16-3-2019
昨看九江時, 遇到同學, 談起近來看過的劇.
佢話麻麻地色相, 因為冇曬台位又盛.
自己倒看不出來.
時間有限, 來不及詳談.
究竟理想中的台位應是怎樣的呢?
可惜沒時間和精力研究下去.
怎都好, 那時候覺得沒太問題, 應該柒了.
柒不是問題啦, 反正柒開, 若知道以後怎看就沒問題.
就像看887, 後來知道自己嘈生曬話香港水平低, 是柒了,
知道那一刻有少少尷尬, 雖然其實冇人知我亂Q 咁彈過.
但都OK 的, 畢竟自己氣量還不算太小, 若有道理有理據, 會接受和認錯.
看完舞台劇, 今趟沒回家, 反而回到工作室完成未完的工作.
一點了, 不太想在街等通宵巴士回去, 索性留到早上六時.
做做研究, 看看美股, 收巿後睡兩小時, 便有地鐵了.
工作室的老闆怎有潔癖都好, 那裡都會有蟑螂的.
牠在我睡在地下時, 眼前走過.
嚇到我吾敢關燈.
係咪應該少些揀星期五的場次呢.
我係到諗.
(ii)
17-3-2019
今年的藝術節完了.
除了887 外, 想又想, 還沒有其他可以真的impress 到自己.
Hamnet, Chekhov's First Play 的原創性, 觀察事物的perspective 雖有趣, Chekkov's 更某程度介紹了一個導演revive 一個classic play 時, 可以做甚麼, 目的是甚麼...但都談不上really impressive.
九江, 很典型的龍生式劇本, 雖然有一定意思, 李鎮洲的演技更是亮點, 是入場的理由, 選葉麗嘉做casting , 也很有趣 (香港人, 但現在演林奕華的戲多, 變了台飄/內飄) , 但整體還是覺得普通, 平時看OK, 但藝術節節目, 總想有要求一點, 再勁一點...我知...香港地冇時間冇資源嘛.
若可以, 會想看示範單位多些, 那時候, 吾知訂, 吾識野, 嘈生曬, 挺想知道現在看, 和當年看, 有沒有不同.
家, 看同學的FB, 說個set 特別, 哈姆雷特似乎冇人去看.
見到同學時, 問佢今年會飛邊到睇戲...佢都答不上來.
似乎今年舞台劇, 沒有甚麼很有趣的期待.
咁咪睇多啲電影囉.
(iii)
17-3-2019
我知自己從不算堅強的人, 白一點說, 是有一點軟弱和反覆.
所以性格硬淨的女人總是很吸引, 令我著迷, 自己最後一次單思的女子, 她性格硬朗倔強起來, 像硫化碳炔一樣, 絕對吾好惹的.
無聊時看最新一集為何深夜總是餓, 主持閒談間, 貝女士說起童年時的家暴.
和許多人一樣, 頓時感到氣壓急降.
平時口沒攔遮的佢, 都有這樣的過去.
堅強是甚麼呢?
遇到傷心難過的事, 雖仍會哭過怨過傷心過, 然而, 一轉身, 把這些當作人生歷練, 然後會笑著去追尋自己想過的生活, 不讓過去變成往前走的羈絆.
(iv)
17-3-2019
和舊同事打邊爐.
坦白講, 很厭談回舊公司的事. 覺得那並不有型灑脫, 同埋, 若現在有生活, 有目標, 怎有興趣記恨舊事...
我老早就刪去舊老闆的任何聯絡方法, 我連佢電話都吾會keep 架.
感情事就軟弱啫, 但對於其他事, 我倒是很乾脆決絕.
將來我仆街都問吾到佢借錢, 留佢電話把托咩, 浪費電話memory card 幾百個bytes 會好吾抵.
不過聽到現在那裡環境有多惡劣, 還是詫異的.
新請來的 dealer, 考了四次 HKSI Paper 1, 2 還是肥了...繼續無牌上班.
聽到我吾知點反應...白痴架咩...但卻又不敢炒佢, 因為請吾到人. 更大的可能性, 條友根本 don't fucking care being fired.
證券和期貨主管同時請假去旅行, 結果本是晚上更的舊同事由朝早踩到晚上, 朝九晚一, 冇補水補乜又盛.
完全是恰人地有責任感, 搞吾掂就便要下面硬食死掂佢.
新股暗盤老鼠倉又冇人理.
你知吾知咩叫last day? 聽佢地講, 以前財富管理那個阿頭拿吾到牌, 又呃多大半年主管級人工後, 被調去做經紀, 佢遞信, 過了last day 後, 還回舊公司, 用水電影印冷氣多三個月, 直到前陣子才走.
last day後可以白用多幾個月公司資源做自己野...冇人理喎...今次我真係想媽媽聲...
想到去年被人當乞兒/ 犯嚴重錯失, 即時last day的狼狽...
我跟舊同事講, 吾係咒你病, 但真係好想睇下, 你有一天臨時返吾到, 佢地有幾仆街收場.
或者計好數, 賠錢即走轉工, 佢地個個都吾肯返夜, 又吾肯出錢請人, 到時港交所cut 佢地線 (冇RO , 個trading right 係會被suspend 架) , 到時會點收科, 最大的可能性係, 吾做夜期囉.
我吾會詛咒, 但舊公司, 留在那裡的人遲早仆街是必然的事, 舊老闆和那個搞到人跳樓的仆街校長一樣吾抵可憐, 一定要受慘痛教訓才彰顯天理公義.
出來後, 更厭惡個個都睇住自己個碗, 又防其他人搶自己碗裡的, 但個個人的碗都其實冇乜野好搶.
以前, 自己吾識諗, 又軟弱, 才會拖延留在那裡那麼久.
現在, 餘下的時間要做好一些.
巿場的對手越來越強, 要不斷提升自己的水平.
(v)
18-3-2019
看到曲奇的一刻, 我以為自己入左兩皮野, 俾那位小姐整餅.
手工當然好, 重點是, 佢真係觀察了朋友隻貓的貓紋去造曲奇, 好有心的.
當初只給那位小姐, 朋友隻貓的IG , 主題是成長, budget 2000, 其他的, 隨意, 之後冇再聯絡跟進煩過佢.
有點不好意思, 總覺得讓對方白做, 我的訂單吾係咩大明星, 有得用來業務宣傳.
惟有明年再幫襯囉, 吾係點啫.
是今天炒得很屈悶, 難得讓人愉快的事.
(vi)
23-3-2019
今天看NT live 時, 隔離再隔離位, 原來是潘燦良和蘇玉華.
蘇小姐個眼鏡應該零度數, 只係出街又吾想戴口罩又吾想咁易俾人認出.
一開場便見佢除左眼鏡.
佢睇戲時有習慣蹺腳, 轉動腳踭的, 看得投入時會個人傾前.
見過佢地一齊睇戲不少, 但同佢地坐得咁近都是第一次.
佢地和普通人一樣, 中場休息時都會滑手機的!!
很奇怪地, 蘇小姐和我之間吉了個空位, 應該有人買左飛冇嚟.
B9 啊...買左飛會是誰呢?
如果係一個靚女, 有 "V 旋美目", "心型下巴" 的中女港女, (現在地鐵廣告最hit 的港女模板), 你話幾好呢.
如果是她, 那就絕對真的"wow!!"了.
不過機會不大啦, 感覺上, 她偏好坐路口位.
btw, 如果那個人是靚女, 我便可以FF 下, 呢條女係我條女,
我和佢, 同埋蘇小姐潘生, 四個人一齊拍拖睇戲!!!!
我和那條女的未來, 會像潘生和蘇小姐咁一直相知相敬相愛下去, 好過講山盟海誓.
我會好幸福啊.
可以找到志趣相投的人相愛, 一齊演戲, 一齊看戲, 一直走下去, 是挺幸福的事.
有時候, 看到別人雙雙對對, 約會以至成為情侶, 一起看劇看電電影, 不是不會落寞, 不過, 也不能放在心上.
畢竟, 路, 是自己揀的.
(vii)
23-3-2019
我把口有幾衰呢...
有時都自省, 在微博裡亂講野的自己, 把口都幾缺德下.
吾係有港女俾人騙財以至騙色, 都吾會有興趣廢嗡.
不過呢, 也領教過內地的圖像辨識技術水準.
你吾好cap 生果報報頭落去, blur 左你張相架, 雖然我不講政治好耐.
尚優崇智, 是自己成長年代的美好, 現在不理陣營, 很多時都冇家教風度視野, 怎有興趣插把咀埋去.
但怎缺德都好, 都不夠喱騷勁...
今天聽最近一集, 話中女的賣點, 是可以吾戴套被人隨便中出, 因為年紀大, 生吾出, 生育機會率降...諸如此類.
我聽到口呆目瞪...吾知點俾反應...
真係好賤...
至少, 我從冇諗過我喜歡中女港女, 原因居然是可以吾戴套中出又吾使搞出人命囉....
大概, 還是會繼續用微博講垃圾吧, 雖然有管制, 但我好懶, 又吾係想把口賤出知名度.
(viii)
23-3-2019
朴敏英下月有新劇上...
又到我的韓劇時間.
佢穿西裝套裝, 很幹練英氣, 著得很靚, 是自己見過第二靚.
(ix)
24-3-2019
看得多中女港女被網上騙財的新聞.
最大的感想是, 原來中女港女真係好有錢架, 自己喜歡中女港女, 是不自量力.
閒閒地俾人呃幾十萬是基本消費呀.
用的手袋隨時卅萬一個, 仲要粗用, 吾係點會收手袋禮物被人呃左卅個.
十幾年前匯豐有個 Banker 俾錢人學跳舞, 學費成億, 成為中女港女被騙財之歷史紀錄.
無聊時會想, 若以前喜歡的人被男人呃, 又會被呃到多少呢?
幾百萬是走吾甩了, 只差在有沒有可能破這個過億紀碌.
都是口痕罷了, 怎會咒對方遇上這種事.
這裡越少提及, 畢竟只有過去的記憶.
不過早幾日, 卻夢見她, 夢裡, 她懷孕了.
不知現實裡, 她又是否會如此.
過去, 已變得很遠.
嗯, 其實還是會想念她.
(x)
24-3-2019
近來聽JOOX 的免費歌曲.
揀得最多來聽是鄭秀文, 容祖兒, 陳奕迅.
偶像反而一首也沒有.
聽蕯拉熱窩的茱麗葉, 現在才會留意到, 當年社會的視野也不算狹窄,
會把世界時事寫進歌裡, 不止二人間的情愛.
戀情懷做依靠 沿途甜或酸 仍然互相緊靠
戀從無要分宗教 無民族爭拗
常寧願一生 至死都與你戀
看看填詞人, 原來是林振強.
Those were the old good days.
不是說現在的不成, 我不熟現在新一代的歌手 , 但知陳X 宇比較爛, 但都算紅喎...
------------
近來才發現. 很有趣, 原來流行曲可以咁樣玩法,
兩首歌可以這樣接下去.
林夕的詞才是生活化得來又有味道.
" 一個人吃火鍋"... 呢啲我真係在香港吾會做, 大家樂果啲...算啦.
"開餐一個人 不必等夠人"
...yeah... 所以...但...我冇乜幾何食到中餐.
去茶餐廳, 叫了個牛腩煲, 梅菜蒸肉餅, 就收檔, 叫不到多一碟菜或湯羮.
"我有我一樣過 我見我的時間亦更多"
其實一個人時也未必是對著自己. 要有認知自己在面對自己.
譬如, 你成日望住電腦, 雖是一個人, 但卻不是面對自己.
所以, 現在每次三分鐘的閉目專心呼吸, 是很珍貴的.
搞到我想買番個boxset, 藝術創作品.
吾知仲有冇呢?
https://www.youtube.com/watch?v=HMkrXFIs6XQ
"好一幫聖人 彈完人夫選舉新女神"
呢句歌詞, 我笑左... 很幽默.
--------------
忽然想到, 自己聽歌的口味真的變了很多.
真的極少聽偶像... 怎像以前, 以前聽偶像便足夠.
現在回望, 何必呢? 那樣鎖死自己, 封閉自己. 世界很大, 給自己多一點空間吧.
大概性格和心境真的有了改變.
真係吾想慘情, 失戀呀, 傷心呀...比較灰的頻道.
算啦, 吾好諗咁多, 聽歌啫.
--------------
看看謝小姐簽了那家唱片公司?
幻 ‧ 國文化.
再查查...上巿公司旗下公司嚟架喎.
咁點呢?
冇乜野, 我又吾嗰啲見人地富二代, 就當佢吾使努力吾使撈的紅眼症患者.
至少, 麥生現在做出來的作品有趣, 已洗甩當年佢啲黑歷史.
那件大褸襯埋張單人椅架...
沒有留言:
張貼留言