旅程 (8)

20/2/2018

早上四時便醒來, 因為早訓緣故.

要預備今天的股巿, 港股今日復巿呀,  做些準備.

不想回來後, 甚麼巿場感覺也沒有便要開始.


六時許, 這才出門去築地.

昨天說酒店並不算就腳, 雖表面上係就腳.

為了去築地, 轉車都行了成公里路都有....

我仲要轉錯站,  並被app 昆左,   搭搭下metro 要轉去搭都營...

那張全日地鐵券不包都營呀...

但都要搭呀, 又行番轉頭咩...又幾百米路起跳啊...



築地其實吾算好特別..我又冇入去巿場見學乜乜乜...

當然,  賣刀, 賣食肆用的水牌, 也算特別....

不致清一色賣食材.

怎都好, 在築地外巿場吃了五款海膽飯, 呃like 之選.

但吃落去又吾係真係分別那麼大.

其實呢, 好吃,  一種就夠.



築地外巿場都有兩種, 一種仍是街舖形式, 另一種則是商場化.

嗯, 感覺就以似行舊街巿, 和領匯街巿一樣,  後者的感覺係差好多的.

從人流也可以見到.

築地巿場對出, 那裡有一間吉野家,  也有一個投注站,  從這裡可以感覺到在魚巿場工作的人, 也是普通人.

走的時候, 沒有再搭都營線, 行了去銀座搭車, 省番程車錢, 便宜一點就好, 反正我都分不到邊條線實際上要行最少里數, 總之係咁行行行啦...



回到酒店,  還沒10 點啊....

係呀...我等港股開巿...

去旅行,  係想點就點呀...

邊個話旅行一定要四圍走,  蛇係酒店都係一種選擇.

最緊要, 是自己想咁樣.

如果係四圍走,  咁當初我實吾捨得訂咁貴的酒店.



午間, 也酒店樓下的7-11 買便當便算.

直到日本時間五點, 香港時間四點, 才再出門吃飯.

好難炒呀...今日.



酒店房大,  用料設備裝修又好, 景觀也不錯,  當然不便宜,  我差不多成日呆在這裡, 好像"回本" 不少.

給自己感覺下, 將來能吾使做現在呢份工,  便可以去不同的地方酒店流浪,  還可以炒股的生活是怎樣.

給自己憧憬, 想像和動力.

要努力.



晚飯去的這間銀座居酒屋, 便宜又好好吃....

是行開銀座, 必食之選.

侍應見我一個人,  也會叫我cut 單, 不要點太多, 吃不了...

同佢生意作對, 但卻令我鍾意這裡.

是人情味,  待客的態度.



其後, 行了三越, 和松屋, 隨意買了些手信.

也買了一件蛋糕.

其後, 入了lawson , 吃了兩杯hagan daz...

嗯, 朋友要儲杯蓋喎...

牙好凍...食咁多咁硬的雪糕.


回到酒店,  奢侈地拿起酒店提供的浴鹽浸浴.

點會在屋企咁做,  咁嘥水...

一年一次,  吾係好過份啫.



然後臥在沙發喝酒, 看著夜景發呆.

就係咁囉...

生日前夜.

旅程 (7)

19/2/2018

早上十點三從旅館checkout ，再搭巴士回新宿.

好煩, 坐我隔離係香港人, 老人家...

來到新宿, 拖著行李搭地鐵去了議事廳前的酒店入住.

雖還未到三點, 不過他們讓我提早入住.

酒店房間很大, 很靚...

等職員介紹完房間設施 ( 呢間係商務酒店, 並應該多政客入住, 隔離係參議院嘛, 所以我係最窮最沒身分地位的入住者, 沒有之一), 我便急不及待想去沖涼.

在我浸完今朝的溫泉後不夠五小時.

真的出曬汗呀,  從新宿拖篋拖到呢度, 話就話近地鐵出口, 但從月台行出後, 下下拖幾百米呢先到出口呢...

所以間野係靚, 但吾係好住, 附近又冇平民食肆

之後去了六本木.

21-21  design sight 是日關門...

well...經過輕井澤的鍛鍊, 我冇乜野,  影下個建築已開心, 安藤忠雄啊...

屋頂那塊鋼板是一塊過....

真係要有想像力, 還要有江湖地位, 啲人先肯俾錢同你癲...

等下次再來, 一定入去坐坐打卡.



其後去了國新美術館, 誤打誤撞看了一個收藏家搜羅的印象派畫展, 幾好睇, 也是今次旅行, 第一次行到美術館並有展覽看.

好感動,  咁先似去旅呀嘛....鋪鋪食玩買咩...

btw,  我都係鍾意Monet 多過Picasso.

之後, 去了惠比壽吃米福, 米飯專門店, 有數款日本飯...

自己除了吃set外, 也點了一煲雪椿 米, 前後,  吃了七八碗飯...

雖然飯碗不算大, 但仲有其他野呢, 所以飽到十成十.

其實, 若你肯, 大可以在citysuper  買米煮...


回到酒店, 不知怎的,  加上明天要早起, 去逛築地, 沖完涼便累到想睡....

聽歌

19/2/2018

浸溫泉時會做甚麼呢?

自己會聽歌.

每首歌的長短, 也可提示自己浸了多久, 是時候起身冷卻一會.

今早在聽薛凱琪的十年後的我, 給十年的我.

這十年來做過的事 能令你無悔　驕傲嗎 那時候你所相信的事 沒有被動搖吧 對象和緣份已出現 成就也還算不賴嗎 旅途上你增添了經歷 又有讓稜角　消失嗎 軟弱嗎 你成熟了　不會失去格調吧 當初堅持還在嗎 刀鋒不會　磨鈍了吧 老練嗎 你情願變得　聰明而不衝動嗎 但變成　步步停下三思　會累嗎

快樂嗎 你還是記得你跟我約定吧 區區幾場成敗裡 應該不致　麻木了吧 快樂嗎 你忘掉理想　只能忙於生活嗎 別太遲　又十年後至想　快樂嗎

成長的代價
還需要更多嗎
剩下的怎樣花
未有的應否還價
假如重頭來過
你現有的 問你可願拿

明年還懂感動嗎 yeah
還想發脾氣吧
夜夜即使累垮 别到無牙先張牙
不能明年才說 快樂嗎

請歸去和世界 大戰



保持低調, 對看自己不順眼的, 行開, 不要花時間.

若沒法改變的事, 人, 情感, 要去接受, 無論怎樣, 都要堅強地面對.

這趟旅程雖還有兩天才完, 但心知未來一兩年內, 自己不會再放那麼長假.

走不開, 自己還是要為金錢營營役役. 也像沒法給自己的交待.

 若放長假, 便錯失機會, 那便放短一些, 去一些更短途的旅行.

 也是面對的一種.

還好嗎? 今天的妳

S,

妳還好嗎?

妳的近況如何?

想知妳的消息.

想知道妳過得安好.

只是, 是停留在腦海的想法.

我怎會去問妳, 騷擾妳呢?


衷心希望妳會好好的.


去年,  妳進一步疏離,  我難過了近半年時間.

也接受了這個現況.


是的, 是不需要理由的.

"不想" 已是最直接的理由.

若要再舉列理由,  我想, 我也可以舉出一些.

都是, 算吧, 何必跟自己過不去, 說得那麼白.

"不想"  就已足夠,  是全部的理由.


雖然,  妳應該忘記了我, 也應該已認不出我,

從那天起, 我更加小心, 不要出現在妳可能出現的場合.

是有點累的.

只是, 我覺得那樣子,  像在尊重妳的意願吧.

妳不想.



今天去了神社祈福,  祝願妳好好的, 身體健康, 早日退休.

我不會, 亦不能告訴妳..



難道whatsapp , 令妳收到不知是誰的電話號碼捎來, 寫上妳的名字的祝福,  是有意思嗎?

那只有驚嚇吧.

我是誰呢?   我祈福, 別人就要感謝接受嗎?

所以, 那只是我單向的祈求.


所以, 我活該被別人當作不正常, 痴線的.



隨著時間,  妳會改變,  對妳的認識, 只會越來越陌生.

本來已很有限的, 將變得接近零.

自己也開始少了看舞台劇,  跟妳的生活圈子的重疊, 將會比從前更加少, 從0.01 去到0.0001 吧.

明知將來會是這樣,  我現在又做這些, 其實是很無聊.

大概是出於懷念吧.



能遇到一個令自己會想改變, 肯改變, 開始改變的人.

要努力賺很多很多錢, 想看更多這個世界,  有錢人的世界;  做人要硬淨一點.




我將來會不會再喜歡別人呢?

不知道.

若果會,  大概也會喜歡像妳一樣類型的女子吧.

所以, 我必需變得和從前不一樣.

否則, 將來的結果也和今次相同.



有時候,  我會想, 我平時究竟有幾乞人憎呢?

大概有好多, 好多.

所以, 也是自己檢討的機會.



寫這篇的時候, 沒有回望去年寫過甚麼.

大概不變的心情, 仍舊是希望妳會好好的.



還好嗎?  今天的妳.

旅程 (6)

18/2/2018

睡得不太好，可能開暖氣令空氣太乾燥吧.

早上八時吃過早餐, 便check out 趕在9: 20 藍線巴士第一班開出前, 再把行李寄存在locker.

怎麼不把行李放在今晚住的旅館?

叫現在住的旅館把行李送去別家旅館, 想又想,  似乎太失禮, 亦吾好老黎,  同時, 把行李放在那裡後, 我又怎行番出嚟呢?

搞一大輪的後果肯定是趕不上那班巴士, 或要搭的士出來.

所以, 還是不要算得太盡.

藍色巴士的班次挺疏, 所以即使經過精準湖, 也不敢下車, 只在車上影數張照片, 打卡證明到此一遊便算.

但來到本棲湖又如何?

若只停留巴士站周邊,  係完全冇野睇! 同你去城門水塘冇乜大分別.

遊覽船去到三月底前, 都係停駛, 冇得從另一邊, 隔住個湖看富士山.

不過, 下一班回程巴士最快要兩小時後啊...

又凍又無聊啊...

最後, 給我看到原來有一條自然徑.

 反正無聊, 計好時間,  若只剩一小時, 行自然徑最多只行25分鐘的笨辦法,  試試走走.

路, 不算好走, 因為地上仍濕, 有冰雪, 碎石石塊又尖有點界手及大小不一, 要小心平衡.

當然, 我又未勇到行冇人行過的痕跡的地方,  都是走那些乾草被踩到平曬, 成為路的方向走.

走走下, 走到湖邊, 這段更不好走, 香港行山, 應有五粒星吧.

雙手雙腳,  一步一抓,  試試石塊能不能站下去,  蹣跚地摸到水邊.

終於俾我影到富士山加本棲湖的感覺很棒, 雖然其實有點危險.

若方才, 我不小心拗柴, 跌落水, 就係咁先.

係好難有人會經過, 並發現自己.

仲要咁既天時, 在那裡夜晚零下幾度咁...

在香港行山, 都未試過咁樣行.

真係覺得自己有點痴線, 一個人旅行咁樣搞.

是有點難忘.

當然, 若要來多一次, 我會諗諗先.


搭上歸程藍色巴士, 卻沒有搭足全程,  在風穴那裡下車, 轉搭綠色巴士.

是昨天在風穴等車時, 留意到原來藍色和綠色巴士在這裡可以interchange.

有咩好處呢?

若搭藍線巴士出發, 回程綠色巴士, 便可以不經巴士總站去不同的湖.

況且呀, 綠巴士去程是背湖的, 影不到富士山, 回程走上面, 那時候才有東西可以影, 而藍色巴士, 大部分時間都冇景點的, 除了精準湖那段開始外, 所以回程何必再浪費時間多一次?

自己揀了在御室淺間神社下車.

嗯, 我去旅行係有舖拜神癮的.

之後, 便回到總站, 召了酒店接待入住.

怎麼不行埋山中湖, 或者去昨天未上過去的纜車呢?

一來, 這時已二點幾快三點, 有點晚, 五點幾已開始天黑, 冇太陽會好X凍呀...

二來, 山中湖是另一條線, 不是買的二日巴士票範圍內, 所以留番下次再來去啦...

現在是去旅行呀, 吾係為左面書打卡, 充軍式要去曬所有景點.

只要吾係輕井澤咁離譜, 乜鬼都關門, 其實我去少一點景點都OK, 未算有強烈強逼症.

雖然, 一次過去齊五個湖,  感覺係幾好的....



入住的酒店...真係好正!!!!!

價錢係比昨天高了不少, 但真係值這個價...

首先有私人風呂.

昨天我住那間是公眾,  所以只浸了一次, 始終不慣在其他人面前露體 , 感覺拘束.

以水質來說, 今日的, 有礦物質水的感覺, 昨天只像浸熱水....


同埋, 今晚淨係晚餐, 在香港食都要千五蚊啦...

係好食架, 所以期待聽日果餐早餐!!!!

服務又係有高級餐廳的水準, 會介紹菜式, 上菜速度不快也不慢, 剛剛好.

分開個室, 不會成班人在大堂分枱食, 即係冇昨天我遇到的尷尬 (我今日有著底褲去食飯架!!!), 也不會聽到有bb 係到喪喊...或者MK 女扮純情狂放生電...

侍應婆婆仲同你講英文介紹餐單.. (佢好pro, 一入我住間房, 便留意到我拎出來的威士忌, 觀察力好勁...)

係, 我好怕聽到有人同講我國語, 那感覺怪怪的, 不似去旅行, 似番左大陸....

我是媚外的...

吃過飯, 在旅館花園小小的上空, 再看多一會煙花.

也算很近距離呢, 比昨天隔了一個湖面來得近...

當然, 因為近的關係, 也不能把所有煙花都看到..個view係冇昨天咁好.

但係...又係一句, 來富士山, 真係住一晚, 這間真係要試下.

如果我同Gal Gadot  /李寶英  來,  她浸溫泉, 我在房間的客廳中一邊喝威士忌, 一邊睇佢浸...

然後, 我落埋去一齊浸...

最後...

人生, 也不過是如此...

旅程 (5)

17/2/2018

早上五時起床, 慢慢吃早餐, 檢查有沒有執漏野, 其後便去到Newoman 的高速巴士總站上車去富士山.

怎麼不搭JR? 要轉車囉...又貴啲囉...

不過當然不是沒甩漏...我懷疑上車時, 自己吾記得換車票, 只係俾張網上購買該班次的收據給車長看,  所以才拖了一會才讓我上車....

怎都好, 早班車的好處是不塞車 (出東京方向,  入就塞...)

來到河口湖站, 還未到九時, 人不多,  問了觀光處裡有便宜一些的暫寄行李服務,  佢告知對面的商店有, 500 yen一件, 本來係平, 但佢連我的手信都計一件...咁唯有用番coin locker囉, 700 yen 塞爆佢...

買了兩天周遊券, 可搭紅色, 綠色和藍色的巴士線.

自己揀了紅色, 若有時間就搭埋綠色.

原因, 因為藍色班次疏, 需時也長呀...留番聽日先啦.

上了紅色線巴士後, 明明第三四個站, 點解咁快到左河口湖美術館? 我想去搭纜車和遊船河先呀....晨咁早應該吾使同人逼排隊...

果時先知...巴士站牌1, 2, 3, 4, 吾係順序...lol

咁冇乜野...行其他先囉....但都好行呀...美術館沒有入去付費部分, 因為得富士山攝影相片....

反而去了音樂之森, 看看音樂盒, 自動音樂演奏器...分disc 和圓筒式兩種.

那些自動音樂演奏器先係回本位...theretically

除非佢地播帶昆人啫...吾係金屬磨蝕下, 係播一次少一次, 維修也不便宜.

因為1929 年大蕭條後, 已冇人會整呢啲貴價野....之後仲有唱片呢...

看了兩場音樂器演奏和講介....感覺自已知多一點新知識...我去旅行吾係淨係識得食玩買....lol

那裡的商店售賣音樂盒也有不少幾靚的...雖然我不會買...

本以為音樂之森是昆人,  因為有公主服租借服務....但出來卻覺得那裡挺不錯呀....

出來後, 沿著湖邊的散步徑走, 雖凍, 但卻看到不少富士山的景色.

幾靚架...

之後再上番紅色線巴士, 去了河口湖自然生活館.

咁, 冬天, 梗係冇乜花, 只見凋謝的殘骸,  以及只得芒草.

但卻另有一種簡單寧靜的美.

也在那裡吃了雪糕...靠著柴火筒吃...一熱一冷, 雙重滋味.

之後, 又上番巴士諗住去搭纜車...

但係...我排錯隊...我應該先買飛才去排隊...

咁...咪算囉...冇理由再排30分鐘....

纜車都係行3分鐘之嘛...又吾係真係非看不可.

遊船河呢?

看了那條船咩樣後,  都係算....

河口湖不似箱根那個有大隻船, 景色也沒有那麼靚...咁咪算囉...

之後徒步行番去巴士總站...沿路入了family mart  , 吃了兩件炸雞,兩串串燒, 咁又係一餐.

等了15分鐘, 上了綠色線.

去程係冇乜野睇, 至少冬天,  補眠也不是損失.

開頭只係諗住不落車, 純粹繞著西湖一圈, 到此一遊便算...我怕周圍逛, 遲了冇車返去車站就PK.

果時已一點幾兩點嘛.

結果, 還是在富獄風洞總站下車後, 沒有即時上番車, 花了半小時那裡逛.

都幾好逛, 大自然的奇妙, 形成了一個天然的岩洞, 凍到可以作天然冷藏雪庫.

啲人好勁架...吾戴頭盔就行入去, 真係吾驚有啲位, 太矮太暗撞頭爆缸見紅...

但出來時先勁呀...我見到有兩個女人拖住rimowa 行李篋行入去風穴!!!

佢地其實係吾係rimowa 的KOL , 代言個篋有幾實淨防刮花?!

又坐了接近一小時回程車, 回到總站, 在觀光處請人致電酒店接應.

總結來說, 若不是去風洞,  綠色線可搭可不搭.



酒店係一泊二食啦, 本來冇乜特別, 也沒有私人風呂.

風呂不大,  幸好住客不多, 不用十幾個男人逼埋一齊浸.

只係, 我去食飯時才知是在大堂食, 成班住客是分開幾張正常高度的餐枱食, 沒有個室.

我的斜前方, 有一對青年男女, 情人關係.  女的面向我, 男的背向我.

我當時便覺得自己瀨左野...仆街喇...

咩事呀...咩事呀...人地拍拖嚟住溫泉關我叉事呀?

咁梗係吾關我叉事啦...你估我會羨慕咩...

問題係...我著住和式浴袍...住過溫泉旅館應知我講乜...

我當時...裡面...係...真. 空.

係冇著底褲架....

若在個室食...冇人望...咁侍應入嚟, 佢吾裝枱底,  榻榻米式餐枱,  咁我吾會驚走光.

但現在係正常高度的餐枱!!

所以我係有啲驚動作大啲, 浴袍鬆開, 見到下面...

即係非主動, 不自覺式露械, 在那個青年女人面前...至少佢會望到...

所以呢...成餐飯...我係吃得極不自在,  蹺腳食, 係到提醒自己, 聽日記得著底褲先去一樓食早餐....

你話幾灰呢...

我在溫泉房撞到那個男的, 在吃飯前,  所以我係擔心若俾那個青年女人見到我露械, 夜晚會摸入我間房...咁我點算好呀...

(死開啦...睇得AV 多呀...)


同埋呢...那個青年女人都幾難頂架...

成餐飯, 成日對住那個男放電, 食一啖就要掩口扮斯文, 有儀態, 每吃一口就停一停睜大眼, 望住個男人, 好似前世未食過日本野咁...

屌佢老味...佢個樣佢個格一睇就知, 和班姊妹出來happy hr時, 一定係到勁爆粗喪劈酒, 飲long island 當飲清水拉...現在係到扮斯文純情...係咁放電...仰慕男人識帶她來這種好地方...

但成餐飯, 那個青年女人真係交足戲, 你又吾可以吾服佢喎.

扮純情, 扮天真, 扮可愛, 真係都係一種技能嚟架.

即係你去食元氣, 食爭鮮, 都可以食出像在去天空龍吟的味道...你估易呀...

食完速回房,  但都係冇著番底褲....

房裡喝威士忌, 一邊補回昨天的旅行筆記, 一邊等今晚的煙花.

入住前, 我係吾知今晚有煙花...若我會做到咁仔細, 有時間做, 就吾會去輕井澤啦.

煙花普通, 但卻感覺還好, 純粹娛樂.

本地的煙花, 近年大吹正確風, 慶祝乜乜乜, 愛國乜乜...

令本來的煙花, 好像變質成為維穩工具...有點抗拒.

但是, 我又不反對在本地放煙花.

畢竟, 有遊客想看,  是旅遊業的一部分, 很多家庭都視為娛樂, 怎可自己不看, 就剝奪他人的權利?

一年一次啫.

旅程 (4)

16/2/2018

早上七點半匆匆在酒店開始吃早餐，然後便亡命般拖篋趕到火車站乘搭最可能搭到的JR 班次8:14 回到東京.

落到月台, 離開車時間不到五分鐘, 對自己而言是少.

一般去旅行, 自己都會在開車前十分鐘以上到達月台, 也就是給自己10 分鐘甩漏/行錯月台的時間.

放假看電視劇, 使乜要來輕井澤?!

去到新宿站還不到十點.

幾年前有過在新宿晚晚盪失路的慘劇, 今次自是有檢討.

第一, 就係吾好再亂出閘口,  怎都要揀啱閘口才出啦. (熟路的, 有方向感的,  當然不用像自己那麼笨拙...)

第二, 酒店要揀大街大巷, 離遠都見到的. 像那時候訂APA 歌舞伎, 自不是會考慮. 今次揀了哥斯拉那間...離遠都好容易.

今次呀...我一出JR 東站, 抬頭向左望便見到新垣結衣的廣告牌...是歸家的訊號呀...sweet~~ (我發花痴...)

匆匆在酒店放下行李時, 留意到佢地原來有wifi 租借服務, 1000 yen 再加按金便可使用!!!

如果當初我成個trip 都在這間酒店, 便不用煩呀...lol

不過算啦...

其實...酒店若有提供handy 手機, 其實都OK, 夠查路找餐廳用地圖...

出了酒店後, 第一時間去了麵屋海神排隊吃拉麵.

依然美味, 湯頭仍很鮮美, 雖不及那時候覺得那麼鮮, 但蝦丸, 雞丸仍然好好味呀!!!!!

若佢肯做埋火鍋店, 這兩味一定成為鎮店必點, 一定生意火爆.

講開火鍋店, 那間海X 撈, 咪自稱最貼心客人既...那時候在上海吃, 佢見我一條友, 搵了隻紫色的熊人陪我食...搞到我有點尷尬...大前晚吃海膽鍋那間,  是低調地摺了幾隻細細的紙鸜俾我咋...低調地貼心...

之後, 去了買手信呀...在3 coins 執單幫人買, 也跟KOL 買了些米果咁囉...

嗯, 是挺難的事...難在我是好怕行商場,  特別是新宿那些呢...又大又多間又四通八達.

很簡單的事, 自己花了近一小時.

買完後, 繼續自己的行程.

去了下一站又吃拉麵.

又吃?

係呀...我本來打算今日係拉麵日, 一日吃四碗的!!!!

結果, 來到第二碗已罷工...吃不下去...LOL

第二碗有甚麼名堂呢? 和麵屋海神隔幾條街咋喎...

吃沾麵...

這間店的沾麵, 是真.掛湯的...

即吃到最後, 那碗湯係冇乜點剩...吾係香港果啲呢...仲有半碗係到....

同埋, 豚肉都好吃呀...

下次若再來, 要吃蕃茄味...

不過, 呢間俾KOL 推介後, 多了香港人來呀...我隔離就有一家五口呀...

所以有吃要快手....

吃到近乎撐爆出來, 胡亂行, 總之貼住新宿御苑行, 行了近十五鐘, 穿過很多民居後, 終於走入了御苑散步.

從法國公園開始走呀走...走過溫室...走到英式花園...那片草地很好行.......日本庭園...走累了...坐在椅上呆...

香港維園吾得咩?



population density 的問題.

你係吾可以在維園安靜地坐下來...人太多了...人來人往...

所以冬天才行御苑也好呀...雖然不是花季...一片乾草黃...只有幾株樹開花...

看似蕭條落寞...但卻有一種安靜的美...

特別是剛有幾株樹開花...更會有種生機從荒蕪中漸漸茁壯的感覺.

所以...我真係正能量架...吾係...點會咁諗...

在散步中過了二小時的好時光...好放鬆...挺享受這個獨處的時光...

然後, 步行回酒店...

睡了半小時後, 去了幾年前已很愛的isetan man 逛.

係...我在那裡除了food court, 每一層絕大部分都買吾起....用吾起.

一個刷外套灰塵的馬毛刷, 都要盛惠17 萬yen,  我點會有錢買呢...

不過呀...香港沒有專為男士而設的商場...

二來, 買吾起, 都可以看呀...反正日本sales 至少表面上不會藐我...

看了那些貴價野, 就會知道那些有錢人的世界是怎樣...

呢個世界吾係只得LV , Gucci 咋...呢個世界仲有大把低調的名牌.

舉個例,  香港 PP 和Landmark , 咪都有一間野只賣裇衫既...成間舖得白裇衫....

那些都是好野又貴...仲要有人認同...吾係點交租...

在Isetan man 看那些服裝設計....我會看到心諗...

"係囉...我一直想要咁既款...個設計應該係咁先啱...原來吾係冇...係我冇錢買啫...香港冇啫.... "

 好多靚野, 在Isetan Man.


OK...回到現實...

我最後只光顧了isetan 的food court.

買了一些手信, 兩瓶沒年份的hibiki , 以及晚餐, 合共四塊炸雞件...

如上文提到...在呢個時間...我仲係俾兩碗拉麵撐爆肚...

真係食吾落...

好彩visa 幫我訂吾到今日諗住去的餐廳...吾係真係要取消booking.

在買晚餐時, 放下手信找錢....但走得時候甩了拿一袋...

我點知, 幾時知呢?

7:15 , 回到酒店, 準備開餐時...

" 仆街喇...好漏吾漏...漏了最貴那一袋...."

結果呢...我九秒九在新宿街頭喪奔回到isetan向 reception 求救...

居然俾我找得番喎!!!

很感恩....那位receptionist 仲親自帶埋我去停車場lost and found 到搵架...

不過呢....搞完一大輪, 真的很累...

回到酒店也就不再外出了.

開了枝響出來喝, 吃幾件炸雞, 然後便睡了.

真係睡呀...第朝日本時間五點要起身...吃早餐出門, 搭六點幾的巴士去富士山呀...

你估我成晚面書冇更新, 係去左玩女人呀...

痴線架咩...

雖然...我係八卦想知新宿酒店樓下, 那些無料內案, 歡迎外國人的那些, 入面的服務員的照片係咩樣...有咩類型...

但都係八卦啫...真係吾會搞呢啲野...你估我吾驚俾人打呀...搞搞震冇幫襯, 仲想影相!!!

就係咁囉...