1-12-2019
昨看了米線.
演出內容和宣傳基本上九吾搭八的.
不過, 應該如此吧, 如果宣傳時講明, 當中好些對白屌九政府, 癲婆, 黑警, 在運作上會好麻煩吧.
要明白, 有些人比較勇敢, 有些人不, 有些人願意走得較前, 曝光多啲, 有些卻只願企在後面支持.
自己眼睛的散光應該重了, 出了劇場才能看到場刊.
和平日一般看到的場刊介紹參與者不同, 有些劇場人選擇在自我介紹裡, 寫下與時代有關的說話以及心願.
結果, 這場刊變成了歷史的見證一部分. 曾聽別人說過, 電子化文字紀錄可以刪改, 唯獨印刷品卻可保留不變, 也是作為現今印刷品比電子書優勝的其中一個地方.
以戲論戲, 還好的, 當然如果再嚴謹一些更好, 譬如米線店老闆串九政府警察的對白, 根本不是角色應會說的話.
以前, 自己有些反眼的, 對於編劇有野想講, 而吾理個角色性格特徵match 吾match 而塞句野入去. 不過現在這刻, 卻覺得OK.
現實生活, 實在太彆屈了, 需要宣洩透氣.
主題內容都是可以預計的, 畢竟編劇一向關心的都是類似題材.
關注小眾, 做回自己, 不要被外界/過去所規限, 活在當下, 不要太多顧慮. 要有信念.
政治喻意色彩也比以前的作品強烈一些, 譬如自由神像頭.
和很多人一樣, 尾聲唱飛沙風中轉, 自己也食埋塵, 吹到應一應.
不過, 那刻, 是有一點兒感動 (真的不多, 只有一點, 我性格問題) .
那個moment 很spiritual.
即使事不可為, 也要薪火相傳, 為未來留下一點甚麼作個記錄.
韋羅莎真係好索. 佢條裙要高瘦先carry 得好看, 佢件外套露出深長事業線.
可惜, 兩大個男主角應該是gay 的, 最多只會欣賞藝術品咁睇, 而不會色迷迷 (即係我咁既死款).
胡麗英演的戲路應是原本邵美君的擅長, 只是後者排四川好人吧. 胡小姐演得挺好, 很生動, 有提名是可預期的.
---------------------
取票時, 見到早前過身的劇場人的伴侶也在counter.
應該消瘦了, 至少比以前.
佢和逝者都是走熊人型的gay lo 路線 , (沒有任何貶意) , 佢現在好明顯不夠熊型.
剩下來的人, 仍要堅強地活下去, 認真工作, 好好生活.
希望佢能走出傷痛, 只帶著溫暖的記憶繼續向前走.
(ii)
1-12-2019
還是忍不住手, 買了明年台北藝術節的門票, 打大佬, 看9 小時的舞台劇.
續了會員卡, 有了優惠, 折實了, 比正價便宜很多.
吾知個十九政府明年會怎做宣傳唱好香港呢?
如果會sponsor朴敏英/ 金所炫 --- 香港毒男抱抱會, 隔住保鮮紙咀咀會, 我諗, 要我說我愛中共而有七五折兼保證上台, 我會OK 的.
要努力搵錢, 睇完劇, 再飛去東京過復活節就very good.
-----------
昨天把近兩星期收到劇票入了手機的日曆.
入到明年的14/3 才發現, 那天原來要看雷曼三部曲.
抺了一額汗, 看完, 去埋廁所就要趕到灣仔.
(iii)
1-12-2019
看了也斯那個劇.
訓左.
詩意, 果然和我是無緣.
也可能是下午四點幾啦, 畢竟那個鐘數平時開始攰.
怎都好, 都知那些形體動作是按詩句的感覺演繹出來.
當然, 我都係信陳小姐先會咁講, 如果係新人, 我應該old seafood 上身.
話時話, 今次演出是帶觀眾從後台, 上台, 再入觀眾席.
大會堂後台, 原來好鬼細架喎. 舞台個depth 也很淺, 比不上葵青的.
幾十年前的舞台係咁架啦.
咁又係.
依家啲劇團巴不得劇場起到大球場咁大, 係果到演, 演一場等於做十場.
(iv)
7-12-2019
我應該覺得生活太苦悶.
看到the club 有獅子王的票換, 反正啲積分吾知用嚟做乜, 換了平價門票看看.
聖誕節, 冇股票炒呀....
換了是正價, 自己沒太大意慾去看.
給細路看啊...童真呀....
我邊有, 性格咁暗黑, 如果有條女, 咁就吾同啫. 係睇見條女睇到好開心, 我會覺得可愛, 值回票價.
但...我冇女呀嘛.
況且音樂劇, 本質是側重歌唱, 音樂, 娛樂比較重, 一向故事性比較sucks, 例如印像深刻的夢斷城西.
沒有平價票, 我係吾會睇的.
今年的平安夜, 揀了聽 hiromi piano jazz 演奏會渡過.
今年的最後一日, 看邵美君渡過.
平靜是福, 會令情緒起伏的野, 吾啱我, 也怕怕了.
(v)
22-12-2019
澳門訂票又多了個.
以前常用的 macauticket 係訂吾到架.
很不習慣用手機訂票, 同埋個layout 吾係咁啱自己用那部手機的.
仲有, 訂完, 才轉回港幣設定.
然後, 我屌左聲. 我頭先用左澳門幣結算!!!!!
俾貴左 5 蚊!!!!!
話時話, 點解揀那幾天上演, 撞了很多HKAF 的劇目.
自己也要揀多幾揀先得一個時間啱.
(vi)
28-12-2019
如果你張飛是用吾知要嚟做乜的the club 積分換番嚟, 票價正價係599.
進場後, 卻被更換為1099 區的門票(由row P 跳去E ) , 仲要如圖示般正前方, 係咪應該好開心呢?
但係, 我卻有點想講粗口.
我坐那個block , 那一排得我一個人坐, 隔離bock 同一排都冇人坐.
我後一排繼續冇人坐, 隔離block 後一排都繼續冇人坐, 我前面直落如圖示冇人坐.
正撚樣好似班死仆街咁諗, 好似包場包廂咁喎, 視線無阻, 正!! ; 負能量太介懷別人看法地咁諗, 其他人望落去, 全世界都知我聖誕冇女溝, 一條毒L ON 99.
前一排左邊隔一個位, 終於有人坐了, 卻是一對好明顯好少睇musical/drama 的男女.
條友睇睇下戲攬女依依泣泣都算啦, 獅子王有乜戲情好討論呢?
封建皇權思想, 父死子襲式專制獨裁, 男尊女卑, 定係男人食軟飯注定冇好下場 ( Scar 問Sarabi 家下冇飯開, 係咪啲女人偷懶吾狩獵 ?) , 使吾使再講遠啲, 現實中老人退休保障不足, 年老獅子會被獅子群體拋棄, 注定不會安享晚年?
(我諗冇男人想俾女人讚佢床上似獅子掛? 十秒完事, 功夫差冇前戲, 一日幾十次咁折騰, 進入時又痛!!! 肯定吾舒服!!!???)
開場後, 條友得閒無事舉高手托頭, 或者好似撞鬼咁, 攬住我前面張櫈.
我心裡係咁妖妖聲, 阻住曬.
btw, 個production 啲 lightning, 服裝, 裝置 係靚, production 的flow 好順好流暢.
但又未至於勁勁勁好睇囉, 始終我又吾係第一次睇musical, 隔離又冇女, 吾會有童心純真的狀態去睇.
如果我身邊有女, 我一定問佢, 隻獅子布偶幾可愛呀, 陣間散場去counter 送隻俾你. / 如果我係長沙灣仙巴, 你就係屯門Nala , 一定好登對, 聽日係屯門公園見一齊跳大媽舞.
同場加映:
以前色士風導師 FB打卡, 原來今晚都有去睇, 仲話好好睇.
我心諗, 有冇咁假呀, 第一次睇musical 咩, 你講都冇人信啦.
再click 幾張相, 原來佢跟一名男人一齊去睇, 仲有買一送一雪糕兼頭貼頭相.
咁...我再ON 9, 都終於明啦, 佢寫出來的讀者只係那個男人睇呀.
正所謂, 問世間, 男人都是弱智的.
女人只要讚下佢地, appreciate吓佢, 佢地就會真心相信.
導師咁講, 只不過想哄那男人開心啫, 這是甜蜜期男女放閃會做的事.
你試下諗, 如果換左係我今晚同佢睇, 佢有乜反應?
"食屎啦你, 買埋啲飛咁騎呢, 你以為你係大陸土豪呀, 人地土豪都識送iPhone, 你就淨係識揀埋呢啲騎呢位自製包廂."
想不到, 佢經歷前夫不忠, 小產, 離婚, 撕破臉, 療傷, 眨下眼近一年, 有了新對象.
復原得很快, 表面上應走出了傷痛.
希望佢今次有美好良緣.
沒有留言:
張貼留言