8-9-2019
看看月曆, 原來這兒都荒廢了一排.
是被社會氣氛弄得很累.
天天都丟那星, 心肝脾肺腎燥到無法更燥.
工作還是要做.
近來更加不爽.
事後回看, 4/9 下午一點成個鐘走勢, 好明顯是知情人偷步買, 例如炒823, 並買得很兇, 露曬痕跡.
想到幾個月的血腥暴力, 換來的只是權貴賺大錢的機會, 賺血腥錢, 心情更是抑鬱.
翌日, 388 期貨拉閘, 本已夠衰, 而那天下午一點至兩點, 工作室斷了兩次internet, 之後被服務商技術支援耍, 令當日衰上加衰.
星期五, A 股尾巿倒挾, 收巿後咪知前腳說降準, 依家就嚟. 收巿後的五點幾宣佈消息, 我提早休息回家, 遇上不停太子站的混亂, 想點呢, 平時七八點才走的我今天想早回家.
看電視, 優雅的家第四集, 爛劇到一個點, 頂佢吾順.
昨看first date, 演員幾好, 故事情節也算有趣, 只是musical , 音樂旋律普通, 音響效果不太好, 收音不滿意, 歌詞雖很港式, 但唱起來不太啱音...是廣東話聲調的困難. 以production 嚟講, 應有錢賺的.
是的, 我都覺得自己很奄悶, 沒有甚麼好記下來.
快中秋, 要買一枝梅酒送給工作室的老闆, 表示謝意.
工作室附近的AEON, sales 好hea .
自己很少買梅酒, 又不想俾5舊水買枝, 價錢就是王道, 那麼求其.
想去一田, 但依家出街好麻煩.
好煩.
(ii)
8-9-2019
純粹姿態.
我不覺得好食, 口感有點粉, 我食吾出楊枝甘露.
本來想跟KOL 網購 valerie 的月餅, 不過拖下拖下...也就沒有訂了.
好懷念十幾年前嘉麟樓的奶黃月.
吾係依家吓...(舊年收到的那一盒發霉...)
--------
中午去了一家每月都會去一次的小店食飯.
應該撐得好辛苦吧.
食連鎖店的午餐都幾十蚊, 不如俾多幾十去小店, 食無添加, 再買多個包明天早餐.
可做的, 其實不多.
(iii)
8-9-2019
做臨記係咪只包飯盒架咋?
冇眼鏡贊助.
viu 並不是真係追, 我睇緊股票, 背景揀野播下, 好似忙啲咁.
照顧者 ep 8.
btw, 死囉...我開始懷疑自己的性取向.
自己一向是面盲, 只有極特別的人, 例如自己很喜歡的女人, 才會第一次見便認得記得對方樣子.
今次...居然是男人...
我貪佢啲錢啫...應該...除非吾係.
-------------
ep 5
擦邊球... 死人編號.
創作在壓力下的生命力.
(iv)
9-9-2019
今早很多中學生手拖手的相片出現在面書.
令自己對中學旳歸屬感更低.
鬼咩...我間中學隔離係小學...拖條毛...
中學時可以拖女同學的手的感覺, 其實是咩嚟架呢?
呢個同大個左, 拖一個女性的手係吾同架.
痴線咩, 做緊野, 忙緊時, 會有初戀感覺?!
中學拖女仔手, 同初戀一樣神秘.
如果, 我中學時可以拖著以前喜歡的人的手, 我現在一定成為Steve Jobs!
天天拖著港姐級的女仔的手喎...
她穿中學校服的清純...
人生再無遺憾.
唉...發夢ing.
初戀的感覺.
時間不能倒流, 她已穿不上當年的校服.
(邊個穿得上呢? 除了周慧敏, 容祖兒那些明星.)
如果, 我現在還穿中學校服, 也只會是男版"李C 煙穿校服" .
張相, 你自己search, 我有潔癖, 吾想post.
(v)
10-9-2019
買吾到陳奕迅都算啦...
urbtix 死埋...
好想屌...
遲左買飛添...沒有七折.
貴左成舊水.
但係, 打卡大過天.
https://www.worldfestival.gov.hk/2019/tc/chronic.html
-----------
又話9月4日截止優先訂票優惠.
頭先網上訂仲有...
---------
在文化中心Starbucks.
一個中女港女在喝著 Java Chip Frappunccino.
我, 側著身以70 度角, 3/ 7 面走向這位女子.
"你今晚睇戲呀?"
"嗯..." 中女港女優雅地回答.
"咁啱既, 我都係喎, 你嚟睇神級劇團奧丁?"
"嗯..." 中女港女給予認同的眼光和讚賞.
"我想溝你呀, 睇完星期六夜晚才九點幾, 我地不如陣間睇完劇去食宵夜, 食韓式炸雞?"
一生一次, 只想你會意.
Please say yes.
會不會太直接呢? 機會和時間係吾會等人架.
------------
sick leave 舞台劇的宣傳活動, 要舊有那批觀眾拍片揮手.
我梗係吾會自己拍片 post 自己啦, 想其他人爆粗割櫈咩..
我想post 這個, 我女朋友太可愛啦, 仲要係張床到...
實會全院滿座...若出呢條片.
https://www.instagram.com/p/B1CPx-ClkI0/?igshid=13mv6eh1jnm9s
喂, 要本人真人喎.
唓, 內地啲網紅 都係用濾鏡整出嚟呃打賞之嘛.
但啲人會屌得仲勁吧, 若發現係我post.
https://udn.com/news/story/7335/3962262
(vi)
15-9-2019
早早買了票的matilda 取消.
昨看的未忘之書, 水平都還是那樣子, 未至於割, 但也不覺得有進步.
感覺很苦悶.
星期五十點幾先走, 一點幾訓, 第二朝星期六散架, 是死爬爛爬, 出門看舞台劇,
看到一個不算爛, 但也不值得特意花時間去看的演出.
車上讀到這段, 更像預言之書.
未致於殺人, 但感覺很氣餒.
本地新編劇有冇諗過寫少啲劇本, 但寫得好一點的.
連我都彈得出有問題, 咁其實劇本係好有問題.
令自己近年本已沒甚麼動力入場看新編劇, 未來只會更沒有動力.
有得看本地的編劇劇本, 其實邊個想看翻譯劇?
睇得出架嘛, 好的翻譯劇本和本地半天吊的劇本.
好難吾比較, 吾取捨, 仲十八廿二好多時間咩.
俾我揀, 睇多次平常心rerun , 好過看本地新編劇劇本.
若劇本不夠好, 讀劇算啦, 好嗎?
(vii)
16-9-2019
近來, 老牌工業股震 X proxy fight, 把小兒子踢出board.
當中內情是別人家事, 也沒內幕, 更沒意見.
想說的, 也不是家族裡的瘋婆 X 芸.
而是X 婉.
大概十七八年前, 那時候還做記者, 跟工業股.
不時上內地看廠房, 所以曾和X 婉見過面.
仍記得自己當時對佢幾有好印象, 答問題都答得對辦, 衣著樸素, 很實幹.
(吾係必然架, 你真係未見過做廠的, 請的主席女助理, 大波!, 後生, 長髮短褲高跟鞋...)
鬼咩, X 婉當時約33 歳, 中女啊!!! 佢家姐係明星, 即係有靚女基因.
我自然會加分!!!!
當時也覺得, 一個女人做廠, 是很厲害的事, 特別是注塑機, 感覺很剛陽似的.
現在呢...
嘩, 原來佢炒樓, 投資物業咁叻架...
一幢幢咁炒賣...
結論係, 二十年過去, 現在的我, 仍是很膚淺的,
只要你是中女, 又靚...
我就會有好印象.
請你跟著一起說 : "膚淺!!!!!"
沒有留言:
張貼留言