8-2-2019
在面書看到興趣班導師的太太坐電動椅走動的短片, 才知道行動不便的情況比起兩個多月前還差了.
感覺, 自己距離老去的感覺又近了一點.
不止是看見的人老了, 自己其實也在老去.
所以, 要加倍珍惜時間, 做自己想做的事, 完成理想.
執著, 應要放下.
今天初四開工大吉, 要做好每一個細節, 其他的, 就由運氣決定吧.
也祝願她開工大吉, 事事順利, 生意興隆, 客純如綿羊.
(ii)
9-2-2019
早上做完gym, 最好的節目梗係....
買六合彩啦!!!
我今晚攞1 億返屋企呀...
都是新年意頭, 參與下.
我一年都買吾到三次六合彩.
金多寶.
我希望中番一次.
我今年的情人節可以點樣過, 就睇今晚派彩了.
靠你喇...
啲號碼真係好意頭.
昨天開年, 工作室的人派利是.
他們說, 祝我賺多啲.
我其實想財色兼收.
如果, 中左1億又溝到朴敏英, 無疑等於中左頭獎.
如果, 中左1億又溝到宋慧喬, 無疑等於中左金多寶.
如果, 中左1億又溝到孫藝真, 無疑等於中左新春金多寶.
如果, 中左1億又溝到S , 就等於中左超級金多寶.
我都係吾好咁貪心, 中頭獎已滿足.
六合彩始終是賭博, 係咪諗埋啲偏門野, 會增加中獎的機會率?
如果, 可以把最漂亮的女人穿過未洗的內衣褲包裹著張彩票加持運氣, 中獎的機會應更高.
咁係中獎之前, 我應該被人拉啦, 咁變態.
我話漂亮的女人咋喎...冇話偷邊個喎.
可以稱得最漂亮的女人, 又得邊個呢?
um...都係, 所以我都係吾好亂講野.
搵番自己條底底加持算了.
(iii)
9-2-2019
看了觸及真心未?
很普通公式化的韓劇.
可以預期後段, 又是女明星到律師樓工作被傳媒發現, 男主角背景複雜之類的橋段.
劉寅娜其實挺會演戲, 只是機會的野...
可以看得出這劇集的製作資本, 導演, 攝影師...及不上宋慧喬那些.
(iv)
9-2-2019
我都叫左你吾好用自己條未洗既底褲, 把彩票包起來催運架啦...
係咪呢...
唉...
----------
如果, 我在面書/IG post 呢啲底褲催運買六合彩, 仲可能偷人地的, 大概, 應該有人信吧?
我只是口痕無聊...
所以, 這兒對空氣廢嗡, 是好的.
(v)
10-2-2019
我係咪有機會成為成人服務員呢?
比方, 在一個AR 場所, 女顧客帶上AR 眼鏡, 看到畫面是王力宏陪佢飲酒, 玩遊戲, 愛撫...etc , 廢嗡啫, 吾使咁露骨.
而我則提供實體的接觸感受, 即係女顧客在AR 看到自己被王力宏摸, 皮膚也傳來被愛撫的觸感, 實際上摸佢那個係我...
我也仿傚中國人做生意頂爛巿的傳統, 推出100蚊任玩3句鐘套餐, 平過去茶餐廳食下午茶添啦.
好似好有商機咁...
加上情人節.
不過呢盤咁有潛力, 可以上巿的生意, 最難的第一步和其他創意工業一樣, 就係要有第一個顧客.
唉...
(vi)
10-2-2019
生為女兒身, 是上天的安排;
從少女昇華至中女, 是時間的灌溉;
成為耀眼的揚眉女子, 無疑,
是妳的選擇.
還好嗎? 今天的妳.
(vii)
13-2-2019
明天是情人節.
其實毒L 一個更開心 洗L 你講
其實毒L 早晚留在家 卻扮忙
唔, 這舊的改篇歌, 在明天應會有人唱吧.
我會不會唱? 梗係吾會啦...
我一日有幾個鐘在屋企啫...
我都吾毒, 又吾打機, 早晚對報價機吾夠咩, 仲玩食雞?!....我鍾意靜之嘛.
雖然, 我有諗過聽日去食譚仔, 聽日送十小辣朱古力呀...是身份認同.
你聽日得吾得閒, 我想約你去譚仔慶祝情人節, 可以嗎?
其實做毒L 好慘架...條友一定成日係屋企打飛機, 一定叫雞解決生理需要.
冇任何尊重和形象可言.
唯一可以做的, 就是行開那圈子.
這是我終於醒悟, 並下決心做的事.
算是成長的一個記錄吧.
(viii)
14-2-2019
"毒L道格" 主題曲
銀河唯一的秘密 天際最強毒L
AV朋友 性格麻甩 ON9 未變質
世界第一 打飛機 將女優重罰
厭惡情侶 那怕衝突 女友馬上消失
護衛人類 挽救地球 看守這宇宙
這進行曲 一高奏 港女便逃走~
死港女 死中女
東一隻 西一隻 東一腳 西一腳
給批鬥 抱著頭退後
十秒便失守
點解冇人改過這首歌呢?
其實毒L 真係好環保架, 冇下一代不突止,
打機又用飛機杯, 冇叉用, 吾使戴套, 真正減塑走塑!!
-------------
世上最灰的不是2月14 毒L要一人過
而係當你諗住去食平時吾去的譚仔
想攞番粒十小辣朱古力時
你食完卻發現自己原來去左譚仔雲南 而吾係譚仔三哥
譚仔都吾識分 係我毒L的主旋律.
我諗, 如果我真係有女朋友, 佢一定會為左咁而同我分手.
我: 你會吾會因為我去左譚仔雲南而同我分手呢?
中環返工的中女港女: 絕對會!!
(ix)
16-2-2019
文章內容其實不新穎, 以前都看過類似意思, 只是再次碰及這話題, 加上名人逸事包裝, 不免嘆了一口氣.
"也許所謂的痴情，某種意義上，不過是愛著自己的內心投射。反過來，痴情的人，其實某種程度上很自我，不願接受外界的意見。在很大程度上，痴情是一種自我迷醉。"
我一直都說, 自己是自我中心的人.
也為此懺悔.
近年, 每年都在 S 生日前, 捐錢去慈善機構, 心態和金生也相近吧.
https://hk.thenewslens.com/article/77770?fbclid=IwAR0AY6kXuVHtnh_aK29U1ZGMH1aEP1-UbG6YE--kq2XDR-bZiSFSb623Ld8
將來的事, 本質上是無人可斷言, 不過自己今次卻極之肯定.
可一不可再.
不過, 其實誰在乎呢?
(x)
16-2-2019
明天去朋友家拜年.
交換利是, 我又入不敷支.
其實是佢產後的探望.
女人生第一胎, 是愛, 第二胎是勇氣, 第三胎是責任, 第四胎是意外.
生產了一次後, 經歷過非人忍受的痛和艱苦, 還願意再走一遭, 不是勇氣, 還會是甚麼?
第三胎, 有的是追仔, 或追女, 見諸富豪名門, 是家族責任/性別需要.
第四胎, 不是意外, 還會是甚麼? 經濟壓力很大呀.
現在的小朋友, 多半會覺得" 十兄弟" 的民間故事是神蹟吧, 生十個...
那位母親1/4的人生是懷孕, 半生在湊小朋友, 沒有自己.
(xi)
16-2-2019
今天看完劇後, 去了對面街的美心吃晚飯.
如無意外, 應是生日前最後一頓飽飯, 這是生日飯.
我不想星期日吃太飽, 星期一會不舒服, 平日, 更不用提了, 一來冇胃口, 二來目標是控制自己七分飽.
在美心一樓窗外望, 對面馬路的一排商廈, 還是很多燈光通明...應有人上班的樣子.
坐在自閉的窗口位, 很熟悉的感覺, 坐在窗口外望對面天橋.
去吃美心快餐, 只是想有熟悉的感覺, 我不做代言人, 真的浪費了.
吃完後, 想到明天要去拜年, 也就要買些拜年賀禮.
想到近來在時代的pop up store, 也就去買了這些, 也寄了明信片.
快八點半, 人龍不多, 算是一點小確幸吧, 不用排到死.
死蠢的我, 寄完後, 才想起,
我!! 冇!! 寫!! 自!! 己!! 名!!
嗯, 十二月時, 朋友收到後, 會不會估到是我呢?
其實, 我不是過節儉的生活嗎? 怎麼去買這些東西?
大概, 那一刻的自己仍有點情緒起伏吧, 若今天沒有一點情緒感觸, 那是騙人的吧.
要珍惜能夠可以待別人好的時光.
不要後悔, 其他地方省回吧.
況且呀, 過幾年. 朋友都移民了, 很多年很多年不會再見, 怎寄呢?
------------
開始替下月生日的朋友訂曲奇.
又是去年訂蛋糕那位小姐.
講講下, 又冇回音... 結果錢又未俾, 單又未confirmed.
吊在半空, 吾知點咁...我其實prefer 今日講定曬幾多件, 幾時送貨, 今日full pay, 之後吾再煩佢.
想來, 都搵佢幾年, 看佢POST 的訪問照, 老了很多, 看上去, 應和我同齡 (好狠毒的詛咒呀下...)
想起早幾年訂曲奇, 佢那手中文字, 激嬲到我爆炸...貼錢買難受, 好尷尬...
今次, 我一定要醒水, 吾好要佢寫中文字.
(xii)
17/2/2019
在朋友家中.
我抱起佢地隻貓.
貓開始舔我件衫, 想我摸佢個頭.
朋友: 俾紙巾你, 佢整污糟你件衫.
我: OK 啦... ( 好難講邊個整污糟邊個喎...我件衫...)
我: 嘩....你老公在屋企冇定企...以前你地個架有張佢同徐若暄簽名合照, 現在吾見曬, 得你個仔玩具, 你個仔啲相...仲有你啲騙照... 大學畢業到依家幾多年呀...走曬樣啦...
朋友: .........
我: 呢袋(昨天買的叮噹) 補品嚟架...龍虎鳳...烋左佢嚟食...補身...
朋友: ....
佢大仔回來.
朋友: 叔叔俾利是你, 你多謝佢啦.
大仔: 恭喜發財, 身體健康!
我: 講句"財色兼收"...我鍾意.
大仔: (無視)
朋友: 食吾食薑豬腳
我: 食, 你諗住下次仲有?
朋友: 夠啦...
朋友: 我個仔的感情線幾複雜, 應會有好多次拍拖.
我: 好過我啦...我係冇添架...
朋友: XX 呢排點呀? 佢同佢老婆幾好吧? 佢仲有冇出去玩?
我: 我點知佢同佢老婆點喎, 上次見都是十二月果時. 男人去滾, 另一個男人會被告知, 唯一原因為前者斷正衰左, 想找人傾吐啫...家吓我未知囉...應收心養性啦卦...
我: 有有留意救護男單野?
朋友: 有呀, 好恐怖.
我: 呢個故事教訓, 男人孝順外母家的重要性. 那救護男成篇野講到好委屈咁, 但佢都話啦, 佢後來查到母親節果日, 姦夫和老婆同外母一家慶祝. 咁請問, 救護男當日在那裡? 點解吾慶祝? 佢都吾同外母慶祝, 咁外母一家又點會覺得, 我點解要話俾你知, 女婿, 我個女同第二個男人有路呀? 那女人其實是孝順啫, 老公吾肯, 咪第二個囉... 你記住陣間同你老公講番呢啲野呀...
朋友: 痴線咩...咪癲啦...同埋, 我阿媽係房湊緊bb , 咪咁大聲俾佢聽到.
---------------
我是不是鍾意講垃圾呢?
有點, 但講完就算, 正如亂嗡老作完 "毒L 道格" , 是作完就算, 開心自娛一陣, 但過幾日, 並會覺得低俗超無聊無乜創意, 並不有趣. 人地AV 我又講AV, 人地三上悠亞, 我就松下紗榮子?!, 咪一樣.
也不會在面書post.
近來, 周末日多聽了些杜文澤的talk 廣播.
一來是娛樂, 二來是tune 一下自己的channel, 怎樣同人interact. 當然不是叫你對住條女講, 我知你吾鍾意我, 所以我退後一步但亦想更進一步, 不如我跟你玩後入!? (即玩佢後欄, 肛X) 吾俾人告性騷擾才怪.
畢竟, 現在一日講到十句野也不容易, 冇乜性交, 吾係, 社交生活.
我今日吾計去拜年, 咪講左句, 北菇蒸雞飯, 鮮竹捲.
也覺得這幾年個人好繃, 極之繃極, 正常人都會怕我的, 講真.
我想pleasant 一點, loose一點, 可以講番笑 , 自己也會開心啲, for myself.
我係咪應該試下每日寫一段垃圾呢?
明天開始, 搭地鐵時寫吧.
沒有留言:
張貼留言