2-12-2018
今早要回去了，趕住去看科學怪人。
趁有餘閒，在面書推介了今次入住的酒店。
嗯，其實是想寫給以前興趣班的導師看的，不知有沒有看呢。
佢的內子的腳患好像已有數月，上次在澳門時已見拿著柺杖走動。
昨天見到佢地，在演後談時，導師體貼地扶著太太到樓梯旁倚著，太太則耐心地等丈夫聽畢講座。
相扶相持，相互遷就，大概如此。
這令我心想，不知佢地住邊呢？
住這間酒店應方便佢地走動，一出機場捷運月台乘升降機，再轉兩個彎就是，若沒有包出租車。
怎麼不直接tag 佢地？
太刻意了，況且好像懶醒，說不定佢地有更好的choice或旅程consideration呢。
所以都是輕鬆一點就好。
(ii)
2-12-2018
報紙不是常說那門行業好好景, 大把有錢佬需要被服務, 大中華區幾千萬年薪挖角, 通街都搶人, 需要人嗎?
怎麼那間銀行裁員, 搞到去 priority banking 頭上去.
----------
數數還剩低多少台幣.
16000 台幣.
即係, 呢兩日, 我洗左約 4000元, 其中食串燒那餐吃了一半.
都算慳住用.
-----------
今年所有的舞台劇都看完了.
如果, 不是要看科學怪人, 我今晚其實係咪會睇香港式離婚?
吾知呢...假設問題.
三年前, 女主角說, move on move on.
當時感覺很深.
原來都幾年了, 也已向前行了.
(iii)
3-12-2018
看到陌生網友說, 在弟弟結婚時, 發現婚禮攝影師是昔日的舊情人.
很巧合啊...
網友現在生活幸福, 所以倒沒甚麼, 能坦然地面對.
如果依家仲嫁吾出呢?
咁...真係要看佢的性格了.
想當年, 有一次做記者採訪, 見到大學時想追的女同學Courtney也在press con上, 是當日公司的職員.
當時自己不懂反應啦, 我話我識你都吾信啦, 以我的性格, 不過女同學當時有跟我微笑揮手的, 態度好過從前想追求佢果時...灰...
女同學都是一笑而之.
呢啲咪係女人的大氣囉.
搞到我很小器咁...我反應慢啫...
明年, 若在劇場再見她, 我希望到時的反應已進化至
"正喎!!!!呢條中女港女...顏值和氣質真係冇得頂...我最冧的女人類型...她的眼睛..."
我會愉快地目及女, 像她咁靚的女人都吾望, 會有天譴的.
"她真係好正呀...若溝到她, 咁真係進入人生勝利組, 奮鬥會少三十年, 我要更努力上進...",
比現在的心情放鬆.
反正, 都已冇downside 可言, 係咪?
她怎都不會用架audi , 車我去高速公路入油站的服務區, 跟我吃拉麵, 係咪?
雖然她靚過宋慧喬.
何不輕鬆一點面對.
怎樣的心情去面對, 是自己唯一可控制的選擇, 妳說對嗎?
(iv)
5-12-2018
https://www.koreastardaily.com/tc/news/111853
看新聞, 懂看, 一定看娛聞.
難道看政治新聞嗎?
那些飯民沒政治常識, 以為真理在手, 就可以乜乜乜...真係吾想理佢地.
至少未來90 日,要識收聲先, 吾好俾位俾班仆街入先啦.
上面要make a deal , 就要compromise, 要compromise, 就驚政敵作反, 為左驚政敵作反, 就先下手為強, 見疑似可疑的斬左先, 結果成個癲佬咁, 係人都斬, 殺無赦...安內攘外...
這是常識啊...早半年前都有人咁講過貿戰的影響...我吾係扮先知, 只係人云亦云.
中國歷史, 以至世界史上, 發生了N 咁多次的手法和循環啊...吾係咩叫 "獵巫". Arthur Miller 又點寫得出The Crucible.
依家仲出來為了無聊事嘈, 不分輕重...除了吾理, 仲可以掂?
嗯...扯遠了.
看到宋慧喬咁多私伙包包...
諗野成日跳線的我...
忽然會好奇...
她究竟有多少對波鞋呢?
嗯...她至少有5 對波鞋.
我極少機會見到她, 所以她實際擁有的波鞋數目X 3 = 15 對, 也不為過.
她有15對波鞋...襯衫會很方便和好容易.
她屋企啲波鞋仲多過宋慧喬呀!!!
她稱得上是 "波鞋界女神".
未見過的, 應有純白呢的基本色, 我估, 她應有一對波鞋是紫色的.
宋慧喬為了拍戲, 拿出私伙的名牌包包.
她就有很多很多對波鞋去襯衫.
兩者都很認真專業.
美女們都有共同之處, 不僅是美麗.
"先生, 你知道點解你成世都吾會有女朋友未呀? 把口吾收, 成日亂講野, 得罪人..."
"....."
1-12-2018
艷粉紅色的
https://enigmady.blogspot.com/2018/12/blog-post.html
4-11-2018
new balance
https://enigmady.blogspot.com/2018/11/blog-post_3.html
3-11-2018
綠色的
https://enigmady.blogspot.com/2018/11/blog-post_3.html
19-5-2018
那時候沒有寫下來, 應不是之後見過的那款式.
https://enigmady.blogspot.com/2018/05/blog-post_47.html
12-5-2018
著涼鞋. 扭親腳.
https://enigmady.blogspot.com/2018/05/blog-post_12.html
5-5-2018
睇吾到她的腳, 不過那性感誘人的上衣, 下面應該吾係著波鞋.
https://enigmady.blogspot.com/2018/05/blog-post.html
8-12-2017
黑色面, 白色墊的 Nike波鞋, 葵青劇院, 那天她傷風流鼻水.
如果...我不是數算她有多對波鞋, 而是數算她有幾多件泳衣, 會不會更好呢?
她做乜事去劇場看戲, 都會著泳衣俾其他人睇呢?
選港姐/環姐時, 著泳衣, 又吾見人咁challenge, 咪一樣吾係泳池.
真係抵我呢世冇女朋友.
(vi)
6-12-2018
何志平被判監.
對佢的印象不深, 從報道裡, 只知佢鍾意食和訓.
跟朋友說, 成件事, 佢就似老翻四仔店的死道友,
海關查牌時認頭係負責人, 平日只係行行企企飲飲食食.
凡事都是等價交換的.
更何況, 佢又不是華為的孟女士...
出事了/被整了, 也只是可有可無的棄子, 不會有人保.
怎都好, 都幾慘的, 為國坐監, 卻被搶focus, 今晚新聞頭條吾會係佢, 冇乜人知.
孟女士, 現在變成人質...
90 日內trade deal 傾吾掂數, 會不會被告呢...別理告吾告得入先啦.
若佢放番出來, 個巿一定升...
吾放就有排煩, 今日孟晚舟, 明日習嬌嬌...你估佢地吾驚?
成班高官有咁多家人資產在美國...
----------
看不看"傷逝如她"呢?
該劇團的莫小姐說到不看就走寶.
上次"浮士德", 我就係聽左佢講 "並吾差", 結果瀨曬野...變了去看雜耍...
到時先算, 看看有沒有他人推介.
---------
咸濕藝人搞大女fans 個肚.
說戴了condom 就不會懷孕.
呢啲常識錯誤, 連我都知吾係啦...
俾我就不會犯啦...
乜我有機會咁樣咩?
男人都是仆街...
有錢都吾召妓的原因, 不是慳錢, 而是享受那種虛榮, 被女人傾慕自動獻身.
我當然不會有女咁樣埋我身, 除非發左達, 但我想像到這種賤男的心理.
怎都好, 女人去夜店蒲, 出來玩, 沒問題, 特別是去到中女的自在年紀,
但真的要戴condom, 吃避孕藥.
同埋, 要揀小鮮肉.
若同番啲同年紀的中年男人玩, 得 3 分鐘, 點夠喉, 又吾細心, 又吾識前戲...
當然, 安全啲, 最好有固定的sp (sex partner) , 只上床, 不涉其他.
最少有3 個...咁先可以試多啲嘛.
(vii)
8-12-2018
終於吾卦住睇電視, 用左兩個幾鐘, 八卦下蕭生單野.
很奇怪, 這間公司過去四年做deal,都吾會點用cash, 主要係印公仔紙.
十世都吾會股份回購, 出事前卻回購了2818萬股, 493.032萬元,好疏爽, 夠交租都吾交,寧願股份回購,
即使按日子計, 業主已去到出律師信入稟的邊緣.
股份回購, 沽的, 和買的, 都很集中幾間行.
從轉倉往績紀錄, 某幾間行有瓜葛, 過去幾年, K-->Citi--> DB-->BP-->K 諸如此類, 幾億股轉來轉去, 繞圈, 係到試下有沒有"跟蹤"佢地.
幾可斷定是related parties/ security accounts under the same person.
斬倉前, 某間related 的行連續幾日就住回購金額去沽, 斬倉後, 啲股份又主要去左幾間.
最後end up, 我都放棄跟落去, 那班人的確係勁, 轉倉轉到CHOK 甩想查的人 (其實應要避 SFC) ,
至少我吾會查, 查完又吾會買,冇錢搵 (有人大手跟, 阻住佢地搵食, 咪50合1, 供幾次股先囉, 你當佢地流架), 八卦都要止蝕.
蕭生係咪出事呢?
有可能, 好做吾做, 去做擔保...借錢那個又是 HT 乜乜乜, 應該吾係佢本人.
但回購單野佢要簽名出通告...冇可能吾知情.
所以, 我都係信老蕭的燈力, 佢講乜, 掉番轉頭諗先啱...
呢鑊應係做8088 世界, 8088 主要股東係海X嘛, 只係 "順手" 斬埋其他人, 包括被欠租的業主. 8103仲好地地, 啲貨仲係那間行到.
人地發達有原因架, 不要去羨慕, 夠狠夠絕.
諗得呢啲多, 真係會心理變態, 專門往人性最衰的方向諗.
可惜, 我回不去了.
心理早已變態不正常.
(viii)
8-12-2018
劇團的page 出了不少傷逝如她的觀眾看後感, 寫到幾好睇咁.
嗯, 我又未變態到以為劇團啲人係到打turn, 製造虛假巿場, 成個財演咁...
等於上星期二三, 個個都叫人買700 , 跟住咪...
只係, 我又吾識佢地, 吾知佢地睇的興趣和角度...
真係佢講, 就令我狗衝去買飛入場的人, 真的不多, 5 個都嫌多, 3個? 可能得1個.
再看看, 吾好咁執著, 睇到睇吾到咪又係咁.
訓多陣, 和宋慧喬一齊食湯飯, 都吾係好差啫.
2集阿宮, 2集男友, 1集野獸, may be 1集無證律師,
死之讚美, 先熱情地打掃都吾睇住...
周六日好忙架...
估不到會變電視精.
(ix)
9-12-2018
乜倫敦都有自治巿...
咩嚟架...
嗯, 現在都係得個知字...Redcliffe 係prime location.
總有一天會用得著吧.
btw, 痴線啦...寫那個人其實有問題.
你估香港咩, 要近地鐵站... 買得這些地段, 點都有架BENZ 卦?
whitechapel區吾使億億聲...
呢啲先可以想像一下.
Woodberry Down 都是將來的目標範圍喎.
講到好近巿中心咁.
吾會係火炭站, 都話自己係香港正中心咁仆街吖嘛?
信報星期六的海外置業專題, 幾好睇咁, 呃到我呢啲未見過世面的人.
吾通你會徒時間睇那個龍床盤的新聞咩...
(X)
9-12-2018
"秀賢呀，我在你的湯飯裡挾了一塊漬蘿蔔俾你，莎拉耶..."
我很無聊...但自得其樂.
宋慧喬那些close up , 演技好好看.
----------------
劇集裡, 朴寶劍成日拎部半自動DSLR 出來影相.
溝女要識影相係人都知，但人人手機影相時，仲拎部半自動dslr出來影相，原因只係拎專業相機出來，個型chok好多，你睇吓朴寶劍就知啦，搞到我都想買。
先生，人地就算拎部itel (雜嘜牌子) 都chok 過你囉...
宋慧喬間屋使吾使幾億，佢家中用的家具, 飲水的杯壼都是精品, IFC 連卡佛有售果啲嚟架...
我諗, 到我有錢買得起呢啲屋時, 應該會溝到女...
來到第四集已揚曬，仲有12集，真係吾知點估，係估吾到定左擰又扭係咁拖呢？
金惠恩, 即酒店那個高級女室長, 和司機很熟那個角色.
https://zh.wikipedia.org/wiki/%E9%87%91%E6%83%A0%E6%81%A9
1973年3月1日出生, 只是比我以前喜歡的人細兩歲.
都keep得好好啊...幾靚的中女, 後生時會更加靚.
如果你都睇"先熱情地打掃", 咁你都會見到佢又做人阿媽.
我果然對任何的中女上心...
-----------------
看阿爾布罕宮, 來到第三集, 我係到諗緊男主角的仇家都吾靚仔, 點解會咁...
原來今集拎飯盒.
吾怪之得啦.
跟據呢個邏輯，我若做演員，最多只會係演速遞員，茶餐廳夥計。
灰...
這集講到明, 玩遊戲會死人...
這個劇會是W 翻版, 現實和虛幻的重疊.
也和W 一樣, 玩些世界觀架構特點的情節趣味, 譬如射箭關卡加載delay的bug , 咪和漫畫世界那些bug 一樣. 但很有趣.
女主角個細佬, 一定係被捉左入遊戲裡, 而男主角要解開迷團, 一定要不停升lv.
咪俾我睇死, 男主角升到第五級, 可以和那個女結他手吹水, 女主角到時都有野會發生...
--------------
看野獸，重點不是等睇幾時灌醉新垣結衣, 然後...
我亦不會FF, 我又吾係死變態.
況且, 我以前喜歡的女子, 她仲飲得過我...
故事仍是日劇常見的主題：群體與自我，需要和依存，融入服從和獨立自主。
有社會學家如是說：日本是地震國家，不合群不服從不有序，災害降臨時，便亂成一團。
自然環境影響民族特性派別的學說。
香港電視劇, 係吾會講呢啲...
太嚴肅了.
-------------
裴秀智和朴信惠有點似樣，但朴信惠外表大好多。
甚麼的社會環境和產業，就提供了甚麼的劇本元素，吾係第一次看韓劇有電玩元素，經常請吃飯的漂亮姐姐/阿爾布罕拉宮的回憶，並要幾認真，反觀香港咪成日爭產，宮心計...。
我寫包單，以我最喜歡的她的人格保證 , 十年內一定有影射香港地產郭家、地產羅家(hsbc好慘囉，俾人擺上枱，佢都係跟章程之嘛）的爭產劇集。
------------
看了死之讚美開頭...
已有點不想看...
已婚舞台劇劇本才子作家和女高音的愛情悲劇.
令我想起徐志摩呢啲仆街渣男.
倒胃.
我明既, 女人都鍾意有才華的男人, 就算結左婚都冇所謂.
The logic is :
如果那個男人和佢太太感情好好, 女人怎介入都是無用,
若女人介入便導致那個男人婚姻破裂, 原因只會是這段婚姻一早有問題.
特別是對那些去到某個年紀的中女, 已不需要婚姻, 也不想一紙盟約, 只需要愛情和關懷.
我想, 所有的中女港女, 都試過介入別人的婚姻, 成為第三者吧.
別誤會, 我沒有道德判官的想法, 我都冇資格去批評.
嗯, 我理解一些中女港女的愛情世界觀啫, 吾代表我對那些單身中女仍有幻想.
我很清醒的, 雖然我把口成日講到我有很多幻想咁.
我大概有九成時間處於諗那隻莊家股的mood, 一成像寫blog/微博 狗嗡 的mood.
嫌教訓還少嗎? 把那一成的mood 放在現實生活裡.
我回不去了.
回去了, 也沒有意義.
----------------
說不要走，但我有想要走的路；
說不要見，但我有想要見的人；
說不讓做，就有更想要去做的事。
那就是人生，就是思念，就是你。
(xi)
10-12-2018
好想打邊爐, 天氣凍.
不過, 一人火鍋, 大XX, 美X, 吉X 家, 那些太削...
怎不找之前那些朋友?
廢事啦...吾想搞到自己好像乞兒咁.
被人瞧不起, 仲厚臉皮行埋去...我不想這樣子生活.
感情上我屬於軟弱, 但其他待人接物方面, 我還算正常並偏刻薄啦, 我又不是真的沒脾氣沒自尊心.
那件事後, 都過了兩個多月, 至今想起仍覺得極之過份.
算了, 別糾纏過去, 沒意思.
很多事, 都沒有道理可言, 亦不會有人肯同我講道理.
出年去台北, 要記得食火鍋, 除了串燒.
-------------
明年上半年想達成的目標.
搬出來獨居.
真係頂撚佢吾順...
最好港島區, 夜晚看舞台劇方便返歸.
看過些出租單位, 天后, 北角 都有些OK 的.
