終於到月底，交了垃圾後，工作總算回復平靜。
數月後實被彈回頭，到時候再算。
話吾定我已訓身買中一隻一仙輪，升到5 蚊可以上岸退休呢。
我要求不高，也不奢望自己在香港繼續生活。
(ii)
個巿升時，沒時間炒，灰。
個巿跌時，先有時間，逆水炒不容易炒的波幅，灰爆。
不容易，700 啲波幅。
上月中，啲人牛的時候咩咩 500, 600 的目標價.
淡的時候, 又殺牛, 又恒指比重...遊戲開遲五個鐘都話負面...
好痴線...
我? 冇意見...我有自知之明. 我都吾識.
我同人講要 buying power > selling power , 俾人藐架...鬼吾知咩...
380.2/398 咁上下卦 ...吾得咪364.6...發夢價351.6.
但新聞先啱啱開始講撈底, 都未驚過咁.
回望檢討, 自己做得很差是, 不在700 俾大字標題話巿值升至全球第幾大時, 有行動去買put option.
當年27 炒到癲時, 呂生身家大大字標題多過李生.
3333 今年未炒到癲, 大劉未同全世界講佢買左好撚多, 並繼續買果時, 幾時有人拿許生跟王生鬥身家?
拎出嚟講, 又真係差吾多.
呢啲新聞, 真的是仆街福音.
另一要檢討是, 不在349.6 時, 要有700的朋友開枝威士忌慶祝.
我知佢有Macallan yo 30.
朋友或者會說, 股票可升吾跌..開乜鬼.
飲左先啦...
飲左已落左個胃到...
(iii)
被人踩上門去做不是自己應做的，不是沒有帶來改變。
自己變得更mean，無意與公司的人為善，不想再顧忌對方感受。
工作位子附近很吵，以前都會忍讓，最多怒睥叫對方醒水。
近日睥完都嘈，OT又 O到火滾，惡向膽邊生，你初一我十五，搞大件事，向完GM 再向老板直接投訴要調位。
得罪其他兩個部門所有同事，我知佢地實背後粗口問候。
I don't fxxking care.
畢竟忽然想清楚，今日吾mean，盞自己受罪，反正已決定盡快吾想做，又何必客氣。
結果，位就可以調，若老板不再改變主意。
雖不是闊落，但希望轉位可以風水好啲。
吾係真係去 X交轉運。
但入到去，見到私煙怎麼辦?
打去控煙辦 ?
(iv)
私煙要結婚的消息，在whatsapp被洗版，附加以前阿sir 被呃錢呃感情，無限loop。
忽然想到私煙會不會轉行，開一間「私煙婚姻介紹所」，主打「我得，你都得！結婚好easy!!」？
讓所有感情未有著落的男女，又自覺條件比佢優秀的人求救？
"我要結婚" KOL.
若介紹所爆紅，將來舞台劇「獨坐婚姻介紹所」又又re run ，又係搵上次那位導演，會不會加入私煙元素嗎？甚至請私煙客串「女人」一角？
到時候，woman's gaze 變成 私煙的凝視...並real time 投放在屏幕上...
但若真的是這樣，到時導演一定會再開齋，第六次拿香港舞台劇最佳導演獎!
連 Katie Mitchell、鈴木忠志、Ive Van Hove 都特登飛過嚟睇！
btw，全中環未婚單身港女上過私煙結婚特訓後，到時候個個行路，都識得撥髮絕技!
引死仔!!
但冇人返工再著chloe, lanvin, alexander mcqueen，統一著私煙水手服!
就好似遮打大廈以西的女人, 同化左大廈以東的...
以後我去太子大廈美心食燒味飯, 再冇女可以目及...
交易廣場對面間美心, 從來都冇女目及得過架...
世界末日啊!
話時話，私煙未來老公身體都幾好，咁都硬到。
唉，私煙有婚結，人生勝利組。
我...依然是敗犬...灰...
(v)
星期五晚, 把之前答應了會送的 Dom Perignon 給了朋友，作為以前那些朋友慶祝聖誕節的酒水. 其中一人曾說過想喝, 而我亦記仇而記得.
Watson's 做緊 2009 年特價, 味道跟2006 年差吾多...吾好問我, 我應該分吾到.
自己則買了2004 , 味道厚身一點, 店員話.
不過, 至今不打算join.
還是覺得累.
在hysan place the flipper's 吃pancake時 (吾好食, 即叫即整但都吾夠熱的, 好奇怪, 吾值得排隊等位, 遲早執/ 改輪候制度) , 談了彼此近況, 像多年以前一樣, 也像家人一樣.
做家長有多煩...教出來的小伙子對事物有好奇心好, 定係只識讀死書好.
這是長遠和短線"成功方程式" 的抉擇.
我跟她說, 我們都已是上一代, 世界也不是我們所知的那一套.
而我一定做過一些超乞人憎的事.
只能無奈, 不知怎反應朋友的看法.
我都信我自己做了很過份的事.
但是, 難道現在還可以去問清楚我做過甚麼?
忽覺得自己可以把事情處理得成熟世故一點, 一句都不提以前朋友圈舊事, 或是朋友提起時, 輕輕把話題帶過去.
一年前, 在類似的場面, 我是會在不停呻, 呻, 呻, 呻受無理對待.
我是刻意不提的.
在見面前, 曾拿起紙筆問自己, 想有一個怎樣的晚餐?
簡單食餐飯, update近況.
我改不了其他人怎看我, 自己也不想角色虛假扮演, 下班後, 是落場時間.
那樣子, 又何必再提舊事?
雖然, 我覺得他們欠了自己道歉.
都是算了, 算了.
忘了是不是康德講過: 自由, 不是你有權可以做甚麼, 而是有權不去做甚麼.
我選擇了吃一餐簡單的聚舊飯.
(vi)
近來, 自己少看非財經新聞的程度, 不知何生涉貪污的新聞.
也不知有女主播 34 E, 令大把麻甩仔去看佢報道新聞, 反是朋友叫我去睇睇, 追上時代.
嗯, 其實面書都少上了很多, 好耐冇update.
吃飯時跟朋友說, 自己已是上一代, 開始傾向平時捐多些錢給新聞媒體, 令第四權不會倒得太快就算, 其他的, 不想知或跟得太貼.
很惱火的, 那個棄保潛逃的懦夫, 從前也文乜武, 冇理過信了他的人現在怎麼辦.
對新聞時事變得冷感, 不獨是自己吧?
看看一些老人怎去面對時局轉變, 也是一種學習.
老了不要成為任志剛... 好核突...
都不知已去到他的年紀, 有過的社會地位和光環, 還在求甚麼.
像蔡瀾便已不錯了...不再公開月旦時事.
(vii)
在wordpress 寫，真的懶散了些，除了寫得慢，也不及以前詳細。
唔，都係既...你估我睇完卡夫卡會有很多口水想講嗎?
還差一篇果陀。
希望不會爛尾...
沒有留言:
張貼留言