10-5-2018
作為毒L ，也算弱勢族群。
看到這個基金撥款，當中有這個和戲劇有關的項目。
不會評論成效、可行性和回報。計得到精確、賺到大錢、低風險，晨早有其他人做到，大把創投基金科水；扔錢落咸水海才是正常。
我只會想，若也開發一個戲劇創投項目，醫治毒L ，我作為用家，有甚麼要求呢？
一定係VR、仲要主觀視覺!?
在那個虛域內，我要排演一場又一場的戲，提升社交待人接物的能力。
劇目一定要有我很喜歡的Skylight，虛擬女主角係法拉。
排演的是中場休息那段戲。
中場休息邊有戲呀？
有，只是戲本暗示，但省略了詳細情況啫。
現在正好用VR補完，由我體驗跟女主角在中場休息時做了甚麼事。
透過反覆嘗試和變化花式，咁樣除了有助理解劇本，也對導演的作用加深了解。
我估，研發出來後，大把毒L 早午晚都去接受治療！usage rate 一定勁高！
但，真係有咁理想嗎？
若劇本只有Esquu ，我咪要同隻...
灰...
(ii)
13-5-2018
條友, 鏟得不無道理.
當初我看完後的感覺是甚麼呢?
"劇本很raw, 但感受到佢地想和觀眾溝通的誠意."
看到有留言和風車草, W 比較.
係似的...
若舞台上三個人變成梁生, 湯生, 邵小姐...話係佢地劇團做, 都不會有人懷疑.
黃生仲係行政和宣傳顧問呢...
只是感覺今次沒有比夏風夜涼咁造作, 感覺到溝通的誠意...
所以才積番啲口德咁解.
我冇話做得好睇, 我有睇表, 等時間過架.
即係, 我都有點不耐煩架.
謝幕時, 看到佢地話三人創作, jam 啲戲出來...
um...作為觀眾會即時彈出" 紅色的天空" , " 暗戀桃花源".
咁...好吾厚道啫...用經典比較.
不過, 我覺得, 若要jam 戲, jam 出成績.
成班人, 要好勁, 腦裡面有好多好多野可以攞出來, 先有野可以jam, 互相刺激.
大家都是咁樣樣, 海軍鬥水兵, 又可以jam 出乜野成績呢?
所以見到, 佢地三個人拎咩出來, 就知佢地在戲劇的喜好, 對戲場的認識是去到邊個水平.
所以, 咪好W 囉. 佢地之前都是演W 之嘛.
以為劇場創作就係咁...
好出奇呀...
都是陳法拉好, 又靚又肯深造.
文本編作是順風送水那條友...個人履歷又添一分負數.
有冇覺得呢, 那個舞台的set , 好似吾知邊到見過, 似 W, 風車草 feel?
我有點以為用舊有物資省錢.
但設計師卻是另一人喎...
他們又說, 話搞到導演很頭痕...都係既, 巧婦難為無米炊.
我只會諗, 導演變左收安家費, 作為代罪羔羊.
結論係, 如果成個演出, 不是包裝成舞台劇, 只是當作綜藝娛樂節目, 不要給錯誤期望, 不錯誤吸引劇場觀眾入場, 只吸引王小姐的die hard fans, 就不會俾人鏟到飛起, 純劇場觀眾怨聲載道.
普通人未睇過傳統的舞台劇, 要講到好白才明, 會覺得佢地三丁友講到咁白, 係好好架.
所以, 成單野, 最衰都係黃生, 做宣傳做錯曬!!
而更深層次的問題係....成個project 亂七八糟, 賣飛預售之前, 都未有final 的劇本, 表演形式.
宣傳都難做啊...點宣傳呀...吾賣樣賣明星, 難道賣誠意呀...幾錢斤呀?
即係, 香港劇場製作的生態問題啊...可能冇資源, 又或者趕工, 只求有野, 而不求精緻雕琢.
你估陳敢權啲戲咩...連戲本都未有, 已可催谷宣傳為鬧劇!!
若佢地re union, 開個音樂會仲好.
不過, 話時話, 舞台劇是甚麼呢?
是不是一定有特定的form 和模式?
要有幾大的心胸去接納嘗試?
(iii)
13-5-2018
是日好讀.
鏟戲固然過癮, 有渲洩作用.
不過, 看這些名言智慧, 也有助提升自己的水平.
http://www.glt.org.tw/download/GLT-news-letter-pdf/GLT%20NO.41.pdf
(iv)
13-5-2018
昨看了特洛伊女人.
由於開場前最後一兩分鐘才閃入場的關係, 我係完全吾知演出的背景.
近來也忙, 沒時間做入場前功課.
我只知四個字 "鈴木忠志".
乜演出原來個零鐘咁短架咋...
我搭船來回都吾止, 船票仲貴過張飛.
不過, 也看得出很多日本能劇的元素.
看得出, 足法的特別.
https://zh.wikipedia.org/wiki/%E8%83%BD%E5%89%A7
主要演員變換角色的簡潔利落, 著上除下袍子就是另一個人, 一個翻滾去另一個light spot也變成另一個人.
很基本, 絕不花俏賣弄, 但卻達到效果.
很凝練.
那個女僕被殺後, 滾到神明下...是悲傷中...一點希望安撫吧.
神明...睇睇下就估到的了, 雖然沒有對白.
四十幾年前的資源和條件不夠現在好, 但人地做實驗創作/crossover 卻比今下的認真不少.
若說站在劇場巨人的肩膊上, 本地劇場人做劇場實驗, 便先要有鈴木先生的認真和投入, 吾係就得啖笑.
昨天原來有兩個興趣班同學也去了...
他們說, 鈴木訓練法乜乜乜...我當然不識...
並說演員表情好豐富, 好有力量.
吓...我吾覺面部表情好豐富喎...我只覺得好凝練...氣場好嚴肅...
同埋...能劇吾係戴面具架咩?
舞台劇, 要學要知的東西還多著.
不過, 用來呃啲無知中女, 我係有文化修養, 愛藝術表演, 都應該夠.
下次一齊睇陳敢權呀...
------
同學說, 佢今年"轉班", 多看了舞蹈.
都係既...
來來去去都係咁....要有新得著...唯有看其他類型表演借鏡參考.
我?
還是不會去學演技...不會劇本寫作就是了.
(v)
22-5-2018
係咪真係好睇架?
見不少人都share 呢個post.
天氣好熱喎...吾好睇咪仆街?
(vi)
24-5-2018
塵世間, 最遠的距離不是生與死, 而是你站在我面前, 卻不知我愛你.
講鬼咩...咁老土...依家邊講得出口...
仲講呢啲..咪盞啲女同你講...未到..未到...入左未...
人世間, 訂票最遙遠的距離不是手指和鍵盤,
而是科技盲的我, 諗住試下用恒生網上轉帳, 廢事去櫃員機...
又綠, 又黃, 又收款人帳戶...
好煩...
來到最後一步.
我才知道...
我的e banking 原來未設轉帳金額限度...
所以可轉帳第三方的金額額度...係
零.
零呀...搞左十分鐘.
(vii)
26-5-2018
遇上有心, 但寫得不夠好的劇本, 令舞台劇效果打折扣.
不過, 成套劇, 你只能答, 好睇, 吾好睇.
你會答邊個?
昨晚看的與新聞有關連的舞台劇，其實應叫新聞中女，小花哪會有深刻的體會和內心掙扎。
小花是需要溫室保護，否則便凋零。
劇本以數年前的本地特首選舉為藍本，主線是江湖飯局報道在想像中可影響選情，當中加入很多新聞記者的通識和教育，談及許多知名新聞人的名言和事跡，例如Lara Logan.
https://en.wikipedia.org/wiki/Lara_Logan
從教育和通識角度，資料及內容準備是相當充足，真的似在上課。
不過，我覺得成齣戲是比較直接地說編劇想說的話，是有佢想要講的野，才有那些分場情節，戲的結構, 角色人物, 事件本身, 反而是次要。
是見到編劇的立場和看法。
從劇味來說, 相對平淡, 欠了張力和緊湊.
大概, 是一眾配角不夠鮮明立體, 未能從角色去推論及理順後來的發展.
套路也相似.
例如, 邵小姐第一次"背叛" 羅小姐, 是先懷疑, 爭執, 幾乎反枱, 後來相信, 最終發現真的被出賣.
來到湯生那次, 最後甩底漏報錄音. 也是這樣的情節設計.
還好，沒有第三次。
湯和邵的行為，在之前的分場裡，我看不出伏線。
除了羅小姐想像邵的片段, 以和邵在Cafe相遇, 訴說新聞小花一二三代/同期人變質投敵，提供了線索, 以及羅向湯提到, 現今傳媒老闆被收編/中資資金盤根錯節. (編劇批評新聞小花一二三代, 我覺得有點武斷...雖然趙海珠曾冚過我電話)
雖用錯成語, 但覺得有點這個劇情推進 "理所當然", 特別是"投敵後" 那一位, 又會forward電郵爆料國安法收緊.
邵在大學的最後一課 last day, 我覺得寫得幾難睇.
咩事, 真係上課? 有野講, 吾使咁樣拍video講吧? 邵成個人企直響到, 畫面一轉, 又顯示羅列數據論證....但講台冇電腦投射設備喎...
還有呢, 如果仍想出這個分場, 我覺得應出現於羅在cafe首次見邵之前. 你有沒有留意, 邵在這課上都有提及"唯真至善", 但一開始已說, 佢的想法已變了....
如果呢幕出先過cafe 一幕, 咪大家都會知, 羅咁樣俾野邵, 一定有手尾跟, 瀨野收場. 咁樣成套劇會好睇啲.
梁的角色, 又律師, 又政協, 又去到一早已知選舉結果的地位...佢的action倒是可以理解, 是配角裡比較好的一個, 是繼陳生的電視台高層角色之後. 但係...結果....卻令佢和羅的夫妻關係可以sustain到現在, 是有點odds.
btw, 羅和湯的flirt, 是沒必要....若flirt, 應該是湯說照顧羅的下半身, 而不是下半生. 羅的結婚戒指道具是堅的? 我坐得前, 都睇到幾閃下...
夠!!!
同埋...編劇應未試過跑內地新聞. 如看過呂秉權 等跑過內地新聞的名記者訪談...便知佢地對於第一手和機密的新聞資料保護和處理手法好機智, 現在羅電腦被人一搞就....有點吾係咁pro. 工作電腦點可能吾set password.
Rachel 的角色...有點odds, 也演得麻麻, 好明顯冇乜經驗...但謝幕時, 佢地說, 劇內不少角色是後期才加上去, 臨時拉伕挨義氣...所以也不難理解咁樣樣. 佢的服裝設計...也好明顯比其他人差一截...都係主播, 件衫比較削囉.
所以, 搞一個戲之前, 真係要有一個final 的劇本.
效果野嚟.
1) 馬志文當選的配樂, 和location, 我覺得應該有番啲黑暗魔君來臨的感覺比較好.
2) 羅最後一幕吶喊....我覺得氣場可以再intensify 一點.
3) 羅想像中和邵的會面, 梁, 湯, Rachel都出現....projection 可以做好一點...
十七個分場....主要分三個場景...雖已用旋轉舞台換景...但都要等.
所以...節奏不夠一氣呵成....但先天劇本係咁喎...
不過, 雖覺得劇本有不少地方不足...
但試問連呢啲比較認真, 吾係懶到加幾句政治人物金句就當係做了資料搜集的, 有心想反映當下社會及新聞媒體生態的,
若都踩到狗血淋頭...
試問...以後邊個會做呢啲劇, 搞呢啲劇?
梁, 湯, 邵, 都是有心人. 佢地要搵錢, 搞小人國8, 9, 10.....就得啦.
所以, 套劇好吾好睇, 都幾難答.
用最高標準, 當然不夠好, 有不少地方改進.
但若呢啲吾收貨, 吾通真係去睇維穩劇咩.
要評價呢齣劇, 都有啲矛盾.
我好煩, 又吾識睇又係到嘈生曬.
羅小姐應過足戲癮，是其中一個代表作吧，畢竟絕大部份戲份繫在身上，劇情和焦點在佢身上推進。
陳生多頭髮沒留鬚的造型，剛開始時是認不出來，只靠把聲才認到。佢令我想起佢九十年代演出《讓我愛一次》。
魚網內，其實若有林林種種的東西，應更切合劇本，畢竟準備收攏困死的是各種人。
(viii)
26-5-2018
我仆街.
邊個夠我仆街?
我更加仆街...
好老土的雙星報? 對答.
差在沒有膠槌仔.
唔, 我想講乜呢.
話說, 早兩星期去澳門看劇, 因為買不到船飛...所以趕到阿媽都吾認得, 下船後飛奔閃入場.
事後, 同學們說起, 我見到你係全場最後一個閃入嚟呀!!!
嗯, 有點樣衰, 近乎遲到入場被當眾看見.
所以今天過海去看舞蹈.
特意搭六時三的船, 先買飛, 後食飯.
準時來到劇場的感覺良好.
入場後, 看到前排有貴賓留位.
噫, 是興趣班導師個名喎...
正常人係會諗住同佢打招呼social 一番.
但係...佢仲會認得我係老鼠咩....
反正打不成招呼...所以我..只想...
"遲到...遲到...我估佢遲到..."
個位寫埋名...若遲到...咁周圍的人都知呢個叫"李XX" 的人入場遲到!!!
可見我心地係幾咁吾好!
人地又冇得罪我, 只係我遲過, 於是又想人地遲...
可惜, 職業食呢行飯的, 又點會隨便遲到.
講番正經, 導師精神不錯.
其實知道佢近況係咁, 我是高興的.
(viii)
27-5-2018
看了不過不失的Evita.
散場後, 朝金鐘方向過天橋, 在金鐘搭地鐵.
原來地盤工程已竣工.
在金鐘搭地鐵, 是行遠過在灣仔搭地鐵少少.
是幾好行的.
也只過一條馬路, 沿途是公園, 燈火光猛, 警察總部在隔離, 理論上也安全的.
散場後, 行一會公園, 是舒服過穿過喧鬧的酒吧街去地鐵站.
是呢, 看完劇, 有時候想要一個沉澱的安靜時刻, 就好似吃完飯要吃甜品一樣.
近來, 好多人在吃榴槤, 應是在當造的季節.
(ix)
29-5-2018
邊個會估到關小姐係APA 畢業?
曾拍三級片....
未睇過...
吾知佢有冇露啦...
就算露 , 講真, 冇乜野.
當年的尺度和現在比...簡直係小兒科.
你現在同人講去睇三級片, 會擔心, 會好驚青, 只會俾人藐, 當白痴.
其實, 現在的電影尺度都有點那個矯枉過正.
況且...都係睇紅吾紅啫...
紅的話, 如湯唯...露得多過佢, 咪又冇事...
吾紅, 就會有閒言閒語.
https://zh.wikipedia.org/wiki/%E9%97%9C%E5%AF%B6%E6%85%A7
----------
話時話, 看Evita 時會想到, 編劇和當時社會是幾瞧不起靠男人上位的女人.
覺得女人換男人換太多, 是放蕩, 好似一生人只見過一副dodo 才是恰當咁.
如果人人生來的上游條件一樣, 邊個想靠男人上床, 去換取機會.
和演員一樣, 別人都都係睇你紅吾紅, 有冇錢啫....
乜有人夠薑講內地那位咩.
我係咪好無聊呢...睇Evita 睇到當時編劇和社會的沙文主義.
隨著年紀漸長, 覺得女人有正常交往, 或者甩拖時食下散餐.
若三十歲打後, 計埋計埋, 曾有過十幾個, 或者廿個男伴.
是很平常的事.
(x)
30-5-2018
區生的評論, 其實好睇過石琪.
印象最深的一幕，乃新聞系老師一路談新聞原則，一路在桌上砌積木，建構一個不知什麼堡壘的東西；一幕終結，桌上原來墊着一張網，網拉起，積木砌成的建築崩塌，破碎的積木被那張網吊到高處，懸於半空，良久。佢講中了點解我當時覺得魚網內應有林林種種野的原因, 但當時又講不出重點.
這張網，何止存在於新聞界，也在出版界、學術界、教育界、甚至法律界。權力的羅網，一路編織，甚或已準備就緒；一聲令下，你所珍重的價值、你一直相信的原則，隨時被吊高，被摧毀，分崩離析。
話時話, 開始覺得導演似乎幾鍾意在文本對白的限制以內, 加插佢想講的野.
例如大汗推拿的倒三角型斜面舞台, 單車, 投影...令成個故事變了樣...令有些人不喜歡.
今次就有魚網疊砌價值和信念...
如果, 可以再自然點鋪排出現這一幕, 例如加一段邵不滿社會現況, 講出佢的理念, 甚至是先有last day那一幕, 那會更好.
好多人對呢個劇讚好, 很喜歡,
所以, 我是很刻薄, 吹毛求疵的.
https://hk.thenewslens.com/article/96706
