12-8-2018
我今次仆街喇...我竟然買左12月2日的科學怪人...
12月1日我仲係台北喎...
要諗諗佢...
邊個可以幫我食左張飛佢呢...
唉...
好難...只要係香港會睇舞台劇, 又對睇舞台劇越來越有要求, 好大機會嗰幾日在台北囉.
https://www.nytimes.com/2016/11/05/theater/review-shakespeares-take-on-the-game-of-thrones.html?_r=0
人地話最麻煩的NYT 都話好喎...
中女港女們, 一定會誤會我係文中一枚, 加我印象分.
enigmady 弟弟, 你好叻呀...
(我愛女長男幼年上戀 !!! 如果有中女港女咁讚我...我會開心到癲...)
你估我真係識睇咩...
我去打卡之嘛.
-------------
訂了機票...如果Flight Delay , 咁我就PK.
------------
忽然覺得, 自己的自尊心重/內心脆弱, 非不得已, 都不想麻煩別人.
寧願搞到自己很chur , 也不願試下問身邊的人接不接收那場飛.
我試過問啊...不過問電影院有沒有可能換票.
我不想別人覺得自己可憐, 一個人去看戲, 一個人....
我只想讓別人看見, 我一個人離開這個歧視的地方.
(ii)
13-8-2018
來到的時候已快下午五時，那時候排隊的人群已散去不少。在公園排隊入靈堂，我在想，自己曾經歷過的情緒躁鬱，雖然折磨，但對比需要服藥的人，卻已不算甚麼，不過卻知道，那一定極之痛苦。鞠躬，是對死者的致意，也是給自己的心靈洗滌。在靈堂上靜默的時間不長，心裏剛對亡者說完「RIP, 自由了，不再痛苦了」，便需要離開靈堂。一切匆匆，來不及沉澱。然而，這就是死別吧。
是呢, 今天下午去了靈堂, 悼念談不上認識的歌手, 只為曾經低落時接觸過有關歌手的凌碎認知.
情緒有問題時, 要張開耳朵, 睁開眼睛.
這個我懂, 也知道有一定用處.
能否接收, 卻又是另一回事.
只曾記得, 那一刻的安慰.
回家路上, 我會想, 將來若有那樣一天, 我一定要很低調.
把事情預先辦妥, 該給誰的, 早早轉入對方名下, 省去勞煩他人報領死亡證.
面書, 微博, 這裡, 久久不更新, 一大堆通訊app 最後上線時間是很久以前.
就這樣平靜地消失在任何人的記憶中.
反正, 誰會記得和在意呢?
那便足夠.
(iii)
15-8-2018
近數星期, 一起出來的戰友不順, 多數時間留在家休息hea 炒, 但反而表現好不少.
我吾係好好, 只是吾好得來, 見到自己銳變中, 所以保持積極.
今天, 佢話, 要拜多次工作室裡的關公土地神像.
原來, 那個關公像已有幾十年歷史....所以都幾堅...
而土地其實都是財神的一種.
我今天才知.
由於自己的位子可望到神枱, 近來, 都會望著關公像自言自語.
冇做錯野, 走得甩, 改到手勢, 留意到特別的野, 會跟關公像說聲多謝.
好過對電腦屏幕說話.
吾係, 我同空氣講野咩.
若工作室的老闆不跟我說話, 我真係會成日都未同任何人講過一句話架.
去老麥, 我都係用自助機點餐, 吾使講野架.
算不算迷信呢, 但始終撈偏, 都要講運氣.
平時晚走, 冇人時鞠多幾次躬先.
現在時勢, 金融業早晚炒人, 生意吾好固然炒, 生意尚可都炒, 壓低部分不被高層重視職位工資.
我的年紀經驗, 要找工作更死了條心.
除非你的工作本身, 有本事拉埋啲俾到好多生意, 非你莫屬的客人過檔啫...
吾係, 都可以被取替.
更何況, 我都未曾做過那樣高級的職位.
而我真係冇諗過做回證券.
吾知會不會有認識的人準備呢排轉工呢?
帶客過檔...收番一千幾百萬握手費...固然筍...
不過入到去, 咁既環境, 個客有野想買都吾易...
到時, 交吾到數, 又收那個人工, 俾人捽數捽死都似...
搵食艱難, 最好吾使做.
(iv)
16-8-2018
從不聽電台財經節目 , 這晚卻聽了平時都會看財經專欄的炒家的訪問.
不是想聽冧巴.
有時候, 我發覺有吸引沉船之力...
這數月, 曾經有朋友俾過我 冧巴.
一隻係醫藥股...
我買完...
你求其搵隻醫藥股都知咩事.
又不好問朋友怎辦..." 我都輸呀...長線會升呀...放心啦, 成間公司冇人敢呃我..."
另一隻澳洲上巿, 經過第N手後的消息人士說企業重組.
受過無數次淡巿, 細價股低成交的教訓.
當時我pass左, 死都吾買.
之後升了三成,
但係...
pass了的第三日...
停牌.
現在大半個月未復牌, 所以只是紙面富貴.
可能復牌後再挾, 也可能打回原形...
畢竟, 成交很疏, 吾好有人咁好死, 俾我贏住沽囉.
像我有那隻港股咩咩, 有人沽9000元的貨, 即刻跌兩成俾你睇...
況且, 那隻澳洲股票的背後大股東係香港人...
香港三四線股票, 一向冇咩叻, 最叻就係關埋門生劏小股東, 造小股東世界.
說回節目.
原來, 吾係淨係我對巿場灰底... (吾係食花生灰底那類)
聽聽又有了新idea, 幾好.
又吾知點解, 好多人問我有冇put 700.
冇呀, 今日很文靜, 純粹覺得短線追put 吾抵賭...
點鬼知"厲害了, 我的國" 咁玩野.
但咁玩野情況下, 從做生意角度, 佢地其實都幾勁吓.
btw, 吾係我, 只係睇住人做collar 都可以輸仆街的, 若昨天才開倉, 收IV 收死人.
香港的option market, information asymmetry 都幾惡頂.
吾好貪平佣幫襯XX, 而舊公司更要粗口讉責.
工具吾齊, 後果會好甘.
吾好懶醒, 吾好亂偷步做野, 要計劃好些, 吾識做咪整理下先, 及睇韓劇囉...
才能跟巿場鬥長命, 挨過現在炒家所指的核爆廢墟.
雖然面對的環境係灰... 但都係選擇.
若還原地, 我諗現在我係到輸緊時, 仲係到一條友寫垃圾 virtual bank 申請書, 或者昆人的業務發展策略, 人地心情吾好搵我嚟出氣.
安定和自由, 不易抉擇.
(v)
17-8-2018
戰友說, 準備搬離工作室以改運.
聽到當然不舒服.
運氣固然重要, 現在我都有點迷信.
風水夾吾夾, 我吾識, 守規矩, 做準備卻是重要.
少做impulsive trade.
這又怎跟風水事呢?
又吾見我買collar, 撈底教育, 會炒垃圾股 (現在好危險架, 莊家擲完貨, 合股供股再印過之嘛...cash is king).
好似不停數落佢咁.
自月初中到應後, 減少手痕, 真的忍不了, 雞仔注, 完了心癮便算.
近兩星期拉勻都吾使再輸.
雖然吾係贏好多.
但感覺順了...有點進步, 希望可以越來越好.
若不是出來, 都不會有現在那麼多時間改變自己.
習慣固然不用多說, 以前那能如此投入這麼多時間精神心血.
心態上, 也是如此.
心慌過, 沮喪過, 無力過.
是很狼狽的, 也沒有人可以傾吐.
現在對很多事, 不止trading, 都比以前從容了些.
當然, 吾計感情事, 畢竟沒受考驗.
你估朴敏英真係同朴敍俊結婚, 我會好似去年咁, 難過到把自己收埋數個月咩...
離開comfort zone , 就是逼自己.
未來會點, 真的不知, 可能運氣大過天呢.
如履薄冰.
這是我對現在的生活的認知.
至少, 暫時逼到自己改變, 對自己已有一點交待.
不要想太多, 做好眼前的事每一項細節.
近日在諗, 怎解決成日俾人亂九咁挾倉的問題.
屌佢老味..買張機票去美國, 就以為貿易談判傾得成咩, 疫苗針同抗癌藥有乜關係呀.
唯有認走勢, 吾認新聞.
其他的, 不在自己控制範圍內.
多想無用.
(vi)
17-8-2018
有時候, 都幾孤獨的.
想找人分析巿場看法...個個都話自己係價值投資, 吾短炒, 吾睇圖.
像某朋友.
咁你又在業績前買 700 call 單邊 ? 吾係賭錢, 係咩呀...愛呀..
但又嫌牛證未炒過... 最正路賭單邊係買牛喎...
稍有經驗都知派彩日risk off 收IV 收 PK喎.
想點啫...
我又跟佢說, 今日個巿仆街到呢...死剩隻700 阻住曬...
衰到呢...A股由頭跌到尾, DJI 期貨挾下就散, 恒指仲係頂住曬, 尾巿又再挾.
佢話, 700 跌夠呀嘛...
頂你...咁睇好, 跌夠呀嘛....尋日吾肯沽, 但今日卻平左隻call...
專業的光環背後, 其實好散戶...
但係...我咪一樣...
唉....
要擴闊自己的眼界.
(vii)
18-8-2018
在聽鄭小姐的新碟.
點解MOOV 版吾係三CD 呢?
creo en mi 相信自己.
自己喜歡舊歌戰勝自己多些.
creo ...亂七八糟的自己卻想起 oreo.
可見我的語文能力很水皮, 分不到, 撈亂曬, 才會聯想起.
當時我有俾like 架.
不太喜歡千年如一日.
純粹..填詞人是高生....
總不能太投入...總會聯起佢的驚世言論...
是呢, MOOV 版, 有總有一個人這首歌呢...
冇咩特別想講, 只係覺得, 時間過得很快,很多野都已改變.
(viii)
18-8-2018
吃公仔麵時, 隨便看了一點韓劇, 個人取向.
八年前的韓劇, 當然不能和現在比.
可見韓劇的進步很快和很大.
不是集集看, 都是看網上的劇情概要, 揀來看.
八年前的沖涼戲尺度, 仲衰過讓女主角穿一件頭泳衣....
所以沒興趣由頭看到末....劇情很爛的...
雖然...女主角係我老婆孫藝真.
還有...李敏鎬正仆街...金秘書跟住到我老婆...咩事...仆街...
我想像到, 當時佢的樣子...總是溫柔窩心的...
好多中女港女好想倒貼同佢上床的光景.
昨天七夕...
個個中女港女都有女朋友, 男朋友....sweet sweet...
輪到我時, 睇韓劇又俾我遇到佢...灰.
唉...睇電視啫...點解佢變左做姦夫代名詞?
(ix)
19-8-2018
往年追債咁追人地寄 receipt, 今年, 在昨天便收到.
算是工多藝熟?! 吧, 第二次捐去這機構.
又一年.
奧比斯好呀...
讓人看得見, 綻放光明.
不是挺像她嗎?
(x)
19-8-2018
昨去朋友家吃飯聚舊.
朋友說起舊東家老闆怎不滿我辭職的行徑, 認為佢出的條件很好, 對我很寛容云云. (即我忘恩負義反骨仔...)
我沒有作聲反駁, 應被當作默認. 雖然心裡O 曬咀, 咁掉轉講都得?!
始終係佢父親, 數臭佢反駁咩, 朋友面子不好看, 真係咁好, 又吾見佢回去做家族生意.
況且...過左去啦...由佢講囉.
做乜咁大度呀....
我吾係好介意別人怎講自己嗎?
其實, 我都知自己在這方面的性格缺點.
不過, 其實都係睇人啦, 不在意的, 咁我理得佢呀...吾想應酬.
我會嫌辯解都煩, 咁勞氣, 不如用來調整自己的技能好過啦.
算是缺點中的一點點進步吧?
數數看, 我在乎/介意怎看我的人, 都吾係好多啫.
都算是好事吧.
以前曾認為, 自己吾會在意任何人眼光, 反正一早到左地底, 仲有乜好批評講閒話呢.
結果, 原來不是的, 我都會在意有些人.
純粹生活的體會, 如果相信一個人很好, 很完美.
反過來, 若那個人對自己是否定, 帶來的衝擊, 就像自己擸起把刀狂捅自己一樣.
呢啲相信的信念, 真係吾好亂嚟.
(xi)
19-8-2018
昨晚聚舊時, 朋友說逆流大叔好看.
今早追完陽光先生後, 便到戲院看了.
係呀, 我星期日五點幾起身.
電影都OK 喎, 是易入口, 會考慮觀眾接收bandwidth 的電影.
即係有訊息得來, 又不似林奕華那些, 太多又有一些深度, 吾理觀眾未能即時消化感受.
和夕陽武士相比, 大家都雖然講中年男人之苦和生活挫折, 但在說故事的技巧, 取材篇幅深度, 切入角度, 比例上會較為理想.
譬如, 不會花時間作flash back, 講這些男人年青時點點點, 點解吳鎮宇之前一直單身, 潘生老母點解講普通話, 省回很多敍事時間.
整個故事簡潔得多, 自己記得的訊息, 也就是紛亂的環境中, 要聆聽內心的鼓聲, 直路雖好, 但彎路不容易更顯精神, 路雖難, 但還要走下去.
這個夕陽武士的message 其實差不多.
很多道理, 核心都是一樣, 只是看怎包裝讓它易入口入耳.
當然, 有人會說佢講的道理都那樣子, 也很表面, 男人們都沒解決過現實問題.
唉.... 睇得韓劇多咩...邊有咁多奇蹟.
這才貼地呀...
正如獅子山下, 現在聽到會熄機...因為現在聽在耳裡, 就是強逼正能量.
只會搞到人情緒病.
看片尾演員名單才留意到梁天尺.
原來套戲吾止一個做舞台劇的演員...
戲份本來很少, 仲要鏡頭吾係影佢, 仲要長毛飛...
吾怪得認吾到佢啦...
余香凝都可以, 至少肯塗黑啲拍戲, 有點專業感啦.
但佢有演短暫的婚姻咩?吾起眼既?
找資料, 才知演男主角已病逝的老婆.
看佢的娛聞, 早前和男朋友分手. 被指搭上富二代云云.
我八婆上身時間, 我覺得, 即使屬實, 都冇乜野呀, 旁觀者又吾知內情, 講乜鬼呀.
但係, 女人一腳踏幾船?!, 尤其中女港女, 當食甜品, 我支持架!!!
吾係呢個世界啲男人邊可以有咁多一夜情.
反正, 中女港女的男朋友/老公 又會吾係我.
倒不如, 讓全世界的男人都苦惱老婆/ 女友不忠.
我冇既, 即使全世界的男人有, 佢地都吾會有好日子過.
(xii)
19-8-2018
看朋友的IG, 去英國旅行.
英國係咪日日早餐只有full day breakfast , 日日要食蕃茄汁焗黃豆?
俾佢搞到覺得英國係劣食天堂咁...
去英國, 吾去尼斯湖, 吾去睇那個stonehenge...
Portsmouth 吾啱我去.
Southampton 都好似好悶咁.
我發覺我都幾城巿架喎...原來.
但去日本郊區, 我又OK 喎.
(xiii)
20-8-2018
近來面書有些人在玩"喜愛電影" 的viral posts, 被點名的要張貼所喜愛的電影, 但不需解釋.
不是畢明彭浩翔那些電影發燒友, 但好些推介都知道, 雖然未必看過.
我咁細個, 邊會睇到咁多陳年經典電影...
我, 當然不會被點名.
我喜愛的電影有那些呢?
一時之間, 只想到, Before Sunset, Before Sunrise, The Curious Case of Benjamin Button, 情書, Eternal Sunshine, The Pursuit of Happyness, Finding Forrestor, Scent of a Woman.
再想想, 應可湊夠十套.
冇星戰, 冇紅白藍, 冇希治閣....
吾夠有型啊...
想想, 自己一向不偏好打鬥, 軍事, 科幻之類的片種.
愛情動作片呢?
請問, 邊個男人, 邊鬼個會留意以至會記得片名?
記得女星, 角色扮演類別, 已好叻架啦...
不同年代的男人, 都會有佢的sex icon.
松島楓, 飯島愛, 直樹舞子, 蒼老師, 明日花, 現在好像輪到三上悠亞...
我數吾出十個...八個都冇...
我果然係正人君子!! 純情中年!!
(xiv)
20-8-2018
今天, 留意到某劇場導演被落案拘捕, 涉非禮未成年少女, 在時鐘酒店拍私影, 性侵.
佢有女朋友架喎.
好眉好貌架喎.
文青有才華架喎.
若佢和我拍埋在一起, 全世界只會覺得我係罪犯.
似啦, 無女朋友, 慾求不滿, 事業停滯苦悶....
但是, 我至今, 最多只係衰口沒攔遮.
不好講埋啲如 "我都想做龍友" 呢啲垃圾沒營養說話.
無聊時多口, 跟有不幸事件發生時多口, 是兩回事.
無意為佢開脫, 譬如社會/家庭壓力云云.
我又吾識佢, 又未睇過佢導的戲.
但仍會覺得可惜.
去到有人肯俾佢做導演, 是挨出來, 也是等來不易的機會.
世上邊有咁多像那位集 "作曲, 作詞, 編劇, 導演" 於一身的少年天才音樂劇導演陳小朋友.
話說回來, 若本地其他劇場導演衰刑事.
我覺得, 最大的可能是衰租用工廈違規, 拖欠劇社排練室租金, 欠公用事業的燈火油蠟開支.
講了很多年, 劇團/表演團體在本地工廈使用規定, 仍未清晰.
沒有留言:
張貼留言