Voyage

(i)

雖然誤會了，吾啱規矩。

最後把五舊水超市券給了北河再轉交。

希望可以幫到那些老人家。

生命影響生命。

(ii)

看了面書關於巿民放火派超巿禮券, 贈飯的posts.

更感受到那些靠賣紙皮的老人家現在徬徨的心情.

成架車仔的紙皮, 推到老遠, 現在只能賣到 $4.5.

雖說老區的麵包店會比美心, 凱施, 超群, 聖安娜便宜,  但也僅僅夠買一個接近白麵包的麵包, 不會飽肚.

有點無奈和無能為力.

(iii)

若說近來被恥笑得最多的舞台劇, 首推是" 我和青天...".

原來, 以前興趣班的同學, 她在報彩虹那個劇團的課程認識的同班同學,  (隔了幾層, 所以我識條友條毛) , 在戲內跑龍套.

忽然, 想到這應是那條友在課程後, 首個大型的演出機會吧.

不知, 他看到如雪花般的批評嘲笑恥笑, 有甚麼感受?  滿腔熱血會受打擊嗎? 會覺得灰嗎?

青春和成長的殘酷物語.

我想起初出來工作第一份工, 做埋啲十九野的往事.

當然, 現在也好不了那裡去.

(iv)

周日晚, 預祝大姐生日食飯. 

揀了最穩陣沒有驚喜的雪園.

大家都年紀大, 無謂貪新鮮, 也不好叫她們吃生冷野, 炸野, 她們又吃得不多.

不吃鮑參翅肚, 其實都實惠.

大半年沒見了.

嗯, 關係不算親近, 但又談不上差, 又沒有錢銀糾紛.

住在紐西蘭的小舅將在聖誕回來，大夥對於re  union的興致不高漲，姐弟們都是對親情比較疏離。

我只會想到，咁仲吾仲去plan 泰國？

點夠錢退休也成了話題...取代旅行去邊。

姐說想搬去檳城。

她問，700 會升到幾多? 點知啫...你想我講 "現價仲有上望空間, 目標現價加多十蚊咩..."

總之吾好 "一注獨乜"啦... 

話時話, 我到現在都好憎那條投資評論 "一注獨乜"  出風頭的人.

真係有些人痴孖筋, 真係會信架...

搵食啫...吾使咁呀嘛...

所以, 我真係冇向那個方向發展事業的技能.

(v)

近日, 用假的面書帳號, 去like, 去加入一些投資群組和page. 

有些被爆料的八卦, 是自己都識的人,  很偶然地應酬食飯會見,  當然人地認得我個樣但叫吾出名囉...

怎都好, 無謂他日俾人知道, 我一直食花生...

我很低調地八卦.

乜佢離婚時咁仆街架...

網絡世界, 真的乜人都有.

若沒時間糾纏是非, 都是做cd rom 便算.

不過, 真的多了人炒股票, 同我講股票, 話時話.

咩"散戶多了參與,  炒風熾熱,  接火棒時間到.." 

咁個巿好快見頂...

講真,  講得呢啲對白,  要在個巿爆左煲後, 講那條友仲未被人炒,  先會啱和不幸言中...

未煲之前,  鬼知咩...

(vi) 

我們為了得到幸福
將要踏上這段旅途
或許每個人都是
帶著難癒傷痕的旅人
你看笑容多麼適合你我

為甚麼轉換隨心書寫的標籤？

沒有受打擊，日子過得很平靜，除了看了兩齣不算滿意的舞台劇。

純粹覺得自己停留在同一地點太久，想有一些變化。

我仍不覺得、也不想做好人，選擇墮落，少一點束縛。

我仍會想令自己的生活過得好一點，認真一點對待自己的事業/生意，搵多些錢，少理無謂的人和事，多點時間在興趣，去不同的地方旅行走走看看。

感情事，隨緣。已不是年少時動軏說我以後不再怎麼那麼。

心底仍重視承諾，所以不會再隨便說甚麼。

我仍會希望祈願中女觀音娘娘安好。

(vii)

我係想食迷你奶黃月餅。

不過，今天當收到上巿公司寄來的餅卡後，卻會把它轉給朋友----保證收到後不會嫌棄並在IG公開開我拖的朋友。

我是想吃，但一盒真的太多，爆血管，五星酒店的奶黃月餅都咁話。

把月餅放入微波爐加熱20秒，那種奶黃香氣，真的食指大動，再泡一壼茶，會好開心的。

想像自己吃過，學女優明明無都扮滿足(?!)，就算了。

況且朋友有得吃，結果也不差呀。

(viii)

忍忍忍忍...

要爭氣...

一年後起身吾撈...

仆街吖呀...

(ix)

我覺得，即使從前幾乞人憎都好，特別是想溝女嗰陣，現在用瑜珈筒咁壓大腿膝頭按摩，都應獲得寬恕。

真，標冷汗。

中女觀音娘娘啊，赦免我的罪吧。

正所謂，心口有多大，心胸就有多大?！

大人有大量，大人不記小人過。

痛！

(x)

看到朋友like，才知黃加藍財演又向同行挑火頭，寫啲又吾寫啲，叫人對不對號入座都死。

呢條真.八婆嚟㗎，見上巿公司時咪又講廢話，問埋啲冇深度的問題，撻幾個名詞扮有做research，擺曬阿姐款。

佢又好叻咩...

匆匆看過她評bitcoin。

我會問，佢有冇投資？

成篇講完無投資意義，咪一樣係吹水。

好得閒呀，我吾好去睇瓊瑤嚴沁梁鳳儀？

睇完瓊瑤都話可以偷橋，用嚟追中女觀音娘娘吖，她實buy，"娘娘妹妹啊，你的眼睛像寶石一樣明亮，你的聲音像黃鶯唱歌一樣動聽，你像高聳入雲的雪山，聖潔而又充滿神秘，我想念你的夜裡......"，睇bitcoin把鬼咩。

-------------

風迴路轉...我轉軚...

抵條友死, 俾人唱啦...

問人地野時, 開口埋口"肥婆..."

都係吾好跟車太貼...

btw 中女觀音娘娘就算依家變左做三百磅，我都會話佢索過苟芸慧！

係愛呀！哈里！

(xi)


其實, 係咪有富三代借啲意, 表面搵人扮headhunt , 約她出來, 實際係想溝她呢...

生得靚, 係會煩架啦...

吾知那個富三代會不會好似內地一個土豪咁, 一炮過買幾百部iphone去砌心心示愛一樣,  也包起一場"紅梅再世" / "我和青天有XX" ，只有他和中女觀音娘娘去睇呢?

電影院包場兩個人睇戲, 我就知有啫...

舞台劇包場兩個人睇,  就真係未聽過...仲要呢啲戲...

娘娘好幸福啊...

她果然係 Asia Pacific (Ex Japan) 美女第一人...

不過，又會不會係星探公司，想搵清純鄰家女孩入行拍住古天樂、吳彥祖、劉德華，所以找上娘娘？