4-4-2019
見識少的我, 乍見這間酒店被植被包裹, 看上去很型格似的, 用來打卡幾好咁喎.
心想應該住宿一晚不便宜.
在網上搜尋, singapore, green, hotel 之類, 倒找出這間酒店的名字.
上Booking , 也找到房租價錢. ( 早前trivago 俾人唱衰搵笨, 不知是不是真的, 好得閒咩, 間間訂房網都格價成用戶, 我這輩子最想是在 go open room 訂房...同個靚女一起經歷大英帝國的維多利亞時代, 旗不落日?!)
Oasia Hotel Downtown 原來都吾係貴咋喎.
不過, 諗吾到咩原因突然想去新加坡.
想來都有廿年冇去過了.
(ii)
6-4-2019
(想像中) "我的女友" no.1 Rachel 下周有新劇播了.
花了時間重溫劇集金秘書.
有時候, 我在想, 究竟是鏡頭角度, 還是PS 得好.
女朋友的臉時尖時圓的, 低抄的時候更有雙下巴.
看到這張相的時候, 我的下巴和眼球, 險些跌左出來.
真的很誘人啊...
(男人啊...都是這樣的德性...如果在劇場, 都有靚女穿成這樣子就好了 .)
心情好, 情緒高漲的時候, 要睇靚女.
情緒低落的時候, 更加要睇靚女.
其他的, 收在心裡便好.
(iii)
6-4-2019
上月去了家附近的麵館雙生館, 當時跟店主說佢做的食物很有心.
昨天再度光顧, 吃了另一款豬肋骨條麵, 也好吃.
吃的時候, 見佢在放涼四個剛出爐的大麵包.
埋單時, 即興買了一個.
店主說, 佢地用乜乜乜, 所以麵包不會吃起來有酸味.
( 麵包有酸味, 像標榜是天然酵母嘛, 吾酸就化學合成....類似咁啦, 現在的潮流...)
我雖然有得揀都想吃天然, 但卻麻麻地麵包有酸味, 更怕遇到過酸的麵包, 感覺上像吃了變壞的.
不過麵包沾黑醋吃, 我卻OK 喎...
稍有檔次的西餐廳才有黑醋送麵包嘛...虛偽的我自然吾抗拒這時吃進口的麵包有醋酸味.
嗯, 扯遠了.
回家後, 拿這出爐不久的麵包作下午茶.
嗯, 也真的幾好吃, 和店子的形象相符.
吾知這家店可以挨多久呢?
(iv)
7-4-2019
我本質是一個八卦無聊的人.
所以當看到日劇 " 老公的小弟弟插不進來" 字眼, 心裡很自然的嘩了出來...
當然不是咸野啦... (很失望吧...?!)
詳細沒有看, 只知日劇是由一本短篇文集改編而成.
http://a5511867.pixnet.net/blog/post/66237606-%E6%88%91%E5%B0%B1%E9%96%8B%E9%96%80%E8%A6%8B%E5%B1%B1%E7%9A%84%E8%AA%AA%E4%BA%86%EF%BC%8C%E8%80%81%E5%85%AC%E7%9A%84%E9%99%B0%E8%8E%96%E6%8F%92%E4%B8%8D%E9%80%B2%E4%BE%86%E8%A7%80
"插不進"只是物理上的結果, 更多是關於social norm, 兩性, 二人相處的討論.
都是大概知道就算, 畢竟要遇到這些情況, 首先我要.........blablabla...
況且, 可能吾係女方問題呢...吾俾我係軟派?! 呀 (我啋...)
嗯, 我由八卦mode 轉去認真mode.
想講的是, 用甚麼lens 去看一件事情, 就會看到怎樣的答案及領悟.
這些都是陳腔濫調.
標籤化, 代表簡化, 雖然便利, 簡化生活, 但也省略了當中的細微變化.
(v)
7-4-2019
三日假期做了甚麼呢?
休息, 主要是睡, 補眠, 整理一下情緒.
也上了兩天健身室.
趁著今月沒看劇, 也補回了之前未寫的看劇筆記.
今年至今覺得很好看的, 沒有一套是本地製作.
887 , Julius Caesar NT live是最感滿意的.
(vi)
9-4-2019
嘗試訂票...免得歌迷會途徑的日子吾啱心水就煩.
從早上十點到下午四點半, 都是失敗的.
看到每三秒refresh 一次的畫面, 令我領悟了人生小道理.
買演唱會飛, 不是同我想追o靚模的行為冇分別嗎?
明明好似就嚟得, 但都係吾得, 只差一點點..
世上最遙遠的盼望不是由三藩巿望去鹿兒島, 而係在urbtix 望住三秒又三秒....
不斷loop 落去...
直到永遠.
o靚模真係好難追, 同買演唱會飛一樣.
叔叔不行了.
話時話, 看IG 留言, 有人成功買到飛, 八點開始打電話熱線,
打到十點開售, 吾斷線, 真係work 架咩?
我未試過喎...乜吾係線路繁忙, 自動cut 你線架咩?
聽日到毛記劇.
其實好厭...
--------------
話時話, 看到宣傳裡, 其他演員: 楊偉倫...
心裡打了個突...好大細超.
假假地拿過最佳男演員獎架...
呢幾期都多演出, 藝術節的九江都有搵佢...都吾係行內撈到好霉啫.
我知, 其實只係關乎叫座力, 賣吾賣到飛啫...同演技能力冇關.
這也不是supposed target 平時看開舞台劇的人.
但感覺仍是很weird...
其實, 做乜分大細.
所以有人並列, 又吾會少條毛...做乜咁計較?
從另一個角度, 做舞台劇演員吾易撈, 有job 就要接, 要享受演戲, 吾好計較呢啲虛名野.
(vii)
10-4-2019
訂到了, 但, 會退款嗎?
第二三選擇已揀最衰的時間了.
想來, 網上填表, 電郵方式, 入數紙, 雖然好山寨, 但其實都user friendly, 相對網上售票系統.
至少發完電郵, 入錢, 就OK, 省時好多.
不過都是規模不同.
現在係幾萬張飛, 做死票務咩, 得幾條友.
不過, 短暫的婚姻果時, 都好順, 冇今日的問題喎.
內地的票務系統, 咁樣應該超級堅, 淘寶雙十一更是最強.
香港這方面, 是落後的.
現在是server 頂吾順, 而situation 是occasional traffic peak,
要服務商好似巴巴咁勁, 是強人所難.
下次試下 through 香港電視個購物系統啦...
應該兼容卦, 反正都係購物.
扯遠了.
希望朋友明天幫我撲到容祖兒...
我吾想下周又輪迴又要搞呢啲野.
(viii)
11-4-2019
買吾到...
不如買黃牛算囉...不是沒想過這念頭.
開巿時間做埋呢啲野...其實機會成本幾高, 容易分心.
像今天, 解讀錯誤個巿做錯trade , 本已晦氣, 仲要load 售票網load 十世都入吾到去.
算啦...都係睇dvd 算, 黃子華我都冇買黃牛啦...
不想助長.
近來的新聞已很灰的了.
那九個人判刑, 仲有人話佢地追求好名的自找etc.
好痴線的, 同條冚家鏟日日數生果報有幾多全版廣告冇分別.
或者有人認為做議員為左貪十幾萬薪津一樣...
"但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲。"
大概, 我今天仍未變了這準則吧.
雖不想公開講政治, 但跟隊簽petition 反移交逃犯條例, 倒還是會做.
(ix)
13-4-2019
不言而明.
不是說政治, 或佛地魔, you know whom.
而是有些場合, 別人沒有回答, 沒有回覆, 那便是一種沉默的回覆.
追問下去, 便是自己做人不夠世故敏銳.
昨天和一位朋友吃飯, 佢提到買到容祖兒的演唱會, 那時還多出一張, 並說若還沒有人認領, 便可給我.
今天, 冇下文.
所以, 明白了.
不應追問, 免得大家煩.
另一方面, 也沒有問另一位朋友, 為甚麼有人說好容易訂到, 卻又訂不到, 是不是hea 我之類的提問.
訂吾到, 就訂吾到, 問下去, 也只是尷尬, 也好像在質疑別人的誠意.
"溝通, 坦誠對話, 是打破隔閡, 或澄清誤會, 以至自以為是的想法的方法."
你還會相信這個想法嗎?
以前, 我應該是的.
現在, 想來, 其實有兩個prerequisites,
i) 值不值得.
你理得人地點諗你 / 人地理得你點諗佢地, 好得閒呀.
ii) 彼此之間還有沒有信任.
若沒有信任, 怎說也是欠意思的, 有時候反而越描越黑, 不說, 把事情丟淡, 可能會更好.
社會處世遊戲規則是不言而明, 我也只好學習適應, 世界又不是我想點就可以點.
只是, 感覺就像用whatsapp 留voice message, 而不直接打電話一樣.
Shall we talk
https://www.youtube.com/watch?v=7MO58UGhZdk
不過, 是時代不同吧.
巿場推廣, 以前會說4P, price , product, promotion, place.
現在這概念已不足, 並過時, 現在興講SAVE, solution, access, value and education.
就像未讀中學前, "男女應否有婚前性行為"會被拿來做辯論題材, 現在則是男女拍拖前應否有性行為" ( 性生活不協調是大問題, 試左先, 免得浪費大家時間).
舊有的觀念和價值, 怎去和時代變遷 strike a balance, 是中年人要面對的問題.
------------
鄭小姐的訂票方法出了.
歌迷會官網說, 每人只限買兩張, 並要是980.
有點失預算, 有點肉痛, 980.
回不到入會費的成本.
把兩張讓俾人, 我睇空氣, 但剩下一張, 又多了出來, 感覺"好吾抵" ,
對不起我花了兩年多的時間.
看看有沒有機會買到兩場各一張, 然後再把其中一張原價轉賣.
點解吾一次過買兩張?
傻的嗎, 同個三吾識七的人一齊睇.
我估, 應該會有些歌聽得感觸, 會眼淺.
沒有留言:
張貼留言