Cherish 4

(i)

2-12-2019

今天好想講粗口.

個巿反彈呢個possibility , trading within last friday range , 我會估到有可能.

雖然估錯PMI , 吾係衰到貼地先俾人front run沽. 咁即係有啲更大鑊的野我吾識但其他人知.

但估不到etnet  一開巿死圖表死到11 點.

基本上可以出去飲茶下午三點返冇損失.


熄機開機都要搞咁耐.

不是未諗過, 嘗試過其他系統.

IB 圖表,  吾係design for hk 架, 佢攞data 的頻率起步點和次數係有問題, 我吾知啲人怎睇圖表炒期指, 可能佢地的strategy 吾係我咁啦.

powerTICXXR , 成班寫程式係吾識技術分析, 吾落場炒的, 一個只是numerical 加減數的技術指標, 即吾會有成交,   居然可以計到成交平均價, 我真係吾知點可以向佢地投訴.

其他local 的也不會好得那裡去.

bloomberg 又用吾起.


到現在,我仍接受不到圖表吾係 dividend adjusted.

好易睇的.

留意下內銀股派息後, 邊啲圖表寧寧捨捨裂口低開就係.

如果接受到, 除非那個人勁到可以自己腦裡adjusted, 一係就就吾炒,  否則就係好彩.



(ii)

2-12-2019

收巿後, 看面書才知道徐生同佢老婆離婚, 俾佢老婆在面書公開出來數落.

好心咪咁八婆啦我....人地的家事我知條毛咩.

但一個做巿場推廣/公關,  自己做人卻冇公關,  咩talk show 講的公關危機處理, swift and proper  sincere response, 咩發公開信要求公眾俾番啲空間/ 老屈太太生左小朋友後荷爾蒙分泌失調性情大變, 好難頂...  ( 真係有醫學事例的) ,  依家乜都冇,  真係很那個.

唯一解釋係, 佢估吾到佢老婆會咁樣攤開嚟講, 以為好似以前咁忍,忍, 忍, 低調, 從這個角度, 條友係人渣嚟. 既想有外遇, 但又要有形象, 咁即係要個個老婆看在個女份上, 硬食啞子吃黃蓮,

好明顯佢估錯左.

而佢老婆真係忍無可忍, 並且非常傷心.

新歡, 被起底, 外表幾好喎, 性格應很開朗活躍, 雖然冇我會鍾意那個type 咁正.



靚仔 + 口才好+ 轉數快+ 公眾形象好+ 有事業 +有啲錢+ 鍾意女人, 呢個combination 係中女港女的至愛.

中港女港真係吾好咁天真純情,  冇呢啲野架.



十年多前, 咪有個筆名姓方的會計師又係咁, 爆房爆到街知巷聞, 同老婆離婚.

真係江山dom dom 有人出,  "才子" 男人外遇傳千里.


我覺得,  那個第三者不會是徐生最後一個女人.

人言可畏啊.

像會計師那個女主播, 最後也情有別鍾.




男人要有外遇但被爆出來冇事, 

1) 要有錢 , 並要捨得分錢

2) 有錢以外也有能吸引異性的魅力 

3)  同老婆真係感情一早轉淡,  還在一起, 只是惰性/習慣, 歉意, 多於愛.

4)  攤牌前後, 給對方留有餘地和面子, 好來好去.

5)  新歡都要似樣,  二人係因為性格志趣投契, 而吾係後生過你,  心口38F,  咁作為女人應會容易接受一點.  你係老婆,  你想 "輸" 俾私煙 , 定"輸"俾劉若英?

缺一不可.

成功例子係HKTV 王X 基.


我都想有咁既一日.

唉....

我知我諗得太遠...首先, 我要有對象, 跟住....啲step 多到數吾到.

灰.


臨尾講番句人話.

在感情裡被背叛,  是無法用言語表達的痛.

一次又一次原諒和忍耐,  換來不是對方的覺悟和回頭, 而是更肆無忌憚和虛偽.

最後更作出決絕的分手.

願那位女士可得到心釋放,  寧靜.


至於那位新歡,  我又吾會話咩狐狸精, 姣婆呀,  某程度上都同情佢, 大概是我覺得身邊的朋友, 以至以前曾經喜歡的那些人, 都曾介入別人的感情/婚姻吧.(話吾埋, 現在status 就處於這情況.  講真, 可以走到最後的, 千迴百轉, 就係遇上真愛,  吾係先叫介入架啫)

也不會像何X 凝proud of 小三稱呼, 當作女權, 性解放... 把二人關係的commitment 咁睇  , 都神經病的.

錯就錯在男人處理這件事不當.


(iii)

3-12-2019

玩了一次又一次,  數吾數到已第幾次話有deal 最後冇?

呢啲 know the unknown , 同溝女一樣,  我知我鍾意佢, 但吾知佢鍾吾鍾意我, 咁煩.

(利申,  我依家感情status  係know the known. 好灰囉, unknow the unknown 都可以幻想孫藝真出價每月20 萬包養我呀...)


今日開巿插水跟住係咁挾.

貼巿最慘吾係呢啲, 而係開價開得差, 開得好果時冇波幅.  (佢自己都顧吾掂, 鬼得閒開正常差價俾你炒咩)

咁從自己利益角度, 當然希望咩情況都正常地開價.

開40 點差價闊成咁, 好難做.



低開收高, 一般係轉角訊號, 但都要睇點收法.

期指今日fill 吾到previous close , 已減分,  day high = weekly open , 咁應該有程式盤頂住那個位.

( 本地有些即巿報價短線圖表服務, open 係可以錯的, 因為佢用左9:15 做第一口價, 吾係9:14 , 同佢地講, 佢當我發嗡瘋. 鬼咩, 用得佢地的, 都吾睇圖, 用programming 做, 同埋, 我吾係大客囉, 佣金都吾夠人地個零頭, 好得閒呀, 應酬我.) 

氣氛吾係睇枝陽燭咁好.

收巿後, 侵侵又講野.

唉...聽日吾知會不會又嚟過.


如果聽日最後冇事, 咁啲人真係好樂觀.


----------

忙到八點食飯,  有個朋友follow up 轉帳俾佢未, 佢今個月聖誕使大左, 要周轉.

嗯, 快到聖誕了.

上次同佢whatsapp 已係幾個月前的事.

節日冷感的我總算感受到節日氣氛.


-----------

鄭司長,  終於蒲頭了.

早前有人POST 佢後生時的相片.

咁真係靚既. 後生果時.

依家都OK 啦, 講真, 咁既年紀.

你當La Mer or above  檔次的美容產品療程係流架.

佢算咁多人裡面最似人形的一個.

返工日日俾人屌,  頂頭老細係個瘋婆,  咪詐病曠工囉...

呢啲係正常人的反應, 自問我若有本事咁做吾俾人炒, 我都會啦.

只想提佢,  邊隻手受傷, 就記住紮隻, 吾好今日明明紮左手, 聽日係Upper House 食tea 俾人影到紮右手.


----------

今日撞鬼, 腦海係咁浮起歌詞" 求天荒愛未老" .

但感覺吾係對愛情的祈盼和渴望,  我若仲有, 咁就真係恐怖.

我的感覺, 很怨婦....

可能對住個巿卦.

唉.

(iv)

5-12-2019

平時開巿時間, 會戴上耳筒.

以前, 還會用來聽youtube .

近來, 搵食艱難, 用來釣魚.

即窄幅上落巿, 掛bid 等人沽落嚟, 再掛ask 沽番出去.

range 太窄,  又要bid ask spread , 掃ask 吾抵賭.

以前好少做,  也抗拒做,  因為 炒scalping  會做壞手勢.

況且, 你點勁, 都吾夠program trading勁.



你冇理由望實等人插落嚟架嘛,  睇bid ask 跳, 係到跪求成交,  係好傷神 , 也不划算.

有成交, alert 響了, 咪再望囉, 咁日子先會容易一點.

好過無囉, 總好過成個下午發呆.


有就有, 好佛系,  等運到,  技術含量低,  吾係釣魚係咩.


近來巿場午後窄幅上落, 追價好易瀨野, 今日3:06 , 我 咪爆粗囉, 追價後果, 十秒內給反應, 然後用10 分鐘挨價輸少少走 .



釣魚,  買左後,  心裡好似賭仔咁捽牌, 烟, 烟, 烟士, 快啲人take 左我手窩輪.

一啲都吾型.

但沒辦法啊, 搵食艱難.

但今日連魚都冇乜.

超級灰.


(v)

5-12-2019

近來, 啲人講黃絲經濟圈,  有些人甚至講埋啲 long tailed,  externality,  allocation efficiency.

差不多廿年前了, 讀經濟年代, 咁我無謂扮野搭咀啦.

只記得凡是一個理論/ 推論,  點都會有assumption 及前設,

如果list 曬出嚟,

好多時都會:

屌...你講曬啦.

自己起碼知道經濟學裡, 一個很重要的假設是,  people are rational.

咁好明顯, 這個社會吾係, 至少依家.

美心中環23 蚊一個早餐, 幾時太古都有.... 若都平成咁, 我就吾會每朝行遠幾條街去茶餐廳了.

 又吾係平喎, 間茶記.

只係條氣好吾gur.

我俾中女港女當垃圾咁放棄得多啫,  幾時輪到個老虔婆放棄我.


(vi)

6-12-2019

這兩日好想講粗口, infrequent scenario 中伏三次.


(vii)

7-12-2019

昨天工作至晚上九時才離開工作室.

是想一口氣谷盡, 做了星期六日攤長來做的準備工作.

明天又要去遊行啊.

對差佬的態度其實極血腥,  但行動上卻很懦弱,  最盡也只能遊行吧.

從4月28日第一次參加反送中開始,  已行了8, 9 次了.

等於2003 年至2018年的總和有突.

屌佢老母.

(viii)

8-12-2019

看了幾集選拔屋.

是比較貼日本地下的劇集.

反映了日本人對製造業遷移中國的不安,  對守護日本製造, 裁員, 企業更生的糾結.

韓國都有啊. 清日電子李小姐.

雖然,我更八卦, 做獵頭的, 係咪都會做埋陪酒女去擴闊人脈圈子.

"做得sales, 賣服務, 賣產品的女人, 都係雞" / "女人擴闊社交圈子都係為左釣金龜".

係超級性別歧視啊.

當然, 我又吾係腦殘會信.

所有事, 因人而異,  人還人啦,  隨便標籤化, 便扼殺了可能性和很細微而有趣的觀察.



若劇集改編, 換了在香港,  咪剩番參加義工囉.  但都有揀擇性啦.

一定吾會執垃圾清潔海灘.

探老人院, 識揀就揀港島堅道那些中半山的, 個個都有幾層樓的, 開張保單都容易啲.

小朋友活動, 一定係理財有關, 想吾想做太空人呀, 而吾係想吾想做收銀.


早幾日, 看到朋友去灣仔酒吧 Ophelia ,  裝修型,  而啲鬼妹好惹火.

如果在那裡見到內田有紀,  我會自稱"創業家"!

型過叫自己無業商人啦.



內田有紀, 真係靚,  四十幾歲嚟講, 又夠天然.

李英愛, 真係覺得好吾自然, 修葺到...


(ix)

8-12-2019

個人感覺, 遊行人數, 其實比9/6 那天少許多, 大概只有一半多一些吧. 最多. 地鐵今日都冇逼爆過啦.

遊行人士當中都有仆街,  只會縮在人群中屌九黑警, 辣熨黑警的孽, 卻由衝衝子去承受.

衝衝子舉起雙手, 合起然後打橫一拉,  人潮中四方八面向那方向遞長傘等物資,  那刻人群裡的信任和無私, 是讓人動容的.

嗯, 所以遊行時若帶傘, 用把七仔果啲平野好了...幾百蚊重鋼水的傘就免了.

啲人越來越醒,  若在維園行, 會被插隊插到近乎隊尾, 自己便在CEO 那頭企了成粒鐘, 但過了老銅2期, 便一直很順, 沒怎停下來.


遊行是無用的,  這個仆街政府告訴我的事.

今天仍會去, 大概只是仍然是內心對那些年青人的歉意.

做得幾多, 咪幾多, 自己亦不是凡有遊行必到了.

----------

看到FT 爆料, 鄭若驊想辭職留英, 但被人挾佢番嚟.

覺得佢老公真係好愛佢.

已第二次因為老婆做司長, 中左兩次刀.

第一次是僭建被人爆出嚟.

第二次是圍標被調查.

兩單都係低調地做衰野, 做左好耐, 但偏偏去年和呢幾日爆出來.

好明顯黑材料啦, 多得佢老婆吾少.

但鄭若驊都算係咁,  佢肯返嚟, 果然做開仲裁, 即佢未走之前, 佢老公單野都吾會正式起訴乜乜乜.

真係可以走人時, 咪好似唐英年僭建地牢咁, 罰少少錢當俾乞兒, 乜事都冇發生過.

所以湯XX 衰十一, 吾係佢衰, 就係佢老婆, 佢個仔, 佢個女衰,   我真係會信的.


(x)

10-12-2019

莫名地, 連續兩天醒來, 都會想妳.