, 我仲未去沖涼..)
呢個故事教訓我地, 開會有野做果時, 就係"近臣", 開完會交完文件, 就係太監.
放假前, 我已知今年捐錢出去, 真係要自己貼 (雖然過往幾年都係, 但今年更有覺悟).
銀碼比去年也少了2/3, 比想像中更慘烈.
所以, 真係吾好曾經鍾意高質美女, 生命影響生命, 新年會捐突利是.
自己也不好放假回來, 在公司四處走動向別人拜年...
始終出來做事多年,已落不下臉, 尤其向年紀比自己小的呃利是.
不過呢...也有意外的.
午間在雪櫃房食三文治時, 在門口行來行去郁動, 費時成日坐.
剛好在門口見到某經紀, 禮貌上隔住玻璃門跟佢打招呼.
跟住, 佢敲門入嚟派利是俾我呀...
"此山是我開, 此樹是我栽, 若要門口過, 留低利是來"
之後, 我行入啲, 吾好企咁近門口.
(iv)
24-2-2018
那天從公司行去金鐘時才留意到.
是換季, 還是搬遷呢?
有時候會想, 幾時先會捨得在這家店, 買一雙皮鞋.
冇price tag , 所以我其實吾知一雙要幾錢.
(v)
因為今年啲利是錢大幅縮水...
所以...
我今年冇得去
地鐵站
狂入
20蚊紙
增值八達通.
(vi)
24-2-2018
去旅行時, 會不會帶走酒店提供的用品?
例如shampoo, 拖鞋?
以前不會, 因為一來買手信已搞到冇位, 二來都未靚到值得我帶回去的地步.
(有冇我著完扔低係酒店的底衫褲咁好先?! 好"重" 人情味喎)
入住最後兩晚酒店時, 見到酒店的拖鞋幾好咁喎...
不由得google一番.
拖鞋是潛規則可被帶走的, shampoo, conditioner, 等個人護理用品都可帶走.
毛巾, 浴袍則不可以帶走.
原來, 有人係會連廁板都帶走架...
塞得落篋個吓先至勁...
btw, 呢個牌子都幾好用, 似L Occitane 咁.
(vii)
25-2-2018
剛過去的周四吃飯, 朋友給自己的札幌手信.
很多, 挺佔行李篋的.
早前說過想吃kiki 麵, 也給我捎來一盒. (我次次去到Sogo 時都冇啊...)
我鍾意kiki 麵多過老媽麵.
"why?"
"食kiki 麵時會諗起舒淇, 食老媽麵時只會諗起大媽!!"
"你吾識野咋, 老媽真人係好靚架..."
"係咩?"
事後, google, 證明朋友九嗡. 男人嚟既...
"你做咩買啲手信係made in China 既?"
"吓...我係 3 Coins 買架喎, 見靚咪買, 價錢都冇睇"
"咁樣, 你吾得罪人就奇啦, 俾人覺得你隨手買...冇女仔會鍾意收咁既手信"
"3 Coins 喎..."
"都分made in japan 同china 架..."
這款米果, 不容易買, 自己那天在東京Newoman 逛了好一會才知店舖在車站內的寄賣店.
幸好仍有JR PASS , 才可以任性地入閘只是為了買手信.
米果是很好吃的.
總算是手信的代表作...not all made in china.
吃了這個, 就會疑惑, 邊個仲會食旺旺?
怎麼從來不會有人覺得旺旺的米果, 係好X 硬架咩?
早知買多些回來, 但它卻不好拿, 一直hand carry ,不敢塞入篋, 免得壓碎.
(viii)
25-2-2018
看了一集韓劇, "要先接吻嗎?".
感覺不錯.
本來大叔大嬸的愛情劇係吾吸引...
男的, 也不會在第一集曬健碩身材引死女...
但我都已係大叔喇喎...
幻想Gal Gadot 和我展開一段暮年戀, 都幾好喎...
同埋, 吾係青春男女的愛情劇都可以拍得出來,
咁即係對劇本, 實力派演員的演技好有信心.
viu 有, 吾係看翻版, yeah.
(ix)
25-2-2018
昨看了非洲少年流浪記.
和以前看過的非洲劇團演出一樣, 音樂和歌唱是重要的元素.
故事講一個索馬里的男孩, 在母親被殺後, 四處流浪投靠其他人的成長故事.
從這裡可以看到非洲的氏旅文化, 對一個人的好處和壞處.
上溯數代源頭, 便知誰和誰是有怎樣的親屬關係, 連帶一份親近, 願意施以援手接濟幫助, 壞處是, 會自然形成排外, 所以男主角到了南非後被排擠敵視, 其他人當然不對, 但也只能算是男主角在償還早年得到的好處.
都是等價交換.
故事的tone 和mood 都偏向輕快為主, 即使面諸對種族清洗, 暴力, 販賣人口, 對女性的割禮, 都以溫和處理, 並沒有很著力突顯當中的悲傷和沉重.
演員演技當然不能說精采, 口音也不容易聽懂, 但出來效果雖然raw, 但都算powerful. 也許當中故事的"真" 能打動別人吧.
演出舞台是斜平台...也算一種特色.
舞台是斜, 因為觀眾席是水平而坐.
也可解讀為南非和香港劇院的條件不同.
舞台上的道具不多, 都是取特質重點, 然後讓觀眾用想像力自行補足還原物件.
主要是型型式式的木門, 代表非洲國家的關卡, 一個個紙箱寫著基本產品名字,疊起來就是商店, 一條橫木左右兩塊紅黃綠牌, 就是一輛卡車 ; backdrop 是由一塊塊鐵皮屋屋頂那些皮鐵板圍成, 有著隔離的意味.
尾聲再有一次關於移民美國的生活憧憬對白, 聲量比當初男主角年幼時和表姐憧憬美國是怎麼樣輕了很多, 也少了熱情興奮, 某程度暗示, 男主角即使不相信美國是天堂, 但此地實容不下他的無奈和恐惶.
總括而言, 都OK, 做得幾好的.
----------
晚上看了俄羅斯平民風景.
俄語, 只能一邊抬頭看字幕, 一邊看演員演出.
舞台設計是十分簡單.
一條長長長長的木櫈, 柚木地板, backdrop 是俄羅斯鄉村的風景, 並隨每一個單元故事替換.
看的是演員和說故事方法.
自己挺滿意的演出.
每個單元故事要deliver 的東西, 簡潔清楚.
內容有鄉村人戀愛的純樸浪漫 / 夫妻一輩子順境逆境的扶持 / 鄉村人雖在僻壤, 但仍會作夢/ 鄉村家庭對離家打工的複雜感覺/ 對於城巿的盛宴, 即使明知會受傷受挫, 也會想試試的想法/ 鄉村人對城巿生活的不適應/ 對城巿的自卑和自大, 想保持不卑亢/ 對鄉土深深的思念依戀.
演員的動作設計, 互動, 默契, 是挺好看.
服裝不是靚, 但見到有心思, 譬如求婚的那一單元, 兩個男人都穿了加大碼的西裝, 提示他們雖然外表是成年人, 但實際仍很幼稚.
靴子和顯微鏡, 這兩對夫婦的衣服, 是襯色的, 和斷指人和送別巴黎的丈夫這兩對不同, 也見到是由喜/悲劇的分別.
俄羅斯民謠也幾好的, 令人置身鄉郊異地的感覺, Stiopka 的單元開始前, 唱的民謠感覺很sad, 剛開始時會覺得和演出不夾, 因為內容應很歡欣啊, 來到結尾卻知道原來這是一早的提示.
(x)
修憲終於來了, 十多年後, 世道或會更艱難.
古時, 都還可以月餅傳書...
現在, big brother is watching you.
在這情況下, 科技, 某程度上助紂為虐.
十幾年後, 也許, 特務頭子成為下一代主席.
就像俄羅斯.
(xi)
26-2-2018
毒L 之苦...
黃子華啲飛都吾知可以託誰購進一張.
沒有留言:
張貼留言