旅行 (1)

13-4-2018

昨晚十時多看完舞台劇回到家.

擾攘一輪, 執行李, ( 嗯, 我進化到last min 才執的地步, 不是那些商務公幹達人, 平時一早pack 好曬, 一旦出差, 便拿著寄艙行李一拖就可以出門, 瀟瀟但其實被逼出來, 不同日而語), 一點多才睡.

其實都沒有甚麼好執, 只帶一個背包罷了. 沒有東西要寄艙.

撞鬼咩, 去三日兩夜拎成堆野過去.

不過替換衣物還是帶了一套,  至少還未勤力到每晚都會洗衣服, 翌日又穿上的省空間程度.

我的個人衛生也未污糟到,  條底褲明天反轉著, 後天再前後對著的地步.

11:40 的班機, 自己卻8時便來到機場.

好眼訓呀...

好多人....  (所以商務客應該搭六七點的機避過高峰時間吧....佢地真係吾使訓的.)

為甚麼那麼早?

早到, 咪可以早點安定下來,  用手提電腦炒輪囉....

好奇怪, 可以專心過在辦公室的時候.


一點多來到台北.

入境的人龍多到乜....排了大半句鐘才辦完入境手續.

來到車站, 雖找到櫃員機, 不過卻沒有排隊提錢, 因為人龍也很長.

入住的酒店是home hotel da an , 也方便, 在大安站出會較忠孝復興方便.

以價錢而言,  也不錯啦,  都新淨企履,  去兩廳院國家劇院也方便, 淡水線數個站罷了.

我還沒無理到想用1000蚊住文華東方.

休息一會, 出來酒店行去大安站方向, 便會路過近來香港曝光不低的玖伍牛肉麵.

當然, 不會在這裡見到何家小姐....

見到,  我就可以成為陳山聰咩...

若用10 個何小姐, 外貌和身家,   也換不到我對Gal Gadot 的忠誠!!

我真係好迷中女觀音娘娘類型的女子.

又扯遠了, 講到有十個何X蓮會對我有興趣咁.

牛肉麵還不錯, 但應該有味精, 有點口渴.  湯底有用牛脂味道, 所以濃郁.

要說特意來吃嗎? 也未至於. 雖然真的不貴,  加大版招牌三寶麵再加兩個小吃, 才470 多台幣.

若不像我中午和晚餐一併吃, 吃一個200台幣的牛肉麵, 便已足夠.

來到國家劇院,  便在櫃台前取票.

是呀, 今次連去誠品事前拿票也省回, 挺方便, 就像本地劇團優先預訂取票一樣.

當然, 都要看場地, 不是每一套劇都可以這樣取票.


還有時間,  在那裡喝了杯咖啡.

"精靈一號". 號稱冠軍手沖咖啡.

除了自嘲" 喝得出" 精靈的味道, 好green, 好pure " 我還可以說甚麼呢?


開場前, 聽了關於導演介紹的講座.

談到他的特點是高台的應用,  燈光的設計.

之後便入場看.

真的, 好看!!!

自己在中場休息時便有這個結論.

有點慶幸來看.

是少有看莎劇, 會覺得好看的演出.

我會覺得它比去年看的柏林列寧廣場劇院的理查三世版還來得好看.

舞台基本上是中間有一個可升降的懸空平台,  左右兩邊有兩個鋁棚架/ 家族晝像 ( 左, 愛德華四世,  中, 亨利六世,  右, 約克公爵), 其實很簡單, 也空曠.

演出的基本主色是黑暗, 故此需要大量的燈光設計來改變/ 微調場景.

那些電腦燈對空間的切割, 再塑造, 是很有心思和極複雜的計算設計.

 一個個電腦燈上下擺動, 對人物的對焦, 像一個個隱藏的探子特務監視, 是一群沒有名字的演員角色,  而射出一道道的光柱, 像守衛關卡, 也是禁地囚籠,  空間的轉移切割, 強度也是力量, 顏色也是陣營.

燈光設計複雜得來, 但卻仍見到十分有條理,  也不會覺得over.

演員,  個個都讓觀眾感到各人內心的怒氣,  躁動, 每人都很有能量.  三位王后在佢地家族的畫像前, 哀痛權力的仇殺循環, 你的愛德華殺了我的愛德華....

男主角理查三世, 更是演得令我都有點同情佢, 說服到我他是時代, 被眾人針對歧視的受害者. 他的造型沒有過份強調身體上的殘缺醜陋,  當然, 右手右腳的不便仍會有突顯,  他的羽毛怪鳥服, 令我聯想到獵物.  特別是音效有時傳來烏鴉的叫聲, 更顯得荒涼.

演出有不少彩蛋,  譬如刺客去殺理查兄長的一幕,  數"一二三四"時, 會用國語說, 令突然跳到20 的效果更為惹笑.

想來, 是啊, 莎劇不是直落一個tone , 都有嚴肅, 也有嬉鬧的情節,  迎合當時不同的社會階層觀眾,  雅俗共賞,  所以這處理是恰當的, 也見到劇團巡演時的心思.

同樣的處理, 也見諸倫教巿場遊說理查登基.  會和觀眾互動, 要觀眾叫喊理查," ho ho ho" 登基, 也鼓動觀眾拍掌起立.

這處理固然令觀眾投入興鬆,  人人都變了倫敦五毛, 但若想深一層, 這正是展示了之前一幕說到,  人人都知理查說大話, 但人人都裝作不知的台詞.  (類似咁的對白啦...) 我們是助長邪惡的共犯.

演出不時垂下中文紙牌解說,  "理查的詭計技略" " 姪子死得很慘" " 理查的悲劇" '他死得很好" 等等,  來到尾聲是會一併全都再出現一次.  除提示觀眾劇情說甚麼, 也幫助觀眾整理思緒, 給予思考方向.

在登基一幕, 大肚的安夫人卻同時臨盆產子,  不知原著裡是不是這樣, 但實際效果是令理查登基時, 有生出了怪獸般的慾望效果, 然後導演加插的歌唱環節, 如訪問說的idolization, 詮釋理查的內心世界, 提示荒誕. 也為後來查理喪子的自憐孤獨照鏡提供伏線. 生得像他的醜陋嬰兒也死了.

之前看柏林版的理查三世, 是不明白尾聲裡提到的白馬,  造惡夢是怎麼一回事,  今次明白了些, 也對那句經典台詞, 願用王國換一匹野馬, 其實想說甚麼,  我接受到的是, 野馬代表他想生存/ 他的希望.

莎劇做得好睇,  是真的好好看的, 即使有語言隔閡.

自己喜歡這個版本遠多於柏林版.

也是為數不多的莎劇, 我覺得好看,  它和蜷川的莎劇不同, 蜷川的版本好看在莎劇如何在東西文化匯萃中呈現. 它在於現代化了莎劇,  在走尊重文本路線時. 恰到好處利用現今的劇場技巧和新添加元素, 沒有賣弄的感覺.

有用, 而不賣弄...你明吾明其實不容易的, 我覺得柏林版是有點賣弄的.

謝幕時, 自己也不禁起立喝采鼓掌.

很值得特意來台北看這演出.

http://par.npac-ntch.org/tw/article/doc-%E4%B8%80%E6%AD%A5%E6%AD%A5%E8%A6%8B%E8%AD%89%E7%90%86%E6%9F%A5%E5%A5%AA%E6%AC%8A-%E7%AA%BA%E6%8E%A2%E8%8E%8E%E7%BF%81%E7%8D%A8%E7%89%B9%E9%AD%85%E5%8A%9B-%E5%B0%88%E8%A8%AA%E6%B3%95%E5%9C%8B%E5%8A%87%E5%A0%B4%E5%B0%8E%E6%BC%94%E6%89%98%E9%A6%AC%EF%BC%8E%E5%96%AC%E5%88%A9-eytqafvz49


看完舞台劇已十一時半,  還要是取消了第二節的中場休息的結果,

4個半小時的節目...

對演員的體能不是輕鬆事.

觀眾也是.

我在中場休息時, 也喝多一杯咖啡提神.

之後, 回酒店囉...冇宵夜,  還未消化完那碗加大牛肉麵.

要洗衫後日著呀...

你估我會有夜生活咩...

我行為很檢點的...除了把口口沒遮攔.

雖然, 台妹真的幾辣...

還好嗎？ 今天的妳

剛下機來到台北，忽然很想念她。

她明明是香港人。

還好嗎？ 還好嗎？

希望她好好的。

Voyage 33

(i)

4-4-2018

其實,  我想跟她說,

做了三十幾年人,

以前從沒想過, 也不會,

只是前幾年,

受她的魅力影響,

我才開始也把利是錢捐出去.



生命影響生命.



還好嗎? 今天的妳.

心地良善的她,  應會很好, 很好, 好好的.

她美麗漂亮, 福氣眷顧,  幸福快樂, 身體健康, 日日買樓.



(ii)

5-4-2018

台北米星星.

大腕燒肉!!!

LOL...我食過...我真係食過...去年五月.

係正架...燒那塊和牛扒, 成千蚊塊, 但好食!!!! 去得的女人, 都係穿吊帶小背心!!!

我早過米星星架....我真係食家!! (其實若係食中女專家, 我會仲開心!?)

雖然, 我都係睇面書才知有呢間餐廳, 跟風, 人食我又食, 拾人慧眼.

btw, 雖然訂不了吳留手, 但都訂了"饞食坊".

我仲想食火鍋架...

你知啦...一條友在香港食火鍋, 除非大家樂美心啫, 吾係都會俾人藐...

也不好意思, 啲租咁貴...人地都要做生意維生.

台北, 我係旅客嘛...

點呀?! 藐我, 我唱國歌架!!!!

起來...不願做... (真係斬我十九碌, 做長城噃...)


但夜晚十二點, 台北邊到有火鍋食呢?


(iii)

天氣開始熱.

老父睇部舊冷氣機吾順眼, 怎都要換, 發曬脾氣.

吾好問點解吾順眼, 上了年紀, 由佢啦...

換咪換囉...只是AEON store 真的好廢, 令人好勞氣.

係啦...佢每月的零用錢, 仲多過自己的花費, 吾計睇舞台劇.

算係咁啦, 又冇上A3 頭版,  雖然我吾係孝順.



(iv)

昨天,  頂頭上司終於講左佢二三個月後吾撈.

問佢收吾收經紀, 卻扮聽吾到...

咁無計...想呃免費地方落腳的機會冇左.


忽然想起佢走左, 會搵邊個頂佢啲野呢? 都要應酬聯誼架...

一定吾係我和同事, 我吾係那些可以在媒體前狗嗡恒指預計波幅上落三千點的人.

另一個名義上較高級的同事雖也做應酬聯誼, 因為新股單野, 嬲到想準備著草.

而以最高層咁多疑的性格, 點會"放同一隻雞蛋在同一個籃子上"呢. (成語係寫錯架...我知...)

根據 " 邊個得閒邊個做"定理 , 有很大機會搵失勢的雪櫃房部門主管做.

佢都吾係監管機構認可的部門 CE, 搞到部門依家變左有兩個 Department Head, 係怪雞的....

咁順便調過嚟囉...好合理啫...人工又吾使加...慳番廣告/介紹...

即係, 佢會成名義上我的新頂頭上司.

X! 叫佢留番清明, 即明年今日, 佢同佢自己拜山時講.

佢之前俾人篤時, 篤佢條友, 篤我和同事出來, 話我地話佢想俾"車馬費" 寫報告.

你話, 我會有運行咩...嗰單野入我數喎.



從來吾慣, 也厭人事糾紛.

不過真的OK 喎, 有了目標後, 心態真係好左.

呢啲麻煩無聊野, 吾想應酬, 咪起身囉.

出去, 即使仆左街, 都好過為了呢啲無謂辦公室政治去勞心防備, 來得好.

我跟同事講, 公司現在死氣沉沉, 冇本事出去搵新野番嚟, 人人就把焦點放在內部.


(v)

5-4-2018

連續兩日去做gym (1hr + each time ).

爽...

雖然酸痛.

要做多啲運動, 精神啲.

未來數月, 只會越來越麻煩.

但人生應該係咁. (幾正撚樣...)


(vi)

5-4-2018

放鬆時滑面書, 有個師奶舊同學的好處, 佢post文能長知識.

靚喎....呢啲係工藝品.

會認得下呢個牌子.

以後同啲中女吹水 ( X: 人地鬼得閒啋你咩... 我: 咁坦白我會好hurt架... X: 講事實啫...) , 我都多一個話題.

" 你有冇用過bodum?  你咁有品味, 實有一兩隻杯啦? 係幾好架, 又吾係貴...百零蚊隻, 雙層玻璃設計係幾好架, 佢優點係 keep hot drinks hot without burning fingers and cold drinks cold without messy condensation, making them the ideal vessels for every beverage, from cocktails to cocoa, 不過呢, 我知佢吾能夠放入洗碗機, 杯腰太大, 對女仔嚟講吾太方便. 同埋呢, 你飲吾飲咖啡架? 咖啡杯都係厚身, 杯口不過闊的比較好...保溫嘛...有機會...我沖杯咖啡俾你飲呀..."

我覺得我同啲中女搭訕能力升了一級!!!

The PAVINA Double Wall Glasses

https://www.bodum.com/us/en/4560-10us4

https://basil.idv.tw/blog/10697/bodum-pavina-pilatus


(vii)

談起想吾撈, 有人問我會不會註冊一間公司.

um...我要間公司做乜呢?  將來衰十一時, 可以方便啲"報稱商人", 顯得有為過"無業人士" , 求情都加分?

以前吾理, 近來會google 一下.



都吾平喎, 年年要進貢幾千銀.

但我果時已失業啦...都吾使交稅....

買樓呀...果啲會慳啲喎...

我買條毛咩...係都吾會係香港.


separation boundary of entity asset and liability  嘛...咁我都知.

但現在, 分別都吾大啦...

都是長遠的事.

(viii)

6-4-2018

入場, 都係" 潘惠森"三個字啫.

想看看他的劇本會是怎麼樣, 有劇本賣, 就梗係吾會入場啦.

那天看完舞台劇再看梁詠琪演唱會.

我覺得我係會思考的文青( 舞台劇) 得來, 又有純真深情的一面 (演唱會).

你...

很想嘔吐吧...

(ix)

6-4-2018

看到有人介紹 劇集 billions.

口碑似乎冇乜... 都係算.

問了Netflix , 現在還沒有 live theatre performance titles.

有點失望...

不過八卦broadwayhd , 原來都出了幾套新的錄像.

The Garbiels.

去年藝術節看過, 係好睇的, 把香港三部曲比下去.

不過選擇, 還不是算多, 也就冇乜衝動註冊.

若真的勁多選擇, 我會不會仲去看本地舞台劇呢?

真係吾知.


-------

新app/新科技...

最難是要花時間去認識和使用.

願意踏出第一步反而不是問題.

譬如medium,  我應該是朋友圈中 首 5% 下載的人.

不過到現在還不懂怎找想 follow的人, 除非知道那個人的帳戶名字.

使吾使上工聯會興趣班學?

如果有Gal Gadot 的輔導員會更好, 捉住我隻手按手機芒, 在耳邊吹氣.... (發夢啦...)

現在 FB 真係幾難用, 但我已鏟左好多現在少看的page了,

想看的, 卻成日見吾到, 吾想看的, 譬如X場新聞讀者投稿 (辣椒X集嗰啲呢... ) 卻成日出現.

(x)

8-4-2018

我那個年代, 用的塗改液白油, 是有鋼珠在裡面, 一擠出來, 要等時間乾透.

考試時若太趕, 又太心急, 便會手沾上白油...

你若和我相約同年 (邊鬼個會認呢, 個個女人都話自己17 歲...個個男人都以為自己係李鍾碩架啦), 都應考過會考中文那些範文對答,  之後問你見解那張卷呢...

其實啲野好無聊...

寫到手抽筋....字多未必好, 但字少一定冇乜point.

所以, 中學時會考考中史的女人, 係屬於吾可以同佢吵架的人...

閒閒地答條"安史之亂"就幾張紙, 過千字...

你得罪佢?!

我知這個改進版已出了十世, 不過平時我又怎會有機會用到呢?

我有幾可用筆寫字?   支票囉, 但銀行會接受有改錯液的支票嗎?

電腦打字, 錯了, 咪印過囉, 怎會用枝改錯液改改改...環保, 但會俾人小不專業.

研究了一會,才懂得用.


忽有點懷念塗改液的鋼珠, 那時會把它拿出來,  用間尺和同學,  在轉堂時, 當彈珠對打的...


(xi)

8-4-2018

近來巿場雜音很多,  不容易做, 只能保持平常心和耐性.

若真係打貿易戰 (雖然現在鬥嚇居多) ,  但卻不介意這邊跪低.

近來讀了一篇文章, 說歷史上成功推翻不合理的制度/皇權, 大部分都不是平民起義, 而是既得利益的菁英不滿利益受損而聯合的結果.

這觀察, 在邏輯上, 是合理的.

所以...都是不說下去, 推論的方向會趨向涼薄.

大概是一將功成萬骨枯之類, 菁英忍無可忍快仆街前, 早已仆街的卻是如我等蟻螻.


-------------

在政府工作的家姐說, 佢下屬因為頂不順佢上司的無理, 患了抑鬱症要吃藥.

說實話, 還是不明白為甚麼不反枱, 政府工喇喎, 條友都應該驚俾人打報告劃花, 影響長糧.

大不了, 按章工作.

七八個人, 怎麼不聯合起來反枱?

大概是comfort zone 之故, 97年前入職, 係吾同世界.


(xii)

8-4-2018

看了第一集奇妙電視的四小時生活圈.

呀...第時著草去目黑區住劏房都OK 喎,  6800 蚊月租的劏房看上去都幾OK.

比起前排八卦看本地的灣仔劏房, 驚爆屎管會整臭成間劏房的相比, 簡直係天堂.

好似護照可以一次留在日本90日, 咁都OK 喎.

節目另一好看的地方是主持伍姑娘.

佢講野的style 其實和陳慧嫻都似,  佢地雖然生活很離地很闊太, 但都係有碗話碗的爽直, 也知本身生活離地, 並不自大, 也會appreciate 其他人的工作和貢獻.

伍姑娘也是容易快樂的人,  旁人也會受到感染, 所以明白點維繫到婚姻十幾年.

男人呢, 老了,  係會鍾意呢類性格的女人.

當然, 娶得呢啲女人, 一定要有咁上身家, 吾係個女人點可以離地.

呢集幾好睇.

-----------

泰國呢集, informative 得多, 歐生都幾好.

係咪真係有人會搭摩托車當輕便版的士?

冇頭盔, 我會淆囉...

我知內地都有, 我見過, 但都係吾會搭, 原因加多個, 吾係政府認證.



兩房兩廁單位, 1700呎,  1200萬, 永久業權, 香港買條毛咩...

在泰國買樓要買湄南河, 要留意永久定租賃業權.

六成按揭, 25年, 記住先.

5400蚊管理費包車位...有冇誇張啲呀... 我屋企附近公屋車位都月租4000啦


益利尊榮卡, 5年俾12萬, 即每年俾2萬4便可以長住, 吾使90日報到一次, 又吾使要等到50歲.



素坤逸區似乎啱我呢啲窮鬼多啲.

370呎, 120萬...


2100蚊住一晚醫院, 兩房兩廁有客廳微波爐, 仲平過在日本住一晚酒店喎...頂...

當然啦,乜都未計醫療藥物...


泰國生活指數現在仲算平...

如果我係果度娶到Gal Gadot 做老婆, 我即刻飛撲過去, 一世都吾番香港.

做二等人, 都要在泰國做啦, 至少生活質素好啲, 老婆仲係中女又靚喎.


但係, 呢個世界邊有咁筍, 洞房那晚, 我會發現我只能"入後洞"囉...




人妖.



想來, 老闆吾易做, 同樣是有關泰國的節目, 相比之下, 便多了虛假的成分.

不是指故意做假, 而是看到的都不是真實的.

不會有人下下俾50泰銖買件西多士就是了.

呃到我呢啲無知, 又未去過泰國的人啫.

但看了"四小時" 這一集, 便會發覺 50泰銖其實夠買到食死你都得果隻.

那些人肯俾那麼多錢買件西多士, 一來是土豪大媽, 二來是有鏡頭.

總不能讓外地的人以為泰國人乜乜乜...

換了是我在BBC 鏡頭前, 我都會用100蚊去買那些旅遊節目主持整的一杯車仔茶包紅茶.



所以, 世界真的很大, 要多些四出走走, 不要目光淺窄.

不過呢, 大概今星期五去過台北後, 有一段頗長時間都不會出門.

要預留假期用來還一個月代通知金, 也是起身後未有穩定前必要的省儉.

希望可以順利.

(xiii)

8-4-2018

看了濱踦步最新的演出的youtube 唱seasons.

係好月巴....

大概, 吃了太多治療藥物,  令荷爾蒙分秘出事.

不是跟開佢的新聞, 都知佢身體的毛病不少.

若說佢食太多搞成咁, 我係吾信.

btw, 我寧願佢似安室咁仍在靚靚的時候收山, 總好過現在咁.

把聲真係好吾得.

但日本藝人係受薪制, 啲合約大多是奴隸合同...

佢想退, 也不由己吧.



有些演唱會, 我係會絕望到連搶票的意慾都不會有.

也開始有個人  為妳守護著 我該心安或是心痛呢?
也許妳還記得  也許妳都忘了 也不是那麼  重要了
只期待  後來的妳能快樂  那就是  後來的我最想的
我期待著  淚水中能看到  妳真的幸福快樂

(xiv)

9-4-2018

"少年, 你太年輕了..."

我感覺有點"火羅", 很無知.

原來電視介紹的泰國樓盤是豬頭骨, 吾易賣出才上電視推介宣傳搵水魚.

哎呀, 我仲信電視講既野添...被人老點仲吾知.


財經節目, 即那些名嘴, 報紙專欄冧把降, 我又吾會中喎...

因為我知那些人都是狗嗡.

早前, 大跌巿時, 居然走去Harvey Nichols 買名牌減價貨, 就知佢地幾上心啦.

所以呢, 吾熟的野, 一定要自己認真研究.


(xv)

9-4-2018

記下來: 有22日年假可以報銷用作離職用.


-----

看到有一堆朋友去了大阪, 在酒店內用小電爐和一人煲, 集體打邊爐.

看上去好有趣, 應會很難忘.

我冇like 冇留言.

若我講, 我會講:

你知吾知間酒店房冇抽油煙機架? 打邊爐好多油煙呀湯汁呀果啲野, 咁做其實係缺德架?

下一手房客點住?

若冇問題, 就吾會分吸煙房和非吸煙房啦...執死個清潔呀嬸咩...

你估清潔果啲真係清到好乾淨咩...

大把周圍飛的空姐可話你知, 就算五星酒店, 都吾係你想像中乾淨, 依家仲搞埋呢啲野...

若想打邊爐, 去旅行時租service apartment, 包埋開放式廚房果啲啦.

七個人租拉均吾算貴架.



我還算知頂, FB也俾人block得多, 近來吾知點解又多一個, 所以不會出聲.

Voyage 32

(i)

29-3-2018

午間, 和家人去吃飯.

泰麵.

不是因為米芝芝, 事前我不知.

純粹佢地當時在灣仔, 我也想找一間輕盈食肆. (份量大的中餐咪最後嗌兩碟野...好無謂...)

味道都OK, 家人卻覺得比較重味道.

是新派泰菜.

可以再光顧那類.

只是地方比較狹窄, 座位很貼,  不能說私隱.

譬如隔離枱兩個女人不能分享" 我條佬尋晚吾係好得...使吾使叫佢睇醫生或者食吓海豹丸咁..."


飯後, 沒去看藝術展, 因為今晚要看演唱會, 不想行幾個鐘展覽會.

不過去了看傢具.

我睇中這張辦公枱hermanmiller  optimis 系列的其中一款.

http://hermanmillerreach.com/en/Post/Story/132

不過都是幻想罷了.

價錢要12K, 再加幾個芒架, 最後應14K.

係正...實木, 枝架應承託得起四個屏幕.

不會用得起.

傻的嗎, 若真的被逼辭職, 那時怎捨得買, 要小心計算用錢.

當作是中期目標和方向吧.

知多些, 看多些, 為將來出走打算.

想來, 越覺得吾理公司怎都好, 自己想走的決心越來越大.

(ii)

晚上看了安室.

很早便到了紅館.

除了買紀念品, 也想看看安室的粉絲打扮造型.

係好吾同的, 日本fans.

也有很多人以安室的造型去看演唱會.

從後望(前面望瀨野機會高) 都有些女幾索, 短裙搭長靴, 有些更set 埋安室的招牌包包孖辨頭.

氣氛係好得多, 不是香港歌手的演唱會可比.


買紀念品...其實係0徒錢架...將來又吾會拎番出嚟睇/著.

只是呀...你去到就會有衝動買...是氣場...



其實呢, 我吾係太熟安室的歌, 特別是快歌.

但到佢唱live時, 卻會自然很情緒高漲,大叫大嗌, 狼嚎...

企足二個幾鐘手舞足動...

好似中降...發曬癲咁.

所以佢真係好有台型和氣場.


因為佢跳舞係好睇, 同埋真係好痴線, 三吋踭的長靴跳足兩個幾鐘...

say the word, you are my sunshine 那段的舞蹈尤為厲害.

本來對快歌一般, 也會大力揮手叫喊跟唱那些簡單的英文字句 chase the chance!!.



當然, 佢唱慢歌, 輕快歌時, 我會更加投入, 好聽.

Baby dont cry , Love story, Never end, Hope, Finally, how do you feel now?

還有我一直想聽現場的Can you celebrate?

很靚, 大概中女結婚時, 穿婚紗禮服都是這樣的式樣.

她結婚時, 也會如此打扮吧, 會很漂亮.

我不免想像.

I can celebrate.



怎都好, 很滿足的晚上, 很不捨得安室退休. 佢的表演和水準, 其實仲可以唱多幾年.



透過不斷的大叫手舞足動發曬癲, 渲洩了好些近來積聚的躁動.

是的, 我察覺自己近來有容易被小事點爆, 想著火的躁動.



整晚我沒有空, 也不會拍攝演出期間的相片.

我當自己在日本!!!!

在日本, 演唱會除非官方許可, 係吾俾影相的.


(iii)

31-3-2018

有不少事情, 大概除了感情上的單戀/自作多情, 

只要持之以恒, 便容易贏得別人的敬重.

譬如像安室, 出道25年, 稍為維基一番, 便知一直以來, 佢的路並不容易.

是極 tough  極硬淨的女人.  (我喜歡的type!!!)

所以令其他的八卦娛聞, 負面小道消息,  不值一哂.

即使是真的, 又如何,  誰又在意?

若如報道那麼不堪, 負面,  佢又怎會在舞台上堅持了25年?

不可能一世夠運...

運氣不會令一個女人到40歲還是那麼索, 那麼有活力和跳得.

十個40歲以上的女人若穿短裙高靴,  大概有八個半只會俾其他男人女人藐囉...


一直都是汗水, 強大的意志堆砌出來, 沒有捷徑.

安室真係好鬼堅.


(iv)

2-4-2018

星期六, 看了女途愉快, 一個 cabaret , 具歌舞戲劇表演元素的娛樂.



口沒遮攔版:

整體給我的感覺很粗糙, 在內容剪裁, 編排上有完善的空間.

演出創作雖由兩位張姓女演員掛名領銜，但若稍知這些女演員的背景，便知有些內容來自其他女演員的自身經驗，屬於集體創作，然而部分演員的分享的差距比較大。

最明顯是雷女士出場講自身文革的少女時代。

相比起之前四位女演員分享女人的月經之苦、Glass Ceiling、港女標籤，雷女士的部分霎時把演出的重量顯著拉沉，由本來輕輕鬆鬆，叫男人上台體驗被濕了的M 巾貼著手臂的難受感覺, 突然變得嚴肅沉重，令其他女演員的分享顯得有點不夠班，小題大做。

雷女士失去十年少女青春，女人最可貴的時間，雖然貼題，作為壓軸並無不可，但這卻把其他內容比下去，不啱mood。


這就等於，她答應那位男伴求婚後，我會想像她會穿得像安室唱 "Can you celebrate?" 時的禮服一樣漂亮地步入教堂，或者她像劉若英、鄭秀文、宋慧喬、李寶英結婚時一樣。



而不會聯想到近來被洗版的你X煙 戴nude bra 裝假狗 勁PS 的婚紗照，那張相令人作嘔。

雖都是說婚紗照。

比喻不恰當,  並有冒犯雷女士，但只想說不同的mood的內容放在一起,  是違和的感覺。

若刪去雷女士的部分, 整個劇便輕重便均衡一些, 不會有突然跳掣急墮之感.

演出雖然raw, 但見到演出其實有心, 不是劇場阿叻那類垃圾作品, 或擦校長鞋的劇作,  我覺得已可以去中學教育巡演, 等那些少男少女尷尬中體驗女人之苦和不容易.

反正太深奧, 認真, 班細路會嫌悶。

雖是 raw , 但不會令人反枱, 覺得仲有進步希望和空間的作品.

音響麻麻。

原來有張國穎，其實想問，今次演出和去年聖誕佢在藝穗會的演出, 題材關於聖誕節, 有甚麼不同。

張紫琪好少可吾係做閒角、靚靚地出場，亦少有見到佢很自信和散發氣場。所以黑色西裝外套下,是開大領的喱士的外衣, 但係...係冇野睇的...線條平淡.

有時間好似我咁八卦，可以入場前看陳煦莉以前放在面書的結婚前世今生，會更明白點解佢咁感動小朋友叫佢做阿媽。結左婚，服裝始終係保守啲.


(v)

2-4-2018

昨晚開了上周六買的一枝平價威士忌.

純粹 daily drink 臨睡前喝一小杯, 會睡得好些.

也不想太破費, 畢竟隨時會想辭職.

若可以, 其實想飲山崎 18.

" 不簽卡  不網購 

天天心裡想念藏有好酒的人 

緣分到了  他們自然請我飲"

希望我的佛系飲酒法, 會有成功的一天.

文青國語腔:  你是我一直在等待的人嗎?


(vi)

2-4-2018

二月去旅行時, 下榻的酒店服務員領我進房間, 介紹了270 度景觀時, 給我看的單張.

自己最留意是右下角那間高中, 有棒球場啊...

在國會議事堂隔離那區, 千代田啊...在政經要地隔幾條街的高中.

不用想都知, 那是名校/貴族學校/有錢人的學校.

所以, 也不用想, 隔離那幾幢民居, 究竟有多昂貴了, 雖然外表有點舊.

日本都講校網吧?

千代田區喎...隨手求其查一查...都過萬蚊呎.

話說回來, 昨天去茘枝角工廈區行了一轉, 看看網上那些放租的地方,  盤算若租一間蚊型office , 附近的環境如何, 至少要有間七仔啦...

頂呀...咁近 The Gateway, 又有幢起緊...

將來租金吾升先奇.

若租那裡, 行去雖方便, 但將來要挨加租. (想得長遠些無壞啫...)

當然, 不會像太古 Island East 那些咁好規劃和配套的了.

btw , 那裡附近有一間地產舖...

好出奇咩...

間野放租/代理日本房地產架!!!!

無理由那裡有日本人返工,  都冇乜日本餐廳或者日本人開的食肆.

好奇怪...

除了那裡貪平, 叫做有間實體舖, 俾到人"信心"外.


說起太古城,  現在已有些快退休的人, 賣了太古城的單位, 換入東涌的新樓.

一來, 省回已有樓齡的大廈公共維修保養開支,  二來兩個地區樓價也有差價, 可以用作收入幫補來源.

況且, 退得休, 都會去外地住, 到時在香港只會小住, 例如溫哥華冬天, 怕凍咪返香港咁.

住東涌, 搭飛機怎都就腳過在太古城.



(vii)

朋友IG 圖文並茂, 分享偷聽鄰座兩個女人的對話.

"我係吾會隨便收啲男人送俾我的戒指架..." 一個又肥又矮, 應有三張野, 樣子打扮一般的肥婆說, 然後佢食左一盤七件的韓式炸雞.


看到IG 後, 我whatsapp 覆朋友, " 我係吾會隨便送戒指俾女人架...咁, 我應該可以食到十件炸雞"

"........"


好累, 看了一整個下午公司業績公告.

三月多到嘔, 揀來睇都超多.


明天返工.

想食炸炸.


(viii)

2-4-2018

好野, 有第二集.

Revlon 吾係俾啲老而絕望的女人用架咩?

Gal Gadot 今年才32歲, 月底33. 佢4月30日生日呀.

上次我見到以前曾喜歡的人, 她外表才25歲咋.

代言死靚妹品牌 Innisfree /Fancl/Neutrogena 果啲先似樣呀.

代言 Revlon , 太老氣了.

我也想像不到, 她現在居然有陣強國味, 會用華為手機.

(廣告也拍得好差, 差在冇想像力...成個Gal Gadot 係到, 仲想要乜呢...)

若她不用iphone 都吾該用samsung 呀...

好大打擊, 用華為.

Gal Gadot 真係接廣告時, 要揀擇一點.

佢去年接的廣告, 更加讓人無語.

呢個正呀...她 21 歲時都應該差吾多係咁.


(ix)

3-4-2018

雖然, 我知道很無謂, 還是想知道近來是誰舉報我和同事在公司炒股.

邊個係二五仔.


平時都冇人理, 也不是秘密, 全世界心知肚明, 隻眼開隻眼閉 (吾炒, 貪呢到福利好咩),  全世界都會多多少少炒股.

who points me out?

若有舉報, 便作樣子問問, 以示一切在掌握之內.

問過其他部門, 我偵查的結論是, 應是公司的GM.

公司打工的人中, 最高層.

我都算有本事吧, 一係吾得罪人, 平時在公司冇存在感,  一得罪人, 就係第三把交椅, 並要到老闆面前被"關心工作近況".

都似...近數月成日做監管機構啲野, GM會行埋嚟.

頂佢個肺...係佢冇買股票.


現在知道,  其實冇乜好做, 最多只是說話時更小心防備.

我吾係真係白痴架.


唔, 我吾係驚...反正來到現在, 都真的打算不做, 差在想做多少少準備才離開.

不知係吾係真係有人咁好, 免費俾我響佢公司用一個位.

聽住先,  一講到錢, 好多野都變質,  我又怎會不知.



呢排真係再追問, 並講明不准, 咁真係遞信囉.

都冇意思啦, 邊個鍾意走埋嚟搞我, 上面就順應"關心".

--------


"香港人係不配有民主!!"


做乜事忽然咁憤慨?

不嬲都不配架啦, 吾好講到投票咁遠, 只講撘lift.

無論出屋企門口, 定係係中環, 都會有好多人, 未入lift前吾講野,  但專門在Lift 內高聲說話, 逼其他人聽佢地講野 (放學未呀, 自助餐邊間好食呀...) , 出lift say bye 架啦. 冇公德, 冇禮貌...基本野都未有,  咁邊有民主呢?


上周的placing allotment 事件, 最高層都知好多人不滿, 所以先發制人, 製造輿論.

"我和那個客一開始就講好左, 有幾多番嚟, 全俾曬佢, 我冇袋落袋要左架"

"我本來諗住俾人賺十幾萬, 點知升幾倍, 如果知, 都吾會咁俾個客..."


最高層好有信用, 講過算數, 也估不到隻野升咁多.

係咪形象好好呢? 佢都係受害者, 佢都吾想架.



但係, 我和同事聽到卻只會反白眼.

個個客話要曬啲熱門placing, 你就會俾曬佢? 當人白痴架咩? 你第一次收placing 番嚟呀? 次次咪關事的, 吾關事的, 只要你鍾意的, 都有得分...吾鍾意的, 關事都冇得分. 點解今次又咁有信用呢?

至於升幅超出預期...又轉移視線啦...重點吾係贏輸, 而係分配....


不過呢, 真係有人信佢喎..."會吾會得一個客問佢攞, 所以咁...", 我聽到真係覺得呢啲人吾死都冇用.

真係得一個客咁做, 呢到食風, 交吾到租好耐啦...

啲人吾用腦, 呢啲當人ON 9 的輿論仍會繼續有巿場.



話時話, 點解咁筍個客呢?

因為個客在某界別有面子云云, 想搞好關係, 為將來有事時鋪路.

即完全未有實際利益俾公司那隻.

等於有條友想溝條女,  手都未摸過, 就送定chanel, hermes一樣.

我鬼吾望最高層和我的那些年一樣!!! 我會心涼!!

(送左, 手都係冇得摸,  條女仲俾第二個溝左...)


(x)

3-4-2018

有沒有擔心過, 將來出來單幹後, 會俾現在的朋友圈疏遠?

因為覺得我撈吾掂, 早晚會約人出來度水籌旗, 有借冇還, 或者游說代炒賺佣之類.

總會有人咁諗我...我估.

但都好合理呀, 在香港, 每人生活的負擔很重, 不想遇到無良的人扔錢落咸水海.



想又想, 咁冇辦法架喎.

現在, 和我想去的方向和地方, 已越行越遠, 好遠好遠,

遠得開始感到無力無望, 有不想再試, 留在原地等死的念頭.

所以我不能這樣子下去.

總要作出抉擇.



游說投資的野,  其實我吾會, 因為怕煩, 不知怎開口, 也不想和別人的關係有金錢糾紛.

我細細個都已知親戚之間有金錢糾紛, 係會好瀨野, 禍延下一代.



怎都好, 應該 OK的, 反正我一向有自閉一個人的傾向.

又或者, 有自閉的傾向, 是個天整定, 是給我的禮物去應付未來.



現在的打算是, 保持低調, 默默一個人啃曬所有野, 係呢度寫下blog 吐苦水便算.

Voyage 31

(i)

25-3-2018

又用Visa Concierge 去訂旅行的餐廳.

嗯, 今次訂吳留手.

應該沒問題吧, 早兩星期以上便訂枱, 應有一張bar 枱給我.

反而, 看劇那晚宵夜才頭痕.

我現在才知要看成4小時30分.

當我看到270 分鐘,  真的係用計數機除60... 6 4 24, 再加 30分鐘.

去年在香港文化中心看理查三世, 都冇咁長架喎...

即係若要食宵夜,  就要計埋捷運收工時間.

只是吾想煩截的士啫...


我想打邊爐...台北有邊間好呢...

我係吾會去海底撈...

費事陣間又見我一條友, 覺得我可憐, 上次上海俾個紫色熊人公仔,  今次就搵個海賊王公仔陪我食.

係俾, 都俾個 "Sailor Moon"  我啦.

諧音好意頭,  你一讀就知, 係靚女嚟架.


(ii)

26-3-2018

現在中午.

已很累, 不知怎算. 今晚去看29+1, 還要坐circle 那麼遠.

點解仲去睇?

大概是懷舊及farewell 吧.



致那些年逝去的青春, 30 歲.

平時見其他人看電影/看舞台劇, 都會很容易哭和感動,  自己則無太大感覺, 令自己都懷疑自己天性冷漠.

都不是的, 是自身的"熔點"古怪, 及把自己收到好密罷了.

若涉及到某些人和事, 我也很容易反應過敏, 激動和感動.

當然, 屬於這類的人不多就是了.

難得有一套可以流露感性, 怎都會再看.

也覺得, 彭小姐那樣有要求和麻煩的人, 若非有特別理由, 今次應是佢見好就收, 最後一次親自演出這劇目.

將來, 若有其他演員演這個劇目, 也不會演到像佢的感覺.

不是演技, 彭小姐的演技, 還未去到超班的水平, 實有人做到像佢那樣子.

吾知點解釋.

其他人演, 真的純粹當表演, 到佢演, 會覺得是一種交流.


(iii)

26-3-2018


只是留念.

2010年也買過一本記事簿送給別人.

當時寫的是"remember the story".

來到今天, 寫的卻是" Life is beautiful"

八年時間過去, 也見到佢的心態更淡然.

From treasure the past, to embrace the future.

(iv)

27-3-2018

睇吾睇好呢?

維基咁樣講.

https://en.wikipedia.org/wiki/Witness_for_the_Prosecution_(play)

所以沒有詳細資料.

宣傳話演出場數累計逾千喎...

但該製作公司往績麻麻.

過往演出 "杜老誌", 真的好悶.

都係有毛先生, 劉小姐和謝先生.

那也是莊梅岩幾差的作品, 把成個佳寧案改下就當故仔.

(莊小姐那個中山逸仙, 都係比較差的作品...)

舞台設計又吾設計開舞台的人做.

圖書館有劇本借, 睇下先算.

反正下月10日先有預訂.

-----------

反而今天買了這個.

劉生個大名...我細細個已聽過架啦...

呀...吾係...只要看過一些舞台劇, 總會見到佢個名至啱.

佢主要多做燈光設計.

今次搞劇喎..

吾知會點呢?

以佢燈光設計的往績, 吾似新晉導演/編劇咁, 嚟搵我較非吧?

但其實, 我主要為了邵小姐入場.

呢個有實驗性質, 如果演出其實只有邵美君的錄影/聲演呢?

咁....我就....仆街喇...

第朝, 我仲要飛去台北架.


btw, 吾知抽吾抽到國立藝術大學的學生畢業演出的門票呢?

有蔡思? 呀...短暫的婚姻的女主角呀...

若抽到, 我就一連三日看舞台劇!!! 好耐未試過咁.


(v)

27-3-2018

"如果, 生命可以再來一次, 你會想從哪裡重新開始?"

昨晚舞台上講了幾次的對白.

是幾容易引誘人去懷緬, 惋惜, 追悔錯誤 的提問.


即時浮現的, 會有幾個時刻.



想又想, 還是不要bilibala 說出來.

我都覺得自己好煩.


只要現在和未來做到便好.

不要亂講野.

不再有下次 didalidadi


(vi)

27-3-2018

頂呀...吳留手吾接受第三方訂枱.


(vii)

28-3-2018

今日灰到爆。

不僅是輸啦，而是俾人搞。

無啦啦問我做乜咁多個屏幕又咁多報價畫面，應該成堆文件分析報告才是正常。

即係想點呢?

關閉所有報價畫面?

咁即係逼我辭職。

你有咁多訂閱可以有報告俾我睇咩?

直接啲叫我resign 啦, 不如.


我嬲到已寫好辭職信, 只差日期.

呢幾日若再咁搞, 我真係遞上去.

真的好影響反應, 狀態以至情緒.

若今日再來多一次, 我吾做仲著數, 俾人搞到燥到輸錢, 頂佢個肺.

我用3個芒已成年幾兩年, 今日先嚟challenge 我.


(viii)

要想想開心的事.

a)

近日看空姐elaine 的IG, 才知原來倫敦都有櫻花睇架.

將來發左, 去倫敦長駐幾個月, 一定要揀三月. 又有舞台劇睇, 又可以賞櫻.

要爭氣.

b)

骨瓷和陶瓷有乜分別呢?

近來見有面書朋友在斷捨離, 捐出一大堆骨瓷的杯杯碟碟.

btw, 點解佢會覺得"骨瓷體面, 但不好用"?

點解呢, 點解呢?

陶瓷比較堅固耐用, 不易破損.


咳...我吾驚啦...

假如 (Hypothesis)  : 我有女朋友

她一定係入得廚房, 出得廳堂.

中餐西餐日式, 牛扒鮑魚魚翅海參... 都有一道名菜絕活.

她吾會打爛野, 就算打爛, 都只會係我既錯.

吾係我要求, 吾係我刻意特登找,  而係她天生就係咁叻.


中女嘛...

年紀都已遠遠贏在起跑線啦,  她懂的會比十八廿二為多.


https://kknews.cc/zh-hk/culture/gkzqal.html


咳咳...可惜...現實中我係吾會有女朋友...我亦見吾到有咁既可能.

我去食公仔麵啦喂....仲諗牛扒鮑魚.


(ix)

29-3-2018

關於八卦, 我其想說的是...


近來有一隻新股熱爆, 首日上巿升幾倍....

別誤會...我不是說基本因素不行啦...我認我吾識. 我又不是那個X子山學會班垃撚圾, 亂鳩咁用經濟去解釋黃子華啲飛炒賣現象. 俾班ticket bots 圍曬飛時, 都吾係free market啦, 係變左兩個market, producer 都吾係那個producer la, 兩個supply demand charts,兩個set 嚟架, 仲講乜九呀.

不是說玩偽人敲鼓答財記玩野... (我其實欣賞佢地咁玩, 忠於佢地的image, 三個老闆沒有被沖昏頭腦, 畢竟除非玩財技分拆啤殼啫, 否則一生人一次,  但佢地仍不吝用這機會繼續為公司宣傳. 試想想, 如果一如傳統, 又怎會有現在的sound bite  咁大迴響, 又怎connect/entertain 到佢地的支持者. 事實上呀, 這場合的扑咪環節, 一向都係冇內容架喇, 你試吓叫那三條友吹埋啲係招股書冇講過架野呀? 講今年盈利升十倍呀? KFC 開file 架 , 大把人等睇佢地仆街... 現在偽人雖亂講野, 九吾搭八, 但KFC 若認真, 反而俾人恥笑真心膠.  只能當睇吾到...所以其實更頂癮...作為金融人看在眼裡...)

也不是說那些 old seafood 瞧不起那隻新股.

更不是如某作者, 說起某獨立歌手獨具慧眼中jackpot 嫁到好老公.

我想說的是, 招股有配售部分, Q  替公司 fight 到 ?00K 回來.

不過, 有高層順手當人情, 把它們全都撥給一個客人.

Q, 真係一條毛都冇... 鳩毛都冇... 並給其他知情者恥笑ON 9.

分到二成, 都賺幾十萬啦...

我勸佢吾好再忍, 跳船吾撈.

講吾通的.

咁那個客有乜咁巴閉呢?   早年財金圈去南區酒店爆房爆到上報紙的男人.

頂呀...我一個月俾的佣都多過佢十倍...我都係一條毛都冇....雖然我真係吾貪.

所以應是其他事找數才有厚待.

總之, 成件事好灰.

(btw, 那條友冇可能係民主乜乜,  因為阿爺若玩連坐冚包鏟, 條友掂過啲野有運行至奇...)




另一單野是頂頭上司未來數月將會起身不做, 自己開檔.

消息是出口轉內銷...我又吾係佢馬房/人腳,  佢點會咁早話我知.

與同事談起, 不如佢開檔時, 我地跟埋過去, 做佢間野的經紀, 慳番租蚊型office 的錢納納雜.

佢間野, 名義上, 又多兩個AE, 似模似樣得多.  公司有兩個AE 和有10個好吾同架.

不過同事卻說, 你炒咩佢咪睇曬囉...到時你炒條毛呀...落盤點都吾夠佢快, 錢又吾夠佢多.

都係.

但好明顯, 將有人跟頂頭上司走人.

但話時話, 佢走, 我和同事都走, 成個部門即時消失呀...好震撼咁...

但其實對上面嚟講, 邊個得閒咪邊個做囉...我吾會白痴到以為自己有一丁點重要.

但冇計,  在comfort zone 太耐, 如果吾係被人逼到咁, 又點會成日想起身, 試下找條出路.



係呢..好耐冇吾撈, 現在才想起, 一個月通知的問題, 所以以後啲假不要亂放.

吾係到時話走, 但未走得之前 (除非賠代通知金) ,  我實俾人點做野, 做到仆街, 揼曬所有牌照, 現在申請, 未申請的文書.

尋日開會, 話我做分析, 做乜開咁多版面成個trader 咁,  現在想起, 當時若不鵪鶉, 應該駁咀, 咁你知我份工supposed 做分析, 又叫我做埋曬牌照啲野...

Last Word: 關於八卦, 我其想說的是...

我吾係咁鍾意八卦呢啲野架, 其實. 好浪費時間, 度下trading idea, 訓下覺好過啦... 八呢啲野用30分鐘, 我一日訓6個鐘左右咋...  我係鍾意呢啲野, 就吾係introvert 啦.

當然, 有些人的專長做呢啲野, 也是佢地謀生技能, 識人多, 知好多門路人脈, 省回其他人的searching cost, 呢個真係值錢架, 故能從中搵到大錢.  只是, 我不是這種人罷了.


(x)

29-3-2018

差少少 就 hihi,  會撞左"公司感謝你"的場次.

應該OK 卦...雖然都吾會係超勁的作品.

呢次訂票其實幾好, 吾使入數紙, 又吾使paypal.

係, 我係阿伯嚟架, 我吾會store credit card info 在 paypal.

Voyage 30

(i)

20-3-2018

公司早前替內部員工更換了坐椅, 款式是抄襲 Aeron chair.

http://www.hermanmiller.hk/new-aeron-chair

坐上去, 自然沒有原裝正版那麼舒服, 但只有約莫八分之一的價錢, 卻是物超所值.

舊有的椅子, 若一天坐11 小時, 不是會令人滿意. 坐得久了, 會腰背僵硬拉緊, 腿也會有點麻痺, 坐墊也不夠厚像下陷, 也不透氣.

日積月累, 周身痛是結果.


現在有點累的時候, 可以向後一靠, 抖抖氣, 會舒服一點.

是上面鼓勵多點加班嗎?

同事說, 快三月底了, 加薪的事完全沒有風聲. (其實佢和我都不太在意, 只是加和不加是象徵態度, 若不要騷擾炒股更實惠)

我說, 換了張椅, 便已是工資上漲啦, 都是加辛嘛...



忽然想起, 若未來數月要辭職, 也該看一看那裡有二手辦公室傢私可買啊.

若出來, 算是自食其力, 能省則省, 二手的應便宜一點吧.

怎料, 那些網站的二手家私, 款式和質地都很普通,  有點買不落手.

那些工作桌大小了, 放下三四個屏幕會倒塌.


我是奄尖的, 但一天要用十多小時, 比床褥還要用得久, 有一點要求, 真的不算過份.


(ii)

朋友的同事跟佢老闆有噯味.

老闆有天煞有介事的著司機送了一袋東西給那位同事.

拆開封口, 裡面是散件包裝的嘉頓威化餅和朱古力!!

那位同事自然爆粗.

很合理的反應.


明明在噯味期, 柏拉圖式有情無慾, 會預期收到對方的東西是很sweet的.

特別是近來是白色情人節.

怎料實際卻收到疑似在家吃剩吃不完的零食!!!

那位同事好似冇錢開飯咁.


八卦的我, 覺得很好笑.

送禮, 該送甚麼, 要看關係和場合.

這個理論, 我懂, 但操作上, 我卻一直弄得一團糟, 一塌胡塗.

不老是說去年那些掃興的舊事.

我會想起那些年在京都, 曾經想買, 但最終猶豫, 不了了之的手信.

怕太過異類.

那是一瓶醬油.

https://hk.lifestyle.appledaily.com/etw/magazine/article/20161124/3_17782001/%E4%BA%AC%E9%83%BD-%E6%89%8B%E4%BF%A1-%E3%81%AE%E6%A8%82%E5%9C%92-%E5%90%83%E8%B2%A8%E6%89%8B%E4%BF%A1-%E3%81%AE%E5%A4%A9%E5%A0%82-


是想送給她的.


(iii)

朋友今天在面書分享當年今日的post, 是黎堅惠的書, 天空之鏡.

http://www.winifredlai.com/?cat=430

是幾年前, 黎小姐還在生時出版的書.

當時初版沒多久, 自己訂來送了給朋友.

內頁有黎小姐親筆書寫給讀者的字句.

知道書還沒扔掉, 是感到欣慰的.

畢竟香港家居的空間有限, 有了小朋友後, 地方更是捉襟見肘.


黎小姐, 可算是女人獨立自強的其中一個模範借鏡對象. 曾經隨俗, 但最後又活出自己的色彩. 別人喜不喜歡, 就是另一回事.

有些人即使離開這個世界, 生前做過的事, 若能仍影響感染他人, 我覺得是很了不起的事.


不知有生之年, 我會不會有機會去到南美看一看天空之鏡?

若真的想, 要趁早, 地球越來越污染, 天災也多.

就像九寨溝, 人們說很值得一遊,  我還未去過, 便早已在地震中受重創.


(iv)

21-3-2018

近來電影聖荷西謀殺案的宣傳越來越多.

應會入場看, 看看電影版改編成怎樣.

雖然, 已不太記得舞台劇版的故事情節.


舞台劇劇本寫得好, 終會有人留意的.

不是因為"短暫的婚姻" 紅了編劇才有改編.

"暗色天堂" 也是改編法吻啊.

去年, 便特意去了澳門看法吻的演出.


除了莊小姐, 還有誰的劇本可值得被改編?

潘惠森的, 雖然挺有意思, 但大概沒有那個本地導演導得掂, 票房也很難賣座.

其他編劇?

黃詠詩? 水準不穩定.

真的沒頭緒.

(v)

22-3-2018

越來越忙和累.

今早在美心吃了牛扒炒蛋再加通粉作早餐.

中午不太餓便索性不吃飯, 小睡一會更好.

晚上下班才去吃飯.

感覺還可以.

不是甚麼特別的事, 大把人都是如此.

反正在中環, 平的難食, 貴的又不想花錢, 也沒時間吃.

明天周五...有點期待放工即刻回家補眠.

其他麻煩事, 醒了才算.


(vi)

24-3-2018

平時都有參考佢看電影的名單.

譬如近日便聽了佢意見看廣告牌殺人事件，咁又真係好睇的.

不過，看到佢評這套舞台劇「好睇」，那刻心下即時打了個突。

吾係呀嘛...我話呢次演出好過NT live ，也只限於「現場感」呢一項咋喎，其他我覺得普通。

最好的係NT live 版本錄製當日的現場。

NT live 係後期製作做得好，音效/ 取鏡角度與距離/ 畫面剪接，令觀眾感官所接收的訊號強度大幅強化及對準，係優點亦係缺點 (太強又吾似看舞台劇)，但無法看到鏡頭以外的東西( 譬如大特寫男主角時，冇曬對手的反應)，演員和觀眾的interacting，令現場感點都會失分。

Production creativity，今次為巡演的修改，係冇原裝咁好。

想又想，是reference point 及平時多不多看舞台劇/質素的問題。

若一年三四套，仲要本地係陳X權的那種水準或以下的，咁今次梗係好睇過多多聲；但若拿NT Live 錄製當日的現場，咁今次便會覺得好悶好難看。

所以，我都算看得比較夠多，品味也有少少提高吧。

點都好，千祈咪學藝評人咁睇舞台劇就得。

(vii)

是日好讀.

https://news.mingpao.com/ins/instantnews/web_tc/article/20180324/s00004/1521904316201

(viii)

25-3-2018

剛過去的周五半夜,  跟一位朋友在公園喝啤酒談天.

東拉西扯, 說起佢現在在家全職投資生涯.

不容易專心,  做家務, 早上八點幾車老婆返工...

 ( 即係好難開巿前坐定ready, 咁點短炒呢? 我覺得極浪費他的優勢條件, 同打機冇分別架, 衝入去買700 牛, 雖然chok到hihi, 但點都會贏的, 幫補下重傷, 總好過冇呀, 只是他性格不愛, 也沒辦法.)

基本消費低了, 以前件件有牌子, 現在baleno, 紅酒買少了許多, 但仍要供樓, 養車, 應酬老婆外家 (請食飯, 一起旅行, 顯示經濟能力仲OK, 等外母放心個女).

都是現在自己預計到一但起身面對的問題.

so far , 自己覺得問題不大, 最大的消費也不過是看舞台劇, 演唱會.

我又冇女. (想不到從前的遺憾, 現在卻變成優點?!)

不過想租蚊型辦公室倒也是真和有需要.

總要分開家中和工作的界線.

也聊到不如將來一起夾租...

不知呢...食飯吹水做朋友易, 一起工作則未知.

除了分攤租金, 跟他的投資風格是完全不同的.

我本身也不是容易相處的人, 工作時不愛嘈(吾好播任何音樂) 和被打擾.



話說回來,  上周五收巿後, 開成個幾鐘會, 搞到冇得食下午茶.

聽口風, 想縮, 口氣又不太急申請牌照.

似乎, 我也不用那麼急五月被逼起身.

可以多一點時間準備.


不過, 話雖然如此, 自己卻更覺得要想多一點, 做好準備離開.

離開是實際見到的行動.

我明白, 留或不留都好, 自己最需要的其實是走出comfort zone.

年復年, 不作改變, 就一直如此.

我不願.


(ix)

25-3-2018

口沒遮攔版。

祈願女之歌整體還好，畢竟表演者都是業餘，動作、神情、配合有生疏不夠精準的地方是難免，但戲本身歌唱和動作設計是挺好，可以想像到如果改由專業表演者演出，效果應會大幅提升。

劇本寫在2500年前，但感覺並沒過時，在宣傳教化一些普世價值，例如自由，公民投票，是以也聯繫到當代社會問題，譬如政治/戰爭難民、女權、愛情自主、女人獨立、婚姻、公投。

如果由一直配合的女團如AKB48做，應挺適合的，佢地的默契應會很好，也更容易賣飛。

當然全部都係Gal Gadot/ a.ka. 她，就更是我杯茶，我信她係靚到會被逼婚走難的。

今次演出人選沒說服力，畢竟，逼婚都吾會逼一個身型面積，是另一個演員兩倍的人吧。群戲時把後面的人覆蓋，視覺畫面也不夠工整。

雖是古代希臘，審美觀和現在有所不同，但也不要俾那些古代雕像騙倒，以為相差好遠，甚至對立至得架，正如古代的希臘男人雕塑下體都是短而且小，是雕塑家故意把那些雕塑的下體雕到短而小，純粹覺得邪惡心地差的男人下面大而長，為突顯雕像善良所以才弄細尺吋咋，吾係古希臘男人全部都短小呀。

咪住，故事講40個男人向50個女人逼婚，咁有啲「完全係誤會了」都好正常，即係冇人想娶但都要跟埋其他女人一齊逃難，免得自我形象好差，正如港女A「喂，嗰邊有條靚仔猛咁望住我...」港女B也不執輸:「十一點鐘方向有個鬼仔想電我添...」

若有50個女兒，做父親都不容易，至少有10個老婆啦。

服裝方面，應用番古希臘式設計比較好。

布較少。

(x)

昨晚看了天使在美國第二部。

維持到第一部水準。

不過自己卻講不出甚麼來，因為涉及的議題太多，編劇很有野心，幾乎想把那時整個美國社會寫進去，宗教、政治、同性戀、道德、司法制度、愛滋。

劇本是不是極好呢?

感覺又未至於，算是中上吧。

演出的SM team 好勁，搬移道具快而不顯眼。

導演也導得幾好，覺得幾扎實，不容易的，那麼長的戲本，議題又多，又是荒誕、多場景。

這演出是值得入電影院看錄像。

LIVE 太難有機會找到劇團上演，前後計埋中場休息7小時45分鐘啊，也實在有太多其他劇本選擇，同埋好易得罪猶太人。

Nathan Lane 是幾勁的老戲骨，令演出生色不少。

話說回來，Ive Van Hove Obsessions 好像落畫了，比想像中快，吾好睇是原因，當時入座率都麻麻，斷估天使在美國都吾挨得幾耐，畢竟入座率更差，不夠一半，但在周六5點至10點的看戲黃金檔期喎。


(xi)

25-3-2018

溫習安室的歌，要聽演唱會了。

其實，佢有好多歌都未聽過。


原來已經一周。

如果再見面學會面對 世界轉變  總會掛念  我會隱藏我淚線

腦海忽然浮起她結婚的畫面想像。

I can celebrate.

真係架？你好叻呀！

星期六下午，在尖沙咀誠品，稍後看舞台劇。

在書店，你正在讀甚麼類型的書呢？

區塊鏈？

Fintech?

都重要。


但係不學無術、沒大志的我打書釘會讀：

「最強網絡交友聊天術」

字字珠磯！

茅塞頓開！

想令中女喜歡你的方法係令對方覺得一起時開心！舒服！被認同、被關心！有共同嗜好品味！

「舞台劇？我啱喎！」

「去日本？我都鍾意喎，我上月去東京，有間係銀座居酒屋，吾貴但好食，服務又好，有機會同你一齊試下」

溝通時要令對方覺得在聆聽！

等我練習吓先！



作為一個有中女情意結的人：

［「你是不是覺得年紀細的男人很煩？」］

咁講實out 啦。

［「雖然我年紀比你細，還是希望你能喜歡我」］

我照足咁講，應得喇卦？

總覺得哪裡怪怪的，中女聽完會黑臉！

吾知實戰時會點呢？

首先，我要有一個對象！

靜曬....

------------

認真的:  無論那個年紀都好,  也不是為了溝女 (其實冇用架, 一來冇人可出手, 二來係吾冧, 做乜都冇用) ,  永遠也不會遲,  學及用這些技巧都是好的.

反正都是要活, 怎不令自己輕鬆一點?