Voyage 24

(i)

10-2-2018

周六.

今早醒來, 掙扎失敗, 躺在牀上閉眼一小時.

心知, 今早還要回公司, 所以再掙扎多一次.

都係失敗.

結果拖到九點快十點才回到公司.


下午回家, 開始收拾行裝.

準備掀開床底拿出平時十世不會在香港穿的保暖褲.

隻手一摸到張床, 又很自然地撻落去, 又補多一小時眠.

怎睡都覺得很累.


是呢, 這星期, 我覺得很累很累X 10 次:   極緊張/高強度專注的開巿時間 (炒到標手汗), 還有不停開會後要OT.

自己也去到早上在麥記買個早餐再加多個包, 個包當午餐,  三文治都不想落樓買的繃緊地步.

今星期, 大部分人都要輸. 自己當然瀨左野.

想追番今周初條數, 又要答監管提問 (但我完全吾識答, 吾make sense, 點答? 唯一解決辦法係吾再做, 或者吾答就交回應, 搏可以耍過去) .

追數追到氣咳, 但明明可以再追多些, 上面又要開會, 不是不頂心頂肺.

買了的700 牛證要侷住平倉 (可以輸死人, 近來的波幅. 今星期買過啲牛證, 已有七八隻上午買過的, 下午已打靶.)

不過, 也不能抱怨啊, 自己已不是最辛苦那一類人.

若客戶是投資環球投資巿場, 港股, 美股, 歐股, 日股, A股,   又有買企業債, 國債, 或者手多買埋XIV, 或者bitcoin,  服務佢地的人, 根本沒可能有時間訓吧?  從早上到晚上都要隨時ready 收order 及給意見.

仲未計班PK compliance, 金管局, 證監, 保監一大抽, 會前來"關心" 刷存在感.

"個巿跌完未呀?"  若有經紀問, 我可以答, "屌...點撚知..."

佢地不可以.


個巿點解跌?  沽的力量大過買的力量, supply and demand 囉.

anytime 都啱呀, 但係, 可以咁同人講咩?


(ii)

拖到今天才去換票.

原來2月1日起, 換票費已由 5蚊加到10蚊呀...

1倍呀...

我人工點會咁加!!!????

我要去上環文娛中心對面的商場 "嘟" 八達通有2蚊, 嘟夠5 次先搵得番呀.

我公司在中環啊!!!

怎都好, 在康文署換飛, 係好過通利那些, 後者煩得多, 填表煩, 有些staff (尖咀那間) 態度又衰好多, 又貴喎.

(iii)

用visa platinum 卡原來真係已可以用代訂日本餐廳服務.

吾使去到鑽石, 黑卡, 鈦金, 瑞士銀行私人戶口那些程度.

想訂三間, 俾我訂到兩間.

也已滿足了.


(iv)

10-2-2018

之前聽同學說過 Yerma一般.

已有心理準備.

入場後, 卻不覺得是"一般", 而是"一般之下".

1) 導/改編吾到片頭說女性主義, 為甚麼要講女主角堅執要生孩子, 而吾講買樓, 養狗. 佢係忽然無啦啦想生, 之前吾想, 墮過胎的.

2) 改編突顯吾到 how a sudden and uncontained obsession progressively spoils one's original happy life. 但咁都拿到best revival 囉, 吹咩. OK, 咁我吾識睇戲囉.

3) 咁多blackout 打字幕提示time goes,  多餘. 我咁業餘的觀眾都覺得多餘, 係女主角growing  obsession 把她推向毀滅, 不是時間....

4) 兩面台, 玻璃箱設計, 估到導演想把舞台變成一個溶器/ 培育室...etc. 也見到成場戲最齊家具是女主角姐姐把兒子暫寄佢地屋企一幕, 顯示一個家的completeness, 倒襯二人的家的emptiness .但場戲不少也有室外, 派對的場面, 換地毯/樹,  令成日blackout, 同等好耐, 等到我吾不耐煩. 結論係, 舞台設計都麻麻, 一般水準.

5) blackout 那些像唱詩歌唱腔的歌聲...真係好怪....可能唱西班牙文, 但感覺並不夾. 冇乜development 時, 係又吾係, 啲人唱到咁poetic/預言悲劇在進行...

等於有條中女著開領口衫, 都未見到鎖骨, 佢又冇彎低身或拉低領口,  你卻已係到大叫"宇宙深坑!!!!"....over曬囉. 到佢跌膊時, 你仲可以嗌咩呀?

6) 改編得吾好,  女主角啲戲係自己爆啲戲出嚟. 特別是最尾那幾場.  咁...真係叫好戲, 值得攞獎?

7)  反而覺得男主角好一點.

8) 閃下燈,  自插...呢啲效果野...已不能 excite me anymore.


(v)

11-2-2018

有沒有人像我一樣呢?

執行李時, 會唱:

底褲吾洗扔一條
底褲吾洗扔兩條
底褲吾洗扔三條
底褲吾洗扔四條
.....
啦, 喇, 喇...... 

穿窿襪吾洗扔一雙
穿窿襪吾洗扔兩雙
穿窿襪吾洗扔三雙
穿窿襪吾洗扔四雙
.....
ah...ha....ha......

係勁麻甩...

但去旅行就係咁架喇, 好多人都係咁.

把平時已吾著的舊底褲, 底衫, 穿窿襪儲埋, 到旅行時才著.

然後送俾友好國家作為伴手禮.

好過在香港買月餅!!!!!!!!!!!!!!!

有我的體溫和汗味...人情味爆燈!!!

淘寶淘吾到架...

係咪先.



可惜我吾係女, 例如中女,  否則可以拎去賣, 賺錢買花戴??! 買樓不是夢!!!!


怎都好, 我係吾會俾錢買呢啲野.

因為, 真的太變態, 同埋吾平囉,

空姐版要過千架, 個啲女又吾係著貴價內衣褲, gross margin好賺到呢...


(vi)

11-2-2018

趕文件, 趕到嘔白泡, 成村人塞係到吾知點交的日子, 要遞張請假表出去, 係幾難的.

但都要遞架...遞吾遞都要話俾人知放假呀...

面色吾係咁好睇囉...



我點鬼知啫, 張機票幾個月前已買.

以前放假, 我放左都冇人知, 請假表試過幾次冇交上去, 都冇人追冇理人.

自行製造, 加多幾日年假!!!!

試過幾次, 所以平時都懶懶閒吾交, 或者放完先交.

反正, 我一向係公司都冇存在感, 透明架啦.



試過N 次 同上面講放假, 最後佢地又咪冇左回事, 吾會記得和察覺. "乜你前日有放假咩..."



點鬼知今次撞正呢壇野.

同事說, 他在洗手間先後撞到老闆和CEO, 佢地都主動提起, 我下星期開始放假, 過埋年先番.

以前根本吾會有人提架.

同事說, 那顯示我在公司的重要性增加喎.

我說, "X! 即係交左文件, 即炒囉...一間公司點可以除左佢兩地兩個, 仲有人可以咁架, 到時我亦冇曬價值啦, 放假咁開心吖嗱..份野未交上去就想放假吖嗱, 鳥盡弓藏"


(vii)

大跌巿開始前, 公司宣佈今年的花紅.

不多, 但好過冇.

同事說, 好彩早幾日咋, 吾係又縮水一截, 人工應該吾會點加架喇, 大跌巿生意難做呢啲咁好的借口喎, 吾用, 點對得住佢自己...

我說, "咁不如叫佢索性吾好加我地兩條友人工, 只係吾收我地炒股佣金, 反正佢加都係加通脹, 吾收我地佣, 我地反而仲著數..."

"你就想..."

" 吾好開巿時間, 去開會都得卦? 上星期五那次, 咁就吾見幾千呀..."

(viii)

15-2-2018

Mother 真係好悶...第一集都挨吾到落去.

李寶英件衫, 真係研究員著得起?

面書的poster, 真的有ps過.


塵世間, 最悲傷莫過於李寶英係我家人(老婆除外).

旅程 (3)

15/2/2018

今早去了滑雪.

是早堂, 八時半上堂.

不過, 酒店最早是七點半才提供包埋的早餐, 所以根本趕不及吃完才出門.

昨晚, 我還懶懶閒諗, 沒咩大不了,  去7-11 囉.

我好大彈性的.

結果...去到七仔門口呆了,  九點才開門啊...

(後來, 才知family mart 開六點, 在電車站油站那條街)

沒吃早餐, 空肚上堂, 我一定頂不順.

這幾日, 沒得用 wifi 卡,  補了新的 wifi 卡後也要節制地上網, 我都適應還好啊...

那一刻,  怎麼辦好呢?

諗到了, 去滑雪場酒店吃那裡的早餐.

價錢當然不便宜,  2800 yen, 雖然是自餐任吃.

但其實卻也沒有甚麼好吃.

不過吃飽肚, 不會沒氣力上堂, 算係咁啦.

咩都可以吾帶, 但一定要帶錢.



昨天已預辦上課手續,  所以能準時開始上課.

教我的是日藉70 歲的阿伯, 做教練已有15 年.

不健談, 所以也不再多問了.

不過他是盡職的.

我學成怎樣?

體驗過咩叫滑雪咁囉,  離上山滑雪, 仍有不少的距離, 大概要上多二三堂, 再加練習才能上山.

我懂甚麼?

做到識怎停低,  向後撻落地下後,  怎樣起番身, 滑到十幾米咁囉. 來到最後, 我沒有再滑向撞落上山纜車的枝柱.... (開始時, 我控制不到, 撞了五六次埋柱....)

最大的成就是在面書打卡!!!! lol

我理論OK 架, 滑雪是adjusting friction and centre of gravity 之嘛.

我有睇過youtube 先上課, 是我的手足運動神經不配合啫.

滑雪場很小,  給初學者練習和上課的地方不大, 我上課時, 因為早堂,  沒有甚麼人, 倒還可有空間滑廿幾米, 但下堂後, 開始有小組教學,  我便只能邊緣地區練習上課時的動作.

所以才滑十多米便要煞停,  我怕自己失控撞到人, 特別是小朋友.

那裡又吾係一排Gal Gadot , 李寶英的中女, 俾我可以撞埋去...

因此造就意外的邂逅~ love...

“ baby! you got hurt! I will save you!

Let me hold you!

I will take you to hospital!

Look at my eyes!

trust me!!

(Gal Gadot so touched!!!)

(end with a kiss)”

(睇得韓劇多咩！）

玩還玩,  注意安全嘛.

下次去學, 應去另一個大些, 沒有那麼多人的滑雪場.

同埋呢, 我懷疑上團體課, 是不真的可以學到?

一班十幾人, 每人輪住練習喎...1.5 小時, 好似多過私人教練, 但實際上....望和等的時間佔大多數. 咁做乜吾上youtube.

----------

看了面書, 才知今天是年卅晚.

團年飯....

我今晚又食大餐?

錯....

我今晚食三文治和方包!!!!

我吾係好節日敏感的人, 像昨天情人節, 我係知, 但就係咁囉...

今晚也是如此.

午間從滑雪場歸程, 隨便吃了燒雞配飯set lunch , 就回酒店 , 看電視.

而另一個重要原因昰,  五點開始晚餐時間, 自己懶再行出去.

從酒店行去大街, 要15分鐘啊...

又黑又凍.

如果這趟是開心難忘也罷,  但你都見,  我去邊都近乎關門....

好悶和掃興.

雖不能怪那裡的人, 誰叫我沒有check 行程...但就是已沒有衝動在這裡消費...

明天吃過早餐, 就回新宿.

以後, 至少冬天, 不會再來這裡,  或者只是day trip only.


希望會有一個新開始...

像股巿一樣, 不是不灰的, 放假先嚟升過千近二千點...諗下炒少幾多隻...滿滿的罪疚感.

但想又想, 若番工都應該沒得炒, 昨天同事跟我說,  我若係到,  我都應俾人拉去開會, 沒時間炒...

那咪仲灰.....

早日ready, 有條件起身吾做, 才是答案.

1. 
   

祈禱

14/2/2018

幾年前, 曾經有一段時間, 自己每個月都會去教堂坐一坐, 感受一下寧靜和放鬆.

來到教堂, 也自然坐在那裡一會, 祈禱,   雖然好凍!!!!!

祈求甚麼呢?

我祈求, 可以一直進步改善,  快些不再做現在那份工.

很厭,  做完那個牌照文件, 現在佢又想搞多個牌, 向金管局探路申請牌照, 那樣子, 我係會寫極都寫不完. 我開始想監管當局嚴厲譴責, 冷淡對待佢.

所以, 要時刻保持情緒穩定,  冷靜, 做事要大膽一些, 不要那麼顧慮.



我祈求, 她身體健康,  幸福快樂, 好好的.


去年十二月上旬, 最後一次看到她, 雖只是遠遠地看著, 她當然不知道.

那天, 她穿上便服,  棗暗紅色的風衣, 牛仔褲的長未過足踝,  波鞋是黑色面白底邊. 她右肩揹了一個黑色反光面料的揹袋, 袋帶是啡皮的, 手裡也挽著漆皮黑色動物袋.

那天, 她有一點抱恙, 有少少鼻水, 不知有沒有感冒.

遠遠看著, 仍會覺得她很好, 仍然很美麗動人.


對她的記憶停留到那裡.

希望她現在好好的.

旅程 (2)

14-2-2018

啲人講去輕井澤是度假和放鬆.

但今天來到的第一天, 自己並不喜歡這裡,

幾乎所有美術館都關門, 直至數個月後.

雲場池維修至明年4月底.

Shaw Memorial Church 不開.

商店街也有不少不開門.

暴布結左冰架, 我睇咩呢?

所以除了St Paul Catholic Church 開, 基本上很多地方都不開門.

吾通我去行outlet 咩... 所以其實這裡好悶.



晚上, 六點這裡已水靜河飛.

好彩自己五點已去吃烤肉, 不然今晚真係食自己.

方圓一公里, 超巿都冇間.

自己住比較隔涉的酒店,  晚上街燈不算明亮,  我係有少少擔心危險, 因為有些路的地下都幾跣下.

這裡, 至少今次,  不是一個感覺良好的體驗.

幸好, 昨天嫌貴都買一張數據卡.

旅程 (1)

13-2-2018

這次東京行, 有一個甩漏意外比較多的開始.

未出發前,  上面臨時要交監管回應文件,  OT 了好幾個夜晚, 而巿況十分波動, 工作累, 也睡不好, 也沒時間和心情為旅程做應做的準備.

到了出門那天,  全天開了四次會議, 再按指示修改十九萬次的文件才下班.

出門後, 才發現自己忘了帶頸墊cushion,  就是搭凌晨機會斷頸的收場. 也忘了帶換電話卡針, 以及禦寒的冷帽.

不過這些都是小事, 沒影響過自己的心情.

沒有換卡針, 問人借囉,  有幾大鑊啫.

事實上呢,  自己在機上還睡得可以.

下機後,  還以為很順利, 排隊不太久便買齊明天去輕井澤的pass, Narita express 來回券.

原來, 最大鑊的事當時還未知.

拆開數據儲值卡,  才知要先要有wifi 接駁, 才能login.

心想, 這個設計係咪ON 9 架, 若那時有WIFI, 仲使鬼用數據卡咩.

這都算, 先去了銀座的酒店, 扔低行李再處理.

但原來呢, 這個接駁中間軟件, 由內地開發, 冇得到iphone 認證, 所以, 成張卡俾iphone  當不安全 block了, 完全用不了.

驚又吾係真係好驚既, 只是覺得麻煩,  人生路不熟, 馬死落地行,  自己又要趕時間去預約了的餐廳吃午飯, 不好甩底.

心想求其買另一張頂住檔先, 等apple store 開門才再作打算. 問題係,  我係路痴, 找銀座那間big camera 係找到滴曬汗....地面會走錯路, 那唯有在地下鐵站的出口之間走, 路是走長了不少.


不過, 在Big Camera 買的那張卡好貴呀,  1G  數據已要2600 幾yen.

真係嘔血....

買完仲要自己做番login setting, 店員說若由他做要, 我要俾多500 yen, 吾好去搶.


不過,  雖然煩, 但卻有一點成功感.

自己的處理應對和心態還不錯,  能心平氣和面對意料之外的麻煩.

也算旅行的意義吧, 看到自己的改變和冷靜.

怎都好,  我以後是不會再幫襯鴨記的賣卡攤檔.,

佢地賣咁既野俾我,  錢係搵, 但冇做做QC , 想怎樣呢?

同埋, 吾係真係平過在中移動, 聯通那些販賣數據卡的有多少.

我只是不想慣性幫襯大企業,  個體戶沒有生存空間.


午間, 去了三年前去過的Esquisse 吃飯.

記得三年前那一次, 對食物和服務是留下很深的印象.

今次再來, 食物味道都算保持水準, 服務也是殷勤, 但卻已沒有那時候感到amused的感覺.

我覺得那間餐廳卻變得和從前不一樣, 大概經營狀況不算好.

一來, 菜單少了和牛, 可見價錢沒怎變, 但食材貨值卻縮了, 

二來,  我見到經理踢拖咁著住皮鞋, 令人覺得他很散漫, 雖然他應該吾係, 對我的態度其實都OK, 所以或有背後原因.,

他著成咁, 亦應該沒有人會留意到. 因為其他人卦住望住條女, 條仔 ( 2月13日呀, 聽日情人節呀).

但我係一條友嘛.

話時話, 三年前那間家傳七福,  也搬離了那幢食廈.



吃過午飯, 逛了一會三越地庫看食物,  然後回酒店訓補眠半小時.

再出來時, 去了酒店附近的蘋果店搵genius 求救.

(所以, 去旅行的第一天, 真的要住熱門旅客區, 方便萬一帶漏野,/ 遇上這種意外時, 可以盡快處理而不會影響餘下行程)

說真的, 我從沒想過去旅行會去行Big  Camera, 排Apple genius.

不過, 銀座蘋果店是比IFC 店 有效率,  自己 walk in 也只是排了15分鐘便有人應酬我.

不過沒有解決問題, , 但印證了那張數據卡搵我笨柒.

我吾會為了用那張卡上網, 而俾人搞我個電話security 啦. 傻的嘛.

有銀行, 信用卡,  炒股app. 成堆私人資料.

都好的, 既成事實, 諗下點省用數據卡, 或怎再買數據卡好過.



反正張卡還未用完, 之後決定按原定計劃, 在銀座一帶周圍逛.

逛了Ginza Six . 它比三越好行,  地庫食物種類雖然沒有三越那麼多, 人流也少, 但食材, 酒類選擇卻見到個性化, 精品化為主.

Ginza Six 頂樓是空中花園, 開放讓人繞住四邊打圈散步.

天氣和暖時會很舒服和放鬆, 但今天則凍到hihi.


Ginza Six 那間蔦屋書店,  也挺好行,  比香港的書店有文化氣息.

現在香港的誠品已變成收租為本業, 做收租佬的二判.




此BLOG 限定:

離開Ginza Six 後,  我打算早一點找到今晚吃飯的餐廳.

原來挺容易找到. 銀座一丁目, 二丁, 三丁....順著落便找到位置.



多了時間出來, 我有點無聊, 又不想周圍行, 只想坐下.

忽然見到 "HOOTERS" 就在餐廳斜對面!!


八卦的我, 好想知, 日本這間, 都係咪啲女侍應會穿短褲薄身的緊身衣!!!!

我八卦, 因為我未去過香港那間.

一個人去太毒, 讓全世界都覺得我係咸濕佬想"目及"女 ;  找人陪, 我又開吾到口話想去.

我是八卦, 並不是咸濕....我強調.



入到去,  是有點失望.

啲後生女真係著薄身緊身衣, 短褲做侍應, 谷起個胸脯.

當中有不少是幾大波的, 年紀都算後生, 應大部分未到三十歲.

但係好些女都係黑人, 吾係架妹, 仲要係可以用"結實" 嚟形容.

我係吾會有fantasy 囉...

我幻想, 都係走和平主義路線, 吾鍾意睇動粗虐待類.

你會吾會幻想健美小姐?

女人會幻想跟健美先生有一夜情,  但男人吾會囉, 除非好飢餓.


我見海報啲鬼妹, 宣傳啲架妹, 係索好多架...

但是, 學電影話齋,  海報印個張柏芝, 吾通真係俾個張柏芝你咩...

現在, 真係同海報的poster girl  有距離囉, 雖然都大波.

我太天真和純情了.

(有點難為情...)



同埋餐廳的氣氛好正經囉....

都吾見有男人抽水, 或者撩女侍應.

有丈夫帶五十幾歲的太太喝啤酒食炸雞.

有一大班有男有女的同事放工social.

有兩個中佬食沙律....

佢地吾會理班侍應著成咁, 他們眼中女侍應和穿長衫長褲冇分別咁.


結論 : 真係除了啲女比較大波, 穿短褲薄身衫外,  和普通餐廳冇分別.



但都講下自己的觀察:

那些光顧的女顧客, 普遍身材都不是大波, 同埋著得好密實.  會吾會係,  那些女顧客藉住嚟呢度, 顯示佢地係食腦, 吾係波大無腦?

那個接待處女經理, 雖然都身材好,  但身上的含布量卻比一般女侍應多, 也以黑灰色為主, 不像白色那麼有透視感.

吾知, 香港都係吾係咁呢? 譬如, 吾大波, 成為中女, 份工做OL 的, 才會去hooters 食飯.



可能個日本女侍應見我只喝一杯啤酒, 所以撩我講幾句,  令我再消費多些, 飲多一杯或吃份炸雞.

原來呢, 那個女仔才做了侍應一個星期.

之後,  咪埋單去食飯囉.

你估有下文咩.

我識溝女, 搭訕, 就吾使搞成依家咁啦.

我好有定力架.

我的八卦和無聊, 最多只係咁, 叫我真係去風月場所, 我怕死. LOL.


--------

晚飯幾好吃,  折合港幣 約800元, 不算便宜, 但都算幾好吃.


明天去輕井澤了.

Silence

就這樣子, 安靜了五個月.

沒有post, 沒有comment 或者like.

不是甚麼大不了的事, 大把人不用面書, 並且嫌老一輩的人才會用面書.

也不會有人會留意或在意, 自己的工作和表面上的生活仍是繼續, 偶然忙得透不過氣.

為甚麼這樣子呢?

想又想, 我該去怎理解自己的行為?

大概想透過這樣子, 有一段時間或儀式,  抒發內心不知怎形容的難過.

也不知怎跟別人說的難過.

別人只會覺得小題大造.


但是, 我真的感到難過哀傷.


這樣子靜靜地平復和接受, 不算太差, 沒有影響其他人.

Di Da Li Da Di.

Voyage 23

(i)

下周去旅行了.

終於逼出動力去進一步計劃行程.

今次找東西吃, 容易了, 跟健吾的清單執就好, 不想太費神.


三鷹之森, 又錯過了.

叮噹 (係, 我係上一代, 吾會慣叫多啦A夢) , 史路比, One Piece 都不是很有興趣去看.

這段時間的藝術館的展覽也不是很有趣.


調整心態就好, 重點是休息和放鬆, 行下巿區都好呀...

反正在輕井澤, 富士山都在深山幾日.



忽想到, 最近幾日的天氣令我發現自己比以前怕凍, 但下周東京仲係好Q凍.

有點想縮...

但新年食老麥過日辰咩, 我吾想咁先出走之嘛.

明年去泰國.


(ii)

今年新年/生日,  捐的不是利是, 鬼會有人咁神心入那間雪櫃房派俾我.

過年, 我又吾係香港.


以前捐一間就可以, 現在分三份, 可見時勢及生活艱難啊.

怎都好, 還想幫助外國的小朋友.




生命影響生命.

做這件事, 已經三年.

(iii)

午間, 在一碗肉燥吃過飯, 去了唐記兩買兩個飯.

咁, 我又未勁到可以一次過吃三個飯.

兩個飯, 一個五點食, 一個十點食.

好似食藥咁...

但吾吃多啲澱粉質, 真係凍到訓吾到.

明天星期一了.


(iv)

立春.

玲玲教路.

作為佛系的男人, 我今年雖有桃花運, 但"萬花叢中過, 片葉不沾身" , 卻是我的心向所在.

LOL.

挺欣賞佢地講左野, 但又其實冇講過野, 但又講左好多野的書寫手法.

"你今年工作忙碌, 財又多喎, 也多仔仔埋身想溝你, 心如鹿撞, Plan A B C D E , 十五十六,  思慮疲勞, 會好容易病, 所以要更小心身體, 注意保暖, 均衡飲食, 充足睡眠, 定時檢查身體 ...."

所以若病左, 就一定係做吾足趨吉避凶, 冇病, 就一定係依足吩咐.

(v)

5-2-2018

廢嗡

話說網上好多中女都吾抵得啲後生女青春的本錢，咁凍仲著短裙熱褲。

咁係會引人望嘅，索吾索另一回事。

我昨天咪見到兩條象腿在天寒地凍通街走囉...

(作為一個仆街, 我會先發制人: 我肯"目及" 你, 益左你啦....")


今天中環，先後見到兩條佬都著薄身西裝外套，內裡只有一件白裇衫，隱約見到古銅色胸肌的線條，係fit和多女望架。

我會覺得兩條友都係基佬。

係，我吾抵得，我著緊羽絨 !

(個個異性戀的男人都係咁chok , 我仲有定企? )

---------


自己不愛跟旅行團。

這麼多年也只是兩次，一次是大學時第一次去旅行，去星馬泰，可想而之是幾多年前的事。

第二次是柬埔寨，因為資訊還不算方便。

去旅行時還要跟三吾識七的團友social ，是很痛苦的事 (有人想SO 我嗎?)

談得來也罷，談不來就加倍痛苦。

放假啊...貼錢買難受啊...


今天面書看到有人呻跟團遇上PK 旅客.

即係那些明明行程表講明食魚生, 去到才說不吃生冷野, 要人用火鍋煮熟佢!!!!

一個都算, 但跟風潮下, 結果成枱都係自助火鍋打邊爐食鰹魚!!!!

大家樂在四國啊!!!

那個人覺得那些人影衰曬.



嗯, 我也覺得超尷尬!!!!!! 想找地洞鑽!!!!


除了這個, 我也怕和別人吃飯時, 例如點了一個烏冬淨麵,  約莫十分鐘後, 卻嫌等太耐想取消, 但那個人本身並不趕時間, 純粹不想等, 本身又不餓, 吃吾吃都冇所謂.

你可以叫店家怎麼辦?

煮到半途被取消點單.  取消, 那半熟烏冬可以等到下一個人點嗎? 吾取消又顯得怠客.

我也會覺得這情況令人很尷尬, 跟這種人吃飯.


(vi)

5-2-2018

雖然最終沒吃得成今年的生日飯, 朋友仍在地鐵站給了我利是.

知我去日本, 所以利是也是YEN.

早知去...邊到好呢...總之要現鈔面值最大兌回港紙最多的國家啦.

謝謝.

想不到, 朋友原來是有錢人, 或生活圈子盡是有錢人.

用得起私人銀行服務.

要不然怎會有這種利是封.

你估呢啲利是封真係通街派架咩,  派俾我都冇錢塞入去啦,

入得呢啲利是封, 最低消費都500蚊啦吓話.

冇理由咁grand 的利是封, 派的人用得起私人銀行服務喎,  拆出來卻得10蚊雞 .

你估人人都似我老闆咩.

嗯, 我幾咁膚淺, 貪慕虛榮.

怎都好, 我係吾會用民X聯, 工X會的利是封的, 那顯得很霉.


同場加映.

朋友給的乾拌麵.

我覺得舒淇麵好食啲.

吃時會想起舒淇, 而吾係大媽!!!

lol.

(vii)

5-2-2018

新一年過了月多, 次次跟自己set 的rules 去做, 次次見到IG 夜期咁咁樣.

不是不無奈, 是試新方式的學費.

不能一輩子都那樣子.

呢兩個月做的野, 跟以前很不同, 係有一點over trade 左, money management 可以做好啲.

學費事少, 雖然肉赤, 給自己的壓力卻是重點.


不想撈, 想快啲起身離開那裡 , 吾使再做埋啲吾關事的雜務, 總要付出代價吧.

怎都好, 要記得: 沒有人想輸, 但怎都不要輸掉情緒, 也要直面面對挫折.

保持積極, 諗諗點拆掂佢, 好過繼續灰.


(viii)

6-2-2018

去日本想預約餐廳.

不懂日文, 係會幾麻煩.

自己又不太鍾意walk in / queue , 那顯得浪費時間, 雖然旅行本來不應太計較時間.

試過找酒店代訂, 有些酒店肯, 有些不.

有些的日子不是住在那間酒店,  令自己也不好意思要他們代訂.

怎麼辦?

有人推薦 app  tripla 或 gurnavi.

自己暫時還未用過.


現在試用這一個.

結果已知被拒絕了一家, 原因為那間結業!!!

https://www.visa-asia.com/premium/Profile/login.jsp?ws=tw&sitecat=platinum


是沒有那麼方便的了, 一般都要幾個工作天, 才知訂不訂到.

吾收錢, 仲想點?