A view from the bitch 13

(i)

13-6-2018

會看舞台劇的渣男應該是點樣架呢?

話說. 有這一單新聞.

https://hk.lifestyle.appledaily.com/nextplus/magazine/article/20180613/2_593409_0/-%E8%B3%A4%E7%94%B7%E5%91%83%E6%B8%AF%E5%A5%B3%E9%A8%99%E5%B1%80-%E6%94%BE%E8%9B%87%E7%9B%B4%E6%93%8A-%E8%A8%9B%E7%A8%B1%E7%94%9F%E6%97%A5%E7%B4%A2%E5%8E%9A%E7%A6%AE-%E5%B1%88%E6%B8%AF%E5%A5%B3%E5%94%94%E6%88%90%E7%88%86%E7%B2%97%E6%81%90%E5%9A%87

當時我心諗...乜咁重本呀...要送水昌蜜蠟手鏈, 價值兩萬元...

咪理值吾值2萬元先啦...


轉頭, 我見到彭小姐在面書的分享.

把兩件事綜合消化後.

我覺得應該work 的.



我身為一個會看舞台劇的渣男....

在line 把到中女出來見面後,  我會送佢一盒潤喉糖.

"我知你平時做野辛苦, 食無定時, 有時會血糖低, 所以請你食粒糖啦, 個糖盒袋係身, 提醒你吾好咁操勞, 你已好叻架喇..."

冧吾冧先?!

你如果係一個中女, 應該都有少少感動吧!!

到時候, 我要咩高達模型,  電玩,  那個中女都會心甘情願遞到我手上啦...


相比起 "2萬蚊" 的入場費,   依家係咪平左一大截先!!!

一盒糖要幾錢啫...

第一次見中女送太貴的野會嚇親人, 亦太犯本, 同埋都吾知對方鍾意乜...

我的方法合乎經濟效益得多!!!



所以呢...

會看舞台劇, 成渣男, 易如反掌!!!

生活化渣男場景設計, 順手拈來...橋段亦仲好過那些所謂的新晉編劇!!

萬一一個吾該...仲可以同那個中女講...

"其實, 我個嘴都有點糖份, 都幾甜架...你試吾試吓? "




咳...我都講啫...止於理論...除非那條中女是雙目失明啫...




不過, 工作忙碌的女人.

真的要隨時身上都帶備一盒潤喉糖.

長時間開會講野要潤喉, 補充糖分又都得...當飲葡萄適之嘛.

愛護自己, 總是好的.

(ii)

16-6-2018

剛過去的周五看謊言重演時, 場刊附帶這宣傳單張.

總算知道劇本是誰寫.

https://en.wikipedia.org/wiki/Shelagh_Stephenson

這位女士是演員, 不算多產的劇作家,   即係吾係因為佢紅, 佢出名, 就拎過嚟上演.

做乜要搬呢個劇上演呢? 1996年架喎...

我仲未出世!!!


https://en.wikipedia.org/wiki/The_Memory_of_Water


其實, 拎過獎架, 劇本. Laurence Olivier Award best comedy 1996.

也拍過電影架...原來...

google 過, 不是很熱門的re run劇, 即吾係全地球的劇場人都做時,也跟住去做,例如The Flick/ Art.

所以, 斷估, 是劇團三人組, 本身年輕時代開始, 閒時有讀開劇本的習慣/興趣,  而記下來的作品.



btw, 謊言整體做得比1st run 好. 只是覺得潘生太熟台詞, 第二幕和Laura 在家中對白說謊被戳破的反應太快.

(iii)

18-6-2018

今集講舞台劇喎.

黃小姐的訪問...cut 得有點odds.

應該話...我完全吾明點解要呢個時間, 搵佢做訪問.

舞台劇宣傳?? 有冇再含蓄隱晦啲?

都似..講佢生產前, 對女兒的期望...

但吾係睇開舞台劇, 訂左飛, 係吾會知囉...

"我賣飛呀...我個show 要賣飛呀..."

赤裸, 直接, 到位...



甄生那台劇...


同我講...意識...

太玄了...我平庸...低俗...

那是去到中女觀音娘娘的藝術鑒賞水平才懂的.

um...同埋...睇過sleep no more....就冇興趣.


http://www.rthk.hk/tv/dtt31/programme/adcweekly_artspiration/episode/502211


(iv)

18-6-2018

啲飛有冇得平啲?

好貴....

我只係對劇本, 製作, 舞台調度有興趣...

絕對吾係支持青少年...

我係老海鮮嚟架.


算啦...都應該吾會睇...

如果...呢個時候...彈出一個像中女觀音娘娘的中女...你話幾好呢...

咁我即刻打倒一秒前的我.

"中女...呢排有一個一班細路合演的舞台劇...之前口碑吾錯...現在重演...你同佢地都差吾多年紀...都幾值得支持下架...我幫你買埋飛呀...你邊日得呀?"

換了你是中女,  你都即刻加我印象分啦...

貼地..支持後輩...關心年輕一代....愛香港...又可以做善事...

我都覺得像我呢啲男人信得過...靠得住...做朋友一流...即刻交換電話號碼,FB...



可惜...呢個世界死剩啲, 會用泥膠變間尺鼻,  用肉色貼紙黏拉緊下巴(變V臉) 的女人...

邊有咁多中女呀...

冇機會扮演我的滿腔熱誠.

所以...都係吾睇.

(v)

26-6-2018

今天看台灣的劇場人很雀躍地在面書曬佢買的這本書, 說是絕版云云.

八卦 一下.

因為  Complicite 出名嘛...

即係, 我可以向中女發揮 "孔雀開屏"的時間.

"Complicite , 呢個劇團, 等於民國初年的徐志摩一樣,  好受英國人觀迎和重視..."

中女水汪汪的眼神望著我..."你好叻呀....你識好多野..."

"少少地咁啦... "


至於點解係等於徐志摩...下次我地出來飲野再慢慢講你知..呢個需要時間解釋, 講左我對你的心事先啦...



其實....

我亂嗡囉...我點知啫...我識徐志摩係恰老婆的PK.

 

 近來讀的心理輔導一書..說自僱人士最好set 長中短期goal, 那有助於解決comfort zone的trap.

呀...不如我set 個明年六月在倫敦住兩星期的goal?

到時連National Theatre bookshop 都可以去埋打卡.

那間bookshop 有乜特別?

咁...我吾知喎...

純粹到時若上軌道, 想行開下, 看下劇...

這地方越來越苦悶.

Voyage 44

(i)

20-6-2018

中女姐姐啊...我會來看你的...

六月最期待的事.

我愛你...

吾通我會期待個巿咩...灰到吾想提.

 中女姐姐在海報裡很密實.

沒有展露佢美好的身段.

即係咁樣呢...

心口勁幾多...

令我懷疑海報係PS縮細左...沒有那麼突出, 免得像我呢啲麻甩佬把注意力只望向...

兩張相差好遠...

我係知識分子, 講衰野都好斯文, 套用geography 嚟講,
 
 counter mapping 的等高線的標籤高度都吾同!!

一張 係100m  一圈, 另一張係500 m 一圈.

難怪有啲麻甩佬會用"變幻球"去形容女星的心口.


講開PS.

劉小姐呢張相其實嚇親我...

有點病態的秀秀效果..

佢真人都吾係咁...自然啲影張相咪得囉.

BTW...劉小姐真人其實幾nice, 會低調地做義工幫人.



所以呢...我想講乜呢...

其實有啲女人, 例如中女觀音娘娘, 影相自拍係吾需要PS, 因為自信, 所以美麗.


btw. 我吾係講她的身材. 我吾敢亂講呢啲野. 雖然她吾會知我講, 雖然她本身好正...


女人呢, 影相真係吾好 PS.



聽說, 有人看那套聯盟英雄電影幾百次, 放在IG 到, 結果成功吸引到明星的注意.

我若咁樣睇中女姐姐的電影, 吾知會不會吸引到佢的注意呢?

若中女姐姐在面書俾個心心like我 ...

我會開心死...莎拉耶...莎拉黑唷...


咪白痴啦...就算係Like/心心,

都係中女姐姐page個admin like 我咋...

真人係大叔呀...

你當中女姐姐好得閒呀...

(ii)

21-6-2018

花了不少努力, 但卻被突如的意外而浪費.

是沮喪的.

正如此刻, 七點正準備出門時,  老父說要陪看醫生而作廢一樣.

硬是要看那家醫生...堵死最重要的開巿時間...

我有甚麼辦法呢...

從道理上又是講得通...

道理啫...醫生睇咁多人, 鬼記得睇過邊個咩...

早上不在巿場...等於浪費時間. 昨天做了十四個鐘啊.

現在巿場很敏感啊...

壓力是好大....特別是我這兩個月不斷在自我修正.

俾我抱怨一下, 我的運氣幾時先好一點?

若成件事有親情, 那還好,  即使一星期, 我也不會抱怨.

但我從來只覺得是責任.


呻完了, 繼續要面對生活.


(iii)

21-6-2018

真係冇聲出.

看完醫生的時間, 剛好個巿見了全日的頂.

回家時下驟雨, 半身濕曬.

下午回到工作室,  都吾知可以點咁...

我知係會繼續跌, 人仔咁樣衰喎...

個巿跟住嚟沽...都幾明顯.

但要搵位入啦...

合埋眼入, 隨時夾一夾就PK呀



早上寫post 發完晦氣後...總要生活.

所以, 在等看醫生前,  開了洗衣機洗衫.

所以, 臨出去看醫生前, AO 沽咁啲貨...

執身彩, 若下午回到工作室才沽...你話呢...


只想說呢...我嘗試惡劣的處境下, 盡最大的努力去變得好少少.

至少被trap在家中的時間, 也嘗試積極一點面對.

我可以做得好一點的地方當然大把...

給自己一個B 吧...

若只懂埋怨...今日只會有C- , 仲要輸錢.



(iv)

21-6-2018

近年身邊的人, 都在諗退休可以住邊...

心態和移民差不多.

我也在諗, 也在提升可以移民的能力.

所以最想看多些移民電視節目.

在香港, 我若在這裡退休,  要攞綜緩.


看到這篇文, 不是不感概的.

香港, 是一個暫留地.

借來的時間, 借來的地方, 每人都是過客.

而我, 連改變的動力, 也是借來的.

還好嗎? 今天的妳.

https://www.facebook.com/manincentral/posts/1590455357730484

(iv)

21-6-2018

看著老父的年邁.

不是不曾又再心軟.

只是想到...一旦用心, 又會遇到被情緒勒索的惡事.

試過無數次的輪迴.


還是卻步.

當是責任, 會輕鬆自在一點.


(v)

21-6-2016

面書的韓劇page 打曬銅鑼說, 李敏鎬明天生日.

我好吾抵得...

男人生日, 有乜咁巴閉喎...

今年因航知我生日, 搭飛機都冇升我級啦....

但, 慘得過李生有好多中女fans 同佢講生日快樂....

我好吾抵得...


(vi)

24-6-2018

剛過去的周五, 是為以前的一個朋友餞行.

佢要到越南工作一個月.

重點係...已冇見佢超過一年.

因為生氣, 當時搞到說不相往來云云.


不過再次見到佢時,  又不再生氣了...

叫做和好吧.

並覺得那時, 自己又不用火成咁啫...

雖然那時佢地說話很離譜.




席上, 佢地又提起另一人的近況.

我是憎到會詛咒的地步的那個人.

聽著那個人近況, 雖然住二千呎豪宅, 但又係被人搞到要辭職, 隻狗又成日要睇寵物界的養和.

表面上住得好, 有些錢, 也不見得快樂, 2000幾呎, 管理費都俾死佢, 還未計供樓, 請傭人... etc



我當時心諗, 乜我咒人會咒到應驗的地步?


嗯, 現在又沒那麼恨了, 只是不想再提起佢和往來.




我應該老了...火氣/固執開始減退...

或者出來後, 面對的世界都不同了,  也沒餘力為前事糾纏.



是呢, 聽佢地說起, 才知當年在微博愛搞公審, 起底, 自喻正義的八婆.

現在還沒怎變, 還熱愛"狙擊" KOL,  近來便開page在狙擊人妻先生.

還在浪費時間.

被問起近況.

近來的生意還是差啦...

生意好, 上軌道後, 會打算怎樣?

我說, 會想在外地小住數月, 差開時差,  那裡的傍晚, 等於現在的香港早上時間之類.

那樣子, 我在當地便有早上和下午的自由時間, 好用好多.

閒來便可以看舞台劇, 藝術館.

面書見同學看Roman Tragedy...Ivo Van Hove 那個呢...

不是不羨慕的...

我都好想看, 看完可以跟中女說, 套劇好好笑架...



香港真的很悶...又冇中女肯俾我溝...

去到外國都係冇架啦...

咁係外國冇, 好合理好正常嘛...

我又冇黑人咁好體能, 條野廿吋長...

啲中女港女睇吾上眼, 好正常呀...



是呢...年多前...我說曾幫襯妓女的事 , 那些朋友還記得.

 佢地問我近來還有沒有嫖妓.

我只能支吾以對,  我鬼得閒睇openroom, sex1X1 作故仔準備咩...

結果...

佢地以為我那時第一次嫖妓, 被那妓女冷淡對待而有心理陰影面積!!!!


所以, 當年為了不想麻煩而吹水, 結果現在更加麻煩.


我竟被人覺得有那種心理陰影面積....啞子吃黃蓮....


(vii)

24-6-2018

昨天, 下大雨, 大半天在家中工作.

update worksheets, 諗野下咁.

晚上去聽講座.

不是為了中冧把降, 而是想聽聽, 會不會有啟發或者參考.

 是心態改變, 想有進步.

現在當然知是好高鶩遠, 畢竟眼前事已應付不暇, 但將來, 還是要放眼世界的投資巿場.


聽完講座...和朋友消夜吹陣水.

佢出來自僱炒股票比我早一年.

從佢的言談, 佢的生意模式很寫意的,  不是行那種逼迫自己, 拼搏的路線.

不是很積極去提升操作的技藝.

佢的方法當然不是自己想要的.

佢都承認, 是從有份工的comfort zone 跳去現在的comfort zone.

comfort zone , 真的是無處不在.


忽想起 Elon Musk, Richard Branson, Jeff Bezos  那些endlessly and fearlessly conquer new landscape 的人...

 (viii)

24-6-2018

早上對著msdn 摸著寫程式.

發覺呢...吾係我太蠢...雖然我冇乜天份...

而是我不慣, 不愛那些電腦書, 課程的教學方法.

你吾好叫我學 hello world 乜乜乜...彈個msg box

直接叫我 Workbook.ActiveSheet.SaveAs (":\my documents\chong lui" & format("now()......) 之類,  咁我先會明...

彈個msg box 俾我做乜啫...

我知急不來, 有排都未可以實際應用,  但上手後, 希望可以省回時間...


 中午了, 要去健身.


(ix)

24-6-2018

個quote 負中見極大正能量...

其實都係架...

吾係當時俾人咁逼, 我諗現在今日, 我仲係到呻完, 又係到老作牌照申請書.

吾係個巿差, 又吾會逼自己的操作更花時間檢討...

 (x)

24-6-2018

前日食飯, 朋友問我有沒有對象.

現在, 更係冇啦...亦都冇女想埋身啦...

之前一年吾係咪買左 Jo Malone , 吾係送俾女仔?

我自用喎...


其實幾年來, 我都冇發姣啦.

我吾係你地想像中咁隨便, 見到女人就發曬情的死狗公...

咁你話我見到Gal Gadot , 孫藝珍, 新垣結衣, 李寶英, 陳法拉, 對眼發曬光都算...咁冇野講啦.



看陳法拉原來男友...搭國泰又有得升級坐商務/頭等. (我未見過國泰飛美國頭等咩樣...)

幻想破滅...

我以後只會因為作品質素入場, 吾會只因陳法拉三個字便買票.

我今天起脫法拉毒.

我要變心.



個個中女都有男友, 想換就換, 現在連搭飛機都試過免費升級...

個個中女...包括以前喜歡的人,都係咁...

當然會沮喪, 失落, 傷心.

但, 這就是人生啊...

慢慢接受, 並要漸漸地坦然地.


我搵番我自己的人生就是, 雖然都係吾會有中女, 更別妄想有中女觀音娘娘級別, 而搭飛機亦繼續冇得免費升級.

忽然好像有了頓悟.

都是陳腔濫調, 但隨著歲月經歷, 咀嚼出來的味道會更多.

(xi)

26-6-2018

今早吃早餐時, 腦海忽然響起寂寞流星群的歌曲.

是的, 仍會想念她.

不能說, 不能流露.

這是不正常.




她都已忘記, 認不到自己.

更重要是, 她有她的生活, 已行得很遠很遠.

Voyage 43

(i)

11-6-2018

雖然, 問心,  直到這刻仍不認同那三個細路的做法, 也不認同佢地的"勇武".

但是, 知道佢地要坐幾年監, 心情還是不好過.

說到底,  不要瞧不起那些比自己行得前, 嘗試想去改變的人.



另一廂, 一單又一單基建工程有問題...

已冇氣去理...

反正...到時出事時, 我應該死左喇卦...


(ii)

11-6-2018

從舊同事口中得知, 另一名舊同事腦生了瘤.

還記得,  佢太太是她早年的朋友.

大概是家族遺傳吧,  佢的表弟早幾年都要做腦部割瘤手術.

聽說, 至今已花了廿幾萬醫藥費.

是已很省的了,  那些病, 打一枝針十幾萬是平常.


人到中年, 一家之主, 經濟之柱, 女兒還年幼...

想死, 也不能死.

好大壓力, 好灰的.

吾係個個似我屋企那位, 郁啲就要生要死.

希望佢早日康復.

聽說, 佢家都有點錢的,  算是不幸之中大幸吧.


所以, 人到中年, 買保險真的好重要, 一定要有危疾保障.


我若中了這個,  若醫藥費太甘,  我會寧願用來去旅行...

不作任何道別, 告訴任何人.

算是自由有自由的好處吧.


(iii)

11-6-2018

個巿難炒過鬼...

人地講的, 成功的人在等機會時候好好增值自己...做好準備...

反正沒有幾千億做莊打turn做旺個巿,  花了不少時間跟IB 客服磨...

是的, 搞了星期六日的code 吾work.

吾work 咪係咁磨人地幫我拆掂囉...

我猜, 佢地一定好想媽叉我...syntax 我都吾知點解呀...佢地可以點呀...

最後,  我做到最基本的東西.

只是呀...data feed 吾夠用...100 條data line 要UD 30...

又是另一個難題...

慢慢再拆點佢.



看到渣打宣佈在本地申請虛擬銀行牌照.

想到我早三個月去IFC.

我若現在吾走...咁我都應該開始了惡夢.

咁我都應該寫求職信去渣打...

你地做既野, 我都做緊呀...仲一個人做添呀....

一個打幾十個....

抵到爛啦...請我...

但一定吾批咁解囉...

我寫的proposal, business plan 絕對係成份垃圾...


(iv)

11-6-2018

忽然想起, 二年前騷亂後 (我不會說它是暴亂) , 盤菜在面書寫過類似的.

就算係隻狗, 若俾人打, 都會用口咬人反抗啦, 何況現在是(年輕)人被打(種種社會剝削)?"

 
(v)

11-6-2018

上星期, 趁減價 (其實我吾知真正平左幾多, 若事後被搵笨, 即如HKTVmall 那些, 咪吾再幫襯囉) 買了五包舒淇麵.

食舒淇麵, 如和舒淇一起吃麵...

今天在自取櫃拿貨了.

話說, IG 好多明星都有多開箱文，開完多謝sponsor和廣告商blablabla。

我第一次幫襯，都開箱寫文先, 貴的如鞋呀, 包包呀...我都想寫, 但R 吾到sponsor啫

多謝家人、老師、我曾喜歡過的中女們，再加句港女tone "多謝世界和平"，更要多謝淇淇!!

食左舒淇麵，人都開心啲，聽埋(謝安)琪琪的人妻之歌...

但願在浴缸赤裸的我...就是做真得似假的我... ​​​​

無限幻想...


講啫...我八點幾先離開工作室, 回到家都九點幾十點...

煮條毛咩...

想像下都好嘛...


如果, 她將來搵夠上岸...其實應該搵夠好耐.

又像舒淇搞自家品牌食品就好囉.

我便可以在好遠的地方, 也能懷念她, 想念她.



 我細細個已食呢隻牌子的蛋糕... 比朱慧儀幫襯海外僱佣更耐.


中女觀音娘娘推陳出新, 自創自家品牌真心蛋糕, 跟這個雪芳(說謊) 蛋糕打對台.

雪芳係嘉頓架喎...

咪理啦...

我真心就得!!!!

食觀音娘娘餅, 效果好過用神仙水...

(vi)

12-6-2018

中女, 個性硬淨的女人, 姐弟戀...

呢個題材點中曬我的死穴...

試問我點抗拒呢...

雖然, 女主角由中女姐姐做會更好, 我保證場場都會睇!!!


雖然...吾知個劇本邊個寫...(吾會未有卦?)

雖然...個導演吾係做開燈光設計架咩?

 保持平常心啦...打定輸數預左當娛樂吾好咁高要求先啦...

(vii)

16-6-2018

這三天忽然覺得很累.

看世界盃?

梗係吾係啦...除非有Gal Gadot 陪我睇啫...即係我其實陪Gal Gadot ....

1st order 係陪Gal Gadot, 做乜是其次.

我邊有耐性睇成場波.

所以, 我真係吾明點解咁多男人鍾意睇波, 節奏咁慢, 睇四仔都要fast forward X4 啦...


忙於擷取 real time data 的設計.

上星期周末日的嘗試, 在這周實戰落場卻不合意

是有點灰架...做左成堆野出來, 最後都得個桔.

主要是對盤時段數據反饋強差人意.

我接受吾到.

要推倒重來.

改用另一間機構的數據源.

谷行道氣, 最終做到自己想做的...

是鬆一口氣....

但正因為鬆一口氣...所以咪覺得好累囉...


好想訓覺, 休息.

今天食舒淇麵, 足不出戶.


(viii)

16-6-2018

CFA 開始催要交年費.

幾百USD 年費, 只是為了在卡片上可以話俾人知我係....

今年, 我當然不會再交.

有錢吾好去台北hea 幾日好過.

報稱無業的我, 都冇卡片派俾人.

再早一點的 FRM... 我都冇交好耐...


是呢, 我的前半生.

考了不少專業資格, 又讀過碩士...

好痛苦架, 考試若吾係考multiple choices, 冇得撞答案.

現在卻做這些專業資格" 不屑" 的投機營生.

不是沒有反差和矛盾, 以至感觸.


為了考這些死人試, 讀學位...

22-28 歲時間/金錢都投入在這裡.




或者, 不要那麼執著讀過這些有用或無用.

都是過程, 沒經歷過這些, 沒錯過, 浪費過.

也不會是今天的我.


回望, 趁後生時, 不是讀多些書, 考多些專業試.

而是想清楚, 自己想要過怎樣的生活.


不過有樣是真的, 報稱是碩士, CFA , FRM , 對溝女係零作用, 冇分加的.

溝女, 都係錢/樣子/車/說話風趣.


(ix)

17-6-2018

看電視.

才看到杜生的走佬去台灣第三四集.

我撈吾掂, 應該可以去台灣拜師學煮咖啡.

我啱曬那位達人的要求---  想學師, 就不能溝女,免得分心.

呢個條件, 簡直為我度身訂造!!!!!

我點溝都溝吾到架啦.

即使來到台北都一樣!!

邊有咁多文化差異呀...

換個地方就可以改變命運?!

風水咩...香港克死我的姻緣線!



信義區好住咩? 我吾覺...

但好吾好住...其實睇下有冇銀兩啫...




(x)

17-6-2018

執了成日, 終於update 完幾百個data cells.

再執過曬 另一個data file.

有點累...但應該以後更新不會下下幾百個cells一次過執.




其實好怕加新野入去, 因為一加 所有vlookup 都需要移位...

十幾張spreadsheets 要update過.


我不是寫程式的料...

if....then 那些logic 成日搞亂.

可見我吾係好有邏輯的人.

若識寫API 就好囉....



做完健身後, 去吃麗新隔離的南記.

質素垃圾到呢, 碗大, 湯水勁多, 但係食物分量少, 呃呃騙騙...永冇下次.

中環那間南記...冇咁削架喎.

還在中環上班時, 會嫌那裡又貴又冇野好食 (重點係吾捨得).

今天卻特意去吃那時候好間吾中吃的粉麵.

 我成個懷舊老人家咁.


(xi)

18-6-2018

看到日本地震的新聞.

只會想起, 不知她去了旅行沒有, 還是已去完回來了.

印像中, 貴人出門總是招風雨.


我知我很煩...

 所以不要多想了.

繼續工作吧.


(xii)

18-6-2018

下午健身室換衫時才發現, 底底穿了一個大洞.

向下瞄一瞄...

吾係二度發育, 生多一條.

well, 如果, 如果生多一條, 呢個會係我溝女的賣點...sell吾到樣...sell 下面囉...

想吾想試下有咩吾同? 兩條打孖上...但又吾係3P 喎...好特別架...

去幫襯歡場時, 如果段次計... 我又可以打個最少五折.... 畢竟時間, 在理論上, 可以是一倍.

以後啲女, 只可以話我吾夠黑人長, 吾可以話我時間短!!!


OK...我知我好無聊...低俗...

其實...那個大洞...

吾係穿後欄!!!,  我已要還神啦!!! 仲諗埋上面啲亂七八槽的FF .


平日的工作, 是不健康的, 榨乾了生活的時間分配, 沒時間/心機理其他野.

希望快啲可以有番少少平衡.

完全平衡...呢個係發夢...咁我都知...但好番少少啫...吾係好過份卦.


(xiii)

18-6-2018

一邊工作時, 一邊聽歌...免得過於時代脫節...

至少不要和八十後脫節先啦...2000 後就脫梗...

月光 有人撈起 有人瞧不起

寫得有點詩意...應出自 "水中撈月"的成語.

幾年前...我被人指想攀珠峯...

實際可能性是高過撈月啊...

忽然感到恩慰...

有人傷過/瘋狂過我當年.

誰的心 似隨意肌

也寫得好啊...心臟的肌肉, 本身是不隨意肌, 即不受大腦直接操縱, 是自動跳...

心...現在當然不是指心臟...而是個人感覺...

故此句子可理解為... 人的感覺那可輕易可受控制.

這句歌詞...語帶雙關...

wyman的詞, 呢隻歌寫得很好.


(xiv)

18-6-2018

中女問 : 你最近聽緊咩?

我: Flower Road...moov 有歌詞中譯. (moov麻麻地, 成日彈app.)

中女: Big Bang?

我: 係呀...我地都幾夾架喎...大家都會聽big bang


中女: 係咩...

我: 梗係...你去吾去韓星握手見面會架?

中女: 未去過, 太花錢...

我: ?#)($*%(%*  (韓文怪獸字...韓文啲字好X難學!!, 令我覺得溝架妹會容易啲) oh...someone like you...oh  someone like you...?#)($*%(%*  love you... (終於聽到有首慢板歌...)

中女: 呢首係?

我: 歌名吾重要...你只需留意 "love you.. "

中女: 你係咪扮聽Kpop架?

我: 都有少少架, 你聽, 所以我先會有留意...有時發現啲吾出名,半紅不黑,似會解散的組合, 但其實幾好聽的,好似 davichi...



吾知我有冇機會遇到中女講呢啲呢...要模擬多啲打動中女芳心的scenario.

投其所好, 做好準備.

臨急邊會抱到觀音腳呢.


聽韓文歌top new songs..

啲編曲係熱鬧活潑啲....

但咁多男團女團...show 錢收入分開幾份...吾紅都幾難搵食...

到現在都吾太明AKB48 啲隊員, 點維到生...

Voyage 42

(i)

5-6-2018

現在工作的時間比從前更長, "自由"的時間更少.

六時半許起床, 大概七點後便出門.

乘車連吃畢早餐, 一般八點三便回到工作室.

本來可以早一點, 其實應該要更早回來做預備工作.

只是我不想早上第一個人回來開門開鐵閘.

畢竟平時最後走要鎖門鎖鐵閘的人已是我.

少了早上的工序, 令自己沒有做看更的感覺.



寫字, 是為數不多的, 免費的娛樂和減壓途徑.

想寫的時候, 就可以寫.

在車上透過電郵發佈在這裡 , 或者收巿後透氣時用網頁版隨便寫, 享受一下無業人士的權利.


不過, 最喜歡的, 還是夜闌人靜時在家裡敲鍵盤.

雖然工作時間比從前長,  感覺卻比從前舒服.

心神只需專注觀察感覺和分析, 改善自己的手藝.

見到少許的進步, 又退步, 再進步, 一直觀察著.

生活模式是簡單, 適合有自閉傾向的我.

免去那些在別人眼中其實算皮毛的人事麻煩和語言猜度.


咖啡也喝少了一半份量.


六時許過後, 工作室的人都會下班.

自己多數呆到七八時, 寫今日的悔過書, 做乜又手痕...

回家後再工作一會.

然後, 就去睡了.



告訴你一個在工作室晚走才發現的秘密.

晚上不能在那裡睇四仔的.

夜了, 窗面會反光, 別人走過會看到你的屏幕, 那管坐位自成一國.


P.S. 就算不會反光, 其實都不會看...

點會用搵食的電腦工具做呢啲野...

中左電腦病毒點算...

(ii)

6-6-2018

"只要明白, 溫馨思念是健康的想法便可, 最惱人說不要想不要想, 為甚麼不想. 我會說, 思我念我, 常常"

林小姐最後的一篇專欄文章在今天的面書上被廣傳.

是臨終前交待, 等一天歸去才刊登, 向世人告別.

總不會臨危才寫, 也不會是知道明天文章刊登, 選擇今天拔喉.



是舊時人對讀者的念舊, 情份和細心.

是很Elegant 的告別.

現在的人, 若緣盡了, 就block 面書, whatsapp, 刪blog, fan page,  雖說乾脆灑脫, 但卻總有點冷酷.

其實沒有說那個方法好, 或不好.

都是看各人的性格和當時的情況吧了.




"思我念我, 常常"

原來, 我有時候想念 S, 都可以健康的.

只要保持低調, 她不知道就好.

還好嗎? 今天的妳.

別工作太累, 妳已做得很好了.


(iii)

6-6-2018

我英文從來都不好.

見到這張相片, 若要用英文形容感覺.

gorgeous, beautiful, amazing...呢啲單字...我都識...再深的就沒有了.

但係吾特別囉...

我覺得 " soul-food" 最貼切.

soul-food 者,  chinglish 的直譯是 精神食糧.


吊帶衫, 個個女人都有一件兩件架啦...

但著得像中女姐姐咁好睇, 就真係講緣份啦.

"著吊帶衫的中女姐姐 " 派糧了...喵...


無聊夠了,  我都係繼續去做野.

我道貌岸然, 從來吾睇女人的.


如果中女觀音娘娘都咁著,  可以話俾我知她在那天那個時間地點出現嗎?

只會離遠望下咋...我已好滿足.

就好似收到罐罐一樣, 比糧更高檔.


(iv)

7-6-2018

忽然想到, 若她要再改一個英文名.

可考慮喚...

soul-can

喻意她的存在比精神食糧更矜貴.

至少對我是如此.

不是亂改的, soul can, soul 罐, 罐和觀音近, 有提示她是中女觀音娘娘之效.

再來就是, 蘇罐.

在我家鄉話?? ,蘇罐是蘇青的姐姐 , 失散多年的孖生姊妹.

所以呢, 每一個男人心裡面, 芸香小島裡,  都會有一個" 蘇青" 的女子.


S, 她,  中女觀音娘娘,  現在多了一個別稱 soul can/ 蘇罐.

如果她知道我這樣無聊口痕, 應該會黑臉吧?

但是, 我怎多口都好,  說到底, 都祈願她, 好好的.




(v)

7-6-2018

今天工作室的主人在六時後, 帶了一位中女上來, 使用佢新買幾萬元的天王按摩椅.

劉華牌. 我未掂過, 人地都冇叫我用, 點會亂掂人地啲野.

佢有潔癖傾向, 所以冇咩事, 我真係吾敢掂佢啲野.



那女人, 吾係佢老婆...

咁係邊位呢?

佢冇介紹, 咁我又不會多口問.

咁...佢其實同我大家姐又係咩關係呢?


佢真係有咁多純友誼的男女之間的普通朋友關係?




男女之間的純友誼關係...

以前, 我信可以的.

現在, 我會說, it depends.

不會實牙實齒說一定可以有純友誼.

因為我試過控制吾到自己, 向那些女子表白過.

咁係我自制能力低啫...

但有時候, 若那女子真的極迷人吸引 ...那好難抗拒架喎.

即係好似, 就算無風吹過,  佢的頭髮都會飄起一樣...自然散髮.

當然吾多喇, 邊有咁多女人真係正到令人失控, 控制不到自己會鍾意佢.



不過呢, 無論信吾信其他人有純友誼關係都好,

自己交左咁多昂貴的學費後.

會明白和已跟自己約定, 將來若再遇到這種級數的女子.

首先, 我不要發姣啦,   吾發姣就萬事大吉.

萬一,那女子真係令人心動得無法抗拒, (有架, 咪我幾年前單戀那個.)

那時候, 一定要忍. 忍無可忍都要再忍.

不要再說出來.




又扯遠了.

今天我比平時早了大半小時便離開工作室.

也不準備把事情跟其他人說.

口多, 無好結果.


吾知, 我走了之後, 會不會按摩由電動模式, 改為手動模式呢?

你睇...我把口幾仆街呀...


(vi)

8-6-2018

星期五收巿做啲乜?

傷心股巿中伏日?

梗係輸...但好少啫...

同埋...諗下下次怎做好啲好過啦.

吾通係交易廣場門口示威咩.

北水日日係咁沽....係怪怪地...吾敢搏盡...

贏得少就輸得少囉.


至於原因既野...跌完咪知囉...

咁我依家咪知囉...


所以溝女好過炒股.

被女人拒絕...連原因都冇得問.

my face my fate.


收巿後, 做曬星期一至四冇時間做的野, 剪髮, 去銀行, 攞乾洗, 熨衫, 洗衫, 做運動...

到夜晚, 睇左成晚guidleline.

搞左幾個鐘, 終於砌到一個real time data 指令.

問過客服, 佢話我啱呀!!!

你快啲讚我叻啦!!

吾知係咪真, 有點期待星期一試驗.

我本身吾識寫programing 架!!!

希望得啦...

咁就吾使等夜晚九點幾, 港交所免費但又吾齊的每日數據.

時間可以更有彈性和見洗, 可以做更多的filter 篩選, 可以早點訓.

希望我的 program code 得啦...

雖然在識寫program的IT 狗眼中, "白痴架咩...咁簡單都搞咁耐...".

但同自己同自己比先啦...


吾得, 咪再研究.

要keep spirit high.

你都係呀, 雖然我吾識你.


(vii)

10-6-2018

平時看韓男星的裸露上身以及在劇裡和女星的牀照, 自己都只看了, "嘩...正喎...我都可以咁同中女姐姐咁就好囉..." 的感覺.

不過若是李生的...我卻會有點不高興和抗拒的感覺.

原因是我覺得佢好有壞男人的氣質, 會令好多中女想同佢上床!!! 並試圖馴化佢!!

而吾知點解, 直覺是會中降的中女還要是我喜歡的類型喎!!!

 我不妒忌,若沒不滿, 那是假的.

我鍾意的女人類型俾佢溝曬啦...頂佢個肺.

所以, 呢套劇, 我係吾會睇的, 雖然女主角不似中女, 先天上已不吸引我.

現在更有我的眼中釘...潛意識中的情敵模板 !!!!

我更加不會睇.


 李生和文海寅, 宋仲基, 李鍾碩, 孔劉 的健康格不同.

(viii)

10-6-2018

蔡生說, 吉隆坡比較好住好退休, 比台中台南東京大阪曼谷新加坡好.

有冇啲冇咁熱的地方呢?

香港真係吾係俾人退休和生活的地方.

https://hk.lifestyle.appledaily.com/lifestyle/columnist/%E8%94%A1%E7%80%BE/daily/article/20180610/20415716


(ix)

10-6-2018

朋友知我想省錢, 所以早幾日給了一個罐頭及兩隻粽給我.

罐頭幾好食....可以食到兩餐.

希望今月吾會搞到要分四餐的地步...

搵食艱難..做最大的努力但同時做最壞的打算啦...唯有.

粽是嘉麟樓的, 是蓮子及茘枝.

食材是幾好, 但味道我卻嫌淡口...

蓮子和茘枝味不算突出... 即係食落冇乜味...

做乜吾落砂糖呀....

我成日覺得, 若要自己再落野調味...個廚/食品本身就要扣分.

你幾時去過fine dining , 有美極, 辣椒油擺響枱面架... 我個rationale 係咁囉.


btw...一日食兩隻, 純粹係...

懶...

蒸一次要20分鐘呀...

咩啫...食完去做gym 囉...

我連續三日有去做gym...

慳日間冷氣費呀....

 (x)

10-6-2018

看到網上有人彈 "他媽的喪禮"卡士吾係蘇小姐, 所以吾值得入場.

利申...我已買左飛.

我未文盲到以為蘇小姐有份演, 雖然劇團是under佢個名, 佢又有出席記招.

我不是鄧導演的fans...佢導的戲, OK 啦...但總是沒動力去到逢戲必看的地步.

就是欠了 stunning/ inspiring /amazing/ brilliant 的感覺...

(well...彈幾句英文單字扮我識睇啫...)

我只是好奇, 在蘇小姐的合作團隊/ 創團精神下...

演出會不會好看, 毋需要有叫座力的演員/導演才值得入場.

看完, 我希望會有一個答案.

並希望答案是正面的.




但首先... 我要睇得出囉...

我吾好再無知當秘笈.... 吾識又係到嘈生曬.

不過早作準備無壞吧...

如果有中女問我套戲好吾好睇...

我果時講番句" 佢地的演出,吾係走Brecht  風格, 冇乜點用Verfremdung (fair-frem-doong), 但係呢...你就用左吾少V effect 啦 (視線由佢的臉孔向領口下望...) "

"e...好衰架...但真係架...我吾知 yo...你好叻呀..."


可惜, my face my fate... 我咁flirt 只會俾人當性騷擾...



所以一日最衰都係李準基...

準基...準基...是要成壞男人的基準,

冇佢咁既樣, 就吾好學人flirt.

結果俾佢溝曬我想溝啲中女....


(xi)

10-6-2018

化妝品牌的marketing 神仙水 找來女星素顏做宣傳.

湯唯...有村架純...素顏係咁? 好似已化左妝咁喎...

我吾覺得似好素囉...或者神仙水本身已好cosmetic?


怎到好啦...看完佢地的素顏....

我反而只想到...

中女觀音娘娘本身真係靚過佢地.

觀音先天上已靚過神仙.


(xii)

10-6-2018

punchdrunk 原來都吾係只識做imersive theatre.

但呢個劇評價又吾係頂級, 超卓, 一流.

target 俾5-11 歲睇架喎 , 我今年...

算啦...我都冇錢去睇.

https://www.punchdrunk.org.uk/small-wonders/

https://www.timeout.com/london/theatre/small-wonders

Voyage 41

(i)

30-5-2018

我未離職前, 都係一個金融分析員.

點解, 人得, 我又吾得呢?


我諗, 我現在撈吾掂, 應著草去馬國.

到時再網上 "反攻"香港.

之前"英國導演" 啲錢都轉去馬國架咋.

話時話, 乜香港啲中女真係有錢成咁, 在網上又咁好呃?

如果我在網上呃到一個像中女觀音娘娘的港女---有財亦有美貌更有內涵.

到時我真係好過中六合彩頭獎.

但條女知道真相後, 怎都會報警吧?

(ii)

30-5-2018

近來少寫日誌.

一來忙, 想快些上軌道有成績,  二來生活也是看劇多, 順手寫落bitch 到.

也想花一點時間去讀書.

早幾日, 看到有關 Brecht 的戲的評論, 自己吾明,  有疑問.

曾在戲場內,  遇到學過戲的同學請教,  但都解答吾到.

"演員跳出角色, 話自己167 cm , 生得矮, 擔心戲中不夠壓場, 所以要幹掉比自己高的" , 令觀眾知道只是一場戲,  所以就是defamilarization effect 的成功示範和呈現精髓.

自己總覺得不應該如此簡單表面 (定係我的慣性把問題複雜化?) .

所以去借了書來讀.

(iii)

3-6-2018

出來後,  一切尚未穩定.

說白一點, 是挺挫折的開始.

出來謀生, 真的不要揀這段時間.

偶有舊同事約茶聚, 談舊公司的事, 自己會覺得很厭...在浪費時間.

沒興趣知舊公司係生係死啊...我不會回望.


花錢比從前謹慎.

譬如, 搭地鐵, 會揀用都會票.

譬如, 試用報價系統, 試用一個月不夠, 怎都想磨多兩星期.

省多兩星期的錢才付費.

也逐個項帳看清楚, 停了對於自己沒用處的財務報表功能.

真係要睇, 就不會看這個簡易版.


財務報表, 從來都是footnotes 最考人, 最為睇死人, 最暗藏殺機.

別傻啦, 以為睇income, balance sheet, cash flow 就夠.


吃飯也會揀便宜的吃.

以前會吃 50蚊一個晚餐,  現在會揀40多元的.

在太古吾計老麥, 若有30 蚊的, 可以通知我.

總之想省錢.


近來最花錢的, 不是買劇票.

最花錢的, 是和朋友出來應酬.


 上周五, 又有朋友生日, 又去了那一間.

味道依然好吃.

今次, 價錢的折扣正常許多.

所以上次真的吃食材價, 手工舖租是送的.

餐飯其實不貴, 都是經濟實惠的.


貴在每人要帶枝酒.

枝酒貴過餐飯的.

我又吾識買平酒,  總擔心沒牌子買來喝會讓人頭痛.

又想到, 若是朋友, 不要那麼計較.



計落, 和去吃fine dining入門版餐單沒分別.

會想再吃fine dining 嗎?

又吾會好想既...

總覺得現在大多的fine dining 能令自己驚喜的可能已不大.


都是食租.


生活消費的轉變, 自己現在還算習慣.

一來, 我還未逼到自己日日食淨公仔麵, 所以我知我仲可以更慳的.

二來, 心態也是有準備, 知道是tradeoff.


用現在的節險, 去換取未來求變的機會, 怎都是划算公道.

我想走得更遠,  看看更廣闊的世界.

(iv)

3-6-2018

明天, 會出來集會嗎?

應該不會, 除非有踢得郁我去的人在呼籲.

不是忘記, 不是覺得應該放下, 不是不應去討回清白公道.

只是累, 也不夠堅持.

就像對香港的時事一樣, 有一種疲倦.


(v)

3-6-2018

想又想, 即使明天不想行入去坐.

在門口捐錢幫補活動的支出, 也還是自己能力範圍內.

雖然, 不會捐得多.

是的, 不乾脆, 倦了不想去, 卻又去捐錢.

有時候, 我會想, 如果是那人, 應該處理的妥善得多吧.


(vi)

3-6-2018

除了讀書, 便是去做健身.

因為省錢.

曾有朋友介紹去老人中心做義工, 跟老人家吹水.

不過一去就要三次, 分三個星期.

那是一個commitment.

是可以做到, 六月只會看一次舞台劇, 周末日很空閒.

但問題是自己不想有commitment.


每一個男人心裡面, 都曾有一個女子 "蘇青".

有過蘇青, 就不想輕易許諾.

雖然, 我曾經的單戀對象不姓蘇.

好像有劇團會重演, 但不會再看啦.

(vii)

3-6-2018

上周飯聚, 朋友把看過的書捎給我.

不是特別喜歡佢寫的野, 雖然知佢都紅, 好多中女, 特別是財金界會好冧佢.

Private Banker 喎.

做Private Banker 二奶/三奶/PTGF , 都好過做普通文員的大婆啦.

話吾定, 搭上搭, 識到個傻更更的富二代呢...



隨手翻過數篇文章, 雖有幾篇幾好,  嗯, 還是不是自己杯茶.

應該不會看完.


btw, 吾好估佢真人係吾係真係private banker.

睇過, 或者覺得頂癮過便算.


吾知點解, 某程度上出來後, other than market,  對其他事相對以前 relaxed 了.

吾好咁執著, 除了搵錢外. 工作上好多野煩,邊理得咁多呀.

大概, 吾使好似以前咁, 去估去度, 上面啲人講野的subtext.

搞搞下, 自己都吾似一個正常人.

雖然, 我從來冇正常過.

(viii)

4-6-2018

今天寫了兩篇無無聊聊的微博.

明確提示訊息審查的存在.

的確存在.

(ix)

5-6-2018

借用的工作室養了一缸風水魚,  每次走過去附近的飲水機, 牠們都會走過來, 以為有人準備餵飼魚糧.

當然, 若遇上我, 自然沒有東西吃.

說明是風水魚, 我怎敢碰牠們, 甚至餵飼呢?

雖說魚的記憶不止7秒那麼短, 不過牠們每次遇到人都會湧上水面, 像期待好事發生, 十次雖才有一次中, 但感覺卻是積極的?!

以後, 我炒股又好, 追求中女都好, 都要這樣子善忘而積極?!

觀魚感悟, 像我感悟這樣子, 也算奇葩吧.

人世間, 除了炒股, 溝中女, 最理想是溝到中女觀音娘娘那種SS級數的完美港女, 還有甚麼人生意義呢?

我很膚淺和沒有甚麼大志的.

換了是她, 她現在的大志還是選港姐口吻: "世界和平" 吧?

有時候看到港姐盧淑儀IG 近照, 仍覺得佢有點像她.

若家裡可以再養魚就好了.

(x)

5-6-2018

我這一代人,  要說成長時期社會上的揚眉女子,  除了亦舒, 便要數林燕妮.

再晚些, 便是梅艷芳, 黎堅惠.

當然, 還有許多女子, 未能盡錄.

佢地的厲害, 除了有事業, 也是硬淨的性格.

是女人獨立堅強的模範.

不是唱歌"很堅強...很堅強..." 唱了便會堅強般的兒戲.

一路好走.

話說回來, 在自己所屬年代的女子,  年輕時大多都會讀張愛玲, 亦舒的小說, 讀林小姐和黎小姐的文章.

很文青和知青.

不過近日得知, 來到這歲數, 佢地已變成中女, 會讀的讀物, 也改為尋夢園.

不是我說的, 是朋友說的.

尋夢園是甚麼?

類似這些....

還是想像不到, 以前曾單戀過的女子們, 如今會喜歡讀這些書.

不過, 這才是真實呀.

女人, 怎可只被限制閱讀閃閃令的旅遊書.

(xi)

5-6-2018

"做下朋友先, 吾好急, 隨緣..."

"....哦..."

咩事?!  我都冇想過追條女, 撩過條女wechat.

我幾時急過? 我幾時煩過佢? 

我好耐冇對女人心動過喎...已 3年呀...

但係, 同佢講, 係你個姪女問我香港大學收生情況, 財金翻譯, 我先答佢...

我冇撩過條女.

但是,  那只顯得我不夠成熟大方, 沒有男士風度.

所以, 只好吞左呢隻死貓.

唉...

我係溝吾到女啫, 但都吾好下下要演埋曬啲追女失敗被勸放手吾好纏住人地的角色先得架.

我都想演啲有" Jesus......" 的對白的角色, 法庭戲我都OK架.

忘, 心亡

七時離開辦公室後，在美心隨便吃焗豬，便按昨天跟自己的約定，來天后打個轉捐錢便走。

人流比往年少許多。

穿過政治團體的街站，最後把500元放入天安門母親的籌款箱。

是對不少本地政治團體感到煩厭的投射吧。

是呢，白鴿黨內部應有問題吧，街站數量和規模縮水不少。



還是第一趟距離大台這麼近。

「虧欠」當年那些學生巿民的「債」，怎都是還不清的。

想靚? 想V 臉? 睇Brecht 啦...

(i)

1-6-2018

Verfremdung pronounced as  fair-frem-doong , 又稱 V-effects,  不過成日俾人錯譯alienation.


以後, 有中女同我講"間離效果",  我就講, 係呀, fair-frem-doong, V-effects.

講開V-effects.

讀書時, 我忍不住亂諗, 吾怪得咁多中女鍾意睇Brecht 啦,

入場可享受V-effect 效果....

睇完可以 變 V 臉 , 誰不愛?

下巴即刻變尖, 慢慢變尖又得...


免費醫學美容喎...


會看舞台劇的中女所以真係特別正..佢地塊臉只會越來越尖...



咁我夠有睇啦,我有變 V 咩?

冇.

我睇得吾夠多, 同埋吾識睇囉...

V effects: "designed to free socially-conditioned phenomena from that stamp of familiarity which protects them against our grasp today"

"It is a popular misconception that V-effects leads to non-emotional, even tedious theatre..." 哦....原來我一直誤會左...

唉...原來我一直睇得太多爛劇, 仲以為那些木口木臉才叫正宗... 灰....

等於去食拉麵, 以為一定要有冰水...


吾怪得啲中女一眼就睇穿左我冇內涵......

可吾可以re-run, 俾我在中女面前扮識野一次?