電影中的娘娘, 後記 2-6-2017

有劇透.

廢嗡:

1) 原來中女觀音娘娘在電影裡, 不是演泰國人, 而是阿馬遜人.

2) 娘娘年輕時, 學功夫射箭,  很青春健康美, 看到我心心眼.

3) 娘娘年輕時, 都會俾靚仔呃, 被呃左出去世界到處闖蕩. 小心靚仔呀...靚仔冇本心呀...娘娘.

4) 都說娘娘甚麼都識架啦...娘娘是萬能的, 天才型, 甚麼語言也會, 書也讀得很多.

5) 娘娘第一次見到男人的 XX , 係好坦然從容,  她見慣大場面架...

6) 娘娘在試衫, 最後一襲中性打扮, 英氣十足...娘娘下次去歐洲濕平, 都要買番一套. 雖然在香港冇乜機會著, 咁鬼熱...但穿上身靚喎...襯得起娘娘喎...套野睇落應要幾萬蚊貨式.

7) 娘娘爬出戰壕, 再打入鐘樓,  我真的想企響身叫, 娘娘好嘢, 打得好, 娘娘威武... 我真心看得很投入, 娘娘真的很靚, 魅力直追現實原裝真人正版的中女觀音娘娘.

8) 娘娘, 吾好俾靚仔呃, 靚仔冇本心架...我又嚟呢句...

9) 娘娘雖然甚麼都懂, 又聰明, 但係內心仍有一顆柔弱需要被呵護的, 純正的心...我要再入紙申請當兵...

10) 男主角死時, 我很傷心, 他死他賤是他的事, 死十次都依然係男人, 關我鬼事,  但娘娘會傷心, 我也會跟住傷心. 娘娘不要哭, 我會痛的.

11) 如果結局改為娘娘和男主角幸福在一起度過短暫的匆匆數十載, 會幸福得多, 到時娘娘變成太婆, 玄孫滿堂, 有另一種幸福, 但依然為愛與和平而出手.

當然, 幸福不應只有結婚一種,  那樣子會俾娘娘鄙視的,  現實裡, 娘娘也會幸福的, 以她喜歡的形式.


12) 娘娘決戰邪神, 係預左誇張,  所以不覺是高潮,  我反而覺得她打戰壕那一場好睇啲, 以及因傷心而覺醒一幕 (好似孫悟飯憤怒後, 覺醒, 變身真正的超級撒亞人一嘢KO 斯路一樣咁堅) 好睇過之後的打鬥特技.

13) 不過有一樣野, 電影裡的Wonder Woman 和現實裡的中女觀音娘娘相同的, 兩人都有凍齡級別的外貌, 近似的美麗動人.

14) 電影裡的娘娘原來是一個很長情的女人...美好的品德, 但也讓我看得很心碎. 歲月太長又未能忘情,  娘娘用情如此, 讓我看得很想哭...娘娘變心啦...我支持你架...

15) 大把英雄片女主角死啦, 又吾見我感動想哭?  我有諗過呢個問題, 大概可以歸納為沙文主義潛意識的植入的結果. 男英雄死左女主角, 好小事,  下集有條新女咪幾好. 咁多集占士邦, 條女吾死, 第一集邦女郎沿用到第七集果時,  你搵鬼睇啦...條女個樣都話可以打botox, 但胸部下垂...

但係女英雄死了男人,  一般觀眾不會說 :  咁咪好囉...下集又有小鮮肉登場.  我們的社會好像預期, 女人死了男人, 就要守寡一段時間,  甚至自梳女似的.

不看這套電影, 都不為意自己竟有這種大男人主義病毒潛伏.


正經的:

https://en.wikipedia.org/wiki/Wonder_Woman_(2017_film)

我覺得電影拍得幾好. 我入場前完全不知Wonder Woman 是甚麼, 入場純粹覺得女演員外貌有七分似中女觀音娘娘咁靚. 雖然如此, 也完全跟到故事說甚麼, 也知道漫畫裡的最新背景設定.

英雄片通常都有陳腔濫調, 但此片用比較軟性, 女性化手法去表達, 加上又靚女呢, 說教上來也挺受落.  保衛不是別人值得, 而是因為自己的信念.

若由中女觀音娘娘說....應更有說服力...

至於3D 效果...一般啦...我入場都吾係為左呢啲...3D效果一向都吾係太吸引我入場...

很多射箭鏡頭, 拍得幾靚, 倒是真的.

把Gal Gadot 拍得很靚很型, 也是真的, 而她真人原來是中女級30幾歲, 難怪會吸引我呢位中女控.