(i)
1-2-2021
昨看完演唱會後, 不停surf twitter , facebook follow up.
原來, Jisoo 會填詞的, 佢在演唱會裡的cover 便是由佢填韓文版詞.
聽的時候當然不知佢唱甚麼, 但佢啲表情表達了郁郁不歡, 孤單.
佢不是賣樣嗎? 原來識做戲和填詞?
好像應該係咁, 但想又想, 邊有可能?
做練習生五六年, 月月考核軍訓, 若表現不達標, 老早就被人趕走了.
六年時間, 就算做得不出色, 基本的水準也會做到的.
所以, 我覺得雖然佢平時日常會話, 不肯講英文, 但實際上應該可以基本溝通.
平時唱那麼多英文歌練習, 怎都會有少少英語溝通能力的.
btw, 早陣子, 有條茂利選全球最漂亮臉孔, 介紹佢時, 嘲笑佢英文pitty, 兼不肯道歉並懶幽默.
作為一枚blink , 那時我跟其他blink 一樣, 也瘋狂 report 佢個twitter account, 直到被官方刪文.
哼...
得罪粉絲的下場.
佢唱you never know 時, 真的很投入很好聽.
(ii)
6-2-2021
工作室的老闆上月去了內地省親, 現在回港後還在隔離.
雖然如此, 卻無阻佢辦年貨的興致, 所以有了遙距購物.
例如桃花和桔.
負責執行的人便是我了.
從維園到工作室, 雖然當中已召了客貨車載貨, 但中間的上落卻仍要由我搬運.
托呢棵野, 托到我 hihi, 手痺腳震, 來到工作室門口時 ..... @@
好彩全程戴了口罩, 不容易被人認到被呢棵野壓到彎曬腰, 仲死頂死托的廢中係我.
我家姐其實都港女, 同埋都幾有公務員心態, 在揀花的過程裡.
至於講價呢啲野, 工作室老闆遙距還價幾多, 我咪講幾多, 店家想屌九我都冇用架, 你填個差價呀...3600 殺到2600 呀, 呢棵桃花.
但側面驗証個巿道都幾差, 花巿才開不久, 便肯被殺價至此, 甚至不曾想反價.
回到工作室, 搵花瓶時找不到老闆, 不得已, 問了秘書阿姐.
事後, 當然向老闆credit 番.
人地阿姐需不需要, 在不在乎是一回事, 但呢啲人情世故卻要懂得做.
我其實都幾襟撈, 點解我以前打工咁廢架呢又?
睇得明星多, 都識得打角度影相交差, 並把冇咁靚嗰面, 甚至搬運過程中拗了而要鋸掉!!的一截藏起來.
(iii)
6-2-2021
早陣子見面時, 你的臉容仍顯得憔悴.
來到這年紀, 經歷過無數的風霜磨練, 我們的身心早已烙下諸般傷痕.
雖然如此, 我們仍勉力表面上從容, 淡然處之, 大概這就是我們僅餘的倔強吧.
新一年身體健康, 平安自在.
祝好.
PS. 用了粉底, 一秒變Jisoo , 可會是今天的小確幸?
雖然呢, 這輩子, 認命的我都不會再有機會送化妝品給心儀的對象, 但送給朋友也還好的.
Jisoo 打廣告的粉底盒是特別版, 我呢啲普通路人買吾到, 但也不用介懷吧.
我大概真係迷上Jisoo, 用心的, 才扮無知問店員Blackpink Jisoo 係咪代言, 等店員也留下對Jisoo印象.
幫襯Dior, 令佢代言的產品銷路好一點, 對佢會是真正的好事, 比起report 踩佢的九流寄生虫 twitter account 有用處.
打完廣告, 都刺激吾到銷路, 下次搵鬼佢做代言呀.
(iv)
6-2-2021
聽過IU 的 celebrity 嗎?
在youtube 看了這個MV 解說, 說得挺好, 也解得通的, 不像其他 9 uper 抽水.
https://www.youtube.com/watch?v=dVIl0nomrY4
現在才懂那MV 為甚麼這麼拍, 很有趣, 翻看了幾遍.
就好似看舞台劇時有人解釋點解點解一樣, 吾會人地俾舊垃圾你睇, 都誤為以為自己吾識, 而吾敢屌九個劇團.
btw, IU 真係賣歌賣感染力親和力, 而不是賣跳舞勁, 和佢十多年前的舞蹈比, 還是一樣 LOL.
不過還是無損對佢的喜愛.
(v)
7-2-2021
我只想一生好好愛一次, 找到我的Soul mate.
我現在, 終於找到對象了.
係咪睇到打曬冷震?
亦舒話, 如果, 沒有好多好多的愛, 有好多好多錢也是好的.
毒L 我話, 如果呢一世冇得用超薄的岡本, 有得用超方便的山本也是好的.
(咪話打飛機時用岡本, 那太奢侈, 和廁紙相比, 如果睇 [一日十回] , 我咪要用幾盒先睇完成齣葵司?!)
想像中, 我會用氣炸鍋嚟焗紫薯, 薯仔, 加點雞胸肉.
心如止水, 新年和山本為伴, 食得健康啲, 又係想像中.
(氣炸鍋其實最多只是用少啲油, 如果你用嚟炸咸蛋黃, 五花腩, 雞油撈丁, 豬大腸, 內臟, 乾炒牛河, 咪一樣死... balance diet , healthy intake, regular exercise 才是王道, 我知的)
PS:
首次試用報告, 冰格拎出嚟未解凍!! (我係懶和冇耐性成咁 ) 成塊雞扒扔入去, 係難熟好多.
下次加錫紙墊, 吾使洗到HIHI.
但最終只要熟就OK.
------------
追潮流都幾攰.
近來興clubhouse, 自己不愛聽電台的形式, 一心不能二用 ( 女咩, 一心可以同時冧N 咁多個韓妹) , 但也開了account.
吾知開嚟做乜, 平時就嚟吾識講野 ( 對住個芒講屌你老母, 鬧個衰莊, 有意思嗎, 不厭倦了嗎? ) , 但都開左先.
追捧韓妹, 越後生越好, 才是我杯茶.
(vi)
8-2-2021
有多久晚上不是一個人食飯呢?
一年幾個月卦.
買了mother pizza 上了朋友工作的地方聚餐.
openrice的餐牌價錢是十年前吧? 相差成百幾蚊, 啲薄餅價錢.
18' 吋的薄餅, 飽到仆街.
雖然等齊人已凍曬, 不過還是挺好的, 太耐冇和人食飯.
我拿了在工作室分到的塔斯曼尼亞車厘子 (又老翻, 又編碼認證, 幾百蚊, 呢排響曬朵那種) , 和家姐給我的車厘子, 跟朋友們分享.
blind test 那一隻好吃些.
很奇怪, 朋友和我都覺得, 家姐給我的, 甜一些, 結果朋友被質疑洗生果時撈亂了兩隻.
嗯, 我吾敢問家姐, 佢俾左咩車厘子我...
簡單像這樣就好, 所以後來, 也推了佢地的羊腩煲團拜.
雖然應該好好食, 酒店羊腩煲加海鮮打邊爐.
但想到可能的麻煩, 還是算了.
坊間的一人火鍋都是垃圾, 不吃也罷.
--------------
在整理遺物, 準備捐出電動輪椅時才發現, 其實對佢應該好難用, 至少難過搖控器.
所以, 也想起以前為甚麼會見到佢在街上推輪椅, 而不是坐.
忽然, 有點沉默.
(vii)
12-2-2021
宵夜一流, 我鍾意呢個口味多過帝苑的蝴蝶酥, 口感冇咁油.
可惜在南丫島, 吾知朋友點訂呢, 冇理由搭船入去架.
(PS. 若要買帝苑, 四季都有得賣架, 吾使去尖東)
-----------
一次過煲完驅魔麵館的感覺就是累.
金世正, 真係可以紅得起架, 如果佢化妝化得好啲.
----------
每個男人/ 女人, 都想經歷一次愛在大都會的金智媛, 池昌旭.
只兩個月都好, 可以溝一次金智媛, 漂亮, 索, 不覊, 率性散漫...
池生的演技比起新星便利店好好多...
30 分鐘一集, 但節奏明快, 感覺和看一小時沒分別.
看到16 集了.
---------
家裡少了一個人後, 忽然家中的地方多了二百幾呎.
這裡說很衰和無良, 但事實也是如此.
住在現居十多年, 近來還是第一次坐在客廳食外賣, 煮韓式炸醬麵.
也開始搜尋yoga mat.
原來, 塊墊的厚薄和實力成正比, 就好似condom?!一樣.
只有做到好勁, 高難度動作的人, 才應選較薄的類別, 初入門的, 應選擇較厚身的.
之前怕死, 怕整傷尾龍骨的我, 也放棄了一定要買超過10MM 厚的打算.
終有一天, 我會有能力用到超薄瑜珈墊, condom 呢, 就等下世圓夢.
但其實買訓練墊會不會更好呢?
你知吾知咁講野其實好乞人憎?
OK.
(viii)
14-2-2021
情人節, 當然要重看Blackpink The Show 第五, 六, 七次, 和My Valentine Jisoo 一齊過啦.
有時候覺得, Dior , Chanel, YSL, Celine 的品牌公關都幾大壓力.
不識時裝的外行人如我, 會覺四個品牌都是相同檔次, 會把四人的打扮連帶品牌一起比較.
(近日找了去年才出道的女團的 Givenchy, 新團vs 天團, 變相低了一個檔次, 所以Givenchy 其實吾應該搵, 或等那女團再紅些才找, 俾貴啲都吾好揀錯代言; 現在好似想趕上車, 但卻不上不落, 未來紅吾起就更煩, 但那女團最新plug 的抒情歌, 好明顯又plug 錯歌, 女團呀, 佢地係女團嚟架, 賣活力, 跳舞, 你吾覺會好眼訓架咩, 揀呢首歌, 首歌咁長又咁flat , 又咁慢tempo // 亦在建立女團image 時期咁搞, 都吾知想掂, 一開始吾係搞虛擬和真實cross over 咩, 依家想點? 好似亂嚟咁.)
四個人同時穿毛衣, Jennie 穿的棕啡色Chanel 最易認牌子, Rose 藍色的, 應該是YSL, 最靚款, Dior 平穩易配搭, 相比之下, Celine 那件冇咁搶眼.
也記得去年佢地上認識的哥哥, 四人都穿女高中生裝扮, 四人怎樣display 四個品牌sponsor 的腰帶, 耳環, 頸鍊... 是各品牌accessory 的配搭show time.
不過, 參加得這女團內部品牌大戰的, 都應該好有自信, 不怕比較吧.
-------
其實近來少聽了youtube Blackpink.
一來睇the show , 二來youtube we lap bank 廣告好X 9 煩, 煩到會詛咒呢間野早日執笠.
------------
明天要開工了.
係, 紅日開工, 因為工作室老闆擇日話, 咁會旺啲炒股喎.
我仲未去拜車公, 聽講好吾老黎, 去年拜完吾還番神...
唉...
安心出行, 佢老味.
------------
連續兩個星期日, 加埋首次播放, 前後看了7 次 the show.
但還是有點意猶未盡, 如果出DVD , 應該會買, 慢鏡看細微的pop setting and outfit 位.
嗯, 係有點痴線, 如果挨到眼訓, 其實可以看9 次的.
————
看到移民了七八年的朋友，很proud of 佢個女會同白人、黑人玩，去佢地的生日會，反而和華人少相熟，也不太會聽普通話。
忽然覺得，佢冇忘記當初點解要移民— 不想重複在香港的生活。
----------
我呢幾日應該有瘦左, 雖然食得多.
tvmall 買的韓國泡菜湯, 辣到hihi , 雙眼失焦 , 今日清了腸胃五次....
唓...邊個叫你明知辣到頂吾順仲飲落去啫...
咪嘥野吖嘛...
cheap 精...
我仲有一包, 唉...
(ix)
16-2-2021
Jisoo 係ESTJ。
我係ISTJ。突然發現，我同Jisoo都幾夾架喎，除了外內向不同，我同佢的性格行事特點都相通。ah yeah ah yeah...
開始明白點解通街都係心理、人性quiz and analysis 。
第一日開工，很累，年初四咁嘅樣。
16-2-2021
看完最後一集愛在大都會, 若不是以主題內容為主軸, 演員反而是輔助, 我會𠝹櫈.
成集都是以 初出道少女演員和男警的噯味為主, 男女主角變成死笳哩啡.
這種敍事手法, 並不是主流, 雖然都多, 以前有套舞台劇忘了名字, " 係愛呀...哈利" 便是, 電影 love actually 都係.
忽然想到, Jisoo 依家拍劇, 都會有吻戲.
一想到就火滾, 應該是初吻, (公司又吾俾有男朋友) , 俾左個人渣男主角.
吾可以咁架, 希望佢拍之前, 和Jennie 錫錫先, 隔一隔污糟野.
很老土, 我這年紀還會care 初吻.
---------------
聽日要火化了.
再來就是去骨灰公園撒灰.
17-2-2021
請了半天假.
去到殮房, 才知道二姐安排了道教儀式, 有道士唸經超渡, 不是一開始說好的甚麼儀式也不辦.
感覺很不自在, 畢竟死者生前曾經正式受洗, 信與不信是另一回事.
彷彿, 是仍健在的人為了自身未來, 去找道士超渡圖吉利.
有點對不起死者的感覺, 違背了其宗教信仰.
不過那一刻, 我還可以怎樣呢?
只能繼續下去.
最後一次看遺體, 那一刻只想到, 現在的冷藏把屍體keep 得幾好.
在辦超渡儀式時, 看著遺照, 不由得想起, 現在的社區義工服務, 便是有一項替老人家拍攝身後出殯照, 令佢地的照片好好睇睇, 甚至有相片可用. 這張相片, 應該影了好幾年了, 影了, 便是有心理準備倒數, 這日子其實心情怎樣呢?
我想埋啲野, 係咪好無良呢? 大概吧, 但我知道, 隨著時間, 總會有一點難過的感覺會滲出來.
我一向在這方面, 是慢N 拍.
母親過世時, 也許太突然, 自己亦不懂, 所以所用的相片其實挺勉強的.
每年拜祭時, 我都會有這樣剎那遺憾.
從葵涌火葬場出來, 我不由得想, 早死早著這回事.
雖然自己已很少程度參與其中, 還是覺得, 辦喪事, 是挺累人的事.
(x)
21-2-2021
又長一歲了.
今年生日過得很簡單.
家人也沒有買蛋糕, 只有一個牛角酥.
對著滿滿的Jisoo 吃, 有佢陪我過生日, 也是挺好的.
是呢, 我終於肯的起心肝換了一台新的桌面電腦, 並加回一個屏幕.
很難得, 今次換電腦很順暢, 沒有煩過任何電線接駁問題.
從前仆過的街, 也不是沒有收獲的.
要留意屏幕插頭的制式,
屏幕若掛起, 就不要揀背面不平的款式, 要去五金鋪另配墊駁是盞搞.
4K 屏幕的接駁線和2K / 1920 是兩回事, 不能互通.
office 早揀定買斷, 但2019 版有太多無用, 冇果樣整果樣, 會令人想炒曬那班programmers 的衝動.
從深水埗抬回家, 不得不承認真的體能差了很多, 今天仍周身酸痛.
今年, 要減肥, 要識寫程式 (所以才買部新的電腦), 不斷 evolve.
所以今天也沒吃過特別豐盛的, 酒也沒喝, 像平日周日一樣過.
嗯, 我還準備開始斷食減肥法, 雖然仍有疑惑, 吾係另一套減肥話, 少食多餐又可以減肥架咩? 兩者咁睇落去, 係completely contradictory 架喎.
怎都好, 大學同學說, 靠這方法三個月內減了30 磅, 抒緩了對年老糖尿病的擔心, 身體也好了, 佢朋友60 歳更返老還童, 俾條40 歲的仔溝添呀...
聽到我非常心動, 我俾 17 歲的Jisoo equivalent 韓妹倒追, 喊: Douglas Oppa ....
就算減不了多少, 想到這方法是一天裡有長時間斷食, 其實都啱自己的生活模式, 至少, 不用再煩中午那餐怎解決.
Don't look back the past , it is not worthy.
特別是自己太多黑歷史.
----------
過年會不會介意收利是收廿蚊呢?
正常不會, 我其實不care.
但對某些朋友卻會, 並開聲投訴.
大佬, 你飲嗰杯flat white 都40 幾啦, 20 蚊飲條毛呀.
你嗰仔那封, 我俾500 蚊架...仲要吾肯讓Jisoo 海報俾我, 咩"男人都愛Jisoo, 所以不會讓" , 雖是真理, 但我仍想要海報囉.
同埋, 不想被人當看更 同grade.
不知佢明吾明呢.
我情願被人當麻叉煩, 都想提醒對方, 不要沿用從前隨便對待環保購物袋輕率態度相處, 不然又要準備反枱收場.
--------
去了戲院, 一口氣買齊 NT live 四齣.
今次醒了, 揀同一間戲院, 金鐘就腳, 陣間又拉閘, 都方便些處理.
沒有留言:
張貼留言