Seasons 57

(i)

家裡的洗衣機壞了，去Aeon 買了一部新的，純粹夠近。

嗯，永冇下次，今時今日咁嘅送貨服務。

送貨連安裝，前後六個鐘，送貨還要自己再約。


(ii)

點解吾口痕講毛記上巿?

有乜好講?

難道講睇完文件，那三個創辦人人工仍然是 underpaid，上巿後派息吾可以任派，要變回正常，狂加人工會是可預期的新聞?

我只知自己工作上仲有好多野可以做得好些就夠，搞掂自己先啦。吃花生還吃花生，但不要太上心。

我知自己要乜，要錢和健康，但不要太長命。


(iii)

記得新聞報導，林鄭在書展提到她忙到沒時間看書，只推介她以前的著作給學生看。

再一次對她不屑。

算啦，自己對她的觀感沒變過，即使近來表現得平易一點。

Bill Gates 咁忙都會看書囉...

https://www.gatesnotes.com/Books#All

(iv)

花了半天在床上、在屋企附近的Holly Brown hea，讀完 hocc 的新書，寫得坦白和真摯的。

我四十歲生日會在那兒？

大概在京都大阪吧。

仍記得今年去京都大阪的旅程和約定，對那個地方有感情。

嗯，近來嘗試在周六減少上網、面書、通訊工具，看多些書，放慢節奏。

(v)

今個月比較懶。

若果不去健身室，我大概一個月做不到四次運動吧。

熱到癲...在家全日開冷氣...


咁鬼熱，內心閃過一秒住籠屋/劏房/天台鐵皮屋的人更怎麼辦。

但是，我不知可以說甚麼，門面堂皇的說話不計。

換了是你，對於這社會問題會說甚麼?

(vi)

嗱，套劇冇睇過，我冇資格評論，但係現在做翻譯劇的水平，確實要比從前高，畢竟劇本嘅野，在amazon一買就有，對一對，就知劇團比咩貨色人睇，冇得呃，正如《回歸》做到好差，看了劇本便知導演在耍觀眾，嘥我錢和時間，並且係冇心機推敲文本，所以我記仇blacklist 佢。

事實上呢，譬如NT live嗰啲越來越多，$220可睇BC做Hamlet，$500幾可睇蜷川來港巡演，點解仲要俾$3、400蚊入場睇本地劇場人做翻譯劇，並且一對照劇本便知佢地做得吾湯吾水 ? 

上網睇一個外國出色的版本不是更好嗎？佈景又靚啲，對白又吾譯到一舊舊得層皮(好彩既話) 、隔離又吾會有個八婆摷膠袋，手機芒發光...

現場感？好睇就話啫，吾好睇咪現場折磨，想走都要中場休息。

其實越來越容易有外國演出比較時，本地劇團若吾識導、導得吾順，上youtube、買碟又好，參考下都得卦？

你估依家仲似中女觀音娘娘啱啱睇舞台劇的年代咩，嗰時連 internet 56k 上網都未有，劇本又吾易搵，舞台上啲人做咩便只能以為係咁。

現在做翻譯劇真的不容易。

(vii)

看網上新聞知道有動漫節。

我不會去啦，啲漫畫人物已不太認識，最多知邊套譬如叫海賊王、喜羊羊，但未睇過動畫。

動漫節會有一些年輕人cosplay。

我心諗，假如中女觀音娘娘也cosplay，她扮甚麼會比較好?

木乃伊 ?  係夠密實，吾驚俾人睇蝕曬，但今日會中暑囉...三十幾度喎...

神奇女俠? 少布夠涼快，但她中女觀音娘娘本身已是上帝的奇跡，外貌身材也相近，自己扮自己，變化不大，不夠特別。

我覺得，她扮蝙蝠俠裡的貓女郎就好。

我呢?  

我只要係壞蛋就得，扮邊個都冇所謂。

Anne Hathaway

咁樣...

中女觀音娘娘便可以用皮鞭打我啦!!!!

我好幸福啊...能夠俾娘娘鞭打...

夠!!!!

(viii)

看到今周開賣的演出有 親密 (Claustrophobia)。

查字典 Claustrophobia 點解。

嗯。

應該不是自己杯茶，除非看到有人推介啫...(梗係吾係任何人推就得啦,  浮士德心軟咪溂野囉. 我指我認同品味很好的人, 其實得幾個...)