信

如無意外。

下星期一遞信。

放工後，在街上亂逛，疏理情緒。

如果這一刻有人俾個like 鼓勵，那會有多令人感動呢?

嗯，都只是想想罷了，我又不會周圍跟別人說辭職。

" For what it's worth: it's never too late or, in my case, too early to be whoever you want to be. There's no time limit, stop whenever you want. You can change or stay the same, there are no rules to this thing. We can make the best or the worst of it. I hope you make the best of it. And I hope you see things that startle you. I hope you feel things you never felt before. I hope you meet people with a different point of view. I hope you live a life you're proud of. If you find that you're not, I hope you have the strength to start all over again."

Sent from my iPhone

Voyage 35

(i)

16-4-2018

今天和朋友交換手信.

我也真的不知台灣原來近來興回魂麵.

好像我去台北旅行回程都有怪事 ( 去年台北出境表演一人競飲酸梅汁,  前天捷運機鐵割喉式流血),  手信也不例外.

去年因為沒撕價錢牌被罵到沒尊嚴.

今年, 也出事!!!

我在捷運機鐵上噴的血, 有幾滴, 滴落個給朋友的手信的紙袋上!!

所以, 佢一打開...

有血既?!!!!!!!

咪話吾嚇人.

血汗手信嚟架, 要珍惜...


朋友說, 我應去身體驗查, 咁標血好吾正常.

蚊針主要動脈喎...勁標血有乜出奇.

其實, 是但啦, 我又冇乜存在感, 誰會記得.




(ii)

回來的第一天, 便又要回信給監管機構.

煩, 又要搞大輪.

更煩是, 在開會抄低高層想我怎回信時, 佢猛咁講, " business plan 點解變? 有得解架咩? 你帶女朋友番嚟話結婚, 過兩日, 女朋友變左第二個, 有得解架咩?"

成間房, 得我未結婚, 冇女友, 仲要望住我講囉...

家陣我串過佢咩...我又吾係吾想批個牌俾佢...

GM 和秘書係到望住我忍笑...

頂....


(iii)

16-4-2018

看了楚原拿終身成就獎的講辭.

和其他人一樣, 都會被他的說話觸動.

是說的人的分量.

分量在於, 他以一生展示那些說話, 風光和落魄, 都是過眼雲煙.

無悔今生又是怎樣的光景.

很陽光.

-----------

想來, 佢帶老伴和孫女上台出現.

向別人顯示晚年生活還托賴, 有家庭溫暖, 營造一份溫情.

之後, 才說佢的得獎感受.

那...不是一個導演的場景設計嗎?

拉近與觀眾的距離, 展示一份親和力, 然後再分享人生, 感悟, 並在不經意間展露學問.

寶刀未老啊!!!

雖估計佢地不是大富大貴, 但嫁到呢啲老公, 長相廝守大半生, 也是不錯的選擇.


(iv)

這幾天, 很迷看請吃飯的漂亮姐姐.

娛聞說, 概念來自宋慧喬和宋仲基的戀愛.

我刨熟左啲劇情, 消化成為本能,  就可以追像宋慧喬般的中女!! 如果再越級一些, 妄想挑戰更高級別, 那就是屬現象級 (phenomenal ) , "Gal Gadot 很像她"的中女.

想想也覺得很幸福.

(收皮啦, 你咪以為想追那位中女有宋慧喬, 孫藝真咁好, 就以為自己係宋仲基至得架!!)

臨訓前, 只想有個好夢啫.

(v)

18-4-2018

wa..haha...

一地眼鏡碎...

我基本上估錯曬今年的舞台劇獎得獎名單.

我係劇壇的比利, 股壇的沉大師------- 估乜錯乜.

那個奮青劇...真係會有人去睇架咩?

呢次我真係狗眼看人低...miss 左演出.

但係, 我真係吾覺身邊有人睇過囉.


我到現在都吾認同劉生拿最男配角(悲正劇)獎.  和佢本人和佢的演技無關,  只係成個劇太難看.


(vi)

19-4-2018

原來呢, 即使我吾係用自己名炒股都好, 公司都有人check 住我用屋企人戶口炒乜架.

仆街吖...個GM...向老闆篤我背脊...依家又搵盤房留意我個戶口, 睇我炒得密吾密.

我點解知? 今早盤房同事走入雪櫃房同我講架.

炒股, 企硬.

不炒, 衰硬.


現在暫時還好,  上月下旬被人叫入房問做乜成個trader 咁多芒後, 呢排老闆冇再追問.

鬼咩...我幫佢覆監管機構的信,  改左我兩日, 改了十幾次都有.

炒股的節奏亂鬼曬呀...手風好差...我都未同佢計.


睇下會不會過橋抽板, 鳥盡弓藏.


-----

上次新股分配不均後, 那位同事現在有點過敏, 以為在公司裡被其他人看不起.

新股入飛遲, 人地吾俾佢入,  佢就以為人地搞佢..


唔...我明白這種過敏.

以前在那個朋友圈中發生一大堆不愉快的事後 , 回看, 我也有過敏的情況.

解決方法, 我行開囉.

現在係冇乜機會在香港打邊爐/ 食中菜 啫, 但情緒健康倒 OK.

希望佢快啲轉到工.


---------

想不到盤房的人事, 也麻煩.

你知道嗎? 有資格做 RO , 若不是轉工去一些太仆街的券商, 搞到成日上證監, 人工待遇其實不錯, 公司生意只要尚可, 就也不太怕裁員.

所以, 若向公司申請掛牌, 即係等於話俾人知, 你想掛牌拿些年資後跳槽.

所以, 呢度係好吝嗇俾同事掛牌.

所以, 要論資排輩.

所以, 我估那個同事一定會跟頂頭上司走人, 吾係呢世都掛吾到RO牌.


所以, 亦形成左呢度好易有眼紅症, 或者黃子華的魚旦論.

這種公司文化, 結果也燒埋我呢啲與世無爭, 自閉的十九人.

譬如點解我可以搬位去雪櫃房, 地方大啲, 炒股冇王管  (所以咪俾GM篤背脊囉)


---------

會做個人理財顧問的人, 究竟是甚麼性格的人?

愛吹水, 吹得水, 乜都知啲, 乜可以搭咀吹一餐.

呢個我知.

在雪櫃房聽著新任的CE , 和另一人商討如何執番正個部門.

我只覺得辛酸...冇人冇物, 冇資源, 仲要俾原部門主管做小動作搞住曬 (俾著我, 我會遞信, 睇下你點揀, 一係俾我有實權, 一係等公司再俾監管釘牌, 公司冇, 你份工都會冇.)

大佬, GM 乜都會ban 架喇,  況且你都吾諗下, 公司手機wif上網, 你搞左幾多日先有人理你.



大概入行得做 FA,  又是行正路的,  都是有熱誠的人吧.

雖然能力未必勁.

又勁又有熱誠的, 就變左投行 private banker 了. ( 你若見到打呢啲工既人呢, 千祈吾好亂講話佢地日日陪個大客喝香檳吃生蠔, 然後直落fine dining , 咁就 hea 一日, 會俾人鬧架)


我會用"愚公移山"去形容佢地的壯舉.

自問, 我係吾會對公司有咁既熱誠.

看電視

18-4-2018

Episode 6

中女姐姐跟小男友去和後者的朋友圈露營.

探討年上年下戀, 和各自朋友圈的相處.


年紀大真係吾緊要架...你做乜還要故意報大數呀.

只要放低身段, 便能融入年輕人的世界, 無障礙.

也可以和那班小妹妹相處得來. 你係小男友條女啫, 又吾係佢地條仔的新歡情敵.

同埋, 贏在起跑線呀, 中女姐姐的人生閱歷豐富, 小妹妹好buy 架.

我都buy 呀. 我上次便喜歡年紀大過我的女人.




又咀...

集集都會咀咁...

我真係好想有個中女女朋友...

睇到我呢... IG follow 左孫藝真呀...




十個鐘意中女的理由.

冇啊...

只得一個.

因為你係中女囉.

我愛你, 莎拉耶, 因為你係中女.



男主角原來第一次重遇中女姐姐時便愛上佢.

一見鍾情?

我信架, 我都係咁樣鍾意女人架.

見到啲一見到便會令自己臉紅發燙的女人.




男主角當時不敢表白.

我呢...

啲中女只會急急腳走入女廁, 然後BUT 一兜米田共水潑向我...

辟邪咁囉...

唉...

-------

19-4-2018

東京港區裡的青山 1000呎, 1700萬

LDK, living, dining and kitchen

"我的朋友住2000 , 3000 呎, 只有兩三個人住..."

我冇資格成為佢朋友...lol.


房地產稅, 買價千份之八, 加埋其他納納雜, 3% 稅

日本打工原來有公司俾錢搭車返工架...

吾怪得日本地鐵搭一個站都咁貴啦...


無知如我, 都知伍姑娘駕車係扮好耐冇駕車.

日本駕車, 至少都要有國際車牌架...點都會補吓鐘先拍片卦.



嘩...350萬一匹布...件和服埋單咪隨時 400粒...




千代田區大手町, 426呎, 550萬 , 5至7成按揭, 首期二成.

銀座, 中央區, 銀座東. 500呎, 600萬.

原來那時住那間酒店附近, 都吾係最貴的地段.



4000蚊一個手造銅杯, GINZA SIX 有架, 我去過架, 不過沒有逛咁解.

下次再去東京, 認真一點行商場.

--------

19-4-2018

作為一枚狗公, 我係咪應該講番句:

" 耶..我太幸福啦, 中女姐姐又派糧,  佢出 IG post 了..."

如果, 換了是她 "派糧" ,  我想, 我更會吠兩聲搖尾, 以示歡欣的心情吧.

看電視

Episode 5

終於有親蜜關係.

將來我帶個中女回家, 播電影, 要播輕鬆的, Singing in the Rain 原來係咁播法.

咁緊張, 雙方又怎能投入享受呢?

(講到我自己係呢方面的高手咁...)

吾怪之得咁多人鍾意啦...

都不過是想起當年愛情.

所以吾使咁明顯架, 去播埋啲 "慾望禁斷" , " 中女XX覺醒"愛情動作系列.

當然, 也不要播歌劇魅影.

"PHANTOM the opera..."   , 中女會好有mood 嗎?




一集總共親嘴有多少次呢?

熱戀期的男女, 總是一天都見不夠.

每個女人, 都會變回小女孩, 當遇上甜蜜的愛情.





中女們啊...

雖然你們已到了精神和心理開花綻放的年紀...

但係...情慾照呢啲野...都係吾好亂拍.

私底下影完 send 俾我珍藏就得架喇, 連男朋友都吾好俾.

流傳左出去, 係好蝕底架.

看電視

Episode 4

잘 했어.

jal haess-eo.

我懂了!!!!

當中女姐姐工作辛苦時, 只要講句, jal haess-eo, "做得好", 佢就會好受一點, 覺得被理解.

好過叫佢" 加油!!!".

我以前對住啲中女都識咁講, 仲用韓文講, 咪好囉!!!



拖住中女姐姐隻手...好羨慕....中女隻手, 原來可以咁拖法...

我都係去買隻假手練習下先!!!



她,  辛苦了,  jal haess-eo.


sometimes it is hard to be a woman.

-----------

表白的最佳季節, 係冬天, 海邊.

中女覺得凍的時候, 攬實佢...一齊看海...

我要記下來.

其實套電視最難得的地方是, 教我如何打破 "友達以上,  戀人未滿" 的障礙.

咪睇我在台北求了戀愛符啦...

那其實是想女性友人跟我絕交的符.

唉...

Voyage 34

(i)

10-4-2018

有些事習慣了便好.

譬如早餐吃飽些, 中午不吃飯, 晚飯早點吃.

現在, 下午點幾也不用吃幾件餅乾頂肚.

省回中午的時間, 休息又好, 做review 也好....



今天還好的,  見到自己想改善的地方, 有些做到了, 要持之以恒.

看著那份比平日長一倍有多的交易紀錄, 可知今天買賣幾intense,  也有些做錯trades, 但卻覺得充實.

改埋其他壞手勢, 真係可以起身.

不是很想很想 X 10,000,000 走, 也不會那麼想改變, 見到改變.

keep going and improving everyday.


(ii)

周五去台北.

朋友捎來一個水樽說旅行用.

我看到後的第一件事係 "嘩...名牌呀...hugo boss!!!"

我很草根, hugo boss 都當名牌.

鄭秀文IG 那對 roger vivier , 於我, 更是外星來的高檔名牌貨.

有錢著的女人都是上等人.

但是我其實分不到誰在穿.

純粹覺得, 鄭秀文都著喎...

對鞋吾通200蚊有找咩.



說起水樽去旅行用...

我終於想起了有件事仲未做,  我未唱台幣!!!!

說話回來, 台北匯豐櫃員機, 接不接受恒生卡提款呢?

嗯, 我是沒有甚麼旅行常識的, 雖然我還未無知到, 不知台北都有匯豐分行.

中午走不開去百年找換...

不過算啦, 最多都係唱幾千蚊港紙啫.




行程呢?

沒有確實計劃...除了看理查三世和訂了那間餐廳外.

本想看國立藝術大學畢業劇作, 拿不到票.

隨便逛逛, 漫無目的, 去咖啡店坐坐也不錯.


(iii)

11-4-2018

安靜地炒股的日子只能維持4個交易日, 好想起身, 今天又出現腦海很多次.

今天煩到呢...

"8XXX7  能不能接納要約?"

換了是其他經紀, 我會黑面串爆佢, 吾理佢...知番啲基本常識先啦...

A 股 係六個數字股票號碼...呢個係五個位呀...

可惜, 佢係老闆...

咁樣, 就冇得炒1299, 388.


雪櫃房換了話事人後, 有人有心作為...

多了FP 上來, R 水吹...嘈到乜...將來人更多, 只會越來越嘈

肯來這裡的, 都是物以類聚, 吹水OK, 本業卻不知所謂...

我接受不到一個financial planner, 連 yield  to maturity 都吾識就去教人債券投資. 佢個牌點考番嚟架?!

正如, 我接受不到那個獅乜山學會姓孫的冚家鏟, 在報紙推介重注買486 一樣.  咁會累死人架...搵食啫....吾使求曝光率搏出位, 便咁仆街呀嘛...巿場咁多機會, 呢幾日買番啲1398 939 388 2318 700那些大路野, 都有少少執開心吓啦...睇得報紙都係盲毛呀...邊撚個識risk control. 冇基金買, 冇有勢力人士維持股價秩序, 升條毛呀?



說得遠了.

嘈吵, 麻煩事多, 人便不能專心, 在緊張高壓的環境便做錯決定.

昨天還好地地的...

所以今天很灰.

準時放工去吃炸雞.


(iv)

11-4-2018

跟朋友談天,  一個人若長期好恨得到一樣野 ,  最後便會甚麼都做得出來, 並不以為恥.

政治人物代表是姓湯的大律師.

我說, 感情事也一樣呀, 好鍾意好鍾意一個人, 又得吾到果時, 真係隨時咩都會做得出.

" 你大個仔囉..."

"......."


我已不是年輕時, 會誓神劈願, 說感情事如何如何的年紀.

回望, 那時我很柒和on 9 就是了, 講埋咁既野.



現在, 我會覺得, 機會成本很大, 畢竟處於人生/事業的轉變期, 不想再行差踏錯.

不想無故被撩動情緒,  應付鎖碎事.

除非, 真的, 真的感覺很喜歡, 喜歡到一見, 便心跳面紅的程度.

不過, 不容易遇到就是了.



我很怕扭擰, 嬌滴滴, 乜都需要人幫, 要人估佢想點的女人.

好聽啲, 就話呢啲女人令男人有好想保護佢的慾望.

難聽啲, 鍾意這種咁煩的女人的男人, 下面都是短小的!!!


古語有云: 小鳥伊人.


男人若不是小鳥, 怎有伊(依) 人?


--------

朋友兒子去Oxford Campus 暑假學遊, 連機票, 兩星期 8 萬元.

真係Oxford, 英國那間大學, 吾係旮旯野雞大學 "哈爾濱佛教大學" (哈佛) 那種.

去一次英國, 真係要好多錢.

唉...


(v)

12-4-2018

我現在先知...

1) 原來銀聯的意思是, 可以用有提款卡有這標籤的卡在所有銀聯的櫃員機提款.

而在台灣唱錢個rate係好過去香港的找換店.

2) 我原來被人釘左中銀存款戶口!! 現在先知.

我都覺得自己很恐怖...

是常識白痴.


(vi)

12-4-2018

炒緊股票時被單獨召入房...因為早平倉而又輸...

唉...

但重點是...入到去...我係被人問...

i) 今年人工想加幾多?

高過通脹囉...

我講五成, 又會加俾我咩...你都有左答案, 問我把鬼呀...



同事說, 我不懂得趁此機會爭取...

我都吾想做,  所以真係吾知點叫價.

同人fight 先有, 其實都冇意思啦.

今日我咁被人叫入房, 輸的, 都多過加人工.

吾收佣...呢啲我又講吾出口...始終辦公時間炒股吾係呢度的工作要求.

吾收我佣,  也好過, 遠遠多過加我人工.


跟住問我有沒有女朋友? 會不會搵?

吾會, 自由慣.

吾通講我很清楚自己鍾意邊類型女人, 所以呢世都吾會有女朋友咩.

隨口問, 做乜認真答啦.


ii) 會不會跟頂頭上司跳槽? 會不會想做佢現在的位置?

吾會, 佢冇叫,  我亦都冇興趣跟佢做野.

吾通講, 我問佢口風收吾收經紀掛單, 想用免費地方設施, 佢扮聽吾到咩..


吾會, 我都吾鍾意應酬, 上巿公司飯局十居其八, 是垃圾時間.

講左會, 咪要間吾中上電視呀, 接受訪問, 恒指升幾多點呀...大巿預測呀...

無聊無謂又煩.



想來,  我今日原來拒絕了升職機會.

寫到這裡, 我才為意!!!!

我真係冇乜hierarchy, position  ranking 的概念.

俾我聯席董事做又點啫...咪又係咁...得個煩字...有錢分咩..



我知, 人靠衣裝, 派卡片時,  中環返工呀,  公司乜職級...

溝女嚟講, 會贏第一印象分.

我只能說...

唉...輸曬...冇啦...冇啦...啲女俾其他人溝曬啦...


(vii)

14-4-2018

姐弟戀...

中女...

收視似乎又吾係差.

我無力抗拒內心的呼喚...

我的渴望....我的理想愛情...

陣間食完飯返嚟, 我要煲韓劇!!!



中女姐姐,  我地下星期食飯呀?

經常請吃飯的漂亮姐姐.


(viii)

台北啲樓都幾貴....

咁都折合港幣幾百萬...

吾係新樓, 有健身室配套那些啦喎...

乜台北啲樓吾係好平架咋咩?

-------------
每次旅行都想睇書, 結果都係睇看韓劇, 一頁都未揭過, 帶左本書就當自己睇左.

孫藝珍喎...

好合理呀...

(ix)

15-4-2018

沒有騙你啦...

孫藝真啲衫真係低調得來, 都係名牌貴野...

中女買衫之道.

classic, 低調的精緻, 透過配襯, 變出不同的服裝組合, 只有自己知自己著緊靚野, 品質好, value worth.

https://www.cosmopolitan.com/tw/fashion/what-to-wear/g19763350/jtbcsweetdrama-2018/?slide=1


(x)

明天返工了, 七點落機, 回家係咁做...

有借有還.

A View from the bitch 10

(i)

7-4-2018

如果你係一枚中女, 要你除左一個小鮮肉條褲幫佢口交, 你會揀宋仲基定謝君豪?

咁梗係宋仲基啦, 條百力滋應該大啲, 持久啲.

雖然我吾係女人, 但我都會揀宋仲基囉.


所以呢, 演員的casting 好重要.

演員的外表係會侷限佢的戲路, 雖然不公平但卻是現實.

套戲要有說服力, 男主角Leonard 一定要係萬人迷.

無論那個年紀, 只要係女人都會想同佢上床, 自動獻身, 為佢生, 為佢死.

毒L 如我, 也只能含淚認命, 目送喜歡的人跟佢走入"百佳" 的份兒.




若個男演員吾係咁既觀眾緣, 套戲好難有說服力架.

即楊偉綸, 白只係做吾到. (好少女人咁重口味囉, 你發綺夢時, 會不會諗起佢地呀? )

謝生雖然都係靚仔那類, 但未去到那個級數, 年紀也已不是青春.

劇本都指示是27 歲呀.

謝生的年紀仲點扮到innocent, 熱情和率直不富機心?

幾十歲人仲係咁, 叫弱智.



劇本沒有甚麼特別, melodrama 電視劇一類, 勉強算普通, 不是精彩那類.

Ending 自爆騙局, 我睇吾到個動機.


所以入場原因, 男主角係重點, 即"目及" 仔.

每個女人, 特別是中女,  心裡都會渴望俾小鮮肉騙財騙色!!!!

所以我先話, 要揀個係女都想幫佢口交的演員去飾演先會好睇.


Romaine 的角色發揮內歛得多, 若有心演, 係吾易演.

要演得好subtle得來又俾觀眾知, 這種掌握真的是演技了.

但劉小姐的年紀, 其實應做被殺死那個囉...

Romaine supposed 三十幾之嘛.


海報影三個人, 劇本指示有29人, 雖可減七八人, 但是大棚人的戲.

製作成本都吾平.


btw,  呢個劇本setting 的instruction 寫得好詳細.

若舞台設計若跟足劇本,  咁應該冇乜特別值得入場看.

左右呢, 係從後台出發角度望去, 而不是觀眾席.

 所以instruction 寫書在左, 出來觀眾望到會在右邊.

所以, 你都會估到開售時, 我會不會買飛了.


(ii)

看老闆吾易做幾集,  梁生的partner 係咪湯生?

好有夫婦相.

應該是梁生主攻,  湯生係守.

冇咩, 純粹八卦.

基佬, 咪人一個.

(iii)

9-4-2018

昨晚原來出了 Oliver's awards.

大贏家似乎係The Ferryman.

好似The Ferryman 都會出NT live ,  好過無得睇啦,  有點期待.

自己看錄像時, 覺得不錯的Angels in America 原來都有不少提名, 也拿了best revival.

我的口味和評審都吾係差好遠啫.

我指呢個頒獎禮評審, 吾好拿我同本地藝評家果啲比,  那是insult.

Hamilton 在musical 類別, 都贏了不少獎, 大贏家呀.

呢個都想睇, 至於本地電影院那個An American in Paris, 反而未有衝動, 可能Lala Land太好之故.

INK 似乎都睇得過咁, 有幾個提名.

可惜, 冇錢去倫敦睇現場.

出多啲NT live 啦...

https://officiallondontheatre.com/olivier-awards/

(iv)

15-4-2018

我細細個已睇凌文龍做戲架喇...所以佢拿金獎像最佳新演員, 我一啲都吾意外.

我一早就睇好佢, 有前途, 有出色架啦...

(我幾無恥呀, 人地有成就先嚟認親認戚, 攀關係, 扮有眼光)

其實,  霎時之間, 鬼記得佢在舞台劇, 做過咩角色, 有乜印象.

鬼咩, 都吾係做男主角...大多數做戲分不多的配角.

御用閒角.

只記得脫皮爸爸,  佢露股,  她睇到佢走光, 見到陰毛啦, 但她想睇導演司徒慧焯全裸多些, 覺得可愛囉, 我還記得.

感覺上,自從潘燦良演來生不做香港人後,  舞台劇演員走入電影電視比以前更多.

我指我會看戲那幾年開始計.

鬼吾知張達明舞台劇出身,  蘇玉華都係咩...

更吾使提鍾景輝.

現在除了潘燦良外,  另一個係羅韋莎, 都好似拍了不少電影.

想來, 舞台劇演員在電影有得發揮, 甚至攞獎, 除了受過專業訓練外.

更多是, 電影角色有發揮機會多些, 觀眾接觸面更廣, 戲路也不像舞台劇般, 似是有無形壁壘,被定型, 只能演某類角色. 例如張紫琪, 也是御用閒角, 做妓女, 細妹, 奴婢咁呀...

真係架, 周志輝在空手道的說話神態, 和佢在舞台劇, 係見到分別, 邊似舞台劇咁, 咁有個人痕跡. 更別提佢電影配音. 你記得The Good Dinosaur 佢配邊隻龍嗎?