Voyage 7

(i)

昨(15日) 看食肆推介太開心。(見上post)

夢裡，我約了女神。

OK，女神咪即係又係中女觀音娘娘，我咁專一。

(堅·中女觀音娘娘腔：放過我喇，我好攰呀，俾條生路我行吖∼)


我約娘娘在法國餐廳 Cafe de Coral 食早餐。

然後，她嬲左我。




這是我昨晚三點忽然醒來的原因。

明明應很開心，能和女神約會，最後成了絕望。



P.S. 1

想來，中女觀音娘娘都幾慘的，平日返工十二小時已是閒事，晚上訓緊覺時仲要被拉去OT拍攝我的幻想畫面。


我下次諗下陳法拉、苟雲慧好吾好呢？

但到時候，我又入吾到戲喎。


P.S. 2

中女觀音娘娘會不會吃大家樂？

她是那麼的出塵脫俗，仙氣飄飄。

會卦，我點知，她又不會在面書po 同鴛鴦頹飯的自拍合照。

不過應該很少，她怎會吃大家樂，都是外賣ubereats 或deliveroo多吧。



(ii)

好貴，預約書籍費由2.5元加至3.3元，加幅可恥！

我人工幾時咁加過？

(iii)

當年今日，已經三年。

我希望她很好、很好的心情沒有變過。

雖然，她應已忘記了我。

若記得我先吾知怎反應，我成日在這裡擅用她的名字。

還好嗎? 今天的妳。

「身體健康，早日退休」

(iv)

我仍記得麵屋海神的肉丸和湯底有幾好食...

香港係有好多拉麵店, 近來也吃過米星星的 蔦.

但卻覺得海神還要再好吃一點.

我幾時開始鍾意飲酒呢?

物以類聚囉...我咁孤寒, 點會天生鍾意飲酒...


明年, 應該不會再去多一次, 始終沒有大阪的酒廠那麼方便.

我認的, 有時寫埋啲野只有自己才明, 我幾乞人憎.

當年, 大概仍很想念她, 沉溺表白難過哀傷之中吧.

現在,  我會說, 呢條撚樣真係好撚九麻煩...成個八婆.



是呀, 都三年了...還會喊苦喊忽咩...

仍剩下的是祝願她安好,  她鍾意男人或者出櫃以至bisex都好, 鍾意老的嫰的未成年的金龜飯票的文青的soulmate的也罷, 只希望她永不會覺得孤單, 感覺幸福, 生活一切順心安好.

曾經喜歡一個人的心情, 若剩下的有這些, 也不算太差.

至少, 她是值得.

係我吾好啫...

所以盡量不打擾她, 令她掃興, 影響她的生活.

(v)

看盧凱彤的珠寶店廣告, 提及婚姻.

感覺很warm, 看得很舒服, 自己對品牌加了分.

雖然, 我吾會有機會買...

我又吾鍾意戴首飾戒指...


普通朋友, 點會送金飾...好熟咩...

我喜歡的人, 追到手就吾會送啦,  追吾到更加吾會送, 所以呢世都冇囉.



話說回來, 送禮給別人, 以金錢價值計...

我發現自己有這樣的傾向.

素未謀面, 現實不會有接觸的, 即"慈父慘死..."嗰啲呢:  手鬆動時都會捐下既.

街邊賣旗/獎券的陌生人: 已不.

極普通朋友/同事:  人地帶頭, 我咪跟隊囉, 不多不少

有往來的朋友:  特別節日和喜慶事, 譬如生仔才會買禮物, 不會逾過自己的角色, 即知訂.

覺得很親近的朋友: 都算捨得使錢, 吾會衰過對待自己,  譬如買好少少的酒一起喝, 生日禮物都會挑選.

想追求的人:  一大堆一大堆塞過去.

想追但又知追吾到的人:  從一大堆一大堆中左揀右揀一部分, 最後不會太多,  扮輕淡描寫, 不想給對方壓力騷擾.


(vi)

新時代...我只聯想到 Neway 卡拉OK.

不過, 今天講了幾粒鐘的人, 雖然廢話連篇, 卻又不能真的當他唱K.

有種無力感.

啲人比擬為香港的未來會是新加坡....

自己會更灰...


(vii)

以前的朋友死了養了十年的狗.

他視如兒子.

我該不該厚多士呢?

好像打擾別人的生活.


有時候, 覺得自己和其他人隔了一道透明的玻璃牆.


btw 如過怕將來傷心, 就不養竉物,  我若有這想法, 應是想多了.

話吾定我死先呢...我的生活習慣咁吾健康.

如果養, 我想養一隻貓, 一隻狗...

看IG , 最開心是看貓和狗的cute videos.

不過和家人同住都難吧, 特別是有老人家.

我不想養的貓, 像舊時老人家俾剩飯當貓飯佢地食...那些味精乜乜乜, 會短壽的...

發下夢都好.

若養貓, 我會叫牠做"娘娘".

我果然有做奴才, 做兵的癮...


(viii)


今早醒來, 耳鳴及輕微頭暈, 躺在床上好一會.

應該有點累吧.


今星期返了四天工, 有三天在office 超過11小時.

碎料啫...成個中環大把人係咁...

中女觀音娘娘嗰啲, 一邊吊住鹽水袋打點滴, 一邊OT 做野添架.

我知...所以不會, 也不能抱怨.

況且本是做自己野時間太多, 正事拖到好後的結果.



明天本來清假, 不過卻會上班炒股.

不是熱愛工作, 不是工作責任, 只是不想對不起自己.

咁既巿, 走去放假, 怎對得起自己.


雖無法像大多數普通人一樣 , (不只感情, 也是友情) , 有些遺憾,  但仍希望過多幾年回望, 能評語自己的生活有所追求, 不致渾渾噩噩.

請歸去, 和世界大戰.

(ix)

19/10 當年今日.

忽然想去多一次蘆之湖, 坐船.

好平靜放鬆.

(x)

早幾日, 看到團購網有再早前大熱的咸蛋炸魚皮賣.

原價90元, 現售 70元.

按住衝動...

(其實忙到看完, 轉頭冇左件事)

日前, 以前的朋友喪狗, 忽想到不如寄一些零食給他.

揀炸魚皮似挺不錯.

只是$70 一包似乎有點昂貴.

認真一下搜集資訊，想到早前看過有餐廳代售，於是致電看看還有沒有貨。(當初有報道時，諗都吾會諗去電話問，因為實冇貨，或搶貴曬...)

公司附近的德己立街的Stormies 酒吧原來仍有售,  $50 一包.

有圖有真相, 買了兩包咸蛋炸魚皮, 兩包咸蛋薯條給朋友, 盛惠200元.

雖說明買明賣.

不過，團購網不verify 第三方寄售的售價是否過於偏高 / 搵笨柒，自己對此有微言，這是商譽問題。

是正貨及貨品沒問題，是基本的，但價錢也不能偏離太遠，現在每包貴40% 啊!!!


若團購網每包賣$55或$60，我不會有咁大反應...現在是"減價"後70元, 原價標價90元啊!!!!


有錢有分成, 就接受人寄賣...冇穿冇爛食吾壞人就俾人賣...

理得啲消費者會不會買貴, 俾人搵笨柒...


哎呀...忽想起上月買的長柄黑傘，會否買貴了被搵笨柒。




吾知係咪真係咁好食架呢?

我冇買一包俾自己, 所以都係未食過.


(xi)


嘩...現在才留意到最新一輯NT live.

我對得起列祖列宗...485分鐘.

唉...又要去改時間...撞了女途愉快.

仲有沉淪啊...Ivo van Hove

Yerma 都要睇

Rosencrantz and Guildenstern Are Dead 我知呢個劇本好耐架啦...

即係...又會五齣睇曬...

http://www.cinema.com.hk/tc/movie/special/6

(xii)

星期五晚秋風送爽，去了運動場緩步跑。

跌了八達通，有自動增值那種。

the worst case ，有條仆街半夜三更在七仔錄夠一千蚊，XO百蘭地嗰啲，煙仔一條條咁買。

the best case，有好心人執到並交去失物處。

今次是後者。

所以自己很感恩的。

對職員說對不起，畢竟臨收工仲有條友要開file填失物form。

阻人放工等同殺人一家七十二口，殺殺殺。

也主動提他們check我的電話是否正確，畢竟我沒帶身分證去跑步。

今天運氣還不錯，除了那個仆街的比亞迪期權莊家，開巿屈機認沽期權價。

香港的股票期權，真旳好屈機搵人笨柒的。

不活躍是有其原因。


(xiii)

金融巿場乜都是錢...錢...錢...

巿場反彈就是短期見底...

那些之前的藉口似乎被拋諸腦後.


其實, 加泰單野, 物傷其類啊.

雖然說到底, 都是錢作怪.

加泰人有自己的語言和文化, 卻一直被強逼和西班牙人合成一國, 幾百年.

香港呢?

最明顯是普教中.

語言承載文化和歷史.


(xiv)

日本有很多有趣的百年旅館.

Motoyu Ishiya（元湯石屋旅館）

這一間有能劇舞台的...一年兩次演出.

即搭成一間屋仔咁的舞台...

朝早去完兼六園, 下午三點入住...就perfect 池了.

講啫...未決定去金澤.

https://www.booking.com/hotel/jp/motoyu-ishiya-kanazawa.zh-tw.html?aid=304142;label=gen173nr-1FCAEoggJCAlhYSDNiBW5vcmVmaGKIAQGYATC4AQbIAQzYAQHoAQH4AQuSAgF5qAID;sid=fd0c3cdf0310bb8f1319bfd36a01cfe8;all_sr_blocks=114094514_88977624_0_1_0;checkin=2018-02-13;checkout=2018-02-14;dest_id=-232370;dest_type=city;dist=0;group_adults=1;group_children=0;hapos=9;highlighted_blocks=114094514_88977624_0_1_0;hpos=9;nflt=oos%3D1;no_rooms=1;room1=A;sb_price_type=total;srepoch=1508583089;srfid=26d9ac81195e0471d862e1c1a53dda7089c81043X9;srpvid=d1c74c58a8e30184;type=total;ucfs=1&

還未諗到去東京頭四日去邊...

入了excel時間表, 才知自己要去東京 9日...

冇呀...我是揀最抵的機票時間咋...總之要避年...冇乜點計過日子.

不過依家咁...住酒店錢都死啦...若去近郊, 搭鐵路又隨時萬幾yen...

機票平幾多都吾夠填.

貪小便宜的我又出事...

係架...我係離譜架...但得我自己去, 有乜所謂...仆街都係我既事.

吾係單身嚟做乜呀...

貪去行山, 係咁俾人問幫佢地影團體照咩.

一個人去行山, external observation 已告訴你, 佢吾想俾人煩, 你仲要煩佢影相...