21-12-2018
今天把粉底給了朋友.
早幾日, 朋友問我有沒有買安室奈美惠的演唱會DVD 時, 那時候, 我以為會送我一隻.
不過, 那只是我表錯情, 會錯意, 以為有聖誕禮物收...
幸好, 食完茶餐都不見朋友會拿東西出來, 也就不問了.
幾廿歲人仲想收聖誕禮物, 我都吾明自己是甚麼心態.
-------------
朋友說, 四年內, 會跟老公回澳洲, 給小朋友好一點的成長環境.
我問, 你老公點搞? 會計就話易搵, book keeping 都可以, 但做專業產品攝影師的佢, 會不會被當地人排斥? 佢那行咁專業, 行頭來來去去都是那些人, 有沒有job, 講人脈, 埋不埋到堆.
朋友答, 只要你放得低以前曾經點點點, 不要求像在香港般的生活, 其實沒甚麼所謂.
想來也是的.
人到中年, 生活轉變, 最緊要是懂得放下.
見面不長的閒聊裡, 又被remind 了生活的小道理.
------------
我係咪應該考慮性交轉運呢?
好晦氣的一個交易星期.
(ii)
22-12-2018
看了一集天空城堡.
拍幾得好, 第一集已把八個大人的性格和背景勾勒出來, 幾鮮明.
演員又好戲喎...
有個中女有點似李鵬個女李小琳.
只係我食緊外賣壽司做冬時, 佢地食緊fine dining啫.
乜銀行private banking 照顧 VVIP客 , 要幫個客個仔鋪橋搭路考上一流名牌大學架?
我仲以為識打golf 識分識飲CP值高的紅酒就得添.
不過, 有人話, 富三代現在追求文化資本, 錢太多, 對佢地已不是追求的目標, 吾會搏命搵了.
點都好啦, 雖吾會點追, 但真係無聊時看下都幾好.
(iii)
22-12-2018
讀到這篇文字, 不由得會想, 自己算不算愛對號入座的人呢?
it depends 啦.
我吾係真係咁鍾意理其他人的事/講乜.
啲中女港女係到講型男, 靚仔, 洋腸甘大滋時, 我又吾會痴線到以為佢地講緊我, 我都有自知之明.
不過, 人地講乜, 會諗下自己有沒有衰埋呢味, 未嘗不是好事.
聖人每日三省吾身嘛...
若有正常, common sense的人, 有處世經驗的人講的野, 也諗下自己有沒有所說的問題, 怎都是壞事.
不過, 自行對號入座, 這例外情況都有既,
譬如人地已識我係老鼠的時候,
自己卻對號入座, using the same logic path/ mindset,
從而推論出答案, 對方真正的態度, 不用再猜.
那一刻雖然很沮喪, 但也不再忐忑, move on.
也算是正面吧.
----------
趁著周末, 收拾房間.
把許多文件帳單紀錄, 一一都丟掉.
所以執房是一件很治癒的事情.
不止是執完, 間房乾淨了, 整潔了,
而是把舊東西丟掉那刻, 好像也把種種不好的, 連帶都丟掉.
所以, 平時間房, 間屋都吾好咁整濟乾淨少雜物...
到有一天心情不好時, 間屋亂, 會是你的好朋友.
好像是歪理, 叫人平日不執房執屋的理由?
(iv)
24-12-2018
今天是半日巿.
傍晚, 終於去了電影中心看了 "你好, 之華".
看完, 總覺得故事發生的地方在日本比較好, 總覺得那年代, 只有日本才有那樣的社會氣氛出現這個故事.
編劇像是把在日本發生的, 硬是搬到內地去.
片名雖然是之華, 但真的把舊事回憶, 一直放在心裡的,
卻是佢姐姐, 自卑暴力姐夫, 和初中的單戀對象兼姐姐前男友, 現在是作家的男人.
之華, 雖然記得作家, 但亦已雲淡風輕.
當初主動寫信, 也不過是生活不順的宣洩.
對舊日記憶念念不忘的三個人, 一個視之為現實生活痛苦的避風塘, 一個視為出身不好的羞辱, 一個則是難忘舊情的放不低.
「有些事，只能當作回憶。」
「有些人，只能成為過客。」
電影介紹是如此寫的.
只是, 從來關於回憶及其後的想像, 多少都過於美化以及放大.
這是自己的領悟.
散場後, 在樓下的影碟部繞了一圈.
腦海忽然浮起了數年前某個夜晚, 在這裡看電影, 片名好像是暗戀桃花源.
遇到一個很迷人漂亮的女子, 那時候她從升降機一出來便走入影碟部看影碟.
看著她站在收銀處旁邉的影碟架的背影, 有點心亂.
最後, 鼓起勇氣想邀她吃宵夜.
結果, 當然被拒絕了.
回憶有甚麼意思呢?
都過去了.
嗯, 也不是沒有的, 譬如可以客觀地陳述 : 她比數年前還要漂亮迷人.
我做乜咁中學生呢?
(v)
24-12-2018
看電影時, trailer 說now 近來有一個坂本龍一配樂的電影巡禮,
有末代皇帝溥儀, 戰場上的快樂聖誕等.
很多都沒有看過, 因為當時年紀細.
自己反而有興趣miss 了早前上映的作曲家紀錄片.
http://nowtv.now.com/channel/116/4599864
倒不是為了向中女港女炫耀我深厚的文青本質,
識韓國男團邊個打邊個好過啦...
只是增加想個人常識.
我總不能一輩子都說, 坂本龍一作那首龍珠主題曲好好聽吧?
節日冷感的我, 也為這個blog 添幾分聖誕氣氛吧.
https://www.youtube.com/watch?v=LGs_vGt0MY8
聽這個不錯啦,
好過年年係到呻, i gave you my heart but the very next day...成個怨男咁.
孫藝真也是漂亮的.
(vi)
30-12-2018
怎麼靜了一星期不寫字?
輸PK? 輸就係輸, 但risk management 都OK 的.
平安夜剪完之後, 齋睇冇炒啦...
搏反彈, 知道美股會反彈 (好rare 好rare 連跌4個星期架..吾係吾搏呀嘛?) , 但啲波幅好難頂, 早一日買都hihi, 港股吾跟美股彈更加 hihi...
呢啲都係事後孔明, 正如, 內地, 港股, 美股指數上星期係 跟 fibonacci retracement 波幅做, 0.382, 你係個chart plot 近期個wave的高低位就明我講乜.
依家睇, 梗係星期四一開巿就係咁沽啦...美股星期五夜晚三點幾短炒 Put SPY.
有早知冇乞兒咩.
沒發生任何事, 純粹沒動力寫字, 沒得解.
近來做了甚麼?
26日,去了跟歌迷會班朋友去赤柱燒烤, 我朝早九點去到霸爐, 曬到hihi 甩皮, 差不多夜晚七點先走.
但又吾係食好多野喎...因為懶燒...同埋吾想食太多肉食滯, 要節制, 27日有巿開嘛.
如果孫藝真好似家師父咁燒埋俾我食, 你話幾好呢...
要孫藝真用口對口餵飼添呀, 好吾好?
好呀, 好呀...咬到最後,伸埋條脷入佢口, 蜜糖都慳番呀...
(慳啲啦...)
27日, 和舊同事食大排檔咁囉. 三個麻甩佬係到講body check , 膽固醇, 心跳血壓呀....中年男人係咁架啦...咪鬼信基金界冇花紅, 若班友醒, 年中已更改派花紅基準係3, 5 年performance , 吾係淨計1 年既話...( 我聽到都想屌...但係朋友收花紅, 我又冇幫襯, 係佢班客被搵笨啫...)
也短暫地見了以前的朋友, 收了大阪的手信.
唔, 重點是, 在見之前, 自己會諗, 劃下界線, 應該和想談甚麼.
既然厭倦, 再次下定決心不回那個圈子, 也就沒必要再提.
要型一點, 也給自己留一點顏面, 不要再抱怨.
之後, 訓囉...咁凍...
再吾係去做 gym, 看了韓劇 ( 阿宮第9集已開始勁拖戲....想點?).
說起抱怨, 近來在讀一本投資心理書.
道理, 都是來來去去那些, 只是幫助, act as a reminder.
正如炒股票恒久長勝大勝的formula 係"低買高沽" 一樣.
只是差在做吾做, 做吾做得到, 怎樣去做, 有沒有恒心持久去做.
如果, 明年仲要寫埋曬啲咩new year resolution,大概是,
Be solely responsible and accountable to my life and my emotion, never let others in driver seat take control.
Also, be positive and tough.
好似講緊廢話....呢啲野, 三歲都要開始咁架啦...
都係既, 但都要不時要remind 自己要記得.
以前粗口爛到不得了, 現在幾乎不講了.
新環境, 會改變一個人.
咁實際啲啦....開始留意攻略介紹, 怎樣兌換飛行里數. 咩飛行半徑 , 咩最長飛行距離上限, 咩stopover, open jaw...
今個月, 我終於儲夠 8萬分啦...夠換一張歐洲經濟位機票...衝出亞洲 (但我其實連泰國都未去過...)
我開始係到憧憬明年六月, 個巿通常相對較靜時, 先飛去東京, 再去慕尼黑跟住倫敦,定係東京直去紐約...
吾知到時會係點呢...定係留番2020 年?
但終於儲到張機票, 心情是雀躍的...吾係巴閉啦...大把人幾十萬分用吾曬過期都有.
但我吾係那些閒閒地買個gucci, lv 包包手袋, jimmy choo皮鞋當係食糖水甜品的中女港女, 儲到一張不是易事,
可以"免費"機票去歐洲喎..雖然坐經濟位...所以諗緊點避開坐CX (啲位咁窄, 坐十幾個鐘會hihi)
(vii)
31-12-2018
見到變型金剛電影宣傳廣告, 跳線的我, 會想埋啲變態野.
我會好奇, 那些喜歡變型金剛的男人, 是不是性變態.
-- 對汽車有過份幻想, 會想像汽車左扭右變....變成有生命的東西.
-- 好多男人視汽車如另一個老婆.
把二者合一, 佢地都會有傾向把情人左扭右變....i.e. 在床上?! 玩各種匪夷所思的花式.
當然, 這種口痕無聊兼得罪人的說話, 不會跟別人說.
咁又可吾可以解釋到我點解喜歡中女港女?
中女港女拍拖經驗豐富, 一定交往過喜歡車的男人.
佢地一定曾經被"左扭右變" 過?! , 自我增值, 自學成材, 點止鴛鴦熱水浴(最啱呢幾日天氣!!), 或全身光脫脫只穿廚房圍裙(賢良淑德!?) 咁簡單.
咁, 單純的我若追到中女港女, 咪可以駕輕就熟?! learning curve is parabolic?!
成為我的人生導師, 開始終生學習的啟蒙課程?!
特別是, 我喜歡的中女港女類型都是獨立自主, 個性強勢硬朗喎...
說不定 "自己的SM 自己縛" (總好過說甚麼"自己的香港自己救") , 佢地會先自己綑縛好自己?!, 不用我動手...
To conclude, 在2019 年 我都係吾會有女朋友, 以至有對象,
以我的口德仍在挑戰正常人的下限而言.
(viii)
31-12-2018
Every time you find some humor in a difficult situation, you win.
Goodbye 2018.
新一年開始, 我仍想衷心祝福 S, 希望她身體健康, 生活過得順心順意, 好好的.
我也要完成自己想做的事.
沒有留言:
張貼留言