11-11-2019
今天是混亂的一日.
開巿前, 整單人渣亂開槍, 巿場借勢break down , overshoot , 好頭痕.
一邊開巿, 一邊看面書, 看看最新的情況.
已經無法子可以用言語去形容了.
大概就是憤怒和難過.
換了頭像成黑, 令面書黑色大頭相的人又多一個.
我真的連粗口都吾想講去渲洩情緒了.
晚上, 才記起原來今天是逝者的告別會.
從沒有打算去, 畢竟又吾係真係識, 塞住個場, 阻住其他人, 好似好衰咁.
從 TG的link, 看會場的佈置, 他的朋友們真的愛護他, 叮噹和大雄的家.
沒有哀傷, 只有懷緬.
短時間內整到成壇野出來, 搏盡, 無悔 的精神.
早前看王迪詩的文章才知道, 逝者原來身體一直有事, 可以突然死亡.
作為陌生人, 我會覺得, 大概他一直都揹著這包袱, 也因為這包袱, 有了這樣子不計較的性情, 也令他選擇有著這個人生.
如果, 生命可以重頭來過, 你又會怎樣去選擇多一次?
(ii)
13-11-2019
今天如常的起床, 但卻沒法子回到工作室.
地鐵的班次太疏, 人又多, 逼得上挨到返去, 都應要個多小時.
想又想, 吾想逼地鐵, 就回家.
想到外圍劇本等partial deal , 理應平穩,
但本地一周至少兩鑊, 又嚟裂口低開, break down 格, 很讓人無語.
呢啲巿, intraday 做 trend reversal trade , 係好難做.
個個都risk off, 你卻衝出來單手接刀, 吃力不討好, 好難估轉角位.
到那一天我成為大戶帶頭先算啦.
要照鏡.
A 股今日其實都算穩,, 港股自己係咁跌.
追PUT 也不容易, 撞正有人如11點挾程式平沽空盤, 又係頭痕.
冇得炒股票, 以前會有點意氣, 就好似睇四仔, 有好多幻想, 但偏偏得個"望"字之類的.
今天卻沒有甚麼.
一來已開習慣, 係你既就係你既, 吾係你既, 坐響到成日都吾會係你.
二來, 真係冇心機, 很多人受傷, 搵條命去撐.
捨身取義, 固然讓人敬佩, 自己慚愧, 但也更讓人難過.
但都要挨下去.
早幾個月, 會FF 移民, 現在, 那種逼切感更強烈.
吾係話真係做, 但至少要有條件, 有選擇權去做.
這地方現在有很矛盾的感覺, 很溫暖, 但也極沒安全感.
-------
要找一點正能量的東西做, 吾係會痴線.
黃店消費, 盡做啦, 但我真係食吾落二人餐, 家庭餐, pizza + 意粉, 點食呀.
單點霸左張枱又好似阻人做生意.
看了如wiki 王 成村人昨天的中大人特質, 不是不動容的.
科大好似冇呢啲野.
自己本身, 更從不是有歸屬感的人, 不太會有母校/學會/組織的情感.
也許有, 但至少這刻未發掘出來.
佢旗下的網店員工, 近數月也一直幫助年輕人.
佢做老細, 點會吾知, 但冇阻止, 已算係咁.
所以, 今星期, 要幫襯那間網店一次.
買咩好呢.
嗯, 一定吾會再買宣稱 跣水, 但好流的雨傘了.
(iii)
17-11-2019
下午去了IFC 看all about eve.
沒有驚艷, 沒有好特別的舞台效果/ 裝置.
很平實的導一齣戲.
可見到導演紅左後, 在這齣戲, 沒有迷失, 沒有為爆而爆, 好看/易看過戰爭之王.
自己看到的是fear , desire, self built obsession.
Margo 能夠放下, 才做回"女人".
Eve 放不下, 所以只能繼續成為玩偶, 囚徒.
尾聲又一個年輕女人踏著Eve 當初要走的路, 就是一個輪迴循環.
應該有很多買了飛的人沒有來, 戲院坐不夠1/3 .
還未到七點, 已有商舖拉閘收工, citysuper 都吾開.
七點啊!!!
也是的, IFC 可以放催淚彈架, 四叔係呢度返工大曬呀, 佢又吾係搭呢度商場啲lift出入.
權貴, 權貴, 自然自覺應有特權和身分尊貴.
班冚家鏟對校長兜頭射TG, 令權貴火滾覺得被冒犯, 挑戰階級, 是統治階層最忌憚的事, 所以後來才收歛, 不再攻打暴徒大學吧.
也等於 london bitch is falling down, 權貴就喊打喊殺, 但那個70 歲清潔工被磚擲死, 卻顯得低調的原因, 站在輿論戰, 後者怎都可以更加大做文章. ( 只知有這件事, 沒看過相關視頻, 畢竟看太多, 精神健康負荷不來)
很沒趣的, 想到此.
但又想到, 執葉現在角色專做下欄野, 又心涼了.
要捅人改變時局, 捅姓蔣癲婆, 李X琼子 , 姓石的胖子, 更能誘導民情, 還是執葉?
物傷其類, 不能做太過火.
藍的, 不會自認藍, 更會鄙視無知低俗的藍, 自覺聰明老練世故, 身分高等一點, 看透世事本質. 你若仍有藍但自認中立的朋友, 聽佢地講野, 就知了.
只捅執葉, 證明左佢仲係核心的外圍 (的外圍) , 做場show. 你話做show 啫, 捅落嚟條友吾就力咁就hihi.
三刀六洞, 可預計執葉陸續被要求做這種差事, 自己真的心涼.
--------------
沿著天橋走, 乜德己立街那間美心吾係俾人裝修咩?
離遠看著, 仍可以營業.
元氣在一樓, 若不是真的在中環上班, 普通人應留意不到這間的存在, 所以"倖免於難".
經過Sarah 以前工作的地方, 很自然地會想, 她現在還在中環上班, 在那間公司工作嗎?
嗯, 沒有亂七八槽的念頭, 只是想到, 若她仍在那裡工作, 希望她這數星期以來, 出入平安, 平日落樓食lunch 冇事, 未聞過TG.
這數星期, 雖不會刻意寫甚麼, 但心裡一直仍希望她好好的.
重複又重複的提, 沒必要吧, 收在心中就好.
(iv)
18-11-2019
昨晚, 能睡得安好嗎?
不能.
充斥無力感.
腦海只能浮起莊小姐早幾日分享的台詞.
開始眼濕了.
「問題係我哋訓練你哋嘅批判力，社會願唔願意承擔個結果？我哋唔能夠要求學生有批判嘅能力，但係唔俾佢哋發表批判性嘅言論、甚至行動，我哋保障學生嘅自由，就係保障社會嘅自由。」《敎授》
--------------
晚上有沒有出去?
沒有.
我不敢.
要記下來, 今天懦弱的自己.
沒有留言:
張貼留言