Voyage 16

(i)

30/12/2017

家人臨時又約食飯，想起家姐說過想吃串燒，試試碰運氣。

居然給我約到。

地點很方便，在銅鑼灣時代廣場後面，只是店舖是樓上舖，openrice也沒有，有點best kept secret 的感覺。

我懷疑其實店家經營是踩灰色地帶，那裡不是銀座式商廈。

看到店家有點緊張應對陌生人，也不好開名了。

不過店家其實很友善。



食物好吃到呢，應是我今年, 及最近兩年, 吃過最好吃又平的串燒，好過馬頭圍那間炭樂。

燒飯團，外焦脆內裡仍軟；燒鱔那層鱔皮脆口到呢...油份又足.

明太子雞翼...好吃...牛舌...我encore 了一串.

五花腩都正架.

有點後悔預訂時, 沒有人人兩隻鮑魚和兩隻扇貝.



3個人才1052元.

忍不住事後發電郵給付費食評的作家分享。

極少做這種事，可見我吃得很滿意，很想跟別人分享。

我其實未夠喉架，很想encore吃多一次。

不過要自己帶酒，沒有酒牌。

(ii)

31/12/2017

早上一口氣看了大娛樂家和coco。


大娛樂家，不能說差，不過一去到歌舞劇，自然會把它和La La Land 比較，相形見絀。

其實有啲位好怪，譬如開頭男女主角在天台跳舞，我嫌佢地跳得勁過頭!!!

是很明顯的動作設計，有點過火，沒有lalaland那般相對自然。

男主角的事跡的張力也不足夠，story telling很普通，即不會他陷入絕境時，令人緊張佢點拆掂。

同埋，真係不會信佢冇搞過那個女歌星囉...

男人喎...佢係男人喎...

吹都吹第二樣啦...男人有錢吾身痕, 吾搞三搞四.

我覺得是很普通的一齣戲，很多情節都很過場式，但又俾廣告吹到拿獎熱門影片呃左.


Coco.

都OK, 但自己沒有喊濕紙巾乜乜乜...所以啲港女應會覺得我冷漠冇人性冇親情冇理想.

遺忘, 親情, 夢想.

不過都認同坊間的講法, 動畫是給成年人看的.

我鍾意 Inside out多啲.


還想看Paddington , 星戰, 血觀音, 大佛...

不過應該看不了那麼多.

落畫快過自己看電影的速度.


從這個角度，九龍公園其實都幾靚。

幸好佢起得早，要不然，早被挪用來起樓。

巿區真係冇乜綠色。

(iii)

31/12/2017

今月沒怎做運動.

一來忙到痴線, 二來也病過.



今天去鬆筋.

教練問我那裡緊...

我梗係吾會講爛gag , 話手啦...月底嘛..

好熟咩.


扯了成個星期的肩膊, 按完之後真係鬆了些, 沒有那麼扯住...

我知, 我若不改變工作習慣和姿勢, 遲早出事.

現在單在office便已工作 10小時.

基本上很專心 望住2個27吋芒, 1個24芒.

我條頸會冇事, 那就見鬼囉.


(iv)

早幾日食飯，朋友給了兩包舒淇麵。

很開心，因為一直想買來試，只是不方便寄去公司。

好像和舒淇一齊食麵咁...

生活小確幸。

(v)

31/12/2017

因為想看安室最後的紅白, 所以才看紅白直播, 一邊寫blog.

松田聖子可否不要那麼pinky , 我吾係咁頂得順...雖然我會聽她的舊歌.

松隆子...呢啲咪有氣質囉...雖然年紀大了, 但落落大方, 很耐看.

有村架純...真係好鬼正...係男人都鍾意.



(vi)

我吾係咁識欣賞安室出場, 地下天橋爆光爆到咁.

件衫的cutting 完全被遮蓋.

怎都好.

I 'll be your hero...

可以去食晚飯啦.

睇到十點半...



(vii)

2017 最後晚餐是接近12點前.

睇完紅白, 搞咁耐, 搞成個幾鐘, 因為要切開原隻羊腿!!!

是住在紐西蘭的親戚的手信.


我現在先知, 屋企啲刀係吾夠鋒利...

但洗濕個頭, 唯有慢慢割...手軟...



疱丁解牛呀...疱丁...

你做乜要切羊腿...落街食仲快啦...

羊扒搭清酒?

係怪雞架...我又吾想開新枝威士忌.

隨心就好.

不過我都有底線, 係會用清酒杯飲.

btw, 新年最後的learn a new thing : 煎扒前, 我終於記得用廚房紙抹乾隻鑊.

我冇再俾食油彈到hihi 呀!!!!

我識得照顧自己啦!!!!

Voyage 15

(i)

自從搬了位後，像走入雪房，那裡是全公司最凍的房間，封曬出冷氣口還是凍到hihi。

平日，這間房的部門七八個人大都出去見客跑數，結果 8 成以上時間只有我和同事兩條友，在三四百呎的地方做自己野，係夠安靜，但真的好撚凍，想過買暖爐添架頂...

又凍，又冇人理，冇人望，所以跟同事每天都像去了日本，穿得很厚，落街買外賣也穿得少過在房間。

嗯，我的膝頭還披了一條毛巾保暖，像一個坐在輪椅上的老婦。

所以，我的聖誕禮物最想收到的是一條毛毯。


話時話，啲女咁凍仲著裙返工，係咪嫌命長，搏請病假?


(ii)

同事說，今月我寫/改的三份applications，其中有一份應該OK。

老闆跟他們說，中午還請了同事去陸羽飲茶。

但係我完全吾知囉...

野就我做...人工又吾會加...

擦鞋有飯食果啲就更吾L 預我...


乜我好想去嗎?

吾係!!!!!

去到咪搶幫老闆斟茶,不會自在.

又要睇臉色, 點心又吾可以隨心嗌.

老闆食80蚊碟頭飯, 就不能嗌75蚊樓上...


都好既, 至少出年少了一單麻煩濕滯野.

好好玩咩...睇ordinances , guidelines, 幾個月的交涉信件.

我英文又差...

我幾廿年冇考過Usage of English , paper 5呀...

頂....


(iii)

有時看人不能看樣子。

條友做保險的，平時客客氣氣，但寫信俾個官時，係下下屌柒對方......

話對方不合理, 做錯曬...

咁人地又點會俾面你, 俾個牌你...俾我都執正嚟做啦...咁撚串吖嗱...

It is unfortunate /disappointing ...乜都認契弟, 保證會全力合作...

咁寫吾使人教架..吓嘩...

求財不是求氣啊...

但係...我和條友企埋一齊, 人地實話佢識做人過我好多...

灰......


(iv)

教人不得不更加喜愛她。

抑鬱，或者我應曾有過的鬱躁，真的很不好受。

要有耐性等待，不要焦急，咬緊牙關，總會過去的。

(v)

我很愉快。

(vi)

25/12/2017

手痕又去扮"鬧"人...我覺得係扮囉, 因為我係改寫強國外交部捍衛領土的一貫官腔.

原來會給人認為是劇透...係乞人憎的.

所以...難怪以前在這裡寫垃圾會給人搞.

呢個世界冇死錯人.

現在知道了, 也就不會再公開post這些很花時間寫的垃圾了.

我只是無聊, 不是痴線搵人撩交嗌的.

俾人鬧前, 要先鬧左自己, 是要贏人先要贏自己的歪理版.

自己鬧自己打turn 的感覺如何?

好weird, 但其實好無聊...

都吾好玩和有趣的, 繼續睇鬼怪小說好過.

其實，呢度再長少少。



忽覺得看戲是好悶的事。

人人只講看後感受, 那些這些演得好看好笑.

沒有人想講怎做, 點解要這樣做.


以自己粗口口出成章的標準, 今次真的很客氣啦...

我都知, 我寫得吾好, 吾入流, 除了字多便沒內容, 所以冇人想同我講呢啲.

但真的有點悶, 今年已覺得像重複又重複地入場看劇...

坊間只一直評論演出是難看或好笑, 但不會評論做了甚麼, 點做, 先會搞成咁.



誰誰和某某的看戲感興, 關我鬼事.

我只會對我會care的人的感興, 有興趣想知.



把時間留在做自己會開心, 覺得有趣的事更好啦.

本打算假期去看broadwayHD 裡的片, 應該又係得個講字.


試過兩次, 真的, 真的不會再去扮鬧人.

回想, 自己很無聊, 假期毒撚綜合症候群?!

好彩冇人知我係邊個.


怎都好，都OK 啦，我的嘗試只是失敗了。


(vii)

今早家人突然約飯，不想費神便揀了早前看過的收費食評推介。

在iSquare 主打九州食材的日式料理店。

不是便宜，跟許多本地高級壽司店的午餐價錢同一檔次。

不過食材的確不錯，可以再來。

做公務員都煩的，遇到像楊偉雄那類"我見過乜乜乜"就扮曬野、想搏升職令退休金再豐厚些的人。



真的不覺得身邊那一個，打算退休後留在香港。

至少今天我不想，沒有甚麼好留戀。

(viii)

25/12/2017

其實只是借口，聖誕禮物。

到了自己出來賺錢的年紀，想買就買，怎會等聖誕。

怎麼不買itunes, 或聽moov 就算?

她是少數令自己有想買碟的慾望嘛.

一本小說好不好看，拿上手若很容易一口氣便讀了大半，便是好看的類別。

電視裡有些看不明白的無謂細節，在小說裡有得解...

心裡有一點難過, 憂郁, 但又突然覺得甜蜜...

 一邊讀, 一邊勾起看電視劇裡演員的神態....

听啅...作為香港人, 會看不慣這樣的翻譯...

(ix)

26/12/2017

這幾年我最怕遇到的是網絡公審.

近日因為手痕, 所以在網上俾人鬧, 雖然自己扮吾識!?, 也有鬧埋一份.


忽然...

腦裡像click 了一聲.

其實都冇咩大不了呀...

我感覺都冇乜野...係有少少吾開心和覺得被誤會.

但係...吾好以為出發點良好, 就要人地老奉明白你至得架.



只是不會再怕, 並不是熱衷生事.

不怕是人言, 而是怕浪費時間.



好似好衰咁, 把自己的解脫建築在別人痛苦之上.



如果, 真的俾人起底?

梗係吾認.

係咁架喇.



用了快三年時間才跨過去.

挺漫長的.

放鬆了.


今天是boxing day.

拆禮物日.

looking forward.


(x)

26/12/2017

每的聖誕或新年, 總會去赤柱BBQ.

(xi)

27/12/2017

早兩個月前, 加入了付費食評群組.

搞到我好想成日去台灣日本吃東西.

今天收到寄來的咖啡包.

素未謀面, 收到這些, 感覺很窩心.

A view from the bitch 6

(i)

有票賣，冇商品說明。

吾知故事講乜，吾知邊個寫，邊個導，邊個聲演。

30蚊都係錢囉，更貴係我啲時間。

劇團真係冇乜heart去做野...或者好大細超...

更新資料吾係咁難啫, 吓嘩...

香港啲劇場人, 似乎不重視讀戲...

好多劇團淨係賣飛, 吾會及時提供讀戲係讀乜...

(ii)

作為一個bitch，見到Art Fest 寄呢本野嚟，會嘈生曬。

郵資不便宜，製作不便宜，但內裡沒有甚麼看頭。

不環保。

只能在人人有份、要送獎品的場合，作為禮物/紀念品囉...

(iii)

2017 年看舞台劇、演唱會、電影的記錄。

咁就幾萬蚊了...

其實，用來旅行好過...

看劇紀錄整理

到年底，我再次回顧今年看過的演出，看了60場次，比前幾年少了。

我今年給回歸 -3 ，是有史以來的低位。我越來越刻薄，畢竟我今年多了讀劇本，付出的時間多了，看到演出不知所謂，也會更刻薄，因為被浪費時間和金錢的感覺更強烈。

依然不太愛、也少看新晉導演和編劇，嫌他們掛住玩效果、玩寫作手法/爆爛gag取悅觀眾；自己雖少了看，但聽其他人中伏的怨氣，也知道今年情況沒有改善。

有得俾你導，劇本上演又如何，出來作品差，口碑搞成咁，頭一兩次叫支持香港劇場發展，第三次放過我吧，那只會令人將來卻步，像胡境陽正正經經寫劇本，將來有演出上演，才會有興趣看。

有些導演好像停了下來，手法技巧變得很老土。曾反映過，不愛聽，那就算，不再入場看該劇團罷了，省回啖氣。

看了60場次，當中25場次不是香港劇團搞的。會想出門看多一些其他國家舞台劇演出，有過瀨野的，譬如躍動非洲，但當中只要看過"等待"，卻又會覺得還可以接受。等待果陀，雖然票房不濟，但其實很好看的。

看完又係咁的舞台劇，其實怎有非看不可的慾望呢? 

喜好序:

時間序:

Xmas Singing Show

自從數年前停了學色士風以來，第一趟去細場聽音樂。

想來，今年應該是第一次看張小姐表演。

總算有點過節氣氛。

Sent from my iPhone

-----------

還是第一次看張國穎挺有女人味的樣子，已屆中女，係會加分的。

也是的，平日佢在劇場的costume，不會令人覺得佢係女人嚟架。


演出挺好的，除了唱得好聽，也圍繞聖誕節分享了各人有關聖誕節的感想，譬如表演者要在這掙錢的節日工作的苦樂辛酸，家人慶祝的回憶，有信仰的唱詩歌和唱詩歌背後拯救一條生命的故事。也有關於這個日子世上曾經發生過的事，聽到劉曉波在這天被判刑，不由得沉默。

Voyage 14

(i)

19/12/2017

其實, 好厭的...

正正經經做新聞, 卻要搞成咁.

並見到留言還冷嘲熱諷.


其實, 香港將來變成點, 對自己生活不會有太大影響.

可以完全吾理的, 反正沒有下一代.



不過吾捐吾得.

總是有點不捨得.

特別是當看到內地的記者為了做新聞, 付出怎樣極為沉重的代價時.

既然香港還可以, 怎可輕易放棄新聞自由?

7時才下班，今年比前數天好，11 個鐘啫...

路過文華東方，剛巧店家在派炒栗子，一包三顆，仲夠熱架。

生活的小確幸。

It makes my day.

旅行有錢，真係想住文華。

(ii)

20/12/2017

我開始懷疑最後會爛尾，才寫到第一場自己看到甚麼，有些情節也開始模糊。

我還想寫角色構建啊...

還是有衝動投稿去中伏page...貪佢匿名...胡亂寫些割櫈原因就好...

再看看...


(iii)

20/12/2017

巿淡的一天。

早點下班吃程班長去。

擔仔麵，大碗不及小碗香口好味。

可能個麵的portion 大左，分淡了配料的味道。

比例原來好重要，小吃多滋味。

下次都係吃小碗。

A view from the bitch 5

(i)

記得幾百萬年前上興趣班時，導師吹水提過這個劇本。

當時覺得很有趣，原來二創可以咁玩。

知道NT Live 上畫，自然會看看。


整體都OK，導得流暢，只是感覺有些minor 位應可以好些；對白節奏太快，跟到有點累，不過若不快，演出隨時現場三個鐘 (NT live 版三小時, 其中有近半小時是介紹The Old Vic 二百年乜乜乜...所以可以遲入場...同埋看錄像環境, The  Old Vic 雖夠classic 但一二樓應不好坐...)......若不快, 也沒有對白針鋒相對的質感.

一句到尾，沒有自己預期中的驚艷，始終自己不太好莎劇。

演出觀眾錄音和旁邊的陌生女人笑到很開懷...

好好笑咩? 我吾識笑...


當然，看到編劇怎把原創和二創融合一起，並借此講藝術、講舞台劇、講死亡、講注定的命運，仍是很有趣的。

Daniel Radcliffe 和外國演員企在一齊，顯得很矮。

你若google Daniel Radcliffe , 第一個搜尋結果的keyword是height!!!!

165 cm , 比我還矮....

灰...佢生得靚仔但矮...所以媾吾到Emma Watson.

難怪，現在的港女和大媽變了心，只愛韓流和孔劉。

今天有孔劉曬肌的新聞，她們會很興奮尖叫吧？

像男人見到有村架純一樣。

https://en.m.wikipedia.org/wiki/Rosencrantz_and_Guildenstern_Are_Dead


(ii)

星期日看了 4.48.

依然看不明白.

讀劇本可好? 但又深知自己讀不明.

只見到今次用了木偶元素, 開場木偶師在天橋上走動, 骷髏木偶相對天橋很細小, 路顯得很漫長,最後升空步步高走, 後來陳小姐的動作跟木偶有相似的地方, 令我覺得角色在冥冥中也在被不知明的黑色力量操縱.

後來, 那張寫了測試一個人意識清醒狀態的紙張, 從木偶師到陳小姐手上飛舞...代表主角的意識開始進一步更加失去掌握能力.

舞台的燈光設計很正....要講三次.

尾聲, 陳小姐向舞台一角後退, 距離燈源越近, 投射在門口的影子越來越大, 像陷入去...

死得很artistic...

今次演出有很強的東方日本的味道, 有紫色的和服.

舞台的木牆的質感, 很有蒼桑歷史感, 木牆上的畫作已退了油漆色彩.

質感和上次看的很不同, 而自己比較愛上一次的版本, 比較力為有力量一些.

(iii)

有兩個看了新導演運動peer gynt的朋友，看完都媽媽聲...

又是雜耍效果, 少了劇本分析.

吃過浮士德的虧, 我當然沒有去看.

新導演, 好像剛發跡的臭男人, 一有錢就身痕去玩女人, 想乜野效果花式都要試吓.

我明的, 後生仔係要經歷過這個乜都想試結果專導出爛劇的階段.

最後若能浪子回頭, 才能導得好.


所以, 女人千祈不要指責男人去滾, 還大罵男人結左婚仲出去玩女人.

他們是善良, 有苦衷的, 曾經玩到癲曬, 就不會再眷戀風花雪月, 從此收心養性.

男人的人生勝利組的人版目標是 衛斯理/倪匡.

正所謂, 女人揀男人, 要做佢最後一個女人, 而吾係第一個女人.

看劇都一樣, 揀導演睇舞台劇, 都係揀啲吃過野花野草, 嚐鮮無數的最好.

好到, 值得入場看兩次那些導演, 就是成功的.


(iv)

填問卷送的樓城 trove, 本來還有咖啡券, 但收到這盒野後, 已不好意思再要.

當年開賣, 可要幾舊水的.

回家試下還用不用得了.

我的即時反應係:

" 頂...早知當年買嚟媾女啦...送俾那時的中女觀音娘娘都好嘛, 她實buy, 吾會再見到我就面黑!! 我一片孝心敬意喎...襯曬她啦, 她那麼秀氣文青優雅, 她是公主, 也是娘娘..."

可惜, 可惜...下次劇團開賣產品, 要盯緊一些.

機會---- 係留俾我呢啲會準備的人o架.

轉角處...我一直等...一直等待....有村架純.


(v)

看劇時, 見到興趣班的舊同學.

條仔又換左喎...

小鮮肉...

中女配!

中女鮮肉配!!

聖誕節...吾想買禮物, 應該要散啦...

送野俾中女, 已沒有手摺一 jar 紙條摺成的七彩星星, 以手作熱誠加分感動呢回事.

呢啲有經歷的中女, 隨時在床底挖掘出前度s 送的一樽樽星星吖....

La Mer, La Mer, 都係 La Mer.

30 幾歲女人, 仲用韓流化妝品咩...

你估你係宋慧喬呀...


我好似好衰咁, 咒同學被仔飛...

鬼叫我點頭同佢say hi , 佢無視我呀...

我記仇...


(vi)

自己一向對形體劇場, 默劇興趣一般.

不過, 今次卻倒有好奇心.

究竟咩人會在夜晚12點去看戲劇架呢?

一定不是普通觀眾, 大概是劇場中人, 等他們演出完成過來看他們表演吧.

最正路的解釋.

吾通俾鬼睇咩.....睇完, 係要搭的士架喎...基本上...

買了通行證, 仲要兌到飛才有得看...好複雜...

還要是, 演出內容表達方式隨表演者而定...

真係講個信字.

不過, 我真係冇膽去試...

但何應豐和龔志成的招牌, 不會俾垃圾給人睇既...

只能怪自己層次低看不明啫最多...

也只能說他們藝高人膽大,


若換了新導演整理啲垃圾, 仲要半夜三更要人去睇....盛惠400元...

我一定會即場爆粗.