18-4-2020
如果不是疫情肆虐, 自己未必有機會看到, 假如有機會看現場, 都應該挨吾到完場, 多半中途離場, 給想追求的女子鄙視. " 沒文化!"
所以今次錄像真的好啱自己.
挨了45/50 分鐘後開始頂吾順, fast fwd 只看舞台設計和裝置效果.
不過單是看這兩個已夠開心.
那些音樂好催眠.
自己又冇慧根看得明白那些精心設計的動作及背後意思.
自己特別愛這個魚缸裝置, 很magical.
書架那個都勁, 四五層高的, 怎可以從台底升上來.
邊有舞台個台底深成咁架.
還以為自己英文聆聽差, 所以聽吾明有人講野時講乜, 事後特意找了script 來看.
原來除了聆聽理解差, 其實英文都差.
明明隻隻英文字我都識, 串連成句子, 卻一句都看不明白.
https://static1.squarespace.com/static/5a96c9ee0dbda34913bde7f6/t/5a9881be652deaf710ef82fd/1519944126552/einstein_beach_libretto.pdf
1976 年已玩到咁癲, 至今來到現在, 到我看時亦覺得成件事很inspiring , stunning , 成為經典是很理所當然的事.
https://en.wikipedia.org/wiki/Einstein_on_the_Beach
-----
也看了The Phantom of Opera.
比想像中好好多, 雖然整體都是麻麻佢啲野, 自問學不到啲中女港女, 扮曬好投入, 覺得好好睇, 睇完會覺得自己的氣質提升不少. 講到咁, 咪係又著牛記笠記去睇, 你慌佢會著到去ball 咁咩.
套野冇Cats/Evita 咁悶, 音樂的旋律又冇咁重複.
愛情情節又冇the westside 果啲咁仆街, 親大哥被男朋友隊冧左之後, 當晚便同佢上床, 咩人嚟架.
當然, 從這個戲的本身教曉我愛情的道理是, 做人要現實.
條女開始紅後, 本來吾想so 個男主角, 但生命受威脅後, 立即變臉, O答曬糖...
答應求婚後, 又吾想公開, 怕惹來報復尋仇.
你話佢幾現實呀.
所以, 愛情都是要自私的, 不自私的, 仆街嗰個會係自己.
咩呀, 後尾條女想犧牲自己救未婚夫喎...
女人, 都係睇宮心計玩攻心計長大的.
女人, 不可以小覻.
怪物男, 太純情啦.
俾我係怪物男, 晨早用條鐵鏈鎖起條女, 禁室陪慾, 到條女開始殘又老時, 扔佢去森林自生自滅. 仲講咁/唱咁多.
咁真係呀嘛, 現實世界裡, 在這個情況下, 放手的多, 定變態的多?
可能就是這樣, 自己一向不太熱衷音樂劇, 音樂劇的世界故事多是相對簡單天真純樸直接.
我早已不再天真純情了.
(ii)
19-4-2020
李敏鎬真的好靚仔.
連我都忍吾住想講三次.
佢靚仔得來, 演到溫文穩重有主見, 只會有些少年氣質, 而未見搞笑.
so far 個演繹選擇幾好看.
故事橋段也有趣.
枝笛是關鍵, 呢個係人都知, 但從一開始便攤明白, 告訴觀眾已攝入枝馬鞭內, 即吾玩低層次懸疑.
第一集在兩個世界, shift 來shift 去, 挺濃縮扼要交待背景, 男一男二女一女二, 都大概知道性格特點.
若用一集半會好少少.
so far 親王已知道來回兩個世界的方法; 枝笛吾止連接了兩個世界, 也會影響時間流速, fwd/back.
大概, 十個中女港女, 有十四個會答應李兗的求婚吧. 多出的四個離婚再同佢結婚.
我估, 結局懸疑是金高銀, 差婆和Luna, 會不會互換彼此世界的角色, 為了愛情和 Identity.
或者李兗會不會不愛江山愛美人.
劇本的theme 應該係 "人生角色的選擇, 若重頭來過, 會不會把現有的拿去換未有的".
至於親王就死梗的了, 枝笛就合番埋/毀掉, 呢個是必然的啦, 吾使估, 若仲要估就顯得扮野.
(iii)
19-4-2020
自己miss 了直播, 看錄像也很好.
坂本龍一 play in europe 2009太藝術, 雖然不像Einstein 咁催眠.
還是老歌卡拉OK歌啱自己多些.
後來.
從當時聽到內心有著共鳴, 激動, 或者心碎, 來到現在挺平和的.
聽到唱著" 有一個男孩, 愛著那個女孩", 也不由得想到, 這些年了,
我早變了中年阿叔, 喜歡的人亦已做了媽媽.
走吧 走吧 人生難免經歷苦痛掙扎
走吧 走吧 為自己的心找一個家
也曾傷心流淚 也曾黯然心碎 這是愛的代價
也許我偶爾還是會想他 偶爾難免會惦記著他
就當他是個老朋友啊 也讓我心疼 也讓我牽掛
只是我心中不再有火花 讓往事都隨風去吧
所有真心的 癡心的話 仍在我心中雖然已沒有他
真摯的希望她, 好好的.
(iv)
25-3-2020
看完第三集.
我的感覺是更加絕望, 對於有生之年溝到女呢件事.
我睇到媽媽聲.
李生把benchmark 定得太高了!!! 溫文爾雅, 冷靜睿智, 依家仲要打得.
啲中女港女視為底線, 我注定冇運行.
(v)
26-4-2020
靚仔又準備拯救世界, 有冇再屈機啲.
金高銀原來好矮.
不過才能相襯吧.
諗下, 如果佢生得高, 被抱上馬時, 便不是standardized 的依偎在男人胸膛的畫面,
而是未戒奶的男人臉貼在個女漢子後面, 拎住馬疆, 但望吾到前面!!
撞鬼囉, 收視跌到仆街都似.
同埋, 佢都要瘦.
諗下, 金高銀如果重超過110磅, 坐上馬, 再加個大男人...
隻馬即時斷腰!!
(所以, 女人吾夠梁詠琪高, 就吾好超過110 磅,吾係白馬王子兼隻馬都頂吾順. 皇帝臂力再好, 都托吾起胖嘟嘟上馬呀....)
現在開了懸題是, 兩個世界點樣傳遞訊息, 親王可以從書裡得知原世界的訊息.
兩個世界出出入入會令世界短暫停止的啊.
其二是, 有一幕, 影和民國裡的佢, 痛楚感覺是可以相互影響的. 世界大亂, 所以才需要皇帝拯救世界吧.
吾使解, 民國世界裡的皇叔應死梗, 隊冧埋帝國世界那個.
第三是, 點解親王吾殺左那個女人, 難道是當年被皇帝弟弟搶了的女人?
(vi)
27-4-2020
原來, 我的前妻?! 李寶英現在有新劇上演.
41 歲失婚女的愛情故事, 吾知好吾好睇呢?
聽見你的聲音後, 都沒怎再認真追過前妻的劇了...因為劇本太悶或太爛了.
不過, 我前妻現在還是很漂亮呀...
點解當初我會移情別戀呢? 李寶英仲keep 得好好呀.
我係咪應該舊情復熾呢?
我其實都好有潛質出軌有外遇...
如果我鍾意的人結過婚, 又離婚, 現在又有一個小朋友, 我會吾會仲鍾意她呢?
應該會的.
男主角, 只記得是全度妍那個good wife 裡的仆街丈夫.
PS. 我現任老婆?! 仲係孫藝真, 雖然迫降裡, 套戲其實邏輯都幾咩吓.
btw , 我依家女朋友已換了, 不再是朴敏英. 我回復Married but Available. (太難辨認了, P 圖 太過火了, 我吾想再數佢有幾多副下巴, 成個劇得佢P , 所以很礙眼...都吾係對我真心的?!!!!)
沒有留言:
張貼留言