Cherish 8

(i)

年初二, 被人開年...

尋日吾見銀包, 今天傍晚才發現.

打了五六次信用卡, 提款卡報線熱線.

一開聲就同我講 "恭喜發財".

好想回佢地, 你老味, 家下我報失信用卡呀, 發乜撚野財.

當然, 我沒有真的講出來.

但機械化指引對白, 是很不爽的.



最正常係渣打, 正常程序, 正常對白.

點解吾見呢? 吾知喎, 昨早看完乜代宗師套爛戲後, 吃過午飯便回家, 到了傍晚有親戚來訪再出門.

大概下午開始吾見卦.

吾見現金二千銀卦.

錢吾係好多,  而這兩年的挫折始終提升了逆境的抗壓能力,  再仆街的事都遇過.

所以今次冇乜感覺,  平時炒股票都會輸左啦.

只係麻煩.


幸好身分證, 八達通放在另一度, 信用卡也沒有被盜用的跡象.

算係咁啦.



話時話, 在電梯撞到上來的親戚, 佢地認到我,  話我做乜一見佢地上嚟就走.

佢老味,  成家吾戴口罩出街,  吾屌九佢地咪算客氣, 仲要招呼佢地呀.

溝通吾嚟,  就不想委屈自己.


近來, 我試過在電梯睥到有個阿嬸戴番口罩.

是的, 我很仇視吾戴口罩的人, 見到心裡都會"屌佢老母" 暗罵一番.

這種自私的人渣,  沒必要尊重.


關於口罩,  吾戴口罩出街, 固然很討厭,  所以自己現在更謝絕搭巴士.

一次過掃入太多口罩, 一次過有七八盒旁身,  其實都是有點討厭的行為.

(另一樣係,  成人會戴, 佢啲小朋友就吾戴, 乜撚事? 有小童口罩架, 懵撚...)



有一兩盒備用, 最多100 個咪算囉,  啲人係咪真係咁衛生, 除過一次就扔掉換一個新, 一日用上五六七八個呀?

吾好在開頭, 供應緊張時, 一次過掃太多, 留番啲俾其他人買啦.

有番啲Decency 好冇?

自己都算遲, 在維尼熊吹雞果日, 先買口罩, 自己當時都冇大手掃入, 買左一盒夠用十幾廿日咁大把.

依家回望, 應要買多一盒, 到時未番貨,  又邊鬼個想用中國製. ( 所以個癲婆真係痴筋,  要口罩供應, 係都問安倍晉三啦, 吓話,  你求其係條街是但問一個香港人, 要日本定中國呀?)

一句到尾,  將心比心.


話時話, 乜環球大廈地下那間藥房除了傳聞話 (我邊有機會買嚟用...淚...) 賣非處方偉哥出名外, 趁火打劫, 坐地起價賣口罩都有一手.

吾殺人放火, 都開吾到連鎖咁,  你睇下網上流傳的藥房黑名單,  睇個名點起,  已估到有一兩個做到連鎖規模了.

(ii)

27-1-2020

忽然有點感觸.

每個人都會隨時間改變, 還以為會和從前一樣, 那只是不成熟, 不理智.


(iii)

27-1-2020

初三, 開始多了食肆開門.

趁著下午茶時段相對沒那麼多人,  鑽入快餐店吃了一個午餐加晚飯.

以前,  若在這個鐘數刻意和其他食客坐得遠遠,  侍應阿姐會黑面的.

不過, 今天卻倒沒有再說甚麼.

個食客乜都吾驚, 佢可能會更驚吧, 佢沒有戴口罩的.

最近自己的, 也離了一張枱, 並不是對直相望,  這樣自己才會放鬆一些.

很壓抑的, 沒有心情講垃圾.

只想在街上無人時, 抽口煙.

吐出寂寞.

(iv)

28-1-2020

丟了銀包, 甚麼卡都幾乎全遺失了,  要用錢時當然不方便.

現在更慳住洗的, 卻是口罩, 假期裡, 要夾好曬時間, 只出門一次, 便不用頻密替換.

不過,  怎都不想加入瘋狂搶購的行列.

一個人若有十盒八盒傍身, 當然安心, 但是, 那是其他人要付出的代價.

銀錢事少,  當中, 或許有想買但買吾到一個, 然後瀨野的人.

昨看報道,  武漢有個求醫被拒的中伏阿叔,  有家不敢歸免連累他人, 醫院不收, 酒店清場, 只能在寒天中訓街.

在這個世界,  要做一個正直的人好難.


(v)

28-1-2020

情人節, 送一盒日本QC 的口罩,  係咪會更得女神歡心?

一盒點夠?

999 盒?

點計都平過買99 部iphone.


-------

很矛盾.

若明天開始不正常服務,  我就趕不及拿到新提款卡, 信用卡,  找不到月底的卡數.


(vi)

29-1-2020

有咩野驅使我會主動同人拜年, 身體健康, 財源廣進呀?

係我有傳統的中國人思想 , 定係我本身好鍾意social 呀?

係冇錢呀, DLLM.

吾問人攞利是,  點收多兩舊水挨多幾日呀...


(vii)

30-1-2020

九點幾回家時, 忘了把抽屜的口罩拿出來, 只好用一個新的.

戴了一程車, 回到家, 珍而重之用密實袋包住, 明早再用.

好似啲少男同條少女爆房, 珍而重之把佢染紅了的床單收納起來一樣.



開始有點悲觀, 對廿日後的口罩供應.

所以, 看到方健儀教人怎衛生地密密換口罩....有點無言.

鬼吾知咁樣好咩,  我有咁多口罩先得架.

更讓人惱火是, 有個白痴叫人蒸口罩循環再用, 痴得來係好固執, 吾聽人講野架.

你吾好再加蒜茸, 粉絲, 頭抽, 石斑,  撈埋一齊蒸, 佢老味.



戴口罩講吾到野, 其實係真, 啲人怪錯了醫生.

戴住講,  啲口水谷住罩內...

久了,   啲味吾好聞.

你當我係AV 女優咩.

所以, 吾講野的我, 現在更加吾想講野.




今天工作室的人開工, 搭了單也去飲茶.

太古坊那間.

只坐了半滿.

和去年爆到爆廠好吾同.  工作室的老闆因為VVIP,  更被游說午飯時間, 叫劏條幾百蚊的魚.

可見生意超差.

酒樓是高危地區.

未來應會有更多的結業潮.

唉...



今天有隻創板炒高幾倍.

聽落好吸引, 隻藥有啲效喎.

自己向來很怕炒醫藥, 因為啲政策定價RISK 太仆街.

想又想, 除非間公司夠仆街狠毒, 定期向大眾放毒啫, 吾係隻藥只係小眾.

而在這時勢,  佢夠薑索 9X% GP 咩?  有錢冇命享啦.

維尼熊第一個拖佢出去槍斃.


BTW, 希望條仆街快啲去武漢啦.

去得既話, 梗係去攞綵.

會瀨野,  先會叫李X 強去之嘛, 見條友只敢視像巡醫院,  真係...唉.


(viii)

31-1-2020

二月去澳門看劇的行程泡湯了,  演出取消了.

導師就嚟變劇場劉德華,  去年十二月在本地的劇取消,  來到二月, 又嚟一次.

看來, 藝術節將會有很多節目取消演出了.


四月的台北之旅, 還未訂機票, 酒店.

現在更加不敢訂了.

怎知道那時候, 香港會不會被拒入境.


------------
 
今周自己過得如何呢?

挺糟糕的.

今天下午更發神經,  犯了以前從來不會犯的錯.

那些白痴操作, 從來不是自己的character traits.

冷靜下來, 係到問自己, 發生乜事.

有些沮喪.


自己應該太累, 太緊張,  才會這樣子.


透透氣, 下周重新再來.