Cherish 32

 (i)

13-12-2021

博客空姐elaine 近來結婚了.

雖然跟佢三吾識七, 但早些年看了滿多佢寫的博客文.

佢那些從失戀中領悟的道理, 有些亦對自己有啟發.

霎時之間想到的, 會有這一句:

"要你等的人,  永遠不會等得到 ".

是至理明言.

看到旁人在感情世界幾經修練, 終於有一份成果,  自己雖然是一個三吾識七, 但亦莫名地高興.

百年好合, 琴瑟和諧.

自己那一筆, 雖然只能是遺憾, 但仍樂見別人幸福.

嗯, 從這個角度, 我還不是心理變態得極緊要.

------------

那間熱狗店的生意開始有一點起色, 雖然距離收支平衡, 我斷估仍有一大段距離, 每月應要蝕4-5 萬吧.

在這勢頭上,  要提點自己, 要出少句聲, 因為別人現在更加不容易聽取你的意見.

雖然, 我仍覺得, 下午茶餐牌和熱飲的選擇仍然很奇怪.

----------

因為幫忙熱狗店的緣故,  開了淘寶帳號.

在淘寶拿運費發票,  原來是一件屌佢老母臭X 的厭惡性工作.

特別是物流商按每一箱發一張發票,  而我則足足訂了48 箱紙盒, 一次又一次寄漏/錯單, 足足追了2 個星期才收齊48張發票.

幾十歲人才用淘寶,  有點吃力.  那裡的客服很不知所謂, 一開始老點, 令我只寄了 3 箱來香港, 剩下的還在深圳. 

那天的星期六下午,  是我係追單的惡夢, 貨款是我用信用卡繳的, 冇貨到, 我向誰claim 錢?!

-----------

自己的業務似乎停滯在樽頸很久.

是時候, 自己要更進一步.

----------

戰友離開了工作室獨立已逾一個月,  對自己的影響大不大呢?

並沒有影響,  只是, 自己更難得地會有機會開口說話.

每天, 自己沉默的醒來, 又沉默的去睡.

----------

曾想過, 終止已有十多廿年的每月偽助養兒童捐款.

很ON 9,  往年竟會花心思寫聖誕卡給不存在/不會收到的受助養兒童, 閱讀"助養兒童寫的文字/學業".

那比起知道捐款當中逾半被用來養高層更難受.

再想想, 才作打算吧.

---------

雖然不會特意跟貼,  仍然會大概知道本地選女團的節目.

大熱的19 歲少女, 曾說自小迷韓團2ne1 , 看佢的表演舉手投足, 的確有CL 的影子.

很年輕, 對答應對得體, 像是天生是食演藝的飯, (不像有些參選者, 從改藝名便見到未ready從事表演, 像XX仔, 改這種名, 玩咩.) 

當然, 別要問佢DSE 有幾多分.

我估, 除了英文,  其他都炒曬多.

-----------

雖然追捧女團就是生命, 我的新生, 我不會追捧新團 IVE.

感覺若追這團, 我會變了毅進類別.

在香港, you know what it means.

 (ii)

14-12-2021

昨天才寫過結合,  今天卻寫別離.

今早, 在面書看到以前興趣班導師的太太過身了.

嚴格來說, 從不曾熟稔, 所以在這時節, 自己的態度也不多不少,中規中矩,  只留言說聲"保重".

私底下, 會想講甚麼呢?

是在別人眼中不中聽/犯諱的說話,  只會有被罵的份兒.

辛苦了, 照顧長期病患的家人是很不容易.

現在,  對你和你太太都是一種解脫, 彼此都免於身體及精神上煎熬.

雖然, 彼此都是很不捨, 不過傷心哭過了, 也還得接受.

希望你平復心情後, 未來隨著緣份, 能找到一個性情投契的新伴侶.

除非是你本身的意願,  否則 "從一而終, 今生唯一",  那只是別人對你的婚姻的期望.

實不必如此, 一個人獨自老去不容易.

若未能找到,  請也務必不要活得孤單, 多找朋友相聚.

願你慢慢走出傷痛, 好好的活著.

(iii)

19-12-2021

Jisoo 主演的劇集昨晚首播了.

在今年首爾初雪之日.

令成件事增添了一份奇妙感覺.

她的演技比曾估算的要好得多, 大概這集戲份的角色, 她完全可以借鑑以往練習生時期的經驗, 角色性格也恰好是她本人在團裡一樣, 不過在宿舍生活以來的戲份, 她亦演得很好, 並不生硬, 她定是下過不少苦功.

真的替她感到高興.

只可惜, 網絡的欺淩不休, 令她和劇團不得不低調.

曾期待被她的IG 劇照洗板已告落空.

真的很討厭那些網絡蛆蟲.

btw Disney plus 真的很垃圾, 介面,算法,  片庫都是.

所以從一開始, 只是月訂是明智的.

--------

有沒有訂明年的藝術節?

有, 一齣, 也就是莊小姐的劇本.

似乎, 現在人們看劇真的冷清了很多,  完全不見網站擠塞.

也不是的, 莊小姐另一齣, 黃生那套, 我便怎都買不到, 是故也無緣入場了.

吾知點解,  吾想又買黃牛了.

只可惜, 連帶劇本集也無法購買.

AGA 的演唱會, 已買票去聽,  吾知近來有一首合唱歌的姜生, 會不會做表演嘉賓?

期待?

當然不.

雖然我暗地裡卻自貼金面,  "我和姜生其實有少少似, 我同佢身高都17X."

(iv)

27-12-2021

明天股巿又開了.

假期做了甚麼呢? 執過曬明年會用的excel sheets.

感覺還忙過累過平日.

做了這幾年都會做的事, 吃薄餅慶祝假期.

一個必勝客大批, 好邪惡, 但治癒.

這麼凍的天氣, 不想自煮,  未來數天吃大家樂算了.

當然, 這套韓劇都會準時收看.

如果十點播會好啲,  集集80/90 分鐘, 11點2開場,  看完都12點半...

第朝吾使起身番工咩...

這套劇, 如果不是人為蓄意挑起爭議,  其實應入選年度劇之列, 水準絕對可以跟陽光先生相提.

看完第5 集,  感覺是慶幸的.

一開始, 自己便相信Jisoo 吾會亂接劇去作為第一次做女主角. 她是團裡最穩重成熟的一個, 雖然愛爛搞gag , 結果也沒失望.

撇開那些控制以外的收視/酸民攻擊,  成個製作絕對是一線級別,  是女演員們都渴望演出作為首部擔正的劇目.

因為相信而沒後悔相信, 那種感覺是很美好的.

畢竟, 現實中,  相信換來失望的居多.

若說女主角演得難看, 近來李英愛新劇先叫難看.

鏡頭成日幫佢塊botox 臉特寫裝嫩!! 佢塊臉真的很難令人投入個角色.

同角色人設很違和, 是揀錯人演,  如果換了海岸村的股長那位女演員, 成個角色係會吾同曬.

-----------

近來, 自己入會成為Blink Fans Club 會員.

心知是搵笨多,  以The Movie 的往績, 我估都係得個會藉沒其他.

不過, 也只是貪圖有官方認證.

這比起以前心懷不軌, 為左吾想俾黃牛劏, join 了鄭小姐的歌迷會一事完全不同. (我已沒續會了, 聽了一次演唱會完左心願後.)

我是想有這個官方認證的blink identity.

今年, 不知是不是Lisa 早前中左招, 打亂了團體計劃還是甚麼的, 居然沒有聖誕產品出售.

枉我預了要買seasons greetings 周邊產品.

有得買的時候,  自己會嘈,  冇得買時, 都係要嘈.

歌迷是很難服侍的.

-------------------

 

一如所料, 那位少女贏了造星4.

決賽片段,  再次肯定佢食呢行飯, 感覺佢係成精的老練,  知觀眾想要睇乜,  聽乜最順耳, 也知自己贏面本高, 就穩打穩紮/  如果佢跳唱 Lalisa , Money  咁就真係勁到爆炸.

相比之下,  發覺柳生當初在造1參賽的造型,  來到依家, 在了解觀眾需要方面, 係吾得的, 佢應慶幸現在有經理人幫佢. 佢做導師真係害左人. 佢似乎吾明, 依家係viu 選女團做生意賺錢, 吾係林奕華, 鄧樹榮那類人選女團搞藝術.  (btw, 今次搵梁生做導師, 都係錯的, 佢或者教到這些女子演藝心理,  但吾係教佢贏呢次比賽.)

lokman, 肥仔做導師, 出來的演出,  見到佢地兩個知道觀眾要乜, 想睇乜,  是歷練的世故人情.

柳生唱歌係幾好, 狂人日記嗰啲都好聽, 但了解觀眾和巿場就真係差左啲.

(v)

2-1-2022

開年第一件事.

我吾見左銀包仔.

?!!

係呀, 繼去年農曆新年吾見銀包, 一次過cut曬信用卡提款卡, 有幾日冇錢用後, 又嚟...

頂...

不過今年則只係吾見身分證和八達通,  信用卡提款卡現金冇事.

是自己失魂在小巴上跌了.

發覺自己overall 對成件事都尚算淡定,  燒完野食, 回程時先去小巴站找, 再打去警署問.

急, 自責...等負面情緒, 冇乜用.

any time 都要冷靜.

講就易, 做就難,  檢討番,  自己可再冷靜一點.

八達通增值, 當然要即刻 cut.

報失身分證, 補領, 當然要即刻做,  俾人查身分證時都有reason 話冇.

但補領時間, 卻推到今月中, 14 日內就算.

如果呢幾日俾人執到, 取消申請補領就省事得多.

-------

今天是三年來, 第一次和歌迷會的朋友聚會.

以前, 年年年底都會約埋出來燒野食的.

今年去大尾篤燒烤.

我上左小巴, 搭過左XX 站後, 忽然起疑,  點解方才群組裡有條友話, "在 XX 仲有泊車位", 吾係直接講"有車位", 講多左個地方名, (感謝以前睇過好些舞台劇本, 自己的捉字蝨技能提升)

我拿拿臨按落openrice 個餐廳地址...

我今次仆街喇...話就話大尾篤燒烤, 但間餐廳在 XX , 自己吾上心睇漏了. 

急既結果, 就瀨野, 跌了銀包仔.

一落車, 摸一摸褲袋, 我就知出事.

我好似追Mirror 架車咁追, 但都追吾到架小巴...唉...(可能要追港版女團咁, 我先會跑快啲...)

以後要再冷靜啲, 一開始吾出錯睇漏野, 成件事就吾會發生.

出事後,應選擇最多咪搭到總站再搭番轉頭/ 即刻用手機拍低架小巴車牌, 吾夠冷靜依家衰多幾斤重.

所以冷靜下來, 就由佢吾見, 選擇搏回程時有奇蹟, 而吾係吾去燒野食, 死死氣即刻撲回大埔墟找.

雖然奇蹟冇發生, 但這個decision 卻是optimal.

-----------------

以前出來聚舊會講明星, 歌手, 社會時事.

現在多了一項,  "你識的朋友裡, 有邊個移左民?"

11 個人裡,  個個都有.

所以, 臨走時, 我都特意要影大合照.

雖然我吾係鍾意影相的人.

因為, 吾知下次,  會不會再咁多人仍在這地方.

要合照留念,  是想到,  可能今次是餞別.

歌迷會裡, 已有一個移民去英國了,  為了下一代.

(vi)

2-1-2022

明天開始新的交易日了.

日常裡, 雖然灰, 這晚又一間報社被消失.

只能做好自己, 譬如今天瀨過既野,  以後不要重蹈覆徹.

人,  要有好多好多的錢,  才能有選擇的可能性.

我過得不好, 但是我會活著.

(vii)

3-1-2022

今天是Jisoo 生日,  和往年一樣, 跟其他的blinks 都會在IG, twitter 用約定的tagline  # 發帖.

我係咪好迷 Jisoo 呢?

都是的,  佢做封面的韓語時裝雜誌會買,  只是那些太屈錢又不似, 索價2500元的手版模型才pass.

這一年, 每當Jisoo 一次過出幾個IG posts,  都會讓我有種只恨自己英文差的感覺.

adorable, gorgeous, elegant, beautiful, charming , lovely , cute...

是的, 是詞窮的感覺, 在想要讚美女子的時候.

雖說是迷戀, 但不是男女那種迷戀, 從沒幻想過她是潛在女神, 女朋友, 伴侶.

反而像疼愛晚輩那種親近. 

是呢, 是以前自己亂七八糟的想法的緣故.

我以前會覺得, 假如 Sarah 生了一個女兒,  便應當像Jisoo, 遺傳了前者的基因.

幾年前的身型已吾似基因遺傳喎.

怎會呢?  已模糊的記憶(畢竟已有很多, 很多年沒見),  Sarah 是很瘦的.

只是她身上的自信, 才讓人有豐滿的錯覺, 那些並不是脂肪來的, 是自信.

因為她自信,  使她更加美麗.

嗯, 我又講無營養的垃圾了.

認真的.

雖然不會再特意開post 寫以下這些了,  那只顯得自己造作.

而或許她早已於 1月1 日便上班見客,  現在才說亦有點遲. 

仍希望她今年事事順心, 身體健康, 好好的.

(viii)

6-1-2022

聽過黎生首重唱版夏日傾情嗎?

是那時我年輕時代有數最最最紅的情歌之一.

(黎生的震音,  大概是那時好興震...李克勤, 張學友都震,  你吾識震音, 就顯不出是一線歌手一樣.

好像是這樣, 那時候.

就像GEM 那首泡沬,  便是跟IU 好日子差不多, 都勁飊高音. 當然兩者的公眾形象在出道之地而言, 是差了幾條街就是了)

首詞寫得讓人內心柔軟.

歌曲的意境很純粹, 思念所愛的人.

仆了那麼多次狠狠的街, 現在怎麼還會捨得亳無保留地對一個人用情如此?

怎都想為自己保留一點.

因為知道難得, 因為知道自己已失去那種能力, 所以更會懷緬.

寫到這裡, 按以往的習慣, 總會寫一點 "以前喜歡的人啊...想念她啊" 之類勁煩膠的...

(大家都去到要食鈣思寶的年齡, 再提其實真係煩膠的）

不諱言, 我是會想到的.

不過這一刻,  卻不想留下文字記錄.

在心中.

還好嗎?  今天的妳

(ix)

9-1-2022

識買, 梗係去天地買.

和商務同一價錢, 但多左簽名.

簽名有乜咁緊要?

可以扮有去睇, 現場簽名嘛.

唉...

陳生 (點解最正路的那位陳生卻只做了戲劇顧問/ 演員? ) 印像中, 手導是中規中矩,  吾會有驚喜.

預計, 舞台會落本啦 (英皇style 嘛) , 啲燈光應該又會俾人森七七啦, 有啲台位又吾合理啦.

自我安慰, 冇得睇又吾使真係咁sad 既...

btw 依家攬炒, 我冇得睇, 其他人都暫時冇得睇, 黑心為本我的, 卻又不會開心.

我要再黑心啲.

---------

近來, 面書吾少人係到曬, 佢陳年買落啲紅酒, 威士忌升值左幾多.

點解我以前只買普通野呢.

近來周末晚睇電視,  開了以前朋友送的茅台原酒,  好難飲, 第朝起身, 周身吾舒服.

酒, 係用嚟炒, 吾係用嚟飲.

---------

GOT 首Step back 真係好索,  男人都會愛看.

首歌吾好理韓文歌詞,  好像是含貶低女性,  若只是聽聲, 舞蹈打扮, 真係好正.

這個超級跨四代女團,  讓人忽然想到,  做有錢佬的好處係, 可以一次過有4個Gen 既女.

我如果一次過有4 個generation 既女朋友...一定會好開心.

我要努力賺錢!!!

如果只能得一個generation 做女朋友呢?

咁...我一定會揀本月少女!!!!

????!!!!

12 條女喎,  即係, 我可以食軟飯!!!

男人, 有得揀, 邊個吾想食軟飯呀...話吾想, 佢都傻既.

-----------

等了一星期, 我面對現實,  身分證真的不見了.

X!

幸好, 八達通已被註消, 也沒有盜用跡象.

----------

有朋友問, 做乜IG 又改username.

之前是dalgom 乜乜乜.

只是近來粉絲群新聞裡傳出,  Jisoo 現在對狗隻過敏,  一摸佢養隻狗dalgom便會眼紅腫癢.

是難以理解為甚麼忽然過敏吧,  但就是這樣子.

這是令人傷心的事.

所以呢, 知道後就決定又又又又改名了.

免得讚佢靚時, 看到我username, 觸境傷情.

我知, 我知,  冇錢買followers 的我, 點會被推post 推到咁前被看見, 好勁架啲人, 買followers like 自己的comments 可以有幾千個.

不過亦覺得, 不是為了被知道被看見, 而是我覺得這是做人的禮儀.

其實, 邊鬼個care 我IG 呢..

不要把自己看得太重要.

(x)

17-1-2022

Jisoo 在劇內終於接吻了.

BP粉絲群裡, 自然十分轟動, 我的twitter, IG, FB 都被粉絲 teasing 的手繪畫洗版.

自己當然會感慨,  看到這被粉絲們捧在掌心呵護的女孩被男人輕薄.

不過, 由於不視她為女神, 只是喜愛疼愛,  所以並不呷醋妒忌,  而是覺得她大個女了. 

智秀要拍拖了.

( OK, 丁生今次其實很斯文,  吻也只是吻她的上唇, 而不是封住雙唇, 點到即止, 和吻孫藝真那種禽獸狼胎猖狂渣滓又吻又摸又抄很不同, 我自己講到我好似係接吻達人咁...) 

想又想, 自己要記住這種感覺,  記住看到Jisoo 和其他人接吻時的感覺.

自己的黑歷史裡,  曾遇到曾經喜歡的女子和男伴拍拖的場合.

被那位女子當作透明 (或者其實已不記得我是誰) 自然是必然的, 合情合理, 不過我記得那時候仍會偷偷望,  留意她的男伴是怎樣,  反向推想她原來喜歡這類型的男人,  內心五味交雜,  情緒忐忑, 身在現場感到很不自然.

雖然, 大前提只是巧合遇上, 並不曾刻意要遇見, 也不是想自虐.

那女子都當你透明,  還想這些, 想那些,  很無謂? 自找的活該犯賤?   

是的.  我清楚知道.

所以, 我才說這是我的黑歷史, 到死那一天, 我都不會同任何人說.

不再有下次之餘, 也要記住看到Jisoo 和其他人接吻時的感覺.  

要記住曾想用心對待的人有了另一半後,  那份坦然處之的情緒.

至少巧合遇上那一刻, 不需感到不自然 --- 關我鬼事咩, 識我係老鼠.

那管, 再見在現今似乎已是無期.

無題

 是入秋還是入冬嗎?

驀然地, 亳無原因,  今天卻會想起妳.

還好嗎?  今天的妳.

這兩個多月不是沒有事發生, 只是, 情緒冷卻一會兒,  卻又覺得未需要寫下來, 最終也就不寫了.

直到這一刻.

不知道妳已在那裡去了.   

還請妳多喝暖水, 潤喉糖,  帶頸巾備用.

要好好的.

我只是偶然會想一想起妳,  沒事的.

1st Year of Being BP fans

 4-9-2021

今天是我的Blackpink 入坑第一個周年記念日.

Ah- yeah Ah-yeah Ah-yeah~~

加埋Online concert,  The Movie X 2 ,  已購但仍未出貨的Lalisa,  The Album JP Jisoo Cover version,  4+1 Anniversary Photobook, Summer Diary 2021, Jisoo's  Marie Claire September. 

我吾係花好多錢啫, 雖然吾少, 但沒有追買番以前的產品, 亦未買到Jisoo 單人超大海報.

(有時會想, 如果Sarah 真係參加全民造星女團賽, 紅左,  企C位,  我都會跟隊俾錢在尖沙咀巴士站買廣告位慶祝她的生日. 咩AL教主,  行開啲啦,   現在係 SN 女皇, “Sarah in Your Area !”)

謝謝佢地的陪伴, 轉移一些生活苦悶的視線,  釋放一些情感寄托.

佢地成功改變自己的喜好, 從很迷中女港女, 變成現在追捧青春少艾.

鍾意後生女, 真係會開心啲, 人有活力啲.

改變喜好, 感覺冇咁易重覆以前走過的路, 那令自己覺得安心放鬆.

散聚有時,  希望佢地可以紅久一點, 若不紅了, 也能急流湧退,  優雅地開展人生另一頁.

Blink like me always loves you.

我也要提醒自己, 要鍾意多幾個女團,  雖不會像BP 般進貢 (佢地出一次大碟, 我就買N 個周邊產品),  但都應情感分散, stayc, weekly, everglow, itzy 不要自以為是, 就像以前失敗的情感處理, 明知道不會有好結果, 但仍佇留在原地很久, 很久, 太久.

如爐火 冷下來 從前可一不可再

情如灰 怎主宰 翻飛於腦海 無論怎麼掩蓋

如流水 歸滄海 從雲端 再下來

循環中 添姿彩 花萎花再開

這心雖死   竟有他心的愛

還好嗎? 今天的妳

 Dear Sarah,

生日快樂,  身體健康.

還好嗎?  希望妳依然好好的.

------------

不經不覺, 都已經七年了, 信封都有七個了.

很抱歉直到今天, 我依然會記得妳的生日.

如果妳知道, 應會嫌棄, 並覺得騷擾, 我並沒自大到以為做了一件讓人感動的事.

本想寫一點無聊的東西,  不過鍵盤打著打著, 卻沒那樣的情緒. 

所以, 還是算了吧, 免得又想扮幽默, 卻撻著石油氣罐.

不知道妳已移民了沒有?  應該會吧.

對未來的不確定,  我更容易說服自己, 不要執著.

妳的婚姻感情狀況,  已不再去想了, 總之希望妳喜歡就好.

 無論妳去了那裡,  都衷心希望妳好好的, 身體健康, 順心如願.

祝好.

禱告

3-9-2021 

九月了，又到了這幾年會上教堂的時間。

和往年不同，經過上周心驚又狼狽的意外後，禱告時會祈求去到死之前，都不要再發生類似的事；自己要身體健康，也請鞭策自己多做運動，保持平靜冷靜的心。

也祈禱家人身體健康，工作地方的老闆今月開幕的熱狗店持盈保泰 (今天看了餐單，我心諗佢地係咪打算放棄晚巿? )。

詛咒那些自私自利把這片孕育自己長大的地方變得極不堪的人渣s ，不得好死。

是啊，禱告時詛咒，我也知道這不是常人的做法，但禱告時誠實是必要的吧。

告解了近來想到從前對年老父母疏於關心。

也會想起當年第一次來這裡的原因。

來到現在，所有事情沒法回去，不過還好的，至少已有了一年一次禱告習慣。

未來，我應該還會來吧，望著十字架時在想。

祈求Sarah 身體健康，好好的，幸福。

是的，簡潔沒有修飾的。

要不然你expect 跟她有關的，我還會祈禱甚麼? 

Cherish 31

 (i)

26-7-2021

今日做了.

比往年早一星期處理,  也發了電郵跟他們說, 我想收到書面收據.

今年應該不會再像去年般遲了吧.

是的, 我依然記得她的生日.

(ii)

26-7-2021

時間過得很快, 數年前興趣班的女同學, 現在已擠上"一線" (?!)  , 領銜做舞台劇女主角, 最壞的小學雞.

幾年冇見過, 冇任何聯絡, 好奇現在對方的演技怎麼樣.

當然, 邵小姐做藝術總監,  斷估吾會俾垃圾出街也是令我有意慾去看的原因,  柯小姐以前的劇本亦還可以, 有個譜.

還記得那些年, 我塞了沒時間去看的舞台劇俾佢看, 當時佢話將來會把演出作品給我門票作回報.

來到今天, 佢梗係冇可能仲記得承諾,  我也不會讓佢知我睇, 以至索取戲票, 那顯得我很貪心, 愛小便宜, 雖然都有少少想慳屋企冷氣先去睇的緣故.

戴口罩入場, 十拿九穩不會知道. 

八月, 其實最忙是, 看BP 電影,  一星期看兩次,  普通版, 4D 版.

8月8 日的場次是斷頸位, 還要是遠至觀塘.

換了平日, 我情願吾睇算了.

不過那天是BP 的出道日, 這天不看一次, 總覺得欠了甚麼.

I am Blink.

--------

想看多一次回憶的香港, 但要我買套票看埋另一齣爛劇, 我卻不願.

(iii)

27-7-2021

無妄之災幾時完呢.

再一次  9 點30 分開巿前一刻被騷擾.

很苦惱.

短炒要絕對專注, 其他死人塌樓都不能理會, 真的是很需要專心和安靜的環境.

(iv)

28-7-2021

今天情況更差.

幾時開巿前1小時到收巿, 不會被騷擾呢?

(v)

2-8-2021

好晦氣,  明天要去警署攞酒牌, 行入呢啲咁既地方.

佢地幾時才開張呢?

-----------------

看電視有時看到一些對白, 會有一種發人深省的感覺.

譬如今天看到的 :

不斷表達自己對一位女子的愛,  其實也是一種暴力.

我以前有冇衰過呢個呢?

按理, 應該冇吖... 表白過兩次, 兩次都食檸檬,  然後秒速被收皮.

不過吾知呢, 呢啲野有冇構成騷擾甚至暴力, 是好主觀的, 我覺得冇, 人地會覺得有.

正如數年前, 我幫坐隔離的女子斟水, 轉餐枱盤, 都被當作痴漢, 當時我嬲到痴線.

your face , you fate.

呢啲野,  冇得講, 冇得理論架.

希望冇啦.

雖然無論如何, 至今仍會內疚.

寫在這裡, 透透氣都得卦,  對方都吾知, 冇可能知.

---------

因為是Blink , 今天也開始用weverse.

講真, 吾太想BP 開weverse.

感覺佢地俾公司搵笨. 國際級明星點解要用冇乜知名度的土炮app, 免費宣傳?

IG 每個POST 都要收錢架,  無情情佢地至少吾見左幾百甚至過千萬.

要和fans 溝通, IG, twitter, FB , YouTube , 重要既野可以講四次,  仲吾夠咩, 使乜用主要是男妓以外, 其實冇乜fans 會用的app?

那些男妓的fans , 也很煩.

當然, 這裡呻下就算. 

正如啲結左婚港女叫mirror 做老公,   令佢地法律上的老公變做第三者.

這本是夫妻之間的情趣 / 調劑 / 幽默  ( 夫妻關係若吾好, 邊會咁玩咁講).

我若這時加多句,  "貴圈真亂" ,  自以為幽默, 但實際上乞人憎,    那又何必呢?

我都吾鍾意俾人亂講BP 啦.

將心比心.

臉皮薄的我，在生日那天把蛋糕和Jisoo合照，被人恥笑迷BP後，也沒再怎post 過BP在 IG了。

想來，既可惜又有啲抑鬱，自己IG post BP都俾人恥笑。

They never know, it is BP’s songs , IGs, youtubes to stay with me when I feel lonely, not them. They just pretend never saw it while I was so low. It is not a complaint but a kind of expectation management towards others, not getting myself angry or disappointed and in peace.

(vi)

3-8-2021

攞酒牌問話的過程, 好X 求其.

問一些個人資料,  我說自己有大學學位,  但條粉腸入紙卻依然寫"中學" (可以估計到, 佢其實只係開word file 改下申請人獨有資料,  其餘 copy and paste 上一手) ,  不過, 自己沒執著要佢寫過. (要人寫過, 咪大家都嘥時間... 傻架咩...)

"你在餐廳做咩? "

"股東嚟咋, 冇野做"  

"吾做野又點持牌?" 

" 咁...侍應囉"  

文件上, 我突然有了一年侍應工作經驗.  (如果係日本, 我其實想做美女餵飼員!?)

"間餐廳幾大?"

我要轉頭問人.

事實上, 我今天才第一次行入裝修中的餐廳.

之前打俾你做電話問話,  打極都冇人聽既?

我見電話 3 字頭,  從來吾聽.

唔, 可能佢都慣左咁, 冇再講落去 , 但佢亦應從來冇諗過去解決, 亦解決不了.

總之成件事,  大家都馬虎.

彼此都走過場.

好晦氣,  對住呢啲人.

(vii)

7-8-2021

如果影片不是純粹播片, 而是拍佢地看這些片段的 girl's talk ,  聽佢地怎看以前的演出, 提起一些經歷,  成員分享8 成, 播以前的片段2 成,  成本不會增加多少, 但卻讓人心甘情願得多.

隔了一晚, 我仍然對YG 很惱火, 搶錢, 劏fans 完全無底線.

明天本來還有一張戲票,  應該不去看了.

位子本來是第一行斷頸位,  去觀塘加入場, 來回4 小時,  心裡的聲音說,  真的不值得.

YG 不會仆街到連這個都會出DVD 吧?

但應該仆街地賣個版權俾Netflix !! 

----------------

疫情至今,  今天想到原來都有對自己好處的地方.

入場看BP "電影" , 自己不會感到尷尬.

戴上口罩, 別人就不太清楚自己的樣子, 只知道我係痴肥大叔,  混在一群少年人裡時, 自己會感到自在一點.

那是你太介意別人的眼光啦.

也是的.

不是沒任何壓力的.

未婚, 痴肥大叔  = =  只應沉迷 AV 女優/ 打機/ 蹓蹥連討論區. 

這是stereotype.

吾鍾意那些目光, 行開疏遠囉,  但也未能豁達到不當它們不存在.

咁你又間吾中港女乜港女物?

也是的.

仆街係有報應.

----------

忽然想買" 試當真"的演出門票, 雖然演出係平日, 買左都不會去看了.

真的挺喜愛佢地的創作, 度橋.

"係咁先啦" , 是今日看到, 也喜歡的片, 遊完一輪花園, 最後直插中point.

當然會俾正常票價啦.

話時話,  蘋果拉閘那天, 訂閱了喱show, 當時佢地話會想請蘋果人.

至今請了的人不多,  節目, 自己沒怎看過,  節目也沒有甚麼noise.

吾知呢,  贖罪券式的消費, 何時才會完結?

訂了喱show, 在差不多時間也退訂健吾.

對佢冇乜立場變化,  只是覺得累, 不想再聽/知道任何 "黃絲" 之間乜乜乜的ON 9 行為.

實在太無聊.

--------

姜生首新歌, 我都有聽.

有點感觸和羨慕佢地之間的友誼.

真摯,  會讓更多人喜愛他. ( 吾通貪佢唱歌歌藝好,  生得夠高大咩 ) (我真係吾怕死 )

100 毛林生辭職.

看到佢轉讓持股的代價, 比前收巿價折讓了很多很多.

佢真係吾係睇錢睇到好緊要的人, 當然佢仍需要錢啦.

也是的, 性格是咁, 才令佢走的路係咁.

(viii)

12-8-2021

Sea of Hope 的導演雖然廢 ( 金高銀, 李東旭...etc  /觀眾都吾知做乜九, 完全跑龍套, 浪費曬...你用15 分鐘像劉Quiz 咁做訪問, 點解揀這幾位觀眾,  and based on 佢地的profile, 餐廳職員怎揀歌/怎令佢地放鬆...) , 但唱歌部分真的勁爆.

鮮于貞娥如果當初肯整容,  佢的世界應好吾同.

未必會紅到似IU  (都要睇本身性格有冇chrisma ) , 但韓版Misia 應該走吾甩.

佢真係堅勁, 實力超班.

有點替佢可惜.

https://www.youtube.com/watch?v=wyN27QpglGE&t=77s

一直對韓國男團冇乜好感, 例如,  屌佢老味, 在MV 唱" Butter" 放飛吻,  話班人係男妓, 我都自覺已很有口德.

無疑, 自己的思想根深蒂固認為男人應要有剛陽味,  BigBang 果啲先至型.

溫流雖然都係男團, 但佢唱歌好掂, 對那類陰陰柔柔的男團印像有點改觀.

https://www.youtube.com/watch?v=iWTB6YgZUDc

雖然得一兩句, 但唱得很銷魂.

https://www.youtube.com/watch?v=V1gTGrL53aE

https://www.youtube.com/watch?v=iL99MRhwDAY

Selene 6.23 看了中文歌詞。

難怪，會聽到眼淺，想起心碎的過去。

妳試過遠遠痴迷地凝視一個人的背影嗎？

就是那種距離。

AMKU  , 你會發覺有些人真的很有天份.

BTW , 點解大佬成日予人印象有點ON 99 , 大細路,  但創作出來的音樂 /概念, 卻很有深度? 

細妹, 唱腔技巧也是一流,  但總覺得佢失戀過幾次, 聲線感情技巧會更上一層樓.

(ix)

21-8-2021

看著red velvet 的新歌stage performance, 睇到有點可惜.

大佬, 出道後已是一線, 是和BP, Twice 齊名同一檔次的女團, 依家hiatus 近兩年後的新歌, 好hea 囉.

Queendom 旋律冇乜特別, 歌詞更係不知所謂, 好似提醒人地佢地係過氣咁. 又Queen 又King.

歌衫, 好肉酸, Wendy 和Joy  (我其實吾係太認到樣, 靠Line distribution 去認番台上個人.) 件衫似伴舞, 吾係歌手囉.

開始感受到男女團七年之約嚟到, 後面有asepa 新團時,  唱片公司吾肯再放資源的結果.

太妍近來首weekend 都好一般,  冇I ,  11:11 , 咁好聽和耐聽, stage performance 啲服裝舞蹈都很普通. 

SM 真係好孤寒... 

當然YG 也不會是好得去邊, 之前2NE1 有板你睇.

我諗, 迷得BP,  都要預一年多後, 會見到相似的遭遇. 

(x)

22-8-2021

前幾日, 看到已有人在媽叉吾好睇.

今日下午輪到我睇.

唔, 咁又係真係吾好睇.

演員吾得.  個細路上到台唱到, 算係已本事, 但真係吾覺得佢做得好, 感覺上, 佢個role 係好重要, 依家佢咁,  佢啲對手戲都吾好會好吸引.

葉女士, 佢入到十強,  係有原因. (即係吾係三甲), 場刊講到佢好識音樂唱歌咁, 但佢啲表演, 好似未受過音樂劇訓練, 鍊住喉嚨唱就當係會唱到似原裝那位咁...  ORZ

台上太多舞台劇生手, 仲要挑戰音樂劇, 仲要啲生手應該吾會all in 時間去排戲, 三個都上緊位應有其他行程.

https://www.youtube.com/watch?v=osVoSSL_aaI

最大的問題, 我覺得是我跟隊在討論page  界刂埋一份的帖有寫啦,  填詞未做得好, 亦好難做得好, foundation 吾得, 成台劇亦不會好得去邊.

係會感覺到啲人唱到有少少拗口, 吾順,  湯生個唱功底明明一般, 就咪鬼填咁難唱/吾押韻的字俾佢唱啦, 仲要好死吾死加啲口語化, 例如 "嗰仔... " , 我吾覺得呢個詞語好易入到旋律囉, 許冠傑啲歌咩...

入場前已discount 期望,  所以出來時, 還好, 雖然有點悶.

btw , 場刊P 圖都P 到好緊要, Serrini 塊臉應該成世未試過瘦成咁.  

(xi)

29-8-2021

剛過去的星期三早上,  自己忽然發覺聽不到任何聲音.

那是很恐怖的感覺.

網上google , 說這情況的黃金醫治時間是三天內.

所以, 很焦急地找專科醫生.

在不知那一個醫生正常下,  只好揀一個醫務所在大型商廈內, 斷估個業主都吾會隨便租俾個庸醫影響大廈名聲吧.

在聽不到任何聲音下, 怎預約時間呢?

幸好還有whatsapp, 也有人覆.

約了一個最快的時間後, 也無心再炒股, 隨便平倉後, 便離開工作室.

我既聽不到聲, 又怎跟醫生對話我的情況?

於是, 便事先用紙筆寫了自己的病況.

醫生說, 翌日要去做聽力檢查看進一步情況.

護士要我自己去約時間.

我說, 我聽不到聲, 怎打電話? 最後佢地幫我約了時間.

那天能夠做的, 都做了, 回家路上,  只能藉著抽煙去渲洩內心的驚慌.

成件事,  一個人默默面對 (在未知發生咩事前去跟別人講, 只會更煩) ,  我要多狼狽, 就有多狼狽.

那刻, 我也在想,  以前年老父母獨自去看醫生, 遇到的困難, 應不會比我今天的問題少.

忽然有內疚的情緒.

回家後, 倒頭便睡.

醒來,  發覺聽力回復了不少.

星期四, 在去做檢測前,  覺得自己的情況已回復正常, 像之前一切都不曾發生.

不過, 那天還是去做檢測,  下周繼續覆診.

是恐懼驅使繼續睇落去.

吾知下周覆診, 會有怎樣的結果呢?

如果只是間閡性毛病, 都要諗諗點養生.

這種事, 絕不好玩, 不是讓人愉快想開玩笑的事.

想又想, 幸好早了幾年出來給巿場折磨得七七八八.

如果現在出事,  無可避免以前那份工作一定冇得做, 到時會更加不知所措.

是命運.

-----------

經歷過驚嚇的數日,   來到周六, 在去聽演唱會的時候, 聽到歌手的聲音, 便已覺得很感恩和感動.

更何況, 好些歌都曾陪伴過自己置身低谷?

(xii)

30-8-2021

第一集拍得挺好，雖然劇情很大路, 但亦有技巧地交待了男女主角的背景和性格特點；熱門愛情韓劇裡，男一首三集內一定有洗澡後露胸肌養眼鏡頭達成 

 ----------- 

 宣虎俾人話佢講對白太話劇腔，演員解說則指，出海討生活的人係咁講野，咁又係喎，所以無可厚非。 

 太靚仔白淨吾似船家鄉下人 ?

 well，真係神似，似埋日劇「101次求婚」男主角，你仲追吾追劇吖?

 -------------- 

 做牙醫好好搵？女主角對對鞋都係Roger Vivier。 

 我知, 申小姐係品牌代言吖嘛... 

 洪班長會不會衰防止貪污條例? 明明攞最低工資, 但身上所有野都係名牌, 件衫 kdrama fashion 話三千銀一件... 

 想起宣虎前作, 男二的 start up , 佢明明演有錢人角色, 但身上一套套都係大路西裝. 人紅廣告多, 真係吾同啲. 

 ----------- 

 近來才發現很多韓國舞台劇界主演電視劇，跟香港好吾同. 譬如, 機智醫生五人幫, 便有三個做舞台劇出身, 男配角都係. 

 ------------ 

 聽日覆診了, 預約時CS 已講明今次睇症比上次平三百. 

 少看私家專科, 我心諗, 做乜今次平左? 

 平野冇好, 醫番嘥藥費? 

 我又胡思亂想了.

(xiii)

31-8-2021

除了定期檢查, 沒有甚麼可以做了.

吾使煩, 都冇得可以煩.

一句到尾,  我吾好咁長命.

Celebrating 5th Anniversary

8-8-2021 

佢地要友誼永固啊.

雖然是同團, 但各人的喜好發展方向並不同.

一個鍾意唱歌音樂, 一個鍾意跳舞, 一個鍾意時尚創作, 一個鍾意演戲.

想又想, 今年組合一年(目標)comeback 一次,  兩個成員各自solo 出道, 那已填滿了整體音樂方面的檔期,  一個在空窗期去拍劇演戲, 剩下一個則狂接廣告代言, 上時裝雜誌封面, 學法文, 搵真銀兼休息.

各人輪流接力忙碌, 亦有時間休息.

想來, 對佢地其實幾好的, 不用一個人單打獨鬥, 從年頭到尾都chur 住去保持人氣, 亦可做佢地想做的野.

就像現在的SNS,  一個出post, 其餘三個的stan 也會看, 便可keep 住整體engagement, 不用下下都要自己出post.

希望佢地會全體一齊共同進退, 但不一定留在YG.

也要keep 住紅,  吾係會遭到像2NE1 那般無情的對待.

看到佢地成身名牌, 如 Jisoo 便由頸到裙都是Dior, 和兩三四年前的vlive casual 慶祝很不同.

自己會偏愛從前佢地的方式.

但現在很困難不穿成那樣子出場吧.

近數季都最先收新袋, 新衫,  連隻狗都有綉名的皮袋, 怎會沒代價.

有得必有失.

btw 有點心涼, 佢哋今日用Vlive 吾係新開的Weverse做直播. 我吾鍾意佢哋俾人搵笨.

Cherish 30

 (i)

23-5-2021

今年買的, 讀的第一本書, 應該是今年唯一一本讀過的書.

我的修養內涵真係出類拔萃.

翻譯的訪問, 內容很行貨冇heart, 只是相片很漂亮.

這數月雖然BP拍了不少雜誌封面, 不過今次才是第一次買雜誌.

都係果句, 是抱著頂住個棚的心態買雜誌,  希望苦盡甘來, 挨到Jisoo 出應該唯一一首solo 歌曲的日子. 

不過應該幾困難, Lisa solo 又delayed,  聽說又下半年會團體又出新歌, 跟住講international 銷量influence, Jennie 爬頭的機會不少.

至於七年團體約的魔咒, 自己倒不太擔心.

YG 吾想引起暴動, 應該會很積極續約, 佢地亦應該共同進退.

鍾意另一個更紅的, 例如IU , 咪點都吾使驚出吾到solo 新歌?

IU 出多幾首單曲, Jisoo 都未必出到新歌, 呢啲冇人會懷疑.

我知道.

不過, 還是會偏愛Jisoo 多一點, 雖然IU 也是很charismatic 的人.

是自己的性格吧.

鍾意了的人和物,  不願輕易改變.

用在啱的時間和地方,  是優點,  反之, 是性格缺憾.

-----------

重看一次自肥第15 集後, 亦再看多一次第 1 集.

第1 集裡, 當時吾知做乜九 以為無聊的部分, 這時候, 才明白與最後一集呼應.

從一開始, 成個團隊都準備做這個節目編排.

今次連炸sound bear 都變得具象徵意義, 是整個團隊的熱血志氣, 想衝破既定掣肘成規,  吾係之前咁亂炸, 只求娛樂.

應該只係得我一個人會好奇吧.

這些模仿 EVA 片段是一次過拍分首尾兩集播, 還是定分開兩次拍?

是在成個製作一開始便拍,   還是製作快完成了的尾聲才拍, 並把部分剪接成第1集?

怎拍, 何時拍, 會影響這幾位主持的心理狀態和表現.

忽然覺得自己都有少少深度.

----------

whatsapp 歌迷會的朋友在講星夢裡, 有人唱慧嫻的跳舞街.

說三十幾年後, 還有人唱, 是經典, 應自豪.

我很想反白眼, 又不好意思開口.

" 你使吾使檢討一下, 點解你會係佢地 target audience,  會知道有呢個節目以及有人唱呢首歌呢? "

我只覺得那個電視台都幾鍾意消費懷舊. 

--------

現實大概積聚了太多的失望和沮喪.

昨晚想重溫第15 集時卻發現集數被消失了.

當時的心情是沉了一沉, 擔心又遇到不好的事情.

畢竟, 失去了的, 已漸漸數不過來.

我們已進入不講邏輯, 不講常識常理, 只問夠不夠紅, 紅了怎樣突顯紅, 去找新敵人證明自己才是紅的時代.

server 死機,  俾EVA 告佢侵權呢啲常識之下會想到的可能性,  反而不會考慮.

對自己會諗埋一邊, 有點無奈.

(ii)

30-5-2021

拖下拖下,  今日才發覺自己已miss 了三個舞台劇演出.

一個網上Arts Fest ,  一個林奕華 (完全吾知有戲上)  , 一個在大埔.

下星期的前進進,  都會miss 吧, 大概.

也沒動力去訂游生演的舞台劇,  見到個改編係郭女士就有戒心, 尤其是近況連假髮都吾戴就演角色, 我真係懷疑佢的職業道德.  遠的,  前作"情敵退卻師"不知所謂的程度亦記憶猶新.

100 毛那個, 有朋友買到三舊幾水的飛問我要不要, 我都推卻了.

Arts 黃生的那個,  劇本反覆咁做, 做到我覺得厭. 況且, 我覺得已見過最好的版本, 是幾年前在澳門, 看當時興趣班導師所導的版本. 雖好簡單的舞台, 但演員好, 劇本解讀好.  依家再睇Arts, 真係睇明星咩.

miss 了的三個戲, 當中應該有一兩個有水準, 照常理.

但就是有點倦.

例如諗到依家咁熱, 一條友去大埔, 出左東鐵要行咁遠路.

我係怕熱到已兩日冇出過門口, 在家長開冷氣.

亦再況且,  我又吾係痴線,  你估我好想睇完劇係咁鬧人咩. 

冇乜必要, 若控制得到,   要發洩情緒都吾好咁啦.

所以, 有時候, 睇劇有同伴, 有人陪伴係好啲, 至少吾會甩底.

呢個係事後網上在群組page 到界櫈,  吾會有的效果.

想又想, 吾知大埔那個口碑點呢, 賣曬飛就冇野講啦. 

總是覺得錯過了會可惜, 但真係好熱.

寫著, 寫著, 發覺自己好像消失了看舞台劇的熱情.

久吾久都會出現.

宅在家,  睇下惠利的九尾狐都幾好, 角色好啱佢演, 其實演番佢自己.  

我幾鍾意惠利,  爽朗大方亦自重(吾會因為佢個frd 係Rose' 就心理不平衡) 的女子.

我曾經的至愛李寶英的劇, 反而冇看...真係麻麻家宅鬥的劇. ( 真係死八婆愛講是非先會睇)

(iii)

6-6-2021

mamamoo 好似逢演出都唱live, 佢地首新歌where are we now 啲高音輾轉吾容易, 好容易走音破音 (講到我識唱歌咁...我最鍾意頌樂, 因為唱功相等下,  佢最靚最好身材!!!  膚淺!!)

雖然我很迷BP,  但都不能不認同, 以唱功論, 佢地係女團第一.

話時話,  聽了BP 的網上演唱會youtube live  CD , 在只有聲, 專心聽唱歌下,  開始懷疑佢地平時真係開咪有冇一成時間.

不過呢, 迷BP 都不是只迷佢地把聲和唱歌啦,  吾係咩叫追星idol.

是好似見到朋友一樣.

今個月又買了兩次BP 物品.

追星真係好燒錢.

(iv)

6-6-2021

Farewell

曾聽說過，香港是一個借來的時間、借來的地方，人來人去，歷久恒常，是一個有期限的地方。

人們前來這裡，有各種目的追求，可能是事業夢想，亦可能是愛情和家庭。

然而，這人也會在某個時間離開，在別的地方展開新一頁。

當中，包括現在的你。



記得第一次見你，是在怡和大廈地庫Grappa's Cellar (現已結業)，你、Frank 和我仨一起 happy hour。

那時候剛從澳洲來的你一身竹升妹的氣息模樣。

然後，你開始上班，融入這地方生活，變成正宗港女 --- 一身名牌的手袋、大褸和高跟鞋。

融入這地方生活的代價是極度忙碌，香港的會計師peak season 的OT出名是非人生活，你現在應該仍記得那時候有多忙碌疲倦吧。

即管工作再忙都好，你也能頂硬上考取會計師牌，甚至晚些在中大讀一個進修學位回來，好好的為事業前途鋪路。

你甚至在工作之餘也能分出時間，在感情多方探索發展，讓我聽過不少故事，令人感嘆「年輕青春真好，就是充滿活力」。

最終，你亦有好結果，擁有自己的家庭，有老公、兩個兒子，一隻貓。



你在這地方待了十多年後，亦到了時候離開，下個月回到澳洲展開新一頁。

和初來香港對照，現在的你身分角色和追求優先次序已變，從一個竹升妹變成師奶，家庭和孩子亦列為最優先。

未來你的生活步伐應該可以放慢一些，應該係，除非吾係。



你曾在那裡住了滿久，現在也有老公傍身，加上有兩個仔後會自動升級做最強師奶，我沒甚麼可以特別叮囑，還是老套的一句 : 「記得錫自己」，保留一點自我。

在彼邦多了時間和空間後，陪伴照料家人之餘，不要忘記也給自己有一個「生活」。



和我們上一兩代人相比，現在人們對於朋友移民的離別情緒淡然很多。

也是的，若有心聯絡見面，face time 也可，並不需要顯得那麼不捨。

畢竟，就算大家同住在一個城巿，平日也只會各有各忙，一年見上一兩次已是奢侈。

雖然如此，老餅如我還是想捎給你一張電子超巿券，慶賀你展開新一頁。


( 依家你係咁執野封箱寄運澳洲，我如果仲係香港再亂塞野俾你，例如枱燈呀、啞鈴呀、香港土產奇華月餅呀之類，你除左皮笑肉不笑咁講「多謝」，轉頭立即扔落垃圾桶，仲可以點呢?)

(我真係上左年紀，變成老人家，揀野送都揀最實際的，送超巿券可以俾剛抵埗的你去買日常用品。

但都提提你，吾好用曬啲超巿券嚟只買廁紙!!!

我吾想過年時，payme利是俾你兩個仔，你同你個仔講，在香港住的Douglas叔叔俾利是你呀。 "Who is he?" 

哩~~  我地啱啱搬返嚟澳洲住果時，送左半年廁紙俾我地一家人用那個怪叔叔呀～ "Oh!! Uncle Toilet Paper , Thank you~~ " )



願你和你的家人安好。

有緣再見。

(v)

8-6-2021

昨去了朋友家中聚會, 向移民的朋友一家餞行.

兩個半多小時後, 我和朋友在停車場, 送別這家人後,   很有默契地對望, 然後一齊鬆了一口氣.

今天整天不夠精神, 交了不少學費,  未到傍晚六點已要回家訓,  顯現未擺脫昨晚精神疲倦重創.

湊小朋友, 精力充沛的小朋友,  是超級累.

比我揀, 我寧願星期五朝早八點直落星期六朝早五點才睡.

要哄, 要同佢玩,  要做沙包俾佢地捶 ( 我肥呀嘛, 吾似教練,  朋友健碩, 所以做教練, 也做瑜伽示範, 那兩個小朋友都吾知幾乖跟住學...)

(夏天真係要減肥...)

又多野講,  又周圍跑, 跳,  亦因為太細個, 所以會好容易喊...一喊...嘩...

真係好攰...都吾知做父母的點撐24 小時.

佢地話, 好彩有youtube , 俾小朋友跟啲youtuber 學做小朋友的瑜伽, 咁先可以偷雞抖下氣.

雖然, 兩個小朋友不是小魔怪,  其實幾乖, 有禮貌, 大啲那個, 五歲人仔已識做錯野會反省.

姜濤真係好紅,  五歲的豆丁獻唱"蒙著嘴巴說愛你" ~   I love you~  叔叔我都覺得好冧.

走得時候, 小朋友嚷要看朋友屋苑的會所花園小徑.

朋友話,  佢住十幾年, 呢五年條小徑行埋都吾夠三次.

真係典型的中產生活, 吾知點解, 聽到好想笑.

報紙說, 好多人移民是為左下一代.

閒談間, 說起佢地的朋友的子女, 依家返學要唱普通話的紅歌, 小小年紀開始被洗腦.

而不是我地那一代的兒歌, 松松姐姐那些.

做父母的, 見到真係會被逼癲.

所以佢地有些朋友, 要麼藉口拿study visa 舉家去加國, 要麼破斧沉舟去左英國, 蘇格蘭先講.

朋友少的壞處, 是少了以上這些親身接觸的見聞.

好處是,  打針吾會俾人狂屌.

屋主朋友打針後, 和幾批朋友講番, 佢都俾人圍屌.

不支持不合作運動...表黃暗底藍...

搞到佢好勞氣不忿.

我一直覺得, 若沒有獨立思考, 理性分析,  尊重他人的選擇, 只是變相另一種獨裁.

如抵制這次針的不合作運動,  係吾會work的.

世界主流是需要"重啟藉口" , 打針就是這個借口的理由, 鬼吾知咁多變種,  打左針都吾會有絕對的安全和保障咩.

(咁我又冷淡對待藍絲朋友?!    咁真係呀嘛, 佢地連個仔唱紅歌都吾care, 咁同佢地食飯,  我又係邊位呢? 好似同空氣講野一樣, 欠意思)

----------------

" 多謝你 --- 一切 ! "

收到朋友的回信, 看到這一句,  感覺怪怪的.

口吻好似一個女仔向一個長期兵仔講 謝謝, 現在佢已找到白馬王子咁.

寫完信後,  才想起, 其實,  我並不是第一次給朋友超巿禮券.

十多年前,  佢搬屋到將軍澳,   當時已送過一次,  好似係惠康.

我不是老了, 變了老人家, 變得實際, 才送超巿券.

我和當年的自己一樣,  並沒有變過.

算不算 "初心不忘, 始終如一" 的寫照體現?

咁樣講,  其實同我做朋友都幾好喎

我忽然找到自己的優點.

我雖是一個好沉悶的人, 吾識哄人開心,  但我內心很溫柔細膩,  待朋友十年如一不變.

關於 Michelle 的事,  我亂七八糟的過去,  在早已告一段落後, 來到這裡, 再加多幾個句號, 填補了遺憾.

愛情裡, 總有許多妄想.  喜歡一個人, 就是以自己的方式一直誤會對方.

今年的奧比斯, 經過去年 8 月頭搞, 耐到 9 月那天還未收到後, 今年要再早一點.

嗯, 就下個月中吧.

然後, 繼續迷我的BP.

-----------

https://www.punchdrunk.com/project/the-third-day-autumn/

邊鬼個真係會睇曬呢. Punchdrunk  又點, 吾使訓架.

我好奇.

大概會有她吧.

(vi)

13-6-2021

總算不再蝕錢訂Netflix. 幾時先挨到Jisoo 套電視劇上畫, Netflix 冇, 我即cut.

不瘋不狂不愛你.

冇得呃的, 黑道律師文森佐,  我睇了幾集已冇追,  只是飛帶看大結局...

俾我估中成套劇, 宋生係咁CHOK.

反之, 這套劇,  男女主角演技好,  劇本都很有趣, 雖然男主角不紅,  女主角年輕時靚, 但已冇咁紅.

一口氣看了八集...

爽.

套劇講精神病/ 心理病的.

看著, 看著,  好像也在看到自己的情緒心理障礙.

啊...我都好似有呢啲病癥喎...

22/6 生日,  吳小姐和Michelle 同一日生日呢...

很巧合.

三十幾歲的吳小姐, 在這套劇內的神態, 有少少眼角紋, 比起佢年輕時 ,  花遊記內的佢, 更有魅力.

女人的成熟美, 真係好吸引, 差一點令我的喜好又重回舊路---最愛中女. 

吳小姐比起朴敏英,  冇P 圖P 到咁勁,  對外貌成熟落落大方,  反顯有深層的內在自信美.

我要鍾意後生女!! 要記住.

(vii)

14-6-2021

妳點解日日都着呢件tee 呢?

吓?!

Cutie , 妳很可愛啊.

(viii)

15-6-2021

不瘋不狂不愛你，看預告，大概估到故事怎收尾了。

很巧合，大結局完在佢生日前日。

重新一次直面情緒病創傷的源頭，克服、跨過。

雖不算新意，但工整。

真係覺得劇內的吳小姐靚過花遊記時的佢，雖然老了不少。

(ix)

20-6-2021

看舞台劇都看了七八年, 昨好像有了新突破.

那就是, 看到一半,  等到中場休息時, 起身走人, 不磨爛蓆,  不浪費時間,  省回的個半小時, 去街巿買餸, 提早食晚飯, 我覺得有意思/高興得多.

其實, 要不是不想騷擾其他人, 不想成個人在屏幕前走過很礙眼, (已所不欲....blablala...) , 我想在開場後半小時走人.

套戲好難看嗎?

吾知呢,  應該吾係,  又咩critical acclaims, 又best revival...

但好肯定,  這個演出, 吾啱我睇, 我完全冇興趣睇落去, 連表都吾使望.

演出不是一般的古服演出,  把成個原裝故事演出來, 反而有點似林奕華把中國四大名著解構的路線, 至少上半場上半部, 給我的感覺係咁.

對白講到好X 快,  有些在comment 角色/ 事件,  我看得聽得有些吃力, 很攰.

更大的問題是, 入場前, 我完全吾知個故事講乜,   所以我係跳step 去睇這套野.

即係, 你冇睇過馬克白, 吾知個故事係咩, 就去睇睇鄧樹榮前語言乜乜乜, 蜷川幸雄,  睇完除了在中女港女面前,  扮曬野識睇, 係吾會知自己睇左乜架.

我睇睇下, 發現自己的問題係咁,  就開始有著草走人的想法,  我跟個劇溝通吾到, 即使佢在comment 個故事/角色都好,  佢講的point 也不能impress 我.

吾睇故事,  只睇表演型式, 睇舞台, 睇燈光, 睇演員...都好多野睇架喎..

若只看上半場, 那些表演手法, 成村人坐在個nearly bare stage 演,  不是創新啦,  搵齊侏儒, 黑人白人, 亞洲人, 想突顯外觀呢個element, 吾係吾好, 只是, 那是一個非常 easy 的choice,  並不能impress me. 

舞台個set /燈光冇野睇, 又吾覺好有meaningful, 鏡子又係好正常的一塊, 拍攝鏡頭又好普通的那種, 吾會覺得guiding you to watch.

男主角好紅架喎...

佢紅又點啫,  我下面夠勁過佢啦!?!, 又吾見有報紙講.

可能下半場先嚟料呢?  或者啦,  但我覺得自己的時間, 可以用在想用的地方.

忽然覺得,  我累積了很多怨氣後, 昨更加肯定, 不要理會別人講到天花亂墜,  還是睇自己感興趣的, 或者能connect 到的, 吾啱睇, 覺得浪費時間的,  便要起身, 吾好蝕時間. 

大概昨天入場得著,  佢嚟緊的NT live  海鷗,  玩偶之家,  我吾會睇, 除非有人推薦.

我其實係咪吾再睇舞台劇呢?

我真係睇少左好多.

咁真係攰呀嘛...

同埋, 煮飯真係好花時間.

我已是頹到基本上用氣炸鍋整的了...好簡單.

但整五日+ 早餐,  薯仔, 雞柳, 蔬菜都要焗幾輪啦. 每輪20 分鐘好未, 咁已要幾個鐘了.

仲未計要洗要買...

更大的問題係,  睇左咁多年, 真係只想睇可以impress 自己的舞台劇.

睇劇的初衷係乜?  enlightening , entertaining.

今年有幾多套做到?

睇完若上心想去鬧, 又怕原來係喜雙飛咁,  門票滯銷,  未上完就鬧衰左啲.

( 我冇諗過佢地成班人都可搞到滯銷, 割價)

------

心驚胆顫的同居,  個導演/故事改編都幾廢喎.

第七集尾段, 應該係中段高潮位,  居然拍成咁.

係完全冇tension!!!!!

係不能接受的趕客行為.

看了一集沒法抗拒的他.

有點悶, 冇剝衫既, 韓小姐其實吾係勁靚, 或者個鏡頭冇用騙鏡效果.

係囉...點解呢大半年好多韓劇都是同居題材?

先上車後補票, 是現在戀愛的主旋律嗎?

雖然呢,  我應該已吾記得她的樣子, 差兩天就整整兩年冇見過她了,  不過如果她近來也參加Viu 全民造星IV , 那會有多好呢?

成為女團一員, 紅左, 便可以像Blackpink 咁, 拍幾套Blackpink diary/ Blackpink House/ Blackpink 24/365.

我會好開心的, 還能看著她穿lulumon 吊帶衫在鏡頭面前, 教人整古法鹽焗雞,  高湯海參鮑魚, 做空中瑜珈.

那代表,  她依然, 好好的.

(x)

21-6-2021

今年的 622 , 有點特別. 

因為朋友移民,  因為看電視劇而想起以前的情緒起伏,  令日子變得連鎖反應, 有點像漣漪般.

聽著舊時用來抒發情緒的歌,  後來.  

讓我思索的, 並不是明天生日的Michelle , 反而是兩年沒有再見的她.

後來, 我總算學會了, 如何去愛, 可惜你早已遠去, 消失在人海,  後來, 終於在眼淚中明白, 有些人, 一旦錯過就不再.

嗯, 不用怕 ( 這縻說, 讓人反而更加害怕的) , 我不會嘗試能不能看見她一眼.

要是有那樣的想法, 這大半年來, 我甚麼舞台劇都會去睇, 或者在中環出沒碰碰運氣了, 而不是變得更深居簡出.

學不學會去如何去愛, 並不重要, 至少不在意,  總之不多口就不會發生第三次,  也沒流淚的衝動. 

祈願以前曾經單思暗戀甚至表白過的女子們, 現在都安好.

嗯, 這種心情一直沒變過.

她們不相信, 不需要,  那是後話.

Cherish 29

 (i)

2-5-2021

點解第二針啲反應勁過第一針咁多?

燒左兩日...周身痛, 訓到頭痛.

但吾覺自己瘦左...

又...發現自己幾ON 9, 冇買定吾洗煮的野食..淥個麵都好攰.

買外賣? 費事啦,  入餐廳測體溫實響...嚇到人就吾好.

忽然想到, 如果將來有錢移民, 都要諗下想搬那個地方, 老果時啲醫療系統點.

人在異鄉, 如果好似香港啲仆街老人院咁, 剝光豬集體沖涼, 咪話吾悽涼, 果時想求救都幾難.

健吾呢期pocast 勁屌啲移民 KOL,  雖有啲偏激, 但好有火, 好多粗口, 但內裡, 你會發現佢真係著緊和有心.

-----------

我終於數得出error 四子了,  mirror 仲要努力, 但都數到六個, 但認吾到三個.

創作真的好難, 現在100 毛都好像靜曬,  近期最火是" 試當真".

看了佢地啲片, 都OK 的, 但吾知啲創意幾時乾涸,  創作真係好難.

btw, 那個頻道啲女幾正架,  有個叫吳嘉忻.  

一睇佢個名, 三個字中左兩個字, 就知佢絕對係我杯茶, 我會冧.

英文名叫Jeannie , 和BP 的Jennie 一樣, 再加分.

比較啲遺傳因子 (靚+ 姓名),  越睇越有啲機會似她的女兒.

她生女如果是韓國人就似Jisoo, 香港人就似Jeannie.

-----------

Jennie 代言韓國燒酒 chum churum , 我當然都有買啲嚟飲啦.

韓國燒酒雖然好平, 但好啃, 都吾明啲人點可以一晚飲七八枝.

(電視宣傳嚟啫... )

我一枝已好夠, 第朝仲會有少少吾舒服.

或者, 只是我年紀大了, 酒量差左好多?

----------

這星期病了, 也停止了整早餐的行為.

早幾星期天天吃薯仔雞胸肉, 實在太悶了,  上兩星期就改蕃茄醬意粉雞肉.

從來沒有食譜告訴我, 在759 買的瓶裝意粉醬, 不能開了用了一半後還放在室溫待下次用.

嗯, 上星期,  我是煮好撈好意粉後,  才發現那用了一半的意粉醬瓶蓋發酶!!! 

起曬白毛絲 !! 好lan 核突.

結果,  

我花了半小時煮意粉, 

望住呢個分開五兜 (餐)  應該有發霉菌既意粉, 

開始思考人生意義.

做人, 如果冇目標, 冇夢想, 咁同呢五兜用發霉蕃茄醬煮的意粉有咩分別?

你真係啃得落?  只要吾死就得,  只要能活下去就得?

呢個課題, 雖然嚴肅, 枯燥, 卻又是必需...千古難題啊...

時間過得漫長但其實很短, 好似白馬過隙咁... 

 我用左30 秒都吾使,  得出一句結論 : " 屌! 你! 老! 味! "  

我將啲意粉全撚部曬落垃圾桶,  然後...洗鑊.

極之浪費時間.

點解買的時候放在室溫冇事, 用了一半後仍放在室溫就瀨曬野呢?

如果我買的時候, 剛好買中有條仆街開過蓋, 咁我咪仆街?

所以, 我以後都盡量少買瓶裝的蕃茄醬了, 要不然就放入雪櫃.

我真的缺乏常識. 

 (ii)

4-5-2021

今日最爆的八卦是Bill Gates 離婚.

人人都談論前妻分身家可以分到幾多, 自己覺得厲害卻是, 佢忍到Bill Gates 27 年先勁.

不是暗示Bill Gates 對太太差 /  見異思遷/ 爛滾之類傳統男人有錢就身痕所以要離婚嗰啲野.

而係Bill Gates 的性格 是極強的邏輯理性 + 生活極自律規律+  工作狂.

呢啲吾洗睇佢Netflix  紀錄片,  從佢呢幾十年嚟形象行為都了解到.

一個會把時間劃到以分鐘為單位分配工作+閱讀既人喎!! 

睇書吾係睇哈里波特, 而係生物科技, 點起鐵路之類喎...

你估佢會似無X藝員 吳X豪咁,  沖涼時拍片影JJ相 fling  fling 咁有情趣驚喜咩... 

(吳姓藝員拍嚟梗係吾係俾自己睇啦,  拍嚟實係 SEND 俾條女睇, flirting 用啦!!  

女人鍾意睇佢有興趣有意思既男人既 JJ 相架, 堅!!!

女人呢, 十個有九個睇, 一個側頭掩臉從手指縫偷睇.  

有片有真相, 吾通要到上床埋牙先知條友仔JJ 咩樣咩, 最好梗係睇左條片先啦. 

技巧吾得, 可以日日親身教!?   先天不足, 就真係無符.  hand job 點勁, 都冇可能把2吋捽成16吋架喎 )

(如果我有女友, 我都想拍條JJ 片SEND 俾佢睇!!!  可惜從無機會發生!!)

所以, Gates 作為不能/ 不會浪漫的人,  感情可能真, 但表達能力應該很悶,  再講一次, 應該係單一/沉悶, 吾代表差/不真誠.

搞到老婆返工 =  放工 ,  mood 冇太大分別, 仲要日對夜對.

挨左 27 年喎...

算係咁啦.

點解我有咁既想法?

近朱者赤, 近墨者黑,  Gates 最出名個frd 係邊個?

Warren Buffett 囉,  佢和第一任太太都類似咁, 亦都和平地離婚, 前妻離開後, 好似去左唱歌完夢.

所以, 伴侶是極成功人士/ 創業家,  別人會覺得你嫁得好,  但嫁左入去, 男人吾滾/ 吾滾到咁揚都好,  都有相處的難題. 

感情, 婚姻,  真係好講彩數.

--------

今日有人話搵姜糖宣傳打針.

我覺得不如,  搵 三上悠亞 cross over 那位人人都話佢JJ 短的 吳姓藝員 , 好過啦.

三上腔:  "人肉針", 拮入嚟,  so empty !!!? ,  很寂寞, so bad , no good  ~

疫苗針, 拮入嚟,  內心好充實,  感覺到被全面保護, 跳起, yeah!!

係咪更爆, 更搶soundbite 先?!

------------

個巿又跌過. 依家先知人地早知幾日的消息囉.

bitcoin 都跌.

當然, 不會再說bitcoin 是騙局了,  我又不是不認錯.

 錢太多, 啲人鍾意買, 鍾意嘥電,  各國政府吾郁佢, 吹呀.

反而, 提醒自己, 時代變了, 以前讀書的理論.

 要謙卑, 吾好記住以前學過的野, 所以只能點點點.

money 理論,  可能真理長存, 但同追求自由民主一樣, 自己等吾到啫.

不過看著bitcoin交易所那些多到眼花的指標, 除了覺得好煩,  也還未明點解決bank run 問題.

未散棚, 因為仲有好多錢/ confidence 頂.

吾識吾講, 唯有收聲, 或那些指標有abnormal 時要醒定啲.

不過感覺, 炒bitcoin 啲人其實幾緊張, 朋友面書成日提, 又屌邊個legendary investor 講過乜乜乜.

我覺得幾奇怪, 贏緊, 贏得好興鬆, 鬼得閒理呢啲" 雜毛" 咩.

好奇怪.

(iii)

9-5-2021

昨去了把亡父的骨灰撒了.

印象中, 宣傳片是把骨灰撒在骨灰公園的一棵樹下, 感覺很開揚平和.

實際上, 卻只撒在比樓下街角公園仔還狹小的草地角落上, 上面還有早些時候撒下來的骨灰.

死後撈亂骨灰就是會這樣.

很寒酸粗疏, 好似棄屍一樣.

如果我知道家人的安排是這樣, 我應該會想加錢做好一些, 至少在大一點的公園撒下骨灰, 感覺上,  死去的人也容易透氣一點, 沒那麼逼迫.

有內疚的感覺.

撒骨灰的感覺, 也覺得很兒戲,  職員說按下鐵筒手掣慢慢沿著草徑撒下.

然而, 我只是按了一下,  便把九成的骨灰撒了出來. 

原以為, 撒了骨灰便一了百了, 怎知, 原來還有一個一吋X 三吋的牌位, 放在公園仔對開的壁龕上.

我想, 我大概不會來拜祭了,  雖然這數月, 我卻竟偶然想起了亡父的模樣.

人的心理是奇怪的.

----------------

現在的的士司機, 真係屌佢老母.

在葵芳新都會截的士去火葬場,  的士卻帶錯路, 去了山頭的另一邊.

在炎熱的下午繞了一圈才去到火葬場,  遲到,  面黑都一個點.

吾識路係咪可以google 呢?

我吾supposed 在葵涌那頭的士佬, 竟然吾識葵涌呢啲"著名", "常去景點" 架!! 

屌佢老味.

(iv)

9-5-2021

昨晚看了聖荷西.

發覺原來數年前看,  自己未明白個劇本實際上說甚麼.

現在懂了.

田小姐演得很好,  沒有爆戲, 沒有刻意提高聲調吸引注目,  就是演戲, 演好角色, 今年最佳女主角提名實在應要有佢的名字在列. 真的不像第一次演舞台劇.

自己口味應該變了,  現在偏愛不爆seed 的演繹,  就是恰到好處演好角色就覺得好了.

溫的演繹, 應比起記憶中的彭秀慧好,   潘更不用說了.

舞台設計,  倒是有點詫異. 

劇團倒還捨得在這時勢搭這樣的台景, 應該幾燒錢, 雖然裝潢係靚, 很有真實感.

我覺得, 若要帶出間屋其實是囚籠,  可以用抽像但平好多的方法, 沒有必要起那麼貴的台.

若改了陳曙曦導,  至少配搭的舞台設計style 應會比現在看到的, 成本便宜得多, 簡約得多.

整體來說, 還是讓人挺滿意的演出.

(v)

9-5-2021

配了一副新眼鏡了.

散光好像深了, 有點矇...雖然在地鐵睇女, 會是優勢, 太清楚其實是傷害!!

近來有些可以快速配眼鏡, 即日可拿的日式店.

感覺服務一般, 至少今次去的 OWNDAYS 的服務在耍我.

我說我想知現在的度數多少, 他們說要先買左眼鏡, 才能測試, 之後在張單裡有寫.

結果, 梗係冇.

我吾會同佢嘈, 但冇下次.

眼鏡係冇問題, 但啲服務, 得罪我, 講過吾算數.

人越大, 應該不要那麼計較執著.

鬼吾知咩,  執著計較, 吾使時間,  吾使勞心動氣架?

只是也覺得, 如果吾一開始"企硬" / " 執著"/  "均真" ,  往往連原本應該有,  講好了的,  都不會有.

做人, 就是那麼累.

眼鏡款式,  咪又係咁,  其實冇乜太大偏好. 

戴了幾十年眼鏡,  額頭會多一塊鏡片咩.

只是,  仍會有強烈意識, 不想跟現時戴的款式相似.

換了款式,  好像把過去的都抹掉一樣 , 新開始.

--------

1137 那裡訂的日式海藻蟹醬快要吃完了.

撈叮叮飯真的一流, 加上在凍肉店買的韓式魚餅,  再加煎太陽蛋撈鼓油, 簡單又滿足.

樂味道的急凍日式芥辣海螺, 八爪魚,   全部都好X 難食, 還要是中國製...搵笨到一個點.

平台上, 冇一間出售的泡菜稱得上好食,  可以作長期購買, 間間賣的罐頭泡菜都好難食.

前陣子,  啲人咪撐阿布泰, 排曬長隊.

那時候,  自己沒有排過隊.

間舖又吾會聽日執,  現在的人購物, 已能頂住短期cash flow,  咁自己何必還要排一兩個鐘去買啲自己用吾著的東西.

到了沒有那麼多人的時候,  自己終於去首次光顧了.

嗯,  買完食完啲野, 真的冇乜係啱自己食, 那些即食的咖喱飯, 平係有原因的.

-----------

衛蘭新歌,  it is ok to be sad.

好聽,  也是自己啱聽的題材, 旋律, 也即時在itunes 買了.

MV 劇場版也好看, 剪接, 演繹表達.

香港有好多好的演員, 只是環境未允許佢地發光.

(vi)

12-5-2021

看了門徒的聖荷西劇評.

寫得有點失望, 佢始乎未從人性角度去睇,   自己不認同的部分挺多.

sammy 是索女?

唉...睇得夫妻的世界多嗎? 以最強的小三為模版?

現實裡, 並不是100 % 索女, 熱情的女人就能做小三, 令男人拋棄糟糠之妻.

很口賤, 亦極之缺德, 所以我吾敢公開,  去咁講,  今次的導演甄女士最有資格發言.

佢前夫的外遇對象, 邊忽切合呢個索的setting.

只是把外遇的人設, 一定是索乜... 那只顯得對人性的理解不深.

同埋, 我覺得judas 應該係女人.

男人若只要索,  搵炮友, 叫雞啦.  變長期外遇對象, 痴線架咩...

極粗俗下流咁講,  同一條女, 若只因為索而出軌,  可以屌得幾多次? 屌左一個月, 乜都玩過, 乜都厭啦, 會搵過第二條女啦.

四仔咸碟,  你都吾會成世人只睇同一隻碟, 係咪?

the logic  : 香港有幾多已婚夫婦因為成日扑野而生仔, 吾係因為想生仔而成日扑野? 想扑野同有固定對手是兩件事, 要生仔先需固定對手。

若只是看stereotype 的人設, 咁同睇TBB 劇集, 基佬一定扭扭擰擰姣樣...有乜分別?

二人關係吾使咁架.  我覺得,  一個在香港孤立無助的女人, 就算那刻被強暴, 之後都會扮無事.

因為, 本已活在痛苦自責的佢--- 不想再失去更多,  一定會啞忍扮冇事. 

open ending 是物理上生存和 有尊嚴自由生存的選擇,  觀眾覺得那個重要, 選擇了甚麼, 結局就是甚麼, 有乜問題?

----------

我知啲人好憎班仆街.

不過,  無牌按摩並不完全等於揼邪骨,  有可能只是窮, 租不起符合消防條例的地方經營而冇牌.

非法經營, 是不合規矩,  也多半衰埋逃稅,  但也不必再踩多一腳貼上雞竇的標籤.

一單還一單.

(vii)

15-5-2021

看了喜雙飛, mixed doubles.

https://en.wikipedia.org/wiki/Mixed_Doubles_(play)

我並不喜歡,  到中場休息之前, 我曾經- 睇過- 時間, 即係----

我在上半場其實係有點挨緊的感覺.

第一場戲, 我睇到反白眼.

第二場戲, 朱生好嘈, 在表演佢的表現手法.

第三場戲,  陳小姐好嘈, 楊生做乜事.

第四場戲, 我完全吾記得佢地演過乜!!!

第五場戲, 胡小姐幾好, 個mood 可以再好一點, 出來的效果令觀眾會心微笑, 吾係大笑會更成功.

第六場戲,  又開始悶番, 郭小姐個頭又嚟.

第七場戲, 陳和白冇乜chemistry, 白生演得吾好睇, 佢在演佢的表現手法.

第八場戲, 朱生...唉...吾好再講, 好似針對佢咁....呢節的mood 和tempo 係咪可以執下呢?

羅韋莎在佢昨的IG 說, 導演的佈景設定在一再改動演期下, 改為簡約形式.

我冇乜意見, even bare stage, 我上兩周先替聖荷西肉赤, 咁既時勢搭咁貴的台.

咁, 我做乜有點挨, 有點想訓的感覺呢?

想又想, 應該係啲演員吾得.

嘩, 年年估劇場最佳男女主角配角錯曬的人, 係到彈演員演技吾得!!!

咁我的感覺和思考結果係咁呀嘛.

第一場戲,  見到郭小姐個頭, 我已想反白眼.

bare stage 啫, 個頭都吾咁樣出得吾得!!

一個女人有超短的髮型,  會作這樣的打扮, 跟亞洲西方印度的大路髮型不同,

 即吾介意突顯和其他女人吾同, 不怕外界的目光, 想表現率性體現自我的形象.

有時候也會見到啲tomboy 都會剪成咁既頭.

咁, 第一場的女角色又係咩人呢 ?

比較敏感, 嬌柔, 會在意別人感受而不會強勢發表意見, 想循規蹈矩的人.

我比較渣, 佢的髮型過左我的底線,  我投入吾到睇戲囉,  我又吾係睇緊非洲黑人劇團!!!

下次整個箭豬頭,  悟空頭, 栗子辨頭嚟演呀..

演員本身大過角色, 吾好睇的.

係喇, 我諗到點解覺得演員吾得了.

演員之間好似冇chemistry, tempo , mood , 特別是陳小姐和其他演員搭檔, 睇番履歷, 佢和其他演員吾係老死熟都正常.

我只覺得啲演員在表現佢地熟悉的表演手法, 而吾係在演角色, 冇左理解角色的心理層面.

朱生在score,  楊生在best friend, 白生在the silver wedding, 特別是白生, 在wedding 裡, 演得幾難睇.

演得比較好是胡小姐, 以及結他手崔生,  後者至少製造到mood, 係彈得好聽.

演員好似冇為左個簡約舞台, 去調整佢地的演繹手法.

舞台背景那個五顏六色燈屏幕咩事....吾搭好過搭啦...

仲有, 羅小姐的出現/內容, 真係和個劇本好夾?

本來想睇XX 演, 結果生小朋友演吾到,  為怕觀眾反枱嗌回水, 所以搵佢錄呢啲//又或者演吾到的演員仍好想參演, 所以自製呢啲, 放低了對演出的適合性.

明星吾應該亂接戲, 係因為紅左, 就要有質素底線,  觀眾信你對戲劇的質素要求...blablabla 

應該係咁才對.

btw 個劇團 有冇諗過佢地的定位係和做聖荷西的劇團定位係吾同架?

聖荷西那個, 又係短暫婚姻那個,  面向是淺層觀眾, 為左睇星一年入場一兩次咁, 吾好對佢地的理解能力有太大期望, 所以場景呢, 做得淺白一點, 俾埋個囚籠你睇, 搭間兩層屋,  是有其需要, 演員吾做到TBB 咁驚死你吾知, 已算係咁.

100 毛果啲, fans 囉, 吾好有期望, 熱熱鬧鬧.

風車草,  視乎邊個導演, 邊個寫劇本,  而去調整演出要求和期望, 有時好好睇, 有時卻吾知做乜咁.

我覺得, 今晚入場的,  應該是對戲劇有要求一點的觀眾層, 對演員, 導演有要求.

都是寫少呢啲野,  我寫左咁耐, 覺得自己係一個煩膠..

(viii)

16-5-2021

早兩星期, 我還說Bill Gates 係衰悶, 吾咸濕.

但呢兩星期, 雜誌係咁爆佢衰咸濕...又咩咩同雞蟲富豪好熟...

唉...

係咪真呢?  

點鬼知, 佢又吾請我玩埋一份.

男人吾好睇外表.

忽然想起, 早幾年, 富二代劉公子,  上港台節目對照游學修.

當時, 我仲講, 如果她肯俾男人追, 應該好多像劉公子那類的被她吸引. 

有學歷啦, 年輕啦, 熱心公共事務啦, 應該有啲品味, 謙厚, 孝順敬愛母親啦, 吾係典型食玩訓的富二代.

現在回看,  我咁講野簡直係得罪人.

這幾年不停換女伴都算啦,  還要搭上當時節目的拜金女.

真係有點飢不擇食的感覺...冇要求.

把她和劉公子搭在一起,  覺得她會被劉公子追,  吾得罪人就假.

我點知佢變成咁架啫.

似乎, 佢阿媽過左身後, 變左另一個人.

時光倒流, 我若再講多一次, 應該要說, 她會被姜濤追求.

年下男, 年輕, 溫文, 可愛, 挺符合現在港女潮流, 她應該會鍾意, 應該.

如果, 她變 成"姜糖",  我該不該叫自己做"砂糖"?

但是, 她若自稱" 姜粉" ,  我又該叫自己做"沙粉" 嗎? 

唉... 

(ix)

16-5-2001

朋友七月一日會搭飛機, 一家返去澳洲.

識人吾多的我,  是這兩年來, 第一個朋友真的離開香港了.

想起那些年亂七八槽的事,  把佢當作Michelle 的投影.

一切, 真的很遙遠.

好彩直到現在, 甚麼亂七八槽的感覺不曾講出來.

所以, 才看到佢結婚, 生仔,  第二胎,  現在回去澳洲.

要找個時間餞行.

朋友, 越來越少, 應該越來越沉默.

如果一切可以重來,  大概, 也可以跟她餞行吧.

嗯, 我又諗多左了.

(x)

19-5-2021

罪過,  罪過,  之前講過吾睇那個面書劇場forum.

今日放假亂surf , 看到有人在彈,  忍不住手痕搭咀.

仲要兩則.

當然, 已冇呢度寫得咁衰了.

呢度係十小辣, 果度最多三小辣.

但寫完交了,  仍有少少後悔自己把口的刻薄.

己所不欲, 勿施予人.

應該係新垣結衣結婚, 新郎不是我,  深深的刺痛了我.

今年頭孫藝真,  依家到新垣結衣.

我的女神, 一個又一個拍拖結婚.

今年底, 係咪就會到她結婚了,  假如她今天仍未結婚.

嗯,  要暫時封口自省.

(xi)

20-5-2021

因為跟許多人一樣, 都看error 的自肥節目 ,  才注意到吳生的負面新聞, " 反省中".

原來起因, 不過是一腳踏兩船.

A0  的我感到很不解.

乜佢當時的status 吾係好正常架咩?

無論男人抑或女人.

當你有一個女朋友後,  鍾意左第二個女人,  咁還未完全肯定確認只想跟第二個女人在一起時,  你會吾會已率先同現任女朋友講分手?

吾會囉.

咪話我性別歧視.

你現任男朋友係玄彬,  但又發覺自己亦鍾意左李敏鎬,  咁你還未決定到鍾意玄彬多啲, 定李生多啲既時候,  會吾會同玄生講分手?

好肯定,  你亦都吾會囉.

最正常係試埋張床, 十拿九穩冇甩漏, 先同玄彬講分手.

程序上是應該有好好的交待和收尾, 應該係咁,  但reality  往往並不是如此.

難道, 呢個世界的道德撚, 其實和我一樣, 都係A0  !!!?

但係我又明實際操作的困難之處喎.

Conclusion :  Super A0 is me!!!

(xii)

21-5-2021

error 最後一集,  很意外的內容,  但好看.

感覺好似睇一齣國際劇場大師的舞台劇最正的ending 咁, 那種餘韻...

睇完好滿足...好耐未試過咁,  一掃早排睇舞台劇的晦氣...

也好似睇"雖精神病但沒關係"的ending 一集一樣.

成個製作很圓滿.

有冇試過睇完電視,  會特登搜尋導演的IG , 留言"謝謝"呢?

剛才, 我做了.

寫script 那個人, 真的寫得幾有味道.

鍾意黃藍標籤的人, 固然會找到解讀.

自己偏向廣泛一點, 會覺得在說怎樣面對生活, 克服,  堅持,  不懈.

因為我覺得, 只要你做這些事,  真心認同這些觀點,  你好難吾開明, 不會不是所謂的"黃"架喎.

聽日有重播時, 會睇多一次第二部分.

(xiii)

21-5-2021

今年的五月,  沒有給兩位家姐買件裝蛋糕.

一來, 自己失魂, 想起時,  已趕不及訂製蛋糕.

二來,  散裝蛋糕, 沒有符合心水的, 有點重覆和悶,  雖然依家好多新的網店蛋糕

但有啲賣相...你只會..."屌...居然夠膽死開網店賣蛋糕..."

有特色餅家 Jomo , 有純素蛋糕,  啱吃素的二姐, 但印象中, 三姐早幾年已買過了.

所以, 最後決定去大坑 cookie vission 買曲奇.

算是佢地年年生日,  今年有一點新意吧.

我只吃了圖二中間那個.

食完, 除了覺得好高卡路里外,   也認同真係好食,  50 蚊一件係貴得有道理, 食得出用料有咁上下, 內裡的cream 爆漿架, 真係好食.

Cherish 28

 (i)

23-3-2021

when I will have this cute car ?

(ii)

28-3-2021

抽中了, 雖然只有三十日限期, 但都足夠了.

Jisoo 做完宣傳, 我都應該退役.

我都吾鍾意打機,  特別是放工後, 吾想看到任何會閃的電子屏幕.

傷眼嘛.

(iii)

28-3-2021

祈求吾好再有抵制.

大姐貪得意買了一個台灣鳳梨, 然後給了我.

批到我...面黑...

主要是我感到不耐煩, 俾個橙吾得架咩, 兩刀, 一直一橫, 咁就食得.

以及好好彩, 這把刀是早兩星期我買的, 若再早一個月...

屋企搵把刀去批波蘿都冇架!!!!

係呀,  三姐都痴線...佢吾用刀, 只用較剪, 又嫌把刀鈍, 就扔左佢!!!

我未買番把刀前, 屋企只有生果刀!!! 切肉, 切佢老味...

是很讓人惱火的.

我仲未記得買番個鑊鏟, 我係用筷子嚟煎牛扒架..幾好功架...唉...

-----

看到很多人在揶揄 Eason.

我有點同情佢.

當然佢的聲明是有問題, 做錯了.

但你若回顧過去,  佢其實一向在這方面都好克制, 沒有媚出面, 做旗手, 流淚...

今次, 只是逼埋身, 冇得避.

自己反而會想到,  如果你在一間仆街公司打工,  遇上一個像今次的仆街要求, 你會怎麼辦?

其實, 好多人面對這情況, 都吞左佢, 硬食, 只有少數人會有勇氣反枱.

我好肯定,  現在串爆佢單丸的那些網民,  輪到佢地被人逼埋牆,  有一半以上咪又係Eason/ Joey咁, 微博限定, 交投名狀過骨. 

等於美心仆街, 一眾中資行仆街,   那機構裡有良知正直的, 全部都反枱吾撈咩.

咁即你逼這幾十萬, 幾百萬人吾撈喎...it is possible and realistic? 

咁樣其實逼所有人冇得揀, 只能變藍.

例外的我吾接受佢地服從, 是軍人, 紀律部隊, 政客.

我會諗, 面對這困難的時代,  與其揶揄, 倒不如諗N 多個方法, 卸膊, 扮吾知, 過左去就算.

這是不想幫惡下, 在這城巿生存下去必然要懂的技能.

怎都不能像那些下流賤格的人, 為了上位, 為了利益, 主動作惡, 像港台那個冚家鏟.

打工的人,  做得野固然是基本,  但識得啱時間扮病 或者在請假避禍, 吾去瀨野都是技巧.

雖然我在職場上好廢, 但也覺得一個打工的人, 幾時都要留番十零廿日長假, 保證自己可以避難的彈性.

BTW,   這一次若妥協, 胡混過去,  下次呢?  做人的底線會不會慢慢越退越低?

我諗, 冇人有答案吧,  吾好諗咁長遠, 到時先算,  as 我們都不夠勇敢.

另外, 有些人連Eason 老婆都揶揄埋一份,  這樣的連坐,  同那些找到"機會" 便肆無忌憚恰人的仆街, 有甚麼分別呢?  分別大概可能僅是, 牆內牆外.

(iv)

28-3-2021

昨看了鄧生的舞台劇.

改篇經典電影,  講兩夫妻的本來看似和諧美滿的婚姻, 實際卻是充滿矛盾然後爆發.

首先, 劇本改編,  剪裁得差, 很多野都snapshot 得來, 變得很奇怪,  至少,  我看不慣.  那未出生的小孩是墮胎了嗎? 

廣東話口語化, 一時有一時冇, 變得很書面語,  聽到好怪.

其次, 導演的個人風格太過強烈,  壓過了劇本,  譬如, 死都要有條樓梯,  但冇張床,  很多對話都變左在條樓梯到交待. 但文本裡, sex 卻是一個很重要的element!!  樓梯口做愛?  

(吾係吾得, 日本AV 都有, 但係嗰啲,  係個女優一入門口關門, 就立即同一個男人做,  去到客廳, 第二個男人接力,  到第三個男人接力帶上二樓時,  先至係樓梯玩花式, 第四個就係睡房, 最後多人混戰.... 呢啲AV 完全 match 曬這個舞台劇女主角後來的性解放...但呢個劇supposed 吾係俾睇過呢系列AV 既人睇架囉, right? )  

我心諗,  乜撚事,  邊撚個會長期在屋企, 企響樓梯口對話?!!!! 

我知,  樓梯上上落落, 佢想symbolize 夫妻關係,  好刻意低手囉.

分場間,  有好多詩化左的演員更衣, 演員搬動家中道具的情節, 音樂係5-70 年代那些, 偏輕快.

我吾buy 囉,  我覺得好吾夾,  你覺得這對夫妻的Mood 係咁咩?

只覺得導演鍾意咁, 顯得CHOK 啲, 有藝術文化格調啲,  所以咁.

演員的服裝也是糟透... 當一個丈夫有外遇後, 衣著是不是可以colorful 有朝氣一點? 換完都係咁dull, 就吾好浪費時間表演換衫啦, 有咩好望呢, 只覺得攝時間.

我也覺得, 演員都演得有點lost  , 關小姐吾駛講,  袁生都係,   去完旅行番嚟, 袁生一臉西樣, 驚死人吾知二人關係變左, 好生硬囉, 但之後啲戲份又要變番孩子氣, 壞男人...一幕演一個樣...吾係演一個角色.

如果吾係個導演有名氣,  只純看演出,  我會覺得個導演好吾掂,  吾識導戲, 是剛畢業新人.

冇下次.

講完.

係咪亂鬧又好刻薄呢?   

所以不會投稿割乜割物.

好像, 對看劇冇以前認真了...

乜都睇化了,  呢兩年.

------------

忽然想到,  上星期看的介紹所, 三個女人見面時,  除了各人見到對方的反應, 應和見到白撞的陌生人不同外, 出場時序也應該要微調.

PTGF 女, 應該是最早到咖啡室那一個,  一個人時間觀念改變,  暗示佢做人的想法變了.

--------------------

從沒諗過,  第一次簽字申請開公司, 是幫大姐做人頭.

佢和辦公室老闆打算合資, 開熱狗店.

佢吾方便用自己名, 所以借了我個名入股.

如果佢地開得成,  我名義上,  就變成了老實商人, 有份參股經營熱狗店, 吾再係無業遊民, 好過近來炒到一肚氣.

如果, 有個長得像金所炫的韓妹嚟幫襯,  "小妹妹, 你係咪好鍾意食熱狗,  我有比呢啲更大條, 更好食架!?..."

講下啫.

(v)

4-4-2021

用了兩天多的時間, 煲完了韓劇  又吳海英.

很好看,  欲罷不能.

寫得很好的劇本, 也拍得很好,  只是男主角吾係我覺得勁靚仔那種, 佢個LOOK 吾係我杯茶.

套劇應該是爆冷吧, 想當年, 看卡士陣容都不是頂尖.

(編劇至今只紅過兩個劇本,  呢個和" 我的大叔" , 和金銀淑暫時差了不少) 

這套劇, 要女主角外表端正以上,  平凡,  OK 靚, 但不是勁靚先得,  太靚太耀眼像宋慧喬,  Jisoo /  Sarah, 都是演不來, 冇說服力, 搵鬼信咩. 

徐小姐未拍這套前, 都是OK , 不是好紅那種女主角,  這是佢代表作的第一部.

這套劇人物角色構造, 特別是女主角寫得非常好,  就像你我身邊可能出現的OL ,  是很容易引觀眾共鳴,  平凡, 普通, 冒失,  經歷對白不高深造作, 卻又中point , 講中男女情愛常遇到認知落差和困惑, 我呢啲毒L 都睇到有共鳴.

我也挺鍾意戲內的配角,  特別是女主角的父母... 看父母對女兒無條件無盡的愛, 而得知女兒悔婚真相那幾幕,  鏡頭是去拍父母的心痛, 而不是繼續拍女主角痛哭流涕,  這個選擇要俾excellent. 

有時候, 側面描寫, 比起硬橋硬馬再講女主角有多心傷, 來得有味道.

這套劇除了講情愛,  也講命運,  悔究和憎恨,   都寫得挺有味道.

為甚麼突然揀呢套舊劇來看?   之前咪聽到很感動既, Rose'  cover 唱的 If it is you.

這首歌是這套劇的OST 之一.

嗯,  Rose' 唱的版本讓人聽到想哭眼淺,  我看埋歌詞更覺心酸   但原唱者版本的輕柔, 卻更適合這個劇, 不會喧賓奪主.

BTW,  宋生那套吾係播緊?  仲有冇睇? 好像看到第六集就停下來,  未來, 可睇可吾睇. 

我又不是中女,  點會好迷宋生在劇內的CHOK樣,  況且劇情都猜到一二,  總之宋生最聰明, 最後都化危為機,  至於那批黃金,  我點解要care 佢拿吾拿到?

反而無聊下會追看 (fast fwd 式 ) Nana 的新劇.  

係要無腦先睇得,  橋段勁娘老土 ( 男主角事實上又係演番"今生第一次" 裡類似野, 又係同居 bla bla bla ) ,  但睇下靚女, 又吾會有期望咪幾好.

大熱 Penthouse 2 呢?  一集都冇睇過, 復仇/要燒腦/科幻/偵探, 都吾會刻意主動去睇,   比較狗血的愛情劇才是我杯茶.

係呀, 我睇韓劇和睇舞台劇的要求差別好大.  

如果把我鍾意睇的韓劇 和舞台劇 列表,  別人會覺得這是兩個人吧.

------------

我希望妳會變得又老又肥,  那樣子,  就會只得我一個繼續讚妳的漂亮迷人.

電視劇抄嚟的冧女對白, 如果條女本身已冧, 講出嚟應該work,  吾冧,  我講乜都係仆街架啦.

(vi)

4-4-2021

Jisoo 好耐冇更新instagram,  令我都有點抑鬱.

大概避風頭吧,  之前有套杜撰歷史劇出事,  搞到班五毛順手亦借啲意, 指佢拍緊套劇都不尊重歷史.

好痴線, 一集都未播, 只因歷史時間只是八十年代末期就咁樣.

說我記仇也好,  放不低都好, 咁我認囉. 

至今,我仍很討厭網上撩事鬥非, 恃熟就懶風趣自以為好笑/ 在搞笑, 盡是奚落諷刺的言語.

可能, 我以前曾有一段時間都這樣咁口痕口賤乞人憎,  但現在,  至少公開地方,  真的不會了.

------------

點解取消我原定的打針時間,  卻擅自幫我改約平日時間,  到我取消後再約過, 卻又俾我約到周末日?

也許, 連投白票, 廢票的權利,  在不久的將來, 也會失去.

----------

單單只講韓國,  IU 絕對 比BP  更紅. (純粹客觀陳述, IU 亦講真, 值得受喜愛 )

剛看了佢在人氣歌謠打歌,  lilac 一首歌, effectively 便搭了三個台景, 比BP 更厲害, 同期Rose' 打歌都低了一到兩個檔次,   呢啲吾係超一線, 真係吾知叫咩.

唱片公司俾錢電視台咪有囉...

但我覺得有錢都未必一定有, 電視台吾使做架咩, 同埋你吾係超紅,  唱片公司又邊會俾咁多錢去打歌. 金世正呢排打歌都只是好一些的一個台景.

早幾個月, 睇過一次成集人氣歌謠,  紅吾紅,  歌手的 舞台 /歌衫,  差好遠好遠, 是超遠架.

BP 呢大半年, 件件Dior,  Celine , Chanel, YSL,  但若睇番半年多前, 佢地的衣著, 便"正常" 好多, 是一般韓星都會著的名牌.

再早期些,  更不會幾萬銀件褸買番嚟, 俾佢地剪爛只著一次,  便服也穿A&F  架咋, 邊似依家工餘出個街睇櫻花, 都chanel 今期最新款.

吾知Jisoo 挨吾挨到BP 人氣未回落至普通前,  可以華麗地出到一首Solo 歌呢? (至少要過埋Lisa Solo, 話吾定Jennie  comeback 亦快過佢)   

吾係咁樂觀,  YG 一向歌手plug 歌拖延症好嚴重, 雖然貴精不貴多是策略之一, 但只對YG 品牌有利, 歌手其實幾慘的.

(vii)

11-4-2021

昨早去了打針.

冇乜好提, 沒有打卡, 不會發instant story.

只是打完後,  手臂好像撞到瘀左咁, 兩日還沒消腫.

還可以, 不算過敏.

btw,  頂佢個肺， 長沙灣廣場在茘枝角，呢個我一向知， 茘枝角公園體育館在美孚西站，我今天才注意到。

我以為係茘枝角!!

晨早流流吾夠訓行了半個鐘才去到體育館。

人人都晨運，你估我真係好想晨早七點幾行咁多路去晨運咩。

要怪，只能怪自己粗心大意，大安旨意，去到"以為" 係果度的地方才發現吾係才知瀨野。

因為在屋企附近，才會鬆懈吧。

人之常情。

—————

昨中午，回工作室幫忙搬動新魚缸。

我以為是氣力活，一舉一抬就收工，１５分鐘便可以走人。

結果從早上十一點到下午四點才能走人，當中有２小時是陪辦公室主人飲茶。

做乜搞咁耐?

做工程的人在度位上有職業病，即魚缸要exactly 貼齊承托板，差１mm 都吾得；也要exactly 達四邊前後左右水平，吾係水平尺那個浮標在中央區間那麼簡單，佢要求係中間的再中間，不貼區間線。

換水不能全用新水，這是連我都知的common sense，注定了要一桶又一桶把舊水缸的水倒過去新缸（新缸位置高過舊缸，不能用水壓原理pump 過去），麻煩是那條魚矜貴，吾嚇得。（俾我換，我用魚網撈起條魚，快手一野丟那媽咁丟落過新魚缸就算，點會呵住，想托起舊魚缸，等條魚自己滑落去）

最大的問題其實是，做工程起獨立屋別墅／工業邨廠房的辦公室主人，似乎其實都看不起魚缸的事宜，憑經驗不看說明或者youtube，結果瀨野。

佢有能力把背景紙貼落缸底，exactly 貼邊，手工好靚，但係卻貼錯了位置。

正確是應貼在缸的後面，而不是缸底。你求其在youtube search 教學都有示範怎貼的。

如果貼在缸後，physics 既total internal reflection現象(我扮好有深度，講得出呢個term) 會令你從缸前角度看魚缸，會看到缸的四邊都是深藍色（背景紙圖樣），貼在缸底，卻只有從缸頂垂直望才會看到背景紙的圖樣。

水倒成咁，要再郁就好難，十幾廿桶水。

再來就是水揼。從佢的安裝過程，左搞又搞pump 吾到水。那時我猜到，佢應該覺得太簡單，由頭到尾都冇睇說明書。

當然，我吾會出聲。我已幾廿歲人啦，點會吾明平時點人做野，話人做錯程序的人，是不會接受別人話佢做錯程序。這是ego的問題。

幾百萬工程 vs 換個魚缸。明明前者出事機會大好多，反而冇事，後者人人都可以做，反而出事。

新魚缸是歐洲進口訂造野，配件又係，肯俾錢花在硬件，但細節卻甩漏。

好似不正常，但其實又正常。

同我差些去錯打針地方的原理一樣。

這是人性，應該人人都在某個時間地點，都犯過類似的錯，越容易的野越會做錯。

————————

辦公室主人打算開的店名，很文雅，好多筆劃，有個字我吾識讀。

賣熱狗，店名用個咁文雅既名。。。似書齋多啲囉。

當我諗到呢度，我即刻提自己，一定要收聲吾好講出嚟。

（viii)

11-4-2021

近來網上好煩。

某KＯＬ 賣樓引發恩怨情仇，連帶德國那條友又再擾攘。

（btw 我理解啲人點解咁憎那兩個KＯＬ）

我覺得好煩，完全冇興趣理會。

在網上，anytime 都吾好貼咁近那些把個人政見／見解好熱衷討論地方。

就像近來有個舞台劇面書討論區，最近幾篇有個把個人政治理念騎劫他人的網民，睇完除了不想follow 那討論區，就沒有了。

嘥氣，講下去。

若要講，難道可以講，風車草夠黃未? 佢地入場檢測卻比全港90% 地方還要嚴，咁樣，那個網民要點解釋呢?  成個團跪低， 失抵抗意志／中了圈套／定係鬼?

好無聊幼稚。

————————

我終於儲齊了。Jisoo 配音架。

當然不是憑賽車技術賺積分換來。我技術很屎，之前一直靠免費抽中啲好勁的限時跑車款，先有得贏咋。

是的，我用了一張普通舞台劇票的價錢抽回來的，可惜架車抽不中permanant，只有三日，所以一定要影低留念。

是不是很無聊?

這個我都知，但減壓。

我覺得，總好過對住活生生的人。

別人問我近況如何，我一講生意麻麻，即閃，好似驚我會向佢度水咁。

你主動問，我講真話，講完就變成咁。

很無趣。

（IX)

11-4-2021

so cute !!!

when you press the " love " emoji,  Jisoo voice cutely "  I love you".

霎時間, 我覺得呢幾百蚊抵俾, 我很心甜, 好似打左胺多酚咁.

那個光環, 有佢簽名架, 仲要 perm.

(X)

14-4-2021

近期的大事, 自然是金正鉉被傳和徐智慧拍拖, 結果燒著徐玄和徐睿知.

(邊個有興趣理投票,  見有新聞都SKIP 啦,  陣間可能連睇相關新聞都犯法架)

看在眼內, 有 N 個層面.

第一,  成件事是否和八卦新聞報道一樣. 假的,  再八公講落去便無意義.

如果是, 徐玄真係好無辜, 果時以佢的知名度, 少女時代呀,  怎都紅過那金生 N 倍, 但卻要受這種閒氣.

第二, 金生真係好有問題,  咁大個人, 人地叫你做乜就做乜咩. 況且, 都拍緊拖啦, 如果當時係咁, 飛左徐睿知仲著數, 反正要做的, 都應該做了,  男人愛新鮮.

第三,  金生手寫的道歉信, 只向徐玄, 相關經理人公司道歉, 但吾向徐睿知道歉,  其實都好無品. 自己那時的吾成熟, 累及前度.   佢地當時分手,  應該幾不和平和怨憤.

第四,  是否應翻舊帳呢?  金生自此, 好像都冇乜怪行, 拍戲就是拍戲, 愛的逼降, 哲仁王后都冇負面新聞.  可見佢那次之後, 已無再犯這種錯誤.  

"若要揭過去,  便要先解決當時的錯, 得到當時的人原諒."

理論上係咁,  但實際上,  幾廿歲人,  你我都明白,  有時候, " 只能如此, 過去就讓它過去, 不應再打擾以前的人, 翻閱以前的記憶".

事情, 總不會如理論/想像般發生實踐.

"以後不再犯就好"  , 雖是自私,  但有時只得如此.

況且,  你覺得人地真的在乎/ 需要你的道歉嗎?   

識我係老鼠 , 鬼記得我係邊個.

太執著舊事,  懊悔從前行事不理性/過份,   只會令自己活在地獄.

這是自己用了好幾年時間, 痛苦的領悟, 所以"以前自己好仆街" , 認左佢,  就算.

第五,  徐睿知現在被害慘,  形象好差, 雖然吾關佢事. 

唯一的解決辦法, 就是公開佢現任男友,  便可挽回不少分數.

我覺得, 我應該是最適合的人選.

徐睿知愛上我喎,  佢吾係贖罪,  活受罪,  仲係咩呀?

美女與毒L ,  係人都同情美女啦,  覺得美女從前有多不好,  現在卻以犠性自己, 贖罪的心情活下去, 愛上我.

正經的，徐睿知幾慘，愛錯一個幼稚男人搞到一身蟻。佢其他負面新聞，都似老作老屈多。

近來，留意到「不懂吵架的人」特徵，有幾項講中了我，吾怪得我若同人嗌交反駁都慢半拍，諗到點講得嚟，又俾人話我記仇小氣...etc ，所以也覺得像佢不玩sns 、本質是內向底的人，more or less 也不懂吵架、辯駁，依家好蝕底。

第六,  不好奇嗎? 為甚麼幾年前金生和徐小姐情侶間的手機對話記錄會被截圖, 仲流傳出去?  邊個會有呢啲截圖?  怎看結果都是令男方覺得 "有利男方",  當年佢亦係受害者...

所以, 如果這推測沒錯,  金生比想像中更賤, 不止幼稚, 為求脫身, 做出這樣的事.  不相愛的反轉是恨,  還要巴不得對方落地獄. 

但是, 我不禁去想,  這是不是賤, 還是只是懂得生存呢?   在香港這條界線未來只會越來越模糊,  篤灰文化, 插賍嫁禍,  想上位的人要有"功績" , 不停地要找出可鬥爭的稻草人.   

M+ 美術館展品,   電影資助,  港台,   不准屋企人用黃色蠟筆,  不准戴黑色口罩/ 投白票... 

越來越多.

--------

心情好差,  寫下垃圾減壓就好.

Cherish 27

 (i)

1-3-2021

近來, 早餐是這樣子,  份量挺多,  中午隨意再吃一個麵包就成.

也不會太餓.

不過, 很厭世就是,  屋企原來竟沒有鹽和糖.

----------

買了練習墊後,  晚上才做了兩次, 每次15分鐘, 已感覺效用奇佳.

人精神了不少, 可見長期缺乏身體鬆動下, 忽然來一下, marginal benefit 是超高的.

汗都可以爆出來.

要keep going, 變成習慣.

聽說, 只要做夠14, 5 次, 就會變成習慣.

----------

沒有忘記, 今天是亡母的生辰.

昨天去了掃墓.

現在, 墓園工人, 燒衣紙都要效率, centralized 一次過燒.

沒有甚麼可以說,  老父過身,  叫亡母睇路, 若不想在下面繼續面左左.

炒股上, 好像突破了一個mental barrier, (因為剛突破, 又不穩定了, 今日仆直), 內心挺雀躍的.

感情, 如舊乏善可陳,  曾喜歡的人已很多年沒再見, 沒消息了, 也許已移民, 仔女生了三四個吧.

姐也開始說, 要準備領回龕位,  撒去骨灰公園, 畢竟,  姐弟四人也都年紀不少了.

----------

大迷信的我,  拜完亡母, 便去車公廟還神.

聽說, 去年拜完, 不還神, 會有報應的.

但我上星期未拜, 冇乜事, 又吾使輸錢, 反而拜完, 有枝下下簽, 跟住今日即刻輸, 咩事.

戰友說,  如果你求車公, 求左枝下下簽, 應該扔左佢, 再求過, 求到上簽為止.

這是拜神的習俗呀...

我即刻在網上F5 網絡車公版.

嗯, 61, 上簽,  心滿意足了.

 (ii)

2-3-2021

求多次車公, 果然有幫助.

(iii)

6-3-2021

經過25 封一來一往的電郵後, 今天總算把輪椅送出去, 過程讓自己覺得瀨左野, 揀左個好煩的人.

當初在慈善機構登啟示後, 不到一天便收到七八封電郵表示有意接收.

可見到, 其實本地有很多人需要電動輪椅, 只是, 這個政府從不作為.

在眾多有意者中, 有些撻張卡片話佢係社工,  乜乜機構的人.

以前做金融, 啲人咪最興佢以為係邊間bank 做, 就好講野似啱啲大枝野啲, 對人表面上好似好友善, 但內裡自負睇吾起人, 自己多少都受白眼, 所以對那些社工扔張卡片過嚟就要我捐,  是會抗拒抵觸.

況且, 社工大曬咩, 拿了輪椅回去, 咪又搞一大輪行政手續審批先俾人用, 即短時間內又丟空冇人用. 

剩下的, 是個人申請, 均說家裡有被照顧者需要用.

最後怎揀呢?

嗯,  揀了一個姓 "吳" 的女士.

是自己往昔的情意結加分, 只因佢的姓氏和以前喜歡的人一樣.

很無聊或者痴線吧.

自己登告示時指明星期六日才有空交收.

這女士第一次電郵聯絡時, 便提到這一點, 像是留意到這要求, 所以順眼.

結果, 我推曬其他人後, 佢卻在隨後十幾封電郵裡想SPIN 到平日.

最後, 我發火, 再想改平日一至五, 當件事冇發生過, 佢才作罷.

當然, 佢亦說, 我不體諒照顧人又要不定時輪班之苦.

亦再當然, 我不會回覆屌九佢,  係你無視, 不想honor 接受捐贈唯一要求, 僅是星期六日交收咋喎, 咩叫吾體諒, 一星期有兩日俾你揀時間, 仲想點? 你份工星期六日輪班輪48 小時架. 況且,  如果你拎呢兩樣野嚟講, 呢個世界有乜事, 都係人地錯吾體諒架啦...

來到交收時, 可能我開始變惡, 反而沒有事發生, 準時交收完成.

那位女士年紀應比我大十多年, 偏瘦, 應該俾佢老公用.

我估啫, 沒問長問短, 那不是我style. 

刪了那位女士的電郵後, 從此再沒瓜葛.

未來還會不會再有些情意結呢?

我想, 還會有的, 因為聯想起她, 會對某些三吾識七的人稍稍偏心的情意結.

不過, 應怎都不會有 Michelle 那時留下的投影情意結.

近來, 便幫朋友去玩具店拎佢個仔要的復仇者聯盟吾知咩能量石兩粒 (我完全冇跟開復仇者聯盟)--- 為了兩粒顏色膠粒仔,  前後搞左我兩個幾鐘的一單野.

對陌生人, 我真的做不到浪費幾小時.

------------

新聞咪有時報導, 獨居老人家中被爆格, 損失了好多錢既? 

因為老人家吾太識用櫃員機, 銀行櫃台counter, 在人口老化區一係遠, 一係少 (最吾需要現金提款的中環卻大把銀行囉, 今日從上環行到中環,  渣打都有十幾廿間)  , 再吾係乜乜咩戶口又要分流, 排到嘔,  所以寧願多現金旁身.

收拾遺物, 把那些左攝右攝的現金整理後,  居然有18 萬.

我從沒想過, 原來家中有這麼多現金.

自己也不過是有些用剩的日元, 沒機會再用的人民幣, 點會有幾萬蚊.

整理過程, 除了驚訝老父塞咁多現金在家,  也會有些遺憾.

明明有咁多閒錢,  生前用來對自己好一點, 花多些錢, 不好嗎? 成300 幾張500 蚊紙, 即使去做happy伯養跳舞Nana , 我應該心裡屌, 但不會阻止. 

那些錢, 亂七八糟,  好明顯平時沒有管理, 換句話說,  佢生前吾太緊張這些錢, 總覺得幽了呢三十年一默. 

去海洋公園, 看電影 etc  從沒一起去過.

(iv)

6-3-2021

劇本, 演出都有點東拉西扯, 蜻蜓點水, 草草收場,  睇完會有種 "又係咁", 雖吾係倫敦生活呢啲人神共憤的垃撚九圾級別,  但卻有"睇又得吾睇亦不是損失" 的感覺. 大概賣點是社運活動至今的安撫抒發吧.

劇名, 應是指大學年青熱血滿懷理想壯志, 被現實社會磨蝕得像炭火的餘燼一樣.

開頭的對白還好, 有些張力暗湧, 但之後便淪為對白流, 也越來越無力, 越寫越弱雞鬆散.

演員casting , 女主角應選錯了人/ 或揀錯了演繹 style ,  都不似角色需要的感覺, 導演的處理也未夠細心, 最明顯是Gloria 對Kevin 感情的處理,  Steven, Kevin 有一幕抱Gloria , 條女點都會對有些冧那條仔態度吾同啲卦.

畢竟, 世上非禮搏懵的發生,  係條女吾妥你多過你真係做過咩囉. 好明顯的例子, 金秀賢搭你膊頭, 同我睇你一眼,  你覺得邊個會似性騷擾多啲?

咪係囉. 係會有分別架.

ending 尾聲, 真係吾知佢地做乜, 如果最後有舊燒番熾熱既炭就話啫, 但乜都冇得聲演...想點呢?

今個月還有六套劇要睇, 套套戲咁...會很消磨入場意慾, 希望不會.

(v)

6-3-2021

去年底訂的the show  周邊產品, 終於收到了.

看到那戒指, 我心諗, 好似"我係小忌廉" 裡的魔法戒指.

將來我的求婚對象也要戴得上!!!! 有石架!!! 

現代版 灰鳩姑娘玻璃鞋童話故事!!!

" Dear, will you marry me?"

so, 這個戴在手指尾都嫌細的指環,  注定了我今生 "憑實力單身"的命運!!!

(vi)

7-3-2021

在金鐘看了war horse,  很認真細緻生動製作的道具, 故事都OK , 但男主角和隻馬的關係...

嗯...我總是朝著人獸交!? 的方向去聯想, 或者將隻馬改成男童, 俾個老女人養大,發生不可說的畸戀. 但因意外被賣去鴨店接客,  發展國際鴨男業務, 最後老女人找回那個男童時, 男童已冇左JJ, 但更因此證明左, 二人之間就是真愛!!!  Salute!!!!!

(PS. 好多人都話, 如果一個女人吾介意男伴的JJ 過短, 甚至需要切掉重練, 那就是真愛, 是 Soulmate !!! 所以, 你千祈咪信結婚就是找到真愛, 至少冇乜男人會認老婆係佢真愛囉, given that "男人 JJ 短＝ 真愛 is true" .) 

沒法子, 以前看過Equu.

像這樣的演出, 看錄像就最好了,  現場看最少要7, 8 舊水,  自己不捨得, 畢竟其實不是自己杯茶.

看NT live 感受下, 就足夠了.

--------

近來有追韓劇嗎?

有看, 但沒有追, 像今星期, 看舞台劇便沒時間看了.

宋仲基套劇,  看了四集,  好劉華feel , 成日都係到CHOK...還有, 佢的娃娃臉係到扮CHOK,  感覺好WEIRD, 好似"最壞係凱婷", 令我入吾到戲,  (朴敍俊,  金宇彬那些才入格, 金秀賢都吾啱演),    所以會比較適合那些到了更年期的中女大媽睇,  母愛泛濫...

朴惠信那套, 看了兩集,  要用腦的,  比較不願, 一來用腦到最後, 很大機會, 認真就輸了, 如果劇本爛尾, 二來, 拍攝手法其實都麻麻地,  第一集飛機失事, 機艙內的混亂, 拍到好hea,   朴小姐屋內一個打幾十個, 也拍得不好看.

我一生中最愛的女人 -- 金所泫呢?  也沒怎看,  點解佢成日演古裝劇呢?  那套劇男主角好似年輕時衰校園霸淩, 所以佢係呢套劇應冇好下場.

(vii)

14-3-2021

昨看了兩齣舞台劇, 有點似回到前年三月看劇忙的時光.  

下星期六又一次兩齣.

但看完滿意嗎?

一半半.

這套NT live,  自己完全被早前那些trailer 呃曬, 看到兩個演員好有演技, 以為應該有看頭.

結果, 悶到自己曾睡著了.

劇本很一般, 陷於對白流, 全程聽那兩個老人家算是flat 的聲調, 講我不熟悉的英國政治兼當地口語,  當中的張力很薄弱, 只是來到尾段 (我醒來之後!) , 稍為有少少, 但都好弱, 更似那些為了結尾要有緊張, 驚訝而要有那種. 

(說得衰些, 就像那些床事技巧差勁的早洩男, 前戲到中尾段令伴侶都very boring不享受, 只是臨尾死勁咁衝一樣囉...俾你係女人都吾會鍾意這種性生活囉...)

舞台佈景很dull, 完全冇當年兒子因為以為母親不接受佢的性取向而自殺的創傷痕跡.

唯一可取是兩個演員真的很努力演, 戲本冇乜動作指示下, 都可以透過自己設計動作, 郁動而不會齋坐講對白.

(但係, 兩個人supposed 會在家中兩小時完全坐吾定, 周圍郁去講對白? 咁好精力? is it realistic and possible? )

所以, 導演都應該導得差. 個舞台有一半是庭園俾佢地調理農務, 會冇咁悶亦自然啲囉.

事後看了戲評, 有人用who is afraid of Virginia Woolf 來比較, 更令自己肯定瀨左野.

好的野, 幾時需要咁樣比較?

-------------

晚上看了風車草.

入場要填手提電話號碼.

平時自己呢啲情況,  會填家裡電話號碼,  費時俾人收集完吾知做乜, 例如拎去俾傳銷公司.

( 有本事就打到夠,  冇人聽既...)

不過今次自己瀨左野, 真係會打電話!!!

唯有尷尬地出番門口問人借枝筆填過...

好彩,  有口罩.

唉...

點解, 佢地會安排我坐中間呢? 咁樣搞到左右兩邊都吉左, 多了一個空位.

這個劇好看嗎? 

坦白講, 一般, 都係咁, 好過深夜猛鬼食堂咁囉, 是below 佢地的 average, 也沒甚麼驚喜, 人物設計, 對白套路都是那些,  劇本故事線有點散亂, 組織邏輯性不夠強,  雖然想傳遞的訊息幾有意思.

讓人想起 "逃避雖可恥, 但有用" , 佢地叫人做隻喪屍, 鬥長命, 雖然失去很多知覺, 都有類似的意思吧.

近來, 很多KOL 都叫人在這艱難的時刻,  " 活下去,  鬥長命" , 大概都是如此吧.

是新意嗎?

也不是, 很多很多年前, 便有人寫過這些.

如果天空是黑暗的，那就摸黑生存;  如果發出聲音是危險的，那就保持沉默;  如果自覺無力發光，那就蜷伏於牆角。但是，不要習慣了黑暗就為黑暗辯護;  也不要為自己的苟且而得意;  不要嘲諷那些比自己更勇敢的人。我們可以卑微如塵土，但不可扭曲如蛆蟲。

舞台設計雖是同一班底, 但今次的感覺是以為看了香港話劇團陳生那些作品.

風格和劇團以前的作品不同, 少了 "佈景會說話的感覺".

純粹是感覺, 也許是製作費有限,  盡量用一些現成有的資源, 借來演出省錢吧.

所以, 寫出來也不是想屌人的, 我會選擇理解, 搞劇真的很困難, 要好小心洗錢.

只是, 這樣子下去,  是讓人惋惜的.

btw, 有沒有看過杜sir 港台接受蘇玉華訪問呢?

https://www.youtube.com/watch?v=Id8RguWvjqM&t=5s

感覺劇團仍很努力地做杜sir 所說的創作.

例如, 成個劇雖不能用對白屌九呢個政府, 但劇的中後段,  掛了" 信政苦, 吾驚!   就奇!" 橫額,  條街被炸時, 在高處出現的女人的裝扮,  一看就知you know whom 面目可憎的臭X , 應是佢地盡量的吶喊吧.

btw,  我都吾算OUT 得曬, 未看場刊 ( 份野啲字太濛 , 年紀大) , 見到那年輕人咁跳, 都估到佢係造星跳舞那個.

--------

訂了 blackpink rose 的唱片.

嗯, 不是特別特別喜愛, 雖然也不是差, 但會買的最大原因是

Jisoo 未出solo.

頂住個價, 頂住個棚, 吾係到時, 乜鬼資源都冇.

Jisoo 性格和心地真的好好, 讓人真的很喜愛, 仲要靚喎.

(viii)

21-3-2021

之前未用過 ZOOM, 加上手痕, 改了使用者名稱.

跟住, 即俾admin 問我係邊個... @ @

Blackpink In Your Area !!!

如果吾係特登check 我電郵及以前購票記錄 , 應該冇人知我係邊個. (其實who fucking care 呢? )

咁好啲...

我鬼知會顯示我個登入代號咩.

------------

用ZOOM 睇, 和看現場有甚麼分別呢?

今次冇,  現場看和在家看完全冇分別,  只是畫面質素差啲, 所以成個舞台set 和演員都在嘗試tailor made for zoom viewing.

這是比較可惜的, 大概資源欠奉, 你見佢地搭個台景都很簡約樸素, 如果全租借, 應該一萬蚊樓下.

idea 佢地應該有的, 但冇錢實踐.

例如直播錄像的角度選取係吾得的.  如果是追踪鏡頭, ZOOM 的畫面會有趣得多, 而不是有些畫面雖有鏡頭, 但影像卻是空櫈一張, 不明所以. 理想的是, 鏡頭下, 是導演想讓觀眾看見的東西, 即每鏡頭, 分鏡都要計過度過,  但邊撚到有錢/ 時間搵咁多人追蹤拍攝呢...

又例如, 如果讓佢地的丈夫也看到佢地的介紹,  有三姑六婆看到佢地的自我介紹,  我覺得也會幾有趣, 當然, 又係應該冇錢做到.  

劇名雖然衰, 好似啲八婆大迷信大八卦咁,  但其實都是一場自身觀照內在的拷問.

------------

用ZOOM 導, 其實係咪真係WORK 呢?

我覺得不容易, 也受限於鏡頭角度.

譬如有一個場景, 我覺得挺奇怪的,  就是三個女人突然同場出現時, 佢地見到對方的第一個反應.

因為之前曾"偷看" 對方的自我介紹,  留下印象,  所以一見面,  總會有點心虛打突, 和突然見到陌生女人在相睇現場出現,  不應相同. ( 你準備去相睇時, 突然見到keep 到好好的前度 和突然見到姜B , 你的反應都會吾同啦, 雖然二人其實都是陌生人 )

但ZOOM 的畫面應拍不到咁細緻和幾微妙的變化.

彭應是最心虛的一個, 因為生活環境不複雜, 人事相對簡單, 也是三人之中, 最介意別人的眼光,  所以反應應最大.

Coco 的兼職, 總令佢開發出演技和臨場反應, 極輕微窒了一窒, 變恢復過來.

吳的性格, 是老娘見慣大風浪, 應最淡定, 見到兩個女人, 處變不驚, 依然大步大步走入嚟, 亦不應是遲到那一個.

不過今次演出裡看不到. 

---------

昨晚, 也看了另一齣舞台劇,  是玩得幾瘋狂的劇, 見到兩位leading 女角玩得很投入瘋狂,享受在舞台表演.

大概也請了形體導演, 今次演出, 演出的動作很活潑, tempo 也不錯.

謝幕時, 執行導演說 , 導演 (即以前興趣班導師 ) 太太身體不舒服,  所以疫情下更加不能來港執導.

再看場刊, 導演說佢太太患了不治之症, 身體機能慢慢退化.

In other word,  得知病情後,  佢一直跟太太在倒數最後的時光.

這一年,  過得極不容易,  工作量實少了許多,  太太又遇上這種病,  壓力和擔子絕不輕鬆.

知道後,  自己也不知道怎反應好, 也要想一想怎反應, 這是沉重的事情, 要謹慎一點.

最後在面書, 不tag 人,  (佢又冇在面書公開講, 即不想在面書公開講呢啲 , 咁要尊重 ) , 但講邊套劇,   在結尾加句,  "take care , get well soon"

佢若明呢句野, 我是同佢講, 固然好,  不明, 也不打緊, 反正 " 我是誰呀? ".

The purpose of 慰問, 是想讓接收者感到溫暖,  而不是要接收者知道我在向佢慰問, Logic 和次序不要混淆.

------------

已打了疫苗針嗎?

下月頭, 我會去打第一針了, 希望托耶穌的福, 打完可以復活.

邊隻?  吾係ON 9 都知, 只能揀那隻啦.

周小姐都打那隻是香港最強認證 ( 識野, 又吾使做廢物表忠 ) , 是我這等賤民accessible 的疫苗, 吾打, 仲可以打乜.

現在反而怕遲打了,  通關後,  內地有香港身分證的人, 湧曬過嚟打周小姐果隻, 到時想打都冇得打, 喊就無謂.

咪當內地人係傻得架.

打針係咪真係有效呢?

梗係吾係啦,  我只記得有專家講過, 冠狀的病毒好難搞, 會變種變得好快, 所以疫苗好難有效.

所以, 打的原因只是如健吾所講,  給世界各地政府一個藉口 --- 生活重新如常.

當係想去日本旅行的先決條件.

(ix)

22-3-2021

看到以前興趣班導師年多以來照顧病患妻子, 除了覺得那女士當年沒揀錯老公, 患難見真情.

也會想到, 置身處地,  假設面對相同處境,  我又會如何?

A1 頭版不少新聞, 都是照顧者隊冧被照顧者作結,  1) 照顧別人的壓力很大, 因為照顧,  連工作也不能做, 透氣的時間也沒有,  2) 也會擔心自己一旦無力再照顧對方, 或早過對方過世, 又如何.

看導師的戲, 會感覺到佢仲有團火想創作,  所以才會度出像今次theatre -ZOOM  equivalent 的戲, 雖然好多地方仍要執, 但總算是本地率先一個新嘗試 , (雖然都錄得不好, 但亦明顯係同就咁固定鏡頭錄吾同的) , ( 呢啲先叫實驗劇場, 吾係班死靚仔導演亂九咁嚟, 玩九觀眾, 攞觀眾做實驗品, 挑釁觀眾忍耐力那些實驗) .  

換了是你,  會放棄這些, 去照顧沒有未來可言的人嗎?

是很嚴肅沉重的事情.

從前, 我會說,  若是真的是很愛很愛的人, 咁咪得囉.

Where is she? Does she  really exist?  or it is just my fantasy,  never fall in love with the person this way.

都係吾好咁老定, 一切未proved 之前, 講乜都得.

https://www.youtube.com/watch?v=zR9tSraKGp4&list=RDMMzR9tSraKGp4&start_radio=1

(x)

22-3-2021

網購的包裝, 真的是垃圾製造大戶.

嗯, 連我都不算好環保的人, 都頂吾順那些過量的包裝.

都是去多些超巿, 雖然選擇少了很多.

--------

有一個微博活躍時期識的網友,  至今未見過真人,  前天結婚了.

很巧合地, 佢亦是自己其中一個朋友的朋友,  所以知道.

只是在佢張結婚相,  俾個LIKE 就好了,  總不成講,  " 嘩, 當年有關你老公黑歷史, 扔低你, 去做一泰妹觀音兵, 你都忍到,  你幾放得低架喎....今次掂啦, 修成正果, 百忍成金..."

咳,  記性好, 但只限八卦野,  就係咁架啦. 

當然, 我不是ON 9 的.

現在, 早已不會在微博甚麼的識陌生網友,  講平時不會同認識的人講的野.

寫在這裡,  或者, 甚至埋在心入面, 就夠.

對比起微博時期,  我會覺得,  現在我會比那時候更加認清自己是怎樣的人.

當然,  首先係一個仆街,  呢個就梗架啦.