9-2-2019
過年後, 開始見有劇團票房開售.
其中一個劇團標榜重演是 "自我審查版".
我看到後, 第一個反應是, "咩事呀, 係咪冇橋sell 個戲, 定個戲質素衰到冇朋友, 所以要咁sell?"
一點也不有趣吸引, 我只覺得低俗當噱頭.
周星馳電影在97 回歸前, 或電影表姐你好野系列, 惡搞香港回歸後的光景, 當時覺得好笑, 好奇有趣, 因為覺得不真實, 想像不到會發生.
現在, 已不好笑, 因為已變成真, 甚至猶有過之.
所以, 若sell 自我審查版, 那並不是有趣和吸引的噱頭.
我是不明白那劇團的人的出發點和想法.
看看演出場地, 是一個屋苑的一樓, 發展商是恒X.
按常理, 除非吾合成本效益啫, 物業管理都應是恒X 的人, 水過手濕...
若有心搞事, 係咪應send 信去物業管理公司, 詰問"你地係對租客/用戶係咪有演出審查, 所以個劇團先會咁搞?"
李XX 那些有錢佬當然不會有空理會, 但你估下面啲人會怎處理呢?
咪真係審查你囉...下次吾撚租俾你囉...求仁得仁囉...
佢地打工啫...你地咁想出位...佢地好難做架.
上面求其問一句, 就算冇野都好, 佢地都會諗點拆, 吾好下次俾上面又問過.
劇團的人幾時先會成熟一點?
社會係有審查, 也越來越明顯, 但也沒必要有事冇事拿出來做噱頭, 製造令自己的活動空間收窄的機會.
咁同班政治低B , 宣誓玩野, 俾牌人地上, 執正嚟做玩死你, 有乜分別.
算啦, 見佢地咁宣傳, 除非有特殊理由, 吾係真係沒興趣睇, 吾係我睇, 就吾好係到嘈.
雖然好方便, 長沙灣地鐵站一出, 行兩個街口就係.
年青劇場人是不是不可以正正經經, 認真嚴謹扎實地地做一齣戲, 以此做出成績口碑, 像陳曙曦, 李國威, 陳麗珠, 潘惠森咁, 佢地只能靠販賣噱頭去賣票?
正如, "香港人要支持香港電影"這種宣傳手法, 可以包裝到多少次爛片製作吸引人入場?
-----------
沒有入場看電影" 你咪理....".
不過面書有篇石琪寫的影評, 說電影故事散修修.
我沒有看內文解釋觀點, 但仍想反白眼.
劇本本身係咁架喎...你話佢改篇得差, 拍攝手法低俗爛, 我都冇意見, 但故事散修修...
咩事呀...
(ii)
16-2-2019
現在才留意到, Follies 和The West Side Story 是同一條友作曲作詞.
嗯, 即時對陣間看的音樂劇冇曬期望.
近來本地都有Stephen Sondheim 的音樂劇上演. The Company 單身友乜乜.
本想看下張國穎...
都係算...
雖是單身, A0, 但對這題材興趣了了.
(iii)
16-2-2019
收回入場前對Follies 的觀感.
看完後, 會說這是one of the best muscial ever seen.
我若在現場看, 我也會給演員們standing ovation.
給那些老演員們.
Age Gracefully.
這是我對這劇的感覺... casting 超級勁.
劇團居然搵到那麼多年紀大但好堅又唱得的人演.
很多角色的演員都比劇本設定的年紀為大, 至少外表上.
演過百場喎...演演下吾死, 已好難得...仲要場場咁energetic 地唱.
不少pastiche 的場口 , 不遜給年輕人的一幕, 令人看得嘩一聲.
例如兩公婆表演跳舞一段, 或幾個女人一齊重跳當年的舞, 和年輕的自己同場, 舞姿當然冇年輕時咁勁, 但享受, 仍然投入地跳, 怎不感動.
( 英文差, 開場時訪問成口pastiche 都吾知乜鬼, 查查字典才知一角多人分飾的意思)
https://en.wikipedia.org/wiki/Pastiche
演員casting 本身已告訴觀眾甚麼是age gracefully.
草草看了一些youtube, costume, pastiche 都差很多, 甚至省去pastiche. 譬如who's that woman, 有冇pastiche , 感覺便差很遠很遠.
現在的版本顯得vivid得多.
真的要多謝有NT live 製作成電影, 吾係都回吾到本, financially 不可行.
這個音樂劇首演, 真係蝕仆街架, 維基說.
所以...Hamilton 有幾勁呢? 那一年, 頒獎禮撼贏了Follies.
自己一向麻麻地音樂劇, 故事很多都吾得, Westside story , 哥哥俾情人殺左之後, 當晚就同佢上床...X佢老味...都痴九線...我以為自己睇蘋果動新聞...
由其是 Andrew lloyd Webber 果啲更傾向負面, cats , evita 都覺得不精采. 得一兩首歌得...仲要係得果首旋律一首兩用...懶到死...
雖然多人話好睇...有中女港女問我, 我都話classic.
唓...短暫的婚姻個個都吹到好睇, 明星出來受訪問咪又係得一句" 再長的婚姻也是短暫的", 好似睇得明, 識得睇, 覺得套劇做好睇咁...叫佢地講多句咪又露底...根本導得不好, 但首演有編劇在旁都搞成咁, 咁只可以話係編劇意思, 你吹佢吾脹...
想不到自己鍾意的這一段居然在頒獎禮上重演.
I'm still here.
吾止唱得, 也演得好.
https://www.youtube.com/watch?v=HG1hJIJ4rog&list=RDHG1hJIJ4rog&start_radio=1
演Heidi 唱One More Kiss 的 Josephine Barstow, 當年已70有5 , 真係好堅, 大半生都在唱歌劇吾係流的.
看番演員casting 背景, 個個都好鬼堅...呢啲應是叫劇場文化的底蘊, 香港沒有那麼多不同年紀層面的實力級演員.
Philip Quast 聽都未聽過, 演Ben 那一位, 原來拿Laurence Oliver 的演員獎次數, 拍得住Ian McKellan.
https://en.wikipedia.org/wiki/Follies#2017_London_revival
(iv)
20-2-2019
究竟莊梅岩今年會有幾多佢翻譯/ 創作的劇本演出呢?
https://www.art-mate.net/doc/52963?name=%E3%80%8A5%E6%9C%8835%E6%97%A5%E3%80%8B
一睇劇名, 就知講六四啦, 連內文的故事簡介吾使.
呢啲咪叫品味囉... 吾好學啲後生仔郁啲就用 " 自我審查" 作宣傳噱頭.
人地講六四, 都吾sell 自我審查, 低氣壓下的可能最後一次演出啦.
好彩買飛前" 幫朕 check 下先啫" , 原來星期六場次, 我會撞另一齣劇.
--------------
呢個近來做網上宣傳谷得幾行.
好似見鬼咁, 日日 IG 見, FB 又見, 好多sponsor post.
如無意外, 應該會睇.
劇本吾係合格架喎, 冇起承轉合...etc ( 其實佢啲劇本已好耐冇合格過啦, 吾計和林奕華果啲, 佢跟風車草果啲咪係不合格的樣版囉...係吾係都塞個"鬼魂" 元素去填滿個故事/演出時間)
係架, 首演也太多gag 去充撐時間, 其實我要睇笑話, 想笑, 自己會識去睇咸網啦...
(見面十秒就拍拍拍...無啦啦條女倒緊垃圾又拍拍拍...條女啱啱死左老公, 成為遺孀又拍拍拍...做地產經紀帶客睇樓...去到廚房又拍拍拍...賣保險金融產品都拍拍拍...)
但我吾係會員!!!!
悲!!!!!!!!!!!!!!!!!!!!!!!!!!!!!!!
但至少, 我覺得佢做到舞台劇 (應該叫performance 比較貼切), 最基本的野, 想跟觀眾溝通和分享.
劇本最好吾好差, 但我更吾接受扮曬野地去 "玩野" /靠噱頭的演出.
(v)
21-2-2019
第二十八屆香港舞台劇獎 提名名單
1-最佳製作
冇意見.
《好日子》香港話劇團 監製：梁子麒
《新聞小花的告白》風車草劇團 監製：湯駿業
《羅生門》中英劇團 監製：李淑君
2.最佳導演 (悲劇 / 正劇)
我估方.
陳的劇本比較削.
沒看過黃和盧, 但以前看過盧導的作品, 強差人意.
方俊杰 《好日子》香港話劇團
陳曙曦 《新聞小花的告白》風車草劇團
黃龍斌 《羅生門》中英劇團
盧智燊 《解憂雜貨店》中英劇團
3. 最佳導演 (喜劇 / 鬧劇)
我猜是王.
黃的, 沒看過.
鄧的, 只覺得一般, 感覺有一些不清晰的地方.
陳若拿獎, 一定係佢退休, 俾佢拿尾彩... 但若佢因為攞獎而退休, 是劇界之幸吧, 話劇團每年都吾使再徒錢去做好難看的劇!
王俊豪 《教父阿塗》天邊外劇場
陳敢權 《盛宴》香港話劇團
黃俊達 《爸爸》綠葉劇團
鄧偉傑 《她媽的葬禮》PROJECT ROUNDABOUT
4. 最佳劇本
我估鄭, 是三個裡最完整的一個.
郭, 我一早在看重演時, 貼佢有提名的啦, 我的眼睛是雪亮的!!!!!!
當然, 若是舊版, 我仍會媽媽聲. 我真係第一次看舞台劇, 會遇上植入式廣告, 叫人去看好人不義 (所以至今仍不會去看) , 玩野玩到咁, just for fun , 令人無語. 若寫劇本只能演一次, 那次演出便是一件快速消費品, 作為編劇, 會甘心嗎? 十年後, 邊鬼個會知那些政治金句, 植入式廣告? 叫後來的導演怎導? 吾知呢條友幾時吾好亂咁玩野? 近來看佢啲劇本又玩" 自我審查版" , 吹到咁大, 反而令自己沒動力去看.
黃, 同樓上的劇本一樣, 都是廣播劇.
郭永康 《原則》(2018新版)香港話劇團
黃國鉅 《新聞小花的告白》風車草劇團
鄭國偉 《好日子》香港話劇團
5. 最佳男主角 (悲劇 / 正劇)
我估, 吳會拿獎, 雖然沒看過, 但印象中佢有演技的.
高的演出, 可發揮空間一般, 不覺得很印象深刻.
盧? 吾係呀嘛? 佢導都未導得掂.
吳家良 《初三》香港話劇團
高翰文 《原則》(2018新版)香港話劇團
盧智燊 《羅生門》中英劇團
6. 最佳男主角 (喜劇 / 鬧劇)
我估辛.
朱, 很早很早以前看過一次, 所以要拿, 應是當時拿, 雖然演出確不錯.
陳導的, 演員會演得好?
朱栢康 《拚死為出位》(三度公演) 同流
辛偉強 《公司感謝你》香港話劇團
周志輝 《盛宴》 香港話劇團
7. 最佳女主角 (悲劇 / 正劇)
郭/ 黃, 我估黃多.
韋, 有點流水式, 可能是劇本的緣故.
胡, 陸未看過.
胡麗英 《羅生門》中英劇團
韋羅莎 《新聞小花的告白》風車草劇團
陸嘉琪 《兒欺》香港演藝學院戲劇學院
郭靜雯 《好日子》香港話劇團
黃慧慈 《好日子》香港話劇團
8. 最佳女主角 (喜劇 / 鬧劇)
邵, 因為冇乜好揀.
關, 普通啦, 雖然層次比起電視台時好上好多.
黃, 乜佢個劇需要演技架咩? 佢演自己, 分享生產經驗的talk show , 爛gag 分享會咋喎, 有戲演架咩?
邵美君 《攬炒愛情狂》風車草劇團
黃詠詩 《胎Story》詩人黑盒劇場
關寶慧 《她媽的葬禮》PROJECT ROUNDABOUT
9. 最佳男配角 (悲劇 / 正劇)
我估劉, 佢的演出的確是有印象的, 特別是新版劇本, 俾佢做埋說書人的角色.
吳, 撞鬼咩, 一次過去貼佢拿男主角+ 男配角.
辛, 和高翰文的理由相同, 角色發揮不是很多, 雖然, 佢演出很恰當.
吳家良 《好人不義》香港話劇團
辛偉強 《原則》(2018新版)香港話劇團
劉守正 《親愛的，胡雪巖》(2018新版) 香港話劇團
10. 最佳男配角 (喜劇 / 鬧劇)
我估袁, 佢的演出的確令人深刻.
其他的, 不是有很深印象.
莫家堯 《她媽的葬禮》PROJECT ROUNDABOUT
袁富華 《攬炒愛情狂》風車草劇團
彭鎮南 《她媽的葬禮》PROJECT ROUNDABOUT
盧嘉能 《公司感謝你》香港話劇團
11. 最佳女配角 (悲劇 / 正劇)
沒意見.
文瑞興 《好人不義》香港話劇團
文瑞興 《好日子》香港話劇團
黃雪燁 《原則》(2018新版)香港話劇團
12. 最佳女配角 (喜劇 / 鬧劇)
我估陳.
伍, 大概記得佢的角色, 但不是深刻.
陸, 印象有點模糊, 好像大波女秘書之類.
伍潔茵 《她媽的葬禮》PROJECT ROUNDABOUT
陸昕 《攬炒愛情狂》風車草劇團
陳煦莉 《公司感謝你》香港話劇團
13. 最佳舞台設計
我估, 胡雪巖, 自己挺喜歡這版本相對的簡潔, 但又保留了盆栽的擺設和鐵壁.
王健偉 《解憂雜貨店》中英劇團
王健偉 《親愛的，胡雪巖》(2018新版) 香港話劇團
阮漢威 《羅生門》中英劇團
其他的獎項, 沒意見.
