19-1-2020
剛過去的星期五, 工作室的主人宴請過去一年跟他工作的夥伴.
有兩大隻阿拉斯加長蟹, 一條象拔蚌, 石班, 再加炒飯.
不便宜.
我也被叫了去.
已冇交租, 仲去食?
人多可以點多些菜, 擺宴時會好睇啲嘛, 顯得大氣.
所以襟撈的我, 也懂得:
佢啲客未挾菜前, 自己都吾好挾. 佢地鍾意挾象拔蚌, 咁自己就一筷起兩筷止, 以及做桌面清道伕.
蟹上桌時, 也會拎手機出來先食, 顯得呢啲吾少野, 值得拍低.
後來跟舊同事講, 呢啲係以前去飯局練成的技能, 好似重操故業咁.
想又想, 雖然好耐冇食, 現在仍亳無留戀那些年出入中環金鐘食府吃過的飯局.
食飯, 自己俾錢才最自在, 好味.
--------
吃完後, 搭巴士回家.
剛上車, 上了上層, 便聽下面有乘客跟司機互屌.
"我屌你全家, 再屌你...." "屌你..." , 屌來屌去.
由筲箕灣屌到西灣河.
後來, 有個阿伯不停在後面咳...沒有掩口!!!
真係頂吾順, 趁過了紅隧, 沒有那麼多人, 換了位坐.
快要下車了, 落了下層, 有個大媽在電話裡又屌嚟屌去...好嘈.
一直屌到落車.
一個晚上, 已不計塞車, 車程時間了, 遇齊了我最討厭搭巴士時遇到的事.
所以那些肯堅持搭巴士不搭地鐵的人, 毅力真的不少.
(ii)
19-1-2020
昨, 跟了工作室的主人和家姐去了錦田搬年花.
我感覺做了電燈胆.
沒有甚麼放閃的舉動, 但看得出關係不一般.
醒水的我, 知道自己的用途是跟貨車回來.
那貨車司機本業是做二手車生意, 很識講野, 開口埋口話自己抵得諗, 吾計較.
不過, 當他知道自己走西隧, 而不是跟在後面, 行大老山加東隧, 俾貴左隧道費, 便不停在我耳邊講, 自己今次搬貨吾係賺好多....etc.
"係囉, 搭的士都三百幾啦, 至少..." 我只能這樣回應.
吾通我會講, "長沙灣租架貨VAN 去太古, 百幾蚊咋, 家下俾五百你, 你有著數啦. "
我吾想俾人掟落車囉.
後來, 佢早過家姐到了太古.
本來, 佢不想幫手抬年花, 咁我都明白的, 雖然佢頭先係到狗吹話幾抵得諗平時肯幫手搬.
正所謂, 吹還吹, 真係要做, 咁係另一回事.
不過當佢聽到說要等多一會, 就二話不說, 自己抬起年花搬起來, 阻都阻吾住.
本來, 佢都叫我幫手抬一抬的.
但係, 論盡的我, 搞到佢俾貨LIFT 挾左兩次後, 就叫我行開了.
嗯...我知佢心裡係到屌九我...但我無心架.
不過, 佢看車倒是挺熟稔, 佢一見到工作室主人的車, 便說是新車, 落地吾夠一星期.
準過風水術數.
但又不過, 佢看年齡又很差的.
佢以為我家姐係我細妹....
我家姐大過我八年架!!!
乜我個樣依家殘得咁快咩?
(iii)
19-1-2020
由於新車剛落地, 工作室主人還不太懂用車內的設備, handfree 電話, GPS 導航.
佢問我架車點, BENZ CLA 250 .
吾平囉, 我點鬼知點解賣成幾十萬.
坐得好穩, 吾會似坐貨車咁DUN 囉... (撞鬼咩, DUN 過貨車就死啦...)
之後, 佢已冇再問.
我是dead air 王.
我都吾喜好車.
不過想一想, 如果我有一架車, 我會買架大車, SUV 之類, 但吾係貨櫃車, 或七人車呀吓.--
自己坐過朋友們的車, 自己總覺得坐得久了, 車廂內的空氣不流通, 有點缺氧的感覺.
當然, 這種感覺從來不會同人講, 呢句野, 得罪人多.... 我又未算懵成咁講出來.
大架車, 空間大些, 空氣好啲卦.
同埋, 我亦憧憬將來有機會同條女玩車震的一日!!!!!
細車, 一個人坐直身, 已差不多頂到車頂.
車身又不長, 咁仲點可以拉平座椅, 再來人疊人, 甚至乎女上男下?!!!!
陣間條女係咁搖, 下面就拍拍拍, 上面就彭彭彭, 搖搖下撞穿車頂, 卡住個頭, 到時叫埋消防吾慌吾震驚70 億人類!!
但係, 我仲好奇嘛, 點解要係架車到搞野, 好舒服架咩?
這是繼情侶愛一齊玩花灑浴拍拍拍之後, 我亦好奇的事.
中女港女, 年輕時有機會玩, 自然吾希罕三四十幾歲時仲玩車震.
未玩過車震都吾算叫做拍過拖.
所以, 我若有玩車震的一日, 條女的年紀應最多只有我一半.
大家都未試過, 感覺好啲.
(iv)
19-1-2020
有車的好處, 是比較自由地四處去.
譬如下午去攞年花, 還有時間趕得及在關門前20 分鐘去到黃大仙.
我是第一次見呢個野.
雖然廟內已吾俾再燒的了, 但只要你俾錢紙衣店的人代燒, 也是得的.
感覺好像知道特殊的拜神秘技咁.
過了年, 根據傳統, 要再去拜車公開運.
黃大仙, 關公, 財神, 土地......
自己早晚會變成專業拜神戶.
(v)
19-1-2020
忽然, 找了電影"秋天的童話" 來重看.
經典是依然歷久常新.
"Table for two?"
這句對白, 外界視為經典之一.
每看一次, 都嗒出當中含蓄語帶相關的味道.
既是餐廳侍應會跟客人說的常用語, 也是在邀請久違的故人入內相聚, 帶有二人重新開始的意思.
(vi)
21-1-2020
今天重回十多年前戴口罩出門的日子.
好痴線, 成條街十個有九個吾戴口罩.
維尼熊都出聲, 你吾驚?
那一年在做甚麼呢?
在讀十九碩士課程, 也戴著口罩考CFA.
十多年過去, 讀碩士時讀過甚麼, 全都忘記了, CFA ethnics ? 食蕉啦.
好像浪費那些時光, 白費那些努力付出.
怎知呢, 果時.
很多野, 未試過, 是不會心息的.
除了表白.
胡亂表白後果很嚴重, 我不用別人提醒自己第三次, 也不會有第三次.
現在和過去相比 , 情況差不多, 仍在為未來努力, 日子也過得不容易.
怎都好, 日子難過, 關關過.
沒有留言:
張貼留言