Voyage 58

(i)

20-10-2018

看了面書當年今日, 才留意到今天是見到她的第五年.

有甚麼感想?

她究竟用那一套護膚品, La Mer, La Prairie, Dior Prestige 還是富婆名媛 best kept secret, 我未聽過, 也不懂讀的品牌名字? 有沒有打羊胎素, 做醫學美容 ?

她可是青春常駐,外表比五年前還要年青.

怎不令人好奇怎得做到.


她現在的樣子比起 Legal V 裡的 米倉涼子還要年輕, 但實際年齡卻大很多.

可見總有些人的外貌凍齡, 是天生的.



(ii)

20-10-2018

新垣結衣在第二集還是很OL 中女, 服裝打扮仍然很cool.

"國民老婆"不是白喚的.

劇集裡, 小鮮肉廢青, 因為新垣結衣的存在和鼓勵, 才有了重新振作的動力...

我都有架...Rachel 囉...



原來劇中的新垣要咁溝的...首先成為同事, 讓慢熱的佢跟你熟落...

等佢了解你為人...

平時得閒飲酒食飯, 講佢男友乜乜乜, 講你女友物物物, 讓佢放下提防戒心.

慢慢友達以上...

到機會來了, 就戀人可滿.

像種樹一樣,  要有耐性.


(iii)

21-10-2018

太古康怡是劣食天堂, 基本上沒一間pc 值是令人滿意的.

點解冇pret a manger, 我到現在都吾明, 你吾係叫我去Pacific coffee 買嘛?

最近在ztore 看到有微波爐叮飯售賣, 本想買些再加些配菜當午餐.

至少正常, 不會感覺似吃劣食...

(那間美心的早餐和晚餐, 非常拿西, 啲汁pat 上啲飯度, 斬燒味骨碎又多//茶餐廳叫煎雞扒飯, 是俾豉油撈汁的...)

怎料來到最後一步, 是不寄送儲物櫃的!!!

很令費解...又吾係大件, 又吾係買吾夠二百蚊...

後來,  在AEON找到現成的.

今早一口氣吃了兩個...(吾開巿就好容易感到肚餓...)

蟹醬拌飯...麻麻地...都係醬油蟹啲汁好食好多.....我想去韓國!!!!!!

那個魚柳...都一般...油浸汁處理很麻煩...吾小心淺到工作室地毯就hihi了....不是好選擇.


咁日式漬物...

口水流...

(iv)

21-10-2018

每次聽, 都會有眼淺的感動.

想哭, 但哭不出來時, 是很好的安撫.

有點可惜, 當年學色士風時, 還未學到這首已停學.

那時候, 便好像因為聽過這個版本, 走埋去聽 Itzhak Perlman在港的演奏會.

https://www.youtube.com/watch?v=dwGmHZ8XgeU

有人comment 應有鋼琴伴奏會好啲...

不過小提琴為主也不錯啊...

悲傷從來都只能一個人獨自承受.


有心事?

冇事發生, 我又冇溝女, 現在搵個FF 對象都難, 聽歌啫.

 -------------

看偶像貼了內地演唱會大合唱" 與淚抱擁" 的視頻.

發覺自己已沒有動力跟著唱 "原諒我...原諒我..."

曾是自己很喜歡的歌啊...

大概, 這幾年的經歷, 明瞭有些事, 不是祈求原諒,  想得到別人原諒, 便能可以.

很灰?

也不是的.

學會接受, 也是一種積極.


(v)

22-10-2018

是事業上軌道後才去想離家出走, 還是現在就做?

今天因為要逃離, 儀容也顧不上.


是越來越惡頂, 還是自己的容忍力少了?

很影響情緒和工作.



-----------


看新聞報道, 有銀行職員在內地被拉.

希望她只去日本, 歐洲, 美加, 甚至幫襯Elon Musk上太空, 也不要回內地.

平安就好.


 -----------

郭姓富豪 離世,  報章刊了佢太太的照片.

不知怎的, 會想起她.

當然, 郭太年紀老好多啦.

不是結婚, 丈夫, 生仔乜乜乜...


我知衰就不會再講.


而是, 那份貴氣.

嗯, 應該冇人會明我講乜.

要曾見過她真人, 才會明.

--------


做乜今天成日提起她?


寫完, 人好像正能量一點.

(vi)

23-10-2018

辛苦了.

早日康復.

旅途平安, 順利.

回來後, 好好休息.

她要好好的.


(vii)

23-10-2018

是呢, 差一點忘了這件事.

天天被虐待, 怎會記得起要去台北看劇.

https://oa1.immigration.gov.tw/nia_acard/acardAddAction.action




(viii)

24-10-2018


開心了幾個鐘...

原來記者報道錯誤!!!!!

點解呢啲野都可以錯呢?

想來, 也是的, 若是真旳, 台灣怎都會開記者會, 也不可能是獨家報導.

唉...


-------------

又一個被巿場虐待掌摑的一天, 連續第三日.

做完好, 跟住淡, 好, 好, 好, 淡, 淡, 淡...

好容易痴線.


都好既, 過程中見到改變...

吾好再衰手多就是了.

若能挨下去, 真的有自信可以生存到, 咁整我死吾去, 仲有甚麼可難倒自己呢?

 雖然很辛苦.


--------------

有要求的女人, a.k.a. ( 麻煩奄尖的, 當然冇那一個女人會自認) , 所用的東西都是精品.

未必貴, 但一定實用.

偶像, 是女人, 佢當然也不會自認麻煩奄尖有要求.

但看到佢推介呢隻潤喉丸...



不由得想起她.  (她會不會自認呢?)



大概工作壓力太大頻處於爆煲邊緣, 香港的空氣也差,

她好像挺容易生病, 特別是與喉嚨有關的.

不知她有沒有也吃這隻藥丸潤喉?

有沒有吃都好,  要好好的.


https://www.de-ane.com.tw/product_4456.html

https://www.de-ane.com.tw/contact.html

https://www.de-ane.com.tw/common_1.html

(ix)

24-10-2018

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

點解我吾記得填報稅表

要罰錢呀...

頂...


(x)

26-10-2018

今天很累, 累到寧願中午出去吃飯, 也不留在工作室做review, 也沒有怎做trade (太累, 就吾好做, 呢啲學費學番嚟...) .

 鬼咩, 近來花了很多時間去鑽研新 pattern, 到終於有機會實驗落注.

昨晚忙到直到半夜,  那時 OK...夜晚三點醒來, 都還OK...


點知五六點醒來...

仆街吖...



遺漏 AMZN , GOOGL 呢件事...

我知衰硬...因為昨日諗賭內房定賭 700, 我揀700...


早上AO 時段, 頂住個價...頂住個價....內地官場潛規則, 你吾俾領導先走, 都要俾我走.

微蝕離場... (遲買, 因為要沽衍生工具, 轉番正股, 寧願細細注, AO 有得走)

有點想吐血, 係囉,  早知賭內房咪冇事囉...17/8/2018 都講左係咁...

2007 亂9 咁挾...痴孖筋...


新嘗試失敗, 未至於沮喪...

咁都沮喪, 呢幾個月我死左好多次.




看開啲啦...

下次, 都係用期指算...

期指都吾夠有效率.

IG 期貨係咪真係得架...身邊沒有朋友炒過.



總之, 不要讓自己停下來, 要不斷進步.



很多上年紀的人, 像活死屍咁生存,  不接受新東西.

我真的不想做這種人, in case 我有咁長命, 雖然好難...我日日都過著打電競的人生.



--------------------


如果, 你問我, 想要一個倒模 人氣AV女優陰道的飛機杯,  定要一條瑜伽筒 ?

我一定會揀瑜伽筒...


近來, 臨睡前, 例如昨晚十二點半, 躺在床上用瑜伽筒鬆弛 頸肩, 背, 後腰, 小腿, 膝頭附近, 大腿側....

瑜伽筒那些凸頭, 壓在肌肉上, 這時候我才明白, 我全身都係 G 點!!! 全身都係敏感帶!!!

我是天然性餽饑渴!!!

當然高潮就冇喇...但很痛.

痛完的暢快和肌肉放鬆, 條頸, 全身肌肉不會再扯住扯住, 卻很值得.

很爽.



有冇咁誇呀?

吾信你就今晚臨訓前, 用瑜伽筒放鬆肌肉啦.



聽日要早起床, 看成個星期沒看過的日劇.


(xi)

27-10-2018

忙了一個早上, 總算開得動desktop 電腦.

近來, 它總是無故忽然hang 機....

昨更在夜間十點幾那時...呢個鐘數...會搞到我好驚神經緊張.


不想現在去換電腦, 因為要花錢.

搵錢好辛苦架...成日被人虐待.

今早試了幾次都不成, 本打算認命.



拆開機箱...發現啲塵多到hihi...

令我不由得去想, 吾係啲軟件,硬件壞, 而係部機太 L 多塵...


結果, 真係咁喎...用吸塵機及小掃把清潔完後.

點解房間咁多塵呢?




點都好, 本來要使錢, 現在吾使...都開心...


但係, 都係做番 backup 穩妥, 部機太多historical data 數據.


用laptop 咪冇事多, 就不會有塵.

我有laptop, 仲好新....

不過laptop係頂吾順同一時間run 幾個報價系統...駁幾個屏幕.


我真係似用電腦嚟打電競.

-----------------

近來面書啲人好鍾意玩3D 相片.

但拍來拍去, 都係拍室內環境,  貓貓狗狗呀...

冇人拍泳照...

好奇怪...

定係...點3D 都 3D 吾到?




------------------

如果, 新垣結衣係我女友...

我點都吾會俾舊女友賴死在家中...

咪住...

舊都冇, 仲諗新的?

看電視嘛...

脫離現實嘛.


(xii)

27-10-2018

自閉孤僻都有好處.

至少我吾會中呢啲騙局. (我覺得自己英明神武!!!!)

因為, 我連交友app 都冇...(自閉程度令人髮指!!)

話時話...以前我吾敢講, 但到了現在, 若我真的交友APP 識到條女, 並遇到呢啲情況.

我第一件事就撇啦,

屌...張profile 相和真人相差咁遠...

warning alarm 響爆喎, 仲吾走仲吾撇呀...

仲點會食飯呀...

ON 9 架咩.

咁都俾人呃, 抵死啦. blame the victim.



若再串啲, 應該同果條女講, 你咁樣衰, 我食吾落, 走先.

嗱...若要串,

首先, 自己交友app 張profile 相吾可以個人樣貌, 費事俾人起底, 我仲要叫Leon(朴敏英隻狗個名)

第二, 手機最好有個專門交陌生人用途, 上台計劃越短越好.

第三, 吾好帶咁多現金, 信用卡要最低額度那張, 挾我, 冇錢, 你可以點屈...



btw  若要我瀨野, 都吾係冇可能既.

如果有中女港女, 生得似我以前喜歡的人, 有同樣的樣貌氣質,  咁我應該會中伏.

仲心甘命抵.


我吾駛佢一晚走十一轉呃11個毒撚跑數添呀.

我一晚就同佢食11次!!!

"在每見到你的每一個瞬間, 我的世界就會重生, 有了光彩,

我的心因你怦然跳動, 就似鬼怪在加拿大楓樹下見到池恩焯時被愛情的萬有引力牽動.

噢, 這就是我的初戀.

我愛你無限次, 而今宵你給了我初戀11次"

一夜初戀十一回!!! 多過四仔一日十回射X不止系列 1 次添呀.


也勁過愛字系列的港產愛情片, 鄧麗欣方力申都要行埋一邊.



同埋呢, 愛情呢家野咪好興講, 在對的時間, 遇上對的人既.

遇到對的人, 咁一晚嚟11次, 怎都會可以有一次時間地點是對的,

做到啲野, 令我的中女港女impressed.


所以, 成單新聞, 只怪那間cafe 吾識包裝, 吾識巿場營銷. 若包裝成"初戀無限次"的練習培訓課程, 就吾會出事, 分分鐘我呢啲毒撚仲可申請"持續進修基金" 向政府claim飯錢, 大家win-win呀.

咩啫, 乜乜投資教育班都收幾萬啦...家下香港出生率低, 搞呢啲課程, 犯法呀...好過啲錢倒落去填海呀.


但邊有可能呢.

我以前喜歡的人的類型的中女港女會做這種事.

雖然, 我好想咁樣被呃.

她若肯搞呢啲生意會有多好呢.

唉...


btw 2  話時話, 港女係有錢過港男好多!!!!

咩中女港女俾人呃親, 就幾十萬,幾千萬上落, 仲要馬來西亞, 中東國際級大製作.

港男毒撚, 呃得咪一千幾百...

你話灰吾灰? 所以好多年前, 有條港女話有樓有高潮, 呢個是真實, 中女港女和港男毒撚的層次都好吾同.

btw 3 openrice都幾仆街喎...啲水軍.

47 個正評!!!

Voyage 57

(i)

7-14/10/ 2018

在公園裡散步時,

我在想,

我為甚麼心虛呢?

她又不知道這裡, 若知道, 也應該一早直接無視, 所以也不會看到.

你當她很得閒呀?

她的時間是每秒鐘幾千萬美金上落.




不過,我曾經祝福她和男伴乜乜乜....也因為她身邊有男伴, 便以為她拍拖物物物...

她口中感到生厭的那類人...正是說自己這種人.



早些天, 更想到她婚後高齡產子的問題.

(雖然重點其實只是想說她和林青霞一樣美麗和優雅.)


試問, 叫我怎不心虛.





我可以怎樣呢?

(1) 可以停留在舊日的迴圈模式去辯解.

譬如: 

i)  我 check 番以前寫過的文字,  我都吾係寫得好密啦, 只係呢排多少少. (隔幾月一次吾夠煩呀?).


ii) 記得以前她已曾說過不愛被問戀愛事,  我在這裡也便不再說下去.

後來, 我察覺到她的喜好習慣變了,  以為隨著時間, 或遇到合適的人, 她的心態變了, 現在再次拍拖交往.

所以才祝福她, 遇到一位好的, 並覺得若暗地祝福她, 這樣子, 才是支持她, 順著她的意願.

點知...

iii)  窈窕淑女, 君子好逑, 像她般的女子, 很吸引和美麗動人,  總會有好多男人想追求, 她若有伴侶了, 有甚麼好奇怪?

你估她是我嗎? 我只會被友儕當成恥笑的話題. 




 大概, 正常人遇到這樣的情況, 若想辯解, 都會這樣子吧.

很公式化的辯解模式.

感到抱歉,  承認口多亂說話, 也是出於誤會的原因, 不是存心惹對方生氣.





若反思停留在 (1 i, ii, iii) ,  自己和以前那個自己並沒不同.


其實, 這樣子辯解沒有人會真的想聽, 若聽了, 也只會更冒火三丈.

況且, 我不是彭于晏,  那就更加不會有人想聽.



辯解仍是諉過於人, 並沒深徹檢討反省,  只是把問題推給"誤會", 並有暗示對方製造誤會的嫌疑, blame the victim, 聽的人不更加生氣才怪.




可以怎進一步檢討反省, 做好一點呢?

i)  劃下界線原則, 將心比己.

這些感情事, 何時何地都不要亂講.

她的感情事, 只是她的事.

到那一天真的來了, 鐵證如山, 譬如, 看到她在地鐵車廂裡和別人激吻, 到時我才再暗地裡祝福好了.

平時, 若見到她身邊有伴, 不要再亂猜亂估, 當作透明.

離遠看她又漂亮了, 氣息好, 那就好.

ii)  不要那麼閒, 閒到會亂估亂猜她的感情狀況.

若自己的生活正正常常,  又怎會閒到八卦別人的感情事?

iii) 八卦是人的天性, 真的有那麼一刻忍不住八卦亂猜, 也只留在心裡, 不渲於口, 表情以至文字記錄.

iv) ....

v)....

....

是未完成的.

心知還會有更多, 只是想了一周, 還是想不出來.

問題從不在她, 而是在自己.


從一而終, 我只想, 她好好的罷了.




怎都好, 即使她從不知道, 雖然問心, 真的不曾出於惡意.

暗地裡還是想跟她說聲 "抱歉"

當然, 不會再亂諗亂講.


-----------

想了一個星期, 也只寫得出這堆字.

好像曾經有認真反思檢討咁.



不過, 自我中心的人如我, 是看不出這堆字的盲點, 甚至錯重點在那裡.

自我中心的人, 又怎看得出自己是自我中心?



(ii)

14-10-2018

明天又開巿了. 

回到被虐得很慘的世界.

累到, 家姐周五喚我去食飯, 也只想回家煮公仔麵,  多一刻冷靜下來, 獨處的時間.

人變得繃緊, 很容易爆炸, 對其他事愛理不理, 也很容易累.

譬如, 周五收巿後下午茶, 整天沒吃過東西, 等了20分鐘茶餐還沒來, 便忟到在沒有人為意之時 拍枱之類.


明天都要進步.


(iii)

14-10-2018

炒股票就算多難都好, 也不及上處理人情世故的難.

不是說心虛的事, 而是另一件事, 倦到不想寫.

就這樣算吧.


逃避雖可恥, 但有用.


(iv)

14-10-2018

近來沒有韓劇想看, 反而轉看了日劇.

有新垣結衣的中女劇...社畜的生活....

OL啊...中女啊...我以前喜歡的人若穿這些OL 衫, 會穿得更上鏡更有風格, 更有氣場.

(咪玩啦, 新垣雖演銷售助理, 那些衫, 我人格保證件件名牌, 配得起以前喜歡的人)

我的日系 FF 又開始了...


也看了織田裕二和鈴木保奈美的新作.

鈴木真的keep 好好, 所以女人保養, 除了要顧住塊臉, 雙手, 頸也是很重要.

一點也不似52 歲.

https://www.youtube.com/watch?v=CRSOTjoLVuo


(v)

15-10-2018

將來, 我要溝條中女港女, 呢個係溝女恩物, 會係我的殺手鐧之一.

好過送花俾條女....pandora 佢地又已有大把...

(記得以前在中環番工時, pandora 廣告多到呢)

條中女會覺得我係一枚文中...鍾意讀書...鍾意讀劇本.

嗯...我應該配番一副金絲框眼鏡...(喂...好老土喎..阿伯...仲金絲眼鏡...)

 到佢問起點解送呢啲俾佢時...

我就會話喇..." 書中自有顏如玉"  (陶傑才子腔)

所以呢, 香港所有年輕編劇都吾夠我老作, 佢地該慶幸我冇轉行同佢地爭飯食.





btw 千三蚊一年, 平均一個劇本百蚊...已包郵費....

其實吾算貴, 淨係吾知收到咩劇本番嚟.

應該總有幾件豬骨頭架喇....

吾通下下俾最好的你咩.

你平時睇開 Gay V, 都吾會個個男優都係彭于晏啦...總有幾件係林雪.



但係, 若有閒錢, 倒還想試訂一年.


因為, 買的其實不止是書, 還有是佢地個招牌代表的 taste.



吾知點解, 若放在香港, 成件事便變質, 用來搵人笨柒.

大家都想用最短的時間搵最多的錢, 然後著草離開.

招牌, 品味, 怎還顧得了.

(vi)

15-10-2018

大姐說在工作室留了一個飯盒給我。

中午打開雪櫃，我卻見到有兩個飯盒。

我不由得糾結該不該問工作室裡另一位阿姐，那個飯盒是佢的。

畢竟大姐在工作，不好打擾。

#雖然老婆同女朋友，永遠係人地嘅好，隔離飯始終最香，但食錯人地個飯盒會很𤓓

#吾知自己食邊個飯盒都很𤓓

#明明有飯盒都冇得叮來食，是第三𤓓

#怕臉懵性格決定冇飯食 ​​​

最後呢，我等那個阿姐食完，我才去叮我那個飯盒!!

是我這種人的解決方法....

幾好食...炆五花腩.

(vii)

16-10-2018

地鐵大混亂的一日。

一直以來，我都是搭地鐵返工，今日還是第一次坐巴士。

無知啫，吾係離地。

比平時用多90分鐘才回到工作室。折騰了這麼久，很多原本要做的準備都沒時間做，是有點無奈。

要諗諗下次怎做兩手準備。




我在北角定炮台山影，等車的乘客多到似屍殺巴士。

做香港人好難會開心。

想來，自己也算好彩吧，已等了10 分鐘地鐵，列車還沒來，但人群卻已逼滿了大半個月台，想到若在金鐘更加死硬。

結論是怎都不會上到地鐵，於是出閘改搭巴士。

巴士是美孚開的，途經工廠區，所以來到家附近時還大半空座，我還可以坐上層座位，還不算辛苦。

巴士來到旺角， 已開始不停飛站...

聽工作室裡的阿姐說放工時間地鐵預警可能又出事，於是收巿後寧願早點走及搭巴士。

回程是正常巴士的行車時間，比搭地鐵要花多半小時以上，因為沒有飛站。

所以，還是繼續搭地鐵吧。

況且，搭地鐵若嫌附近講野吵，還可以去另一車卡。在巴士，真的要全程硬食，這是我很不喜歡遇到的事及不愛搭巴士的原因，特別是早上人還沒有完全清醒，有人在附近大聲講野，很討厭的。

 ----------------

 如果, 女人的小情人係鑄鐵鍋

我家姐應該ok呢個只用了一次的staub鍋, 佢又多了一個小情人了....

不過重點其實是照片裡隔離斷了手抽的紙袋

我頂佢個肺吖!!!

咁多日吾壞地鐵，偏偏㨂今日我拎咁重野先壞!!

今日出門後才知壞地鐵，等吾到地鐵再等巴士，仲要係咁落雨拎住咁重鐵鍋，臨落車仲要斷埋手抽...

呯!!!!  成架車都聽到!​​​​!

看空姐ahyo 的IG , 佢個女的玩具,  我才知道現在的小朋友煮飯仔玩具都很pro, 有鑄鐵鍋!

玩具商好機心, crossover 廚具商設計玩具商, 另類洗腦.

從小灌輸, 買煲, 一定要買LC (?!) ...

吾知幾時crossover Pandora 首飾 呢...



唉....現在的小女孩從小就玩鍋, 都吾會玩Barbie 和John 的拍拖結婚生仔遊戲....

男人, 未來仲邊有訂企...


都係既, 男人未必可以一生一世，但鑄鐵鍋若保養得宜, 卻可以跟一個女人一輩子!!!

又吾使煩 (吾係怕) 男人出去搞三搞四,  鑄鐵鍋會煲三煲四咩...

又吾怕男人到中年, 那裡硬吾到吾用得,  鑄鐵鍋就幾時都咁硬喎...

你話呢, 女人要個鍋係咪好過要個男人先....

鑄鐵鍋, 是現代獨立女性的不二選擇.


 
現代的女人的安全感來自佢有幾多個鑄鐵鍋...

令我都要成為像鑄鐵鍋般的男人, 目標遠大過成為孔劉!!!

以後, 若有人問我有幾了解女人, 說我吾明白女人的心理, 我識條鐵咩

我可以反駁, 我就係果條鐵, 仲要係一生一世的鑄鐵鍋!!!


中女港女啊... 嫁俾我吧,  我想成為你一生一世的鑄鐵鍋...


(viii)

17-10-2018

差不多十年前見過佢.

當時佢經常做免費講座, 講當時大部分人都吾知發生乜事的衍生工具爆煲觸發生的金融海嘯.

又會搞慈善活動籌款, 幫助貧困家庭和小朋友.

形象很正面的.




想不到近來在媒體看到佢, 已成為乜乜會的副幹事, 去sell 那個豪賭填海計劃.

有點諷刺的, 當年知名度提升是靠講解 hidden /unmanageble financial risks , 現在卻在sell 這個 irreversible 的豪賭賭局, downside risk 似乎還沒有人估算清楚, upside 則是繼續盼內地人來香港買樓, 頂住樓價靠賣地回本.


不知道, 佢係真心相信呢個計劃, 還是, 埋左堆後, 身不由己?

抑或由此至今, 都處心積慮, 戴假臉, 行善只為更大的目標野心?

我不是佢肚裡條虫, 沒有立場.



識人比懂做事好, 是這個社會的法則.

就是關係帶來幫助不少.

面書裡, 識到幾百個朋友, 甚至過千的, 其實很厲害. six degree of separation, 隨時和維尼熊個女都可以扯上關係.

識朋友, 要花時間和精神的.




走入建制後, 不得善終的, 像昂山素姬, 現在個朵臭曬.

你估佢吾知羅興亞人屠殺, 咁搞法後果好嚴重, 但身在局中, 想做的事還未完成, 只能成為敵對軍人的擋箭牌, 成為遷怒對象.

 

這是走入建制, 想從內部改變的風險和代價.



被同化 /  被建制用來整臭, 名譽掃地 / 抑或帶來改變, 真的不好說.



但若冇軍權, 冇財權, 若想改變, 不走入建制, 又如何?

我沒有立場.



話時話, 777 現在都不似佢平時的作風...別忘了, 佢一向好打得的形象, 在處理政務上, 很有計劃準備周詳的樣子, 點會似現在乜撚都吾知咁, 出來sell.

就似我地呢啲小薯, 上面夾硬俾舊屎落嚟要你sell,  於是殆工式求撚其sell 的樣子.

我試過sell, 但出面啲客吾受...吾關我事, 你有本事, 你搵人sell 囉...

像借輿論逼上面知難而退咁.

我地呢啲人則成為操縱煽動的工具.

即使明知如此, 我地又可以吾俾反應咩?

做香港人令人好抑鬱.

btw, 好痴線, 啲權貴講同情劉華的sound bite, 仲多人報道過支持的理據.




至於補選, 若最終只得姓馮那條友, 我寧願投白票.

含含含...含夠未呀...成日要人含淚投票.

令人生厭, 真的投不落手, 自私的人.

從馮生宣佈參選開始,  若對家想贏, 吾DQ 那個女人才有鬼...

 你諗下個game strategy 就知啦...


 即使我明知如此, 也不想再含.

很厭贏了一時, 卻做了壞榜樣給後世.

(ix)

17-10-2018

Rachel says I am the best!!!!!!

YES!!!!

Rachel makes my day.



Only "Sailor S"  says this to me , I would be even prouder, happier...

Could Sailor S say the same thing  to me?

She will definitely make my century!!

Sailor S : bye...

A view from the bitch 16

(i)

25-9-2018

看了割凳的批評.

公道啲講, 詹生 應是major in 默劇.

所以, 佢其實吾講野會好啲囉.

好彩冇再買票咋.


現在疊埋心水, 找一個星期六去中央圖書館借Oleanna 來看.

http://www.crawley.gov.uk/pub_livx/groups/webcontent/documents/adviceguidance/int096532.pdf


電影都有呀.

https://www.youtube.com/watch?v=P2KFG4ZibCQ

得罪人系列, 將條 link 貼去人地劇團的page 度.

嗱, 講咋,  陣間有人咁做, 一定吾係我.


(ii)

3-10-2018

每次看佢評戲, 都有種霸到地盤就佢講曬的錯覺.

佢只看到很表面膚淺的一層, 但卻評論...

究竟, 佢同我有乜分別?

----------

近來少了買戲票, 因為十月十一日果下使錢.

都吾係完全冇留意既, 但見到卻是,

吾敢買左先, 是要等信得過的人推薦,  但若冇口碑/臨場買吾到,  那就就算的那種.

很平常心.



這齣, 今天才留意到.

個巿chok 到HIHI , 邊有精神理其他事.

吾知仲有冇飛呢?

十一月頭開演...撞時間撞到七彩, 差啲撞埋去澳門的劇票.

吾知做乜的戲, 但張生, 韋小姐 (終於吾寫錯佢姓羅了 !?),邱生, 都是成熟, 有底線和劇場道德的人.

都是信字和往績.

(iii)

7-10-2018

後天就要買art festival.

今年揀時間比往年容易許多.

因為想看的, 真的不多, 音樂, 歌劇, 舞蹈, 粵劇依然不是自己杯茶.

去到盡, 也只是想看機器神製作 , 攀越冰峰,  家  (我知道有點伏伏地) , 九江  (不寄厚望) , 林懷民 .

所以, 今年不會買夠票, 幾年的Art Festvial 會員卡來到今年就要停了.

叫人搭單一齊買, 又怕煩.

--------------

說起來, 今年還未去過牛棚.

是的, 今年至今只看了31場舞台劇/NT Live.

是怎都不會達到去年七十多場的紀錄.

有點想念劇場附近小巴站隔離的串燒店, 不知執左未, 還是水準差了.


我知會俾人打...去看的原因是, 更主要的原因是想吃串燒.

套劇都不會死人既...但直覺驚喜不會大.


其實, 實錄劇場, 是不是以前看過的引錄劇場(verbatim theatre)...只是換了名字?

會懷疑, 因為佢地會把new writing 譯作新文本.

(iv)

9-10-2018

唉....整好時間表後, art fest 才出最終版本的節目表.

今晚又要做過research.

dead centre 似乎幾好咁, 應屬藝君子那類的水平.

-------------

La Gioia 

http://emiliaromagnateatro.com/en/production/la-gioia/

看trailer, visual effect 係靚既...

但係, 感覺真係入場睇, 會瀨野咁既?

介紹俾仇家睇先...

----------

The Nature of Forgetting

https://www.retheatre.com/theatre_re/The_Nature_of_Forgetting.html

默劇嚟既...吾怪得啲形體動作咁大啦...

吾係平時睇開果啲.

風評都OK, 吾係勁好睇, 但又吾係要踩, 諗諗先.

在英國睇  18 GBP ,  香港睇220蚊, 貴成40 蚊啊 !!!!!!!!!!!!!

https://mimelondon.com/theatre-re/

http://fringereview.co.uk/review/edinburgh-fringe/2017/the-nature-of-forgetting/

https://www.thestage.co.uk/reviews/2017/nature-forgetting-review-shoreditch-town-hall/

----------

burning bright in the forest of the night


http://marianopensotti.com/ardebrillanteeng.html

頂呀...若真係為左睇裸露場面,  引曬我呢啲麻甩佬入場, 會好失望囉...

因為trailer 顯示, 吾係真剝, 而係播vedio, 仲要只係露股....


感覺吾係好吸引.

------------

Frogman

睇劇照, 觀眾真係睇VR...

做乜要去牛棚咁遠?

https://theatre.london/whats-new/jack-lowe-frogman/

睇critics 都吾係咁buy 佢, 是實驗性....即搵觀眾嚟搞...

https://www.thestage.co.uk/reviews/2017/frogman-review-at-traverse-at-codebase-edinburgh-tender-and-delicate/

應該pass

睇VR, 不如睇四仔, 主觀視覺系列吾好過.


------------

Reloaded

如果我有個無知中女港女的女朋友既話...先會諗...

$380 張飛喎....吾係有小朋友, 條女吾係無知...我做乜事去睇.


---------------


hamnet

https://www.deadcentre.org/projects-1#/hamnet/


風評好似幾好咁, 應該會睇.

https://www.theartsreview.com/single-post/2017/10/01/Dublin-Theatre-Festival-2017-Hamnet

https://www.theguardian.com/culture/2018/sep/11/hamnet-a-play-for-shakespeares-forgotten-son-and-one-11-year-old-actor

http://exeuntmagazine.com/reviews/hamnet-at-the-abbey-theatre-dublin/

https://www.irishtimes.com/culture/stage/hamnet-is-a-child-frozen-in-time-to-devastating-effect-1.3240986

https://www.irishtimes.com/culture/stage/to-see-or-not-to-see-hamnet-is-this-week-s-must-see-theatre-highlight-1.3614123

呢篇寫得幾pro.

https://shakespeareinireland.wordpress.com/2017/10/03/review-hamnet-at-the-peacockabbey-dublin-theatre-festival/


----------------

chekhov's first play

https://www.deadcentre.org/projects-1#/chekhovs-first-play-1/


風評都幾好咁.

這個劇本都好似冇乜機會睇到...

呢個都應該會睇.

https://www.thestage.co.uk/reviews/2016/chekhovs-first-play-review-at-bristol-old-vic/


---------------------
in   ??? we trust

http://www.ontroerendgoed.be/en/projecten/%C2%A3%C2%A5%E2%82%AC$/

記得以前聽看過"打擂台" 的人的觀感,  都吾係令她感到 astonishing, gorgeous, ....etc, 感覺麻麻地.


整體風評都吾係咁好...似遊戲多過戲.

我假假地都係讀金融出身, 若佢地講埋啲野都係那三幅被, 財演水平,  咁真的冇可能impress 到我.

https://www.timeout.com/london/theatre/lies-review

https://www.theguardian.com/stage/2018/aug/02/lies-review-almeida-theatre

https://www.whatsonstage.com/plymouth-theatre/reviews/lies-theatre-royal-plymouth-ontroerend-goed_43844.html


http://fringereview.co.uk/review/edinburgh-fringe/2017/%C2%A5e-lies/

若真係睇, 應是係貪未試過睇呢個form.

btw , 都係睇英文安全啲....去年看art fest, 啲中文翻譯  trailer 好攞命, 又甩到冇朋友.

唔, 應該去睇的機會吾大.


------------------

機器神製作 , 攀越冰峰,  九江 , 林懷民 , hamnet,  chekhov ,  The Nature of Forgetting.

暫時七套.

續到今年的Art Fest 會員卡.

唉....有乜好高興....敗家...

-------------

自己並不鍾意, 甚至盡量避免 用facebook 來 login 其他的網站.

嗯, 怕將來出現 冚家鏟, 一鑊熟.

你都知現在的網絡保安兒戲時很要命.

不過用來login Art Fest 的確很方便.

省了很多填寫資料的時間, 也可核對有沒有撞時間.


(v)

11-10-2018

無驚無險, 00: 14 完成訂票.

今年訂票都很順.

好眼訓.

其實, 可吾可以揀中午12 點開售?



(vi)

11-10-2018

是少數仍會入場支持的本地劇團.

不是技巧, 題材甚麼的...

而是感覺得出佢地有心, 並肯不斷嘗試和進步, 黃小姐更是很搏很敢去盡自己, 令人覺得即使間吾中瀨野都好 (如有), 都可以接受.

我反而最怕那些成日愛玩野的導演/ 編劇, 個個都當正自己係佢地的老師潘惠森咁.

但潘生玩得來, 細細咀嚼, 是有回味...但佢地那些...真係玩囉, 自己圍內人/朋友圈會開心, 覺得有趣囉....

都係吾好開名, 免得我好小器追住人地嚟咬咁...



明年五月...最好都避開星期六日.

點解? 萬一撞正台北國際藝術節的劇目咪hihi ?

星期五晚看完, 星期六仲可以早機出發...

我果然係一個有計劃的好男人!?

(vii)

13-10-2018

早上, 去了圖書館借了劇本來看.

藝術資源中心有線上版, 但實體版, 發黃的書頁，則是另一種質感.

提提你, 坐在電腦前看呢個劇本, 是活受罪, 睇實體書會好啲.

 
睇得都算辛苦, 因為冇乜動作提示, 要想像當時兩個演員怎講野, 當時的氣氛.

對白一係短, 一係成段十幾行....又吾係連貫....睇死人...

結果, 當然搞吾掂.

我吾係睇得咁明, 也冇心機睇.

所以, 能把劇本譯得出來變地道廣東話已好勁...

自問...我譯吾到囉.


雖然其實沒有甚麼心機看, 但也看出, 若要譯得好, 就要譯出劇本其實在踩鋼線, 要對白和劇情保留當中的模糊爭議點去刺激觀眾思考.

好明顯的, 若觀眾心中有立場, 對於教授和學生的看法便會截然不同. 例如:

咁都叫性騷擾? 輕輕搭下膊頭咋, 又冇彈佢bra 帶, 又冇扶住佢時借勢掃佢波邊,  更加冇把手指塞入下陰....

咁都冇性交易暗示? 每星期去搵教授兩次, 年底保證攞A...咩道理...


劇本的tricky 令人想起不道德的審判.


若做到觀眾的反應有正有負, 咁演出就叫成功喇.

如果一面倒支持某一方, 我覺得反而係失敗.

所以, 若做得好, 真係咪走雞, 學生雞!? , 一定要過大海去睇.





btw, 劇本的創作修改受一宗司法性騷擾案影響.


https://en.wikipedia.org/wiki/Oleanna_(play)

https://en.wikipedia.org/wiki/Anita_Hill

呢期, 美國都有一單咁既野.

https://en.wikipedia.org/wiki/Brett_Kavanaugh

所以呢...20年又一個循環, 男人都係會衰咸濕.


難道創作團隊有關心美國司法性騷擾的癖好, 也因此現在揀呢個戲來上?

咁...都幾另類喎...一般男人都係關心空姐穿過未洗的絲襪價格走勢咋喎...



OK, 當然我是狗嗡...

你估真係有人會變態到因為關心美國司法性騷擾而去揀呢個劇來演咩.

似呢個多啲囉.

Harold Pinter 都曾導過...即係, 劇本本身吾係流, 譯吾譯到廣東話則是另一件事.

如果有演後座談會...

我果時當眾同導演講, 你導出來的效果好似Harold Pinter咁好...

當場成個劇場氛圍升曬 lv... 光環閃耀....名動一時...

我咁擦鞋....你估...劇團會不會送番張回香港的船飛俾我吖嗱?

um...船飛好啲, 因為貴過張劇票...!!!

 

Look:

Look. Look.

呢啲對白真係睇死人...

(ix)

13-10-2018

下午, 去了看這個劇.

演員都幾好, 看得出他們認真和用心, 當然整體cast 檔次不能和謊言比.

劉玉翠固然幾好, 關寶慧也令人改觀, 佢吾係淨係識演八婆, 行行企企之類閒雜人等角色.

黃呈欣似乎被定型, 專演癲雞麻甩女人的角色.

伍潔茵的演出, 和企位, 特別是最後一幕, 總覺得有點怪怪的.


大概, 劇本內容/情節和演出效果, 不是自己杯茶吧, 劇本攞獎都咁講.

自己偏好這個女人戲, 會有多一點女人的細膩流露, 從女性角度出發, 即係以前有人彈過日本劇本"結婚" 首演時吾好睇的原因.

部分情節的節奏快慢應調整下.


畢竟佢地現在, 都是由過往的脆弱, 去drive 佢地行為舉止.



吾覺得個舞台有需要傾斜...雖然都可以話有理由...但演員企上去, 又著高踭鞋...企位也加了限制.



好的舞台設計...也是要令演員可以很free很comfortable 地表演的地方, 吾係淨係個景靚, 有意思就得.


呢句要裱起來, 第時同中女港女講...等佢地仰慕我, 覺得我有深度!!! 

我真係一個不斷增加觀賞深度的觀眾...中女港女啊...崇拜我吧...

你們把雙手手指靠隴, 提到下巴前, 圍成一圈, 然後輕輕向下一咬...食指中指無名指尾指同時向下一縮...

咬出個心心型交給我吧...

我保證, 我會袋好的.

(x)

14-10-2018

我都係被以前喜歡的人神聖光環感召.

她是正義女神下凡, 真理女皇.

是其是, 非其非, 絕不妥協.


咁彈人條友真係離譜嘛....




吾俾...條友其實係內鬼, make noise 搏宣傳?


算啦...咁諗野, 或咁做人, 會很累.

Voyage 56

(i)

5-10-2018

出門時，終於感到入秋的涼意。

要帶多一件披肩，手袋裡要有盒潤喉糖隨時補充糖份。

近來，坊間好像流行喝台灣牌子的米水，滋潤喉嚨，可買來喝喝。

別工作太晚了。

做得好好，辛苦了。

Sent from my iPhone


(ii)

7-10-2018

安靜了兩天.


昨天下午, 在公園散步, 沉澱整理思緒.

因為...

我心虛.


還需要時間.

現在除了心裡想跟她說抱歉, 其實還有更多.

(iii)

7-10-2018

看了有些朋友說好看的無雙.

OK, 但未至於非常好看.

雖然最終能自圓其說, 但人物和線索佈局, 鏡頭剪接和片段長度, 是可以編排得更好.

周潤發真的好勁, 郭富城都OK.

整體都是合格有心機, 中上的.


---------


看到外國記者被逼離開 , 只會覺得香港是越來越野蠻的地方.

除了sign 那個petition 要求解釋, 一切顯得無力.


衝動而弱智, 不明歷史教訓的人所做的魯莽行為, 要其他真心捍衛新聞自由的人付上代價, 還要多少次?


(iv)

 7-10-2018

在The One 看過電影後, 經過這間點心店.

"我代表月亮懲罰你..."

點解現在的人在吃中式點心前, 要唸這一句台詞?

會好味啲?


至今仍歸類不到現實裡, 那一位認識的朋友是 Sailor Venus.



Sailor Mecury 是聰明, Sailor Mars 是正直,  Sailor Jupitar 是硬朗, Sailor Moon 是可愛, Sailor Neptune 是溫柔優雅,  Sailor Pulto 是成熟美.

把這些角色混合在一起, 那就不是她嗎?

她具備以上眾多特質.

她年輕時穿水手服迷你裙, 應該很好看.

仲講?!

她若真的發現這裡, 我就知死...

---------------

我諗到啦...Sailor Venus 代表港女風範 !!!!

都有.

所以她是美少女戰士的終極原模版,

所有美少女戰士都是從她身上衍化出來.

她是美少女始祖皇后,

她的正式稱謂是

"孝儀恭順康裕慈仁端恪敏哲翼天毓聖純美中女Sailor S"

夠!!!

(v)

7-10-2018

剛過去的周五收巿後, 去了西營盤, 拿了下月去澳門看的劇票.

為甚麼不去了澳門門巿才拿?

小心點好,  特別是早鳥購票優惠.

我試過在自助取票機仆左街, 讀不到信用卡的購票紀錄, 因為那時候已是賣緊正價票.


好在那時候在文化中心售票處, 有職員幫我在櫃台出票.


---------

還是第一次搭地鐵來西營盤.

地鐵 B3 出口的通道, 有陣味...好怪的.


拿完票, 跳上附近的巴士去了大角嘴吃車品品.

新巴 905 , 中匯街站落, 轉兩個彎, 順路在街口轉角篤番串魚旦 (好吃, 因為小量地炸, 不是炸了個幾鐘仲賣俾人那種貨式, 炸魷魚都好好吃)


還以為老闆娘太辛苦準備不做了, 原來另有計劃.


好吃的東西, 實在值得支持和尊重.

碗仔翅, XO 鮑魚 , 冬瓜茶, 豬腳, 依然好味.


剛過去的一周巿況雖然跌到hihi, 但自己沒有怎犯錯, 所以善待自己, 吃了一碗成舊水的紅豆沙.

55年陳皮的味, 真係吾同啲, 現在很多時, 吃紅豆沙是沒有陳皮的味道, 或純粹是果皮.

(vi)

7-10-2018

看著朴敏英最新的廣告，雙唇顏色好深，佢一定中左毒!!

為了左救佢，勇敢的花痴王子(我)，披荊斬棘，終於找到一個Love Generation出現過的玻璃蘋果。我捧著它，彎下身，向坐在階梯的佢吻下。

過了一會，朴敏英睜開眼睛，醒過來對我微笑。

這時，響起了背景音樂：Maware maware merry go round......


白雪公主的同人版也真夠恐怖的...我若成為王子...

咩啫...伊索寓言未修訂前, 好黃好暴力添啦...

唉...10月21日見面會...冇我份.

(vii)

7-10-2018

工作室的老闆近來買了一尾名貴的鯉魚，擦鞋的我當然讚不絕口。

「條魚好聰明喔，識得穿過欄柵，游去另一邊」

等於見到朋友的女嬰，「嘩，好靚女喎，好似媽媽，(將來一定溝死仔，一定好生養?!)」。

晚上，七八點冇其他人時，自己都會看一看，並自言自語：

趁還有氣力和勇氣，便要加倍努力，吾係第時投胎做鯉魚，都要住劏缸，要同其他魚兒share。

嗯，見到魚缸都諗到劏房，我是草根接地氣的香港人。

PS:

如果把鯉魚和小黃魚比喻為一種關係，鯉魚是中女港女，那麼代表人物是Rachel MY Park，小黃魚則是我的愛

所以小黃魚每次見到鯉魚都躲起來，不要讓佢發現我的愛，是這樣深情那樣寬廣，偷偷愛著Rachel Park 。

OK，老作完畢，實情是鯉魚會吃小黃魚，令後者才躲起來! 成件事變得恐怖!

正如，我的心俾左中女港女後。

至今，小黃魚被鯉魚吃了兩條，同我的愛的真實歷史吻合。

但係，小黃魚現在依舊莫名的仍會衝過欄柵去找死，同我的愛一樣，熱愛熱烈地向中女港女殉情!



知道這個真相後, 我吾敢再在工作室老闆前再讚那條鯉魚聰明....佢之前還在苦惱鯉魚做乜吾食成百幾蚊罐的乾蝦糧...小黃魚無啦啦少左一條....結果再少一條後才知....

擦鞋呢啲野...真係吾易做.


(viii)

8-10-2018

星期一了, 今天都要進步.


真的很嚴肅正經的, 剛過去的周五晚開始的反思, 仍在想, 仍在自省檢討.

自己跟自己說話, 有時候, 是直面自己的機會, 也就是別人說的, 觀照自己.

不是常遇到的. 畢竟世事繁囂,

能觸動自己, 自己重視在意, 讓自己會想靜下來反思的人真的不多, 也不能多.


(ix)

10-10-2018

原來曾經咁大鑊.

唉...

自由身工作者, 有小朋友本來就要有很多考慮.

譬如, 最基本的是沒有穩定的收入, 所以相對地不可再隨心所欲地任性 ( 我指最差的情況下只是衰自己, 不用顧慮太多).

而若是女人,  若高齡產子, 就更加危險.

遇到賤人...便是極高危.



男人要怎樣才做得出這種事.

不愛了, 也不用這樣吧.



我係吾會明白的了, 因為沒經驗.

我會不會有一天也變成那樣的賤人呢?

應該不會吧, 我的往績雖然痴線不正常, 但卻不是那一個方向.

怎說得埋呢?

一旦有錢就身痕...是常識.

都應該吾會, 我覺得.

若有那一天發達, 我覺得把所有錢俾曬女伴看管, 每月問對方拿零用錢的機會更高, 像日本人.




希望這位不熟的朋友, 真的能重新出發吧.

會不會祝福佢找到新伴侶, 遇到好人?


我不是傻的啦...心虛的事還沒有反省完, 怎會又再多口亂講別人的感情事.

(x)

10-10-2018

這晚, 大姐找我吃晚飯.

值得一提是,  是這幾個月以來, 我第一次埋單!!!

 順道當佢的生日飯.


月頭咋喎, 乜我呢幾日贏好多咩? 

咁又吾係喎...

譬如, 昨失魂錯手想買call 變Put, 輸spread添...

可見我的狀態麻麻, 要精簡工作量, 不要那麼累, 提升狀態.



況且, 心態已變為一日和尚一日鐘, 未到最後都吾好咁高興.

一個吾小心, 可以很要命, 每日都會這樣提醒自己.




但至少, 現在不再是沒頭緒怎找出路先, 那已很好.



看了幾個月,  美股option 不能像港股衍生工具咁炒的...

但都開始去 generate idea 怎克服.


(xi)

11-10-2018

嘩...好彩尋晚餐飯吾係好貴, 吾係變左現在都吾知有冇錢找數.

吓...

鬼咩...四點幾睁開眼...咁就800 幾點...

雖然吾使點輸...

但未來越來越難炒啦...總之.

今日都要進步.


----------

看到有人批評施政報告.

填海...咁看落去, 真係幾好既...把香港的交通網完善, 仲有地起樓.

現在便拗, 其實很無聊,  成個idea 很rough...

問題是, 是現在的人主政, 信吾過.

做乜都有陰謀論.

"超支, 環評, 基建救國,  淘空了儲備, 香港便甚麼都不是, 憑甚麼兩制."

是常見的議論.

不過呢, 我還想問, 現在是甚麼時代的社會, 基建型, 還是知識型?

搞基建固然要, 但成份野都冇人講點樣知識型經濟....aka. 怎樣進一步提升香港的價值, 令這裡的一切值得呢啲溢價, 吾係邊個想打風後狗衝返工, 咪就效率, 能其他人所不能.

香港搵吾到錢, 基建起來把托? 

到時...真係把香港變公屋之城?

我住公屋大, 但都要說,  你覺得公屋會收回成本, 有稅收, 政府真係好想起嗎?

我吾明.

所以, 真係有錢就要移民.

但個巿衰成咁...好煩.


----------

吾明點要話劉華...

我不認同佢講的野, 但只是觀點不同, 不要說到佢無腦...

網上啲人痴線, 人地講野吾認同, 就會話收錢乜乜乜...只有表態是啱佢心水才覺得佢是個人.

很專橫.

沒有人會相信劉華真係有腦, 用腦.

Voyage 55

(i)

24-9-2018

星期一了, 今天也要進步.

嗯, 也應節在whatsapp 朋友group 回覆, 說中秋節快樂...

雖然日子如常, 吾知有乜好快樂.

我又算早訓那類人.

----------

頂呀...個巿咁樣pullback 挾落嚟.


---------

最後呢, 都係買了日場.


"年紀大, 不想夜歸. 如果可以前台取票就好."


"前台取票, 要人手處理架...家吓你俾幾多錢買飛呀?  早鳥優惠又已經慳左十幾蚊啦,

入場時, 俾埋個又靚又索的中女港女你攬住, 一邊抱抱, 一邊睇戲, 咁夠好服務未?"


" 咁, 我來回船飛都貴過張飛啦...但....若真係有中女港女俾我攬住睇...我都想試下喎...

或者每位觀眾都送兩隻肯德基炸雞呀...食住睇...以劇團裡的人的臉相善緣, 認宗親關係, 應可以R 到sponsor..."


"妖...炸雞就冇架喇, 呢到冇乜多, 係男人多,個導演仲係鬍鬚佬嚟既,  佢可以坐你大脾, 咁你仲攬吾攬吖? "

"...咁...吾使啦...我...我係嚟睇劇架咋..."


(ii)

24-9-2018

晚上吃了程班長這個雞腿便當過中秋.

皮脆夠熱, 好好味.

配料也好好吃...如果是日式更佳.

想吃漬羅白.

吃完, 逛了附近D2 新開的電影院.

還以為, 現場會有很多中女港女在尖叫...

孔劉現在已過氣了嗎?

咪白痴啦...啲中女港女食勻港日法德美韓既洋X 時候, 我連女的手都未拖過...

呢啲咁細場面, 佢地邊會特登走過來看呀...仲會尖叫喎...哼...我是井底之蛙

怎都好, 總覺得這個明星電影陳列, 流流地.

點解影院1 會有HSBC 冠名?

--------

看到的, 是商業模式的演變.

約朋友, 除了食tea/dinner, 去coffee shop, 排珍珠奶茶,  看電影, 現在也可以整餅.

求其執單跟住整件餅, 先活絡多時不見的氣氛, 在等餅焗完期間, 大家真正坐下來吹水, 是不錯的聚舊模式.

自己少逛街, 不知現在多不多這些店舖. 

如果間野隔離開埋咖啡店, 生意應會更加好.

整好件餅, 真係拎番屋企咩, 行去隔離買多杯咖啡...除了賺多筆, 開咖啡店的, 也因為自備餅點, 減了賣不出的糕點存貨的損耗.

這個商場和其他商場的不同, 佢是活動消費為主, 購物反而不是重點.

(iii)

24-9-2018

自己的中文退步了.

想又想, 才明白"一格"點解.

不是格仔簿的一格.

應是來自"自成一格"的出處.

再搭上"一戲", 拼在一起, 意思應是以一個戲為本, 展示每個戲的風格, 不求炫耀導演的個人風格.

意思應是這樣吧.

怎不直接問劇團?

你吾覺得咁問, 好柒架咩?  同埋, 問時語氣衰一點, 會得罪人.

新開張喜慶洋洋, 唱徐小鳳最啱啫, 其他野, 就算想問, 都遲啲.

 我又吾係堅 社交白痴.

(iv)

25-9-2018

yeah...至今沒有嘔吐或腹瀉.

昨早上, 天還未亮透時, 吃了嘉麟樓的迷你奶黃月餅當早餐.

月餅一拿起即散碎都算...好明顯機器製, 製皮的手工極差.

但吃了一個後, 才發現其餘三個都有發霉的跡象.

想到食左入肚那一個...不媽媽聲才怪.

工藝差, 食品安全差...

我以後 不blacklist 嘉麟樓才怪.

趕工粗製濫造,  賺了今年的月餅錢, 品牌臭曬...值不值得?



早七八年前, 嘉麟樓還是難訂到又好好吃啊...

世道變了.


(v)

25-9-2018

本地某政治主張的團體被禁了.

坊間普遍很冷靜.

也是的.

自己便亳無感覺.

你是支持有質素,理智, 有可行性的言論自由/主張, 定是亳無節制, 目空一切, 拉住全世界攬炒白死的言論自由?

真心覺得, 那班人是自以為是的空談者.

觸發點是去信美國撤銷香港特殊地位, 真的撤了, 香港這個地方仲有乜特殊要嚟做乜.

等於公開燒基本法的年青人一樣.





有想法, 這是沒對錯, 但行為極之衝動而無腦.

政治見血要死人, 是很慣常的事, 佢地似乎仍當玩家家酒咁.

真的逼到咁盡, 廢基本法咪廢基本法, 其他國家除了講幾句譴責,  真係會有行動?


沒有實力底氣前和對方攤牌, 真的很ON 9.

並讓班仆街順勢做世界混水摸魚, 更讓人憤怒.

以前某個政治偉人早期都係咁咁啦, 你知條路吾work, 仲再試多次, 就超級ON 9.


現在的政治氣候, 首先不要犯錯, 讓對手找痛處.

所以見到馮生, 真的覺得佢好煩.

佢是不是沒有議席, 就甚麼都做不了, 甚麼都不是?


(vi)

25-9-2018

夠了,  夠了, 不要再貼了...

已經好多了.

看到"老婆"的宣傳劇照.

我真的很妒忌.



不過呢, 若看到以前喜歡的人和男伴親蜜照或舉動,

雖有少少遺憾, 但卻會祝福, 替她高興.

 因為, 呢啲scene , 我從青春期開始?!已訓練有素,

你諗下我食過幾多次檸檬先得架.

唉...

藝真真係吾好再post呢啲相...我是你的..Oppa.

(vii)

25-9-2018

亦舒說,  如果沒有愛, 那麼就很多很多的錢.

所以不要說中女港女貪錢.

近日在看這個IG , 看多一些流行打扮.

看完會感慨, 我呢世都吾使旨意溝到女.

女人閒閒地著一件衫都要盛惠 3387元, 美元囉, 應該, 吾會係港元.

但就算係yen 都死啦 (234蚊都嫌貴?!, argentine peso好未? 抵我一世都溝吾到女).

除非, 我改變口味, 專揀那些肥到著吾落呢啲衫的女人啦.

咁, 更加抵我一世溝吾到女啦...

女人買衫, 真係買嚟著架? 女人買鞋, 真係買嚟著架? 我當佢係蜘蛛呀?


如果沒有愛, 那麼就很多很多的錢.

--------

看多些娛聞, 八卦, 也不要看政治新聞.

不發現嗎? 看多了會增加暴力傾向, 譬如支持打籐及恢復死刑.



(viii)

26-9-2018

林大美人都要離婚.

據娛聞講, 因為冇仔生.



曾經條件多麼好的, 甚至願意冒險高齡產子, 到頭來也要離婚.

關咩事...感情世界吾係你做過乜, 冇做過乜, 按公式所得, 便會一定會有結果.

但應該吾止分到廿億呀嘛...


乜我咁八公架, 關我鬼事咩.



不知她現在如何呢?

今天忽然想念她, 看到這篇八卦娛聞, 更加想起她.

二人共通點不是高齡XX , 而是美麗及優雅.


希望她今天好好的, 愛情雋永.


嗯, 沒有甚麼事, 都是不多說了.

答應過自己, 把事情收藏得更深.


(ix)

26-9-2018

英航炒服務員.

未搭過英航, 但卻記得有位空姐叫吳敏兒.

嗯, 工會主席, 告上法庭司法覆核權貴濫權醜聞那一位.

想到佢被炒的遭遇, 忽然又想起數年前港視發牌事件, 那位巿場研究總監伍佩瑩女士.


嗯, 我的記憶串連亂七八糟.

兩者性質都不同, 只是二人都需要離開工作岡位.


想說甚麼呢,  不要小看女人, 勁的女人, 性格硬淨的女人, 真的很堅.



佢地的工作前景?

有甚麼好擔心, 總有辦法, 佢地本身能力出眾,

好人也該有人願意出手幫忙.


(x)

27-9-2018

中秋後, 工作室近來多了一位成員.

是那裡的老闆剛買的錦鯉一尾.

放在魚缸裡, 錦鯉和原住民小魚群顯得很生保, 彼此不走近.

由於錦鯉體型大, 小魚群被逼常縮在假山後, 令老闆很頭痛, 得閒無事就在魚缸旁邊嘆氣, 搞到我去水機斟水都不想行得太近魚缸.

小魚群是有感情,  錦鯉則價值高, 買回來都要4000元.

佢的秘書說, 賣給佢的人是想順勢叫佢換埋魚缸...etc 又做多一筆生意, 所以乜魚都和條錦鯉夾得來.

生意佬vs 生意佬...賣魚的那位暫時 1:0.




嗯...將來我發左達...

我把妹, 把了朴敏英和孫藝真回來...

都會有這個一屋不能同住的問題.

到時買樓, 就真係要買雙連單位.

我想到好遠...我們仨的未來.

先追孫藝真, 因為佢懂煮飯, 後向朴敏英求愛, 次序不能對調, 雖然朴敏英煮拉麵俾我食會好以韓劇般浪漫.

btw, 如果買那些一層16伙的劏房單位...我咪可以一次過有16個女朋友?


所以, 我都係早一點訓.


(xi)

28-9-2018

晚上, 一位朋友找我吃便飯.

嗯, 佢剛看完醫生, 因為有躁狂傾向而要服藥, 佢驚有一天失控, 動手打人, 扔人落街云云.

就是一般被標簽為精神病/ 情緒病.


不是因為少了某種hormone secretion,  就是不知道的原因, 也不是炒股緊張所致.

自己對佢講了乜呢?



都巿人個個都有些情緒病, 很平常, 不要介懷或敏感.

也分享了自己從前黑暗的情緒經歷.  情緒忽然高低跳躍八度似時期/ 害怕無故發脾氣燒埋其他人那疊/ 想擸起櫈一野扔向公司裡嘈到拆天的仆街, 地鐵見到人蹺腳, 想一腳伸落去 掃佢落地下之類/  最差的時候是把保單放在桌上方便家人找到, 諸如此類.

早陣子也去了盧小姐的公祭, 因為大概估到情緒病的不容易, 雖然自己來說不算真的有過.

應對的方法, 除了遠離賤人, 減少言語上的刺激負荷,

少些講粗口, 講粗口會令人更加躁, 也喝少些咖啡, 從前早午晚幾杯, 現在大多只在中午/下午喝, 改喝奶茶.

也要給自己劃一條線, 內在和外在的分界線.

要明確表態, 在需要時說 "不", 也就是給自己empowerment , a sense of self control, a sense of security.

想哭的時候, 就哭, 我現在也會偶然地哭.

也會寫字抒發情緒, 即我現在還會寫blog, 當然這裡, 我怎都不會給佢知道...我白痴,無聊, 愛韓妹, 好恨, 好恨溝到中女港女的一面.



都是很普通的道理和應對, 但卻有些幫助就是.


希望這些話會給朋友帶來一點幫助, 不需孤單.


挺過來, 不容易的.


怎都好, 給不少人講到爛的一句話, 總結了關於怎看待情緒病.

"It is ok not to be ok"


(xii)

29-9-2018

看到畢明寫到, 父母賣了當地住了廿幾年的house, 搬入apartment.

原因是年老了, 已沒有太多精力去打理花園事宜, 兩個人住一間大屋, 也實在太大了.

是呢, 很多普通平凡的香港人發達後想做甚麼, 多半會想買一間好大好大的屋.

因為窮人未住過大屋, 香港人邊鬼個屋企大到有後花園可以種菜, 種樹, 種迷迭香?

但當真的有錢了, 又年老了, 又會覺得大屋好煩...

回家想上床訓, 又要行樓梯, 又要再行幾十呎先到睡房門口, 門口到張床, 隨時又十幾廿呎.

難怪, 中文詞語有言, 生活富足.

富裕而足夠.

不僅是富.


是自己將來有能力離開香港後, 找地方住時要考慮的問題.

雖然現在距離那一天應是遙遠.


(xiii)

29-9-2018

要爆, 要搶眼, 眼紅...

是現在的新聞的目標嗎?

個標題好搶眼...有難...有錢人落難要鼓掌.

再仔細看, 只是其客戶有問題, 被SFC 凍結在三家券商帳戶.

不是唯獨佢一家.

客戶帳戶凍結, 當然不會是零影響, 券商的 FFR 點計, 應該會有變動.

客戶啲錢被鎖, 也不能進行買賣, 食風.

但若compliance 沒犯錯, 怎都談不上落難.

記者真的不知所謂.


若真係想搶, 夠爆...用匯豐做標題好過啦...


心裡, 也有點歧視及厭惡轉發給我的人.

自己越來越討厭那些不用腦的人.


------------------

幫一位台灣朋友改英文, 改了至少有七八年吧.

都是職場上的電郵往來的句子.

近來, 越來越厭惡修改.

以往會盡快回覆, 現在, 會等到自己相對有空的時候,譬如中午休巿, 收巿.

開巿時間真的不想搭理, 也覺得騷擾, 手機財經新聞push notification 中突然彈出來, 很不和諧.

是的, 有點厭倦改了這麼多年, 還是錯被動句式, 以至諸如"to below", "3 child"  , 也看不慣那些往來中, 給自己挖坑 (白紙黑字自承錯誤... say sorry) , 一旦追究上來, 成呈堂證供.

感覺求其, 很馬虎地寫啲垃圾英文出來要別人修改.


我的英文其實很差, 當初會幫忙, 因為年少時認識的情分.




直接說不幫忙嗎?

但又未覺得要做這樣絕的地步, 況且, 也不會是一天數十個電郵.



我的孤僻性格就是這樣子.


(xiv)

30-9-2018

奔波了一整個下午, 終於搞定了網上轉用另一家服務供應商.

網上行, 不是換個setting, 裝一個解碼器就是嗎?

不是的, 因為以前是用電話線上網.

若轉用光纖, 要駁過線, 特別是原本modem 不是放在家中的客廳.

若要沿用以前的方法, 要在家中拉多兩條線, 跨越幾道牆, 搬開很多東西, 變得很大工程.

最後, 我決定把成屋都變成wifi 上網, 所以要買一個勁好多的modem, 千七元, 以及wifi 手指.

好彩家裡得兩部desktop.

若五部....會買窮人...

好少少的手指要三百幾蚊.


點解modem 買咁貴?

其實二三百蚊已有一個啦...

我怕死嘛...

若家人同時上網睇劇乜乜乜,

剛好我又炒緊option... the worst case係 tsla/amzn/goog...

100股啲spread 都已成蚊喎...

你估我敢斷一下線?


所以都係睇開啲啦...恐懼式消費好平常.

畢竟...

其實private banker又好, 理財顧問又好, 保險經紀, 股票經紀都好,  總之是sell a product,

向朋友(有單開果時就變朋友) 介紹產品, 吾係sell story/美好願景, 就是sell 恐懼. 

低手先會sell  "中國有14億人口, 只要每人買一對鞋..."


不過, 現在技術specification , 自己真的跟不上, 店員跟我說, 我只有"黑人問號"的表情.

 還好, 在下決定前, 會暫時冷靜, 先去吃東西, 順便google 大神.

再回店內時, 我有番啲自信...





說話回來, 現居都住了十年, 是有需要重新裝修...

不過, 都是等時機到, 不想扔錢落咸水海.

現在, 家裡不漏水, 不會有家居意外就算, 核突肉酸就梗了.



當年都很 hea 裝修...不想嘥錢.

這十年, 也證明當年的決定對.

老人家是沒有美感, 停留在過去的人.

習慣用蠻力, 鐵釘/ 槌子 解決問題, 搞到成間屋爛坦坦.

品味也停留在粵語殘片的年代.

會自行把過萬蚊的梳化扔了, 換上那時千幾蚊的木長椅, 覺得那樣子才舒服.

彷木地板有很多很多槌釘孔...吾好問點解要把釘釘落石屎地下, 又塗白色油落地下驅蟻( 核突到真的容忍不了, 刷了大半天才刷甩...) ...我放棄去理解.

佢覺得OK 咪OK 囉,  我吾會同佢嘈, 吾好直接搞到我間房就算, 但自此, 沒有其他家人會在客廳看電視, 食飯...


是呢, 居然叫我把modem 和 router 放在廚房.... 可以點同佢溝通?


有時候, 很怕在街上撞到佢, 也怕被人認到佢係我邊個...

我吾想面對別人以為我刻薄佢而表現的面色. 但佢係要咁過活, 我可以點? 現在俾佢一個月的零用錢仲多過我架...我現在又咩環境呀...沒有怨氣和沮喪, 那是假.



 想又想, 興其抱怨, 自己其實應該最要檢討, 負上最大的責任.


未來要努力改變, 若不想繼續現在的生活和處景.



(xv)

30-9-2018

"辛苦了, 妳已做得好好."

希望她好好的, 愛惜自己, 吃好穿好 .

除了暗地裡祝願, 自己便沒有甚麼可以做.




若可以, 其實我希望可以做到更多, 譬如做一個只是聽的聆聽者.




有時候無聊時計算, 在香港, 要有多少錢才能退休, 雖然我現在十劃都冇半撇...

我講冇錢, 若講想不想, 我呢秒鐘已想退休, 你估我真係好想日日做十幾個鐘咩.

(周五晚吃晚飯時, 朋友說, 我現在辛苦過以前, 緊張的壓力時間很長, 但又未有成果.

是的, 但我亦覺得精神上卻沒那麼累, 不做十九事, 開十九會, 小心十九的人事陷阱, 去十九的名嘴財經飯局)

若真係能上到軌道, 我會OK 的, 一天十幾個鐘.)




一個中產, 要不要有幾千萬先能在香港退休?

都未必得, 尤其似少少俾人住的房子,  都千萬起跳.

自己曾計過, 若操作能上軌道, 不會再反覆, 交無謂的學費, 最快, 也要幾年才能有.

幾年不犯錯喎...呢幾個月從新摸索(好似以前未炒過股票咁) 出來的操作方法keep 住work, 吾使一路修正喎...我都不信有這麼順利, 但不緊要, 若能走出現在的黑暗便好.



而這一刻, 我最想移居的, 是高消費的日本京都.

雖然會看泰國, 馬來西亞的住屋地區.

所以, 我的退休規劃並不切實際.





(xvi)

30-9-2018

看了一集孤獨的美食家.

頂呀...一條友食吉列豬扒都拍到30分鐘...

頂呀...係喎...如果好似佢咁淋醬汁....會好食啲喎....

好彩...屋企附近冇得食.

看這種劇集, 是殘酷又幸福的治療.

----------

陽光先生, 最後兩集, 若果不要, 大結局變成日本救愛信便ending, 其實都可以的.

從歷史來看, 伊藤博文果時仲未死, 佢係哈爾濱死, 所以不存在隊冧佢作為ending的選項.


陽花咁就死左...居然比三個男主角早死...

但係, 若作為演員...會覺得幸福..在海邊死法拍得靚和淡淡的傷感, after taste 長....會容易俾人記住.


所以呢...呢個世界點解咁多女人想死在變心的男人面前, 就係咁解, 要令對方有愧...

但邊到有咁多壞壞的浪人呀...


有沒有人開賭, 高愛信最後會不會和美國人接吻, K for kiss?

呢套劇, 吾好話床戲, 連接吻都冇....

對觀眾來說, Love最難的, 是看到接吻鏡頭...

殘念...


(xvii)

30-9-2018

我有幾迷戀朴敏英?

在set wifi 時, 我曾想過login 為 "Rachel_MYPark"

pw: 19860304

最後當然冇啦, 因為費時俾家人話.


但正所謂, 做人冇wifi,  仲慘過乜乜乜.

可見朴敏英在我心目中, 僅次於成為銀行帳號密碼的那位女子.


孫藝真呢?

um... 等我發左達先啦...到時屋契寫佢個名...

到時, 娛聞記者便會咁寫  "獎勵", "賞賜", "對楊家有功"

咁寫好癲, 當女人吾係人咁.


(xviii)

30-9-2018

明天是全世界都應該感到自豪, 光榮, 感動熱淚滿襟的喜慶日子.

是香港當今最流行的時尚.

你若不是, 就要嚴加反省...

你不愛國!!!



講啫...

我從來都不是這樣的人, 我是節日冷感的人.

明早六點, 我最期待是有沒有陽光最後一集的中文字幕版睇, 你估我會開電視睇升旗咩.



看到以前的導師慶高彩烈地參與其中一個音樂環節綵排.

um...想點呢?

搵食啫...都係為左有個知名度啫...

吾好下下起曬槓, 話人地兩臉三刀,  又食又拎, 一邊不滿偉大的祖國, 一邊卻參加慶典拿知名度.



都係既.

襟撈好緊要.



我吾係真係想串邊個....只是看到導師的情況, 想起早年歌手在這種情況下...去又死(俾部分網民狙擊) , 吾去更加死 (得罪釋伽維尼喎...)



都係那句,做人, 真係只需向自己交待, 人地講乜, 真係控制吾到.

most of the time, 我都算做得到.


當然, 太沒著數可言的,  也真的無謂做, 譬如為執葉律師之流站台.


--------------


做健身時, 站在跑步機上, 看了一小段延禧.

大概是女主角病了, 另一位貴人同佢update 一下 ( 先生, 宮廷劇吾好講英文, 你當你係陳豪, 幫朕check下呀...) 宮鬥最新情況.

真係好Q 悶喎.

成班女人為了一個男人, 爭寵權鬥, 有乜好睇.


你係女人既,  尤其是中女港女的,  要睇, 就要睇武則天.

成班小鮮肉為左爭寵, 要得到你的憐愛, 晚晚有幾十個精壯或瘦削, 粗礦或文弱的男人們等緊你點燈寵幸,  咁先有代入感架嘛.
 

小鮮肉話 : 主人, 你餓吾餓呀,  我吾識煮碗麵俾你食, 但我叫緊 deliverXXX 外賣呀....

你作為女人, 係咪冧過睇宮廷劇呢....


(xix)

1-10-2018

看完了陽光了.

是一個傷感但無意催淚的結局.

帶出有平靜而堅定的愛國情懷, 是內地主流寫不出來, 因為最上層只需要狂熱盲目服從愛國.

故事沒有奇蹟.

有戲分的, 基本上死曬.

來到最後兩集,  令人感受到最深的, 是編劇寫出那種 "生死並非最重要, 而是順著自己的信念, 守護心愛的東西, 那樣子也可以慷慨面對生死, 雖然仍會不捨得"

壞壞的浪人, 忠於做為武士浪人的宿命的路.

少爺守於喜歡美麗而無用的東西. (覺得佢死時篇幅差咁一分鐘長度, after taste 差一點點)

美國人守於對一個人的愛和保護的承諾.

最後, 還真的沒有kiss.

也沒有愛信哭崩的大特寫, 反而大娘死時有喎.

二人最後的回憶也是只關於吃魚, 平淡的小確幸才令人難忘珍惜, 好過攬攬錫錫....


 可見到導演和編劇的choice, 只把愛情橋段作為點綴, 重點還是想講人生.



人應有信念地活, 按意願生活, 有珍重的事物守護,  即使面對諸如國運這般龐然大物, 明知目標渺茫, 即使失敗, 也 不要不反抗便退讓.

是一個寫得很有味道的電視劇, 和鬼怪相比也不遜色.


會不會好奇, 點解那個細路, 揀1919 年替男主角掃墓?

https://zh.wikipedia.org/wiki/%E4%B8%89%E4%B8%80%E9%81%8B%E5%8B%95

那一年, 歷史上發生了韓國首次宣告獨立的運動, 三一運動.

導演和編劇吾係亂揀日子.


但金泰梨以後吾可以亂拍野, 例如親日片, 吾係俾人斬死...



咁, 又吾係怪得堅持搵有醜聞, 衰咸濕的李生做第一男主角啦...

以為是愛情故事, 應該有得嘴, 有得攬, 有得摸, 甚至有裸露床戲...

點知, 最色情的, 也不過是握手, shake hands.

對李生來說, 是一種變相的懲罰?!



唉...冇電視睇了....

今日是傷感的一天.


(XX)

1-10-2018

電視劇係可以咁拍, 不止於娛樂.

有這樣的珠玉在前, 好多電視劇便顯得失色.

-----------

看了維基劇情介紹的如懿和延禧.

吾怪得啲人話打對台啦...咁真係打對台.

宮廷劇, 女人除了爭皇帝竉幸, 生仔, 落(敵對妃嬪) 仔, 陷害, 仲有乜橋段?

把女人變得, 除了有陰道和子宮外, 甚麼都不是的東西.

點解啲中女港女又會鍾意睇?


所以, 我都係鍾意睇陽光先生裡的女人多啲.

陽花好, 愛信也好,  最終都成為獨立, 勇敢, 敢愛敢恨, 有主見的女人.

呢啲女人先得人傾心架嘛.


一套電視劇, 把女人拍得shining, 咁先好睇架.


如果, 我以前喜歡的女子, 玩穿越, 回到1912年.

她絕不會成為任何男人的附庸, 會獨當一面, 成為一個外交家, 或者出色的談判協調者.


如果我都可以跟住穿越, 俾一個小角色例如外交家的保鑣, 做下就得.

平時行行企企, 幫外交家開車門/大門, 做下佈景板, 唯一一句對白係: 

 " 四小姐, 妳走先啦, 我會頂住呢度門, 吾俾啲日本鬼子衝入嚟"

下一幕, 我就隔住道門俾日本鬼子的衝鋒槍亂槍掃射, 咁就拎左飯盒喇.


fundamentally, functionally and in term of outcome, 我和陽光先生的第一男主角沒有分別.

我已好滿足.



來到最後,  愛信和美國人, 感情早由愛情轉化為彼此尊重對方選擇, 不求佔有, 但願意奉上一切守護的知己.

和浪人, 最後一幕, 浪人有一點斷捨痴情塵緣的感覺.

所以有錢少爺是最慘的, 乜都冇.


---------


如果, 我以前喜歡的女子, 真係玩穿越, 但去了清朝中葉, 被選入宮, 由低做起, 怎麼辦?

(她點會選吾到呀....她的美貌贏到港姐冠軍有餘)


咁...我又跟住穿越喎...

我又想繼續做保鑣去守護.

咁我咪都要入宮...


侍衛, 我吾打得,

御醫, 我又吾讀書, 

御廚, 我煎牛扒會搶火.

咁, 剩低太監呢個選項咋喎.



to be or not to be, that is the question.

好苦惱.

我諗, 最後, 我都會去淨身既...

畢竟她若做妃嬪, 要爭寵, 若有一個出色又忠心的太監(我) 輔助 , 做擋箭牌, 在宮裡的日子應容易得多.


希望我被其他妃嬪施以毒計, 射人先打太監, 所以被亂棍打死之前,

她會成為皇后啦.





我真夠無聊的.

Voyage 54

(i)

19-9-2018

最後, 那張換不到日期的劇票, 給了以前興趣班的小朋友.

在地鐵內交收時, 佢俾左這枝潤唇膏給我, 當作謝謝.

並說, 塗完會很精神云云, 旅行買回來的不多手信.

可惜...

如果...

我將張飛俾左金秘書...你話有幾好呢...

用法可以大為提升, 效果更為顯著.

 潤唇膏先塗在金秘書的嘴上, 上下唇互印平均分佈膏料.

然後, 梗係佢的嘴印在我的嘴, transfer 那些膏料啦, 吾係我點塗呀.

就好似茶葉, 明前龍井一樣, 傳說中用未婚少女用雙唇採下茶葉芽片之嘛...

吾係點叫女兒紅...


請金秘書咁幫我塗, 純粹係有科學根據, 吾係我的FF.

講明先, 佢吾准伸脷架.


信我呀, 冇一個男人咁用枝潤唇膏會吾開心, 吾精神.

枝野應該可以用100天...

最好我也會 transfer 番俾金秘書!?, 環保省用潤唇膏!!!



看IG,  金秘書的粉絲見面會, 在南韓才35000 圜, 平多過香港那些好多啊!!!!!!!!!

如果佢在香港搞, 我實去...


其實, 朴敏英甚麼都好, 性格, 樣貌, 才華甚麼都拿A等評分,  只是心口差少少, 拿 D.


(ii)

20-9-2018

我知, 我知, 條友其實衰ON 9 , 被人捉到正...

通街做 財富管理, 保險經紀  都會有私人的客戶名單架啦...

吾係轉工時, 真係由頭搵過曬啲客呀...

世上有錢的人, 只佔 1% 架咋.

個個都謀住呢1%的人, 想哄佢打本開基金, 年年收基本管理費過日晨.



用舊舖email send 番俾自己, 佢吾捉你就有鬼啦...

手寫都懶, 跳槽又吾係今日遞信今日走...

日日用腦記住, keep 住mark 低幾個已得啦,又吾係殘廢.

我估, 現在條友好難搵番呢類工作.


不過, 我其實好想知, 呢啲工種轉工後, 有甚麼技巧可以接觸舊客戶, 而不被舉報違規.

CFA ethnics , 好似有講過, 但鬼記得咩, 十幾年前 lu.

 有道德, 只能乞食/被恰/上吾到位.

不過, 現在有時幫工作室的人聽下電話, 收下速遞, 做看更,

發覺很多技能在以前的工作裡是學不來.

----------

我覺得, 那位愛上有婦之夫/ 老師的女子, 很不幸.

低調地愛, 善待男人的兒女, 佢怎說都不應是壞人.

"二奶" 呢啲term 有侮辱成分, 大概現在不是美滿的結局吧.

要不然, 應可以用情人來形容.

你試下對乜乜富豪的第二/三個女人咁講野呀...收律師信.

這個社會好多痴線的人, 偶然掃了一下comments, 啲留言真的好痴線.

世上, 邊有搶人老公呢回事...

最為難女人的, 說得最難聽的,  是女人.

(iii)

20-9-2018

有些事情, 說了出來後, 真的舒服好多.

跟朋友們說, 我不想再被人用感情事/獨身來取笑, 我忍了好耐.

沒有人鍾意被人反覆提及傷口去娛樂.

朋友說, 我不想提及, 是一種逃避.

或者.

又或者, 將來又不會介意了.

時間會告訴我的.


(iv)

22-9-2018

昨收巿後, 匆匆撲去這間新開的牛角包店.

買了半打, 給工作室的人吃.

嗯, 我是襟撈的, 沒交租, 卻用人地地方, 在快中秋時表示一下, 這個我還懂.

 味道都幾好吃, 只是, 去日本東京, 好多間都有這樣的水準.

(只是香港很多麵包店只顧搵快錢, 有得俾你食就好啦...)

所以也不值得排半小時.

更何況, 我排了兩次, 因為晚上要給另一批朋友吃.

等開分店, 分散人流, 熱潮褪去, 再來也不遲.

吃的,是心意.

所以, 不要叫我每周五都去排.


btw, 明太子那隻味幾好吃.

-----------

晚上, 和朋友去了肥後屋吃串燒.

大概搬了後, 環境比以前擠, 隔音差, 比以前吵, 總覺得沒有第一次那麼舒服, 令味道也減了分.

不過, 還是好吃, 價性比仍高的. 人均才340元.

只是, 不明白, 為甚麼AEON 沒有獺祭賣, 難得現在不捨得花錢的我, 會買枝清酒跟朋友分享.

 不過, 這枝倒還算好.

飯後, 和朋友們去了珍煮丹喝奶茶.

朋友錯讀成珍煮母. , 接著有人便說, Jane cooks her mother.

好好笑.

珍煮丹的珍珠, 咬下去有點甜的, 好吃, 朋友說啲奶不成比較淡, 我反覺得, 因為奶淡, 所以才吃得出珍珠的糖心.


有沒有發覺, 年紀越大, 味覺開始沒那麼靈敏, 吃東西會偏重口味一點?

都係的...

所以, 我最愛中女港女.


朋友的兒子已初中, 因為靚仔,  英文好, 所以很受名校女生的歡迎, 有兩個女學生說是兒子的BFF, 並親手製了一個相簿集替兒子慶生禮物.

四個人在串燒店均說, 邊有可能BFF, 在佢地的年紀, 那兩個女學生擺明是冧兒子.

做得BFF, 除非兒子是同性戀, 或是大家都幾十歲人, 有了很多人生經歷, 懂得控制收放情感.

(幾廿歲人, 若吾識收放既話, 多數冇好下場...正如...自嘲mode..."後來...我總算學會了...如何去愛...", 點都好, 遲做好過一世不肯改...)

不過後生冇醜女, 只看兒子想不想拍拖啫...




我忽然說,  女人呢, 都係到中女先至最靚架, 死靚妹, 冇乜吸引力.

然後, 全枱靜曬.


------------

快到中秋, 收到這些.

雖然自閉, 但仍有點人緣.

是近來工作壓力爆曬燈, 爆到連呻不想呻出來的程度的安慰.



想來, 已是第三盒月餅.

若是奇華, 我就當自己食左lady M // 面書好多人講.

after all , 好吾好食先, 代工的月餅, 好食過奇華咪得囉. 奇華吾係賣傳統月餅咩?餅底有奇華, 從鬼佬角度, 奇華係香港名牌, 佢覺得呢個係selling point 呀, 我地找代工都找老字號, cross over呀, 你問番Lady M , 夠不夠薑貼個內地不知名的餅店話佢地係代工呀.

似乎因為曾生, 啲人都憎埋個月餅商, 吾會從為"香港品牌"呢個term 驕傲.

好奇怪, 一向我吾會為乜乜咁驕傲的人會諗到呢個point.




同埋, 有乜出奇啫, 同一件野, 有brand 賣多好多錢, 呢個是商業世界的常識.

價值鏈一向都是有brand拿最多.

吾係, OEM , OBM 呢啲term 講了幾十年, 很多廠商都想有自己的brand, 吾係識做, 做到人地一模一樣, 就賣到相同價錢. 小米同三叔啲機, 價錢差幾遠先得架?


吾係, 又點襯托出有些人是吾太在意牌子, 只講質素質料的生活態度.

世上, 有太多吾出名, 但貴到hihi, 又靚到hihi 的衣食住行.

低調地奢華.


做生意, 做到有品牌真係好難.

做到吾出名, 但都賣到好價錢, 得到有要求的麻煩友認同, 則是另一種難度.

(v)

22-9-2018

剛聽過 gin lee的新歌.

歌詞不易明, 大概是最禪的失戀歌.

也去維基看看是甚麼意思.

想來, 生活應是這樣子的.



https://zh.wikipedia.org/wiki/%E4%BE%98%E5%AF%82

侘寂接受生活是複雜的，但崇尚簡單。

它承認三個簡單的事實：沒有什麼能長存，沒有什麼是完成的，沒有什麼是完美的。

接受這三樣事實，就能接受滿足是一種成熟的快樂。

(vi)

23-9-2018

你今日投左未呀?

吾係西九補選呢啲無謂野...

好厭...好煩...成班垃圾, 特別姓馮那個, 把累積多年所得的尊重透支.




我指是韓星人氣投票.

除了朴敏英, 還有我"老婆"孫藝真喎..

我投左俾邊個?

呢啲野, 吾好問...

手背係肉, 手心都係肉, 我兩個都鍾意.

而我以前喜歡的, 更是心頭肉!?



用埋那個假FB 帳戶投多次囉, 咩事啫.

一次過同時鍾意兩個韓妹, 犯法呀.

 話時話, 呢個網站好流...好似倒米咁,

專把韓妹影得吾太靚的相當cover.

但係...咁咪好有男朋友幫女友影相feel 囉?!

我咪係到投女朋友一票囉!!!!!!!!!!

莎拉耶..莎拉嘿唷...敏英, 藝真.

(vii)

23-9-2018

有時候, 同一件事情, 若換了角度, 看到的便會截然不同.

譬如, 面對挫敗, 明明預見到若完美地完成一件事的結果有多華麗, 但最終甩甩漏漏收場.

灰暗的, 會一直沮喪下去, 但積極的, 卻會想, 這是準備下一次更好的經驗.

譬如, 勸說一個男人剪指甲.

灰暗的, 會說留長了, 令男人顯得娘氣, 也不衛生.

積極的, 卻會說, 留長指甲, 會好容易刮到女伴的下體內壁, 令佢不享受過程, 大家不合拍, 男人不能成為那方面的"好手".


今日, 你剪左指甲未?

我剪左.

看面書, 日本集合的post 話, 手指要輕輕平拉的 手指頭要輕柔地碰觸內壁, 不要粗暴地猛烈地CHOK!!!?, 家下吾係玩強X feel, OK?

生活常識啫...雖然冇機會實踐.

我又變得灰了....LOL.

(viii)

23-9-2018

睇吾睇好呢?

幾可保證, 吾係俾垃圾我睇.

而那個cast 我都幾鍾意.

如果看, 都會揀日場吧, 沒有那麼濕滯.

但做個半鐘咋喎...睇夜晚都OK.


我那澳門八達通呢? 吾知仲用吾用得.

(ix)

23-9-2018

明天中秋, 食乜好呢...

煲湯就冇我份...煲劇又冇乜好想睇.

都係吾睇延禧啦, 一集都冇睇過.


真係煲湯...

你想叫消防員上嚟我屋企呀? 我煎塊扒都會搶火架.



話時話, 煲湯, 是中女港女, 要靚的, 的專利.

畫面好靚.

你諗下, 有個漂亮的中女港女, 煲左湯等你一齊過節食中秋飯喎...



呀, 我想飲咩湯呢?

西洋菜豬骨湯,  杞子烏絲雞湯,  冬蟲草雞湯, 無花果瘦肉湯.


諗下好喇,  冇中女港女會煲湯分啲俾我架...

在百佳買包灣仔碼頭餃子就有我份.

 --------------

面書越來越難用. 技術開發的人, 不懂"recent" 是甚麼意思.

我想看recent, 明明按了, 卻盡給星期三四的...


(x)

23-9-2018

本想過明天去不去補看唐詰.

給了飛的那位小朋友說, 詹生有點太過表演慾...

明曬.

除非有另一個人說好看...

否則都係慳番.

--------

有點吾開心...

中秋節啊...人月兩圓...現實裡的...都算啦...我慣左.

但電視裡的...我"老婆" 卻跟另一個男演員在IG整心心,

佢未同我整過心心架!!!

我呷醋...條裙又鬼死咁短...好似冇著褲咁...

---------------

人到中年, 常見的事是年幼至年青期, 當時社會引以為傲的人物, 現在一一回歸塵土.

一路好走, 高錕先生.


想又想, 現在三十至五十歲之間, 那一位社會人士將來會有這樣的名望.

你想到嗎?

當然總會有傑出人物,  但要去到高先生, 林燕妮小姐, 令人聯想到香港黃金歲月的程度, 卻不見得有.

Package Lau?


---------------

有時, 我都知自己好衰.

譬如,從前的色士風導師在面書呻...失婚後, 過節很孤單.

我覺得好煩...呢幾個月係咁呻...

我邊年中秋吾係?


但想到, 佢今年先離婚, 現在不斷呻, 好正常...

我知要體諒.

但是, 我就是覺得煩, 因為負能量.

大概, 是我有沒有發姣, 是不是屬於很用心對待的朋友類別的分別吧.


我知自己是咩人, 換了是喜歡的人, 她見到甲由而尖叫, 我都會緊張到不得了,

恨不得吞左隻甲由令她定驚!?

我會很樂意聽她呻到天昏地暗.


咁係吾係吾應該呻呢啲野呢?

咁又吾係喎, 呻出來, 會舒服啲, 我支持的, 正如我心情吾好, 咪係到呻寫垃圾一樣.

但呢啲負能量, not-in-my-house 囉, 都係.., 人都會分親疏選擇接不接受負能量嘛.



怎都好啦, 以上是假設偽命題...但總之一句到尾.

冇人叫你去諗中秋節, 以前喜歡的人和伴侶一起造節/ 上了對方家吃飯/帶了對方回父母家吃飯...etc

至少我吾會咁諗囉, 雖然曾喜歡的人現在應是這樣做節.


諗下聽日茶餐廳爆曬, 又吾想食老麥, 肯德基...元氣太垃圾...煮飯會火燭/我好懶...月餅太滯, 總之煩, 咁諗好過囉.

我吾鍾意過新年, 吾係單身, 而係冇啖好食.