Cherish 41

 (i)

19-1-2024

今天是家人出了療養院以來, 第二次同朋友食飯聚舊.

第一次是去年十二月中, 聚舊之餘, 也為了拿財經月曆, 貪圖上面寫定邊個巿場放假, Fed 議息.

如果有埋MSCI , FSTE 指數成分股變動生效日 就更好,  那些日子, 我好想放假, 反正經驗告之, 放假仲慳吾少.  我的strategy set 吾啱呢啲情況.

有UBS 就夠 ;  SG 月曆好廢, 有啲錯既, 不要也罷.

今晚食飯在沙田新城巿廣場, 我好怕去的商場, 我好容易在那裡迷路, 情況等於去大阪, 住酒店住過一次梅田, 以後都不想再住, 路痴的我, 覺得那裡好可怕.

還好, 火鍋店也是上次去那一間, 總算認得路.

有一個中學同學公司被收購裁員, 沒心情, 最後4 缺1.

偏好人少的聚會, 人多口雜, 很難談話和交流, 若只聽人講及吃飯, 其實好無聊, 近幾年已盡量避免去多過5 人的飯聚.

我吾出現, 都冇人發覺啦. 

IN( /S) TJ , TJ 到一個點.

人大了, 真的很難再識到隨心談話的朋友, 譬如朋友居然會飯後散步逛商場時看手袋, 我可以狗嗡, "賭波輸大左要贖罪?" " 買俾個女呀, 但老婆又話吾駛." ", 吾係吾駛, 係吾駛你啲品味啫, 你俾錢就得" 

"個巿又跌" " 係呀, 曾輸到PK既人, 受過教訓,  所以依家先未死得囉."

"會吾會搵個伴呀, Amy 都再婚啦"  "痴線啦, 呢半年照顧人 (雖然有其他人分擔) , 問心我怕怕了, (潛台詞 : 吾係遇到好似高允貞咁靚, XXX 身材咁好, YYY 咁有錢, ZZZ 咁好性格 ) , 我知自己咩人(自私) , 吾會啦, 呢個年紀,  責任多過快樂 ; 性交轉運係有, 我都係堅定信徒, 但要遇到, 真係好難囉,  對女人嚟講, 係香港要遇到Ls ,  其他都係水貨,  男人, 轉運對象的出路更少...悲..."

近來人氣韓國戀綜, 單3, 只看了第一集,  感覺係, 啲女身材係幾正, 樣也有幾個吸引, 但係...我若參加咪食足咁多日露營罐頭囉...悲.

希望年底會再齊人聚舊.

其他人呢?

INTJ 的人只會咁諗,  人地話約食飯, 聽過就算啦.

我真的TJ 得好緊要.

近日有隻債券公開認購, 想來, 我已有好N年冇計過債券價格, 要猶豫了一會才去計.

屌佢老母,  發售50億, 人人有份前提下, 報紙仲寫, 啲人若進取啲既話, 可抽9-10 手, 懶到連上次ibond 的認購人數都不查, 不如再進取啲, 叫人借錢抽啦.  

做定存仲方便啦, 其實. 俾錢睇本地財經報紙, 真係吾值.

希望, 買到IU 的演唱會.

近一個月電視其實沒甚麼好看, 只追看了請和我老公結婚. 

被D社爆料現實裡是綠茶的女主, 在劇內要手撕女二綠茶,  現實和虛構交織, 幾juicy 的.

曾經, 我都迷過女主的, 因為金秘書.

可見, 以前(雖然依家都係) 我睇女, 從來真係只睇外表. 我鍾意過既女,  得個樣靚, 雙手捧著士多啤梨嘟咀食, 呢啲咁造作既行為, 我都OK 架.

罪過, 罪過.

btw, 看這劇, 一定要睇完webtoon 先看, 那會有趣得多, 看編劇怎把原本故事有創意, 但結構好差, 重新整理成現在似樣少少, 不會說到好死話改編得好, 因為未播完, 實有機會爛尾.

 (ii)

30-1-2024

明天31 號了,  所以, 約定結束, 不會聚舊.

不再忐忑.

和自己最初一直抱有懷疑的感覺吻合, 直覺總算準了一次.

好人好姐, 那晚吃飯, 成晚講其他人的野,  怎似好想將來再見再聚?

不要為別人的失約令自己情緒受傷,  又不是自己的錯, 也不是自己的損失.

反而, 很想稱讚自己, 做得好,  做得好, 有進步.

"知所進退"

以前就是做不好, 所以才把自己修理得一團糟.

各自安好.

今年終於不再需要訂蛋糕了, 自己也不捨得花錢吃那麼貴的蛋糕.

十多年, 不會不覺得可惜, 但  let it be.

我至今其實仍未食過我細細個已睇佢開網上餅店的姐姐的蛋糕架.

只吃過酸種包,  cupcake, chocolate ball.

我訂個俾自己啦? 痴線架咩.

----------

昨和office 的人去萬豪cafe 吃自助晚餐.

5 個人, 我是最早飽到反眼的一個, 六點開始,  6:50 pm 已圓寂.

還是改不了吃得太快的習慣,  也是我老了...唉.

------------

和我老公, 一劇, 去到第9 集,  依然改得比漫畫好.

剩餘七集的戲份, 現在也大概已估到.

只係, 如果有"跣交轉運" , 令男主角不用死, 那就好, 更有說服力了.

咳嗽, 要快一點好.

(iii)

1-3-2024

看到朋友今晚IG post 食火鍋雞煲.

有點無語, 也有點理解.

一月中時佢第三度想約食飯,  然後不了了之,  二月中時忽然又發訊息想約今天聚舊.

之後佢話今年不要破費訂數千元的tailor made 蛋糕, 最後我訂了最後一次聚舊時提過的網店.

你能明白我的心情嗎? 有點委屈, 也有點怨氣. 

我覺得自己好像遇上騙案, 訂左生日蛋糕, 對方之後人間蒸發!!!

第三次約飯聚失聯後,  若不是二月中佢發短訊, 其實我本打算不再訂蛋糕了. 畢竟, 去年其實對方已忘記了自己, 我還在對方生日那天送蛋糕去,  係咪好似黑社會新年送盤桔俾人咁, "逼" 人回禮?  我尷尬, 本打算二月沒聯絡, 那就這樣算吧.

結果, 蛋糕訂了, 沒得refund , 但人卻跑路了.

我生日早過佢, 而那天, 對方一句message 都冇發過.

看對方的IG 相,  從9 月到依家, 飯聚都吾知道有幾多次, 但就是這麼多次.

 

唯一慶幸係冇訂tailor made 蛋糕, 冇咁傷.

我今年生日飯, 都係一個人食大家樂之類既野咋.

不得不承認, 自己道行未夠,  晚上六時, 今天食飯的事明顯不了了之,  還是忍不住問本來也會join 飯聚的另一個朋友發生甚麼事.  是有約過的, 但那天不成, 所以, 成件事就那樣算了.

我感到很不舒服,  那天不成不是問題, 但約不成的話, 是不是應該告之?

我可以主動問架嘛...自己仲係有煩膠性格.

我不想, 因為那樣子好似在逼對方講真話, " 其實呢, 食又得, 吾食又得, 又吾係真係好想見你,  但又吾係介意同你食, 所以, 搵日得閒先... "

我未廉價俾人用嚟攝時間食飯的地步. 我又冇主動搵你食飯, 我都知大家生活圈子已不同, 無乜共同話題, 所以沒聯絡, 也不會主動約食飯. 

依家做乜事玩九我喎, 乞兒咩, 好似施捨機會咁先同我食飯, 我食飯有自己俾番錢架.

很克制地, 沒有向詢問的朋友爆粗發洩不滿, 也提及不要向朋友提起我問過曾經今天的飯聚.

人地都dont give a shit , 再發脾氣其實是無謂的事, 因為, effectively , 你咁樣同對空氣講粗口係冇分別.

"如果大家都變了,  不再在對方的生活地圖裡, 我亦無意再打擾,  我希望, 以前曾經珍惜的人能夠安好, 那就夠." 

4 次可能出現的飯聚來到之前, 我都曾想過, 該買點甚麼給他們好呢? 中秋, 聖誕, 新年. 士多啤梨嗎? Dior lipstick 定粉底?

原來,  只是我一廂情願, 同我以前的黑歷史一樣.

都叫左自己計算架啦.

係囉, 寫出來後,  心情舒服啲.

Cherish 40

 (i)

2-10-2023

終於換了電話.

很平淡, 從前, 可是會放上 fb , Instagram sharing. 

比我年輕數年的朋友們, 近來仍會在fb sharing.

那又真是很平淡, 換了手機, 咪又係上網聽歌,  並不用會來打電競. 

不過拿機之前, 還是曾經十五十六,  因為很多網上評論及測試, pro max 過熱, 熨手呀.

但若不趁長假期處理, 平日可沒有心機把舊手機資料備份轉落新機, 於是唯有運行平時工作模式, given that  XXX,  worst case would be YYY,  then ZZZ,  還是去拿了.

結果, 暫時還可以的.

舊手機過渡至新手機, 256G  雖然沒變, 但卻好似吾係咁襟用, 所以趁著假期把手機上的資料, 文字刪除.

很多黑歷史記錄啊, 現在回看雖仍有點觸動, 尷尬, 但也覺得, 以前自己那樣子活著, 很累.

刪除時, 有種過去被抹掉, 再不會有人知道.

很治癒.

她只是她.   

她並不是Jisoo媽,  她結婚嫁人離婚再婚三角戀女同忘年戀黃昏戀,  生夠女團組合, 全都不關我事, 不應去想,  祝願她好好的便夠.

以前有首熱門歌曲歌詞是這樣寫的,  過去讓它過去,  來不及,  重頭喜歡你.

不要老是說感情那麼厭悶,  即使是友情, 近年發覺, 有些朋友隔了很久沒見, 也會感覺很陌生, 有種夾夾不入搭枱食飯感覺, 不一定歷久常新, 所以沒什麼動力想未來再聚.

過去真的讓它過去, 即使我想回去, 別人也早改變了.

何必再提, 或懷緬.

不要再反覆了.

相信計算, 不要信感覺.

感覺呢啲野, 我已信不過自己, 都是disaster.

(ii)

7-10-2023

我知道, 中風的病人心情很難會好好, 要時間適應接受不能全面康復.

不過老是去硬食別人的負能量,  我都好辛苦.

(iii)

8-10-2023

今天下午掛8 號風球後, 仍然去戲院看IU 的演唱會錄像.

落街轉兩個街口, 入到地鐵站就是贏啦, 去金鐘看之嘛.

大半年來,  第二次去戲院看戲, 對上一次, 是看金宣虎.

IU 的演唱會舞台並不華麗, 但演唱會編排見到用心有思考, IU 像和粉絲朋友們一起見證, 將會走向新階段,  很耐看.

不枉為了騰出時間, 昨工作至晚上十二時.

IU 有唱 above the time , 不知歌詞也會感動的歌,  是自己喜歡的歌, 很滿足, 也有through the night , heart, celebrity.

自己有個IG 分身, 只用來like BP  post的小帳, 便是以這首歌作名稱.

出來時, 剛改掛9 號,  列車去到茘景, 我, 長沙灣有落, 師傅, 又贏.

IU 在演唱會裡說, 會繼續成為謙遜的人, 守護粉絲的回憶.

聽到有點感觸.

近來,  Priscilla 做電視台垃圾音樂節目, 跟個肥西, 一起做評判.

我介意.

再加上之前推出的歌, 其實很離地, 回家, 早機...

我好想問對方,  過去四五年, 是不是睡著了?  

在破壞自己的回憶.

只能保持距離, 我太概看見未來只會變得更難看.

人各有志, 佢年紀不細, VIU 已冇位俾佢,  佢想繼續唱也大概只能這樣子.

往事, 不要回味, 也不要回望.

真的.

(iv)

15-10-2023

今星期五, 大姐的家傭就會來到.

大概, 歷時大半年的忙碌頻撲折磨勞累, 也會告一段落, 自己可以過回往日的生活節奏, 少見人, 少對人. 可以有回自己時間和心力炒股票.

自己認識到, 有些人會有較多較活躍的家庭緣, 朋友緣, 有些人不, 我自然是屬於後者, 對此已沒甚麼感想, 順其自然不強求就好.

會不會再開始看舞台劇呢? 

唔, 未必. 現在啲飛好撚貴, 只要加上乜乜明星, 不值得. 入去到, 亦應該好容易遇到缺德的死fans.

Skylight 有re run , 當然不是同一個cast.  自己亦已沒了那些年因為劇本一句對白的共情.

若要睇, 我想搞掂依家的麻煩野, 出遠門去睇, 我想去歐洲逛.

今天去探望的時候, 右手比以前有力了, 有一點進展, 所以今日心情還好的, 希望可以繼續好落去.中大校友真係有著數?! 的,  大姐上星期五開始做的中風電波治療, 校友出示畢業證書有九折, 做十幾次便慳幾千.

我想, 我真的不再喜歡陳慧嫻了.

不是對方做了甚麼事, 而是發覺自己對佢已無感.

算不算認清了"自己的感覺"的後遺症呢?

(v)

24-10-2023

早兩日看了斗娜, 重看了三次.

挺喜歡的電視劇, 開放式結局, 但透過剪接, 導演spin 了原著的結局變成happy ending.

很有趣.  要小小思考, 觀察,  自己看了其他人的評論, 也一樣得出地下情這個結論.

現在有的支持論點是每集的片頭的過鐵路軌變化,  芒草的花語是堅靭, 套在那個相遇的畫面, 怎看都是暗示愛情需要堅持, 今次男主角成熟了, 不再是小男孩, 不再軟弱.

斗娜的人物性格設定對感情其實是固執的, 愛上一個人後就很固執不變.    她抽煙, 其實只是感情的寄託, 情感上跟那個單戀的經理人距離上近一點 ;  所以, 啲人話她抽煙動作絕不似煙鏟, 握煙姿勢, 呼煙是口出,不是鼻出的,  很礙眼, 但若套用這個角度, 佢吸煙吸得衰反而更貼主人的性格, 志本不在此. 

抽煙, 其實不止是吸入尼古丁, 更多的是, 吐出寂寥. 

至少, 我抽煙時會有這種感覺, 大半年來, 每當從療養院出來, 都會抽上幾根, 舒吐抑鬱.  吾係咁, 可以點呢? 向誰說好呢?

現實中, 當然不可能大明星愛上平凡人,  但人嘛, 總需要一些童話寄托. 

邏輯計算是好, 解決了前半生感覺錯誤問題,  令內心平靜,  但也不得不承認, 少了顏色.

譬如, 可以想像我將來搬出去, 對面鄰居係suzy, 你話幾好呢, 我日日都過她屋企食早餐, 沙嗲牛麵, 煎蛋, 牛油方包,  熱咖啡, 落雨濕身時, 到我幫她除衫抹身...噢 Suzy luna ...我不想努力了.

劇集內, 挾美人魚公仔不是偶然的,  原來動畫裡, 美人魚上岸後有對腳, 作為交換, 就失去說話的能力, 對照斗娜本人,  當堂O 曬咀.    不看迪士尼的我, 自然不會知, 不過一旦知道, 則覺得那些剪接, 場面編排很有心思.  我發覺我還是很迷這種subtle 的地方.

喜歡主題曲之一的ordinary days,  喜歡到下載了itunes.

感情, 其實只是很單純地想和某個人在一起, 也會感到安心.

她唱到那種感覺.

很comfort, 曾經, 我也渴望過.

btw,  這首歌, 寫中曬我對BP 的感情.

"永無止盡的冬日和迷宮似的內心裡","在像是要塌下一樣沉重的今天和別無所盼的那天", 中啊,  我入坑日是Sarah Ng 的生日, 每年那一天我都變得敏感煩膠, 但那一年那天開始了"是全新的宇宙" , "寄託於你的時間" , 又中啊.

同日,  Jisoo 散拖.

作為粉絲, 倒是相信佢地真係交往過, 內地討論區,  咩合約戀愛, 痴線架咩, Jisoo IG 出一個ad post 收幾錢? 安先生怎俾得起?  Jisoo 亦夠紅, 吾需要這些新聞谷人氣.

所以啊, 只能信真的愛過,  所以她應該有點傷的, 但人總要經歷和長大.

只希望她不要像我以前那麼廢柴, 拖延了很久才清醒痊癒.

但說不定, 二人轉做地下情呢? 

安先生俾人罵得慘啊, 戀情公佈後,  壓力真的很大, 吃軟飯 (俾我食啦, aeon food court 兩餸飯今日啲飯好硬...) , 黏女友名氣先有得去fashion week.

寫著寫著,  倒想起近來,   "她", 這個中文字,  不再是稱呼Sarah 限定專用了.

以前寫女士,  很多時候是有點刻意用"佢"去代替.

她, 只能是那一位.

我以前幾咁ON 9,  諗起都打冷震.

(vi)

3-11-2023

如果走過高高低低的日子, 那些原以為很重要的人, 都不曾出現在那些生活片段裡,  霎時之間便明悟, 他們, 原來已經不再重要, 也不再親近.

不是要計算甚麼,  大家都已回不去了,  各自繼續過活安好就好.

只是釋懷.

---------

世上最討人厭的事之一, 會是曾是過來人, 便對新來者指指點點.

大姐的病情改善空間不大,  自己要小心說話之餘, 亦絕不會說那些"還有左手, 練習一下便沒太大影響" 之類的假安慰說話.

做人的定律是,  "當事人"是永不會覺得他人會理解自己的痛苦,  都是旁觀者, 自以為是的說大道理, 其實很沒營養.

------------

BP Lisa 被搞,  感覺像那裡有事故時,  男藝人都被揭嫖妓事件一樣的套路.

這些事, 那些事,  其他事,  彷彿一直提在提醒自己,  活在這裡只能像畜牲一樣.

很抑鬱.

這樣的書寫語氣, 是不是情緒很平淡, 少了那些胡說八道時的瘋癲味道?

我都有腦, 會用腦思考的, 也覺得這才是真實的自己.   

還好嗎? 今天的妳

 Dear Sarah,

嗯,  又到九月四日了,  祝妳生日快樂 身體健康,  好好的.

這些年習慣,  每年來到這些時候我都會去教堂坐一會, 只是今年比較早, 上月廿九日已去了, 免得正日那天臨時家裡有瑣事去不了.

早些年, 我去那裡是懺悔, 後來應該變成留戀,  到前一兩年趨於平靜, 到今年大概已變成藉口, 只是給自己機會在精神及心理上去透透氣.

今年很多東西都變了. 這幾年在灣仔地鐵站行去教堂路上, 那一間這數年, 每年都會光顧的拉麵店現在已經結業, 教堂也正在翻新中, 只開放禮堂外的臨時空間讓信徒祈禱. (教堂附近那間米星星越式湯河店, 價錢是overpriced了.)

今年的禱告, 有為家人的健康, 也有為自己的工作, 當然依舊有為妳祈禱, 祝願妳安好.

今年閉上眼的時候, 我已放棄去想起妳的樣子, 所以就把高允貞當作是妳現在的模樣好了.

妳們的共通點, 除了漂亮, 長髮, 以及好容易爆裇衫鈕之外, 應該沒有其他. 印象中, 妳的膚色並不是偏白的.

記憶漸漸消散, 對妳的印象大概只剩下美麗漂亮.

都足夠了, 妳都要給其他女人一條生路行吧. 如果妳現在仍然又靚又聰明, 工作能力強, 心地又好, 其他女人怎活下去呢?

三年前, 我剛開始迷BP的時候, 會覺得如果妳已婚亦有子女,  Jisoo 應會像妳的女兒. Jisoo 今年Solo 出道了, 不過妳應該不會老懷安慰吧,  如果有才是奇聞.

我前前後後買了 8 次各種模式的專輯, 有iTunes, Kit, Album, LP, Tag, 早幾日也訂了Photobook.

我也在今年一月BP 來香港巡演時見過Jisoo 真人了. 我能見到Jisoo , 竟會快過再一次見到妳, 那時候滿感觸. 不過何嘗不是一種領悟和提醒 : 是時候了, 時間到了.  

一直以來儲起這些信封郵戳原來已有9 個,  郵費都由$1.7 加到$2.2, 如果明年還會索取, 我可以唱薛凱琪了, "那時候你所相信的事, 沒有被動搖吧"

不想沒話硬找話說, 今年就寫到這裡吧.

真心的, 也很純粹地再次祝願妳, 生日快樂,  身體健康,  今日過得好,  明日也好,  每日都好好的.

祝好.

Cherish 39

 (i)

3-8-2023

今早被巿場CHOK 到沒脾氣, 來到中午才玩手機.

嘩...那時候才知道Jisoo 承認拍拖了.

不知那個男人質地好吾好呢?  周末要多看佢從前的綜藝檢查一下.

有甚麼感覺?

大個女,  拍拖好正常囉, 之前只會擔心佢咁宅, 又那麼提防男性, 好難拍拖或遲婚etc.

Jisoo 已把十多歲至二十多歲最的時光給了粉絲, 錯過青春時期拍拖的時光了, 好多少年男女拍拖會做的事, 都不太可能去體驗.

所以現在其實晚了, 但對此事仍是高興的, 也支持祝福,   雖然不免有點失落.

感覺自己又變回孤獨,  再次剩番自己一個人了.

有了男友, 應該少了時間上weverse  fans 互動,  aka  那裡只會比前更荒廢, 月更變年更吧.

不過這是正常啦.

只能接受.

現實裡, 幾廿歲人,  身邊的朋友拍拖前/ 後, 結婚前/後, 有小朋友前/ 後, 養狗前/後 , 都係咁架啦.

要接受優先次序很後的事實,  不要看得負面,  不要自己跟自己過不去.

況且, 一個人也沒有甚麼不好, 煩少太多野.

也想起, 從前,  遇到自己單方面喜歡了的人, 她跟男伴一起有說有笑, 從最開始的不懂反應, 到好後來, 遇到類似的情況,  表現可以自然一點一樣. 

試多了, 每次雖然總會有一點心酸落寞,  也總會習慣, 不會太難受.

不是說BP 之後, 會找接力女團來追星嗎?

曾說過new jean  , 但後來過了一排, 發覺並不適合自己. 佢地其實冇乜個性, 完全是marketing, 好無聊, 搵朝偉拍MV 都沒改變.  

再看看吧.

Jisoo 隻solo 碟,  買到我都吾記得左有幾多張, 7+,   隻LP 版今周末仲要去DHL locker攞添呀.

所以, 追星真係會破產.

------------

手機很舊沒換過了,  昨天想去換時, 發覺下月會有新款.

冇理由明知會跌價, 又有新款, 現在都去買.

生活磨礪下, 忍耐是美德,  忍吾到就瀨野.

我應該有忍多一個月的能力.

----------

數月前, 有一天情緒不太好,  在面書隨便search 人名, 找到了Michelle 的面書, 當中有幾張public photos.

她有個女兒, 十幾歲了.

外貌輪廓沒太大變化,  只是肥了不少,  皮膚也鬆了,  不過氣息挺好的, 也見到佢丈夫的合照, so,  生活是無風無浪, 感情穩定. 

那些, 是我無法體會的生活, 現在我也不覺得自己會羨慕.  有所得, 必有所失,  我怕麻煩, 怕和別人相處,  我應該不會enjoy. 那絕不是這一刻的我想要追求的生活.

看著這些相片, 我也會想,  呢啲大媽級相片構圖咩事呢,  e.g. 張開口扮吃櫻花.   是自己會嫌棄的類型. 

從這裡, 我又再跳step,  若十多廿年前fast forward  來到數月前,  十多廿年前的我,  還會不會仲咁痴線+ 固執 + 看不開呢?

沒有如果, 也沒有重來.

今年才剛甩到身,  不再執迷,   也沒下次就好.

真係肉赤和高消費, 追女團如BP.

那個BP 手機遊戲,  昆人架, 我課金成兩舊幾水, 都吾肯俾我抽到一張五星美圖卡.

好灰.

更不要提starbucks 聯乘飲品/ 咖啡杯. 

杯雖然沒買,  但那杯限定咖啡----------

好撚難飲,  我一路行一路飲, 一直係到屌.

(ii)

5-8-2023

烋了好多集安生的綜藝, 開始明白他怎吸引到Jisoo.

他不是一個運氣很好的人,  際遇也不算好,  只是這兩三年才算好一點, 屬大器晚成那類, 現在最多也只是二線中間高一些, 未到爆紅的階段.

不過他性格是挺好的, 孝順母親, "我獨  " 他和媽媽的interaction是假不來 (如果他媽媽成為Jisoo 奶奶, blinks 應很放心,  雖沒怎見過世面, 但爽直易相處, Jisoo 不會受奶奶氣, 不過他媽媽應感到有壓力吧, 有這樣的新抱, 應該呢幾日電話要關機狀態, BP seoul encore conert未來奶奶啲票債肯定死梗,  LOL )  ;  他很努力, 生存的智慧/打磨,  令他知道把握機會的重要,  會盡量迎合節目組要求, 是street smart的人, 但亦不是愛說大話, 吹噓的人. 他脾氣挺好, 吃過太多苦情緒忍耐力也很高,  在鏡頭前出洋相了, 也沒怎麼 ; 他不有錢, 但也不自卑,  所以才能跟很多名氣比他高太多的明星做朋友, 平等地相處, 他甚至不介意在鏡頭前說為省錢買特價扇貝來招待一線男團朋友露營. 他興趣廣泛, 雖沒一項屬專長, 甚至只懂皮毛,  所以才會出洋相, 但同佢在一起好難會沉悶.

不知道他頂不頂順做Jisoo 男友的壓力,  人拍拖, 佢拍拖, 佢一日之間instagram 多了7-80 萬個followers, 佢真係要醒醒定定,  咪去夜店.

我現在比較在意的, 是他以前的情史.點可能係白紙一張. 唯有靠d 社出手, 希望不會像金宣虎的情史不幸. 

---------------

到我的年紀, 認識的人病或死都開始多了.

早前, 從舊同學裡得知, 有一位中學同學今年一月底胰臟癌走了.

是沒能及早發現的病, 即出事就近乎沒得醫.

那位同學到走了,  也不曾主動通知過任何一位同學, 提早說聲再見,  自然沒有人知道或出席他的喪禮,  他只曾在whatsapp status 寫了句, " goodbye my friend" , 低調地告別.

看到那個status , 看到私下從沒whatsapp 過,  內心會有少少悸動.

最後一次見他已是數年前,  當時在澳門回來的船上, 撞到他和女友在一起.

有穩定的政府高級工程師工作,  有女伴,  或許其後已婚, 甚至有小朋友, 一切本來可以繼續過普通人所經歷的人生階段.

我跟舊同學說,  如果按對社會有貢獻價值計,  我抵死過他很多, 況且, 我呢啲人, who cares 及記得有沒有存在過?

是很讓人郁悶的消息.

但我這個年紀要接受.

有些人知道這些消息, 會刺激佢地發憤/ 珍惜...etc,  

很奇怪地,  我會更想安靜低調地生活, 到那一天要來了, 也whatsapp status 來一句就足夠了.

大半年沒寫字， 忽然寫番，鍵盤亦變得倒水咁寫，罪過.

沒有忘記呢...

 

這裡已大半年沒有更新了.

正常來說, 這裡寫過的事, 跟自己的約定,  應不了了之.

不過, 沒有.

Anyway,  我還是記得.

給自己拖延症的藉口, 大概是今年4 月底至今, 自己過得很潦倒, 極折墮, 生不如死,  償還從前不懂照顧父母所欠下的親情債.   我今天仍然記得Sarah 生日, 九月將會登五?? , 已算係咁.

家人中風,  自己疲於奔命, 通宵在醫院等待手術完成,  最初一個月連續三十多日,  每天都要去醫院,  做傭人, 做醫護沒空做的事, 做到隻狗--也不如, 餵食 , 手足按摩, 病人鬆番啲手筋腳筋, 但我本人就周身極酸痛,  去銀行霎氣,   硬食病人以及佢知己的發脾氣和無理取鬧,  然後又一個多月每星期數天跟時間競賽,  有時飯也顧不上吃, 股票沒怎專心炒就是了, $$$ 好傷....唉,  一星期有三天時間 "消失" 了,   舞台劇...自然一齣也沒看過.   

直到近數星期, 終於搬去私家療養院, 才能稍稍喘氣, 一分錢, 一分貨, 病人也有回尊嚴. 

我也心知肚明, 當病人出了療養院那一天,  自己近五個月勞累也會一併被當成老馮, 繼續不在別人的piority ranking 裡面.   算啦, 我又吾係貪佢乜野, 如果真係貪, 當初應該...嗯, 說太遠了. 

雖然近數月經歷並不好受, 不過如果問我, 假如她出事, 我會不會願意這樣再來多一次?  雖然知道那是有多折墮, 我想, 我仍願意為她這樣做多一次.

正常來說, 應該趕不及九月初收到紙本收據.  我也不肯定有沒有時間去機構辦事處領取.

現在貼電子收據, 只是想到如果9 月那天, 我忙/累到沒能想起這件事, 至少這篇曾記下我真的仍放在心上.

希望她仍過得好好的, 不管身處那裡.  Happy Birthday,  Age Gracefully.

Epilogue and Move on

 15-1-2023

今晚將會是最後一晚的BP 演唱會了.

已聽了兩場, 符合期望. 當作fans meeting , 見到真人, 感受vibe,  自己滿意和享受. 

她們唱歌啲墊音幾重下, 很多位都變左播 CD.

不過, 也見到她們的好勝心.

Jennie 在第一場有數次刻意加重了聲量,  想突顯真的有唱Live, 見到她性格上的頑強和鬥心, 大概被罵得划水多.

四人當中的 Rose' 在這兩場更多次唱到壓過墊音聲浪, 是真的很厲害和powerful, 也真的在唱live.

Jisoo 表演很穩定, 大部分時間也聽到她唱Live.

Lisa 真的很紅, 跳舞好看.

無論是照片抑或劇集, 韓國明星修圖美顏修得很普遍也很嚴重, 但效果有時候很礙眼, 令人不知是看明星演唱做戲, 抑或看美顏軟件做戲.  我曾經迷過金秘書Rachel Park,  後來不迷了,  除發現佢性情有點假,  P 圖P 太過份成日變臉/甚至變蛇精女外, 也發現零修圖下,  真人應已走樣, 更別提近來分手一事上立即跳船的令人反感舉止.

所以看到Jisoo 那一刻,  總算放下心來.  當然平日海報MV 裡的她的外形是修過的, 但真人樣子也真的很漂亮, 或許未認到MV 海報裡是她,  但她的確很美麗.  只是她並不容易拍得漂亮.  更何況, 追了兩年多BP, 也看得到她真人性格是怎樣, 從那時起,  是會喜歡她的人, 溫暖的個性,  而不止是她的樣貌了.

見過真人後,  Jisoo is still my No. 1 favorite star.

今晚, 是自己選定的BP 最後療程日.

嗯, 和以往不同, 今次是有event driven 的一日, 好像被賦予意義, 就像當初我把Sarah 生日定為BP 入坑日一樣, 顯得工整, 亦多少期待像當初入坑後自己的轉變再次發生.

出了演唱會場館後,  

在心裡落一道閘, 不要輕易動情, 多理性分析少感性.

期望管理. 像Michelle 一樣計cost and benefit analysis. 不是要求別人, 而是計算自己的價值, 自量而不會有錯誤期望, 以至失望.  從前是抗拒這樣的,  現在卻選擇了, 我總算終於肯面對現實.  

要為自己保留一點, 愛自己多一點, 凡事都要有一個停損點.

不過, 每年Sarah 生日, (的前幾個月) ,  我決定還是繼續捐錢拿收據.

除了想主人翁不知情下仍會有她本人 doesn't fucking care 的生日祝福外, 也提醒曾經的自己原是那樣子, 但要說"再見".

Cherish 38

 (i)

23-11-2022

<演唱會>

我買到BP 演唱會票了,  三日三場,  其一場是VIP,  可以去看綵排聽多一兩首歌,  其餘兩場是次一等的VIP, 美中不足是, 這兩場次的座區都是一樣只相差兩行, 不能坐另一區, Jisoo 唱Typa Girl 時會比較遠. 

不過買得到已好滿足, 不能再奢望了 . 搶買的時候, 我不敢亂按/ 取消去揀位 , 因為香港購票系統太廢, 我怕hang 左, 然後被取消資格, 那時便會哭死我了.

買到票那一刻, 開心到會在久違不出聲的fb , 出了一個STORY去炫耀.

至於找卡數時的痛苦,  下月頭才算吧.

之前一直擔心即使是early bird 也搶不到票, 大家都知本地的售票是有多黑暗, 也擔心搶不過內地的粉絲.  大概是這疫情以來, 我會第一次多謝防疫措施, 封阻很多內地想來看的人, 要不然, 錢又不夠他們多, 電腦程式技術更比不上他們, 我是鐵定買不到票的. 

在discord ( 嗯, 是現在年輕人用的討論區 ) 才知, general membership 開始已入極都入不到售票系統, 我會感恩, 我一早成為early bird member, 才能夠買票買得好順, 順到好似以為自己買緊楊千華演唱會一様!! 

(PS 我對那位女士冇感覺,  談不上討厭或喜歡.  只是覺得, 聽聞填詞人 Wyman 麻麻地佢, 那應該那位女士做人本身有些問題,  又不見佢吾妥都係內地搵錢的容祖兒)

有人不滿為甚麼early bird 可以比general member 早一小時購票, 大家會費一樣.

不一樣的.

Early bird 入會時,  個會藉乜鬼都冇, 談不上吸引力,  USD 21 會費,  會送早鳥入會禮, 但搵埋啲DHL 貴價速遞, 收我USD 15 才拿到幾塊紙片. 入會後,  會員專區長期得Jisoo 每月出一篇post 打招呼, 其餘3 人好少蒲頭的. 好多粉絲都說, BP weverse , 其實只係得Jisoo 用.

所以, 會藉USD 21 在當時, 是浪費金錢, 如果未能有購票福利.

所以, 仍肯花USD 21 的人,  是一個篩選,   Probability of (平時也會花吾少無謂錢去買BP 產品) 也很高,  所以給些早購福利也不為過.  

問心那句, 如果吾係死忠粉, 入戲院睇BP's The Movie , 睇完實覺得被呃錢. 

(我覺得那套野堅呃錢, 但不會公開講啫)

又例如,  今年3/ 4?  月 才收到的BP  2022 年 seasons greeting , 你吾係粉絲點會買呀?   你會吾會成年都過3個月, 才想要買今年的月曆?

-------------

買了票後,  八卦看坊間的門票炒價.

嘩, 原來我用左等同  "5萬蚊" 炒價的價錢去看演唱會, 依家我實付 7700 幾,   我真係consumer surplus 賺到笑.

會拿出去倒賣嗎?

不會.

想內心保留一份purity, 吾想下下都cost and benefit,  偶然要不理智, 任性一下.

況且,  如無意外, 應是我最後的機會看佢地演唱會. 一來佢地都大了, 會有新的追求, 二來就算繼續唱下去,  沒了早鳥購票,  那時候, 我不覺得我仲可以搶到票囉.

要珍惜, 所以我才好肉赤,  但仍捨得買那麼貴的票.

有不相熟的朋友 ,  原來也想看但買不到.

我會想, 如果當初知道他想看, 會不會幫他買?

想深一層,  你估佢想同我一齊睇BP 咩? 睇咩都吾緊要, 同邊個睇才重要. 我估佢想同佢男友一齊看囉.

現在會不會轉讓自己的票給他?

不會.

現在是電子票, 好像要核對身分, 即我吾睇, 都應該當天要去亞博幫佢驗證入場.

亞博喎...咁遠...九流流來回幫個男人入場.

我想, 理論上,  在這個宇宙, 大概只有Sarah, 才令我願意入亞博,  並且轉讓埋張VIP 票讓她看埋綵排.

我當然知自己諗多左, 根本不可能再見.

而她亦怎會有興趣看BP?  她甚至大可以說, " 我就是Blackpink!! 我睇番自己就得啦"

問心那句,  如果你吾係BP 粉,  BP 演唱會其實係冇野睇, 吾值得俾咁貴既錢去睇, 睇youtube 已夠.  

香港演唱會如張學友, 容祖兒, 鄭秀文那些,  華麗舞台設計, 演出時長, 嘉賓,  表演歌曲數量,  都是緃壞曬本地觀眾的.

----------

一月希望順順利利看得成.

看過BP 演唱會後,  自己好像又向前行一步.

You never know how much BP means a lot to me.

入坑日是見證自己的新生.

(ii)

5-12-2022

<不要抱怨>

今年新年, 居住的屋苑因為被圍封, 所以要困在家中.

那天是大升巿.

今天也是大升巿, 屋苑沒被圍封,  自己卻竟中了.

星期五中, 一直以為冷親,  第一次驗也沒事,  但到星期日卻驗得出.

我到現在都不知道如何中了.

上星期, 我還是老樣子一個人在人流少的時間吃飯, 不搭枱, 不坐多人的地方.

好無奈.

我應該係倒數最後數星期因健康碼被禁足的人, 若以內地的節奏標準.

發病發燒固然勁, 但卻覺得比打第二針疫苗針沒那麼勁, 沒那麼傷.

只是咳比較厲害, 有咳痰咳出血絲出來.

也是小事, 吃些藍絲認證的蓮花清乜, 就好很多.  隻藥丸個名係衰, 但真的有些少用.

弄成這樣子,  訓得太多,  人仍有點不清醒, 今天開巿準備不好, 做得不好, 只是也不像有些KOL有表演慾去做淡罷了.

不過開巿前, 我亦跟自己說, 不要抱怨, 沒人說過可以公平競爭啊, 只能夠平靜地去面對.

-------------

若不是家中有人是公務員, 我被侷住去申報,  我是寧願自己呆在家中, 好番冇事就算.

仲可以出門倒垃圾, 偷偷落街買外賣.

現在, 好煩.

多左30幾枝測包仲吾發達?

頂你...我送曬俾你, 你同我撩曬佢.

現在政府真係吾當錢係錢, 只求吾好有錯.

---------

知道自己中了後, 除了告訴家人,  也只跟在星期五短暫見過的朋友單聲 ( 我提過你我中左, 你驗吾驗係你既事) , 之後保持低調, 不想別人知.

一來, 已太平常.

二來, 真心覺得自己黑仔.  我這種社交自閉的人都中... 面書那條友村屋成幾圍枱BBQ 打邊爐卻冇事.

三來, 你可以期望其他人說甚麼呢? 

-------------

話時話, 好彩冇睇舞台劇咋...

我見識的人星期六一次過睇 天下第一樓,  12 怒漢.

同一日睇, 好合理呀.

如果我都係咁...就...同所有人共赴黃泉.

(iii)

13-12-2022

<後遺症>

中招後, 的確是有後遺症.

咳到甩肺是最低消費.  在現今的環境下, 咳是罪, 會被人藐.

家人甚至會在自己復陰後, 仍在家中戴口罩,  歧視到一個點.

抱怨是沒有用,  聽了工作室的師奶阿姐推薦, 在藥房買了一打泰國製的 "五蜈蚣標丸",  個名幾得人驚吓, 但把藥丸子唅在口裡,  真的止了好些喉管痕.

至於腦霧, 好像有一些,  昨第一天回工作室 ,  是的, 由2日發燒起計,  我被玩九了十日才兩日轉陰,  精神有點不濟, 很容易累,  轉數也慢了, 最後不得不停止交易.

大概八九日困在房中, 氣血真的行得差了好多.

只好, 多做運動.

btw, 放監第一件事, 是報復式食炸雞.

這些天來, 接濟的物資是蕃茄, 菜,  提子, 蘋果,   一條毛的肉也沒有.

吃齋吃到我瘋了.

咳的時候, 狂食炸雞,  怎會好呢.

我心情好才最重要啊.

下次, 如果家裡有人中,  我死都不會申報是密切.

(iv)

26-12-2022

<改過自身>

還記得今年初的歌迷會燒烤, 因為自己搭小巴過了站的越急越亂, 結果下車時遺失了身分證, 八達通, 信用卡.

事後的收拾工作仆街到一個點,  又要補領身分證, 取消又申請信用卡.

不用明年今日,  未見你一年...啦啦啦.

就在今天, 歌迷會又一次燒烤了, 地點就在年初的燒考場隔鄰.

用到濫的成語, 痛定思痛. 

(我發現現今年輕一代不愛用成語, 那好像顯得老餅如用Facebook. 以及他們的思維是, 啱既野洗乜下下抬個孔子神主牌出嚟撐場? 那跟以??博士銜頭出來行的撚樣冇分別 --- 這是我appreciate 現今年輕人的其中一個地方 )

不再把八達通, 身分證, 信用卡綑縛在一個小銀包裡.

有兩張八達通, 今天隨身只用結餘70 蚊的用來搭車買飲料 ; 平日用有幾百蚊增值的那張就放入銀包, 不隨便拿出來. 若再仆街, 丟了八達通也只輸120 蚊.

分清重要次序,  過左站咪過左站囉, 使死咩.  

月頭中左covid 後,  一直都想在郊外走一走, 活一活氣血, 所以我今天亦提早出門, 搭到總站, 所以不存在搭過站的問題.

有時候, 我都懷疑自己是不是土生香港人,  我之前其實未來過船灣淡水湖水壩.

嗯, 咪又係咁. 好多人.  

散步折返燒烤場,  沿途好多後生女著瑜珈服踩單車, 線條真係幾fit 好養眼 , 但亦見到有一pair 情侶踩2 人單車, 我見到男人吃力地踩著, 女伴身型如肥媽/ 女摔角手 "穩重如山",  我會慶幸自己憑實力單身?!

趁著還有時間,  走入燒烤場旁邊的小路走近海邊.

一個人驚吾驚?  

又不用驚,  數年前多次在大埔鄉郊看劇,  發覺只要你只行泥路, 吾好行近啲狗的勢力範圍, 又不用太驚既.

意外地, 發現這些畫面.

好過去水壩.

(v)

2-1-2023

<New Year>

已幾十歲人, 來到1月1日, whatsapp 都剩番1 / 2 個群組會講 "新年快樂" 的階段.

畢竟, 大家都幾十歳人了,  早啲訓好過啦, 仲倒數, 吾夠訓, 塊面水腫吖.

目標?

1月1 日前,  曾再諗過要減肥, 節食.

但當日朝早, 自己已一個人走去飲早茶, 食到好飽,  然後回家訓覺, 煲劇,  完.

運動,  有拉筋囉, 叫做吾係totally failed.

不過一樣野倒是真的,  今年吾好浪費時間, 把運動放在更高的優先次序.

----------

IU 和李鍾碩在年底前被狗仔隊揭破蜜運中. 

好少人會吾替IU 高興, 因為佢的公眾形象太好, 我都會祝福佢地.

但話時話, 這一對認識已久,  但卻要時隔多年才展開戀情, 真的又一次示範了 "命運", "緣份天意", "在對的時間, 遇上對的人".

吾係你喜歡一個人便魯莽地 "順心意".

同炒股一樣, 若冇買入訊號都夾硬做, 坐又坐得辛苦, 最後仆街機會亦90% 以上, 何必呢, 施主.

這刻的自己, 好像沒有前幾年咁偏激 (?!).

稍稍回想( 但亦不會過多, 因為過去已過去, 多想好無謂) 自己的黑歷史, 那年的自己, 真的很不成熟.

並不是又在後悔, 而是,  正確的答案應是李鍾碩那樣.

感情既野, 好像同炒股一樣, 冇得夾硬嚟, 要順勢, 夾硬嚟都係輸錢收場.

如果時間重來,  即使沒表白,  也等不到李鍾碩式奇蹟, 但亦都保留可以叫她一聲 "岳母大人!!!" 的希望. 

諗落真的很吸引, 娶到個像Sarah 那麼漂亮, 但後生幾十年的女人.

-----------

剩番十幾日,  吾會咁黑, BP 的演唱會腰斬告吹吧.

那樣子,  我見到Jisoo 的時間, 還快過再見到Sarah,   given that 未來還會遇見她.

幾年前, 誰會猜得到?

所以, 真的是無緣.

這刻情緒很平靜.

-----

Jisoo goes solo finally.

really glad to hear that on the day before her birthday.

(vi)

5-1-2023

明天是星期五,  演唱會票亦收到了.

即是,  還有一個星期, 有很儀式感似的,  自己的Blackpink 療程也會完成.

我真的很期待.

我沒忘記當初為甚麼入坑Blackpink.

-------

我開始追Newjeans 了, hyein 會是當中的bias, 也告訴自己, 今次聽就好了, 不要買一大堆明知呃錢的merchandizes.

是必需的, 不要死心眼只鍾意一個女團, 這是自己曾對自己的的承諾.

怎麼不是ive , 不是buy 安瑜真嗎?    這小妹妹我真的很buy,  gaeul 都愛,  lesseo 和我同月同日生, 跟Red Velvet 既Wendy 一樣, 天然命運共同體 !!! ,  rei 也很cute 呀,   但IVE 間唱片公司真係一個好十九既暴發戶, 前世未捧紅過一線女團咁, 現在有了, 就驚死錯失機會,  企劃慢慢做得好差, 淨係想搵錢, 霸曝光率,   wonyoung 啲行程, 我覺得佢變左社畜,  我不覺得女團可以走得好遠.