今早醒來，記得自己曾造夢。
很久已沒有造夢。
夢中，我追到陳慧嫻！
二人一起手拖手行街，去餐廳吃意粉，並在那裡見到林敏聰並被取笑。
我是不悅的。
陳慧嫻說我不夠大方，我連忙道歉，並握著她的手。
她原諒了。
之後，我送她上學！問她去那間課室，她說924。
來到九樓，不看路牌的她還在四圍望，我已拉著她的手行去課室。原來她今天要上家政課。
忽然，我醒了。
醒來，有點尷尬，來到這年歲，還會幻想和偶像拍拖，還會幻想初戀。
也有些遺憾，反正造夢拍拖，怎麼不去夢見S?
我和S 去沙灘日光浴，她穿的是火辣紅色比堅尼，而我則在幫她塗太陽油。手遊走圍繞擦過山巒起伏、熱情成熟的山丘，那種手感和刺激，我的心跳好快啊！
來到這裡，忽然我明瞭，我原來已不純情，甚至變得猥瑣。
還好嗎？ 今天的妳。
Sent from my iPhone
(ii)
28-1-2019
如果讓她知道我曾有一刻FF 想替她塗太陽油, 她多半毛骨聳然, 有衝動報警吧?
不過真的好難架喎, 吾通我會FF 現在的夏蕙姨咩...
當然是幻想一個很漂亮的女人.
(iii)
28-1-2019
工作室的主人每年都會辦年貨, 買一大紮年花放在工作室, 圖個意頭.
未試過工作的地方有咁大紮年花, 所以感到很新奇.
後來, 見秘書小姐擒上擒落, 掛上裝飾揮春, 新年的氣氛更是濃烈.
和從前很不一樣的工作環境.
聽說, 繞著年花走, 會行運.
我最大想頭是, 李首富個孫女愛上我?! , 不過遭家人反對, 於是俾了廿億港元掟煲費給我.
之後, 我就有錢請幾個女秘書了.
(秘書, 是支付fixed salary, 情人則floating, 又要買手袋..., 但我可以叫秘書除了做日常事務, 仲可以陪我食飯, 看劇, 出埠...只係冇咩咩啫...計落條數啱數架...)
(iv)
29-1-2019
和歌迷會的朋友新年飯.
來到九點半, 已斷電, 很累.
所以, 隔離條友彈汁彈到我件裇衫瀨曬野, 我也遲鈍到不知反應.
又一年.
稻香是平, 但真的不好吃.
新年會做甚麼呢?
年初一, 看戲, 避開僅有的親戚來拜年.
之後, 最好有美股炒...
補眠.
或者, 重看一次男朋友或金柲書也不定.
(v)
30-1-2019
不情願, 還是去了前上司公司開張酒會.
西裝都吾想穿, 因為一穿, 又要拎去乾洗!?
四時半迎賓, 六時致辭.
我真心忙到五點四才離開工作室, 來到中環五點八.
唔...都係太早.
所以繞了一圈, 從皇后像廣場那邊出地鐵, 拖下時間, 五點十才抵埗.
佢贏, 六點二才講野, 但我都吾差, 佢一開始上台講野, 我就慢慢退到會場入口, 佢一舉杯, 我就六點三閃, 廢事逼地鐵逼到hihi.
當然, 怎縮都好, 我都攝了位影張合照, 證明我曾經來過!!
"恭喜曬, 生意興隆!!" 呢啲初階級演員都會講的野, 我都識講.
不過, 佣金又吾係收得平, 冇乜服務, 寫字樓在中環, 三四個staff, 每月固定開支廿萬是最少.
真係志不在此, 只係志在有平台做其他野.
有沒有見到以前的老闆?
冇.
咁咪好囉, 有乜好見, 出了那間公司門口, 恩怨兩清, 沒拖沒欠.
我吾會似另一個前上司咁走了十年都會唱佢, 亦吾會幸災樂禍, 但也絕不會同情關心就是.
除了一些人, 仍可觸及心中柔軟的地方, 我其實已變得好絕, 泠漠.
況且, 我有乜好說話講呢, 對舊老闆?
" 喂, 你吾知你公司有個staff , 現在日日中午都上前上司的office , 幫佢買焗豬扒飯架? "
講呢啲? 潤佢點摳門, 但點都係蝕俾人?
Are you sure 需要咁無聊小學雞?
-----------
舊同事說, 你去酒會咪好囉, 有野食, 有女睇...
有啲女係大波既...deep V 又短裙, 好似吾怕凍咁...
應該係前上司平時社交識的.
所以今日見吾到佢老婆.
我有冇望?
一眼囉...吾會特別望, 也不會好想目及, 不會死死盯住人地的衣領.
戰友說啲女好正, 我都會搭咀話" 係呀,好大波..." 但其實冇望過, 都吾知佢望邊個, 好敷衍.
我平時在劇場望的, 先叫吸引迷人...
我識野, 見過世面架.
曾見過最美麗迷人的女人, 平時就會心若冰清, 處變不驚!?
我是有深度有品味的男人.
---------
看到其中一個舊同事跟了前上司跳槽.
都替佢高興的, 至少可以拿到RO 牌, 將來多條路先啦.
雖然, 都很噁做就是了.
但出來都威架, Director.
我就未試過做到咁高級, 雖然, 我無聊過頭, 現在俾幾千蚊開間公司, 都可以自封...
算啦...
報稱商人, 董事 都係上生果報頭條...衰非禮強姦影裙底春....
你估我會因為成為傑青咩...
我又吾理政治, 討厭政治.
(vi)
31-1-2019
不經不覺.
一月, 就這樣過去.
忙得累得, 沒時間和閒情, 好好的沉澱消化, 想清楚朋友回應自己兩年多以來一直感到困惑的事情.
何處惹塵埃.
要好好地生活.
沒有留言:
張貼留言