Cherish 24

 (i)

25-12-2020

Last Christmas I gave you my heart

But the very next day you gave it away

This year, to save me from tears

I'll give it to someone special---  Blackpink !!! 

(ii)

27-12-2020

都巿的男女愛情法.

episode 2 

何解講男人和女人交往後, 進入可以發生性行為的階段.

床事討論部分, 由男女配角交待前戲, 男配角裸露上身, 女配角只穿胸圍;  來到男女主角的鏡頭, 男主角只露上身背脊,  女主角更密實到只見到個頭...加條頸囉...

訓在床上睇netflix 的我,  睇到拍拍聲?!   ,  不滿被騙用手大力拍床聲.

我想睇金智媛呀...頂...你剝個池昌旭俾我把鬼咩.

--------

看到BP 的菲律賓電訊廣告,  忽然有點感觸.

以前, 香港都有黎明, 郭富城揼本電訊廣告架.

依家邊仲會有人用咁多錢請香港年輕一代的藝人打廣告,  就算有, 都不會是重本那種, 賣下譚仔米線相對平民的就有.

香港的年輕一代, 可以收費在IG 出post  , 做KOL 已好好的了.

有冇睇全民造星?

冇, 這類節目不是自己杯茶,  但大概知道下, 也不會評論啦.

BTW, 是是但但同日推衝上雲宵飛機師節目 (類似啦)  對磡  ,  我知道後除了無語, 便沒有甚麼補充?

要幾離地先諗得出?  飛機師接近  = 失業喎!!

正正經經搞個失業轉職輔導好過啦.

-------

看了一點no rules rules , Netflix..... , 是近來啲人講得幾多的書.

沒有買書, 只看了kindle sample , 大概知道重點.

sufficient talent density to build up critical mass ,  candor working atmosphere, hire self disciplined and moral guy.

這些concept 也不是新鮮啦 , 世紀大發現啦.

難在可以consistantly , persistently 去做, 話到事的人也有胸襟氣量, 眼光耐性去接受執行這一套需時見效的方法. 

更難是你所身處的社會/ 國家, 是容許這種思維營運模式.

至少,  香港已容不下這種企業思維了.

(iii)

30-12-2020

無妄之災,  吾開心, 過得很糟, 可以怎樣呢? 

在沒有人的時候,  不斷講粗口發洩情緒.

一日兩次在個巿準備抽爆機時,  被人騷擾,  那種懊惱又不能發作, 很郁悶.

如果可以蒸左工作室條錦鯉嚟食,  我一定會做.

無啦啦 " 吾見" 幾皮野.

見到就一定買到架咩? 我成個12月下半月, 只見到一次期指咁既形態呀...吾係吾做呀嘛.

做人要有自信, anytime , 就算輸錢, 都不要輸信心.

(iv)

31-12-2020

never look back the past.

(v)

2-1-2021

昨,  我老婆當著全世界說跟了元彬.

好大打擊, 全世界都知我被人戴綠帽.

新垣結衣今晚新戲上, 要生仔.  不停問, 點解會咁,  女神係吾會疴屎放屁, 更何況依家要生仔?

老婆跟人走佬,  女朋友三號跟其他男人生仔...

今年咩事.

還好的,  也有開心事.

我個女今日生日, korean time.

我知你大個女了,  總會拍拖結婚.

會不捨, 但希望你找到鍾意並對你好好的男人啦.

(vi)

3-1-2021

You are so beautiful that your other  unparalleled merits and virtue become your shortcomings.

是呢, 昨 join 了其他BLINK 玩hastag, 較準 0000  am Korea time 出POST.

十世已不用英文,  還要寫日常用語,  令本來已夠爛的更爛,  應該錯了很多grammer 文法吧.

不緊要吧, 有google translate.

我是不是常主動跟別人說生日快樂呢?

當然不是.

主要是怕煩吾知點解會瀨野, 驗證了我的樣子如何, 人生如何.

若說, 也有點抗拒成為第一個說, 免得好似好在意, 把對方放在心, 構成誤會;  只顯得社交禮貌式跟隊講就好.

隨著年月,  很坦率自然地, 會記得, 也不用顧慮時間跟對方講生日快樂 (當然踏正凌晨00:00 呢啲timing 怎都會避開, 我又吾係真心膠), 好像變得越來越少. 

這刻, 也會想, 若果講下生日快樂,  都有這麼多的顧慮,  除了自身性格缺憾,  其實也會不會是自己的生活朋友圈子並不適合自己?

正如以前曾經那個的朋友圈子?

幾好玩,  好耐冇機會可以咁樣讚人靚女吾會惹任何麻煩.

(vii)

3-1-2021

明天開巿了.

希望順順利利, 一年會比一年好和從容.

也祝願她亦有一個好開始, 客戶聽日好似以為Tesla內地大減價咁, 狂買幾十架私人飛機, 遊艇, 做爆成年quota , 然後她可以un un 腳等食afternoon tea 等年末花紅. 

聽說, Landmark 近來有限定店賣蛋糕, 已試過曬所有款式嗎?

(viii)

4-1-2021

昨希望順順利利,  不是假話.

今早一回去,  發現死了主要的屏幕, 怎開都雪花.

不得已, 只好在少了一個芒的情況下開巿.

當然, 準備做得不好,  成個朝早的rythm 錯曬啦, 好忍手, 少做少錯, 只能這樣子.

不過, 也留意到自己的情緒其實幾平靜.

冇咁好氣,  近三年來的古怪倒霉事想不出的都試過.   就像去年底, 期指一野抽百幾點時, 俾人叫去幫手洗魚缸, 也只是心裡講幾句粗口發洩.  冇點麻木了.

等到11點半,  店舖差吾多會開門,  便出工作室買芒就算.

可以預期, 無啦啦死芒的情況, 今年內會多次發生.

鬼咩,  嗰時貪工整, 全部都是samsung 芒, 工作室仲有5 個samsung ; 在家裡的那一個, 其實都壞壞地, 應該幾明顯是samsung 的質量好削.

合家SUNG.

戰友用 LG , 從來冇事.

怎都好,  雖然會煩到嘔,  never lose your composure and faith.

鬼吾望我, 聽日做票大的,   有錢全部換曬4K 芒.

(ix)

10-1-2021

確認無誤,  家中的samsung 芒正式打柴.

一星期內換了3 個芒, 7 個芒壞3 個!!!

咁就幾千銀,  肉赤, 又很浪費時間去買和整理.

質量真的糟到替換時, 絕不再考慮買samsung 野.

現在是不是好興將啲芒掛牆, 駁上支架, 吾會座枱既.

要留意個芒個背面上螺絲的玩法,  最好是平直的背面, 一般嚟講支架是通用會上到的.

如果背面是槽面型陷入去, 就算有螺絲孔, 支架的邊都會頂個槽邊口,  是上吾到螺絲的, 除非你另有啱尺寸的長螺絲囉.

我一時忘了, 瀨左野,  新芒侷住要座枱.

唉...

----------

扔舊芒時, 發現個芒背後貼了這張已頗殘舊的 post it ,  還寫著一個人的名字.

原來都幾年了.

那時候, 寫下來的用意是提醒自己,  要放下, 不要執著吧.

其實, 從來,  我甚麼都不是, 何苦亦可必如此. 我知道啊.

幸運的人能被允許叫她 Sarahngbaby 時, 我亦應要有自己的生活才對.  

擺好新芒後,  把這張post it 貼回去.

不再有下次 Di Da Li Da Di

Cherish 23

 (i)

28-11-2020

今晚是今年第一次去看現場舞台劇.

有沒有想起她呢?

怎會沒有, 在去劇場的路上便已在想了.

結果,  自己看不到她的蹤影, 不免有點失落.

即使她今天和自己同場,  但是人人都戴口罩,  人又多,  也沒法認出她了.

除非她的打扮還是如年多前的模樣, 也能夠近距離看著她的眼睛.

看到她又怎樣呢?

會有安心的感覺.

至少, 她沒有被佢啲富貴客惹到covid 了.

來到今天, 只是想她很好.

還好嗎？今天的妳。

----------

今晚的演出, 是近幾年看過最好的舞台劇之一.

劇本比起前作進步了,  有點似看外國大師級的政治劇的感覺,  也少了填鴨式的灌輸編劇觀點, 也多了荒誕的地獄之旅, 見到新嘗試. 

如果前作拿本地最佳劇本是題材加分,  這次就真的實至名歸,  拿到外地劇團翻譯上演也不遜色.

 舞台設計,  沙漏的投影文字是倒轉的 "是非, 真假, 對錯, 左右" 等等,   而投射的方向是由下至上.

切合了文本內提及的, 倒轉的倒轉.

劇情大部分情節發生在沙漏的空間裡, 也可視為一種隱喻.

進一步想,  時間的倒流,  2040 年的世界, 慢慢的倒流降臨在現今的香港.

開場一幕, 多番強調是未來,  歐洲, 多語言, 就是冇用普通話...反轉的反轉....

當演員拉倒圈養豬的豬欄/ 圍牆後,   會看到貼滿牆身的post-it ,  自己會有點觸動.

你是黃絲, 香港人, 就會明.

彷似一種吶喊.

Salute to 劇團和演員,  他們的勇氣和付出.

卓小姐的演出, 也比起過往的來得好,  雖然誰演這齣劇, 其實都會被提名最佳女主角, 但也真的看到佢的努力和進步.

荒誕, 架空劇若不再荒誕了, 只是劇內的對白情節, 如今變成了我們的日常.

----------------

散場時, 見到有人喊口號.

我心諗, 那些人係咪癲架? 靠害劇團咩.

魯莽的行為,  一時的快感,   很不成熟.

劇團已很努力走綱線了,  怎麼還不好好愛護.

(ii)

29-11-2020

episode 13

三年沒見,  互有情愫的男子,   vs  三年內一直在身旁守護的男子.

現實中, 若是女子, 你會怎麼揀?

港女的千古難題.

大概, 港女都會揀前者.

因為,  不甘心 , 也因為, 得來太易的東西不會被珍惜.

看到trailer , 忽然想到, 結尾會不會是女主角再次寄信去那信箱,  男主角aka 姦夫第三者, 取信, 再續未了緣,  open ending?

 

男二在這集,  西裝係咪貴價野,  我吾識啦,  但IG 有人Tag 佢戴 tag heuer , 看價錢是幾千到幾萬元, 不是便宜, 但也未到勞力士, 百爵 那些不屬我認知世界的表名.

冇錢裝身, 不如俾佢戴iwatch 好過啦, 至少襯番形象.

男一反而戴卡地亞... 你明吾明個服裝係錯配得好嚴重?

男二的宿命.

"表都冇隻既人, 收聲啦."

OK.

(iii)

30-11-2020

總會有一日,  我會帶上Jisoo 的cashbee 去韓國旅行.

額外抽中Jisoo 的小卡的感覺, 總是好的.

It  will be the finest day when Sarah also becomes the Queen in this playing card set.

(iv)

6-12-2020

志平 : "你向我道謝的那些話, 這段時間我已聽夠了, 你早就不欠我了; 那段時期我也沒有甚麼朋友, 你的信帶給我很大的慰藉,  道謝的事就互相抵銷吧, 可以嗎?  雖然我看了你的信, 這十五年來我卻從來沒有找過你;  但南道山卻是看完信當天,  就主動去找你了, 所以信裡的南道山, 並不是我. 你不需要內疚, 也不用自責."

簡直是成個劇的金句精華所在, 餘韻袅袅.

看到有點眼濕,  啲中女港女實睇到用紙巾抺眼淚.

 ( "袅袅"咁深的中文字, 廿幾年冇用過, 完全吾記得筆劃,  吾用"簡易"都拆吾到個字打吾到出嚟,  呢段對白真係激起我的文青魂...)

-------------

網絡說, 這是劇內的第二對CP.

如果不是年紀,  這一幕應該ending in a kiss 吧. (跟住變跳舞下半場, 即你呢排whatsapp 應該俾人炸過的相:  少男和個阿嬸完事後, 累到在床上枕著那個阿嬸的肩膀入睡)

屆時收視爆燈, 仲勁過大長今大結局.

韓劇邊拍邊播的好處係，韓組長爆紅後，來到最尾嗰兩集，終於有件Fendi 著下了。

-----------

我真係要忍手, 吾好再掂BP.

年末的聖誕網上演唱會,  買PASS 入場就梗的了. (我知,  演唱會分別可能只是吾咪咀囉, 同睇MV , 人氣歌謠的分別;   啲歌衫會搵多幾件更貴的去剪爛, 再拼埋一齊囉...)

不過, 還是左想右想的, 買了一個演唱會紀念品.

差吾多追得上年少時, 放學後去相鋪買陳慧嫻的明星相.

呢兩日韓國有很多音樂頒獎禮,  咁我呢排有冇去投票呢?

有啊,  兩個FB帳戶,  十世冇用的LINE , 都俾我用嚟投票,  拿一些追星的參與感, 但卻不再天真.

獎項呢啲野,  是跟頒獎方討價還價的拉鋸結果.

如果實力強到吾俾吾得, 俾少了會影響頒獎方的聲譽公信力,  咁你吾想要, 人地都會夾硬塞俾你.

如果實力弱到無論的,  錢都俾吾起去買獎的, 也不用提.

最怕是介乎兩者之間的, 才需要煩, 才需要講價.

就像財經雜誌/ 協會成日搞啲頒獎禮一樣.

不同的行業環境, 潛規則都是一樣的, 不要覺得發現新大陸一樣.

所以, 別奇怪經濟差時,  會特別多明明和誠哥一樣攞企業管治獎的公司忽然爆煲.

年少天真, 相信投票有用的歲月, 會有多好?

怎都好過現在年少的人, 現在連幻想的空間也早被磨滅了.

(v)

18-12-2020

BP 聖誕演唱會延期, 好失望.

佢啲新年月曆又吾會延期....我只好繼續課金.

這個MV 幾好睇,  啲lighting 效果和剪接, 吾使下下好似BP 那些咁揼本既.

https://www.youtube.com/watch?v=kEo14-UOM80

(vi)

21-12-2020

今天, 很多人放假, 提早放工回家, 做冬.

我以為我已習慣, 畢竟已有很多年, 很多年沒有做冬了.

工作室聽著歌,  忽然, 覺得自己原來還是不會習慣.

-------

已有幾年沒有見面的大學同學書友早幾日生日, whatsapp 說聲生日快樂.

因為很早年認識, 所以難得地佢會係女人, 但我會用記憶, 記得佢生日.

佢忽然同我講, 佢曾經投稿創作科幻小說,  但被刷掉.

很青春文青啊.

我中五暑假, 即幾十年前,  也試過寫小說, 仲要愛情小說. 

(!!!!!!! 咩啫, 寫犯罪小說就真係殺過人打過劫咩, 況且依家香港通街都有人教煮餸, 吹噓煮得好會綁住另一半的心啦, 但教嗰個離婚架囉... 或者教人煮得健康, 但佢身型拍得住另一個教煮的AXXSON 姐呢,  ((其實邊個想睇AXXON 姐煮飯呢,  佢食完個身型變成咁!!! 人總是虛偽不切實際的, 魚與熊掌兼得,  要食得不健康但有Blackpink的身型...)))

記得有一次專登扮型去赤柱cafe寫, 用青綠色格仔從右至左直書原稿紙寫(依家已冇呢啲紙賣吧?),  即係過幾日會執笠的那間 Boathouse.

我曾經也文青過啊.

BTW 我的愛情小說最後點?

梗係...和我的現實裡愛情一樣...爛尾無疾而終啦.

-----

工作室老闆準備退休,  那裡的阿姐也開始講起到時會找份兼職做, 不會全日待在家中會太無聊.

到時, 也要搬離這裡吧.

應該感恩的,  有人免費借了地方咁耐.

如果要搬,  會想搬回九龍區.

港島, 其實有點遠, 雖然也因此在搭車時看了很多韓劇, 近日求其看完"今生第一次" ( 幾垃圾的) , 飛了看不下去的咖啡王子 (孔生當時個LOOK 其實幾猥瑣) 後, 便斷續看Netflex 繼承者們, 很幼嫩... btw 原來李敏鎬吾係天生愛食炸雞的.

近期真係會追看的, 也是很大路的, 例如女神降臨, 驅魔麵館.

女神， 當然很低b 無聊， 但長腿韓妹著超短裙校服，已值得追看了。

anyway, 還是覺得女神應該要像她。

她現在若還未退休， 會不會也穿迷你裙上班呢? 

干諾道行人天橋會不會有很多人墮橋架？她行過時咁索。

金世正唱歌跳舞作曲填詞司儀演戲, 但似乎佢吾太識化妝, 和APP美顏濾鏡， 不然, 平時拍的自拍照會上鏡很多。

-----------

雖然是發生在迷上BP 之前的事, 但確實有意識知道大約時間, 卻是迷上BP 之後.

掛住LOOP 來LOOP 去那幾首歌 (所以youtube 點播率過億囉,  我日日都會聽至少一次How you like that), 變相少了時間聽其他.

原來, 我已很少聽情歌了,  甜蜜也好,  失戀心酸也好.

BP 那些都是情歌, JISOO 雪之華,  ROSE 呢?

吾同既, 都吾係中文, 同埋咁多bitch ! 

吾掂吾理吾碰吾想, 日子都是這樣過.

沒甚麼, 只是昨晚聽方皓玟的LIVE , 又再次聽到佢唱過的情歌, 有點感觸, 那些歌曾陪伴過一些時光.

我會隱藏我淚腺.

Di Da Li Da Di

-------------

關於跳舞群組,  想說的是...

你還記得嗎?  N 年前, 私人銀行大班俾成過億學跳拉丁舞, 及後追討預付的學費.

你還記得嗎?  N 年前,  港男黃XX 兄弟二人被指搭上富婆...

現在,  去跳舞的, 未必真的是去學跳舞.

現在,  富婆和條友上完床後,  會以已有感情為由,  不想再付跳舞學費.

現在, 富婆找的對象不是港男, 而是強國,  泰..., 也沒有信用卡任碌的那回事了.

活久了,  很多時若靜下來, 會發現很多事情都變了, 或者一直都存在, 但現在會被揭發出來的一角變了.

不變的, 大概是,  那些機會從來不屬於我.

明明，世上最不想努力的人— 是我。

(vii)

24-12-2020

平安夜, 昨晚失眠,  很累, 人不太清醒,  半日巿, 二點幾做曬所有野,  

一個人吃完一整個pizza,  當是聖誕大餐後,  就回家睡了.

晚上, 細細注短炒一會就睡了 (頂, 沽低左好多, 早知吾諗住訓覺啦) , 其實做錯了方向, 一開始應追PUT 才對, 典型的 break down pattern, 今日係event driven,  基金盤沽, 要錢吾要貨, 吾應該用正常的daily  tech support 去估底係邊, 要估都要估weekly.

anyway ,  落盤係比IB 順手好多.

BABA 技術走勢嚟講, 傷過 QQ 一年幾前俾人搞.

但過了今晚先追PUT , 俾人挾死的話吾好怨, 吾俾人挾穿256都吾應該投降喎, 我冇資格做呢啲野.

Cherish 22

 (i)

29-10-2020

I think you need some rest. You have been running through my mind all day.

(ii)

1-11-2020

和不少人一樣, 我都替韓組長未能和達美成為一對感到不值, 韓組長應該開始沉船愛上達美.

韓組長的角色很討好啊,  默默為達美付出, 雖然是by product , 主因是為了償還當年奶奶對佢的善意.

靜心一想, 這種"為他人付出後, 也希望得到美好的回應" 想法, 雖然是功利, 但也是有了人生經歷的結果.

現實世界並不會有這樣的必然關係, 所以才會把憧憬投射到電視劇裡去, 也是人為甚麼要看電視的one of the reasons.

失望的時間, 總是佔著大多數.

不要對人有任何的期望,  這樣的想法有些極端, 但夠自我保護.

"今次當自己吾好彩囉"  雖然會受傷,  但仍然會去嘗試, 仍然會去付出.

你會選擇那種?

其實都要睇那個是甚麼人吧.

值得 / 不值得.

以自己的往績，不是很喜歡、很喜歡，超級喜歡的，真的不願再嘗試。

不被愛的感覺，怎說，都不會讓人快樂。

btw，今集有啲怪，冇不同shareholder class  concept嘅，google share class A B C ...

 

(iii)

7-11-2020

昨晚隨機youtube 播歌聽, 偶然地聽到Rose' 唱 if it is you , 忽然地有點感動, 眼淺, 竟然, 流淚了.

像是被觸動了已經封塵的心酸遺憾.

發覺自己真的好鍾意聽亞洲女生感性高音鼻音的清脆哼唱聲, 像是無力拒絕, 但鬼妹咁唱則無感覺, 可能佢地把聲已太老. 

找了歌詞來看, 是單戀苦戀無結果的歌詞.

"They say you'll be happy when you fall in love. 

Who said that? 

Because I only know a love that looks at you from behind. 

I know you already answered me, I know the meaning of an answerless answer.​​​"

歌詞好中,  好唏噓, 曾經, 我也是一個默默地看著喜歡的女子背影的人. 

很珍惜可以看著她背影, 很不捨得, 不知那時可以再看見的感覺. 

轉頭, 我又會心諗, 咩事, 苦乜Q 戀, 家陣我有單思對象嗎?

我點解吾會對IU 好日子呢啲幸福愉快的歌, 好有感覺, 好鍾意聽呢?

陽光大叔先受少女們的歡迎吖.

算啦, 吾好諗落去, 挖掘自己的黑歷史, 心酸史.

好聽的歌, 其實吾使知佢唱乜, 感覺好聽, 有共鳴就得.

就像BP,  沒有一首知其實佢地唱乜, 韓英夾雜, 但聽著, 就是很有活力, 很朝氣年青, 下下都叫人bitch.

(iv)

7-11-2020

start up  episode 7

第一次, 我睇韓劇有接吻戲, 會主動fast forward.

太心酸了,  替韓組長, 後知後覺的才發現愛上女主角, 但一切已無法重來.

快啲散啦, 男女主角成為一對, 天冇眼.

第一男主角,  我很反感.

愛情世界不是先來先得呀，更不是付出就有回報。

我知道啊，但就是心酸。

現實已艱難，經歷過的單戀已夠，何苦電視劇都要我接受現實多一次？

我要聽多幾次if it is you Rose版抒發情緒。

btw , 大結局應該係奶奶完全失明, 但可以用那個盲人科技來改善生活, 而韓組長會真金白銀入股支持這計劃去償還欠了奶奶的心債. 

男二是做舞台劇出身，並好似劇界紅得起咁。

難怪做得好，舞台劇難演過電視劇架。

現在電視都紅得起，IG followers亦已爆升，佢嚟緊應升得上做男一。

看金生演的舞台劇, 下下一齣都演兩個月起跳, 南韓的舞台劇巿場真的很大嗎?

------

冇乜錢的女主角周身名牌包包,靚衫.

有錢的男二雖揸靚車住大屋, 但卻穿套廉價西裝.

咪話我衰格, 男二戲服裡, 最貴那一套西裝, 係第二集, 借俾男一去商業聯誼那套!!!

兩個都充大頭鬼.

-----

有冇睇emily in paris?

看了一集後就冇興趣.

你如果係女人, 會不會想睇一個八公醜男幻想佢自己魅力驚人, 大把女等住上門任佢溝?

吾會囉.

咁, 我又點會有興趣睇個八婆FF 在法國大把男人想溝佢呢?

又吾係靚和後生喎.

----

看SM 新女團,  SYNK,  AESPA.

我差一點以為她有份出道做Kpop Idol.

不是嗎? SYNK , 只要把次序再調整一下, 便是她的英文名字每個字頭.

 不過, 我覺得她適合BP 多一點, 新女團有一陣山寨low tech 膠味.

這一刻, 我也會懷疑,  自己潛意識中, 係咪好恨看她著迷你裙跳 girl crush 舞蹈的樣子?

黑絲S. ( 偷偷幻想下, 都覺得她會好鬼正.) 

現在對AESPA 還是感覺麻麻, 並覺得未來會好煩, 這團體組成, 先天很容易得罪玻璃心 .

我也不想看見她加入AESPA後，雙手提著兩籃水果跳舞。

(v)

8-11-2020

下午看了杜生的show.

坦白講, 企硬的theme 是OK ,  但份講稿真的寫得很一般, 帶不出個theme 和感染力 , 只是淪為講以前講過的八卦,  欠了一次又一次的挖掘, 打磨, 再深挖, 再打磨的千錘百煉感覺.

當然, 在現今時勢, 是不會在面書說出來掃興了.

是因為現時的高壓, 所以就住嚟講,  很多都不能講出來, 還是欠了深思沉澱呢?

感覺杜生未"開放" ,  平時狗嗡節目裡的佢, 反而從容一點.

-----------

南韓當然不是天堂,  也有諸多社會問題, 也不缺野蠻自私的藍絲五毛.

不過看退貨遠征隊慰勞當地的軍官護士學生, 不由得想到, 人們彼此間團結, 互相扶持, 應當是這樣子.

看在眼裡, 是感動的, 很不捨得下星期便完結了. 李孝利亦回歸平靜的生活.

--------

episode 8

下兩集應會更心酸,  即使女主角知道真相, 還是會選擇男主角.

人啊, 不能活在過去的記憶中, 那太虛幻, 把事情美化,  始終有一天, 終究還是要醒來.

(vi)

14-11-2020

episode 9

坦率地面對自己的感覺沒好結果.

你係咩人有咩條件咩時間出現, 優先於付出過幾多.

明明表面係勵志劇, 但我卻盡是看到感情的滄桑與灰暗.

達美應該當冇事發生過, 繼續同男一一起.

有點苦悶.

(關你咩事,  達美係咪都吾會同你一齊架啦,  等於你冧條女吾鍾意你,  佢過得怎樣, 和誰在一起, 都和你冇關架喇.)

所以呀, 做自己想做的事, 好好一個人就好, 不要隨便付出投入感情.

(vii)

15-11-2020

episode 10

想成為自已喜歡的人會喜歡的人, 所以一直改,  一直改...

最後變成怎樣的人呢?

會變得更好嗎?

也會變成她喜歡的人嗎?

其實不會啊,  你都不知道她喜歡的是那一種人, 也根本不是她會喜歡的那種人.

但終究是, 曾經努力過, 雖然, 從來不是她需要想要的.

-------------

李寶英啊....!!!!!!!!!!!!!!!!!!!!!!!!!!!!!!!!!!!!!!!

報仇的伏線，有點夾硬嚟，復仇者人選。男二劇情支線係咁架啦。

投資發佈日。

“Bitch! 我投資幾億韓圜落你公司，有幾多用嚟俾你買名牌包包衫褲鞋襪？”  

我若係投資評審，會想咁問囉。

(viii)

16-11-2020

https://www.youtube.com/watch?v=UHfSQ1W6JEU&list=RDUHfSQ1W6JEU&start_radio=1

這個MV 前後看了四五次, 還是覺得感動和溫暖.

記住成員的說話, 需要, 渴望,  然後化成真, 那種貼心細意, 真的感動.

當中, 是渴望與別人的connection , 回到以前正常的時光.

從前很尋常，視之理所當然的，現在卻是不可以、很艱難、很多限制。

這是疫情下,  是歌手, 大眾的共同渴望, 都會共鳴的地方.

不是錢可以買得來, 有錢便能辦到.

我會懷念這個組合.

-------------

很多人都說杜生的SHOW 好好看,  那麼是我的問題?  覺得講稿差, 雖然個theme OK.

只能說吾啱channel , connect 吾到, 預期有落差, 我以為好似"空手道" 咁傳意.

最怕是實際情況是天能,  其他人所說的 "套戲好燒腦".

明明大部分人都吾知套戲做乜九, 又吾好意思屌九上了神壇的導演,  所以才說" 燒腦".

怎都好, 我到現在都未見過聽過話天能好睇好燒腦的人,  會再次入戲院燒佢老味多一次.

(ix)

17-11-2020

收到了, 開箱的感覺就好似25 年前第一次買陳慧嫻唱片 Welcome Back 一樣亢奮.

雖然大相抽不到Jisoo 但細相有一張, 也算不錯啦.

我也不想瘋狂買唱片儲齊成個collection .

我把一張小卡放入銀包裡,  Jisoo 以後就會陪我返工炒股票了.

我不再孤單了.

按以往的習慣, 應把這些相片放在FB 記錄.

只是忽想到, 人多口雜,  也有些厭倦旁人說三道四, 咩幾廿歲人仲迷戀小妹妹女團.

說得好似, 毒撚如我, 有孌童癖,  並只能召妓過日子咁.

我不愛這樣, 很掃興, 破壞這刻的小確幸.

Cause everybody sees what they wanna see, it's easier to judge me than to believe.

應援心心棒棒第二代近日開售,  想又想還是不捨得花錢買, 一來不便宜, 二來, 我真的很尷尬啊, 拎出街揮動心心棒棒.

不過, 如果我生日有人送俾我就好了.

btw , 買了唱片的人, 有幾多人會真的試下隻碟有冇壞?

我不知道啊, 因為我連cd 機 都冇, 電腦的cd reader 又給了家姐.

想又想, 這個product  nature 其實有點怪, 買唱片, 真係買嚟聽咩.

Cherish 21

 (i)

4-10-2020

這個中秋假期做了甚麼呢?

A) 

吃了壞的咖哩雞胸肉飯, 腹瀉了幾日, 上廁所一日六七次.

所以, 也沒有出街看戲呀, (舞台劇不再兒戲又買吾到飛) , 食飯呀...etc.

OK , 那煲咖哩是我整的,  冇得怨.

也驗證了我是沒有入廚天份, 都係煮個麵俾自己食算好了.

(咖哩是買現成湯包的了...唉...)

B) 

B for blackpink.

四年出道才推出第一張大碟專輯, 作為入坑的中佬, 自然要不斷loop.

嗯, Lovesick girl youtube 首24 小時點播率逾5800 萬次,  有幾十次是我聽的呢.

實體大碟已團購訂了,  入計韓國的銷售,  所以人氣歌謠的每周歌曲冠軍計分裡, 我都有份貢獻架.

不知能不能抽中大碟的postcard ? 

我想要Jisoo 的.

在四人之中, 我慢慢地偏愛Jisoo.

跟佢年紀相差16 載,  好似楊過等緊未出世的小龍女一樣?!!!!!

你未出世, 我已註定成為你的fans 了.

(what the hell I am saying?!)

我亦已在Apple music 下載了兩首歌,  You never know 及Yuki no haha 雪之華.

前者按line distribution 計, Jisoo 唱了31%,  後者則是翻唱 (唱得好似中山美穗唱歌咁, 我晚晚都睡前聽, 聽完很放鬆溫柔平和,  中島美嘉版是很有感情版, 低音那幾句好殺食, 聽完會有種悸動 ).

btw, 若不是入坑, 都不知道原來迷上女團, 佢地的粉絲會按0.1 秒去計算每個成員在每一首歌裡的演唱秒數.

Jisoo 一向是偏少的一位, 所以當我發現有一首歌佢唱得比較多, 甚至是翻唱時, 當然要支持一下.

btw,  好像在佢的年齡層, 通街都叫智秀的, 就像我的年代, 女仔名都是儀, 嘉, 慧 ...

點解慢慢偏愛Jisoo?

一來, 是靚啦.

二來,  這四個小妹妹,  挨到現在冇穿冇爛, 並紅了, 已是很厲害驚人的事,  而佢是四人當中最不愛哭的一個,  亦是最大壓力的一個, 所以更讓人憐愛.

佢做練習生做了六年多, 一拖再拖, 才出道, 同年紀的少女,  個個都未到20 歲就已出道,   (IU 15 歲已出道) ,  曾經好紅過的2NE1 最細那個 25, 6 歲已唱遍歐美亞巡迴, 仲退埋休好耐.  

佢唱歌, 跳舞亦不是最顯眼的一個 , 網上成日俾人鬧那個亦是佢,  IG fans 亦明顯最少, 但鏡頭前只見到佢堅強, 忍耐的一面, 愛搞怪,  沒有妒忌欺淩呀, 只會照顧其他團員, 性格好好.

Jisoo 的性格係咪有點似這裡常提及的一位女子呢?

因為覺得似她,  我會有點偏心.

嗯, 其實看雪之華youtube 時,  我有時會幻想, 若她穿這條高貴漂亮的裙子的模樣.

https://www.youtube.com/watch?v=eTqW91L7dew&list=FL0WTLjh1ncMm1OnWkDUoi-Q&index=1

btw , vlive 好多野睇的, 有Jisoo 吃播的短片.  找個時間, 要看youtube 的字幕版.

14/10 是我重新再訂netflix 的一日.

因為有blackpink 的documentary 呀...

(C)

今天新聞報導說,  日本最快明年四月才會有機會讓旅客入境.

咁我十二月旅行怎麼辦?

還好的, 在這新聞公佈前,  航空公司已主動取消了我的機位訂票.

想不到, 我前半生被女拒絕, 來到後半生, 輪到航空公司放我飛機.

俾我去,咪仲煩, 我會去咩...

咁又係.

-----------

十月了,  BNO 仲未有聲氣...

足足三個月了,  遲過我交表成個月的朋友, 一家三口現在已收到了.

所以, 我打定輸數啦.

催嚟無用,  同埋, 催佢, 只會好似我向女子表白一樣,  令佢吾想煩落去, 直接reject!!

何必逼佢?

世事都讓我看透了.

我抬起頭, 眺望遠方的天際, 扮型.

(ii)

6-10-2020

Jisoo 新劇確定了男主角了, 是丁海寅.

男主角嚟講, 級數差吾多啦...

但係, 可吾可以佢在演出前, 進行切除JJ / 睪丸手術!??

我有陰影,  請吃飯的漂亮姐姐裡, 佢和孫藝真的親熱戲份.

搞完我老婆, 依家仲想搞我個女兒.

賤格!!

-------------

近月, 更新 IG 比較頻密, 遲早我會被朋友unfriend.

嗯, 全都是BP.

唯一的菜乾湯包相片, 是Jisoo 上韓綜 "美味的廣場"  食菜乾,  我看完後, 去759 買一包來感受Jisoo食菜乾時的感覺!!!

也看看自己是那一天開始狂PO  BP的相.

看日子, 講真的, 打了一個突.

但也是正常吧,  那天會做奇怪, 平時不會做的事.

無聊地細心想一想,  她其實是blackpink all-in-one .

迷上四個小妹妹, 等於迷上她的四個分身.

她們都有共通點.

都是性格好, 心地良善.

都被稱讚漂亮.

都懂得日, 韓,  英, 泰語. ( 我猜她懂泰文的, 膚色偏黑似南亞裔喎, 還多了懂得廣東話, 國語呢)

當然, BP 輸蝕的是年齡欠優勢, 她只是佢地年紀的一半.

吓?!

嗯, 我用的是"八十後"算法.

今年  Jisoo  25,  Jennie  24 , Rose 23 , Lisa 23.

BP 的總年齡會是  (25+24+23+23)  = 95 , 

一半就是  47.5 ,  這就差不多是她的年紀啦.

所以, 她相比起BP ,  除了語言,  亦具有年齡優勢的.

現在我改迷 BP 都好呀,  不會傷害騷擾任何人,  雖然她更好.

番外篇:

我,  BP  在絕情谷底重逢.

過了良久,  我才道,  "BP兒  , 你們的容貌一點也沒有變, 我卻老了"

BP四人端目凝視, 說道 "不是老了, 而是我們的Doug兒長大了."

(iii)

9-10-2020

隔了三個多月,  今天收到短訊,  BNO 批了續期.

走難時, 多了一本護照可用.

不過, 近來迷上BP  , 移民韓國又怎麼樣?

是呢, 怎麼不見網上把韓國當作主要的移民地點?

投資移民, 有個居住權, 要幾百萬元,  並不是遙不可及.

(iv)

11-10-2020

周末日沒有出外.

大概習慣了宅在家了.

看了好些綜藝.

今周的玩甚麼好呢,  挺感人的.

被人當是傻子形象的金鍾旼和李孝利在車上的對話,  讓人感受到大智若愚的味道, 條友雖不聰明, 但EQ 很高, 看完也和李孝利一樣, 有點得到啟發.

嚴正化聲帶有事, 但又渴望再唱歌, 於是去重學聲樂運用聲帶, 到錄音室又因緊張發揮不到, 到最後開到聲,  過程是讓自己也為之著緊.

JESSIE , 華莎錄音,  感覺好似替佢地本人賣廣告,  阿姐在歌壇紅得起,  個人實力/準備擺在那裡....hey come on...

也看了一集VIU , 吃掉前男友.

多年單身不再拍拖,  是曾經滄海難為水,  不想再為感情辛苦煩惱, 寧願單身活得自在一點.

其實無論喜歡了別人,  或者交朋友都好.

記得,  記得為自己保留一點.

不然, 換來失望, 那種感覺是很難消化的.

"不再有下次, Di Da Li Da Di" 

記得早幾年第一次聽到的時候, 很有感覺,  要多傷心, 才會找不到言語去形容?  

所以, 都係迷戀Blackpink 好, 輕鬆點過日子.

自己有一位朋友, 吵鬧多年.

有一天我忽然開竅,  原來,  要求對方尊重自己是一件無理取鬧的事.

我是沒可能得到需要的公道和尊重.

此後,   便想拉開距離,  免得大家辛苦.

現在咪幾好,  默默地間吾中看下佢IG 近況.

(v)

13-10-2020

看到了彭秀慧的IG story , 才知道亞賢過身了一年.

我忘了是正常啊,  畢竟過去的交集只限於同佢講自己的電話號碼, 我的姓氏,  最近的距離也是受他影響, 曾在便利店幫過一個細路付鈔.

近來好像看過一篇蘇玉華的訪問,  說佢同潘生結婚, 只是為了法律上的一紙證書, 可以未來替對方做決定, 例如身後事, 醫療決定, 而佢有這樣的想法, 是受一個同性戀朋友死後, 伴侶無法以家人身分認屍的崩潰難受.

VIU 吃掉前男友,  小儀在第四集也提到這件事.

我不知道小儀和蘇小姐二人所說的事是否同一人.

不過, 直覺有可能指的是他的身故.

不是缺德到人都死了一年, 還去詛咒佢離世時不安詳.

而是覺得,  如果生命能影響生命,  可以影響他人的生命和想法的,  生前應是讓人感到溫暖的人.

( vi)

14-10-2020

和自己的預期一樣,  沒有太多新鮮的東西, 新的部分主要是訪問, 其他的都剪輯以前的片段.

但就是再次成為netflix 訂戶了.

兩個月後cut.

(vii)

18-10-2020

看到這個包包的標價,  忽然好想笑.

笑點是, 吾連戲.

戲內, 明明這女子是窮到用marker 塗黑了殘舊的皮鞋, 但用的手袋是萬萬聲.

港女的愛包包技能啊...

但係, 港女都愛買鞋喎...

鞋和包包吾夾一身打扮,  結論係, 呢個包包係共享租賃的, 即同香港那個港女八婆, 冇錢租個ballroom 搞bday party , 就租間五星酒店房, 廿幾人逼埋一齊慶生,  POST 埋IG , 驚死人吾知佢cheap一樣.  

金柱憲好像好紅, 呢幾個月好幾部戲都見到佢有參演, 雖不是男一.

------------

看網上啲人對那部documentary 的迴響.

片尾四個小妹妹想像十多年後的未來,  那時佢地都應該結婚, 或者有小朋友, 但大概已老到不能像現在般跳舞, (雖然佢地啲舞曲是技巧型, 不是大開大合的力量型),   有一個網友的留言大概是如此.

"never be sad because it is over, be happy because it happened."

想來, 自己忽然有點觸動.

Never be sad too long if it is over , learn to be grateful because it did happen.

很多事情都應當如此, 曾經遇到那些人, 曾嘗試去做那些事, 嘗試離開comfort zone.

as a reminder 啫,  幾廿歲人呢啲野吾會今日先知( 如果係, 咁佢係弱智啫) .

生活做人的智慧道理,  大部分時間吾係吾懂, 只係固執/執著,  難做到,  難以堅持, 難以斟破.

(viii)

19-10-2020

現實裡, 當然早已斷了有下一代.

(吾係切左, 啋... 只是不會找伴)

但如果有下一代,  我諗我應該會係怪獸家長.

吓?

係呀, 昨晚睇Running man, 見到四個小妹妹周山跑, 又玩泥漿角力...

自己睇到有點不高興, 因為驚佢地受傷, 萬一拗柴點算, 尤其是JENNIE.

有這念頭後,  我才意識到我會咁煩, 好似啲變態怪獸家長.

btw,  Lisa 其實好好彩, 遇到這三個心地好的隊友, 平時會幫忙睇住佢, 罩住佢.

看佢玩遊戲完全吾識出術, 冇諗過出術  (所以背包有咁多糕) , 見到佢是很純樸的人, 好易俾人恰和呃.

--------------

點解, 明明一個創業毒撚 IT 狗, 穿上casual smart 既西裝後, 會變型男.

想當年我仲會著西裝時,  只會穿到係一枚社畜.

依家,  更肥到連西裝都著吾落.

 start up 電視劇呃人.

估到後面的發展了,  女主角加入三山, 做marketing.

(ix)

21-10-2020

網購時, 我心諗, 點解年輕時追星,  買嚟買去都係陳慧嫻精選碟, 傻女,   千千闕歌, 紅茶館, 係咁重複又重複咁搭豬骨...

不過當時有又如何,  我都冇錢買.

現在又追星, 好像補回年青時的遺憾.

cashbee 買嚟做乜?   我去到韓國搭地鐵, 去便利店買野咩?

仲要兩張喎!   一張Jisoo 一張團體.

你咪理啦, 攝在銀包當平安符都好呀.

Jisoo 靚靚. 雖然真人應該係吾同樣,  走樣機會大,  但反正成世都不會見到真人, 何必深究.

啤牌?

我左手同右手玩呀?

可以用來磨練演技架.

"我係賭...聖!!! 今晚打老虎 "

"哈哈哈....dougdoug 小兒,  我呢手係同花順 , 你枱面得三條Queen ,  點贏我呀? 哈哈哈, 你輸硬"

"咪住!!!!!  各位觀眾....我要表演絕技---- 變牌!!!"

我手上仲有一隻Queen, 但四條吾夠贏.

我捽, 我捽.... 

"噫...Jisoo 變左 Sarah Ng 既?!  都啱喎, 她天生就係女皇!!"

"索羅斯....你睇清楚喇,  Jennie, Rose', Lisa , Jisoo, Sarah Ng ! 五條Queens!!!!!!"

"冇可能,  冇可能...點會咁架..."

追星, 可以讓人年輕,  彈番嚟,  吾使問劉心悠. 

(x)

24-10-2020

I must be in a museum, because you are a work of art.

(xi)

25-10-2020

When you post a photo in IG,  I can send Santa a wish list.

-------------

韓劇start up 挺好看的.

看完會感染收到一些能量.

不是洗腦式, 教化式的正能量X4, 創業就能改變...

是而滲出來的朝氣, 追逐夢想.

(xii)

26-10-2020

隔了多個月, 終於再次訂飛, 妓寨乜乜乜.

沒有甚麼期望, 只是, 很久, 很久沒有入場了.

票價400 多,  比以前平均票價高了幾成, 又吾係搵超紅的劇場明星喎.

不過, 我都理解, 亦接受.

入座率最多只得一半喎, 但其他方面邊撚到可以減一半.

演員服裝有只左邊沒有右邊, OK?  咁場場都要有... 唔...諗吾到邊個劇場女星好想睇佢半裸.

(Blackpink style 囉,  只有上衣, 下面只穿跳舞貼身黑短褲.)

至於由去年底延期到下月, 或者出年的...

吾使問, 都係蝕住做, 或者人人都減薪去做.

下月, 睇杜生, 吾使改時間, 真好.

還在猶豫看不看多一次leman trilogy.   

新出的NT , 沒有一齣好想看. 經過flea bag 勁伏的NT live 後,  我已不會逢有野上畫就會去看了.

真的教訓深刻, 開場半個鐘播廣告, 佢老母.  寫 critics 話好睇的, 全撚部都生仔冇屎忽.

 

Cherish 20

 (i)

2-9-2020

今天過得不容易，心情很煩躁。

想來，九月了，也是時候像這些年，去教堂坐一會懺悔。

很簡單地祈禱，願她過得安好，身體健康，其他的，沒有甚麼可以再想。

我又不是賣藝呃like的，來到今天，衷心祝願一下就好，難道還要萬梓良式流淚流涕深情演繹嗎？

更多的時候，是閉上眼深呼吸，甚麼都不想。

生活很累。

係咪信神後，可以把所有野包括負能量、人性陰暗面，當佢垃圾筒咁扔曬俾佢？

(ii)

2-9-2020

點解韓國的女團很多都生得好高瘦?

一來入選時已經過一番蒒選.

二來, 成功出道後.

食個brunch.

首先,  你要雙手托腮呈V 字,  表達surprising  , 雙手掩臉表達amazing,  睜大眼張大口見到個窿後, 立即要嘟咀表示好鍾意 lovely and cutie.

然後和食物自拍, 俾心心, 舉V 手指再影一大輪.

食左一啖後(也是最後一啖) ,  要麥當勞叔叔上身的, 見齒孤型笑臉.

跟住好似四肢失控咁, 左扭又擰, 表達雀躍.

我睇既都攰啦...何況食嗰個.

不過, 我作為中年大叔, 其實都BUY 架,  有韓妹咁appreciate 你.

港女點會呀, 佢地有乜未食過呀...

係吾會有成就感囉.

港女輸足十幾廿條街, 比起韓妹. 根本不入流.

但話時話, blackpink團員們出身都幾好,  有乜未食過,  所以咁食法, 真係表演嚟.

但我BUY.

信我啦,  呢排電視咩煮得好的女人, 嫁得好/ 最自信/ 漂亮既....

妳同男友/老公食飯時, 餐餐好似韓妹咁托腮, 掩臉,  嘟咀, 見齒笑臉... 其效果實好過煮餐死.

女人可以吾識煮飯, 但吾可以吾識嘟咀裝可愛.

(iii)

3-9-2020

不去做檢測怎能說自私呢？

一來是常識，冇常識只信政府先死得快，過了大半年還未清楚嗎？

邊個癲婆一開始禁人戴口罩？

況且，我的深喉只會為徐睿知條脷而開，若佢伸脷探過來，我先會肯被採口水樣本。

完。

(iv)

4-9-2020

這一天是不是很特別呢？

這兩年的這一天，巿場都痴鳩線。

去年港股挾爆，今天美股chok到癲。

看不透啊。

(v)

6-9-2020

嘗試跟youtube 的粉墨舞蹈教學.

跳了一分鐘已氣餒,  好複雜啊.

和blackpink 合作新歌的selena , 其實幾灰, 佢經理人係有心靠害.

老又老過人, 肥又肥過人, 拍埋一齊, 又吾夠可愛, 就似肥媽係到唱熱咖啡咁...輸曬.

我還未決定到, 鍾意jisoo , jennie , lisa , rose , 那一個多些.

可吾可以全部都鍾意?

話時話, 在香港唱歌, 30 歲樓下好紅的, 有邊個?

不是沒有港女質素啦, 只是整個香港娛樂產業鏈配套比不上人家罷了.

如果她後生幾廿年, 現在也該早已被獵頭, 去做練習生.

我會在viu 看到她.

"Sarah in you area!! " (blackpink) , " Sarah,  Happiness "  (red velvet), "Whoz that girl? Sarah! " (exid) .

“kill this love...” 她唱到這裡，我被她開槍手勢擊中...

噢...

妄想一下, 都覺得很有活力的.

如果她真的做了韓星, 會有多好呢...可以隔著屏幕見到她.

她一次過跳 how you like that, kill this love, ddu du ddu du , bombayah 就更好.

不過今周我最大的FF 卻是看了一會我的家政夫渚先生.

你諗下....星期日在家做家務洗衫晾衫, 有點厭世時, 幾咁治癒...

中年男人, 做家務做到有條高薪女倒貼番嚟養你, 上埋佢張床.

按劇中年齡相差廿歲的比例,  我應該會搵條好似blackpink/ IU 年紀的女仔, 幫佢地做家務.

有Jisoo的臉孔,  Jennie 的身型, Rose 的小家碧玉, Lisa的單純活潑,  IU 的財富...入佢屋企做家務.

諗起都覺得人生充滿希望.

韓星紅了, 多數被翻舊帳, 曾經整容, 大修小輯.

未俾人寫過的,  多是暗星.

講到只要肯整就會紅似的.

我說, " 我依家走去整容, 係咪都可以靚仔過金秀賢? "

"........"

"咪係囉, 我只會最多變蛇精男! "  (臉極尖, 眼大, 肚腩更大...都幾難想像喎...)

貶低別人的付出, 努力, 和心意, 從來都是輕易和沒成本的事.

佢地跳到咁勁, 吾係P 出嚟的.

(vi)

8-9-2020

終於收到了.

收到的時候,  腦海浮起這首歌的歌詞.

" 卻有種叫作時間的東西, 說沒問題, 最後我們會痊癒.

有些遺憾只能一個人聽, 很對不起,  我還是珍惜, 所有的事情."

是啊, 我是不正常的.

還好嗎? 今天的妳

 Dear Sarah, 

這刻, 不想說無聊又自以為有趣的廢話.

只想平靜地跟在這個世界某個角落裡的妳說聲:

生日快樂,  身體健康,  好好的.

 

Douglas

2020

-----------------

今年的收據為甚麼是電子版?

沒辦法.  疫情的緣故令甚麼事情都延誤了,  我催了幾次才喚到機構寄出收據, 來不及這天收到.

不經不覺, 已經過了這些年了.  

每年這一天的這封博誌也越來越短.

我只是仍記得妳的生辰, 衷心祝願妳好好的.

Cherish 19

 (i)

9-8-2020

近來的網絡花生之一, 就是賣口罩走數, 還要把客人的個人資料放上網事件.

那個賣家...早十多年前已很" 出名" ,  很多年前佢就係咁貼有仇口的人的個人資料上網,  所以是我會見到行開的那類人物, 所以不明白點解啲人吾識死, 會搵佢買口罩.

自問一向怕網絡欺淩, 早幾年更嘗此苦, 情緒受困擾,  所以即使在這裡, 都吾想開佢個名.

點鬼知啲會不會變search key words 俾人尋仇. 

感覺佢撈得好霉, 有點偏執狂.

點解當年會留意到佢呢?

冇呀,  當年曾對有一個中女有好感,  那個人係同佢friend , 所以望下佢寫的時評咁囉.

時評既野, 等於財演啲股評,  十居其九都係垃圾, 只要遵守呢三點,  永遠都中.

1) 提出的推論, 永遠不要時效限期.  今個月講A 吾中, 下個月講anti- A  ,  到第三個月便實有一個中, 邊年邊月, 我都話係咁架啦,  呢啲仆街野, 我都識寫架. 股票吾係升就係跌架啦.

2) 講阿媽係女人既野,  斷估吾會咁黑天鵝, 阿媽生完你後, 去做trans gender 卦?

3)  講得越空泛越好, 夠禪夠玄,  任你演繹. 當初我咁講, 咪就係講呢樣囉,  你誤會左我意思啦, 俾多少少慧根去聽我的野, 好吾好. 等於啲仆街仲係到教人波浪理論, a b c d, i ii iii 咁數浪, 都痴能線.

這是統計上的confidence interval  75% 95% 99%  有幾闊, error tolerance 之類的常識, 所以好怕啲人攞以前的舊事去媽叉人. 攞個result 去媽叉人, 那個被媽叉, 的當然係廢, 做錯決定, 但只識媽叉人的人, 又好得去邊, 永遠都啱的原因, 只能是永遠都不做決定, 或牆頭草.

1-3 呢啲原則性既野, 如果我用係溝女到, 你話我依家會幾好呢...

話吾定溝到徐睿知, 仲同佢生左兩件.

可惜, 我得個講字.

-------------

另一單野, 就是" 小X, 我要進來了".

看了網上的文字簡介, 知道成件事係咩回事.

只覺得, 超級變態, 諗埋呢啲AV 故事,  但...PK 的我, 覺得幾好笑, 因為夠痴線.

我甚至會諗, 如果那個漫畫風格轉為虐殺...

"胖虎..嗯... (啪...啪...啪...) 你真的已進來了嗎? "

男人俾人話那裡小,  入左等於冇入...好難不會老羞成惱.

(ii)

9-8-2020

很久沒喝威士忌了. 但遇上這時勢, 怎都要開一枝來喝, 以抒解悶氣.

雖然呢單野搞到輸錢,  但我卻甘心覺得抵俾, 我都有攬炒心態.

又話依家經濟差,  昨行過SOGO 地庫酒庫, 啲威士忌都未跌過價.

響冇年份都仲賣成過千銀.

(iii)

10-8-2020

讓人很喜歡的結局，雖然床戲多一點會更好。

徐睿知真係好鬼索，這幾個月「我最心愛的韓妹榜」由不入榜急升至現在的第一位，深得我心（well, who cares!) 。

這套劇並不像許多電視劇，拿一個具噱頭的題材消費然後不了了之，諸如「她的私生活」、「一起吃晚飯嗎」、「愛的逼降」，如果是，這套劇來到第15集男女主角接吻暗示上床便應大結局。

這集裡講的童話故事，簡單，但讓人很溫暖，大意是三個被巫婆搶去面孔的人，有一個壓抑情緒的、有一個是被擺佈人生的、餘下一個把自己困鎖起來不和外界接觸的。

他們其實不是被搶了臉孔，而是要去找回追求幸福的勇氣。

自己看著，覺得挺溫暖。這世界不喜歡你、嫌棄你奄悶的人總不會缺少，你不能、亦無法改變他們的想法。可以做的只有是 --- 行開，去找一個新的環境。

這幾年在朋友、工作上反枱撕破臉不再忍受，日子當然過得不容易，過得困苦，沒少過懷疑人生，不過精神和情緒健康卻改善，感覺終究是 --值得。

日子過得不容易，今天短炒大部分時間得個望字，若是要刻苦，咪刻苦些囉。

我也忽然想起自己很喜愛的電影對白  :

”For what it’s worth... it’s never too late, or in my case too early, to be whoever you want to be. There’s no time limit. Start whenever you want. You can change or stay the same. There are no rules to this thing. We can make the best or the worst of it. I hope you make the best of it. I hope you see things that startle you. I hope you feel things you’ve never felt before. I hope you meet people who have a different point of view. I hope you live a life you’re proud of, and if you’re not, I hope you have the courage to start over again.” ~~The Curious Case of Benjamin Button.

--------------

今天有沒有炒282 ?

冇.

很失敗吧?  我吾係咁識炒細價垃圾股的, 它的升法也不是自己熟悉的pattern.

當然, 別人贏錢就是贏, 也不會眼紅說甚麼門面話, 真金白銀落場, 就沒有甚麼藉口廢話挑剔.

雖然冇炒, 但看到某議員, 明星在一個投資人表示已入巿後,  又跟風入幾手282 , 以示精神上的支持.

嗯, 我看到後, 是有點想反白眼.

如果在股價插水時買以示行動支持,  即是經過思考,  明知邏輯上知道若要支持也不應這種支持法, 還是這樣入巿, 知道感情用事,  旁人沒甚麼可以談論, 人各有志.

但如果在股價炒到飛起,  見人地買左時才入巿支持...請問...你在支持甚麼? 支持俾炒家沽貨套現? 完全不make sense.

那不是感情上的支持,  而是跟風 , 羊群心理.

兩者做同一樣行為, 除了入巿價位不同,  其舉動意義, 值得鼓勵程度也有很大的分別, 後者有呃 LIKE 的嫌疑.

何必呢, 我亦相信佢地本意吾係咁.

當然, 在這刻不黑心, 自稱感情用事的我, 會希望可以歷史重演:  王維基當年1137 不獲發電視牌,  有報道說有人感情角度入巿支持, 之後坐艇. 如果,  坐艇至今, 佢應有得贏.

(iv)

10-8-2020

同一齣舞台劇, 退了兩次票.

本是去年底看的, 現在又再延期.

好想入劇場看戲啊.

對於本月的 蜷川, 老實說, 不寄厚望,  I mean 能夠入到戲院.

(v)

11-8-2020

出賣年齡系列：

生果報賣9個半一份？！我細個嗰陣五毫紙一份咋！

好貴！！

但都有買，吾買，佢地印左真係total loss，侷我的，雖然佢其實變了歷史證據。

其實，我除了訂生果報網上版，已再沒訂任何報刊雜誌。一來省錢，二來，佢地報導的財經新聞很多都過期又冇乜用，像今日282，咩黃絲股票公投啫，炒得最大係中銀國際，有鬼黃絲咩。

———

過了兩個月，英國終於收到護照申請文件。

嗯，要有心理準備逾期未得。

———-

新聞說，連中銀都吾想做那11條躙癱生意，想到澳門那間匯業銀行這時放監，呢班仆街要去銀行㩒錢，係咪要搭飛機去北韓？

頂，咪以為自己係元斌孫藝真徐智慧至得架！

 

(vi)

15-8-2020

家姐訂了外賣, 分了烏頭和湯給我.

味道合格, 正常. 冷藏外賣你可以想像到有幾好吃呢?

價錢就貴了些.

其實依家去買急凍餸菜包回家翻熱,  平平地一包都40, 50 蚊起跳.

仲要回家煲飯, 翻熱, 洗碗...

幾煩下.

當作救命用就好了,   直接買外賣快靚正好多.

(vii)

16-8-2020

收巿後閒聊, 戰友說跟內地的太太有爭拗, 有想離婚的衝動.

分隔兩地幾個月, 還要內地業主逼遷, 加上社會氣氛, 矛盾加深( 中度黃跟淺藍的分別), 爭吵是正常.

這幾十年, 看別人拍拖, 結婚, 生仔, 離婚, 再婚...

相比起自己, 原地踏步, 一成不變, a.ka. 毒撚,  自己好明顯以社會的準則是不長進.

不過別人走得快, 走過很多階段,  有很多不同的體驗,  但快樂嗎?

因人而異吧.

各人都有自己的選擇和合適的生活吧.

莫名的, 又想起她, 想像她現在的婚姻育兒生活.

大概我的生活太枯燥吧.

"關你叉事咩..." 我自己都會這樣藐自己,  旁人也就不必說了.

----------

SSAK3 篇完結了.

有點不捨.

一來三人的互動好笑自然讓人喜愛,  這也是我這個年紀的情意結.

Rain, 李孝利, 以前是在樂壇超級紅, 現在都有很久沒有推出新專輯, 早過了人氣高峰.

這個系列無疑是讓他們重溫昔日做新人的日子. 

也看到, 無論李孝利, Rain 即使不再站在一線頭了,  他們的技藝和體型保持仍保持得非常好.

特別是Rain 還是朱古力級的腹肌, 吾紅了, 仲很刻苦地保持身型, 除了自戀, 自律, 還有是真的喜歡舞台, 這個行業.

別看佢又牛扒又鮑魚, 拍完後, 一定係GYM 房還債.

你見MJ 的發福身型, 無疑有明顯的比較差別.

他們別來無恙的出現, 給人看得有著能量.

---------------

純粹狗嗡,  如果徐睿知想提出分手,  我會怎麼辦?

我一定會在佢講出口前,  主動飛左佢.

我很無恥, 有病睇醫生啦.

不過, 現在本地的掌權者日日咁講野... (開始不想用權貴形容佢地, 權, 可能還有些, 貴? 在中美高層眼中, 一格廁紙嚟咋, 叫佢地condom 都覺得講貴左佢地...)

被捨棄, 被拒絕的感覺固然難受, 我有太多這些經驗, 可能咁, 自己一直以來都吾會容易鍾意別人.

除非真係好鍾意, 好鍾意, 願意去承受這種難受.  

不過靜心一想,  因為在乎, 才會難受, 誰會得閒到阿貓阿狗嫌棄拒絕自己而上心?

曾有可以在乎的人, 都吾係壞事既, 雖然會難受, 但也會好過一點, 生命不是空白空洞.

這叫自我安慰吧.

妳還記得活了一百萬次的貓嗎?

(viii)

17-8-2020

做了2X 年校友,  拿到折扣買這個, 好像抵了些. 

我都是幫家人買才知, 中產係吾同啲, 消毒都要買枝幾舊水一樽的. 我呢啲人咪用滴露就算.

雖然, 咩傑出校友捐錢從來沒有我的事兒, 但間大學原來咁勁架, 有呢啲野賣, 我一秒為大學感自豪.

可惜吾可以口服, 吾係就為港增光.

https://souvenir.ust.hk/index.php?route=product/product&product_id=341

(ix)

24-8-2020

只要吾過份, 落樓前先完成交易, 不長期阻住人地個counter, 做爛個規矩.

這樣SCAN code 買外賣, 其實幾方便, 一到老麥便能拿外賣, 慳番等時間的5 分鐘.

很重要的, 中午時間的5 分鐘, 休息都好呀.

只有那些中高層, 出入米星星餐廳的人, 才不care 1 小時午休的狼狽.

你當炒股吾攰架, 中午冇業績公佈要望架.

----------

看著佢的IG 被網軍炸了廿幾萬個留言.

感到有點難過. 

成件事好痴線.

看過佢有份出沒的綜藝節目, 便知佢是怎樣的人,  佢的本意沒有任何貶意的.

(x)

30-8-2020

新垣結衣新劇演阿媽...

真係歳月催人老, 幾年前,  我仲係FF 緊,  國民老婆...好可愛呀...好賢良...

依家, 我卻覺得佢老得太快...變左大媽, 冇以前咁鍾意.

都係韓妹好.

你都吾知, 我睇blackpink 啲MV 睇得幾開心,  自覺那一刻, 我變了幸福的大叔, 好有活力和朝氣.

that that that...我手舞足動.

人總會老啦, 除非你整容啫, 或者一直P 圖演出, 好似朴敏英. ( 吾P , 真係走曬樣, 你係完全冇興趣睇佢做女主角架)

所以, 很久很久沒再見過從前喜歡的人, 只在自己記憶中, 也許不是壞事.

她不會疴屎, 不會放屁,  不會生腋毛, 即使變成4/5 個欣宜, 還是很迷人漂亮,   一切很完美的.

妳說, 她有多好.

-----------------

你可不可以把大腿和上半身拉成直角呢?

近來, 一有空和精神, 便在做拉筋伸展活動.

在家呆得太久,  欠了活動和活力,  做這些好過無.

不過, 自己的筋肉也僵硬得太緊要吧, 至今還伸不成直角.

慢慢來.

鬆下筋, 人是會精神一點.

最近喝少了咖啡, 從前一天喝數杯,  現在只在有精神不集中時的下午交易時段, 

才喝上一杯黑咖啡,  其他時間改為喝熱普洱.

比從前養生, 精神反而好了些.

IU 和blackpink 如果都會叫我"我的大叔", 我會有幾開心呢.

渣打在youtube 賣的廣告, 就快煩過bryan 了...唉...阻住曬.

(xi)

1-9-2020

想點呢？奧比斯。

電郵幾日吾覆，電話成日冇人聽。

說好的收據冇影。

--------

這間機構的人是不會看這兒呢? ( 好得閒嗎?)

寫完上一段後不久, 便覆了電郵,  將會寄出, 現附上pdf  ?? 作參照.

看看時間, 應趕不及了.

有點失落.

雖然只是只得自己知是甚麼一回事的事,  也不能告訴別人,  但仍有點忟.