22-5-2018
討厭政治的我, 近來最愛看這些.
俾十幾萬復合...
似乎好抵喎...
若找到終身伴侶, 抵俾啦...
若真係 80%得, 我都肯架俾14萬架.
不過, 當初搞成咁, 總有些不可改變的理由.
就是緣盡吧, 那不是用錢可以解決.
https://japhub.com/?c=7476
------------
條友真係冇呃佢喎...
吾係導演, 又點可以呃到八年, 成千四萬.
條友簡直係超有才華, 可橫掃Tony, DramaDesk, Olivier...
試問香港邊個劇場導演, 可以集導/編/演於一身, 呃到一個中女千四萬.
香港冇一個劇場導演咁勁囉.
財經界有米中女..俾人呃咁多錢.
所以呢...
各位中女姐妹們....
你地真係要識睇舞台劇.
舞台劇, 係中女的究極防狼術!!!!
識睇舞台劇的中女, 原來身上有隱藏資產 1400萬咁多架 !!!
所以, 難怪識睇舞台劇的中女, 是我很喜歡很喜歡的type.
原來我咁貪錢既.
我的不軌企圖, 難怪, 在當年被她一早一眼就看穿.
唉...幾時有導演興趣班高階班?
我要持續進修, 不要讓中女咁易睇穿.
https://hk.news.appledaily.com/breaking/realtime/article/20180521/58221382
(ii)
22-5-2018
有姐妹的好處是, 如果佢地都屬正常, 那麼大家便可分擔照顧家中老人的壓力.
一個人, 係冇可能扶著一個不停瓜瓜嘈+不願受控+以為醫院佢開的老人, 一袋二袋去醫院看病.
挨了兩日, 明天選擇不探望, 輪流分工, 後天如有才去.
該不會, 明天便出院吧.
如果佢住多幾天就好了...
那麼早回家...天氣那麼熱, 咪盞夾硬亂煮亂食野.
真的好乞人憎, 又吾係吾俾錢佢外賣, 硬係要污糟地自行煮食.
嗯...我不是好人, 如上post 提到, 我寧願係不孝仆街仔.
說出陰暗的想法, 像說國王驢耳朵秘密, 心情和壓力得到調節.
(iii)
23-5-2018
無心工作的一天.
收巿後, 決定去大學cafe, 來一次告別.
今周五就是它的last day 了.
我不在圖書館的自閉位, 就在去cafe 的路上.
坐在這裡這位置這角度, 吃著那時候常吃的下午茶餐.
懷舊.
我究竟坐在這裡跟誰吃過下午茶呢?
Courtney...大學時我第一個發姣對象.
Yvonne...經濟系同級第一美女...佢知我曾暗戀過佢....並覺得好平常好合理.
Michelle...我曾經很喜歡, 但追吾到的人....
曾坐對面...被微風吹起飄逸的長髮...
我讀三年大學啫...
咁平均年年都會換一個暗戀對象.
我以前都幾睇得開架喎.
怎似現在...想不開, 用了幾年才平復心情.
還是, 見過許多世面後, 知道自己最想跟那類人一起, 而遇見最令人心動的女人, 恰恰是她?
算吧, 不要深究...反正多想無用...大把人有200萬yen 去日本找重建關係顧問.
不要以為我為了單思, 不斷懷舊.
只是花了五分鐘吧.
今天, 我更多的時間坐在這裡, 這個角度,
去看那些年, 吃茶餐的位置.
回望自己.
從前的自己很軟弱, 不夠堅強, 也容易放棄.
不扯到那麼遠, 幾年前,甚至大半年前, 我仍是這樣子.
現在, 我沒準備好下跳出來嘗試, 比以前勇敢, 也魯莾.
不過, 卻覺得現在在過一直想要過的生活.
雖然很不容易, 不保證有成果.
怎都好, 要成為更好的自己 , better me.
在check in 的時候, 有一個選項是"偷情小徑" , 大概是後方的私家車路吧.
聽說, 中大的李慧珍cafe 也快關門了.
不知如果在那裡check in，會不會彈出 "打茄輪, 脷疊脷"?
我總覺得, 中大人那時候若拍拖, 怎都試過在荷花池邊欄杆, 月夜下咀過,摟過, 互摸過...
能夠和中大工商管理系一年級女學生, 月夜下荷花池畔談情.
"伯伯...你諗多左喇...中大係一個好適合拍拖的地方,可以去ELB/ Lady Shaw的天台; 有啲路徑只夠兩個人並排行, 一男一女膊頭碰吓碰下, 就碰出愛火花, 吾使一定去荷花池架"
沒有留言:
張貼留言