Voyage 3

(i)

近來, 天天朝八晚七, 還未計回家再做多一會.

基本上私人時間變得很少, 靠寫字減壓.

有點懷疑自己係咪做得慢, 不過一本成吋厚的重組通函隊埋嚟, 要做一個"簡介".

冇前冇後, 吾係慢慢睇清楚, 咁又可以點呢?

" 本通函封面咪講曬呢本野重點囉...你仲想知啲乜?"

我未發達前, 我都不可以這樣串咀...

唉...


(ii)

看了大汗推拿, 很滿意的演出.

也是近來唯一滿意的舞台設計.



(iii)

看到很美的大自然風景照, 更激發自己想去旅行的渴望.

岡山, 名古屋, 二世古, 北海道, 四國...京都...

是十二月去一次, 還是一炮過二月放長假?

我應承自己, 幾年內, 去冰島看看.

幾時先碌到十幾萬分去歐洲呢?

世界上只有兩樣東西是值得我們深深景仰的，一個是我們頭上的燦爛星空，另一個是我們內心的崇高道德法則。~ 康德

相中人很細小, 又揹兩部相機, 不太認到是誰.

若也有食物相看, 會很好.

食飯時望梅止渴嘛, 好頹, 啲飯盒.

其實，影乜都好，分享相片，側面知道旅程平安，便已覺得甚麼都影得很靚很好。

還好嗎? 今天的妳

我真多事。

(iv)

原來今年有間叫「哈妃」的月餅好好食。

見朋友試食報告啫，我冇食過，臉皮薄，不好問人要，怕被拒絕。照下鏡先嘛，一盒得八個，邊輪到我。

(v)

經歷一個半月的磨合期，開始適應新交易平台。

好痛苦...

要記住豁出去，改變的勇氣。

(vi)

收到一包無花果，買了三盒蛋捲回贈。

不是出於計較價值，不是顯示不想欠了別人。

純粹覺得，一次過試原味、海苔和芝麻味道，應很不錯，包裝亦挺討好。City Super只有近日有售推廣。

(vii)

時間過得很快，定很慢?

3rd run了，記得那些年開始比較多看舞台劇，看了這一齣。

仍記得演員的角色transition很快，道具很簡陋，純粹靠演員的本事提示人物角色的轉變。

(viii)

雖說減少看舞台劇，還是會手痕買下又買下。

周一買了台灣版的等待果陀的門票後，周五則買了這齣。

劇名會拋窒我，看完簡介更有點驚。

講乜九，又2021年又20, 30 年代北京。

仍會看，純粹導演是本地少數正常、看得過的劇場導演。

如無意外，應是自己今年壓軸收爐會看的一齣舞台劇。

(ix)

是的，我承認自己對別人沒有甚麼信心，抱著「我邊位呀」，「不要覺得自己在別人眼中重要」。

所以，收到月餅時，特別是那一款，感到很意外。

謝謝。哈妃又真係幾好食。

btw，青鳥旅行的蛋捲很好吃，好過海邊走走。

我沒吃過，人地間公司成班OL係咁講的。


(x)

聽日十月二日，明明公眾假期，卻要去做兄弟。

仲要做伴郎那種，不是下午五點幾去到做接待處...

朝早六點幾起身, 十一點散場...

第朝番工...

灰...

對新人冇諗過其他要番工既人的感受.

結婚吾可以揀星期五六架咩?

又吾係包一世只結一次!


想到明年十月...冇咁多公眾假期疊住, 可以去旅行...

更灰...

聽日俾人玩嗰時, 我要控制自己吾好撚講乜九野粗口...

聽講有點杰...

屌佢老味...咁鍾意玩新郎,  你老母嫁得出嗰時玩夠佢囉...

八婆...抵你嫁吾出, 聽日做姊妹,  一世做姊妹...


只覺得現在仲搞埋啲傳統過大禮, 男家女家走一轉....

跟住再去數碼港影相, 然後再踩八粒鐘擺酒...

好無聊和多餘...

講真, 你結婚...who cares??


真係在乎的, 四五圍枱已足夠啦...私底下約食飯咪得囉...

人人都去飲, 吾通個個去飲都好想去飲咩..屌...

平時食番最多30分鐘, 依家成三句鐘...痴筋架咩...

成個婚禮邊個環節冇左, 就吾係結婚?


咪簽紙果吓之嘛...

離婚分身家果時,  要證明係吾係結過婚, 睇有冇玩過新郎呀?



你係facebook status 改married , 全世界都知你結左婚啦...

抵香港人俾人嘲諷落後...


(xi)


中女觀音娘娘真係好有仙氣...好有氣質呀...

去旅行, 都那麼文青, 那麼出塵,  不沾人間煙火.

(她去左outlet 買煲買鑊買廁板,  千祈吾好話俾人知呀...那會打擊一眾現役, 退役, 待役的觀音兵仔的弱小心靈...)

認真的...

旅途一切平安就好...