Voyage 37

(i)

26-4-2018

要走了, 才發現自己並不了解這間公司.

原來, 這公司可歸類為創新高科技.

創新和高, 在於原來自己頂頭上司, 某部門主管, 都是拿零工資.

當然, 雖零人工, 日常工作仍要做, 部門主管更乜鬼都要做, 頂頭上司有需要時仍要陪同見客.

聽到後,  我有點錯愕...人工本不高, 現在仲要零?

咁都得?

自己的見識真是淺窄.


不過等價交換, 消息渠道的回報應極可觀, 他們都有家庭兒女要養.

也明白過去人事鬥爭, 為甚麼做得野的會輸掉, 人地吾使出糧..點同佢鬥.


所以有別的同事說我ON 9 , 若上面肯讓減人工但有消息可跟, 佢制.

我點知啫...或者啦..

但我相信, 那些不要人工, 只要消息便已足夠美好時光, 已過去.

現在巿場環境已和幾年前不同.

同埋, 多個香爐多隻鬼, 上面吾整我, 其他人實整死我.


若上面開教授"如何讓員工甘心零工資"的壓縮技術, 應很受資本家歡迎, 並拿創新科技獎.

搞到同事懷疑, 是不是上面對我們...又想再來一次免人工, 有跟消息希望的誘惑.


究竟, 公司有多少人拿零人工呢...

GM 應該吾係...佢俾上面媽叉時, 冇頂頭上司和部門主管咁有骨氣.


(ii)

發覺自己在公司人緣不算太差.

在兩個主要部門都識到順風耳.


他們說, 現在出去闖, 危險...

同埋, 現在巿況好差...時間選擇好差.

我都是被逼臨時走啊...


說到底, 我也想給自己人生一個交待.

呆在這裡, 十年後我變成怎樣, 已可預見.

同埋, 若賣盤, 都未必能挨到十年呢...

那時五十歲才再培訓找工作, 不是不可怕的.



有時候, 自己會想, 如果可以問自己喜歡的人, 我現在辭職, 她會怎答.



(iii)

27-4-2018

狼狽的一天.

下午1時30分, 被告知扣清假期後, 今日可以last day.

我完全沒有準備啊...感覺似那些大公司炒人, 只給員工一個紙箱, 今日炒要即走.

為免犯例, 連自己名下的其他公司的戶口都未開啊...錢都未轉番出公司.

至於新地方, 還未接駁上網, 所以想裝的報價系統也是沒法跟進.


不能急, 保持冷靜, 預埋下星期成個星期沒得做買賣.

我依家開始, 係冇假放的. 自僱的人係 24/7 呀, 所以我冇可能冇正事幹.



從正能量角度.

我也避過頂頭上司 說 last day 要帶我去夜總會歡送的事情, 避開尷尬,

保持我對世上的中女的忠誠.

問我時, 我會答好...實際都是敷衍啦...免得俾人話吾俾面.

即使退100萬步, 我真係出去玩, 都吾會同佢一齊玩啦...

貪俾人唱咩...

有個同行, 玩到俾條女唱 short, 其後由佢廣播...

至於是長度 定持久力 or both,  則不得而之.



以後, 沒有人會在開巿時間講溝女的分享.

我吾係好鍾意聽架咩?

得閒聽下無妨, 但開緊巿...仲要次次邪到有機會的時候....

你知吾知是幾慘烈的星期四? 從早上等了大半天終於等到挾淡, 卻在聽人地的溝女經?!

我想出去轉環境, 真係吾係單一原因架.


況且, 介紹怎溝中女, Gal Gadot,  我就有興趣啫, 靚模/KOL , 真係冇興趣.


(iv)

28-4-2018

麻疹傳到去東京.

雖然早在幾十年前香港已有普及的疫苗注射, 上個及我這個generation 已有抵抗力 .

還是會有點擔心的.

希望她旅程平安愉快, 身體健康.


(v)

29-4-2018

昨早上, 回舊公司繼續執包袱.

有同事特意走過來吹水和幫忙.

去到新地方, 那裡的大姐朋友老闆吃過午飯後, 親自動手, 幫我執過公司的partition, 搬板上/拆螺絲, 移儲物架,  並且拿吸塵機清潔.

你知道, 我有多不好意思嗎? 成條廢柴企響到度乜都吾識做.

用人地的地方, 不給錢,  人地還會幫你升級網絡速度 (即係佢俾錢!!) , 改動佢公司的佈置, 並說有機會打本 50 萬俾我地炒 (錢不是極多才感動, 即係吾係亂吹水嗡銀碼...前老闆那時挽留都話打本俾我地炒, 但連打本50蚊都吾肯講出口,  看到分別嗎?) .

彷彿, 我宣佈辭職後, 我走進了另一世界.

同事會跟我說公司秘聞, 我呢個情況如何如何...

(嗯, 我走是對留下的同事的德政!! 因為怕帶起離職潮, 據聞個別有可能再加薪...)

好像在轉運!!!!!

我人緣都吾係咁差啫.

呢個世界都吾係極功利, 計到盡, 只講利益啫.

不是只有前老闆和頂頭上司那類人.


希望我可以變好一些, 也不要忘記別人的恩惠.


(vi)

29-4-2018

看到蘇玉華讚香港三姊妹.

昨下午本來要看的, 只是要臨時改 partition , 就甩底了.

是很合理的選擇. (似咩樣, 若說要咁坐, 然後拍拍手走左去娛樂, 留下主人家善後)


因為忙, 而看不了舞台劇, 未來還會有多少?

未來揀多啲五六日.


是生活軌跡轉變.

是呢, 前日我才為意到, 我現在係冇假放的...

忙著, 忙著, 晚上回到家loop fb , 才記起, 昨天亡母的忌日.


只能說, 變化來得太快, 自己很多時未為意, 改變已開始.

所以不能急, 不能亂.


(vii)

29-4-2018

中午買電腦, 屏幕, 拖板, 鍵盤, lan 線...

陪大姐和佢朋友老闆去鴨寮街看看屏幕架...

讓他們了解情況.


call gogovan 把一部電腦, 三個屏幕納納雜運去工作地點.

若不是因為跳出comfort zone, 我想, 在頗長的時間都不會光顧電召貨車.

算是對這世界的事理解多一些.

$155 令我覺得在剝削別人, 搭的士都吾得啦, 仲未計車尾箱行李仲要收多幾十蚊.


最後那5元沒收回, 當作貼士.

聽司機說油費貴, 割喉競爭...

生活艱難.



來到工作地點, 婉拒早已來到的大姐和朋友老闆的邀請吃飯.

(我吾想做燈膽, 同埋真係忙...)

從前仆過, 仆得好甘都有好處, 今次一開始就很小心留意 hdmi, dvi , vga 屏幕插頭和顯示卡插頭分別.

一次 plug and play 成功開機 (歡呼聲pls) , 沒有被玩到半死..好感動!!

覺得似神跡.

覺得自己在轉運!!

(所以有時轉運與否, 其實與工作質素/準備有關...)

怎都好, 又一日九點半才離開工作地點.

是呢, 比以前工作還長時間.

不過, 很自然地做著, 大概因為想做吧.


(viii)

29-4-2018

若果, 她能把部分身體不適和病患分給我, 會有多好呢...

反正, 我冇乜所謂啦, 爛命一條,  本身腸胃皮膚都吾好, 再差些有乜所謂.

若分擔一些, 應能應付, 她便沒有那麼累.

我又不會收她服務費.



怎祈禱也是不足夠.

但是, 也只能祈禱吧.

能勸, 亦令她聽入耳的,  不包括我.



祈願她身體健康,


(ix)

30-4-2018

要買的野, 已買得七七八八....燒錢都燒得開始知道最終預算.

基本上, 除了上網要搵人搞, 可以做的都做了.

下星期應可以正式有新開始.


大姐朋友今天有空跟我單獨聊一會.

都係問我背景呀...

照直答囉...冇野...講大話仲煩...反正...我又冇真係諗過想呃佢乜...同埋可以double check.

幾舒服的, 簡單直接地說明自己的情況.

想來, 以前在公司對上面說話, 不是不累的.



所以呢...我係發吾到達的...

當人地人都話想我有成績時, 會打本俾我開投資公司.

我直接一句 :  我仲未知自己得吾得, 你俾我, 我都吾敢要...

倒自己米的最高境界.



我知呀, 呢行係若有水, 要左先...

能不能有表現是其次.

基本管理費都收幾% 啦...有十條魚已好和味.

好多都係咁...

今年六月在伊館開收費talk show 的基金經理, 佢個兩三年前的助手, 出來闖, set up 個fund 咪交咁野出來囉.

有一個朋友係那個fund 的客, 佢俾我看基金表現每月通訊...我睇到表現解釋只能搖頭.

輸, 睇錯巿都吾係問題, 但解釋真係好難頂...



怎都好, 若將來有咩事, 都吾好燒埋其他人...

這是我對於忐忑的現狀, 最後也不會動搖的底線.


今天吾係去開戶口, 都吾可以六點走...四日來第一次咁早...

獎勵自己...看韓劇!!

中女姐姐啊...